رواية ليتني واجهتك الفصل السادس والعشرون
اسماء
جا معتز وبلغنا طارق وماري انخطفو اتخبلنا ادحك على سدره وكعت غمى عليها ركضت عليها
سدره حبيبتي جاوبني سدره
معتز عفيه انت هم اخوها شيلها
خطيه ماكال شي شالها ويركض جوى بيها امي شافت منظرنا هيجي
ام سدره؛؛ ولكمم شكو اش صاير شبيها بنتي
اش انخابر امي اش انكولها نحنا ماصدكنا اشويه صارت احسن من البارحه
انكعد سدره اني ومعتز وبل كوه كعدت اول من صحت اتخبلت
سدره
صحيت ولكيت معتز واسماء وامي فوك راسي
سدره؛وين ماري وطارق
ام سدره؛: شبيهم اسمااااء جاوووبني شبيهم
معتز؛: خالي بس اهدي ونحنا انكولج
ام سدره؛؛ معتز شكوو
معتز؛: خاله والله ماري وطارق انخطفو
معتز كال هيجي وامي كامت تضرب ع نفسها وتبجي وتصرخ اني اتخبلت مثل المجنونه انتف شعري كمت على حيييلي وطلعت اركض بره
وصلت بابا الحوش واني اصيح
سدره؛؛ ياناس بنتي بعدها صغير الخاطر الله
مسكني معتز يريد يدخلني جوى وخطيه يسحب بيا واني ادفعو واسماء خطيه ملتهيه ب ماما
معتز؛؛ سدره اهدي الخاطر ربج هسا راح يلكومهم الشرطه
سدره؛؛ معتزز معتزز ماري بعدها صغير ليييش لييشش هيجي يارربي دخليك المصايب دا تكع فوك راسنا ليشش
معتز؛: ربج هيجي كاتب سدره انتي مؤمنه وان شاء الله راح يرجعون
ام اماني خطيه جت تركض وتبجي وتحضن بيا معتز اسمع صوتو يحجي مع عمر يكول تعالوو ماكدر اسيطر على سدره وامك اتخبلو
سدره؛؛ خاله خاااله بنتي راحت
ام اماني؛: لا امي لا كولي يالله بنتج بخير ان شاء الله راح ترجعلج هيا وخالها ان شاء الله بس كولي يالله
سدره؛: خاله شنو راح يصير بحالهم شنو بس كوليلي
نسوان المنطقه التمو علينا امي بل كوه كدرو يهدوها ماحسيت غير علي دخل ومعا الشرطه
علي
بعد ماسمعت سماء اتخبلت كمت اصيح بل شارع
ولكككك مابيكم رجل كدر يسحب اطفال ولكم اطفال اثنين ماكدرتو تحموهم اطفال
الزلم التمت ع صوتي واهداء اخويا اهداء استاد علي من هذا الكلام كومت سماء وركبتها بل سياره خفت عليها مو مال اعوفها هاي الخ
سحبت بطل ماي شربتها
سماء؛: يعني راح يقتلوني توأمي وماري
علي؛؛ اشش سماء اسكتي لاتحجين هذا الشي لاتخافين راح يرجعون ان شاء الله شلون تطلع من البيت ماري شلون بس اريد اعرف
سماء؛: هيا ضلت تبجي وتريد اتروح لمحل وسدره كامت دزتها مع طارق عفيه ابو حسوني لاتحجي على سدره خطيه
جنت امشي سريع ب سيارتي ورحت على المركز مال شرطه وحجى مع سماء وبعدها طلعت دوريه حققو مع الاهل والمنطقه واخذتهم على بيت خالي دخلت وشفت سدره واكعه بل كاع تبجي يعني شنو اسوي اضربها مثلا احجي عليها ب تالي هيا ام واحن من عندي ويعني طفل يريد يروح لمحل صح الوضع مو زين ومو مال طفل يطلع بره بس مرات الطفل يلح ومايسكت حتى ياخذ الي يريدو سكتت وماحجيت عليها بلعكس اتقربت عليها ورفعتها وحضنتها ومسحت دموعها
سدره
دخل علي ومعا الشرطه كلت ب كلبي هسا راح يقلب الدنيا على راسي جا عليه ررفعني وحضني ومسح دموعي كمت ابجي واشهك
سدره؛؛ علللي ماري
علي؛؛ اهدي حبيبي اهدي
لحظتها دخل عمر الشرطه ضربو تحيه لعمر وصارو يسالوني اذا جنه انشك باحد او عدنا عدواه مع احد
كالو راقبو موبايلاتكم وخصوصه اكدو على عمر وعلي لان عمر ضابط وعلي ايضا لان اعلامي
علي رغم الضرف الي نحنا بي ماقبل يكعد ب بيت اهلي ابو اماني اخذو وراحو لبيتهم
امي فدمره اتخربطت واخذوها لمستشفى واسماء راحت وعمر واماني بس سمعت جت هيا وصهيب تحضني واتهديني اخذتني على غرفتي واتمددت
سدره؛: شنو صار بماري هسا بارده اكيد وجوعانه اماني ماتحمل ارررريد بنتي جيبولي مااري
اماني؛: سدره حياتي الله يوفقج لاتسوين هيجي بروحج راح ترجع اني متأكده ان شاء الله
حضنتي واني ابجي واشهك صار الليل وماكو الشرطه مالكتهم اتخبلت وين صارو وين صهيب خابر اماني كالها الخاطفين خابرو علي من سمعت صهيب كال هيجي لبست حجابي وطلعنا نركض اني واماني على بيت اهلها ...!
علي
ضليت ب بيت اهل اماني الي الليل تقريبا بل 8دك رقم عليه جاوبتو جاني صوت ماري تبجي كمت على حيييلي ماعرف شنو اسوي
علي؛: ماري باباتي لاتخافين وينج انتي بيج شي حيااتي طارق وين
ماري؛ باب
علي؛يروح باب ماري
الخاطف؛؛ هههه امبين اتحبك بنتك جثيرر
علي؛؛ منوووو انتووو وشنو اتريدون من بنتي وخالها
شنو رايك تختار بين بنتك وخالها
منوووو انتووو شنو اتريدون بل مقابل وعوفهم اثينهم
عندك مهله من هينا الى باجر الصبح الساعه 8تحضر عشر دفاتر ها ولاتحاول ادخل الشرطه اذا حاولتو ادخلون الشرطه راح تلكون راس الاثنين ب باب حوشكم اتحب انخليهم ب باب بيت اهلك او خالك انت اختار
هاي هيا راح انجيب الفلوس بس لاتاذوهم باجر الصبح الفلوس كامله بس خلوني اسمع صوت بنتي
عود جيب فلوسك واخذ بنتك
وسد الخط رجعت ادك على الخط مغلق اخخخ ياربي راح اتخبل ماري جانت تشهك وتبجي شنو صار بحالها هسا اتصلت ب عبدالله
الووو عبووود وينك انت
هلا علاوي والله بل بيت كاعد
تعال ب سارع وجيب محمد معاك ولاتخلي اهلي يعرفون
شنوو شبيك صوتك مو طبيعي
ولك عبدالله طارق وماري انخطفو
لاااا يمعود لاتشاقه
ولك ياشاقه سوي الي كتلك علي وتعال اني ب بيت اهل اماني صديقتنا
اي اي اعرفها جيتك
سديت الخط وكعدت ع القنفه امدنك براسي ماعرف شنو. راح يصير ب ويلادي
المشكله البيت بعد الى حد الان مانباع وكل الفلوس الي عندي ماتطلع ثلاث دفاتر جت سدره تركض
سدره؛: علي وين بنتي وين اخويا
علي؛؛ اهدي حبيبتي خابروني هسا ويريدون عشر دفاتر
سدره؛؛ انطوهم علي انطوهم بس طلعو ويلادي بيع البيت والسياره مالتي واخذ ذهبي
ابو سدره؛: بابا سدره اصبر اشويه مادام رايدين فلوس ان شاء الله مايصير بيهم شي
ابو اماني؛؛: خلي اندخل الشرطه
علي؛: لا مستحيل ماريد الشرطه تدخل بل موضوع اني عارض بيتي لبيع وهسا يجي عمر يحلها الشغله مع الشرطه حتى لابعد يجون يسالون اني اتسرعت ورحت بلغت الشرطه
ابو سدره؛:؛ خلي يتصلون وباجر المبلغ كلو موجود لاتبيع بيتك علي
علي حجى بدون مايدحك ع بابا
علي؛: اني بنتي وغصب عني ادفع مامحتاج مساعده من احد
ابو اماني؛؛ اني راح اشتري البيت منك
علي مايعرف شنو يحجي بعد هز براسو وكال
علي؛: موافق
جوي عبدالله وحمودي يركضون اني منهاره حاضنه روحي وابجي وامونه كاعد يمي وسماء كاعده من جهه الثانيه حمودي اول من دخل كبل صيح عليه كدام الكل
حمودي؛: انتييييي شلوووون ام بس اريد اعرف بنتت عمرها 3سنوات عايفتها بل شارع
سدره؛: والله ماجنت اعرف راح يصير هيجي والله
اماني؛؛ حمودي ترى علي ماحجى هذا الكلام بلعكس هو جان يهدي بيها بعدين هيا اكثر وحده كلبها محتركه على بنتها واخوها هيا بل تالي ام
حمودي؛: ام لو هيا صدك خوش ام جان دارت بالها بس مو صوجها صوج اخويا الي بعد كلشي صار يدزها ع اهلها
علي؛؛ موو وكت هذا الحجي محمد
حمودي؛: عجللل يمته وكتوووو ها يمته
ابو اماني ؛؛ اكعد ابني واستريح واستهدي بل الرحمن
ماجان عندي غير حل ابيع بيتي عمر جا وحاول يدخل بس اني منعتو خلي نطيهم فلوس هذيجه الليل حسيتها اصعب ليله شلون بنتي وين شنو صار بحالها هسا ماغفت عيني لصبح بس صار الصبح صليت وطلعت رجعت على بيت اهل اماني حتى امي استغربت كتلها عندي شغل قبل ماطلع لدوام ....!!
سدره
علي وحمودي وعبدالله رجعو لبيت واني هم رجعت لبيت واماني ضلت معايا خطيه هيا حامل وماعافتني ضلت معايا هذيجه الليله خطيه بس يجبون حسوني ارضعو واعوفو عليهم كلبي نار على بنتي واخويا سمعت صوت الموبايل شفت رساله على النت من عبدالله
وافقي على الرساله بدون ماحد يدري بيج 🗨️
ماعرف ليش حسيت عبدالله ورى هاي السالفه جاوبتو
خير🗨️
اريد اتصل🗨️
شنو رايد بهذا الليل 🗨️
اريد احجي معاج واطلعي ب صفحه يويلج اذا احد عرفج تحجين معايا 🗨️
اوكي🗨️
كمت وبل كوه امشي ماكن خليت لكمه بحلكي اشكد حاولو ماقبلت
اماني؛وين رايحه سدره
سدره؛؛ هسا اجي
اماني؛: اجي معاج
سدره؛: لالا اريد اضل وحدي
عفتهم وطلعت لسطح وبرد ثلج لبست جاكيت وطلعت على طابق الاخير حتى لااحد يسمعني واتصلت بي
📞الو خير
📞هههه هيجي ضايجه من عندي ليش حبيبتي ليش اني شنو كن سويتلج
📞اني مو حبيبتك لاتكول حبيبتك افتهمت عبدالله شنو اتريد
📞اول شي لاتذكرين اسمي وبعدين احجي عدل لايجيج بوكس من الموبايل يكسر سنونج
📞شتريد
📞طلاقج من علي هذا الي اريدو
📞لو اتموت ماطلك من علي افتهمت انت شنو دخلك انت مو وعدتني ماتدخل بيا بعد ليش رجعت ودخلت لحياتي من جديد
📞هههه اوكي انتي ماراح اتموتين بس اخوج وبنتج اقري عليهم سوره الفاتحه
انصدمت حقير
📞عبدالله شنو تقصد
📞ههههه لايادكتورتنا معقوله مافتهمتي قصدي اتحبين اكعدهم من النوم حتى تاكدين همه عندي
📞نذل نذل حقير اكرهك تعرف شنو اكرهك اريد ويلادي
📞مامشكله حبيبتي اختاري بين بنتج واخوج
📞ولك اثينهم ويلادي شلون اتخلى عنهم
📞عجل تسمعيني بل حرف الواحد
📞ماريد اسمعك وراح الكل يعرفون ب اعمالك السوده يانذل
📞اكووولج لاتحجين لااطيح حضج ادبسززز احترمي روحج ترى اني لو حتى دخلت سجن ثاني يوم اطلع لو محكوم اعدام. لا عبالج عبدالله سهل عبدالله نار بعيونج افتهمتي اذا ماصار الي ردتو تلكين راس ماريه وطارق يم بيتكم وفوكهم عمر وعلي
📞عبدالله راح تندم اقسملك راح اندمك
📞هههههههاي هههههه اكفي اكفي خلي اضحك بعد بله هههههه انتي صحيح تحجين شنو بله يدلعج علي ها اتذكرت قزومتي اي ع كولت هذاك الحقير قزومتي
📞اذا اكو حقير بل دنيا هو انت
📞اكولج لاتخليني اروح اطفي هاي الجكاره بوجه بنتج واسويلها غمازه ثانيه
📞لاعبدالله لا حباب لاتسوي شي بيهم
📞حلو هسا صرتي حبابه من كمتي توسلين
📞انت ليش هيجي بس اريد اعرف ليش
📞هسا عوفيج مني وسوي الي اكولج علي دحكي. اني مو قليل ديري بالج اتحاولين تحجين كدام احد اسوي بيج شي اندمج على الساعه الي جيتي بيها لدنيا وهسا شنو كلتي اخوج وبنتج لو ترفعين دعوه ع علي
صفنت اشويه مصدومه احس ايدي ورجليه مربطين بهذيجه اللحظه ممكن كلشي اسوي الخاطر ماري وطارق بس شلون اغدر بعلي شلون ياربي
📞يالا امبين ماتريدين اخوج وبنتج يالا بااي
📞لا
📞نعم
📞لا عبدالله خلص ها هيا بس انطيني اشويه وقت واوعدك ماروح على بيت عمتي والله اضل ب بيت اهلي بس رجعلي طارق وماري
📞اشكد يعني وقت
📞احاول اطلع اي حجه في سيبل اضل يم اهلي بس شغله
📞شنو
📞لاتاخذ فلوس من علي وبابا
📞هههههه حلو لا حبيبتي هذا مو شغلج
📞لاتضحك اقرف من ضحكتك ولاتكولي حبيبتي اني مو حبيبتك
📞هههههه هيجي قصدج
📞استغفر الله ياربي
📞طلبتي مني ماخذ فلوس من علي وابوج لاعيني نو
📞انت مو عندك شنو تريد اتسوي بيها
📞بحح مع الاسف خسرت كلشي
📞تستاهل اكيد خسرتهم بل قمار
📞ههه اول مره اتصيريني ذكيه وتلكطيها هيا وطايره صح خسرتهم بل قمار وكلت هم اضرب عصفورين بحجره وحده هم اطلكج من علي وهم احصلي خوش سفقه وارجع ع سوريه
📞عساك روحه بلا رده حقير اكرهك
📞اوف عمري انتي سدوره
📞اقرف منك عبدالله
📞تعالي كدامي
📞سكران مو
📞تعالي سدره
📞جلب
سديت الخط بوجهو نزلت جوى واني احس اصابعي كن جمدت من البرد اتمددت ب تختي وارجف اطك سن ب سن واون.....!
اماني
فزيت بل ليل على صوت سدره اتون جيت يمها طخيت كصتها لكيتها حاره ناره رحت نزلت جوى لكيت عمو ابو سدره كاعد يقرأ قران
ابو سدره؛؛ ها عمو اماني بيج شي
اماني؛: عمو سدره ماسكتها صخونه قويه
ابو سدره؛: خلي ناخذها لمستشفى
اماني؛: لا عمو بس وين مكان العلاج بلكي عندكم مسكن
خطيه هو كام. وكالي تعالي رحت ع ثلاجه دورت بل علاجات لكيت مسكن وطلع عندهم كانونه ومغذي وجبت طاسه ماي بارد ووصله قماش وطلعت فوك
رفعت سدره خليت راسها ع صدري وشربتها العلاج وانطيتها المغذي وبديت اسويلها كمادات كعدت يم راسها اسوي كل اشويه اغفى وافز الى حد ماصار الصبح
سدره
حسيت ع اماني اتسويلي كمادات بل ليل بس احس نفسي ماعندي اي طاقه فزيت الصبح لكيت اماني مخليه راسها ع تاج مال التخت وايدها على راسي يروحي امونه اشكد حنونه اتعدلت وهيا فزت
اماني؛سدروه حبيبتي شلون صرتي
سدره؛؛ انتي اختي اماني اختي الي ماجابتها امي
كمت ابجي حضنتي وصارت اتهدي بيا
سدره؛؛تعبانه امونه حييل تعبانه
اماني؛: ادري بيج يروحي بس شنو اتسوين هذا قدر رب العالمين
سدره؛: اشكد اتونسنا اني وعلي لو من جنه بل كليه اني وانتي ولؤي الله يرحمو وجناات لاعشتو عليهم وصهيب كلها راحت وهسا طلعت من خشمنا اشكد فرحنا جت مكانها حزن واكثر
اماني؛: اصبري سدره ان الله مع الصابرين
رفعت راسي وامسح بدموعي
سدره؛؛ تدرين اماني اهلي راح يطلكوني من علي
صفنت اماني بوجهي حسيتها مو مستغربه
سدره؛: جنتي تعرفين
اماني؛: الصراحه سدره بابا كالي وماكدرت اكولج
سدره؛:ياريتج كن كتيلي جان ماجيت لهلي
اماني؛: ميخالف امج هم خطيه دحكي من البارحه الي حد الان بل مستشفى
سدره؛؛ اتخيلي حياتي شنو راح اتكون من بعد علي ويلادي الي راح اتنازل عنهم بكل سهوله
اماني؛: لاتنازلين سدره لاتسويها
سدره؛: ومختار الي راح يموت بل سجن وامي الي راح الله يعلم شنو يصير بحالها من القهر كلهم هيجي تفكيرهم بس محد فكر شنو ممكن يصير ب سدره وعلي
اماني؛: كاافي يروحي تبجين كااافي اصبر وعوفيها على ربج
سدره؛: ربي مالي غيرك يساعدني انت معين يارب
اماني؛: عفيه حبيبتي يالا كومي نتريك راح اتصل باسماء انشوف بلكي يطلعوت خاله من المستشفى وهليوم ان شاء الله راح اتشوفين ماري وطروقي
سدره؛؛؛ ان شاء الله انتي مانمتي
اماني؛؛ مامشكله انام بعدين
هزيت براسي وكمت هيا واسراء سووا ريوك كعدنا واحد الي بينا يغص بل لكمه الي ياكل ادحك على باابا اشكد مسكور لو ادحك على سماء بلكوه تاكل لكمه وتمسح دموعها
اماني؛: سيماء بس حياتي تبجين
سماء؛؛ اذا توأمي صار بي شي ماتحمل اموت
اسو؛: اسم الله كلبي لاتكولين هيجي راح يرجع هليوم بابا راح يجبهم
كامت عن الاكل وهيا تبجي راحو بابا وعمر وماعرف اخذو بعد منو معاهم ....!
علي
جيت على بيت اهل اماني جمعنا الفلوس كلها بجنطه وحده وعلى ساعه 8خابرو كلنلهم انطونا مهله قبل اذان الظهر والتسليم ب اذان الظهر كملت فلوسنا كلهم وقبل اذان الظهر بشويه خابرو وطلبو شخص واحد يجي فقط يسلم انطونا العنوان وطلعنا اني وعمر وصلنا يم العنوان جول جانت المشكله كل اشويه يتصلون من رقم ويرجع يصير مغلق يعني ماتكدر اتخابر اتصلو كالو دا انشوفكم شخص واحد ينزل فقط ويرفع ايدينو عمر راد ينزل ماخليتو
علي؛: ضل انت بل سياره اذا صار بيا شي سدره امانه بركبتك
عمر؛: خليني اني اروح لاتنسى علي هذوله اثينهم ويلادي
علي؛: وطارق هم ابني
فتحت الباب دا انزل مسكني من ايدي
عمر؛: سامحنا ابو حسوني
علي؛: اذا متت كلبي ماشايل عليكم بس اذا رجعت سالم ماترجع الماي لمجاريها ابو فاروق
ونزلت من السياره جانت سياره مضلله ونزل واحد ملثم من عندها
ضل واكف يمك افتح الجنطه وشوفنا هيا
فتحت الجنطه وشوفتهم الهم
ارفع ايديك
رفعت ايدي
ارميها الجنطه من بعيد
علي؛: بل بدايه ويلادي اريدهم
ارميها وبعدين راح اندزهم
اريد اشوفهم اذا بيهم شي اول لا
صيح واحد كالو نزلهم نزلو طارق وماري ماري من شافتني صاحت بابا دا تركض عليه مسكها
طارق جان شادين عيونو
يالا ارمي الجنطه كتلك
عوفهم بل بدايه واني ارمي الجنطه
شلون راح اخلي طلقه براسك وراس ويلادك يالاااا ولك
زتيت الجنطه بعيد وركبو ب سيارتهم وانطلقو واحد منهم يكول ياويلك اذا فلوس مو نفس العدد
ركضو عليه طارق وماري اثينهم يبجون نزل عمر من السياره يركض عليهم فتحت عيون طارق وحضنتهم اثينهم نفس اللحظه وابوس بيهم
علي؛: ماري باب بيج شي طارق
طارق؛: لا ابو حسوني نحنا زينين
عمر؛: طروقي حبيبي شلونك خمه بيك شي
طارق ؛: لا لا ابد مابيا
عمر؛: ماري خالو
ماري؛: مامي
علي؛: هسا انروح على مامي حياتي
جانت ماري تبجي وكل اشويه تحضني من ركبتي وخايفه
عمر؛:؛ يلا انروح
مشينا بل سياره وطلعنا بوجهنا لبيت خالي وصلت هناك باب الحوش مفتوح وسدره والكل واكفين ينتظرونا
سدره
كلبنا نار بس انريد نعرف شنو صار همه وصونا الى تعبر الساعه يالا اتصلو لان مايريدون يشغلون الموبايل
وكفنا كلنا بل كراج واماني شايل علبه الجكليت وبابا وصى صهيب يجيب ذبيحه يالا نتظر وهناك جا. علي شايل ماري وعمر ماسك ايد طارق من شفتهم ماتحملت ركضت عليهم ابوس بيهم
نزلت ماري وتركض عليه دخلت بحضني يالله بجيت بجي ماعرف من وين ابوس ب ماري بوجها ايدها خدودها ادحك عليها وارجع احضنها واشمها
سدره؛: ويين رحتي ياامي وعفتيني وين
دحكت على ماما حاضنه طارق وحالها ماحسن مني وتبجي دحكت على علي شايل حسوني ب يدو ودموعو تنزل ومبتسم شلت ماري واتقربت علي اول من وصلت يمو حضني
علي؛: ربي لايحرمني منكم
احس روحي مو بس ابجي ع شوفت بنتي ابجي ع حضي المصخمن اش راح يصير بيا اشتم ريحة علي وابجي اكثر اريد اشبع من حضن حبيبي الي الزمن ضلمنا ضلم حيييل جبير ومرات اكول لا رب العالمين يكول. وَمَا ظَلَمْنَاهُمْ وَلَٰكِن كَانُوا أَنفُسَهُمْ يَظْلِمُونَ"يعني اني الي ضلمت روحي ب روحي ......
