رواية ذاري النجوم الفصل السادس العشرون بقلم زهراء السراي
:
:
:
أنا من أولئك
ممن يموتون حين يحبون
:
:
:
:
:
:
:
ليل
✥━━━༺✦༻━━━✥
ليلة رأس السنة
١/١/٢٠١٨
منتصف الليل بداية السنة الجديدة
بهالليلة الزمن مچان مجرد عقارب تتسابق
تعلن نهاية عام وبداية عام جديد
چانت لحظة بداية حياة جديدة نبدي
سوه العالم برة يضج بصخب الاحتفال
والالعاب النارية اللي نورت السما
بنور ملون مؤقت
بس عالمي اني چان محصور بالزاوية
الصغيرة من الهول ماكو صوت يعلى
على صوت انفاسنا الهادئة والاضاءة
والدفو من المدفأة اللي مسوينها
مفترشين الگاع مقابيلها
محاوطين نفسنا بفرو ناعم من برودة
الجو الفرو محاوطنا مثل غيمة ناعمة
عازلنا بشكل تام عن الخارج الضوه
البرتقالي الدافي المنبعث من المدفأة
يرسم ظلالنا عالحايط مكون لوحة
هدوء قاطعها هاجس بتصرفاته المعتادة
هاجس مستحيل يكتفي بالصمت
مرر أصابعه بين خصلات شعري
وميل برأسه يهمس بأذني بكلمات
دافية
-شنو قيمة السنة لو ما تبدي بعيونچ
رفع راسي اله باس عيني
وكمل
-كل السنين الفاتت بدونچ مجرد انتظار
لهاللحظة
-صاير رومانسي ماعرفتك
-افاااااا بس جربيني
گالها وملحگت أتفاهم ويا
حسيت بأني بديت أفقد توازني تماماً
مشاعري احسها تدور بدوامة مالها قرار
مزيج من الخوف اللذيذ والأستسلام المطلق
مثل ريشة مستغربة شلون ممكن يحتويها أعصار
بنسمات حنينة
لمن يشدني اله أحس بأن حدود جسدي
تتلاشى ومااعرف وين تبدي أنفاسي وتنتهي
أنفاسة حضن يشبه الغرق
بس غرق أتمنى محد ينقذني منه
استسلامي اله ماكان ضعف
بل قوووة من المشاعر الجارفة والانتماء
ايده تمر تتلاعب بخصلات شعري تسقط حصون
دفاعاتي هدأت وتركت دفة القيادة لمشاعره
ياخذني وين ميريد مادام الميناء هو صدره
مخليني بحضنه مبتسم الاضاءة بالمدفأة
عاكسة على عيونه الحلوة غمرت نفسي بحضنه
ضحك يتسائل
-شبيچ ياحلوووتهن
-مابيه شي
نقر جبينه بجيبيني ورجع سأل
-احچي
بخجل رديت
-ماااعرف شعور ورغبة تخليني اتمنى
انو ادخل داخل ضلوعك
ضغط على أضلاعي محتضني بقوة
واني تايهة اول مرة اكتشف ان التوهان
يكون حلووو من يكون الانسان اللي تحبي مستلم
قيادة استقرارج وانت مأمنة
تنفس براحة وسأل
-هيچ تحبيني ياغبية
رفعت اصبعي بوجها مهددته
-لتغلط
ضحك وجعصني مگومني وياه
-انت بهذا طولچ گد المشاكل ومادة اصبعج بوجهي تهددين
رفعت راسي وضحكت
-لا مااهدد
-غيري ملابسج نطلع
-وين نروح
-لعذبة البارحة رزلتني تگول اخذت بتي
وگوه تجيبها الي وحرمتني منها
-اي صدگ البارحة ليش رحتلهم شعندك ويه بابا
-واحد يشتغل بالمجمع وياه مطفي الكاميرات
وبايگ الدخل
صفنت ممصدگة
-الله عليك شو مگالولي
-ماقبل گال مااريد اقلق احد
بوحدنا گعدنا نسولف
المهم سحولته اله زاع الفلوس غصبا
علي وهاااا زحمة لا تسألين عمي عالموضوع
مشيت وياه للغرفة غيرنا ملابسنا
طالعين الاجواء تجنن والناس محتفلة
وصلنا فتحت الباب بمفتاحي
دگينه الباب الداخلية طلعت ماما
رحبت كالعادة بهاجس وهو باس راسها
دخلنا للهول وصاح
-وين حبيبتي
سمعته واجانه صوتها وهي جاية من غرفتها
-حبتك حية
بس دخلت ركضتلها همستلي
-ها ولچ خذاچ مني المسودن
تقدم سلم عليها وگعدنا بابا نايم
رادت تگعده ماما
هاجس ماقبل وگعد يسولف ويه ماما بيبي عينها
منه كل شويه يلتفت يباوعلي ويرجع
يحچي
اشرتلي بيبي گعدت بصفها همست
-هذا عيونه تتلاگط يحبچ
-اي بيبي
-فدوة اروحلچ يابيبي انت هم تحبينه
بعد روحي چا شمتانيه
-شنو بيبي
-ليلة هسة عمرچ ٢٩ سنة وداخلة
عالثلاثين بيبي العمر يمشي وحلاتها
من تحطين جهالچ بحضنچ وانت بيچ حيل
-بس بيبي………
-يابيبي شني البس عود شايفة روحچ
ما تگدرين شني بيبي اذا على تفكيرج
محد تخلف
صفنت بوجهها وكأنما الواقع ضربني كف
صحاني لمست كفوفي وضحكت
-زعلتي ليلة
-لاااا حبيبتي شلووون ازعل منچ
-دانشي فكرچ ولچ خل اشوف جهالچ
گبل لااموت
بست ايدها وهاجس مدري شيبسبس
ويه ماما
شويه وگال
-اي مثل ماگتلچ عمة اتفقت بعد وياها
راح اتزوج
شفت الغمزة منه وعرفته يريد يزعج
بيبي بلا نقاش گالتله
-گلابك ولك تردها الي
هنا ازوجها لواحد يسوووه هالجهامة
-اني ومرتي حجية متفقين
-ليلة أصيلة مو خبگة
ولا من الفاهيات حتى ترضى
-مايعبر عليچ شي
-خايب ماسواها الاكبر منك تسوووويها
انت
بوستها وهي رجعت همستلي
-سويلچ جااااااهل افتهمتي
-افكر بيبي
-لييييلة
بس گالتها معناها عصبت ضحكتها
يلا فكت اعصابها زرناهم وطلعنا
راجعين للبيت الطريق كله دماغي
مسكت عن التفكير اجيب بالموضوع
منا منا احس كلامها صح
الايام تمشي سريعة هو يكبر
واني اكبر
رجعنا للبيت قررت افصل دماغي
بس هالليلة من التفكير الى أن أقرر
ثاني يوم عطلة الحوامل اجوني اثنينهم
سوينه گعدة بنات
منظرهم يجنن بطنهم الحلوة وسوالف
التجهيز واكتشاف نوع الجنين
غيد بنية
ويمنى ولد شويه واجو الشباب لحگوهن
وطن يفتر ويصيح
-انطي بنتي لليدفع اكثر
رد علي نوح
-خليها تبور عندك احنه
ننهي عليها
-عود دكتوووور وبعدك بهالتقاليد البالية
-اييييييي همجي للنخاع شووووفني المن
تزوجها
-انطيها لأبن هاجس ابن المثقفة
صاحت يمنى بفهاوة
-واني شبيه
-همجية ويا رجلچ
غيد انسندت على رجل وطن ورفعت
حواجبها
-بنتي ماازوجها اسفرها للخارج تدرس
وتكون مستقبل وهي بنفسها تجيني
تگلي ماما ارررريد فلان
صاح وطن
-العببببببببببب مو احنه بتكساس
-ايييييي الها حق الاختيار ماازوجها غصب
-اي بعد روحي خليها تجيب البوي فريند
للبيت
رد نوح
-ها المثقف اشوفك ماقبلت
-اخذووووها بعبابتها نووووح مرتي
مسوووودنة
هاجس ساكت بس مبتسم يباوعلهم
حسيت گلبي فوت نبضة واني اشوفه
ميشارك بالحديث
بعد ماطلعو الشباب والبنات وورجعت السكينة للبيت
بقى صدى ضحكاتهم وصور تجهيزات
الأطفال تتردد ببالي رجعت للغرفة شفت هاجس
واگف يم الشباك وصافن بصفنة طويلة
وكأن بباله شي
تقربت منه حوطت خصره بيديه وسندت راسي على ظهره
فز من أفكار لزم إيديه وباسهم وهو يلتفت عليه
-ها خلصتي هوووسة الحوامل
ابتسمتله وسألته
-شفتهم شگد حلوين وطن ونوح
وغيد ويمنى صايرين فريييقين فريق الاولاد
وفريق البنات
ضحك وسحبني لصدره
-واحنه شراح يكون فريقنا للمستقبل
بذيج اللحظة كلام بيبي رجع يرن بإذني
العمر يمشي وحلاتها من تحطين جهالچ بحضنچ وأنتي بيچ حيل
حسيت بذنبي وبأني جاي أحرمه
من شي هو يستحقه بس علمود أوهامي بأني
مااگدر
تركني وطلع ويه مصعب سديت ورا الباب
ودخلت للغرفة وگفت گبال المراية
باوعت لملامحي ٢٩ سنة
العمر مو مجرد رقم العمر فرص تروح وما ترجع
فتحت المجر طلعت علبة الابر باوعتلها المفروض باچر اضربها
باوعتلها بكره وكأنها هي السد اللي واگف بيني وبين حلم جاي يمر ببال هاجس كل يوم
-ليش خايفة
سألت نفسي هل هو خوف من المسؤولية
بس الگى نفسي من أتخيل طفل يشبه هاجس عنده نفس عيونه اللي تلمع شيطنة
ونفس ضحكته يختفي كل الخوف
بأيد ثابتة وقرار اكيد
أخذت الأبرة وشمرتها بسلة الزبل
تنفست بعمق مقررة ان الحياة تستحق
ان اعيشها وجزء منها تكوين عائلة
لخاطر عيون هاجس اللي اشوف
بيها شوق للأطفال بس ميريد يجرحني
ويفتح الموضوع
وبناءاً على تطورات وضعي
الخفارات صارت كل اسبوع مرتين
وجاي اسيطر على دراستي وبناءاً عليه
تركت وقررت مااحچي واگله ردت افاجئه بالحمل
مر الشهر الأول
والثاني
والثالث دخلنا بي
بس الغريب إن أعراض الحمل ما بدت
والشهرية نزلت بعد شهر ونص
عبالي حمل
چنت أحاول أقنع نفسي إن جسمي بعده
يتأقلم بس كطبيبة بدت الشكوك تاكل براسي
رحت للدكتورة بيوم خفارتي
زميلة النا بالمستشفى
دخلت لقسم السونار
وحچيتلها كل شي ابتسمت
-شبيچ ليل شو وجهچ مخطوف
ترة الموضوع سهل
سألتني وهي تحضر الجهاز
-ماكو شي بس ردت أتطمن
صار شهرين تركت المانع وماكو نتيجة
نمت على السرير وصوت دگات گلبي چان أسرع من صوت الجهاز
بدت الفحص وبدت تركز بالشاشة
ملامحها اتغيرت من الابتسامة للجدية
- أنت شگد استمريتي على وسيلة المنع
-تقريباً سنة
-ليش سنة مصارلكم هالگد متزوجين
-مااكذب عليچ بسنة التنسيب چنت
استخدمها تقطعلي الشهرية ومن زعجتني
بسبب التبقع والنزف البسيط
اخذت باقي السنة حبوب حتى امنع الشهرية
لأن عندي عسر طمث وتعرفين الاذية
بس من تزوجت صار ٨ اشهر اخذت ثلاثية
ام ثلث اشهر مرتين وتركت صار شهرين
-ليش اتجهتي للأبر لو باقية عالحبوب
-مااكدر التزم وردت شي طويل الأمد
-بس غلطتي ليل
-ليشش شفتي شي
انطتني كلينكس مسحت بطني وگعدت
-ليل بطانة الرحم خفيفة جدا
-وهالشي سبب التأخر
-بالضبط لأن المبيض يحتاج لفترة زمنية تتراوح من عدة أشهر إلى سنة
حتى يستعيد التوازن الهرموني الداخلي
وتستعيد الغدة النخامية قدرتها على إرسال إشارات بشكل طبيعي لتحفيز المبيض من جديد
بذيج اللحظة الدنيا دارت بيه السقف
صار يتقرب مني والضوة خفت وخوف ملاني
بسبب قراري المتسرع
-يعني شنو يعني مراح يصير حمل
ابتسمت تطمني
-لااااا شنو ميصير بما ان
بطانة الرحم مچانت مدعومة بسنوات من التثبيط الهرموني المستمر
الرحم يستجيب بسرعة أكبر للإشارات الطبيعية للجسم بمجرد زوال مفعول الهرمون الخارجي
يعني استخدامج مو طويل الامد
-يعني انقطاع الدورة راجع لهالشي
-طبعا والدورة راح ترجع
لنمطها الطبيعي بوقت أقصر بما ان استخدامج
غير طويل التبويض راح يرجع طبيعي
خلال اشهر او سنة وبطانة الرحم تسمك
حتى تنغرس البيضة بسهولة
-شحتاج
گلتها وكاتمة خيبة تاثير قراري على جسمي
-تحتاجين Folic Acid
ضروري جداً للخصوبة وإعادة خلايا البطانة
فيتامين E حتى يشتغل على تحسين تدفق الدم للرحم والمبايض ويدعم سماكة البطانة
رياضة معتدلة مشي جري خفيف
مراقبة فيتامين Vitamin D3
حتى ينظم جودة البويضات
وابتعدي عن التوتر النفسي لان يرفع
مستويات الكورتيزول ويأثر سلبا عليج
اكل صحي متوازن اسماك جوز مكسرات
التززززام تام يساوي نجاح خطة العلاج تمام
-تمام
اخذت كل شي گالت علي ورجعت لدوامي
اليوم خفارة وهو بدوامة اتصل بيه
-الحلوووو ناسيني
-مصدعة اليوووم
-اجيچ اخذج
-لا حبيبي مباقي كم ساعة
-تمام انتظرج
ودعني وراح وبقت افكاري تاخذني وتجيبني
والحيرة مالية صدري بس هاي هي قررت
أتحمل نتيجة قراري وابلغه كل شي
يستحق بعد انتظاره اليه حتى استقر
دراسياً ووظيفياً وحتى نفسياً
يستحق ابلغة قراري وتبعاته
انطلاقاً من مبدأ المشاركة مچنت
اعرف مدى تاثير قرار ابلاغه على
حياتنا
رجعت للبيت الظهر قبله جهزت الغدة
وملابسه والحمام حتى يسبح وجهزت نفسي
واعرف راح يتعصب شويه واني مجهزة نفسي
لأحقيته بهالشي دخل واني اطلع لبن
واخلي عالميز
-السلام عليييكم
فاتح ايده كالعادة مشيتله حضني
-يومين ولچ يومين الا شويه
مامتلاگين
-مساوئ الزواج من دكتورة سيادتك
-قانع وراضي
باس خدي ودخل للحمام سبح بسرعة
وطلعلي واني اخلي الاكل عالميز
-اليوم برياني شهالدلال
-جاي اغرررريك
-مااااريد صحن برياني اغريني بغير شي
ضحك وبلش ياكل ويسولف عن
صعوبات دوامة بظل الترقية والمسؤوليات
الملقاة على عاتقه
واني احچيلة عن الخفارة الطويلة
واللي اشوفه بقسم الاطفال
كمل وغسل راح للغرفة
اخذت الچاي يمه حتى يشرب
وقررت مدام مرتاح افتح الموضوع
باوعلي وابتسم
-اكووو كلام على لسانچ گولي
-هاجس البارحة فحصت علمود الحمل
صفن بوجهي نزل استكان الچاي ونور بضحكة تجنن
-شنوووو حامل
من گال الكلمة وبهيچ فرحة حسيت بتوابع
غلطتي ومدى خطأي
نزلت راسي واطلقت العنان لدموعي
-اني اسفة والله هذا ثالث شهر……
وگف ممصدگ رفع راسي
-حااااامل ثلث اشهررررر ليل
كفوفة يرتجفن وهو يحضن وجهي بينهن
ولمعة الفرح بيهن كأنه منتظر هالخبر من سنين
سحبته مگعدته واطلقت كلامي
بسرعة
-هااااجس صارت مضاعفات بسيطة
اثرت عليه ممكن يتأخر الحمل مو معروف
شگد اشهر سنة اكثر عبالي حمل وممكن يصير
طلع خربطة طمث بسبب المانع
اليوم الدكتورة أكدتلي التراكم اللي صار بجسمي والاستخدام الخاطئ للمانع
سببلي ضعف بسيط وترقق ببطانة الرحم
انييييي اسفة والله لو يرجع الزمن
بيه والله ما أعاندك وأسمع كلامك
بس هسه ما بيدي غير أعتذر
وأتحمل ذنب قرار چان لازم ما اتخذة
صفن بوجهي منتظر تفسير شرحت حالتي
وشحتاج وسحبت المجر طلعت العلاجات
والشغلات اللي احتاجها حتى يسترجع
جسمي عافيته
سكت وطال سكوته لزمت كفه
دفعني ردت احچي
مد ايده مرد شفافي مسكتني
-اششششششششش
گالها ووگعت دموعي وطلعت تاركته
يهدأ بس صار العكس ثواني وطلع
بسرعة مر من يمي بيده سويچ السيارة
صحت ورا مارد طبگ الباب بقوووة عاصفة
وراح ومن الظهر للوحدة بالليل انتظر
اتصلت مرتين غلق تلفونه
ايست منه واگفة بالمطبخ الهي نفسي
اعزل بالثلاجة والصحون مطلعتها من الكاونتر
سمعت صوت سيارته ثواني وصار بالمطبخ
شمر مفاتيح السيارة على الميز بقوة
والتفت عليه وعيونه تشع بغضب
-هاااااجس
-اشششش متحچين حررررف
گوليلي گوليلي شتحسين هسه وأنتي شايفة النتيجة
تقرب مني بخطوات سريعة صوته المرة هاي چان عالي يتردد صداه بالبيت مثل صوت الرعد
-عفتلچ المسؤولية كاملة عفتلچ الحرية بتوقيت
حياتنا على مزاجچ وأنت شسويتي
بقرارچ الغبي ……
وگعت دموعي وخله عينه بعيني
- زعلتي أي نعم غبي دمرتي جسمچ
شنووووو احنه جهال
ومنتظرة لسنين حتى نكووون عائلة اني اللي
بعمري اولادهم بالمتوسطة
حاولت أقاطعه وارد بس شهگتي خنگتني
-هاجس اسمعني والله چنت خايفة
-خايفة من شنو
صرخ بوجهي وهو يأشر بيده على بطني
- خايفة من المسؤولية
لو خايفة اني مو گد المسؤولية
لو خااااايفة من شنو بالضبط
خاااااايفة على دراستج هااااااي يمنى مثلج وبعمرج
وحامل وتدرس دبلوم
وهاي غيد اصغر منج تدرس ماجستير وحامل
الا انتتتتتتت عندچ صعبببببة
ولتگليلي لتقارني بغيييري اقارنچ لأن مااااكو فرق
ذات الشغل وذاااات الدراسة
-ما چنت أعرف هيچ راح يصير……
قاطعني بضحكة استهزاء
ووجهه صار قريب جداً من وجهي
- ما تدرين أنت دكتورة أنت اللي تعلمين الناس
أنت اللي تدرين هالأدوية شتسوي تجين تگوليلي ما أدري
لا أنت اللي تعمدتي تغامرين بحياتنا
لخاطر نفسچ
ارتفع صوته أكثر وكأنه يريد يفرغ كل القهر اللي بگلبه من وقت ما قررت وهو وافق عالقرار مرغم
-واني الغبي فررررحت عبالي صدگ
راح يجي طفل يجمعنا
بس الصار هسن گاعد أدفع ثمن قرارچ الأرعن
لزم حافة الطاولة بيده
انخفض صوته شوين بس صار أكثر حدة
-أكبر غلطة سويتيها هي المانع انت تتحملين نتيحتها
وهسه يا دكتورة يا فاهمة گعدي ويه نفسچ
وفكري بالنتيجة اللي أنتي صنعتيها بإيدچ
وفكرررري سوايتچ تسوى هالنتيجة الحصلتيييها
-محسبتها والله
رفع اصبعه بوجهي غاضب
-لأن أنانييييية ثلث أشهر واني
شايل بخاطري وگلت هسه تعدل عن قرارها
بس ابببببد الحجر يلين وانت ثاااابتة
وماتنازلتي وگلت هاي هيه قرار
بسيط خل اتحمل هسن تحن
بسسسس شصار استمريتي
وانت حتى من فكرررررتي تعدلين عن قرررراج
قررتي ونفذتي لوحدچ
-ردت افاجئك والله گلت بهالفترة
يصير الحمل وافاجئك بس جسمي
خذلني انت موگلت انتظر سنة ………
-لتقوليني شي مگايله
انت قرررتي واني مشيت الامور
لأن شفت الرفض بعيونچ مااحب اجبرچ
وهسسسه هاي النتيجة
-والله گالو بسسسسيطة
-ننتظر البسييييطة وووووين توصلنا بالله
گالها بصوت عالي ودفع الصحون للگاع
رن صدى صوت الگزاز بالبيت وتركني وهو يدخل
على باب الترك طالع لبيت اهله
تاركني اصارع نتيجة القرار بوحدي
ساعات مرت و اني جامدة بمكاني بالمطبخ
لميت الگزاز بلا روح انشگت ايدي
عيني تمسمرت عالدم وهو يسيل
ثواني استوعبت وگمت والدم يقطر ورايه
غسلت بالحمام ومسويت اي شي
تركت المطبخ المكسرة بي الصحون
وتركت الهوووسة ودخلت الصالة
بيدي لحافي تغطيت ونمت بعد ماقفلت
الباب
غطيت بنومة قلقة ومزعجة بس
نمت لساعات واصوات عالية
وضرب عالابواب فزيت بتعب
على صوته يصيح
-ليييييييل شبيج
وووووووينج ناااايمة بيج شي
ليييييل
طلعت صار بوجهي بيده ملابس
الدوام ووجهه قلق باوع لأيدي
اللي الدم ناشف منها عالشاش
ودار وجهه تاركني فهمت من خوفه
شاف الدم عالگاع كل ظنه سويت
بنفسي شي
دخلت الغرفة يبدل ملابسه
رش عطر لبس حزامه خله مسدسه
بجانبه وخطى خارج الغرفة طلعت وراه
-دقيقة
توقف بدون ميلتفت وگف يم عتبة الباب
قبضته اشتدت على مفتاح السيارة لدرجة ابيضت مفاصل اصابعه واجهته وعيني
بعينه
-هيچ تنهي النقاش هاجس
-لغوة مااااريد
-اسلووووبك هذا تعامل بي ويه
المجرمين والمتهمين مو ويااااايه
-انتهى ماااريد اسمع حررررف
- لا تسسسسمع لازم تسمع
-شسمع احتقارچ واستصغارچ اللي
تغاضيت عنه شنو الاسمعه
-انت واااافقت
-غصباااااا عليه شفتچ مصرة
وماتراجعتيييي وذبيتي نفسج
عالدوام والدراسة گلت شنو اني
وامنعها من حلمها خليها تحسسسس
وتتراجع بس طلعتي راسج
ياااابس حجارة واستمريتي
متعنتة بآرائج تردين تمشين رأيچ
حتى عليه
-كله هذا محملة بگلبك وساكت
-ساكت لأن كل ما أفتح الموضوع تسوين روحچ الضحية
-ضحية ……أني
گلتها مستنكرة أسلوبه
-اي ايييييي انتِ تبقين حزينة ودموعچ
تنزل لأقل شي اگوله
شهقت وگلت بصوت مرتجف
-هيچ تترجم ضعفي گدامك
اني ماابچي ودموعي العزيزة متنزل
لأن اريد احسسك بالذنب واعيش دور
الضحية بس تنزل لأن طال الزعل بينه
بوقتها ولأن مااتحمل بعدك وبرودك
-انتهى ليل كلام مااااااريد الصار صار
تحملي اوزارة لوحدچ
-لتعاملني بهالأسلوب الفج……………
-اشششششششششش
گالها وطلع بلا ميعير اي اهمية
لدموعي ضرب الباب وراه بقوة وصوت سيارته وهو يشخطها بالشارع چان يعلن بداية حرب باردة
راح تقوم بينه گعدت على أول كرسي واجهني
باوعت لإيدي والدم نشف بس الوجع بگلبي ينزف
اكثثر واكثثثر
هنا عرفت إن المشكلة اللي گالت عليها الدكتورة بسيطة مو بسيطة أبد
وراح تدخل بينا مثل إعصار
تكسر السكون وتخلي كل كلمة بينا تصير سلاح
انشغلت طول النهار بالتنظيف وترتيب
البيت وانتظرته الغدة بقى عالطباخ
والعشه كذلك وهم رجع بالوحدة بالليل
دخل بدون سلام ملامحه جامدة
عيونه ما مرت عليه حتى مرور
راح للكنتور أخذ أوراق وغراض
وشال الشاحنة وطلع
لحگته بسرعة قبل ليفتح باب الترك ويدخل لبيت جدو
-هاااااجس ابقى بالغرفة اني اطلع
منها مااااكو داعي تنام هناك ونصير
اني وياك حدييييييث عماتك رجاءاً خليها بينه
وگف لحظة التفت عليه
هاي أول مرة من الصبح عيونه ثبتت بعيوني
-ابقي بمكانچ
-هاااااجس اللي يشوفك نايم هناك
شراااح يگول ابقى هنا لتطلع بغير مكان
زحمممممة
- أحتاج أبتعد حتى لا أگول كلام يجرح أكثر
تنفست انظم كلامي
-والبعد يحل الموضوع
-كل ما أشوفچ أتذكر إنك اتخذتي قرار وحدچ
وكاااااره وجودي حواليچ
-كاره …
بلا ميسمع اي كلمة بعد فتح باب الترك
وراح
دخلت الغرفة والكلمة تتردد ببالي
كااااره وجودي حواليچ
بيومها مگدرت
أنام الفجر دخل راجع من بيت جدو
طلع ملابس لبس
لبس كاجوال وطلع ولا كأنه يشوفني
انتظرت لوقت الدوام غيرت ملابسي
اخذت السيارة ورحت
انشغلت بدوامي ومر هاليوم
بلا اي اتصال منه فتحت
التلفون المغرب دست اتصال
وانتظرته يرد مرة مرتين الى أن
رفع الخط وصوته واضح يحجي
ويمه هوسة وضحك
-اطلبببببببي بابا ضغطچ هاببببببط
-مااشتهي عمو
-اطلبببببي بين ماااا ارد
رووووووان
هو صوتها وعمتها صوتها واضح تحچي
رد ببرود
-الو
-وينك
-طالع للنجف
-تمام
غلقت الخط ثواني واتصل فتحت الخط
محچيت شي گال
-حسبو حسابكم بايت ويه الجماعة اليو…………
غلقت الخط قبل ليكمل كلامه
وبلا شعور سندت راسي عالمكتب
وانسابت دموع الخيبة من عيوني
مااغار منها وادري بي ماعنده شي وياها
بس الاحساس البشع اللي يصيبني
من يكون حواليها مخليني مااطيقها
ولا اطيقه من يزعل ويتعمد يجرحني
بوجودها لأن يعرف اتضايق منها
وصلتني رسالة منه عالخط
-وباچر هم باقين بكربلاء
خليتله اوك عالرسالة وطلعت
رقم أديان مرت مصعب بس اتصلت
فتحت الخط
-الگاطعة
-حبيبببتي مامليتي مني كل يوم ساعة
ادوووخچ
-مشتاقيلچ اگلچ
متجون باچر تتعشون يمنه
-هههه بالزيارة
-يااااخبيثة لو گايلة نروح
سويه
-اني بدوامي هاجس ……
قاطعتني بأستنكار
-بس لا هاااااااي الادبسز اخذته وراحت
-اي
-وعمتها الگ***
- ههههههههههه لچ اديااااان عييييب
-والله هذا الواااااقع مطربگتلها
على كل شي
شووووفي الماسنجر اجتچ صور
فتحتهن محادثة مصعب وروان باديتها هي
بصوتية
رجعت دزيت لأديان
-الصوتية حوليها اليه
حولتها صوتها تبچي وتشهگ
-عموووو ضايعة اني ماااعرف
شسوي احس الدنيا توووقفت
وگلبي مجاي يبرد
رجعت للسكرينات
متحاورين هوايه يصبرها وهيچ
لحد مگايلتله اتمنى اروح يومين نجف
وكربلاء بس حتى ارتاح ومتفق وياها
ياخذهم
رجعت اتصلت بأديان
-يعني النية چانت مصعب ياخذهم
-شبييييچ مو اگلچ تلعب على مشاعر
الاثنين تدري بيهم يحبون أبوها
ومصعب بس شفت الرسائل حلفت
اذا راح وياهم اعوفله البيت ولو
يموت ماااااارجع انت شلون قبلتي
-ماااادري اساساً والله اتصلت بي
هسه وتفاجئت
ردت بعصبية
-وسكتيله
-موضوع نوهت علي مرتين الثالثة مااعيدها
لأن معناها المقابل متهاون بمشاعري لمرحلة
يكرر الفعل ثلث مرات
-راااااااح اخلي مصعب يتصل بي
-لا الله عليچ تركي الموضوع
-وتالي ويه انثى ابو برررريص
-ههههههههههههه خرب بليسچ
-داقتني والله يعني ماكو هيچ
-خليها كل شي اله نهاية
-اووووف مااعرف شگول ماارتاحلها اببببد
-شفتيها بعينچ شسوت ممثلة بارعة
-وگعتها على ايدي يلا حبيبتي
اروح لزوزو تبچي
والنة لقااااااء
ودعتها وراحت بده شغل الخفارة
الليلة داخل القسم وقت فراغي اقرأ
علمود دراستي
ووقت انشغالي أنسى حتى الأكل
للصبح طلعت تعبانة طريقي
مااشوفه رحت للبيت اخذت ملابس
وكتبي وشنو ممكن احتاجه وطلعت
لبيت جدو دخلت يمنى بالدوام
غيد نايمة بس جدو گاعد ومرت
عمو كمال سلمت وگعدت يمه
-شلونچ جدي
-الحمد لله
-شصاير جدي
صفنت علي ضحك وتقرب عليه
-شعنده رجلچ راد عزابي وليلتين نايم
بغرفته هنا
-منهزم مني اقره ودوخته
-اييييييه عليمن تطلعين سرچ ببطنچ
على حبوبتچ
ابتسمت ووگفت
-جدو اريد استأذنك راح اروح
لأهلي
-رجلچ وينه گلتيله جدي
-هاجس بالنجف
باوعلي ووجهه تغير سألني
-ويامن رايح اذا انت مو وياه
-مااعرف جدو
-جيبي تلفوني
انطيته اله رجعه بيدي
-تلگينه اول اسم كاتب الحفيد خابري
وفتحي السماعة
اتصلت بثواني رد
-الگوة الله يساعدك جدي
-يساعد بختك بويه شني للنجف رايح
وماندري
تلعثم ورد
-اي طلعت بأخت مرحوم ثائر وبته
للنجف وكربلاء
-لا بعد جدك بس النجف وترد اليوم
عيييييييب التسوي ممتحنلك بنسوان
اثنين شني بويه بالله هسه انت زلمة
هن مايستحن يشوفهن احد ماحود
سكت ثواني ورد
-تمام
-ترد والحچي يختلف صاير
شورك من راسك عيب التسوي
وانا گتلك
-جدي لا تحرگ اعصابك هاي رااااجع
-اتانيك ونشوف
اشرلي اسده وباوعلي
-بعدچ رايحة لأهلچ
-مشتاقة لبيبي
-امشي وياچ رايح اضيفكم اليوم
-تنورررنا جدوووو
انطيت خبر لماما بين ماتجهزت
ورحت اني وجدو بنص الطريق وگفني
يم مشتل
-محتاج شي جدو
-اخذي زرعات لحديقة امچ من
شافت الورد بحديقتي رادت منه
نزلنا وهو يختار ورد اخذ اكثر
من عشر سنادين وطلعنا للبيت
الجو حلو داخلين عالشهر الرابع
ربيع ونسمة هوا باردة وشمس
بنفس الوقت
دخلنا ماما لگيناها مجهزة گعدة
بالحديقة بيبي لابسة فوطتها البيضة
مال البيت وبيدها سبحتها من نوى الزيتون
هالسبحة صارلها عمر عدها وتحبها
تسبح ومنظرها هادئ دخلنا سلم جدو
-السلام عليكم
وگفت ماما سلمت على جدو وبيبي
وگفت ردت السلام وصل يمها
باس راسها
گلبي الغبي دگ عالمنظر
سحب الكرسي بصف بيبي
وگعد
ماما دخلت جوه واني گعدت يمهم
-شلونچ ام ريحانة
-الحمد لله انت صحتك شلونها
المسودن من اجه ذاك اليوم گال
جدي يشكي من چلوته
ابتسم وهز راسه
وماعرفت سر الابتسامة بيبي
عينها منه وهو گال
-اي والله توجعني واخذ دوة
تعرفين هي چلوة وحدة والثانية
اخذها صاحب الحگ
ابتسمت بيبي ومافهمت هاللغز شنو
دفعتله بيبي گلاص مي
-الماي زين الك اشرب هواي وتطيب
-اشرب وليل ونوح ويمنى واگفين
وگفة على راسي بالدوة والاكل
-ماعندك غير العافية
-اگلچ يگولون بيت مناحي
ميت ابنهم الچبير
-ياااااا ورحت انت وماگلتلي
-لا مارايح راح جمال وكمال انا
مالي خلگ گعدة طويلة گلت اروح لمناحي
بعدين
-خوش اخذني وياك عيب منهم
-نروح يوم الجمعة ياخذنا وطن
-خوش اتانيك انا
بقو يسولفون تركتهم ماما طلعتلهم
بالضيافة واني رتبت ملابسي
بكنتوري شويه ودگ تلفوني هو رفعت
الخط واجاني صوتة منتفض
-شنوووو معنى تصرفچ ليش گايله
لجدي وهوووو مريض خليتي تعصب
-شنو
رديت بعدم اهتمام
-تعرفين شنو
-اذا على موضوع الزيارة ويه نسووووان
اثنين ولوحدك وبايت وياهم فلا مگلت
وانت وياهم اخر اهتماماتي
-هين
غلقت الخط وتمددت ارتاح
واخذني النوم صحيت وره ساعة
على ايد ماما
-گعدي تغدي حبيبتي اجه ابوچ
گعدت غسلت وطلعتلهم بابا جايب سمچ
مشوي وماما مسويه تمن ومقبلات
جوه قمرية العنب والشمس تتخللها
واشعتها منثورة على ملامحنا
جدو ياكل وبيبي بصفي تفلس
وتخلي گدامي
-اكلي بيبي
بابا يحچي ويه جدو
-عمي ماتاكل سويتها الك ولعمتي ماصخة
علمود الضغط
بيبي ردت
-مايحب السمچ شوي يحبه مرگ
ضحك جدو وبيبي ذبت حسرة
تشرح
-چان عمي وابوي يجيبون السمچات
يلبطن من الشط وابو كمال يدگ رجله
ماياكل شوي ولا تگلا الا مرگ
وعمتي امه ماترضى تگله تحرم السمچة
علينا وبس انت تاكله
عمي سالم سودة عليه يگلها انا
اكل ويا سويلنه نص سمچة
رحمة على ارواحهم
-وبعدني على هالعادة بس
عاشت الايد الجابت ابو ضرغام
معدل
اكل شويه وحمد رب العالمين وگام
غسل اني وماما لمينه الميز وجبنه
الچاي شربنا انشغلو بيبي وجدو
وبابا وماما يسولفون واني تركتهم
حتى انام نص ساعة وماما اجتني
-ماما تباتين لو ترجعين ويه جدج
-ابات بس اوصل جدو وارجع
-لا نامي ارتاحي ابوچ راح يوصله
ماقبل يبقى يرتاح هنا يگول ماانام
الا بفراشي
طلعت بعد ماطفت الأضوية
وغطيت بالنوم لوقت متأخر ماما
دخلتلي فززتني
-هاجس برررره گومي
وگفت عدلت شعري غسلت ورحت
للصالة بابا بالمجمع واسمع بيبي
تسولف وياه بس دخلت بيبي وماما راحن
يصلن وگف هو طبگ باب الصالة ووگف گبالي
واني گاعدة
-شفهم من تصرفچ
-اي تصرف
-ثرثرتچ يم جدي
-من باب العلم بالشيء من گد
ما الموضوع غييير مقبول اجتماعياً
جدووووو من وحده فهم انت ماخذهم
مجرد سألني زوجچ وين لهالدرجة الموووضوع
غررررريب يازوووووووجي
رفع اصبعه بوجهي بعصبية
-رجاءاً ايدك تنزلها هالأسلوب
ماااحبه
-شفسر تصرفچ طالعة من دون علمي
وجاية لأهلچ
وگفت ابتسمت مستهزأة بالتناقض
اللي هو بي
-فسره ان وحدة راحت لبيت أهلها
ابوها وامها وجدتها وأخوووووها
فسرلي انت رجال وطالع ويه اثنين
كل صلة مالك بيهم ماعدى انهم
بنت صديقك واخته ماخذهم
نكايةً بيه لأن تعرف تحفظاتي
على تصرفااااتك وياهم
گلي بالله وين بتت بيهم
-اسلووووووووبچ
-صوتك رجاءاً
-شنووو بتت وياهم
-بيهم مو وياهم اسمع الفررررق بالكلام
وين بتت بيهم بفندق
اكيد موووو زحمة تدخل بيهم فندق
بأي صفة بالله شلوووون رهمت والفنادق
متقبل اي مراة بدون زوج اوووو اخو
او اب
-باااااابا انت واعية لكلامج
ترى بوووحدهم حجزو لنفسهم
وباتو اني شنو دخلي
-أسمع هاجس هالتصرفات
ابببببد مو ناضجة بأقل مشكلة بينه
تستفزني بوجودك حووووالين روان
موضووووع نبهتك علييييي مرة
ومرتين وهااااية الثالثة
وصدگ صدگ من اسكت عن العتب
راااااااح تكرررررهني
تسللت برودة للمكان رغم حرارة الجدال
وگف لحظة عيونه تجدح نار بس بيها
حيرة المرتبك اللي انحصر بزاوية
رفع حاجبه تقرب خطوة وحدة خلت
المسافة بيناتنا تنعدم نبرة صوته صارت أنصى بس أحد من السيف
-يعني هسه المشكلة مو لأن رحت
المشكلة لأن روان جانت موجودة
لهالدرجة الثقة بيه مهزووووزة عندچ
رديت بجمود
-الثقة متنهز من فراغ الثقة تنهدم لمن تختار تكسر خاطري وتدوس على كلامي
بس حتى تثبت لنفسك إنك حر
روان وعمتها مو محطة تجارب لرجولتك ولا وسيلة تضغط بيها على أعصابي
من عرفتك طالع وياهم ما فكرت بيك كخاين
لا نهائياً بس فكرت بيك كشخص ميحترمني
وهذا الشي اكببببر
ضرب بيده على طرف القنفة بعصبية مكتومة
-لتقلبين المواضيع رحت من باب الواجب
أصير نذل لأن جنابچ متزاعلة وياي
جاوبته ببرود
-الواجب إله طرق هوايه
مو من ضمنها المبيت بالفنادق
أنت رجل قاااانون وتعرف كلش زين إن السياق
هو اللي يحدد معنى الفعل
وسياق تصرفك البارحة جان يگول أني ما مهتم لمشاعر مرتي
هاجس أنت رحت بيهم للفندق
وحجزتلهم وبتت وياهم حتى لوووو مو بنفس
الغرفة بس بذيچ اللحظة
ما مر طيفي ببالك ما گلت هسه هي شتحس
سكت الكلمة لجمته حاول يتهرب من نظراتي
بس حاصرته بكلامي
-السكوت علامة الإقرار
لا تحاول تلبس ثوب المظلوم
جيتي لبيت أهلي هي رد فعل طبيعي لواحد لغى وجودي بقرار متسرع حتى يقهرني
وهسه بدال متسأل شفسر تصرفچ
روح اسأل نفسك انيييييي شفسر
تصرفك أنت
رجع خطوة مسح وجهه بكف ايده بتعب
- يعني هسه أنتِ ناوية تبقين هنا
باوعت لجهة الباب اللي بدت تطلع منه أصوات بيبي وماما ورجعت عيني بعينه بقوة
-أكيييييد لأن كرامتي هسسسه
ببيت أبوووويه تصررررفك اللي سوووويته
حسسني اني الغررريبة عنك وهم الاقرب الك
بقى واگف بمكانه ملامحه تعبت
وعيونه اللي جانت قبل شويه تجدح
نار بدت تطفى وتتحول لغيوم من الحيرة
كلامي چان مثل الملح على جرح مفتوح
يوجع بس يصحي
افتر حوالين نفسه وباوعلي وسألني
-يعني الأفهمه كرامتچ انهانت ببيتنا
وصرت أني الغريب اللي لازم يثبت حسن نيته حتى يرجع مرته لبيتها
جاوبته وأني مكتفة ايديه
رديت رد حازم
-حقي كل كلمة گلتها حقي لأن
فعلا انهانت كرامتي مفكرت بييييه
مفكرت بمنظري يم جدو
والبنات وعماتك وحتى اهلي
مفكرت باچر من يسألوني وين جان رجلچ
شجاوب أگلهم چان يسوي واجب
ويه وحدة مرته ما تطيقها
قاطعني بتوتر
-تصرفي چان ردة فعل عالصااااار
بس مو معناها تبيييعين لهالدرجة وتتركين البيت
- اني مبعت أنت اللي زايدت على مشاعري
بتصرفك الرجال اللي ما يحسب حساب لكرامة
مرته گدام الغرب لا يتوقع منها تستقبله بالأحضان
أنت تدري كلش زين روان شنو بالنسبة إليه
وتدري وجودها بحياتنا فتنة
ومع ذلك رحت وركبتها بسيارتك
وافتريت بيها واهتميت بيييييها
ولضغطها النازل ولأكلها
بالمقابل اني ومشاعري وايدي اللي
انجرحت والنزف اللي ملة البيت
تركتنا وراك ثأراً لموضوع محلول
وخاص بينه دخلتها هي وعمتها
حتى تقهرني ونمت وياهم
بنفس الفندق
تدري هاي التفاصيل شتگول
تگول إنك مستعد تضحي بكرامتي
بس حتى تكسر خشمي
راد يرد وبيبي دخلت عينها منه احنة الاثنين
قاطعتنا بصوتها الهادئ الرزين وهي تتقدم بالصالة
لحد مگعدت وسحبتنا وياها
- ها يمه شو واگفين والوجوه مگلوبة
يا ستار عين وما صلت على النبي
هاجس ارتبك عدل ياخة قميصه
وحاول يبتسم تصنعاً
- لا جدة ماكو شي مجرد عتاب بسيط
بيبي باوعت بعيني وكأنها قرت الغصة اللي بداخلي
-تعاتبو العتب يمه صابون الگلب
ضحكت ولزمت كفوفي
-تعرفون شني معناها
اهلنا يگولون العتب صابون الگلب
الكلام من يكثر وينظم بالگلب الگلب
حالة حال وصلة الخام البيضة يتوصخ
بالزعل والعتب يغسله
تعاتبو حتى ماتوصخ گلوبكم جدة
باوعتلي بيبي وردت
-وتتعاتبون ببيتكم جدة
وانت ليلة ابوچ تعبان مايحمل مشاكل
روحي ويه رجلچ يالله
هزيت راسي بالرفض هو ورد
-خليهة اليوم ترتاح باچر اجيها
باوعلي وسأل بأستفهام
-اجيييچ باچر مو
-تمام
گلتها ووهو وگف طلع وبيبي طلعت
وياه شويه ورجعتلي
-صلي وتعاي لحجرتي
طلعت صليت ورجعتلها
بدون نقاش اشرتلي على رجلها
تمددت تلعب بشعري
-شصاير بيبي ليش هيچ وجوهكم
مگلبة
-موضوع بسيط
-ليلة
گالتها بعصبية گعدت احچيلها
وهي تستمع الى أن كملت
ردت عليه بصوت دافي بس حازم
-اسمعي يمه الرجال مثل الخيل
إن شديتي علي حيل يگطع الرسن ويجفل
وإن رخيتي إيدج يضيع منچ ويهد للچول
هاجس غلط وإي بالله غلطة چبيرة
بس يمه البيت مو ثوب ونذبه
نزلت دموعي ورديت بصووت مخنوگ
-و كرامتي بيبي هو استصغرني گدام الغربة
راح ويه ذيج وهو يعرفها عدها شي تجاهها
- كرامتچ بالبيت كرامتچ من تخلين روحچ
عامود البيت إذا هدمتي بيتج بكلمة ما أريدك
وبزعلة طويلة تدرين منو الراح يضحك
بت صاحبه وأمثالها عيشتهن على خراب
البيوت العامرة بمكرهن وحيلتهن
سكتت وهي تمسح دموعي ورجعت كملت
-المرة العاقلة يمه تعاقب زلمتها
بالسكتة بس برزانة
بالثگل علي مو بالهجة من البيت
ردي وياه باچر لبيتچ
بس ردي وإنت عالية خلي يحس بقيمتچ
وهو يمچ مو وهو بعيد
الزلم يا بنيتي يغلطون مثل الجهال
وحلاتنا إحنا الحراير نلمهم بحكمتنا
ونأدبهم بصبرنا
لا تخلين العتب يطول صيري انت الماي
العذب من يعطش وبردي گلبه
لاتخليني يدور يم غيرچ گطرة تروي
-بس ………
قاطعتني
-مااااكو بس يمه ترى انت هم غلطانة وغلطتچ
چبيرة ترحين وتگعدين وياه وتبردين
گلبه على سالفة الخلفة خوووووش
-أن شاء الله
-وهسه گومي غسلي وجهچ
وصلي لربچ
المسودن نادم والندم بالزلمة
اول خطة جدم للتوبة
لاتخلينه يروح لغيرچ يدور راحة
لأن مالگاها يمچ بالزعل اكسري الشر
و تفاهمي وياه بحكمة وگليله اماني بحضنك
وبيتك لا تخلي الغربة تهجمه
وشوفي شلون راح يتعذر
نزلت كلمات بيبي على گلبي مثل المطر اللي يطفي حريق
حسيت إن البيت مو بس حيطان
هو مشاعر واحاسيس ومودة وسكينة
هو مملكتي لازم ادافع عنها بالذكاء مو بس بالدموع
گعدت مسحت عيوني
- يعني بيبي أرجع وياه
هزت راسها وضحكت ضحكة خفيفة
-ترجعين حتى تراوين هالبت الصلفة
وغيرها إن الزلمة زلمتچ والبيت بيتچ خووش
-أن شاء الله
بست كف ايدها وطبطبت على كتفي
-ربي ميحرمني منچ يابيبي
يخليچ اليه وتشوووفين احفاااادي
-خايبة بيش طالبتني ارد اروح لخزعل
سودة عليه يابعد روحي طلبت من ربي
بكل ساعة صلاة يجمعني بي بالاخرة
-عمرچ طووووويل ياحبيبتي
طلعت تاركتها ترتاح ورحت لماما
باوعتلي وهي حاسة اكو شي
-شبيكم ماما ليش راح هاجس بدون
عشة
-تعبان چان بالنجف
-ليل صاير شي
اباوعلها ماما اعصابها من استقر فارس
برى متتحمل شي ابتسمت انهي الموووضوع
-لا ماما شكو مثلا أصلا راح يرجعلي بس
مدري شعنده بالدوام
ابتسمتلي مرتاحة
-دتصلي بي خل يرجع ليجاي يتعشى
-ها
-شبيچ ماما اتصلي بي من تلفوني
اخذت تلفونها من الميز اتصلت رد بنفس
الثانية
-هلاااا عمة التلفون منور
-ها هاجس
سكت شويه ورد مستغرب
-صاير شي بيكم شي
-لا بس ماما تگول ليش مابقى للعشا
هههه عبالها صاير شي بينه گلتلها راح
يرجعلي بس يكمل شغل
-جاي انتظروني
غلقت الأتصال وساعدتها بالعشا
اجة بابا ورا بدقايق دخل هاجس
بتراك البيت خلينه العشا وبيبي
تباوعلنا تراقب تصرفاتنا شويه وصاحتلي
بين ما بابا گام صلى
-ليلة روحي يم امچ
وانت امش وياي بره
طلعو للحديقة يسولفون عيني
منهم من شباك الهول شويه
ورجع هاجس مبتسم گدام ماما
-ها حبيبتي نروح
بيبي اشرتلي عالغرفة رحت
دخلت اجت ورايه
-لبسي واخذي غريضاتچ وهالليلة
لا تنامين اذا ماحالة موضوعچ وياه
-بس بيبي ………
-لا تبسبسين ابوچ ماله خلگ وامچ
شفتيها ضغطها خلى حتى خشمها يطگ
دم روحي يابعد امچ ردي لبيتچ
يابيبي بعدچ عروس لا تبردين فراشچ منچ
باستني ورحت اني اخذت اغراضي
سلمت عليهم وطلعت
صعدت بالسيارة وهو
ساكت كسر الهدوء بسؤاله
-صدگ معتقدة اباوع لروان
-ابددددددد وواثقة مية بالمية
منك متشيلها من أرضها……
-بس
-بسسسس ماعندي ثقة
بيها البنية متلاعبة
- لهالدرجة
-واكثر والايام راح تثبتلك
رغم شفت تصرفها بعينك من ادعت المرض
ذبيت حسرة ورجعت كملت
-موضوعها منتهي ومراح احچي
بي بعد
سكت هو واني سكتت ورجعنا للبيت
اثنينا دفنا الخلاف نطلع لشغلنا
ونرجع نلتقي بالبيت نقوم بكل واجباتنا
بس هو شايل زعل موضوع الحمل عليه
واني شايلة بگلبي عن موضوع
طلعته ويه روان وعمتها
لحد ما واني خفر بالمستشفى اتصل
بيه بالليل
-ها عيوني
-اليوم باتي يم البنات
-لييييش وين رايح
-لبغداد للدكتور اني ونوح
قلقت وسألته
-صاير شي هاجس تعبان
تعالي للمستشفى
-لا حبيبتي بسيطة بس محتاج
اراجع دكتوري
-تحس بألم
-التليفات حتى جاي تعيق حركتي
والم الامعاء مزعج اشوف شنو النتيجة
-تعالي اخذ اجازة اروح وياك
-لا ارتاحي من الدوام للتعب ماعندي
شي يوم واحد وراجعين
-طمني مو تغلق جهازك
-يلا حبيبتي
ودعني وراح بقيت بيومها بقلق
خابرني الصبح
-صباح الخير ياحلو
ضحكت هالفترة كلها روتين ماكو دلع
-اليوم غزل
-رجعتي للبيت
-راجعة هسه
-تمام شوووفي اكو كارتون بكنتوري
طلعي
-شنو كارتونيش
-شوووفي اگلچ
-تمام
-يلا احنه وصلنا من ساعتين
وعندي تحاليل اسويها واطلع االعصر للدكتور
-يلا حبيبي صحة وعاااافية
ودعته ورجعت للبيت والفضول اخذني
رحت للكنتور طلعت الكارتون مغلف
غلاف هدايا
فتحتة لابتوب جديد
وحتى على الگفر ستيكر بأسمي
فتحته انفتحت الواجهة مرست وجاهز
صورتي وصورته عالشط حاضني
باوعت كارد باقي بالكارتونة
فتحته مكتوب بي
-ولأني فاشل بالاعتذارات
تقبلي هذا
وراسملي قلب صغير مجعمر
ضحكت ماااعرف شگول
غيرت ملابسي وبلا وعي ذبيت
نفسي للنوم گعدت الظهر اتصلت بي
فتح الخط وصوت ارگيلة يسحب بيها واضح
-صحتك عيووووني
-نفسسسين بس
-مو زين عليك والله
-عجبتچ الهدية
-لو جايب بس الكارد كافي والله
-راجع ويصير خير
گالها وضحك سلم عليه وراح
بعد ماسديت التلفون غمرتني طمأنينة افتقدتها لأسابيع
چانت نبرةالاعتذار واضحة بصوته
اللي رجعت دافية استسلمت لنوم عميق
خالي من كوابيس الخلافات والزعل
للصبح بأعمق لحظات استرخائي ونومي
حسيت بشي غريب
لمسة رقيقة مثل ندفات ثلج ناعمة
تتساقط على ملامحي
وتداعب وجهي واجفاني
فتحت عينوي ببطىء
ووگعت بتلة ورد حمرة استقرت على
جفني ركزت نظراتي چان هاجس واگف
فوگ راسي يباوعلي بنظراته اللي تلمع مكر
وحب بيده وردة چبيرة
يفتت بتلاتها بين اصابعه ويتركها تمطر فوگ ملامحي كأنها زخات من الحب الصافي
ابتسم وهو يشوف ارتباكي وصفنتي
نزل صار بمستوى وجهي ايده ترتب
خصلات شعري همس بنبرة هادئة
ذوبت باقي جليد الزعل بگلبي
-حاولت أكتب اعتذاري على الورق
وحاولت أصيغه بهدية
شفت اللابتوب جماد ما يوصل حرارة شوگي…
گالها وباسني بقوة ورجع كمل واني اسحب انفاسي
بمحاولة مني لأستيعاب اللي جاي يصير
-فقررت أجيبلچ ورد يشبه ملامحچ
وهو ويحچيلچ بالنيابة عني
طشر باقي الوردة حواليه وشال باقة
چبيرة خلاها بحضني
-اعتذر عن كل لحظة حسيتي بيها إن كرامتج
مو مهمة عندي
مديت ايدي لشفافه سكته ابتسم
من بعدت الورد وفتحتله ايديه
ارتمى بحضني محاوطني
بين ادي يهمسلي بشوق
-رضيتي ياحلوتهن
-اني هم آسفة
ارتاحيت مرتمية بين احضانه
عصرني بين ادي مترجم شوق ايام الزعل
بحضن هادئ
واجت ببالي مقولة تترجم وضعنا بين
مد وجزر
-وإذا الحبيبُ أتى بذنبٍ واحدٍ
جاءت محاسنه بألفِ شفيعِ
قالوا أساءَ حبيبهُ فأجبتهم
إنَّ الحبيبَ وإن أساءَ حبيبُ
