رواية ذاري النجوم الفصل السابع العشرون بقلم زهراء السراي
ليل
✥━━━༺✦༻━━━✥
أيام تمر بقلق شديد
وتفكير عميق امشي بيها
بحذر مثل الماشي بين حقل ألغام
ماشية بخطوات ثگيلة من المختبر
للعيادة وبيدي التحاليل الأخيرة اللي
جانت هي صك الغفران لليالي من السهر والقلق
باوعتلي الدكتورة بابتسامة غلبت حتى قلقي
- ها دكتورة بشري
نزلت الدكتورة نظاراتها باوعت للأرقام وابتسمتلي
- جسمج رجع لطبيعته تماماً
تأثير المانع والأعراض الجانبية اللي جانت معرقلة الموضوع كلها انتهت
هسه تگدرين تگولين إنچ جاهزة تماماً للحمل
وماكو أي مانع طبي يمنع هالشي
تنفست بعمق
حسيت براحة متنوصف چانت هاي اللحظة هي اللي أحتاجها حتى أطوي صفحة الخلافات اللي چانت تحوم حول هالموضوع رغم احنه ممبينيها
-يعني دكتورة هسه أگدر اگول الخبر لزوجي وأني مطمأنة
-أي الرزق هسه صار بيد رب العالمين
طبياً أنتِ بتمام عافيتچ
طلعت من العيادة والشارع بعيني صار أحلى
طلعت وأني أحس بخطواتي أخف من الريح
وكأن الثقل اللي چان واگف بصدري
انزاح بمجرد ماعرفت الخبر
رجعت للمستشفى اكمل دوامي
واتصل بيه واني بالمصعد
-ويييينچ حب
-انت وينك
-بالمكتب يمچ
-دقاااااااايق جايتك بس لحظة شعجب جاي
شنو صاير شي
-يابه مشتاق واجيت يومين
انت رايحة اني جاي
اني جاي انت رايحة
وماااشوفچ مشتاااااااق اكبرها بعد
-جاااايتك
غلقت الخط وبيدي أوراقي الفرحة
اللي تنبض داخل گلبي خلتني اسوي
الطريق خطوتين بعد منزلت من المصعد
فتت للمكتب گاعد منتظرني والدكتورة
زميلتي طالعة مموجودة قفلت الباب ومشيتله
بسرعة فتح ايده كالمعتاد وحضني
اشم بي ريحة جگارة همست
-هاااااجس مدخن
رفع راسي اله مبتسم
-هاااااسكي مو مرة
ضربته على صدره رجع حضني
-مرات اتنرفز وأحتاج جگارة
وهو يحچي همست
تستمر القصة أدناه
-مستعد تصصصير بابا
ايده اللي چانت حاضنتني
هدأت ورخت رفعت راسي ناحيته
بلا كلام رفعني لحضنه وافتر بيه
-وتسأليني مستعد لووووو لا
نزلني وعيونه تتسائل
-شصااااار
تركته وطلعت الاوراق من الجنطة
-كتلك من البداية الدكتورة گالت مو هوايه
ماخذة مانع والموضوع ممكن ينحل بأشهر
بسس………
قاطعني وهو ضاحك گعد گبالي
-بس رجلچ دماغه محجر موووو
-ابوس دماغه
مدلي راسه بست كرعته وضحك
-امشي اطلعچ يلا
-مترهم
-ارهمها امششششي
اليوووووووم العب جوووووووولة اليييييييوم
-لتتساخف
-هو صاحله السخافة واني گايل لا
جهزي نفسچ اتصل بيچ نزليلي
ونزل كالعادة اكيد شرب گهوته يم المدير
وتوسطلي بأجازة اتصل بيه عدلت
نفسي ونزلتله گاعد بالسيارة منتظرني
فتحت باب السيارة وصعدت شغل المحرك ودار وجهه عليه وبدال ما يحرك السيارة
ظل يباوعلي بنظرة كلها سرسرة ومكر
نزل نظارته الشمسية وسألني وهو يلعب حواجبه
-هاااااا نبدي عملية الأنجااااااب
-ههههههههههههه مستعجل
-اييييييييي و يجينا هاجس صغير
يشبهني وياخذ كل الدلع
-اوووويلي شوووف التكبر وشوفة الحال
تسمي هاجس
-ايييييي هاجس هاجس كمال هاجس
-ياااابه ثلث اجيال من جاثوووم
-هالجاثوم سكن عيووونچ وحبيتي
-شسوووي مجبورة
-يلا لچ فلننطلق
-لا تسبق الاحداث ستوها گالت جسمي جاهز
تقرب مني وهمس يم إذني بخباثة
-وجاهزيته هاي يحتاجلها احتفال خاص يليق
بمستوى الخبر
باوعتله صفح واشرلته يمشي
-دمشششي عيب إحنا بباب المستشفى
-طز بالمستشفى وبالمرضى وبالمدير اللي انطاج إجازة بخشم مرفوع الليلة ليلتي
حرك السيارة بسرعة قبل لا أرد
يسوق بأيد والأيد الثانية لازمة إيدي بقوة وكل شويه يباوعلي ويضحك
-تدرين شراح أسوي
عبالي يريد يحچي سخافات عطت بي
-هااااااجس
-شگد نيتچ سوووووووء
راح أدللچ اليوووووم اقصد اعشيچ
برررره واخذچ تشترين اللي يعجبچ
حتى من يجي ولي عهد يگول بابا
مدلل ماما قبل لا أجي
تستمر القصة أدناه
ابتسمت على حماسة وسألته
-وهسه وين رايحين
غمزلي وگال
-اختتتتتتاري حلوووتهن اليوم تحت امرچ
-لسويسرا
-انچبي
-خلف الله عليك شدعووووواك هي هاي شمرة عصا
-خلي رجليچ بالگاع حبيبتي اختاري
شي سهل ومكان تحبي
-اي مكان انت بي اني احبه
-اووووويلي قنووووووعة
-هي التتزوج من السلك العسكري تصير قنننوعة غصبا عليها
وحسسسرة عليها السفرررررة
-مااحرمج اي مكان دااااخل العراق عيوني
الچ
-وخاررررج العراق مابيها مجال
-ابدددددد لو بيدي شتدرين ابخل عليچ
-لو بغرفة متر بمتر واني وياك هاي هي لتضوج اتشاقة وياك عيوني
-العبببببب غرفة متر بمتر واني وياج
امكانيييية عالية للفساد الاخلاقي
ضحك ومشى بينه يدندن ويغني شويه والتفتلي
- اليوم ماكو نوم للصبح أريد أعوض بي كل الفاتنا وإنت معنفصة
ضربت كتفه بخفة
-معنفصة شنووو اني حصان
-لا غزززززال البببببر
-متتوب من هالحجي
-أتوب من كل شي إلا من السخافة وياچ
هي هاي اللي مخليتني عايش
-اليسمعك يصدگ ميدري بيك سجلت اقامة
بغرفتك القديمة وتركتني بوحدي بالبيت
عصر كفي معتذر
-اكبر گ***د اني مو
-حشاك
-ضغوووط هوووايه ودماغي مشوش
وهووواي سوالف خلتني مخربط
-حتى لو مخربط اني اعدلك
-وبعد
-احبك
-قديمة گولي غيرها
-مابيه حيل
-حتى بالحب عجوزية شتلتيني شهور
-اتدلع
-حقچ يابه حقچ
-شيصير لو هسه نرجع للبيت وتخليني
انام لأن نعسانة
-انجبي رجاءاً صار شگد ماطالعين
وصل بينه لمطعم طلبنا الأكل
ويسولف عن دوامه واللي جاي يصير
واني احچيله عن دوامي
لحد مخلصنا العشا
طلعنا لمول طبگ سيارته نتمشى
ونسولف ايده بيدي وگعت عينه
على محل ملابس اطفال
-لا تستعجل
-تعااااي
سحبني دخلنا الاشياء تجنن
بس مردت اخذ شي هو مااعرف ششترى
مخلاني اشوف واگف گدامي مثل الحايط
بقينا نشتري ملابس بيت اليه عطور اله
بخور وهالسوالف الى أن طلعنا بعدنا ممحركين
فتح العلاگة مال الاطفال طلع منها علبة
بيهة حذاء صغير وصدرية طفل وجواريب
وزنجيل للملهي كلهن بطبعة عسكرية
تستمر القصة أدناه
-تجنننننننن
-حتى من الولادة يطلع عسكري
-وليش يطلع مو تطلع ليييش مو بنية
-ماكووووو ولد نرررريد
-بكيفك يعني
-اكييييد بكيفي
غمز وطلع للبيت وصلنا فتحت باب الهول بين
ميطفي السيارة تفاجئت بغيد بالهول گاعدة
رفعت راسها وجها احمر ودموعها مالية عينها
-شبييييج
-وديني يم خالة ريحانة وبيبي
-شصاير بطنچ تأذيچ بيج شي
-مااااريد ابقى بالبيت
-شكو غير افهم شصاير
فتحت تلفونها خلته بيدي
سكرينات محادثات بالمئاااات
-وطن
-وحبيبته اللي مناسيها ولا راح ينساها
حبيبته اللي يواعدها ان راح يسمي
بنته زهر مشتق من اسمها
ساكتة ومتحملة صار اربع أشهر
وگلت هسه يوعى على نفسه
وينتبه لخطأه بس لا داااااايخ سكراااان
بوجودها لدرجة مو حاس الحساب مفتوح يمي
ولا داري
وگفت مسحت دموعها
-اخذيني لخالة ريحانة ومناك اتصل بأخواني
يجون ياخذوني
-حبيبتي التعب مال الطريق مووو زين
عليچ وانت ستوچ داخلة الثامن
-ميخالف ماااريد ابقى قبل ليرجع
اني طالعة منا
-هو وين
-رايح ويا نوح عدهم عرس
واحد من اصدقائهم
-وميدري بالكلام محچيتي وياه
-لا محچيت ولا راح احچي مدااااام
مستغفلني شوووفي اخر محادثة بينهم
هسسسه وهو بالعرس باوعي شكاتب
فتحت الحساب دازتله صورة الها لابسة
زيهم بأحتفال كاتبتله
-تمينتك موجود تشوف الاجواء
-المهم انتِ متونسة
سدت الجهاز وكملت
-مااابقى ويا دزيتله رسالة اختبره كتبتله تعال اني تعبانة ساعتين مفاتح الرسائل ممنتبه دايخ
وياها رغم يراسلها ويرد صار ساعتين
ومحادثاتنا وحدة جوه الثانية بس الاولوية
الها
-خابري واحچي وياه ميصير تطلعين بلا متحجين
-ميستحق احچي ويا حرررررف واحد
-اسمعي مني
-مااااريد ليل بس وديني لخالة واذا
متگدرين اني اخذ تكسي
دخل هاجس واحنه نحچي شافها تبچي
اجاها قلق
-شبيچ
-هاجس خابر وطن خل يجي
تستمر القصة أدناه
-صاير شي
اشرتله راح للغرفة
-غيد وگعت على وطن يحچي ويه
گلزهار انت مو گلت حلف ممتواصل وياها
صار اربع اشهر وياها محادثات وغيد ساكتة
منتنظرة ينتبه لحياته
عض لسانه متعصب واتصل بي
ثواني ورد
-ها ابو الهواجس
-حيووووان هسسسسه ترجع للبيت
-شصاير هاجس شسالفة شهالغلط
-تاكل تبن وتجي
-تمام
سد التلفون وطلعنا لغيد
گاعدة وجهها تعبان
هاجس على أعصابه واني رحت جبتلها
عصير تشرب
-اشربي جاي ترجفين
شربت العصير وسندت راسها عليه
نص ساعة واندگت الباب فتحه هاجس
ودخل وطن وجها مخطوف
-شكو هاجس
بلا تفاهم هاجس سحبة للصالة وسد الباب
دقايق وطلعو عينه على غيد راد يحچي
هي گامت
-خوية هاجس وصلني لبيت خالة
-نتفاهم غيد
-ماااريد احچي أي شيييييييي
-شوووووفي المحادثاااااات والله
ابد محاچي شي ولا راجعلها كحبيبة
رجف صوتها وردت
-محاچي شي كحبيب بس كل كلمة تگولها تغني
عن كلمة حبيبتي وأحبچ
كلااااااامك وياها من اربع شهووووور
محفووووور هنااااااااا
ضربت على گلبها وهو تخبل لزم ايديها
-والله مراجع كحبيب مجرد كلام زملاء
دراسة مو اكثر
-هممممممم زملاء تمام تمام
الواضح ان وطن ميعرف بيها عدها كل شي
فتحت الجهاز وگعدت
-قبل اسبوووووع الساعة وحدة بالليل
وطبعا نايم بصفي وعلى فراشنا تراسلها
كاتبلها
-ممفكرة ترجعين
-مااگدر هسه بابا هوووايه تعبان
-اتمنى تفكرررين بالرجوع
-والله اتخيل كل يوم لحظة رجوعي
وشوفة عيوووونك بعد سنين
-رجعي لولايتچ بدت تتعمر
غلقت التلفون ووگفت بوجهه
-ويييينه المووو حب
وانت تريدها ترجع
-مو قصدي ترجعلي شووووفي ردي عليها
-ماااااااريد اسمع شي
لزمت جنطتها واشرتلي
-فدوووة وصلوني لبيت خالة
-ويييين ترحين
-لأي مكان مابي انت تمام
تستمر القصة أدناه
هاجس اشرلي وطلعنا وياها وصلناها
طول الطريق هاجس مشتعل نار
وصلنا البيت ووطن بعده بالهول وگف هاجس
فوگ راسه
-شتفسسسسر كلامك وتصرفاتك
-افهمني والله محاچي حبچيات ولا راجعلها
-غبيييييييييييي هي هاي الخيانة
مجرد انك تحجي ويه حبيبتك من الماااااضي
-راييييحلها افهمها
-اتركها ترتاح يم بيت عمتي
هاليومين لتلح البنية تعبانة وحامل
طلع وطن تاركنا واني اتصلت بماما
ردت عليه
-شبيها غيدة ولج ليل شو
بس طلعتو حضنت بيبي تبجي ونامت
-موضوع بينها وبين وطن خلاف بسيط
انطينياها
شويه واجاني صوتها الباكي
-ها ليل
-حبيبتي خليچ يم ماما باچر اجيچ
ونسولف
-لا باچر خالو عبد الله يوديني لبيت اهلي خابرته هسه
-ليش غييييد لترحين والله موزين عليچ التعب
-ماااگدر ابقى بس ابقى اموت من القهر
ليييييل اكل بنفسي اكل من شهور
واگول هسه ينتبه يوعى لنفسه صدگتي
من يگول ماكو شي كلامه مشفر وياها
ملغم مشااااعر بعده گلبه ينبضلها والله
شوووووفي
بدت وهي تحچي ويايه توصلني رسائل
وحدة وره الثانية ودعتني وگالت
-انتِ احكمي
غلقت التلفون واني دخلت للغرفة اخذتلي
ملابس سبحت وطلعت لگيت هاجس مو بالبيت اتصلت بي گال اني يم وطن اتأخر شويه
فهمت ان هو يريد يحچي وياه
طفيت الأضوية وبديت ارجع للسكرينات
عابرة المية واكثر وصلوني بالترتيب الماخذتهم
بي
وبديت اقرة بداية المحادثة
بس دازتله كلمة وحدة
-حبيبي
شايفها ومراد
باقية تدز رسائل بالتتابع تاريخ
الرسالة الاولى بداية حمل غيد من
گال وطن رجعت گلزهار وهاجس مقبل
على كلامه
وفعلا مراد عليها باقية تحچي
وتعتذر
-وطن بس رد عليه
وصلتني أخبارك من سالي
زميلتنا گالت انت وياها بنفس الشركة
تشتغلون
وره ايام دازه
-يمكن ارجع اختفي وانت عشت حياتك
من دوني وكملت
بساعتها راد
- وانت متذكررررررة الكل ومحاچية سااااالي
وغيرها ورة ٤ سنووووات يلا لگيتي حساااااابي
نفسسسسه حسابي اللي خليت صورته
واسمة خااااف ترجعين تلگي مووووجود
-چنت ضاييييعة وطن
-واني شچنت بس فهميني
انييييي اللي ميجي نازح ليجاي الا وتلگيني
سائل ومدوووور
تستمر القصة أدناه
-الصارلي مو قليل
-والصارلي هم موووو قليل
-متعذرني
-نهائياً انت گلتيها برسائلچ
انهزمتووووو من اول الاحداث لأربيل
ومنها لتركيا وبعدين لاوربا بوسط كل
هالزحمة ماگدرتي تطمنيني
-اختي اعتدو علييييها وقتلو زوجها
چنت وياها احاول اطيب جرحها
-اعتذر وخالص تعازيي الها بس بوسط
هالزحام مااااكو ثواني تگليلي بيها
وطن اني بخير
ساكتة مدازه شي وراجع سائلها
-سكتي لأن كلامي صحححححح
متصلة بي بنفس الوقت ووقت المكالمة
ثلث ساعة وبالليل
يعني غيد بالبيت شلوووون يتصل وهي
موجودة
وراها رسائل بعد الاتصال واضح تفاهمو
كل رسائلها تبدي بحبيبي
بس هو يسميها زهرة ورسالة تتبعها
رسالة وتتبعها رسالة محچالها شي
عن زواجه الى أن هي دازتله سكرين
لحساب غيد اللي مشاركة ويا بوست
حملها وراد
-تزوجت
-ونسيتني
-استقريت
-ونسيت
-اني مو ناكر عشرة وانسى بس عشت
حياتي وانت عشتي
-تحبني
ماراد عليها
-سألتك تحبني
هم مراد بس يغير الموضوع
واستمرت الرسائل ذكرياتهم
صور جامعية صور شغلة هو
صور اصابته وهم اتصال رافضة
وكاتبلها اني بغرفتي
دازتله فويس راد
-صرت زين والاصابة عدت سلامات
-كل هذا علمودي
-وعلمود البلد
-شلون اگلك اسفة شلووون اعتذر
-انسي
-وطن
-نعم
-مو چنت تگلي زهرتي
سكت ورجع يسألها عن اهلها
وكلامهم صار سوالف تشوفه الاماكن
السياحية بالبلد دراستها للغة
بيتهم وهو وياها على طول بس
ابد محاچي غراميات وكلامه دائما ان هو استقر
بحياته بس يبقى الموضوع شائك مجرد ردة عليها
كافي لثورة غضب غيد
الى اخر رسالة سائلته عن ملابسها
دخل هاجس عليه شغل الاضوية ويفووور
غضب
-شبيك حبيبي
-اقسم بالله عقله ممدد بي مطييييي
-بس اعصابك شگلك
-يگول غلطان لأن حچيت من وراها
بس اني احچي وياها كصديق
-تعرف شنو
-شنو
-وطن ميدري بيها فاتحة الحساب يمها
تستمر القصة أدناه
فتح عيونه وسألني
-لا بالله حسابه يمها
-اي والله بس لتحچي زحمة خل تجي منها
هي
-المطيييييييييي وشمغبر بالله
-محاچي شي كلامة عادي بس البنية ذيچ
بعدها تدور مشاعر
-باچر اواجههم مااخليها تروح والله صوتها
وهي كاتمة شهگتها من البچي بالسيارة گطع گلبي
ماتهون عليه غيد اختي الصغيرة
-ابوووو گلب تعال ابوسك
-كثريلي بوس
شمر نفسه بصفي وخلاني بحضنه
-ماااريد الموضوع يكبر بينهم
وطن غبي وهي بعدها صغيرة
-تصرف وطن غلط والله من راد يخطبها
شگد اكدت علي مجاي تخطب حتى تتخطى بيها
الماضي حلفلي لا شصار هسه
-مااعرف بس الاعرفه شي
واحد
-شنو
-مشتاااااااق
غمرني بحضنه يترجم مشاعره
لهمسات ناعمة بعد ساعات بهدوء
الليل العب برموشه وهو مبتسم
يسألني
-شلون وشوكت حسيتي نفسچ حبيتيني من صدگ
فتح عيونه وعيني بعينه
استرجعت اول حضن بينه بالخطوبة
وجاوبته وهو يترقب شفافي شتگول
-بعد الحضن الأول بالخطوبة
حسيت بدوار چنت سابقاً أحس بي
من اوگف فجأة بعد گعدة طويلة هالمرة الدوار
اختفى بعد حضنك الي وانت تغمرني بين اديك
وكأن گلبي گعد يرتاح للمرة الأولى
بعد عمر طوووويل من الوگفة
مسح على خدي باطراف اصابعه
ورجع لسفالته المعتادة
-بس بووووقتها دسنا بالعميق
-لأنك فاااااااسد
-بس تحبيني
-احب الصعب
-جووووي هذا يااااابه من عصيتي
عليه حچيت لجدي گال جدتها عذبة
يرادلها صبر
-غصباً عليك بيبي
-القرچ
گالها وسحبني لحضنه غافين
گعدت الصبح على صوت تلفوني
وطن يتصل هاجس نايم هادئ
طلعت تاركته
-ها وطن صباح الخير
- صباح النور هاجس گاعد گال اجيب غيد هسه
-هسه اگعده دقايق
-ليل والله مصار شي
-وطن يرادلك فتترة تطيب خاطرها لاتزعل
مني بس غلطك چبير
-الله كريم
گعدت هاجس واتصلت بماما تنتظره
طلع واني سويت ريوگ
ورجعت للغرفة لبست شي مستور لأن وطن
اتصل گال جاي يمكم
دخل صبح عليه وگعد وجها تعبان يباوعلي
مترقب مني خبر
تستمر القصة أدناه
-اني متأكدة تجي ويه هاجس
وطن اسمعها شتگول لتضوجها خليها تحچي
ماعدها وسيلة غير الحچي
-مااااعرف شتدري بس
أتمنى تتفهمني
-الله كريم ليظل بالك
انتظرناهم واحنه نسولف نص ساعة
ودخلو وجهها شاحب ومالها خلگ
وگف هو شال جنطتها من ايدها
ومشاها للكرسي گعدت
هاجس غسل جبت الچاي گعدنا
هي صارت بيني وبين وطن اشرلها هاجس
-تريگي غيد
بدينة ناكل وهي هادئة مااكلت الا القليل
وگامت هاجس اشر لوطن
راح وراها غسلو ورجعو للهول
گعدنا يمهم وهاجس مگابلهم ويسولف
-انتم الاثنين احسكم اولادي
يعز عليه اشوفكم متأذين
غيد اخيتي الصغيرة الله شاهد
ماااريد يطلع كلام عنكم وتعرفون
الحواليكم شنو
اريد تحلون المشكلة هنا
غيد دموعها بهدوء تنزل على وجناتها
انطيتها كلينكس وگعدت يمها لزمت كفوفها
باوعتله
-ليش تزوجتني
صفن ماعرف شيرد رجعت سألته
-ميخالف ادري زواج تقليدي
ومو حب ونص البنات يتزوجون تقليدي
بس مثلا حتى لو ماحبيتني احترمني
عالأقل
-احبچ والله زوجتي وام بنتي وشريكة
حياتي ………
-لا متحبني گول تعزني اي
معزة زوجة مشاركتك بيتك وحياتك
مو اكثر بس مطالبتك بالحب اني
بس احترام چان قدمتلي احترام مو اكثر
-عمري ماتجاوزت بحقچ
-تجاوزت وهوايه من نايمين احنه
الاثنين على نفس السرير وتتراسل ويه
حبيبتك
بلع ريگه ووگف يريد يبرر
-ارتاح وطن اعرف كل شي ومن يوم اللي
رجعتلك چنت حاسة وقريت الرسالة
وكل يوم اراهن نفسي
ان كفتي راح ترجح بس لا حبك الها
اقووووى وأعظم
كل يوم اگول لنفسي راح يردعها وهي
تتسائل وطن بعدك تحبني
وانت ترد تغير الموضوع كأنك ترضي غرور
گلبك بسؤالها
-بسسسس مارديت
-بس بقيت تحچي وياااااااها
قاطعها متخبل
-لا لا ماكو هيچ شي
-وطن عالاقل لتحتقر عقلي
اقل شي تقدمه اليه هسه هو الاحترام ارجوك
احترمني تررررى بين فترة وفترة افتح تلفونك
واشوف
-اني غلطان اعترف بس والله هاج
شوفي المحادثات اذا ناطق كلمة تخص مشاعري
الج عليه اعتذر گدام الدنيا كلها
-محادثتكم عبارة عن مشاااااعر
مدفونة بين السطوووور
-لتحكمين من كلمة وحدة لو رسالة وحدة
-حاكمة اني ومخلصة من اربع أشهر وطن
من اول رسالة لهسه
صفن بوجهها مستفهم الكلام
تستمر القصة أدناه
-يعني عبالچ جاي اخونچ وياها
-شنوووو مفهوم الخيانة عندك
علاقة كاملة أحياناً تكون الخيانة استغفال
مثل مسويت انت
بس مجرد فتح باب للماضي هاي خيانة
صمت ثگيل لف المكان ماقطعه الا صوت شهگات
غيد المتسارعة وهي تحاول تشرحله شلون
جرح كرامتها
تقربلها وطن باوعلها رجعت ليوره
مبتعدة
-غيد اسمعيني والله العظيم الصور والمحادثات مو مثل ما إنتِ فاهمة إنت تدرين معزتج عندي
ضحكت غيد ومسحت عيونها
-اذا عالمعزة ادري تعزني بس شعبالك
اذا متحبني معناها ماااغار عليك
ماااااحس بخيااااانة
-والله موووو خيانة
-خيييييانة لتحاول تجملها گلبي موووووجوع
واني اللي چنت انام بصفك واگول هذا السند
الحقيقي ليش ابچي على بابا لأن خان ماما وتزوج
أگول ميخالف علاقتي ببابا انهزت بس وطن
لا يختلف هسه يتراجع وبالوقت
اللي گلبي يخلقلك اعذار گلبك انت
مهاجر وياها لغيييير بلد
-والله مجرد ذكريات اقرررري هاج المحادثات
لا حب ولا مشاعر مجرد زمالة
-ياذكريات وانت تريد تخلد اسمها ببنتي
وگاعد تقنعني بالأسم
يعني حتى بنتي اللي بطني چنت تريد
تحولها لذكرى تخصها هي
وطن اندفع ناحيتها وحاول يلزم إيدها
-غييييد هذا كلام لحظة غلط
مجرد حروف على شاشة
نفضت إيدها بقوة وصوتها صار يرجف بقهر
-حجتك ضعيفة وطن چنت تگدر تنهي كل شي
بكلمة وحدة تگلها اني تزوجت وأسست عائلة
الله يوفقچ بس لاااااااااااااا
أنت چنت مستمتع تدور بين حروفها على وطن القديم
تسألها شوكت ترجعين وأنت تدري رجعتها يعني هدم بيتي
أنت ما چنت تخوني وياها وبس
أنت چنت تخوني ويه نفسك القديمة اللي مو گادرة تنسى
هاجس تدخل بحدة وهو يشوف حالة غيد
-كافي وطن السكوت أحيانا أفضل من
التبرير الغبي
-شيبررررر هاجس اني چنت كل يوم اشوف
إشعارات موبايله تضوي بنص الليل
وأغمض عيوني وأگول لا تظلمينه وطن يحبچ
چنت أقاوم الشك بيقين كاذب
طلعت أني الاحتياط بحياته بين مترجع حبيبته
بچت وغطت وجها حضنتها
-كاااافي فكري ببنتچ
گاللها وطن بهدوء
-التردينه اسوي بس ارتاحي هسه
الطفلة تتعب وياچ هيچ
-ياطفلة وطن
الطفلة اللي راح تجي للدنيا وتريد تسويها
ذكرى لاسم وحدة ثانية بخيالك
هنا انتهى كل شي الكلام المشفر اللي بينكم
ذبحني
السلام اللي بينكم مو سلام زملاء
هذا سلام عشاق ينتظرون فرصة حتى تتفجر مشاعرهم ماااابقى بعد الصار ورايحة باجر لأهلي
تستمر القصة أدناه
-غيييييييد لتكبريها
-هي چبيرة من الأساس وطن
-ونفترق وبنتنا بعدها ماجاية للدنيا
- اي لأن الاستغفال طعمه أمر من الفراق
-ووعدچ تبقين وياي عالحلوة والمرة
وكلامچ الي من گلتي اني اصيرلك ام واخت وزوجة وصديقة
-الوعود ماتت بليلة اللي كتبلها أتمنى تفكرين بالرجوع
اللي يتمنى رجوع الغايب
معناه مكسور من الحاضر
وأني ما أقبل أكون حاضر ناقص ومكسور
باچر خالي يجي ياخذني
وهذا البيت بعد ما أدخله للأبد
-هاچ بيدچ حظريها
وگفت اخذت التلفون وباوعتله
دگت على گلبه
-ومنا شلون أحظرها من گلبك شلوووون اطلعها
من عييييونك شلووون تريدني اقاوم احساسي
بالخيانة والخذلان واقاوم حتى امتلك شي
أصلاً مو اليه گلبك يمها وأحساسك يمها
وحلم اسكن گلبك مدام هي محتلته
بسرعة گام حضنها سحبت هاجس
بسرعة وطلعت لغرفتنا
بس صوته واصلنا همس
-حبيتچ بوقت ضعفي والله هذا
الحب الاقوى وهو اليبقى
والله مجرد بقايا ماضي وطار
مااااكذب حنين لوقت فات اي
بس مو الها اول مرة عرفت بيها
عايشة ومامكلفة نفسها عناء
ان تطمني وگعت من اعتباراتي گلها
والله بنص هالفوضى كلها ماهامني
غير احساسچ انتِ
-بعدك تحبها انت
-وروح امي لا
-ليش بقيت تحچي وياها
-لطلطة زلم ارضاء غرور
ماااااعرف بس والله كلما نزيد كلام
اكتشف ان حبي الچ وأستقرارنا
وبنتنا الجاية هي الاهم
اختفى صوتهم لمدة ساعة هاجس
باوعلي بشك
-شوفي هي وحدة من اثنين
لو موتها لو موتته لو يفعلون الرذيلة
بهولنا بس بصمت تام
-سخيييييف
دگ باب الغرفة وصاح
-شباب
رد وطن
-نعم هادم اللذات
ضحك هاجس وطلعنا بره
هي بعدها تبچي بهدوء وهو لازم كفوفها
-ياالله بشروني
-ها هي ماكو شي
سحب غيد من كفها ووگف
-نرجع لبيتنا هادم اللذات من عليه بهالساعة
الگعدتها
اشرله هاجس
-بررررره انت ومرتك خربتو عطلتنا يلا بره
مشى هاجس ماخذ وطن ماشي للباب
وغيد رحتلها حضنتها
-ها
-قررت اتركه لضميره وابقى
هنا ليل حتى لو رحت لبيت اهلي
ياحضن يلمني وماما ماموجودة
تستمر القصة أدناه
-ياحبيبتي
وگلتيله عالحساب
-لا ابد لحد هاللحظة عباله قريت المحادثات
منتظرة شراح يسوي
وراها اقررر القرار بيده صار
ودعتها وراحت وره وطن
والمخبل رجعلي يلعب بحواجبه
-تريگتي
-اي
-مرتاحة
-بوجودك حبيبي
-ماتعبانة ماعندچ شغل
لادراسة
-لا متفرغة
مشالي بسرعة شالني
-هيااااااااا فلنصنع طفلاً
ارتفع صوت ضحكتي بالهول وهو
يحچي جد گضينا هاليوم بالبيت سوالف
وضحك وسفالته المعتادة
للعصر نسولف بالحديقة وصوت
التلفون رن بالغرفة ركضت يمنى
-ها ولچ مااخذتي اجازة
-يااااجازة ولچ ليل راح اجيبببببببب
-ويييينچ
-راح يدخلوني الصالة
وطن موجود ماما بالطريق مستعجلة
وناسية جنطتي بالبيت
-ويييين مخليتها جايتچ
-بكنتور الطفل جنطة اوووف وايت
وياها حمالة طفل هم مو تنسيها
-جايتچ
ركضت راجعة لهاجس
-تجهز يمنى تولد راح اجيب جنطتها
والبس واجيك
بسرعة جهزت اغراضها
جدو يدعيلها مرت عمو اجت ويانه
غيد مقبلت اخذها اخاف عليها تشوف
الصالة هسه
وصلنا للمستشفى صعدنا
اتصلت بوطن
-ويينكم اني يم الصالة
-لا ياصالة بالجناح النسائي الخاص
غرفة رقم ستة
وصلت نوح برة يستحي يدخل اخذه هاجس
وراحو بره دخلتلها الدكتورة يمها
امها واني ومرت عمو
ساعة طلق نور بعدها الدنيا
الحفيد الاول لعمو كمال
-زَين نوح كمال
بعد ترتيبها والاطمئنان عليها
دخل نوح وهاجس نوح اخذ
ابنه يكبر بأذنه ويسمي
وهاجس لمعت عيونه لمست كفه
فهمت علي همستله
-هسه ان شاء الله يجينه نونو مثله يسهرنا الليل
وياه
-امين
بعد ماارتاحت طلعناها للبيت
امها اخذتها وياها بعد مااكدنا اجازتها
ورجعنا احنه للبيت دنيا ليل
تعبانين اني هالاسبوع كله ماعندي دوام
وهاجس ليلتين بره لازم
ثاني يوم خابرته صبحية وطلعت
جبت دبوس ذهب بي كلمة ماشاء الله
وويا هداية طفل ملابس واشياء ورجعت
اتفقت اني وغيد نتمشى ليمنى
نزورها وصدگ عصرية غيرنا ملابسنا
ورحنا استقبلونا اخواتها وامها بوجهها
المعفوس دائماً
تستمر القصة أدناه
مخليها بغرفة اخواتها والنونو بسرير صغير
يمها
-حبيبتي شلونج اليوم
-أحسن الحمد لله چنت خايفة تعرفون وكل
يوم اگل لنوح اريد عملية وهو يرزلني
وصدگ من اجت ساعتها ربنا سهل
ولو تشوفيني ذبيت نفسي نمت عبالك
منايمة قبل
طبت امها بيدها الضيافة
وبيدها بطانية زرگة بيها عين هالگدها
خلتها عالطفل اني فاهمة هالسوالف
التافهة رديت عليها
-عمة حارة خطية فتحي للهوا
-لا البارحة اذانه يعاطس
ويمنى بهذلتنا سهرانة تون من الألم
غيد باوعتلي وهي تضم بوجه الطفل
استغفرت ربي وسألتها
-رضعتي الصمغة
-اييييييي ………
ردتها امها
-لاوين صدرها يابس ماطلع قطرة
قطرتين مو اكثر
يمنى وجها صار ينطي الوان
من الخجل واني دست كلامها
-حتى لو قطرة تزود مناعة الطفل اهم شي
يرضعها
-وجهها اصفر
سودة عليه
باوعت الطفل طبيعي
-لا عمة طبيعي الحمد لله
مابي صفار
-ماااادري عين مصلت عالنبي البارحة
يمكن وهالبقى يبچي
-يلا احنه نرفع الزحمة بعد
-وييييين رايحات شبيجن بنات ابقن ضايجة
استحيت من يمنى ورجعت گعدت
رجعت تبسمر
-غيد مباقيلچ شي
بس يلا حبالة البنية سهلة مو مثل الولد
انشلع گلب يمنى
يمنى استحت وردتها
-لا بالعكس ماما اني ماعندي نساوة
بس نوم وتعب
غيد خلصتها تقيؤ خطية لحد نهاية السادس
-امممممم الله يسلهلها
وانتِ ليل شنو عمة شو سكتة
شنو بعدچ تاخذين مانع
صفنت بوجهها الموضوع محد يدري
بي شلون عرفت
-لا مانع شنو كل ماهنالك مصار
-چيكي نفسچ حبيبتي كل شي
يصير انتم نسوانكم كلهن قليلات ولادة
ميخلفن هوايه متنعرف يصير عندچ ميصير
-خير ان شاء الله
وگفت بست يمنى وطلعت وغيد
تغلي
-هاي شبيييييها والله لخاطر يمنى اسكتلها
متستحي
-يمعودة تنگط سم طبعها هذا متگدر
رجعت للبيت بس شنو احس مثل كره
نار بأمعائي تغلي
مااااعرف شنو اللي دراها بموضوع المانع
خلصت شغل البيت افتريت
ورجعت صار الليل اتصلت بهاجس
تستمر القصة أدناه
-ذاكرني الحبيييب ها مشتاااااق
لو لا
-حبيبي
-عيونه وسنونه گولي
- بس سؤال عمة نهاد شلون تعرف بموضوع
المانع
-ليش شگالت
-بساميرها المعتادة
-هاي اجتني بفترة خلافنا تسألني سبب
تأخر حملچ وحچاية منا على مرتك طالعة على
بيبتها وامها ميخلفن هواي وشوف شبيها
لحد مارديتها خليتها طلعت تركض
ضحكت واعرف سوالفه
-شكلتلها بالله
-گلتلها اني خليتها تاخذ مانع بعدنا
عرسان نريد نستمتع بالحرية وفهمج كفاية عمة
-ياسخييييييييف
-ضوجتچ
-لا عادي متعودة على سوالفها
-اگلچ اني راجع بحدود الثنتين
متسويلنه ليلة حمراء
-ليش مو صفراء احلى
-اي لون المهم رقص وليالي ملاح
-ماذا يريد شهريار
-الكثير من الفسق والفجور
-ليش متجي ونكمل اني وياك شغل البيت
المتراكم
-وبعدها نحيي ليلتنا
-لا بعدها ننام حبيبي
-اجي بس بشرط
-يتشرط سيادته
-فد فستان مشبك واذن بزونة
وحبشكلات
-غلطان بالعنوان حبيبي
-سدتها فد مرة مي وهوااااااااا
-ترجع بس بشروطي اني
-مااااارجع اگابل مصعب احسن ولي
يلا
-فديتك
-حچي يفيدچ
-حبيبي
-ماكو انسي ماااجي
-ادلعك
-احلفي
-حرام الحلفان
-دولي لچ
-بس تعال
-شنوووووو
-اسويلك التريده
-طياااااااااارة
ضحكت واني اجهز طاسة الحنة
واعجنها ولبست التراك اللي البسه
عادتا من اخليها يتدمر براحته
مشطت شعري وگعدت
بالهول مشغلة التلفزيون
على فيلم مصري دخل الهول ظلام
وبس التلفزيون مشتغل
-حب باااااوع الاجوووووواء
ظلام ونبيلة عبيييييد العب
وگفت شافني فتح الاضوية
سوه نفسه مخرووع
-قل اعوووووذ برب الناس
مجهزة مفرش بلاستك بالگاع
علي طاسة الحنة ومنشفة
تستمر القصة أدناه
-يلا حبيبي غير ملابسك وتعااااال
-يابنت ال…………
-هااااااااااا
-جايچ بربوگ غريتيني وجبتيني
تكربيني بالحنة مالتچ
-شسووووي انت تحبها واني عندي اسبوووع راحة
-يلا جايچ
غير ملابسه طلعلي ببرمودة بس
وجگارة بين شفافه
-هاااااااااجس
-انچبي بس هاااااايه
دخنها وكمل گعدت هو ورايه اخذ كفوف لبسهن
قسمت شعري قسمين اني جهة اخليلها
وهو جهة قشعر جلدي واني أحس
ببوسته انطبعت بنهاية رگبتي
-هاجس
-انچبي بالله مرجعتني للبيت اشتغل كوافير
عاد اخذ اجرتي
رجع باسني
-يبوووووو
-عليچ وعلى عذبة
-كاااااافي
شمر شعري وفرني علي جعص وجهي
-لچ لتظلين تشمرين
-كاااااافي
رجع جعص وجهي زياااادة وباسني
-هاي هي ارتاحيت كمل شغلك يلا
-بت المثقف
باوعتله صفح لكزني بخصري حيل
-اشتغل عيوني كووووافيرنا
يخلي حنة للخصل البيده ويدردم
-بالله اجيت بتوقعات عاليييية
ومنطلق اجي على هالمنظر
-وان شاء الله مو عاجبك
-عاجبني ونص وثلث أرباع
درت وجهي علي بست خده
-آسفة والله بس فروة راسي احسها
نار گلت فرصة مدام عطلة
-فروة راسج تحسين بيها بس هاجس ضاربة احساسچ وياه بلووووك
-احبك
-ضحكي عليه بكلمتين
-وماعندي غيرك
-هاي ثلث كلمات هم انعم الله
رفع الخصلات الكملها خلاها بقراصة
ثبتها وكملنا لفيت راسي ورحنه نغسل
ايدينه
-سويلنا چاي السهرة مطولة
-نام ارتاح حبيبي
-بالله سوي چاي وأجبان وامشي
للحديقة
طلعنا بره ساعة ونص نسولف
وهالفترة متحاشي الكلام عن روان
رغم اشوفها مرات تدز رسالة محتاجة
شي او تسأل
گمت سبحت وطلعت قريب الخمسة سشورت
شعري وهو عينه مني
-ليل
تستمر القصة أدناه
-حبيبي
-غيد ماحچت وياچ
-لا بس گالت ساكتين هي متحچي
وياه
-هو حاچاني يگول اشوفها
تبچي ومااعرف شسوي
-خليهم يكتشفون طريقة لأنهاء مشكلتهم
ويعرفون حدود مشاعرهم
-هيچ تشوفين
-اممممممم
تمددت بحضنه باس راسي واخذ نفس
قوي
-اوووويلي
-العاشق حتى صوتك بح من النعاس نام
ثبت راسه على راسي
وغط بالنوم واني ويا لوقت طويل
گعدت هو ماكو طلعت من الغرفة اسمع
صوته يحچي ويه وحدة
-اني گتلچ ياخويه البنية محتاجة شخص
فوگ راسها واني مهما رحت واجيت مالي
حكم عليها
جيبي خوالها واخذيها او تعاي عيشي يمهم
لا ترى عمتها ابد ممانتعها منچ الله شاهد
هي اللي تشجعها
لا مو لدرجة الكره متكرهچ بس ماتعرف توظف
مشاعرها ناحيتچ
تمام يصير خير هاليومين
سد الاتصال واني انحني واحضنه من وره الكرسي
-صباح النسوان
فرني حوالي گعدت على رجله
-ام روان تگول بيتي موجود وبس اني وياها
وحتى عمتها ااذا تريد تگعد وياي
-واكيد روان رافضة
-جدا
-اها
-وجعا گوووومي سوي چاي اليوووووم
الغدة ثگيييييل
-باچة
-ام الثريد
-سمچ
-لا
-لعد
-دولمة وصيتلچ جماعة يسوووون
اوووويلي لاچعة بالضلوووووع والباگلة
-عليهم الكوليسترول راح يلعبلنه چوبي
گمت سويت چاي وهو يمي يحوم غسلت
خضورات وطلعت خبز وطرشي وهو راح
جاب نوح ووطن وعمو ومرته وغيد
مدينة سفرة بالهول ناكل وسوالف
وضحك الشباب بينهم اتصل نوح بيمنى
فتح كاميرا صورنا كلنا
-حبيبتي الگعدة ناقصتچ
-ياخووووونة لچ ليل دزيلي صحن
-خليتلچ حافظة راح ادزها بيد نوح
-عووووافي هذا ابنكم يسلم عليكم
صورت زيوني وراحت
كملنا وغيد ويايه بالمطبخ نغسل صحون
-غيودة
-ها حبيبتي
-شصار
ابتسمت واشرتلي
-خلي يتأدب
-شصاااار حفيدات عذبة ملووووعات الرياجيل
-خلصي وراح ادزلچ سكرينات
تستمر القصة أدناه
خلصنا شربو الچاي وطلعو رجعت ارتب البيت
هاجس غير ملابسه وگف يرش عطر
-وين رايح
-لبيت ثائر احاچي اخته
-هاجس
-بعد نجومه
-لتـتأخر تمام
-من عيوني
طلع واني رجعت للغرفة صليت وتمددت
لگيت السكرينات واصلتني
باديتها گلزهار بسؤال
-ليش مختفي وطن ومترد صارلك يومين
-ظروف گلزهار
-ظروف لو مليت
- اسمعيني گلزهار
ولو الكلام قاسي بس الحقيقة أحياناً تحتاج
قساوة حتى تنفهم
-فاهمتك واضح كلامك ويايه مجرد تقضية
وقت ويه حبيبة قديمة مو اكثر
-لا لا مو طبعي ولا أخلاقي
-لعد شفسر بعدك المفاجئ
-اسمعيني اني
اليوم مو الشخص اللي عرفتي قبل سنين
ولا أنا ذاك التايه اللي يدور وجهچ بكل زاوية
-گتلك نسيتني وتقضي وقتتتتتت
-اسمعيني وحكمي
اني أستقريت مثل ماانت أستقريتي
رتبت فوضى حياتي
وبنيت سور حوالين گلبي مو حتى أحبس نفسي
بس حتى أحمي هذا الاستقرار اللي وصلته بصعوبة
إحنه نسينا بعض
أو بالأحرى أنت ابتعدتي ونسيتي
واني تعلمت أنسى وهم نسيت
-يعني كلامك ويايه مو رجعة اليه
- كلامي وياچ لا تفسري بغير مكانه
هذيچ الساعات اللي گضيناها نسولف
ما چانت محاولة لأحياء حب مات واندفن
مجرد استعادة ذكريات
-ماضي
-اي ماضي مثل واحد يگلب ألبوم صور قديم
يبتسم للذكرى بس ما يتمنى يرجع يعيشها
-يعني حاچيتني لمجرد ترجع لأيامك القديمة
-لتنكرين انتِ كذلك رجعتي ويايه للماضي
ضحكنا على مواقفنا واسترجعنا أيامنا
بس بروح باردة روح شخصين صاروا غرباء
الكلام ما چان نابع من لهفة
چان مجرد فضول إنساني وتصالح مع الماضي
قبل ما نسد بابه نهائياً
-بس اني بعدني أحبك
-صدگيني الحب يحتاج استمرارية ويحتاج أمل
واحنه الأمل بينا انگطع من اللحظة اللي عرفنا بيها إن دياناتنا راح توگف بوجهنا
بس استمرينا بوهم اسمه حب
-ليييييش رديت ليش أملتني
- اني أعتذر إذا فهمتي كلامي أمل
بس الحقيقة أني ما رجعت حتى أحيي شي
رجعت حتى أسد الفجوات اللي بقت مفتوحة بداخلنا
كلامي وياچ چان مجرد لحظة ضعف للذكريات
مو وعد بالبقاء
-لتنكر استرجعت مشاعرك وياي
-لا استرجعت نفسي القديمة
أحياناً الواحد يشتاق للنسخة القديمة من نفسه
مو للشخص اللي چان وياه وأنتِ الرابط الوحيد لهذيچ النسخة ما چان قصدي أعلقچ بوهم
بس چنت أظن إن احنه صرنا ناضجين كفاية حتى نسولف بالماضي بدون ما نحترگ بنار الذكريات
تستمر القصة أدناه
-وتبيع مشاعري وحبي الك علمود زواجك التقليدي
-استقراري اليوم غالي عليه
ومستقبلنا اللي يمنعه اختلاف دياناتنا حقيقة ما تتغير بمجرد كلام أو استعادة ذكريات
الوجع اللي تحسيه هسه هو ثمن الوداع المتأخر
اللي ماگلتي بوقت اللي اتهزمتي من دولة
لدولة ومصارت عندج شجاعة كافية تواجهيني
بي وأني أتحمل مسؤولية كلامي
بس صدگيني النهاية وحدة
إحنا طريقين ما يلتقون مهما طال الحچي
-وتبني أستقرارك على حساب مشاعري
يعني حاجيتني لشهور حتى تتأكد من خلو گلبك
من حبي
-انت هم لأربع سنوات اشتريتي أستقرارج
وماالتفتي وراچ وگلتيلي بلحظة ضعف
دورت عليك يعني لو ما لحظة الضعف
چان مارجعتي لذلك اني من حقي الاستقرار
وفعلا استقريت وصار عندي حياة كاملة
وأتمنالچ نفس هذا السلام
الطرق بينا انقطعت من زمان
-وترررريد تفهمني بزواجك التقليدي
اللي اني متأكدة لوما حاجتك الجسدية
ومحاولتك لنسياني چان متزوجتها
تريد تفهمني انك بايعني لخاطرها
وناسي البينة حتى تكمل ويه وحدة متحبها
-حشاااااها ان تكون مكب نفايات
لمشاعري الجسدية احبها غيد حبيبتي
وام بنتي
-يعني هاي هي بعتني وطن
- لازم تعرفين إني اليوم وصلت للميناء
رست بي حياتي اني هسه متزوج
وبزوجتي لگيت الوطن الحقيقي
والسكينة والرحمة
لگيت وياها الاستقرار
اللي يخلي الواحد ينام وهو مرتاح
بدون ما يشيل هم المستحيل أو الأختلاف
هي صارت الأمان اللي يحتويني
والبيت اللي بنيته على أساس ثابت وصادق
من وعدتها وعدتني نكون لبعض أهل
-يعني هي البديل صارت الاساس
واني الاساس بگلبك تبعدني مثل حيوان مجرب
-لا لا حشاچ بس فكرة إني أحچي وياچ
ما چانت بحث عن بديل
لأن مثل متگولين البديل صار هو الأصل وهو كل حياتي
فهميني گلزهار أني اليوم مو بس مستقر
أني مكتفي واكتفائي ببيتي وزوجتي هو اللي يخليني أگول بكل ثقة إن ماكو رجعة
وإن قصتنا صارت مجرد سطر قديم
بكتاب انسد وبديت اخط فصل جديد
ويه زوجة سلمتني گلبها مأمنة
اتمنالچ التوفيق بحياتچ گلزهار
هاي اخر رسالة بعدها حاظرته هي
لگيت سكرين ثاني وطن داز رسالة لغيد كاتبلها
-الصلفة فاتحة حسابي يمچ
گلت اني ويييين تعرف كل شي ويمتى
لازمة جهازي وقارية بس يلا
ملحوگة جيبي بنتي وحظچ اطيحه
اتصلت بغيد وضحكت
-طلع مينگدرله شلون ردود حلوة
-بس گلبي مبارد ليل لأن التف من ورايه
وحاچاها
-مدام انتهت عاقبي براحتچ
-جاري التأديب
-معدلة بت معدلة بس لگفچ
تستمر القصة أدناه
-اي سجل خروج من كل الاجهزة وحذف الحساب
بشكل نهائي سوة غيرة
-هاي جاي يخطي خطوة ناحية الصلح
انت هم لتيبسين راسچ
بقينة نسولف شفت نفسي مااكدر انام
طلعت ملابس هاجس اكويهن فتحت
قاط العرس لگيت بجيبه ورد جاف
من طوگ الورد اللي حوطت بي المصورة
شعري اشتاقيتله السخيف اتصلت بي
-وينك حبيبي
اسمع صوت روان وعمتها وصوت لخ
وحتى صوت رجال وروان تبجي وتعيط
-هسسسه تذكرتي عندچ بنت
اختفى الصوت وهو رد
-ها حب
-شو هوسة
-عالگة واني مالي خلگ كلش
-ارجع هم يحلون مشاكلهم
-زحمة من امها
-انتظرررك
-بيها شي دسم لو هم مثل انتظار البارحة
-ايييييييي سويت جدر تمن كبة خل نلفها سويه
-حبيبتي متزوجة زلمة مووووو سوسو الحساسة
ساعة كوافير وساعة طباخ
-شبيك نتونس
-ههههههههههههه والله ماااعرف شگول
هاي لو احد غيرچ اشكه شگ حنة وكبة
وتنظيف
-سخيف
راد يرد واجانه الصوت
-عموووو
وصوت الشهگات والعيارة غلقته
ورحت اكمل البيدي
رجعت بعد مخلصت للغرفة طلعت
اللابتوب اقره
لحد العصر يلا بين
-الله يساعدك
بلا كلام شمر نفسه عالسرير
-انام ساعة وگعديني
-تمام
طفيت الاضاءة مال الغرفة
وطلعت تاركته
گعدت فتحت اتصال ويه البنات
نسولف وزيون الجميل فاتح عيونه
سولفنا وغيد گالت ليمنى
-بالله چهرتچ منرررريدها طلعيلنا زيييين
اني ايدتها
-طلعي زيييون انت ولي
واني احچي اجانه صوت امها
-رااااااح يحترگ الولد من العيون………
انغلق اتصال الكاميرا
من يمنى صفنت بوجهي غيد
-هاي صدگ تحچي
-ههههههههههه تعرفين انت عاقر صار ١٥ سنة
واني صار عشرين لذلك هيچ تتصرف
-والله انقهر على يمنى تبقى تاكل بنفسها اكل
من وره امها
-ميخالف احنه نغلس منبينلها سمعنا
نص ساعة وره ماغلقت الاتصال
انفتحت بابنا من داخل بيت جدو
استغربت الكل يدگها يلا
وگفت صارت نهاد بوجهي
وگفت أستقبلها وجهها احمر عصبية
تستمر القصة أدناه
-تفضلي عمة
-ليل سمعي عمة انتن فارغات
انت وغيد ماعدچن شغل وعمل
وهاي بتي ثولة تتصل فاتحة الوليد
للهوى تشوفچنياه هسه صخن لأن صورته
ومحللته
ابتسمت
-اسم الله علي ستونه غلقنا الاتصال عمة
يمتى لحگ يصخن
-اني اعرف اني ام وشايفة وعايفة
انت بعدج محبلانة والله العالم ترهم لو لا
فنبهي وياچ بت خالتچ بنتي
عدها عطلة قليلة اريدها ترتاح لا كل
شويه جهازها طن طن رسايل ومكالمات
رديت بلا نفس بسبب كلامها السم
-تمام هلا بيچ عمة
شو هاي صفنت بوجهي وحيل ضربت وجهها
لطمت وصاحت بلا اي رد فعل مني
-تطرديييييني من بيت ابوي
انصدمت بحيث سألتها
-انييي طردتچ
-ولچ تالي الزمااااان عليه الزعاطيط
تگليلي رووووحي
-ياساتر يارب ليش هالحچي عمة وين
گتلچ اني كل ماهنالك گتلچ هلا بيچ
-يبووووووووووووووو
عاطت ونزعت حجابها هاجس طلع راكض
وهي تبچي
-يعني ماكوووووو تقديييير تعترفين طاردتني
صدگ انفعلت
-انييييييييي مطردتچ عمة كتلچ
هلا بيچ لان لازمة الباب لا انتِ داخلة ولا
انت طالعة
سحبني هاجس ووگف لبسها حجابها
-سوء فهم عمة ماكو شي
-لااااااااااا يمه لا مرتك من اخذتها لليوم
تشيلني بخزرة وتگعدني بخزرة اني
وسهاد ونگول لخاطر وليدنا بس لهنااااااااا
وبسسسسسس خاف عبالچ گعدچ
هاجس ببيت وحدچ وتتجاوزين وتطردين
البيت تابع لبيت ابووووووي
-ترررررة مصختيها جديات اني محچيت………
هاجس سد حلگي بيده وخزرني
-عمة هالكلام زحمة والصياح عييييب
-ولك يووووم طردتني من الباب
وخرت ايد هاجس ردت احچي باوعلي
فهمت علي
-تفضلي عمة وسوء فهم هاي هي
-ابدددددددددد تحرم عليه دووووسة
بيتك ياهاجسسسسس مادام هاي
بي
اشرت عليه بيدها التفتت تاركتها لأن تجاوزت
حدها
-شووووووف بعينك حتى احترام ماكو
اختفى صوتها وساعة ورجع هاجس
احس جسمي يرجف ومااسيطر علي
-ليش اديچ ترجف
-مگلت شي والله هي سوتلها مشكلة
گعدت حجيتله وجهه تغير وضاج
بدل ملابسه وطلع مااعرف وين
حتى مارد عليه حسيت زعجه موضوع
معايرها الي بتأخر الحمل وتضايق
ساعتين ورجع جايب عشا جاي اخلي
العشا عالميز ودخل جدو بيده ورد من الحديقة
اشرلي
تستمر القصة أدناه
-تعاااااي جدي خلي بالماي
خليته وهاجس قدمله كرسي يرتاح
باوعلي جدو وجهي بعده احمر كل شويه ابچي
بسبب الموقف اشرلي تقربت منه همس
بعيد عن هاجس
-تعرفين شيگولون
-لا جدو
-يگولون الحياة بيها العاقل والمجنون
وانت بهالمشكلة العاقل وفهمچ كفاية
ابتسمت على كلامه وعرفت رجح كفتي
وعرف الصار
هاجس تقربلنا
-ها جدي تتغزل بحلوتي
-خايب الحلا يم ذيچ الوحدة ويوگف
ضحك هاجس من گلبه ورجع يشاكسه
-ليش من گتلك مو گتلي هاي عيونها
چيلات مثل جدتها
-بس الاصل يغلب الفرع
وگف وجرني وياه ودفع هاجس
خلاني جوه جناحه ووگف يم الباب
-ياجدي شگد تحبين امچ
-هوووايه جدو لو بيدي انطيها روحي
-عمتچ هم مسودنة بحب امها
وبعدها مثل الفرخ الجاهل تجيب وتودي
بالصار انسي لخاطري جدي وعذريها
-معذورة جدو تبقى اكبر مني وعمتي
-نفس منطق جدتچ
هي الدنيا ماتحمل عذبة مو الا عذبتين
گرص خدي وطلع
وهاجس منتظرني تعشينا
وادري بي يحوس من يضوج على
جگارة شعلتها وجبتها اله
-تفضل ليش تحوس
-اااااااخ جگارة وشفافك شريد بدنيتي
-يااااااا يابه الشاعرررررر
-ليل
-حبيبي
-الصار لتذكري لعمتي ولا لعذبة العرمة
-صدگ تحچي هاجس شنو
اني طفلة
-مسحيها بنوح
-ههههههههههههه ليش بالله
-لأن نسيبها
-شووووو تعال ابوس سوالفك
مدلي راسه بست خده
-هالسوالف اترفع عنها اني حبيبي
مو ثوبي القال والقيل
-خل اصير اني ثووووبچ واشوف المخفي
-أكبر سخييييف بكل الكوووووكب
مد ايده لخدي ولمعت عيونه وبين علي
الانزعاج
-عكرت مزاجچ بسالفة الطفل
-لا والله مااهتميت قابل اني داخلة العمرين
شو اني ويمنى نفس العمر بس عمتك
عيارة
-عيديها بالله
-ههههههههههههههههه
تريدني اصير مثلك لساني فالت قايشة
تستمر القصة أدناه
-اييييي خلي أنسيچ ثقافة سلطان
وافوسدچ
-ماااگدر الطبع غلاب
-ليل
-عيوني
-اعتذر بدالها خاف صار ببالچ
-صدگ تحچي هاجس ازعل منك والله
اصلا ولا معبرة الموضوع ولا مهتمة
-عاقلة بس قرچ
-هم نعمة
خلص أسبوع العطلة واني
مجرد اسأل نوح عن يمنى والطفل
داومت يومين ورجعت هم اسبوع
ماعندي شي اقره مركزة
اتصلت بيه غيد تضحك
-تعااااي اجه النوووونو وامة الثولة
-عمة نهاد وياهم
-لا راحت
-جاية
لبست وطلعت من الباب الداخلية عليهم
صعدت ولگيت غيد مخلية زيوني بحضنها
ويمنى تسولف وتضحك وترتب
سلمت رحت ابوسها التفتت بوستني
بس وجهها متغير ومحچت شي اني الاعب
بزيوني اجتني اخذته خلته بالسرير لأن غفى
وهي احس متوجهلي
كلام بس لغيد بحيث غيد قحمتني
بالحوار گوه وگالت
-هسه تشوفين النساااوة ليل
الحمل كلة بجهة والنساوة بجهة
-ان شاء الله ليش لا
باوعت ليمنى حسيتها كلمتها
استهزاء وگفت خليت المونتور اللي
جبته للنونو حتى تتابعه اذا تنزل جوه او شي
طلعته من العلاگة خليته عالميز التفتت يمنى
عالصوت
-هذا لزين خاف يتركو اهله وينزلون
جوه يسمعون صوته
وهسه اني ارفع الزحمة
-انتظري وين رايحة
گالتها غيد ويمنى التفتت واني طلعت
تاركتهم
مشيت خطوات احس گلبي انعصر
وأنقهرت الظاهر امها حورت الموضوع
بس يمنى مو هذا طبعها شلون قست هيج ويايه
علما وصلت المشتمل نزلت
دموعي اني مااستاهل هالتصرفات
لأن أبد ممتصرفة هيچ وياها رغم
كلام امها وتصرفاتها
شويه ودگ تلفوني غيد
-ها حبيبتي
-ها غيودة
-ترى هاي الغبية من طلعتي
گعدت تلوم بنفسها
-على شنو ليش هي تصرفت تصرف
مو حلو
-هي حست بنفسها
-لا عليمن تحس اني هم
زاحمتها وهي ستوها جايه
اجاني صوت يمنى تبچي
-اني هرموناتي ضاربة ومكتئبة والله
-معذورة حبيبتي
-فتحيلي الباب راح اجيچ
سديت التلفون رحت غسلت وجهي
بس بعدني مهضومة احسه تصرف
جارح هوايه عيوني حمرة خشمي مشتعل
گلوب بي
تستمر القصة أدناه
فتحت الباب دخلت هي عيونها
تلمع وگوه مبتسمة
-شوفي اني غبية
-جدا غبية لأن عبالچ زعلت
-اني اول متزوجت جدو لزمني
گال كلام امج وخالتچ وكل شي
يخص الماضي لاتدخلين بي
انت ومرت هاجس
-ونفس الكلام كاله اليه جدو
-بس ماما زعلانة واني والله صار ببالي
علمودها هي امي
-واني وداعة بيبي الگالته عمة ممسويته
جرحتني بالكلام وعيرتني مرة ومرتين
بموضوع الطفل رغم اني ستوني متزوجة
ماااعرف وين وجه المعايرة بالموضوع
ومنعتني اتصل گالت الطفل ينحسد
ومريض وهوايه كلام ولخاطر كلامها
گلت مااراسلج اسأل عليج وعلى زين
من خلال نوح ورغم هالشي
اني اعتذرت رغم مغلطانة
-ظال ببالها تتگول وكفتني بالباب
-هاي اخلاقي انت تعرفيني هيچ
والله وگفت بالباب والتفتت رايحة
وعلى كلامها گتلها تمام عمة
هلا بيچ لأن جانت رايحة
التفتت وصار الصار حتى هاجس
شاهد بس رغم هذا طيب خاطرها
واني هم
-ماما گالتلكم لتتصلون
-مااااريد اعيد الموضوع هي من حقها
تخاف عليج بس والله الصار
سوء فهم من عمة وكبر
-اني معليه بيهم اني زعلت
لأن متتصلين بيه وغيد عادي
تتصل
-اني مگلت لغيد على الكلام عيب انقل
كلام عمة حتى لو چان جارح
بس عن نفسي نفذت حتى
ميصير زعل
-اني اسفة
-بالله انچبي شنو كاتلتي كتل
-نتصاحب
مدت اصبعها كفختها
-ليش احنه متزاعلين حتى نتصاحب
باستني وگعدت يمي تحچي
صعوبات مابعد الولادة
والطفل شيسوي بيها
نص ساعة وراحت
واجاني أتصال أديان مفرفحة
-والله العظييييم اتطلگ
-ولچ غير افهم شبييييچ
-لچ زلم اثنين يتحايلون على
ام بررررريص حتى تخلصنا من
شرها يم امها متقبل
-شصار
-اتصال جماعي ثلث ساعات رجلي بالبيت
ورجلچ بالدوام وهم وياها يحچون معاندة
وتبچي وكلمة والثانية وگالت اذا تردون
تخلصون من مسؤوليتي اني كبرت
اعرف ادير بالي على حالي
-الله عليچ
-والله امها خابرت مفرفحة تريدها
بس تقتنع ماكو
-وعمتها
-الگ****ة مطابگتها هسه چانت
موافقة يرحن يعيشن يم امها
او هي تعيش يمهن بس هسه لا
تگول بت اخوي تموت قهر ماعندي
أستعداد اخسرها
تستمر القصة أدناه
-يمتى تخلص فصول هالمسرحية التعبانة
-متخلص ام بريص تحب لمتهم
حواليها
-بردي گلبچ محد مهتملها كبنية
-الشيطان مامات ليل وهي تبقى
صغيرة والادبسز حلوة هم
-واحنه شبينه
-حبيبة احچي عن نفسچ تلمعين
وعيونچ خرز خمسسسة وخميسة عليچ
اني بنية بسيطة واخاف
-والله زعلتيني اصلا هي لاشيء
يمچ ومصعب يموت عليچ
-الشباب يغلب الحب وهي
شابة
-والله ضحكتيني روحي ريحي
راسچ ولتحچين هالحچي گدام
مصعب خليج ممهتمة گدامة
-لا گدامة اشمر تشمر رافعة خشمي
-شلووون خشم يجنن
-احمد ربي خشمي حلو والا مصعب
كباية واني كباية چان طلعو اطفالي
خشسوم متحركة
-هههههههههههههه حتى مصعب مخلصان
منچ
-دگ علييية الأفندي خل اشوفه
ودعتها راحت واخذت ريست للمغرب دخل
يدور عليه
-حب
-هنا عيوني بالحمام انشف الملابس
-جوعان ودايخ تعاليلي
طلعت من الحمام لگيته گاعد عالقنفات
بالهول فاتح قميصه وجها متعرق
-شبيييك عيوني
تلمست جبينه مصخن نار
-هاجس حرارتك عالية
-بس شوفي ضغطي
فحصت ضغطة طبيعي سكره
طبيعي
-فلاونزا عيوني
اخذته يغسل ورجع للغرفة
بسرعة خليتله اكل اكل
ودورت علاج انطيته خليته يمدد
-شتحس
-بس عظامي مأذيتني
-شصار ليش هيج متخربط
-حر وبرد بالمكتب تخربط وضعي
-والعصبية علمود الهاااانم
-شنو ولچ هاسكي شمدريچ
-وصلتني الأخبار
-تحير الزماااال هي وعمتها
هسه كل شرط رادته نفذو
رجعت تعاركت ويه امها وفركشت كل شي
-شنو رحتلهم
-اي طگت روحي اذني
ماعت عالتلفون اقنع وماكو
رحتلهم اثنينهن يبچن
-استغفر الله
گعدت بصفه رجعت قست حرارته
-حرارتك احسن هسه تنام
-ايييييي تعبان
طفيتله الاضاءة وطلعت تاركته
يرتاح
وره الصلاة دگ جرس البيت
طلعت فتحت الباب تفاجئت
بروان وعمتها وجهها ورام شفتها
مشگوگة
تستمر القصة أدناه
-تفضلو تفضلو
العمة هم تبچي دخلتهم للصالة
ورحتله للغرفة
-هاجس
مارد عليه
-حبيبي شو اگعد
فز وباوعلي
-شصاير
-روان وعمتها هنا
وروان مبينة مضروبة
گعد سند نفسه عليه وحرارته
راجعة
-هم مصخن عيوني
-خل اشوف شبيهم واخذ علاج
لبس تيشيرت وطلعنا دخلنا اثنينهن
يبسبسن سكتن ووگفت روان نزلت
دموعها
-عموووو تقبلها
-هاي منو ضاربچ
-أبن خالو
-شصار خويه انت احچي
وانت عمو سكتي كافي بچي خل
نفتهم
-تعاركت هي وامها وحچاية منا
ومنا صار تجاوز
-امها حتى لو غلطت عليها تسكت
باوعتلة العمة حايرة
-روان تجاوزت
فزت روان تبرر
-ضربتني راشدي وبالغلط فلت الكلام
-شگلتيلها
-مگلت شي
تعصب ونفخ بتعب
-احچي خووووويه
-گالتلها لخاطر شهواتچ تركتيني
وانت وحدة حقيرة
التفتلها
-ثائر هيچ رباچ
تتجاوزين على امچ
-مو من حقها تضربني
-حقها ونص وگعت وصلة من
لسانها ولساني اني حتى تلمچ
وتكون وياچ بنفس المكان
بس انتِ رافضة شتردين بالضبط
ضربت على وجهها ووگفت
-مااااااريد شي مااريد
عمو هذا كلامك اليه
شكرا الموضوع اني احله
-ليل جيبي تلفوني
جبتلة التلفون اتصل وفتح سبيكر
-هلا خويه هلا بيك
-شلونچ خويه شنو صاير شي
شهگت وبچت
-حرت ياخويه وانوكل وجهي
بسبب بنتي الزعطوطة الرافضة
حتى تسمع تخزيت الرايح
والجاي يگول شلون هادينها
والله شاهد اخواني يردوها تجي
يمي واني هم مو وياهم حتى
تتضايق وابن اخوي اخذ حسابها
وحاجاها بلكي تقنع ورحنا للبيت وهو ويانه
بس لعبت لعب واخوي وابنه منتظريني بره
من سمعها تغلط على ابو ضربها
وماسكتت ذاك اللسان
-اذا موجود انطينيا
-بس دقيقة
شوية اجانه صوت خشن
تستمر القصة أدناه
-هلا خويه
-شلونك صحتك يابه نعتذر
اذا صار شي
-البنية هاي يرادلها كسر رگبة
احاچيها تگلي مالكم حكم عليه
يابه ابوج راح للرحمة ومهما كان
انت لحمنا
تگلي هيج لحم نگس مااريد انتميله
وانتم گو**د هسة تذكرتوني لأن
عندي بيت وفلوس
-يصير خير وامسحها بوجهنا
غلق الخط وباوعلها
-شتردين روان
-مااااريد وهذا الكلام مگلته جاي
يرتكبون كلام عليه
-والتاااااااااالي شنووووووووووووو
ضرب الطبلة بيده وهي وگفت سحبت جنطتها
-امشي عمة مشكور عمو ماقصرت
وگف واشرلي
-جيبي السويچ
انطيته السويچ وطلعت وياهم
وهي تبچي
نص ساعة ورجع ينتفض اعصاب
-اترررك العصبية وتعال اخليلك علاج
-كفررررتني بالحياة
-خليها تشوف حياتها مالك علاقة بيهم
بعد
-بس اريد ابري ذمتي گدام صاحبي
وامنها يم امها وخوالها وضرررربيني قندرة
اذا عبرتها بعد
صفنت مستغربة كلامه وسألته
-حشاك حبيبي وشصار هسه
-تهد وتنثني تعالو قدمولي شكوة على ابن
خالي عبالها الدنيا لعبببببة
سحبته مهديته بين ماخليت العلاج
رجع نام ساعة وحدة بالليل
تلفونه رن برسالة
رفعته بفضول فتحته عالماسنجر
رسالة من حساب روان صورة
أقل مايقال عنها مخزية بثواني بس فتحتها
طلع حسابها مستخدم فيس بوك نزلت نظراتي الها
چانت الصورة أبعد من مجرد لقطة
چانت مشهد معد بعناية فائقة كأنه
فخ بصري واگفة گدام المرايا
لابسة ثوب حرير أسود ملتف حوالين جسمها
الرشيق ظاهر منحنياتها بالكامل
يلمع لمعة واضح تعكس رغبة مكشوفة
للفت الانتباه
تعاليگ الفستان رفيعة مااعرف شلون
حاملة الفستان
بينما منزلة شعرها على جانب واحد
تاركه الجانب الثاني وره ظهرها
وفتحة جانبية تمتد بجرأة من جهة اليمين
بالفستان
ماخذة نص الصورة تبرز الفخذ بشكل متعمد
كأنها تحاول تجبر العين على النظر لهالنقطة بجسدها
بس الصدمة مو بالعري بسسسس
تحت هالبريق المقزز مكتوب شعر فاحش
والصورة تصرخ أبتذال
صابني غثيان قووووي بسبب
تسليع جسدها ومشاعرها
وتغليفها بالحرير
بهاللحظة باوعت لهاجس
واني اهوي لبئر من الحيرة
والضياع واني اقرأ ابيات
النص
- لقد راودتني رغبة جامحة في عناقك الآن
أن أضع رأسي بين صدرك
وعنقك دون أن يفصلنا قطعة قماش
أن أغمض عيناي وأشم عبق رائحة جلدك وأذهب
في سباتٍ شتوي عميق لكن حبيبي تعبت الانتظار
وعيناي نعسة ليس لدي خيار آخر سوى النوم حالاً بنية استحضار طيفك في المنام الذي هو ملجأ كل خيالاتي
ورغباتي
والتقينا هناك وقبلتني معلناً احتلالي
وهمست في اذنيك وجعاً
لا تُقبلني بعنف
زهرةُ الرمان ليست تتحمل
لا تُقبلني
فلو ذاب فمي
ماذا ستفعل
استيقظت بعدها مدركة أن
احاسيسي جرفتني اليك في منامي
لكني لازلت أتمناك واقعاً
ممسكاً بطرف أصابعي
تقودني إلى مكانٍ منزوٍ
تقبلني على شفتي
وتهمس في أذني
أنا لك وأنتِ لي
