رواية تحت ظل السعف الفصل السادس والعشرون 26 بقلم ميار

:لا تسأل عَلى الحَال

خلِيها سَكته

تسأل عَلَى المكتِول والكَاتل انتَ؟

ــــــــــــــــــــــ♕ـــــــــــــــــــــــــــــ

-ابوك ابوكك هو گتال اخووه ولك ابوي كاتل

عمي 

فاطمة:: سد الموبايل بوجه عمر وركعه بالحايط

وظل يلوب حاير شيسوي كعد على القنفه وايده على راسه كعدت بسده اريد افتهم متو هذا وشگاله. 

-فرات منو هذا هاا شگالك احجيلي فدوه 

فرات:: غسان ابن حمدان تخيلي يگولي ابوك

الا ايد بكتل عمي خالد تفهمين شنو يعني ابوي

كاتل اخووه ولللكككمم شلووون شلوون اخ

يكتل اخوه جاي تستوعبين حجم النصيبه يا

سواد وجوهنه ياا سواد وجوهنه شكولل لعمي

محمد هسة هاا بيااا عين اواجه جهاااد اخخ

يابويا بس لو اعرف شمسويلهم ولج والله احن

منه ماكوو ولا حارث اخخ فاطمة اخخ هذا الجنت خايف منه. 

-انمرد گلبي على حاله غده نار ما يعرف شيسوي 

حضنته وهو من قهره العبره خنگته وخر من حضني من اندك الباب وصوت جهاد يصيحه

ادحك عليه وجهه اخنتك وعيونه حمر حار شيسوي 

دار عليه وگال

فرات:: افتحي الباب وكوليله راح بشغل 

-يااا غير عرفك سيارتك واكفه بالباب شبيك فرات. 

فرات:: لا هو سيارتي يم عماد من البارحه

بايت يم صديقه روحي ما اكدر اواجهه. 

فاطمة:: طلعت دحك بالمرايه الي يم المغسله

مسحت وجهي وهو كسر الباب فتحتله هو صاح. 

جهاد:: هااي شبيكم مطرشين انعل خيركم هسه ساعتين يلا تفتحون الباب ويين زلمتج

تأخرنه ابنن..

-سكتت ما كمل من دحك عليه رجع گال

-الاوادم 

فاطمة:: فرات طلع بشغل من الصبح 

جهاد:: لا تجذبين وين مولي من الصبح وغير

ينطيني خبر فاطمة صاير شي وين راح فرات. 

-بعدني ما مجاوبته وطلع عمر من بيتهم خفت

من شفته جيه علينه هسه شلون افهمه ما جيب طاري فرات گبل لزمت ايد جهاد وكتله. 

روح جهاد لا تتاخر على دوامك فرات ماخذ

اجازه علمود شغل وهم يريد يصلح سيارته. 

جهاد:: وضعكم ما عاجبني وانت هيي عمير

شبيك وجهك وجه الارمله من صباحيات الله

مگلوبه الجهره صاير شي وما تريدون تحجون

عمر:: لا يا خوي ما بينه شي بس نمت متأخر

وكعدوني حتى اروح للگيعان وگبل ساعه من

رجعت. 

جهاد:: اقتنعت تاليها اعرف شبيكم بس

خلي اروح للدوام وارجع ويصير خير 

عمر:: الله وياك 

فاطمة:: غم عمر وراح مدري شلون متفاهمين

اثنينهم نار بس مشت سيارة جهاد وابتعد يلا

عمر صد عليه ومن شافني واكفه بالباب خزرني

وگال

عمر:: هاا سلااماتت واكفه بالباب فوتيي

فاطمة:: على كيفك عيني غير جنت احاجي اخوي بعدين لا تعيط عليه مو اكول لفرات

عمر:: دمشي امشي خوفتيني المهم فرات وين

-جوه تره حيل مقهور لا تضغط عليه انت هم

حاول تهدي يجوز غلطانين افتهمو السالفه

هز راسه وطب واني سديت الباب وطبيت وراه.

لكيت عمر كاعد گبال فرات ويحاجي بهدوء گاله

عمر:: اسمعني فرات خلي نروح يم عمي

محمد اندز على غسان ونفتهم السالفه 

يجوز يطلع غلطان غير نفتهم شلون عرف

فرات: واذا طلع كلام غسان صح هاا شنسوي

تكدر ادحك بوجه عمي لو بوجه جهاد واهله

لو هل يتيمه الي جدام عينها كتلو هاا اذا

كالتك بيااا ذنب ابووك كتل ابووها شتحجي 

شتكول تفهم كمية الصخااام الي احنه بيي

عمر:: واحنه شنو ذنبنه ليش احنه نتحاسب

على خطأ ابوي بس كوم هسه انروح لبيت

عمي حتى نعرف تاليها واذا طلع كلامه صحيح 

فرات:: اي تسلمهم ابوك حتى يكتلونه تتحمل

عمر شتحجي انت اذا جهاد كتل ابوي راح 

تسكت تتحمل عمر نجذب على ارواحنا احنه

عمر:: هسه تجي لو اروح وحدي. 

فرات:: اجي كوم يلا نشوف تاليها ويا مصايب ابوك الله يصبرنا ويطلعنه من من هل مصيبه

فاطمة:: طلعو فرات وعمر واني ظليت افتر

اعزل بالبيت ودموعي تجري خالي كتال اخوي

وليش وشنو السبب ما نعرف كملت شغل وظليت انتظرهم يجون. 

وسام:: كاعدين اني وابوي بالمضيف جاي

نشرب جاي ودخلو فرات وعمر جفلنه اثنينه

من شفنه وضع فرات وجهه شكد ما مختنگ

صاير ازرق عيونه حمر كام ابوي عليه وهو

ما رفع عين بعين ابوي سحبه كعده ابوي وگال

محمد:: شبيك وليدي صاير شي وجهك خوفني

عليك اهلكم بيهم شي ماا تحجون صاير شي

عمر:: عمي دك على غسان خلي يجي اكو سالفه لازم نفتهمه منه وانت تعرف منه. 

-صدك ابوي دك على غسان وگاله هسه يجي 

ظلينه ساكتين بس گلبي انمرد على حال اخوي

وصاحبي فرات لا ردتو حاله كل شويه ومسح

وجهه بين ما جيه غسان بس دخل كام عمر

سد بوب الديوان وكعد وادحك غسان امر

من حال الولد عاط بيهم ابوي يريد يفتهم 

شكو رد غسان گال. 

غسان:: عمي گبل كم شهر واني دا اشتغل

من وره ابوي ابوي ما دا اعرف ويامن يتعامل

بين فتره وفتره اكو اتصالات بينه وبين أشخاص وقبل كذا شهر اجاه اتصال وسمعت

ابوي ديهدد بي ومن ضمن كلامه گاله. 

-شوف اذا محمد او وجهاد او اي شخص عرف

بموضوع خالد ما تلوم الا نفسك احسب ولدك

الاثنين نايمين بسد خالد وحارث وانت ثالثهم

غسان:: عمي اني حاولت هواي اعرف منو

هذا الشخص بس ابوي كان كلش حذر بحيث

لكيت عنده اكثر من سيمكارت والارقام ما تتحصل بس بعد ما دورت لكيت رقم واحد

اسمه ماجد سعيد اتصلت بي الرقم مرتين

والثالثه حصلته حاولت افتهم منه وسألته

على الاسم طلع ابن ماجد وماجد مسافر

للهند رحلة علاج. 

عمر:: خوش وشفتهمنه من كل هلـ خريط

مالتك اريد افتهم شلوون استنتجت ان ابوي

اله ايد بحادثة عمي خالد وباي حق تتهمه. 

غسان:: هههههه اتهمه ودا اكولك ابوك

وابوي اثنيهم يعرفون منو قاتل عمي خالد 

اذا ما طلعو همه الي قاتلي والوحيد الي

يعرف هو ماجد وبين ما يرجع ماجد لازم

نحاول نجمع ادله ونعرف بعد منو وياهم

وحط ابالك اكو اثنين بعد الهم ايد بالحادثة. 

محمد:: يابوياا يمصيبتي ولكم شتحجوون

انتوو اخووتي همه الي كاتلين اخوهم ولكم

تعرفون مااجدد يصير صديقق خالدد ولكم

ابن عمناا ما معقوله ولاا اخ ويكتل اخووه

وين صايره ودايره ولكم شي ويكف العقل

اسنين واكف بوجه جهاد وتالي يطلع كلامه

صح ولكمم منين اخذذ ثااري من اخوتيي

عمر:: على كيفك عمي خلي نعرف الحقيقه

يجوز مفتهمين غلط بس اصبرو كلنه ندور

ونصبر بين ما يرجع ماجد ونعرف السالفه منه. 

محمد:: اي اي خوش بس جهاد ما لازم يدري

ابدد بهذا الموضوع وانت غسان حاول شكد

ما تكدر تاخذ معلومات من ابوك وين يروح وين يجي والي يضم عليه ما يلوم غير نفسه

مفهوم كلاميي. 

-مفهوم 

وسام:: كامو الولد طلعو وابوي من قهر گلبه

عاف كل شي وراح للبيت حيره وشي ما يشيله العقل. 

ريام:: كملت محاضرات ةكعدت انتظر مروى 

ومهى متفقين نتلاكه بالكافتريا واحنه الثلاثه

ما صادقه غير وحده حبابه بس علاقتنا رسميه

وياها شويه وجن البنات وطلعنا لكينه جهاد 

واگفلنه بالباب صعدنا وبس سلمنا هو شخط

السياره وجهه ما يتفسر واضح ضايج حييل

حتى خفت اسأله وهو ما بدون ما يرفع عينه 

سأل مهى. 

جهاد:: خوياا مهى سؤال اذا ماكو زحمه

مهى:: لا خويا رحمه تفضل 

جهاد:: اخوتج شبيهم يعني فرات وعمر شو

ضايجين واليوم فرات حتى ما داوم شعنده شغل ابوج غاثهم بشي خاف متعاركين 

مهى:: هاا لا والله اصلاً ابوي إله يومين بغداد

والصبح جان ما بيهم شي شوف يجوز من وره

عماد ماخذ سيارته ولا ما بيهم شي تفاجئت فرات ما مداوم. 

جهاد:: اي يصير خويا بيها الخير ان شاء الله 

ريام:: سكت بس ما اقتنع هو شيقنعه بس وصلنه مهى نزلت لبيتهم وظلينه احنه وهو دار عى مروى

جهاد:: مراوي تجين ويانه نروح نتغده يم فاطمة 

مروى:: هاا لا مو جهاد تبوكه وامي وحدهن 

جهاد:: هاا هم صدك عجل انزلي بويا واحنه

نروح نتغده يمهم لان اصلا ريام ايده مخيطه

وين تكدر طبخ. 

مروى:: اي صح براحتكم يلا مع السلامه

-نزلت مروى وهو صف السياره اريد انزله افهمه

بس هو ما انتظر سحب ملازمي وذبهن بالسياه

ولازم ايدي ومشينه بتجاه بيت فرات واني احاجي

ولا يمه 

يااا جهاد شبيك عيب منو يكول مسوين غده

جهاد:: ماكو عيب ناكل من اكلهم صدك همه

مو ما عزمونه بعرسنه هاي عزيمتنه امشي

ريام:: وصلنا وهو يدك بالباب كسره تكسر واسمع

صوت فاطمة صاحت 

-منووو

جهاد:: اني يابه افتحي

-فتحت الباب تفاجئت بينه وهو ما خلاها حتى

تسلم عليه گبل گاللها. 

جهاد:: جيه زلمتج تأخرنه وريام ايدها مجروحه ومخيطه جينه نتغده يمكم. 

فاطمة:: كل الهلا بيكم تفضلوو

ريام:: طب جدامنه واني كضبت فاطمة تره والله 

جابني من الدوام وگبل گال نتغده بيت فرات

فاطمة:: هههههه ولج كل الهلا بيكم تعالي

ريام:: طبينه لكينه جهاد مگابل فرات ويتغدون 

هو ياكل وعينه على فرات ما عاجبه دخلت سلمت

واني مستحيه من فرات بسوهو گبل هلا بينا. 

فرات:: كل الهلا خويا تفضلي تفضلي البيت بيتج 

-تسلم ابو علاوي 

جهاد:: تعالي حبيبتي تعالي تغدي مو زين تظلين جوعانه. 

ريام:: ظليت ادحك عليه مستحيه من فرات

وهو يتقاصد يگولي حبيبتي جدامه كعدت مسافه

وجهاد سحب الصينيه من جدام فرات وحطها

جدامي وكام وسحبه وياه وظلينه اني وفاطمه

وحدة ادحك بوجه الثانيه ما مفتهمين السالفه

فاطمة:: انتي تغدي اروح اشوف شبيهم واجيج

-لا اني هم وياج اكوم تره هو من رجعنه متحلف

بفرات مدري ليش وحتر جابنه علمود بحجة الغده

فاطمة: امشي خلي نشوف

- وكفنه يم شباك المطبخ نتصنت عليهم ورفعت

راسي اشوفهم واكفين وجهاد حاط ايده على جتف

فرات ويحاجي. 

جهاد: شبيك فرات من تالي وكت اتضم عليه

يا خوي شنو الهامك گولي فهمني لا تكول ماكو

شي من وجهك شني زعلان مني الصبح اجيك

ما تطلعلي عبالك ما ادري جنت بالبيت سمعت

صوتك تعيط وزعلان بس كلت عائلة بيت ما ادخل بس والله ما گلبي ينطيني اشوفك ضايج. 

فرات:: اخوي انت اروحلك فدوة ولك ازعل

من الكل منك ما ازعل قابل ما اعرفك. 

-عجل شكو شنو القاهرك 

فرات:: سالفه تخص ابويه واخوتي لا تهتم 

تنحل تحاجينه اني وعمر بيها لا تشيل هم. 

جهاد:: اكيد فرات اذا سالفة فلوس اني 

انطيك فلوس الحصاد لهسه ما صارف منهن

وما محتاج بس لا تظل ضايج تره الدنيا تصغر

بعيني من اشوفك مهموم عمي طز بكل شي

فرات:: قابل لو محتاج ما اجيك شنو جهاد

غريب عليه انت وتدري لو احتاج اول الناس

اجي عليك الله لا يحرمني منك يا خوي. 

جهاد:: ولا يحرمني منك انت تدري اعز من روحي وبعدين بس ريام اغلا منك وانت تدري

-لا ياخايس وبوجهي تگولها

جهاد:: اي قابل اجذب عليك ديلا عجل ولي

اروح اخذ اختك ونروح لبيتنه مازال ما بيك

شي. 

فرات:: دمشي ولي ولك صاير ما تستحي

جهاد:: لا بالله نعيب الناس والعيب فينه

جهاد والله اموت ما اتحمل تكتلني تزفها لغيري

انجب انجب منو الجان يذبح ويصلخ ابوك

ريام:: فرات يضحك عليه وفاطمه مسرسحه

على ازلمته تكول ماخذه براد بيت مو فرات

طبو للبيت وجهاد صاحني حتى نروح وشكد

لحو وحتى نتغده وياهم ما قبل طلع واني وراه

امشي هو كل شويه يلتفت يشوفني ويكمل

مشيه دخلنه لبيتنه وهو راح يجيب ملازمي

ذبيت الجاكيت والشال وايدي توجعني 

تمددت على القنفه تعبانه ونعسانه هو فات

محمل ملازم وعلاكه بيده كعدت اريد اشوف شبيها. 

جهاد:: قابل اخليج بدون غده جبت غداي وياي 

تعالي اكلي يروحي واميررة گلبي وام بيتي وجهالي

-ههههه فدووه لزوجي القالي تدري ادحك على

صينية فرات وفاطمه واتحسر ميته جوع

جهاد:: ههههه يخسي الجوع بعد روحي 

ريام:: تربعت وكعدنه نتغده هو اكل شويه وسحب

ايده بس اني تكول مفجوعه اكلت الا ما كلت بس

كملت وسحبت الصينيه وخرتها من جدامنه وتمدد على رجله وهو يدحك عليه ويمسح على شعري توه ردت اغفى گال. 

جهاد:: ريامي 

-همم

جهاد:: اكعدي احاجيج 

ريام:: كعدت گبالي انتظر يحجي سحب نفس وگال. 

جهاد:: ريام خالي محمد حاجاني باجر يرحون

يزورون ويريدج وياهم ليش ما ترحين تزورين

خالي 

ريام:: ليش تلحون ما اريد ازور جهاد انس توني

احس بديت نفستي ترتاح ما اريد ارجع گلبي يوجعني تفهموني ما اكدر اشوف گبره لا تجبروني 

جهاد:: والله ترتاحين ريام الميت يشتاك لاهله

هيج تزعلين خالي منج انتي مو تكولين اكو غصه

وكل ما تذكرين خالي تتأذين صدكي من تزورينه

هاي راح تروح ريام هذا ابوج من باب البر بي لازم

تزورينه والله ترتاحين اسمعي مني

ريام:: ما ارووح شبيكمم جاي اكوول ما اكدر 

اتأذهه ما عليكم ازورر گبره وگتالته يشمون الهوى

ما اررريدد ما اريدد انت گلبك من حجر بس مو اني اذا انت تكدرر اني لااااا انتوو ما يهمك بس نفسكم. 

-رياااام صوتج لا يعلى عليّ ما تريدين تروحين لا 

تروحين العتب علينه شايلين همج واني لو ما

عمج شلع گلبي ما احاجيج لان اعرف ماكو نتيجه

ريام:: عافني وطب للغرفه يا ناس ما اكدر اني

فكرة اشوف گبر ابوي تشگ گلبي شگ شلون

اروح كمت شلت الصينيه وغسلت ونتدمت 

اني ليش هيج حاجيته ذبيت من ايدي ورحت

وراه لكيته واكف يصلي كعدت على الجربايه

انتظر يكمل وهو هم يما يخلص صلاة ساعه

كمل الفرض والسنن وشكد بي هاي الشغله

وره كل صلاة الا يقره قران لو حتى صفحتين

صدق ورجع القران لمكانه وشال مسجده واني

عيني عليه عافني وتمدد بمكانه وانطاني ظهره

درت من جهته وسحبت ايده ودحست روحي

بحضنه وهو حتى ما فتح كمت العب بلحيته

وادق باصبعي لو افتح عيونه يوخر ايدي وارجع

احطهه على عيوني بزع مني جتفني ظليت ارافس

جهاد:: اركدي ريام خلي انام 

-جهادي زعلت مني

-هئ 

جهاد حبيبي والله مو قصدي هيج اكول بس

اني ما اريد ازور تدري بيه احبك لا تزعل من كلامي 

جهاد:: ريام نامي سدي الموضوع تظل بكيفج

اني الي عليه كتلج ما تريدين براحتج قابل اجبرج علـ روحه 

ريام:: ليش هيج تحجي لا تزعل مني عود ازور وياك... سحبت ايدي لان كامت توجعني وهو 

كعد يشوفها ويمسح فوك الشاش سحبت ايدي

وحضنته وهو لف ايديه شابكني وخرني ويسمح

وجهي بيده وطبع بوساته على خدودي وگال

جهاد:: هانت وداعتج هانت ما بقى شي بيوم

الي يتحاسب كل شخص كان اله ايد بحادثة خالي وحارث راح اخذج ونروح نزورهم 

ريام:؛ بس اريد اعرف جهاد منو همه صح وعدتك

اني ما ادخل بس انت هم وعدتني ما تضم عليه

جهاد:: كل شي بوكته ريام هسه انتي ركزي بدراستج وصحتج لا تنسين راح تصيرين ام

لازم تهتمين بنفسج وصحتج لخاطر طفلنا. 

-هزيت راسي وهو سحبني لحضنه وغفينه. 

رباب::وره اربعين جديتي رحنه بس احنه وبيت

عمي جاسم زرنه وعمي اصلا ما جيه ما يدرون بي

وين رايح بالبدايه محد اهتم حتى ولده بس جانو مخبوصين يوميه تالي الوكت يلمتون بالمضيف

ابوي ولد عمي جاسم وغسان وياهم بس من مر

ثلث اشهر وعمي جاسم ما اله اثر لا هو ولا خالي

حاكم ما خلو مكان ما دورو عليهم حتى المستشفيات خطيه ولده يحيرون وين يدورون

ولد خالي حاكم كامو يتهمون عمي كاتل ابوهم

ومنهزم وناس تذب حجي لناس وابوي حيرته

تهد الحيل خطيه رحاب تبجي على ابوها هي ومهى وحتى امهن كل يوم صاعد عدها الضغط

كاعدين اني وريتاج بالحديقه الجو يثلج بس ضوجه

بالبيت جاي نسولف على بيت عمي وعلى بناته 

ريتاج:: ولج خاف مسوي شي ومنهزم 

رباب:؛ انجبي وين ينهزم بس والله البنات وولده يكسرون الخاطر ولج لا ليلهم ليل ولا نهارهم نهار

ريتاج:: شمدريني انوب ولد حاكم هم انجلبو عليهم

-اي والله

ظلينه نسولف بيهم ورفعنه روسنه من انفتح الباب

وطبت ريام ام كروش كيفنه اثنينه كمنا نركض عليها شبكناها وريتاج تبوس بخدودها وهي تصيح

ريام:: عوفنيي ولجن ما يقبل ظلمتي تحضن وتبوسن يمااا خنگني وخرن وخرن ضااج ابني

ريتاج:: انهجم بيت عدوج ضاج ابنها وهو بطنها

ريام:؛ هههههه شلونجن بنوتاتي شلون الدراسه

وياجن وعمتي وين وعمي والولد وجنتنا وين 

رباب:؛ خلي نلحك نرد على واحد من اسألتج

فوتي امي ورحاب بيت عمي جاسم وابوي والولد

طالعين ويا فرات وعمر زين جيتي جنه ضايجين. 

ريتاج:: اي والله تعالي نكعد جوه لان الجو بارد

لا تتمرضين انتي وابنج شيخلصنه من جهاد. 

رباب:: طبينه كعدنه بالهول وماكو غير سالفة

عمي جاسم الي فص ملح وذاب وين راح ما ينعرف. 

ريام:: والله لو تشوفن فرات البارحه تخبل كال

لجهاد ما ظل مكان يعتب علينه ما دورنه بي

لا هو مكتول ونعرف لا هو مسجون وين راح

ريتاج:: لا والبارحه بالليل جيه غسان على ابوي

تدرن گاله ابوه منطي بنته الجبيره لابن خالتها

وماخذ عايلته ورايح وبس غسان ظال اهناي

ريام:: قصدج ميسون يااا ولج تدرن هو من 

زمان يريدها بس ابوها الجلب يعاند بي يريد

مهر عالي وبيت بأسمها وحتى من وافق على

شروطه ظل يلوث بحجايته المهم الله يسعدها

ريتاج:: ولج غير ابوي ظل يغلط عليه گال 

اخوه ما ينعرف وين مكانه وهو حاير يزوج بنته

رباب:: هو حمدان من شوكت مهتم لاخوته 

هو مو باجر عرسها لو الخميس الجاي 

ريتاج:: لا باجر هو كال يزفونها ويجون المغرب. 

ريام:: اي شعلينه ولو والله اني البنات احبهن

بس سوالف عمي وامهن هنه الي خلني ابتعد

رباب:: احسن والله اريح الج بيت حمدان ما يجي منهم غير الأذيه بس خطيه غسان ظال بينهم. 

ريتاج:: اي والله انوب شلون شاب بس حجيه

يجنن وشكله تكول ممثل تركي صدقه لله

ريام:: انجبي شو صايرات فدنوب انتي وتبارك

ريتاج:: عمي شحجينه اكوم اسويلكم گهوه 

رباب:: كامت ريتاج سوتنه گهوه وكعدنه للمغرب

نحش بالرايح والجاي لو نسولف بالدراسه ما حسينه الا من اتصل جهاد جاي ياخذ ريام شكد

ردنه منها كالت عدها امتحان وبعدها ما دارسه

كمت كملت العشه وبس تعشو ابوي والولد 

طلعو لبيت خالي احمد وامي هم راحت لجديتي

فرحه تشوفها ظلينه هم بس اني وريتاج ظلينه

وريتاج بس شافت موبايل امي كعدت تلعب 

هاي اللعبه يركض والشرطي يركض وراه

غسلت المواعين وجاي اريد اروح اقره اندك

الباب كلت يجوز رحاب جت من بيت اهلها

فتحت الباب بدوم ما اسأل وفزيت من صار 

عماد بوجهي ظليت صافنه ومن المستحاه 

ما عرفت شسوي وهو گبل گال

عماد:: احمم عمي موجود 

-هاا

عماد:: اذا عمي موجود بس صيحي بلا امراً عليج محتاجه بسالفه. 

رباب:: هاا لا راحو لبيت خالي احمد 

عماد:: خير ان شاء الله عجل طبي جوه لا تفتحين

الباب خاف احد يجي لان خاف غسان يجي مو تفتحين الباب خوش 

رباب:: هزيت راسي وهو امبين ماله خلك وجه

مسمر حيل سحب الباب سده وراح واني ظل

بالي يمه خطيه وضعه حيل يقهر حقهم ابوهم

طبيت للبيت وظليت احجي على ريتاج عايفه

دراستها وحايره بالموبايل تالي بزعت عفتها ورحت اكمل دروسي وبالي يمهم شعنده ابوي

والولد بيت خالي احمد. 

تبارك:: اني وريام ومروى وفاطمه هم يمنه جت

عمتي بس سلمت ودخلت يم امي وجديتي وفاطمه

گالت. 

فاطمه:: بنات منو يمكم بالمضيف صوت زلم؟ 

مروى:: اي خالي محمد وولده وياهم غسان

مدري شعدهم بس صار صوت جهاد عالي انوب

سكتو ما سمعت شيحجون

ريام:: صدكك اروح اتصنت شعدهم شيسولفون

تبارك:: امشي اني وياج طلعنه نركض وريام مو تكول حامل 5اشهر صايره دبه شكد ما تاكل وفاطمه ظليت تحجي ورانه بس ما اهتمينه

وكفنه نتصنت يم باب الداخلي حاطين اذاناتنه

ونسمع صوت خالي محمد يسولف وانصدمنه

من گال. 

محمد:: ابو جهاد هذا هو الي ندري بي بس

كل الي عرفناه جاسم ما جان يدري بتفاقهم

وحميد وحاكم همه الي رمو خالد وحارث

جهاد:: هههههه اي وتريدون تقنعوني حمدان 

ما اله دخل وهو اول الناس جان موجود 

غسان:: لا اله دخل بس اسمعني حقهم وتاخذه

وما واحد يلومك بس بالقانون محد يسكت 

ويصير بحر من دم محد يسكت على كتل ابوه

وفكر بروحك تكتل وتنكتل ويجوز لا سامح 

الله يصير شي على واحد من اخوتك شتسوالك

الك حق ماخذه بالقانون ولا شتكولون عمامي

محمد:؛ وياك ابني لا واحد ولا اثنين ينسجنون

وياخذون جازهم اني ادري بالي تحس بي مثل

ما اخوك اني هم اخوي الي نكتل وعلى ايد ولد عمه واخوه ساندهم بس ما مستعد اضحي بيك ولا بواحد من اخوتك خلي ننتظر

ماجد يرجع ونروحله ونسمع منه وحتى يكون

عنده شاهد ودليل بيدنه هاا ابو جهاد 

احمد:: شكول وشتريدون احجي انتو تعقلون

الي تكولونه اخوتي كتالين صاحب عمري وابن

گلبي ولكم هذول خالد وحارث ولكن عليمن احزن حرموني اسنين من اخوي وسنايدي 

عزيز روحي هذا وانوب ابني ويباا ذنب سلبو

شبابه محمد تدري جان يقنع بينه حتى نزوجه وتالي بدال ما ازفه وافرح بي زفيته للگبور

ودفنته بيدي اخخ يابويه يا حارث يا وليدي

تبارك:: مسحت دموعي وعيني على ريام الي

كعدت بالكاع تشهك جيت كومتها واخذتها

لبيتها ما اريد امي تشوفها بدون كل شي 

وضعها ما يعجب انوب تشوف ريام منهاره

ظليت يمها لحد ما هدئت وبعدني مصدومه

من الي سمعته وجفلنا اثنينه من دخلت مروى فحطانه كمنا اثنينه نريد نفتهم شكوو 

ريام:: شبيج ولجج

-مسحت وجهه وجان تكول

- عائلة حمدان مسوين حادث...... 

الفصل السابع والعشرون من هنا