رواية هو لا يشبههم الفصل السادس والعشرون بقلم تبارك الوائلي
أنا لستُ بخير
فهل بإمكانك أن تحبني اليوم اكثر..🖤🦋
جمانه : مرت الايام __
وسمعنه ام دينا راجعه من السويد وراحن انهار وخالتهم وبت خالتهم زايراتها بالبيت وحاجيلها
كل شي وايهم كل كم يوم يروح يزور خواله لان احنه نفس الفرع نازلين بينه 3 بيوت يروح يسلم على خالته ويلكوها فرصه خصه خالته اليمنه حيل متحبني ولا اطيقني
طلعت للصيدليه ايهم بالدوام ورحت اجيب علاج الامير افلاونزه وفتت اني وطارق من بابهم وصارت اتبسمر بيه واذب حجي عليه غلست ومرديتها بس رجعت مقهوره من وراها من اجه ايهم وشافني ضايجه سال نور و حجتله على خالته
متحمل راح وحجه ويا خالته .
(في بيت خالت أيهم )
أيهم : خاله السويتي ماقبل بي ممنوع واحد ياذيها
هاي مرتي كرامت جمانه من كرامتي ماقبل احد يجيب طاريها .
:- ولك يمه أيهم فرت راسك هل ارمله ام الزعاطيط .
أيهم : خاله انتِ مره جبيره عيب هل حجي حتى اذا بت اختج مو ادميه اشلون يعني ، و ثقي بالله مارجعها بعد لو تموت .
:- هسه لو ماخذ غيرها ما اضوج لو ماخذ بت خالتك مانهضمت والله بس اله بت عمتك والك يمه عمر عماتك ماعترفن يوم باامك ابد ولا يوم سالن عليكم .
:- لا أيهم خلي احجي سمعي خالته مالكم دخل باخويه بعد بت اختج وحده متستحي ولاعبه لعب وطلكها هسه ارتاحيتي .
أيهم : انهارررر كافي وسدي حلكج .
:- مو بزعت منهم جلبت خالتك بالسالفه ،
:- ها هسه بزعتي مو رحتي ويانه عليها اشوفي لو لواكه اجيتي .
انهار: وعليمن عيني لواكه اني رحت متقصده اوصللها خبر اخويه بخير ومرتاح وكاعد وهي بالبيوت تفتر هذا الي خلاني اروح عليها .
أيهم : امشي اطلعي كدامي انهار يله .
:- والله وكت زعلتو من كلامي واني الي ياا وياما صرفت عليكم بس مع الاسف عليكم طلعتو ناكرين الجميل .
انهار: يا معروف وجميل التحجيين عنه شو امي تعبت وربت جهالج وسوتلج اكثر .
أيهم : اطلعي ليش حجيتي سالفه امل متكدرين تسكتين وصمين حلكج .
انهار: وعليمن اسكت مو بزعتنه خالتك بهل سالفه ذيج تتبجبج الها وهاي مصدكه بيها خلي يعرفون احسن .
:- لا انهار ماريد احد يعرف انهار سمعت بناتي هاي .
:- يله سكتنه وين رايح .
:- راح اروح لسوك .
جمانه : اندك الباب و طبت عليه انهار وحجتلي كل حرف دار بينهم وراحت لبيتها واني بقيت خايفه من هل سالفه لان كلما اكول خلصت ترجع تنفتح .
مرت الايام
ايهم صار ميقبل اروح ابات يم اهلي ابد يكول تعودت عليج وعلى الجهال وكوه قنعته اروح ابقى للعصر رحت لاهلي امي كالت صالح، مخابر على بيت خالتج وراح ترجع كواكب فرحت من كلبي من سمعت راح ترجع كواكب هل ايام .
حسيت بنص الليل على صوت المبايل مالته يدك ايهم نايم تعبان باوعت رقم غريب ياربي منو بهيج.
وقت يتصل اخر شي كلت خطيه اكعده هو حس
وكعد فتح خط .
:- الو منو .... هلو ام ايهم
.......
:- الحمدلله بخير ......
هسه بيش الساعه.
جمانه : بل 2 .
:- بربج داكه عليه بهل وقت .
.....
:- اي والله جنت بالدوام منو اني .....
خير منو ابن اختج يا سجن هو ماشي باجر اخابر واسالج عليه لا مو هسه الله وياج .
جمانه : خير ايهم منو ؟
أيهم : استغفرلله هاي وكته كعدتني حبيبتي جيبيلي ماي فدوه اريد اشرب جكاره بعد شينيمني وماحب اشرب جكاره على الريك .
حضني ويلعب بشعري بايد ويشرب جكارته بايد
كال .
:- جانت تحبني قبل هيه اكبر مني بسنتين بس اني ماردتها وشكد حاولت ويايه علاقه وهيج شغلات بس ماقبلت اني وكلتلها مافيدج اني و زوجوها اهلها وخلفت ولد وسمته على اسمي ايهم .
:- ها زين والله اكول تكول ام ايهم .
:- اي والله اني شعليه هيه سمت ابنها على اسمي وبعدين قبل زواجي الاول جمانه ومره خابرتني وهيه على ذمت زوجها وحاولت وياي وكتلها عيب انتِ مزوجه بعد لدكين عليه رزلتها رزاله زينه
و العام سمعت بيها اطلكت وهم كالولي عليها
بيت خالتي حتى ازوجها ورفضت
:- همممم يعني جانت تحبك .
:- أي ومن سمعت راح ازوج خابرتني قبل عرسنه
بكم يوم وكالت سمعت راح تزوج ارمله اخوك وعدها 4 جهال اني عندي بس 1 وماقبلت بيه كلتلها اني وياج منتراهم والله عاد ضاجت وكالت لعد بت عمتك تتراهم وياها الارمله ام الجهال هم رجعت رزلتها وراحت
:- وهسه هم تذكرت ودكت عليك انت شعليك بيهم .
:- سمعتيها شتريد ليش ضجتي يا عمري اني نايم بحضنج وهيه دكت عليه .
:- شعليه ايهم بعد لتنطيها مجال زين .
:- صار ادللي حبيبتي فديت التغار عليه زين يجوز معوزه حنان بهيج وقت ودكت خطيه خلي اشوفها .
:- اييييييهم .
:- تعالي تروحلج فدوه هم زين صحتنه تعالي وووووووو
ومرت ايامنه مثل العسل و بده يصير عندي دوخه ولعبان نفس شكيت بنفسي وفعلا جبت اختبار بالبيت و طلعت حامل فرحت فرح عبالك اول حمل اليه وطبعا ما احجي رده فعل ايهم حيل فرح من عرف حامل وزادت اتصالاته من يروح للدوام كلساع يتصل يطمان
ويوصيني ادير بالي على نفسي ويسده
هيه سمعت صوتي وكعدت تغلط وتجاوز وكالت .
امل : امشي حيوانه بواكه بكتي رجلي أبو بناتي لج انتِ وحده ..... و...... يا ......
اني هم متحملت وصيحت وعيطت ما احس
غير اله أيهم شمر مبايله الثاني عليه متقصد يسكتني نضربت بصدري شاغت روحي ونهضمت
اجه اخذ المبايل ورد عليها وكال .
أيهم : كافي امل كتلج اني راح ادز سياره الدينا تاخذها منج باجر وراح اجيب مبايل الها واتواصل وياها بعد ماله داعي دكين عليه انتِ .
امل " زين وليش عيني اني ماقبل اجيب مبايل الها بعدها صغيره .
سدا بوجها واني كعدت ابجي واشهك لان شمر المبايل عليه اجه كعد كبالي وكال .
:- استغفر الله ياربي لج بااااابا اني ماريدج تنزلين المستواها الوسخ واشرت الج جمانه ماسكتي سكتي ماحترمتيني واني مو قصدي شمرته عليج ردتج تسكتين ومتردين عليها .
:- وليش اسكت ها كلي ايهم اني خلصت عشره سنوات من عمري واني ساكته شستفاديت عذرني
السالفه من تصير بيها خراب بيتي ماسكت ابد وهيه هم تجاوزت عليه بكلامها شتريد ابقه ساكته .
:- لا عيني متسكتين اني اعرف حضي هسه فتحتي
عينج وطلع السانج على حضي وصرتي مسكتين والج جمانه اني اكثر شي اكرها بحياتي هو الصوت العالي والمره الي متسكت .
:- أيهم بس هيه تستاهل كلشي كلته عليها .
أيهم : امووووت على الزعلان اني .
اجه حضني وصار يهمس كلام حلو كتله .
:- وخر ايهم دااسوي عشه .
:- هسه شمسوي اني كليلي .
:- لا انت فقير حيل .
:- صدك والله فقير اني .
ضل يتحارش بيه ويحاول يرضني واني بعدني ضايجه منه راح يسبح واني كملت العشه وديته للصاله وكلت .
:- تعال تعشه .
:- ها هيج صارت .
:- اي لتحجي ويايه بعد .
:- لان اني اجيت متريدين مو .
:- لا .
:- هسه متجين جمانه .
:- لا .
رحت للمطبخ و صحت على نور .
:- تعالي نور ماما اخذي الكلاصات وديهن .
:- اي ماما .
اجه يمي كتله .
:- روح تعشه .
:- وانتِ .
:- ماريد .
:- تعالي جمانه ولتعاندين من اصيحج تعالي .
:- هاي عقوبه الج من اصيحج لتعاندين زين .
:- اخخخخ ليش هيج ايهم .
:- تستاهلين هاي عقوبه .
متحملت راسا بجيت اجه كال .
:- اشبيج ياعمري اسف واعتذر والله مو قصدي
بس ماىيدج تنزلين لهيج مستوه وياها بعد لان هيه متستحي وانتِ مو هيج جمانه .
:- ماريدها تحجي وياك أيهم .
ضحك وكال .
:- صار بس امشي ، حبيبتي خلي نتعشه سوه .
رحنه تعشينه وكل اشويه يوكلني ويب...و...سني كدام الجهال عادي عنده .
مر يومين
كاعدين ودكت امل عليه .
ام دينا " ابو دينا دز باجر على البنيه تريد تجيك .
أيهم " اي هلا بيها.
سدا بسرعه واختصر الكلام وياها واني هم رجعت ضجت كال .
:- جمانه .
:- ها حبيبي .
:- باجر تجي دينا وصي الجهال عليها راح تبقه يومين وتروح ماريد احد يزعلها .
:- صار من عيوني .
رحت وصيت الجهال وفهمتهم واجتي صدك البنيه هاداءه كلش بس شافت اختها الي عايشه يم ابن خالتها عبالك اتفقن عليه البيت كلبنه كلب يشمرن كوشات التخم ويكمزن على التخم ويهوسن ويصيحن ويطشرن حسيت متقصدات هيج يسون علمود اني احجي ويكولن اني حجيت عليهن بقيت ساكته وماحجيت اخر شي ختمتها بنته الصغيره كسرت قفل الثلاجه ابطنها اجيت كتله .
:- فدوه حبيبتي لتخافين .
لينا : عمه هسه يجي بابا اخاف يضربني .
:- لا حبيبتي ميضربج كافي لتبجين .
وره اشويه طب ايهم للبيت وشاف تصرفاتهن
الغريبة فهم كل شي وكال الهن .
أيهم : ليش بابا هيج تصرفن مو عيب .
دينا : لا بابا مو جنه نلعب وكعنه الكوشات وطشر البيت .
:- ميخالف بابا مو هيج غلط هذا التصرف .
لينا : اي بابا بعد ماعيدها .
جمانه : عوفهن يلعب براحتهن اكيد فرحانات بيك .
:- لا جمانه مريدهم يتصرفون هيج لازم يعرفون هل شي غلط .
سكتت بناته وهو حر بيهن سويت العشه وتعشينه كلنه سوه وراحت لينا ضربت امير وخلته يبجي وامير عضها حيل وكلبت الدنيا بالبجي علينه يسكت بيها ايهم وميفيد اخر شي اخذت جهالي وطببتهم جوه بغرفتهم وعلكو التلفزيون جوه وفرشت الهم ايهم اجه صاحني وكال .
:- ليش جمانه طببتي الجهال جوه .
:- احسن ايهم خليهم بغرفتهم ياخذون راحتهم .
:- ليش جمانه .
:- علمودك والله وانت هم اخذ راحتك ويا بناتك .
:- انتِ راحتي جمانه تعالي اكعدي يمنه .
:- لا حبيبي ارتاحو خلينهن يشوفنك احج ي وياهن براحه والله اني ماضايجه ابد بس علمودكم .
سكت وراح يمهن وره ساعه وده بنته الصغيره
البيت خالته نفس الفرع يمنه بيتهم رجع بقه هو ودينا
رحت اكمل شغل المطبخ وغسلت الموعين ومسحت الطباخ ورحت سبحت وجيت كعدت يم أيهم اندكت الباب راح فتحها اجتي انهار كالت .
:- شكو ايهم دكت عليه ام دينا وتكول جهال جمانه كاتلين بناتي وبعدهن بيت ابوهن اجني وماقبل بعد ماخلي بنتي تروح يم ابوها .
ايهم : على كيفج انهار ماكو هيج حجي محد يمهن البنات وهاي لينا ضربت امير والولد صغير ميفتهم عضها .
:- شوف هاي د ادك عليه ...
" ها ام دينا شكو يمعوده جهال بيناتهم.
اخذ أيهم المبايل ورد عليها بعصبية .
" شكو خبصتي الدنيا متكليلي كافي حجي زايد بناتي يمي هسه لتصيرين حنينه .
شمر المبايل وكال
:- سدي انهار هاي لكت حجه تحجي بيها عوفيها .
:- لتنسين البنات يغارن ويشوفن بيت امهن اخذتي انتِ وجهالج حقهن والله ليش واحد يلومهن .
أيهم : انهار كافي حجي زايد وسدي السالفه همه جهال محد اله دخل .
راحت انهار طلع سد الباب وراها واجه كال .
:- لتضوجين جنه .
:- لا حبيبي ليش اضوج كلام انهار صح بيت ابوهن وشافن هل شي صعب عليهن .
:- جنه لازم تتحمليهن الخاطر حتى اذا غلطن .
:- لا حبيبي والله صار من عيوني هذا بيتهن .
:- فديت العاقله اني .
وبيت خالته زعلو و ميححون ويانه ولا يطبون علينه وانهار صدفه تجي علينه اني هم التهيت بالبيت والجهال يادوبي الحك انضف البيت واكمل شغلاتي وارتب نفسي لان استاذ ايهم متعود على ترتيب ونضام والحمداله جهالي بدو يتاقلمون على الوضع وتعلمو. عليه من يكون موجود هو بالبيت الكل يصير هادئ ويحترمو مشت ايامي عادي وكل جمعه اروح اشوف اهلي واليوم جمعه اخذت الجهال ورحت لكيت كواكب تعبانه ومالها خلك سالت امي
عليها كالت .
ام صالح : حقها يمه كافي عليها جهال اخوج الي ميسمعون كلامها وشالعين كلبها .
جمانه : أي والله يمه الله يعينها وصالح هم متعبها حيل .
اجت فرح صاحتني رحت كعدت يمها هيه وشهد كالت .
:- ولج زوجي ابو ادم دك عليه لان رحت وديت بنتي تلعب وتبات يم مليكه وشفت امير كام يبجي فكدج كتله ماما هسه تجي ماكو ابنج قفل على البجي شترينه اله حجينه مفاد بقى يبجي و صالح ضاج حيل وبوقتها غلط عليج .
:- وشكال بله عليج الله ماضوج احجي .
:- كله طاحض امك الي راحت زوجت وعافتك هههه .
:- ماستغرب ابد من كلام صالح ، ليش شسوت امه جريمه ومتدري سبحان الله شوفي البشر من جانو جهالي يم بسام وميقبل يجون عليه واحجي الهم يكلولي شكو عليهم قابل ينوكلون .
:- لتنقهرين خيه .
:- يله اني كل شي شفت فرح ودست على كلبي علمود انجمع اني و جهالي ابيت واحد يحمينه من كل ضلم الناس ، اي كملي ايهم شحجه الابو ادم .
:- ههههه والله عرفته لان دك وطلع الجهاز مغلق اشكد لوتي ايهم دك عليه كله اشوكت ترجعون من المول كله ايهم ليش ابو ادم بعدنه هسه كملنه عشه كله مو امير يبجي على امه ايهم انجن كله صدك تحجي ابو ادم هوه طفل صغير متكدرون تقشمرونه وتنيمو شنو تريدني ارجع لو شنو كله لا لا ابقه وسده.
جمانه : عززززااااا كل هذا واني مادري .
فرح : ولج أبو ادم خرب ضحك عليه وثاني مره
دك. عليه وكله اذا رجعتو تجون تاخذون امير ،ايهم عصب وكله يوم واحد بس ردت منكم تنطوني ، طفل ماحملتو يوم ...وعصب عليه وسده هههههه .
:- والله ولا كلي ابد من شفته ضاج وغلق المبايل باوعت عليه استحيت اساله كلي هاي من الدوام ضوجوني وغلقته .
:- حقه زوجي هم يلح ، يله خلي اروح للبيت اتاخرت.
:- الحمدلله يله راح اروح باي .
:- الله وياج .
بقيت يم اهلي للعصر ورجعت البيتي ومرت الايام
وصلت بشهر ال 5 من حملي ورحت للدكتوره وطلع بيه بنوته ايهم حيل فرح يحب البنات بشكل هوه الي اختار اسمها قبل لتجي للدنيا وكال اسميها روزه
بعد فتره نقطع راتبي وراتب الرعايه هم قطعو لان طلبو مني اسوي بيان سنوي ورحت طلع متزوجه وكالو راح تتغرمين عفت كلشي ورجعت
نقهرت لان صفيت من غير راتب ايهم مقبل عليه لان ضجت و هو تكفل بمصاريف الجهال وماقصر وياهم ابد
ندك الباب واجتي جارتنه تبيع بالاقساط وكالت
ام زينب : سجلتهن كدامج وكتلج يمه صارن 500 رديتي عليه خايفه على الي يدفع مو هذا ردج .
امل : هاا اي خاله اذكرت صح ملابس اخذت للبنات .
" لا مو للبنات الج اخذتي ملابس وعبايه راس هم واخذتي تحفيات فرفوري مالت تقديم كتلي الاختج مو صح .
" هسه شنو خاله .
" اخذيهن من ابو دينا جنت بوقته على ذمته وهو الي يدفع .
أيهم : لا اختي ليش اني ادفع مالي علاقه بيها .
" لعد شلون أيهم المره تريد حقها.
أيهم : اني راح اقطع من النفقه 50 كل شهر انطي الام زينب و ادزلج بس مصرف البنات لان اني ما ادفع بمكان احد .
:- لا يمه معذور وخلفله عليك اني والله ناسيتهن
لو ما جارده السجل ماعرف بيهن بس هيه المفروض تذكرهن تحجي .
:- هذا هوه خاله بعيني اني ادزلج حقج .
:- يله مع سلامه يمه .
جمانه : ها حبيبي اشبيك ضايج .
أيهم : صدك وحد متستحي يعني المره شنو ذنبها ماخذه منها كومه شغلات وصار شكد مغلسه .
:- حبيبي لضوج .
:- جمانه شضوج تدرين قبل اسبوعين منو خابرني .
:- منو خير .
:- عزاا و شراح تسوي هسه .
:- راح ادفعهن الها شسوي قابل كتله ناسيهن اني .
:- الله كريم .
مرت فتره و قررت اغير كل غراض البيت لان الاثاث قديم كله وبعنا كله واللبيت مال ورث وقسمو البيت بالنص بين ايهم وانهار ولازم نبني مطبخ وحمام وبنينه من جديد والبيت كله صبغه وعدل الكهرباء مالته وعاد ترتيبه كله وشترينه اثاث جديد للبيت حيل فرحت و ايامي حلوه كلها ماتخلي من محبه ايهم واضحكته وشقا ومرحه بالبيت على طول يضحك ويشاقي الجهال ونكعد نتعلل شقه وسوالف وكلمن يروح ينام بفراشه
صار اهتمامه بيه فضيع بحيث يهتم بيه و بكل تفاصيل حياتي بحيث اذا يباوع بوجهي ويشوف شعرايه زايده يكلي اخذي فلوس وروحي حفي وجهج واذا شاف الصبغ نزل يكلي روحي اصبغي
شعرج من جديد واذا رحت لسوك اشتري ملابس اله
هو يشوفهن وينطيني رايه بيهن ومرات يفاجأني
وهو يجيبلي تراك او دشداشه قصيره عجبني اهتمامه بيه لان جنت فاقدتهن قبل والحمداله ربي عوضني بي احلى عوض وصرت اطلع واروح البيت عمي ابو هدى ازورهم واتواصل وياهم وهمه يجون عليه يزوروني هدى وحسان اروح وزورهم قصص ماي هوبس
خطيه لسه ماخلفو بس مثل البلابل واحد يحب الثاني ربي يكمل نقصهم ويعوضهم بطفل وحمودي هم يجي عليه هوه وزوجته وصار عنده 2 ولد يخبلون بس اسامه ماعنده تواصل ويانه ابد
وصار عنده 2 ولد وبنيه بس ابد منشوفه غير بس بالمناسبات ولسه اشوف بعيونه نضره عتب اليه
ربي يسعدهم لان على طول هو وزوجته مشاكل ومامتفقين ابد و مانسعد وياها ابد خطيه عكس اخوانه مرتاحين ويا نسوانهم اله هوه كل يوم نسمع الهم مشكله وزعل الهم
وبيت خالتي طبعاً خالتي وره زواجي با ايهم اجتي زارتني بالبيت ومن بعدها ما تواصلت بعد وياهم
بس كمت اعرف اخبارهم من كواكب واسال عنهم وبقت علاقتي ويا سرور مرات نتخابر باللمبايل صدف لان كلمن الته بحياته وعمي ابو حسان
تزوج من جديد و توفت زوجته الثالثه الله يرحمها وخلفت اله ولد وهم قرر يزوج بعد وخله بناته هم يدورله على وحده لان ميكدر يعيش من غير زوجه عمي لكله وحده جان قبل خاطبها اول شبابه ومامنطيها اله اهلها وباقيه بدون زواج كل هل سنين سبحان الله عمرها 45 سنه بله زواج وتقدم الها وانطوها اله وراح عمي اخذ مبلغ دين من ابويه
وكاله حسان ينطيك راس الشهر و تزوج
وعزمنه على زواجه ورحنه العرس بسيط حيل وهاي رابع زوجه العمي لاحضت عمي يجامل ابويه احسه ابد مو قريب على ابويه عكس عمي ابو هدى مرت الايام
و ابويه متصل على حسان .
(بيت ابو صالح)
ابو صالح : حسان عمو ابوك صار شهرين من اخذ الفلوس و انت ماجبتلياهن .
حسان : شنو عمو .
أبو صالح : الفلوس ابوك كال اخذهن من حسان ابني .
حسان : اني شعليه عمو اني ما مواعده بفلوس والله
العضيم ولا اعرف بالسالفه اخذهن منه هوه .
ابو صالح: هذا هو ابني .
دك حسان على ابو وحجاله بلي كاله ابويه وضاج عمي حيل من عرف ابويه مداعي حسان اجه عمي لاهلي معصب حيل على ابويه وصاير بينهم كلام ومشادات وعني شال عصاته رافعها على ابويه رايد يضربه بيها وماخذتها كواكب منه ومجاوز بكلامه على ابويه وطالع
ومن اجه صالح حيل ضاج من سمع وراح على عمي ابو حسان ولكا حسان يمه وحسام كايله
" صالح همه خوان مندخل احنه بيهن .
مشت ايامي واني رجعت اتواصل ويه البنات
مرات تجيني بت عمتي ام يسر علاقتي بيها
صدقات تحبني واحبها حيل حتى سوسن بت
عمي أبو حسان هم تجي عليه مررات واني اروح عليها وحياتي عاديه طبيت بشهر السابع
ايهم نايم تعبان يجي من الدوام دك مبايله ترميشه ونسد بعدين من كعد كتله مادك كال .
:- اي عوفي .
ومادك ومن طلع حتاجيت شغله ودكيت عليه
لكيته مشغول اكثر من ساعه وهو مشغول
اني مااعرف شصار بيه فكرت بهواي اموره واولهم ممكن الي دكت عليه ابنيه مااعرف ليش هيج احساسي وضجت حيل وكلت يجي واحجي ويا اجه ايهم وسويت عشه ونور واكفه تسوي زلاطه كعدنه سوه نتعشه كملنه العشه وكل معتاد ينطي الطارق يشتري حلويات وكرزات ونبقه نتعلل وهوه يحجيلهم على شغلات وسلوب التعامل شبه تعليم الهم بس يحجيها بغير طريقه مثلن مواقف صارت ويا او ويه غيره علمود يوصل الهم فكرته بس اني فاهمته وبكلبي فرحانه اشلون يعلمهم ويعودهم على طبعه بطريقه محببه علمود ليتحسسون راحو الجهال نامو بغرفتهم واحنه طبينه بغرفتنه بي طبع متعلمه من ابو مينام ابد اله احد يلعب بشعره او يحكله بشعره لان امي حاجيتلنه على خالي هيج جان قبل الله يرحمه تعبت وهو منايم كتله .
:- كافي ايهم تعبت ايدي والله .
:- روح ايهم انتِ كافي .
:- والله تعبت .
:- تعالي عمي اني احكلج اريد اشوف التعب .
:- لا اشكرك ماريد .
:- وين لاكيه واحد يلعب بشعرج جنه .
:- مو كلش احب هاي السوالف .
:- عوفيها خل تولي .. جنه .
:- هاا .
:-: تدرين من دخلتي حياتي حسيت الها طعم ثاني واالله وعيونج اتمنيتج لو زواجي الاول بس اخ شنسوي للقدر اله راي ثاني .
:- شعبالج ولج على كيفج عليه جنت محروم منهن كلهن وانتِ اجيتي وجبتيهن كلهم مره وحده .
:- والله اني هذا طبعي ايهومي .
:- اويلي يابه ودلع هم لاما تحمل اني جنس حواء الرقيق يدمرني جنه تره انتِ حامل ومابينه حيل
نتعبج على كيفج على روحج .
:- ياااا ايهم الي يسمعك يصدك بيك خايف على راحتي .
:- شسوي انتِ تغرين اكبر عين تباوع عليج عليمن اباوع الشعر الي عبالك لليل وطوله الي اموت عليه لو على شنو تفاصيلج الي كل متكبرين سنه تحلين اكثر .
:- هسه اريد اعرف هذا غزل وصف .
:- اكيد غزل لان لو وصف ابقه للصبح اوصف بيج
وميخلص .
:- اي طبعاً حلو ويايه ديربالج جمانه مني ماريد بعيونج تباوعين غيري ولو اني اعرف انتِ شنو بس اخاف عليج من كل عين تشوفج .
:- ايهم ماريد اغير الموضوع واضوجك بس بسس.
:- بس شنو اشبيج جنه ليش احس بيج شي .
:- ايهم ليش اليوم دكيت عليك وانت ساعه مشغول لمكالمه .
:- اشوكت .
:- قبل لا تجي وليش من شفت مبايلك مرمش مادكيت بلحضتها .
:- اي ست جنه صايره تحاسبيني ولج اني احاسب الناس واحقق وياهم مو وانتِ تحاسبيني وتصيرين ضابط تحقيق عليه بس ميخالف مقبوله منج مدام بيها غيره نسكت .
:- بعد اكو سؤال .
:- هاا لا بس مادري ليش هيج حسيت الي رمش ابنيه .
:- هاي شنو جمانه انتِ كلج احساس حبيبتي ولتفكرين بهاي الشغلات يله حبيبتي نامي وريحي بنوتي وياج من التفكير لتعبيها وتفكرين هواي باابوها .
:- ماكدر الك والله انوب بنتك وياك .
:- يله العبي بشعري نعست ورايه دوام .
رجعت العب بشعره نمنه ومرت ايامنه مثل العسل متخلص من غزل ايهم اليه وحبه واهتمامه ابابسط تفاصيلي والله صرت اضوج من يطلع وانتضر جيته
واعدهن بالدقايق مدللني اني وجهالي كل هذا
و اخجل اطلب منه شي او ملابس او مصرف
من حس بيه زعل مني وعصب عليه وكال .
:- أي جربتي عقوبتي بس خلي اذكرج.
سحبني حيل و كز على اسنونه .
:- لا أيهم عليك الله لالا لا .
مجاز مني اله يعضني من ش....ي ..و اله يشوفني عيوني دمع ياله يعوفني اذاني حيل صحت .
:- لا لا ليش هيج وجعتني .
:- هاي عقوبه الج بعد علمود متحسسيني اني غريب على جهال اخويه .
:- زعلت منه لان اذاني وكعدت مطنكره .
اجه يضحك بطريقه شريره وكعد يرضيني عود يجي يسوي الاقوه ويستلمني دفعته بخفه خفت لان دوم ركبتي مطكعه من وراه كتله .
:- عمي مااحجي ليش زعلت .
:- جمانه راحتي فوك كل شي عندي خط احمر ماقبل احد يمنعني اسوي شي علمود احسابات انتِ تفكرين بيها تره جهال همه ميعرفون ليش تخلين ابالهم .
:- أي سكتت بعد ما احجي .
:- عفيه بالبطله هل تصرفات لتعيديه لتجيج عقوبه تنسيج جهالج من صدك .
:- يابه سكتت انت منكدر نحجي وياك شي .
:- طبعاً ولا اقبل تحجين وبكيفي .
صار يحجي ويضحك حضني بادلته كال .
:- الله يديم. ضحكتنه طول العمر .
:- ان شاءلله يارب مانحرم منك .
:- عادي اني هم اكولها الج جمانه انتِ احلى عوض ربي اليه .
اجه يوم الجمعه ورحت لاهلي وابويه اتلكاني من الباب فدوه الكلبه حبيبي يفرح وعيونه تلمع من يشوفني جان جاي من العمره وكال .
( بيت ابو صالح )
ابو صالح : بابا جمانه دعيتلج هناك ابيت الله
يسعدج لان اني شلت خطيتج صارت بركبتي انتِ وجهالج بس اخ من امج بس بعد الحجي ميفيد .
جمانه : لا لا يابه فدوه لتحجي هيج هذا نصيبي وقدري من الدنيا وامتحان اليه والحمداله ربي عوضني وعوض صبري وهسه اني اسعد وحده
بالعالم .
:- فد اشويه .
:- ديري بالج تكليلي ابات ممنوع جمانه سمعتي .
:- اي سمعت فد ساعه وارجع .
:- يله اني امر عليج ونرجع سوه للبيت .
:- براحتك حبيبي .
وفعلا مر الوقت واجه سلم على اهلي ورجعنه
للبيت سوه ومرت ايامنه واجه عيد الاضحى
وكعدنه الصبح نتريك وهاي اول عيد اليه يمه
اجه كال .
:- صباح الخير .
وبوس...ي وحضني كدام الجهال .
:- ايهم اطبخلك للان راح ابقه يم اهلي بالليل ارجع.
:- لا يعمري، روحي لتشيلين همي اني ادز لفات روحي وسلميلي على اهلج ان شاءلله العصر اجي اعايدهم .
:- ان شاءلله حبيبي .
:- تعالي وين بوستي لو لتهيتي بااهلج من هسه .
:- لا دخت والله .
رجعت عليه اذا ما اودعه يخزيني طلعنه
يله باي
رحت عايدت ابويه وامي ورحت للمطبخ عايدت كواكب علاقتي اني وكواكب اكثر من خوات احبها
حيل واحترمها
رحنه كعدنه واجتي فرح وشهد والجهال انجمعو وصياحهم وهوستهم وابويه حبيبي يضوج من الصوت العالي يروح يكعد بالاستقبال مالته ويسد الباب واذا سمع اعياط الجهال يطلع الهم بعكازته يخوفهم ههههه واحنه كاعدين يم امي بالصاله ننجمع كلنه بسفره نسولف ونضحك
صار الليل اجه ايهم عايد اهلي ورجعنه للبيت
وثاني يوم ارجع اروح عصريه عليهم لان اجواء
عيد ويجون يعايدون ابويه ولمه
خلص العيد واجه موعد مراجعتي الدكتوره وفحصتني وكملت وكالت .
" لازم عمليه لان الطفله كاعده ومتجيبين طبيعي .
رجعت خايفه وحجيت الايهم وهو يضحك عليه ويواسيني حتى ما أخاف ....كعدت اجهز الودلاتي ملابس للطفله وحسبت احساب العمليه
مرت الايام وطبيت بشهر الثامن
كاعد ايهم كل معتاد واحنه كاعدين على التخم وهو كاعد يب...س ويحضن ويشجعني على الولاده كال .
:- ها حبيبي راح اطلع اني وصديقي للمول اتونس ضايج من الدوام وتعبه .
بس من طبيت بالثامن كام ميطلعني يخاف عليه
و اني هم تعبت وسمنت وبطني برزت صار ياخذ الجهال ويروح هو وياهم للمول يجوني مكيفين مامخلي لعبه بنفسهم طارق ومليكه وامير بس نور متروح تبقه يمي بالبيت
صارت ساعه ب 7 وكال .
:- راح اسبح لان بالـ 7 ونص نطلع اني و عدي.
:- ماشي هسه احضرلك ملابس .
طب يسبح ودك مبايله اجت اشعارات رسايل اني اخذني الفضول اله اشوف منو اكيد صديقه مستعجل يريد يطلعون يتعشون بره فتحت الموبايل واشوف الصدمه الي جمدتني بمكاني .
هلو بنات تعالو شنو رايكم بالبارت وشنو الصدمه الشافتها جمانه .
