رواية هو لا يشبههم الفصل السابع والعشرون بقلم تبارك الوائلي
جمانه: نصدمت من الي شفته عبالك واحد ضربني على راسي باوعت كميت الرسال الي وصلتله من وحده اسمها ساره وكلام الحب والغزل وهيه تتوسل بي ليش و اشلون ميجيها على مواعيدهم .
و هو يتعذر منها بشغل
" كاتبتله ليش هيج ايهم متغير عليه نسيتني والله مشتاقتلك ليش هيج متتصل ولا تسال عليه ولا اشوفك بس كلي منو غيرك عليه احرك الدنيا عليه ليش هيج متعبرني
وترد عليه ودازتله سمايلات بجي "
جمانه : شنو هاي ايهم .
خليت المبايل بوجها هو ورسايله .
:- منوووو ساره اااااايهم ؟
صحت بعصبيه ودموع حاول يهديني وحجه بهدوء ويايه .
:- على كيفج حبيبتي انتِ حامل والله هاي وحده رخيصه ومعرفه قديمه جيبي المبايل .
جريته وكتله .
:- لا مانطي ولا تحجي ويايه بعد .
عفته ورحت طبيت الغرفتي اجه حضني ويتوسل .
:- جمانه اسمعيني ليش هيج تسوين افهمي الصار لتخلين عصبيتج دمر كلشي .
عفته يحجي ورحت طبيت بالغرفه وطبكت باب الغرفه بوجها قفلته من جوه واني ارجف وماعرف شصار بيه المبايل بايدي وهو صار يصيح .
:- مانطي الك واله ادك عليها واعرف منها كل شي ومنو هيه وشنو علاقتها بيك .
احجي وابجي وصوتي يرجف من الصدمه .
:- لج بابا افتحي الباب وخلينه نحجي .
:- كتلك ما افتح الباب روح ايهم روح .
:- كاااافي جمانه فتحي الباب لا اكسره تره نفذ صبري وياج افتحي الباب ونطيني المبايل ولدكين على واحد .
:- ما افتح ما افتح .
:- لج بابا وحده رخيصه شنو دكين وتحجين وياها .
:- اي لازم افهم منها .
صار عصبي وكام يصيح ويهوس وكال .
:- ولييييييييييش مو اني افهمج صدكين بوحده بت لليل واني مصدكيني اااااافتحي ااااااااالباب وخلي
اااااااا احجي وياج جمانه لتخليني كسره للباب اشويه احترمي من احجي وياج افتحي الباب
وبطلي تصرفات ااااااااالجهال .
فتحت الباب لان عرفته عصب من صوته وماردت تكبر المشكله اكثر فتحت الباب ودموعي تنزل كتله
:- يله فتحت الباب ومو اني الي تتصرف مثل الجهال
احجي شتريد ايهم .
:- استغفرالله ربي صبرني لج بابا اسمعيني ليش تحكمين كبل جيبي المبايل جيبي جمانه ولتباوعين هيج عليه لان مامسوي شي غلط اني فهمتي .
جمانه : سحب الموبايل مني بقوه وكال .
:- اسمعيني جمانه و روح امي هاي البنيه صديقه قديمه واعترف جنت عندي علاقه بيها بس و روح امي عفتها وكطعت علاقتي بيها من تزوجنه وماعندي وياها اي تواصل وانتِ بنفسج قريتي
اني راد عليها مجاوبها ماخذ ومنطي وياها بالكلام اااااااحجي ليييييييييييش ساكته .
ففززني من صوته كتله واني ابجي .
:- لا .
:- شنو لا احجي .
:- لا ماراد عليها .
:- خلص يعني مالي علاقه اذا هيه تراسل او تلح وحضرتها اكثر من مره ودكت وراسلت من غير رقم وانتِ عرفتي اسمها ساره لان قريتي فوك كاتب الها ساره كافي علاقتنه خلصت ولدكين بعد وشفتي كميت الرسايل والاتصالات واني ماراد عليها ولا معبرها موووووو صححححح .
:- اي صح .
:-: خلص وفوك كل هذا خليها بالج شغله جمانه انتِ مامن حقج تحاسبيني على علاقه اليه قديمه قبل لا نتزوج مالج حق ابد ابد .
جمانه : كعدت على الجربايه ابجي بحركه و هو حاط ادي بجيوبه ويستغفر اجه كعد بصفي حضني دفعته وكتله .
:- لتمد ايدك عليه وطلع نفسك مو غلطان ليش مامسحت رقمها وحضرته ومسحت رسايلها ها ليش .
:- حبيبتي والله العظيم اكثر من مره اني حاضرها كلت هل مره اعوفها تكتب وتمل ومحد يعبرها .
سحبني عليه لف اديه حضني وكال .
:- بعدين شدعوه كلبتي الدنيا لو شايفتني راد عليها سويتي ولج هيج الحب مولع الغيره عندج .
:+ يابه على كيفج ليصير لطفله شي غير احرك المبايل وساره .
باوعت عليه دموعي جرت كتله .
:- كافي ايهم لتجيب طاريها على السانك .
:- والله اسف واعتذر المفروض اكلج بس هذا الي جنت خايف منه حبيبتي انتِ لسه ماعرفتي انتِ
شنو بالنسبه اليه .
:- اعرف بس عوفني وحدي عفيه .
:- واشلون اعوفج وانتِ هيج كالبتها مناحه.
:- لا بروح امك عوفني .
:- براحتج راح اطلع لسوك لان ما روح للعزيمه
شافني ساكته طلع وسد الباب كعدت ابجي
وحدي فكرت ويه نفسي كلت اخاف جذب يمكن عنده شي وياها وليش هيج كاتله نفسها عليه وتراسل وهو مايراد عليه ابد بقيت بالغرفه طبت
نور الحلو بنور من تشوفني اني وعمها متزاعلين
أو نكعد سوه تاخذ اخوته وطب بالغرفه يباوعون مسلسلات لو يلعبون بالمبايلات طبت شافتني كالت .
نور : ماما حبيبتي على كيفج ويا نفسج مو انتِ حامل .
بقيت ابجي اجت حضنتني اضاهر سمعت سبب مشكلتنه رغم هيه عمرها ميتجاوز ال 13 سنه بس واعيه كالت .
نور :- ماما مو حلف بروح امه عمو بس يحلف باامه يعني صدك تره اصواتكم عاليه وسمعت كلشي لتحكمين عليه و تسوين زعل وتخلين غيرج يفرح .
جمانه : شفتي الحقيره اشكد متوسله بي يرد عليه.
:- ماما لتنسين عمو ايهم حلو ومرتب واكيد راح تكتل نفسه عليه لتخلين زعل بينكم والله عمو يحبج ماشايفته من تحجين اشلون يباوع عليج والله يحبج
ويموت عليج .
:- اي ماما اعرف بي يحبني واني هم احبه شعندي غيره بس كلبي احترك ، نور ماما اني هسه ياله حسيت بطعم الدنيا وشفت السعاده ماريد وحده تاخذه مني .
:- لا ان شاء لله ربي يبعد عنكم كل عين كومي غسلي وجهج وخليني اجيبلج عصير كومي حبيبتي
ماما .
جمانه : كمت ورحت اتوضيت وصليت ودعيت من ربي انو يبعد عنه المشاكل و مانفترق اني وايهم طول العمر جابتلي نور عصير كلتلها .
:- وين اخوتج .
:- ماما عوفيهم جوه يلعبون بالغرفه انتِ ارتلحي راح اروح اني اسوي العشه واكلي .
جمانه : روحي حبيبتي وديري بالج لتنجوين .
نور : لا مو عيب واني بنتج ام نور هههههههه .
:- حبيبتي فدوه لبنيتي الشاطره.
راحت نور رن مبايلي اجته رساله فتحتها من أيهم .
" والله يا كلبي وروحي وعمري وحياتي انتِ ماعندي شي وياها والله العظيم ماكو اي وحده بحياتي غيرج جنه حبيبتي لتفكرين لو اني
عندي وحده بحياتي اعترف عندي بنات بحياتي مينعدن بس قبل مو هسه من تزوجنه عفتهن كلهن لتزعلين مني يا روحي انتِ . "
مارديت عليه ليش طلع عنده اني شاهدت دز
أيهم
" والج تقرين ومتردين عليه هيج اني مالي احترام يمج وما اعنيلج شي .
دزيت
"هذا الهامك استاذ ايهم الحترام "
رد عليه برساله
"اي طبعاً وغصبن عنج تحترمين من اراسلج تردين جمانه فهمتي لو اجي افهمج "
كتبت اله
" اي فاهمه اني اصلن ميحتاج تفهمني "
أيهم
" شلون يعني ماراح ترضين تبقين تحجين معلك ويايه اعتذرت منج وبعدج زعلانه يعني شسوي ست جمانه وترضين عني اكسره للمبايل واخلصج منه وبقه بله مبايل "
ضحكت عليه رديت عليه .
" لا يابه عليمن تكسره علمودي اني منو قابل
وتكسره علمودي "
رد عليه بسمايل أبو القلب .
" انتِ عشقي وروحي وعمري وحياتي ودنيتي
كلها جنه "
ضحكت عليه مره يتغزل ومره يعصب عليه ههه دز
" ها شو ماردتي عليه والله اسف واعتذر وراح احضرها وامسح الرقم والرسايل كافي زعل جمانه الله يخليج "
رديت
" خلص ايهم "
دزيتله
" هاااا ماشاء الله يعني عندك بعد غيرها ومتوقع يراسلون ويسالن عليك .
دز
" هااا جمانه مو تحسبيها عليه زلت السان والله
يابه ماعندي كلهن عفتهن من شفت عيونج والله ذبت بالغمازه الي اخذت عقلي ونستني الدنيا كلها "
دزيتله
" خلي اشوف باله ومن اليوم نبدء كل يوم اشوف مبايلك ومتخلي رمز بي ابد .
كال
" صار بعد اوامر ست جمانه شبر ونص وماكادرلج تتحكمين بيه وتتامرين بس حقج عمي العنده مثلج
لازم يصوم وبس يباوع بعيونه .
دزيت
" ها ايهم والله رجعنه "
كتله
" ايهم مالي علاقه بلوراثه لتزعني منك توب "
كال
" لا عمي كله ولا زعلج يله حبيبتي صافي لبن احجي اشبيج سكتي .
كتله
" يااا شحجي ايهم .
كال
" شوفي يعمري من اكلج صافي يالبن كولي حليب ياشطه هههههه .
ضحكت عليه وكتله .
" ههههههه والله عليك سوالف ايهم .
كال
" اي ضحكي خربانه الدنيا اشبيج متسوه تزعلين عليه لج علي صديقي بزع مني يكلي كاعد يمي وتراسل مو تزوجت توب بعد كتله والله العظيم زوجتي اراسله زعلانه وجاي نراضي بيها .
كتله
" هاا ايهم حتى علي يعرفك مبين انت كلش واصل مرحله .
كال
" عمي خلي اروح احسن اليه اني اجيب الحجي اليه كوه باي حبيبتي .
:- كتبتله باي حبيبي
اجتي نور شافتني اضحك كالت
نور : هسه ضحكت الدنيا ميلوك الزعل عليج ماما صدك افرح من شوفج فرحانه ان شاءلله دوم اشوفج تضحكين وفرحانه .
جمانه : حبيبتي بنتي وصديقتي اروح فدوه للتفتهم .
نور : ماما اني هسه شفت الفرحه على وجهج من زوجتي عمو ايهم دوم جنتي يم بابا الله يرحمه الدمعه مانشفت من عينج .
:- همزين انتِ جبيره واعيه وشفتي كل شي بحياتي مر وشهدتي على معانات امج الله لا يرجع ايام ابوج الله يرحمه نور هم مرتاحه هنا بيتنه وهم تستحين من عمج لان لاحضت صار مرتين ياخذ اخوتج للمول وانتِ متروحين تبقين يمي .
:- لا ماما بالعكس اني حيل احب عمو ايهم وحيل ارتاحيت بيته مارتاحيت بيت ابويه ولا من توفه وبقينه يم بيبي وعمه ولا من طردتج بيبي ورحتي بيت جدو ابد مارتاحيت با اي بيت منهن بس هسه
لا صدك رتاحيت ماما انام براحتنه نكعد براحتنه نلعب نباوع محد مقيدنه صدك حسيته بيتنه .
:- ان شاءلله ماما طول العمر مرتاحين .
اتصل ايهم جابته نور كالت .
:- شنو ايهم بابا اشتغل عندج اني كولي ها حبيبي
ها روحي ها حياتي .
:- شلون بيك اني .
:- شلون بيه جمانه بله زعل اذا مترجعين نفس قبل ازعل والله .
:- صار .
:- اي صار شنو صار .
:- شنو يعني
:- يعني كوليها خلي يرتاح كلبي .
:- صار حبيبي .
:- عفيه بالسبعه يله خلي نور تحضر السفره جبت كباب للعشه راح يكمل واجي .
:- ليش مارحت انت وعلي للمول ؟
:- لا والله مارحت والمدام جمانه زعلانه .
:- أي صدكي ، يله راح اجي باي .
:- باي حبيبي .
نور : ها ماما ماراح عمو .
:- لا خطيه مارايح روحي حضري السفره والكلاصات لان اكيد جايب ببسي يحبه ويا الكباب .
:- اي ماما.
اجه ايهم وطب للغرفه كبل تعاتبنه شويه عتب حبايب وتراضينه اتعشينه ونامو الجهال دك مبايل ايهم عرفت ام دينا استغفرالله و جاوب .
:- ها بابا دينا .
امل
" هلو عيني ابو دينا اشلونك اخبارك "
أيهم
" اتفضلي اختي خير دينا بيها شي "
أيهم
"ها زين لعد مع سلامه واني باجر اتصل عليها من تكعد .
امل
" لا لا زوجي ميقبل ادك عليه بااي وقت اني ادك عليك عود بس انت لا لدك.
أيهم
" وليش انتِ خلي دينا ادك عليه .
امل
" هاا اي خوش ياله مع سلامه .
جمانه : سد الخط وهو طول المكالمه عينه عليه واني عاقجه الوجه ومعاجبني كمل ابتسم وكال .
:- هاا سالمين شكو .
:- ماكو شي سلامتك حبيبي .
:- عوفينه منها لتخليها تغير مودنه واني باجر اخابر دينا واشوف اشبيها .
:- اي ودك من ترجع من الدوام وكدامي .
:- صار ادللي كلبي .
مرت ايامنه ___
وبيوم خابرتني فرح عزمتني مسويه ثواب العمتها ام زوجها كتله الايهم وطلبت منه يودينه بدلت اني والجهال وكال .
:- يله اوصلج البيت فرح وارجع .
:- اي كملت .
هم دك مبايله كدامي ومارد رفعت حاجبي وكتله .
:- ها ايهم منو يدك عليك .
:- صديق عمري .
:- لا ماسال معليه بعد .
:- استغفرالله يله بابا طلعو .
جمانه تجفيت الشر وسكتت طلعنه وقبل لنوصل
كال .
:- حبيبتي تره صديق دك وبزعني وماردت عليه .
:- اي حبيبي اني بس سالت تره .
:- يله عمري نزلي وصلنه لتتاخرين ومن تشوفين اختج تنسيني .
:- ابتسمت وكتله ، لا ما انساك .
:- دير بالج ليش هيج تنزلين جمانه صدكين تجذبين .
:- والله على كيفي اشبيك .
:- دشوفي طفرتج شلعتي الطفله من مكانها.
:- الله وياك حبيب عمك .
جمانه : نزلنه و رحت طبيت فرح وشهد رحبو بيه طبعاً فرح رجعت سكنت نفس بيت اعيالها بعد وفاه عمتها
كاعدين وجهال فرحانه ونحجي ونسولف قبل اذان المغرب بدقايق دك ايهم عليه كال .
:- ها حبيبي .
:- جمانه خابريلي على صالح بساع دكيت و مرد عليه.
:- خير أيهم صاير شي .
:- لا ماكو بس خابري بسرعه خلي يخابرني .
:- أيهم احجي لتشلع كلبي صوتك مبين اكو شي.
:- جمانه لتخافين مابيه شي بس اني بالمستشفى سويت حادث بس والله وعيونج مابيه شي .
جمانه : شنوووؤو أيهم أيهم احجي بيك شي صار لك شي .
:- لا والله عمري على كيفج بس السياره تاذت .
:- يمه عزززززااااااا ايهم انت بيك شي احجي لتضم عليه .
:- والله العظيم مابيه شي بس اشويه راسي .
:- لالالالا ايهم لتجذب عليه فدوه صاير شي مو احجي فدوه .
:- ماكدر احجي هسه حبيبتي دكي على صالح خلي يجيني .
سديته وايدي ترجف دكيت على صالح ماكو .
فرح: شكو جمانه احجي شبيج نكلبتي كلب .
جمانه : ايهم مسوي حادث فرح .
مسيطرت على نفسي وكعت بالكاع وكعدت ابجي.
شهد : كافي تبجين كولي يا الله يمعوده .
:- ولج شهد هسه ضحكتلي الدنيا .
:- ميخالف حبيبتي على كيفج .
:- تعالي نور لبسي احذية اخوانج ياله امشووو .
فرح : اوكفي بس البس عباتي حتى اركبج تكسي .
شهد : هسه دبقي ونخابره عود .
فرح : أي صدك اكعدي هسه نخابر.
:- لا لا فرح شلون ابقه لازم اروح للمستشفى عليه
اريد اشوفه بس وكفيلي تكسي .
:- أي صار .
" هلو اختي ام طارق .
" منو انت .
"اني علي صديق ايهم .
" شنووو لعد أيهم وينة .
" والله مابي شي ايهم بس ديخيطون راسه جرح بسيط .
" خويه علي الله عليك مابي شي .
" والله العظيم مابي شي هاج طلع كملوله الخياط اخذ ام طارق راح تجيك للمستشفى .
سمعته يحجي بعصبيه .
أيهم : وين وين تجين ممنوع تحجين جمانه المستشفى كلها اصدقائي .
جمانه : بدموع اريد اجي اشوفك .
:- كلت ممنوعععع لتجين .
:- هسه راح بس اكمل تقرير المستشفى ويسحبون السياره للكراج واجي يله حبيبي باي ليضل بالج .
جمانه : وصلنه للبيت وبقيت الوب اني والجهال
كلساع اخابر اطمأن اخر شي كمل وكال جاي بس
واصل براس الفرع ملاكيته خالته وتبجي ومدخلته يمها بالبيت .
(بيت خالت أيهم )
أيهم : خاله والله مابيه شي .
:- لا تعال خل اشوفك لان اني ماطب بيتك تعال يمي هنا اشوفك .
أيهم : كعدت يم خالتي جابتلي ماي شربت و
دكيت على جمانه .
" الو .
جمانه : سديته بس بداخلي مقهوره حيل المفروض يجي للبيت واشوفه ليش راح كبل على خالته اجه صالح اخويه لان جان هوه وابويه يم فرح وشهد على العزيمه ودازه فرح ويا العشه النه كعد اشويه وراح صالح هوه وابويه سلمو وتحمدو على السلامه ايهم وراح ونور صبت العشه وتعشينه وكملنه دكينه على ايهم كال
أيهم
" اجو كل اصدقائي الواياي بالمركز وماكدرت اجي خلي يرحون واجي .
سديته و صدك ضجت حيل نامت مليكه وامير
واني ونور وطارق كاعدين صار عندي مغص بطني لان اتوترت وضجت حيل دكيت على ايهم كتله بالم .
" أيهم وينك .
" ها عمري شبي صوتج .
" انتضري جمانه بس يطلع المدير اجه يشوفني
خلي يروح واجيج .
" راح اخابر فرح واروح .
" لا لا كلت .
" ايهم ابقه انت اني راح اشوف احد ياخذني
" خلي اشوف جيرانه حسن اذا اجاج اخذي فرح وروحي واذا ميروح بس يطلع المدير اجيج .
" ماشي .
وره اشويه دك الباب جارنه ولد شاب كاله .
:- يله طارق دك عمك منتضركم باللباب .
جمانه اخذت طارق ورحت للمستشفى ويه جيراننا
وصلت فحصتني الدكتوره وكالت .
:- لتخافين ماكو شي هاي تقلصات نامي ورتاحي .
دك ايهم رديت .
" ها حبيبتي .
" ماكو شي رجعت بالطريق .
" يله جايج للمستشفى .
" لا اذا ميحتاج لتطلع بارده عليك .
" لا بابا شنو تردين ابقه يمهم .
رجعت للبيت تمددت بفراشي و اجه أيهم
كمت حضنته وبجيت .
أيهم : ليش البجي يا حبيبتي مابيه شي والله .
جمانه : الحمدلله على السلامتك .
:- الله يسلمج جابولج الملابس .
:- اي كلهن دم .
:-؛ ذبيهن ماريدهن لان صار دم عليهن لعبت نفسي منهت بس الكوت اغسلي لان جنت معلكه بالسياره مالابسهة.
:- شو اشوف راسك مخيط هوايه .
:- اي بس مو هواي بسيط يمكن بس 5 خياطات .
:- ياااا بسيط هواي مشكوك .
:- اي شسوي الحمدلله جمانه اتخيلتج انتِ وبناتي كدامي صرتو تخيلت ماشوفكم بعد وهاي نهايتي.
:- يله فدوه الك أيهم .
:- يا فدوه لو اني متاذي ولا السياره اخ حرامات سيارتي جديده راحت .
:- لا اسم الله عليك لتحجي هيج يمعود .
:- راح اروح ارتاح انام شويه .
:- براحتك حبيبي .
:- جمانه لتكولين حبيبي .
:- ليش شكو ليش ماكول .
:- لان انتِ السبب بالي صار اليه اليوم .
:- ليش ايهم اني ليش .
:- اي من نزلتج يم اخواتج وبالبيت كلتيلي اذا
الي دكت ابنيه أن شاء الله تطلع بيك اذا جذبت عليه وماكتيلي الله وياك .
نصدمت من كلامه كال .
:- اروح انام احسن لان تعبان وراسي مصدع .
:- ياااا اوكف احجي وياك .
:- اريد انام ماسمعتي شكتلج .
هذا شنو قصده يعني الي دكت عليه بنيه هسه غير افهم منه شي رحت نمت ومسحت دموعي وبقيت افكر اشلون هيج حجه وشنو معنه كلامه مادري اشلون نمت كعدت الصبح هوه نايم سوت نور ريوك وجابته
اجتي امي تشوفه وتتحمد على سلامته كعد طب سبح وسلم على امي وكعد يتريك واشوفه طبيعي يحجي ، ايهم بي شغله اذا زعل من يريد ملابس او ريوك يحجي بس زعلان ميناقش ابد بس ميبين كدام احد احنه زعلانين اني هم بقيت ساكته لان امي يمنه عيب
بدل راد يطلع كال الامي .
:- اليوم باتي يمنه عمه .
ام صالح : لا والله عمه ماكدر .
:- يمعوده شنو متكدرين بروح ابويه ابقي نتعشه سوه ونتعلل اليوم اريدج تحجيلي على ايام ابويه .
:- ههه صار بعيني ابوك عزيز عليه الله يرحمه .
:- اكج عمه صدك ابويه جان مينام اله احد يحك شعره او يلعب برأسه .
:- اي والله عمه هيج جان ابوك متعبنه انحكله
لحد مينام .
:- اي الحمدلله هاي ورثناها من ابويه ولا غير شي .
:- اوف ابوك سوده عليه اشاف ، بعز شبابه وراح بعمر 30 سنه سوده عليه .
:- الله يرحمه أي عمه كملي شجان يحب بعد .
:- اووووو اشكد جان يحب البنات ويحجي وياهن بس مادري اشلون من اخذ امك كعد وبطل على
ايدها وبعد عاف كل النسوان الخاطرها .
جمانه : اني راسا باوعت عليه وبتسمت هو انتبه عليه رفعلي حاجبه وكال .
أيهم : اي عمه شكو بيها اذا على هاي بسيطه هسه شمسوين وداعتج هنه يباوعن ويتحارشن واحنه منكسر الهن خاطر .
ام صالح: اي والله صدك يعمه بنات هل وكت الله يستر منهن الله .
: - ضحك وكال ، ياله في امان الله.
:- الله وياك ها زين .
:- عمه تقبلين بنتج البارحه دعت عليه و ماكالت
الله وياك وخلتني اضرب السياره .
ام صالح: لا جمانه صدك هل حجي .
جمانه : لا والله اني ماقصدت هيج ايهم اشبيك .
أيهم : هسه اني شكلت يله عمه رايح .
:- الله وياك عمه محروس .
طلع وامي ستلمتني .
:- ولج جمانه صدك هل حجي .
:- لا يمه ايهم يشاقه مو تعرفي .
:- عبالي .
جمانه : رحت سويت الغده خابرني كال .
"خالتي مسويه غده على سلامتي وراح يجون ولد خوالي .
" ها براحتك باي .
" باي .
سديته منه نقهىت اليوم ماكو باي حبيبتي ايهم يعني بعده زعلان وهو الي غلطان مسحت دمعتي لان دئماً تخوني غسلت وجهي عيب لتشوفني امي رحت كعدت يمها كالت .
ام صالح : ها كملتي تجهيز الطفله .
:- اي الحمدلله جهزت قبل سبوعين .
اجوي طارق ومليكه من المدرسه طارق صف رابع ومليكه صف اول ابتدائي تغدينه وبقت امي تحجيلنه والجهال فرحانين بجيه امي قبل لتروح اجه ايهم سلم وكعد .
أيهم : نور عمو جاي حبيبتي.
نور : أي عمو .
راحت نور سوتله جاي كعد يم امي وكال .
:- ها عمه مو كتلج ابقي اليوم عاجبني نتعلل اني وياج .
:- لا والله ماكدر .
جاي نحجي وطب ابن اخويه مرتضى اخذ امي بالعربانه مالتها لان خطيه امي صارت مقعده من
صار كم سنه سلمت علينه وراحت كمت اريد اطب وعثرت بالسياره مالت امير ردت اوكع فز ايهم
راساً كمشني من ايدي وهوه معصب
مادري خايف عليه كال .
:- اشبيج غير تنتبهين لو واكعه ومتاذيه اني شسوي .
جمانه : باوعت عليه وكتله .
:- مابيه شي والله .
:- استغفرالله اكو واحد يعوف لعبه بالكاع جمانه تعالي نور شيلي لعبه اخوج وبعد مالكه اي لعبه بالكاع من يلعب بيها ويكمل تنشال وتنضم اكو شي اسمه نضام بهذا البيت .
راح كعد ضايج اني هم رحت كعدت بصفه وكتله .
:- ايهم باوع عليه .
حجيتها واني منتضره كلمته الي متعلمه عليها من اصيح اسمه يرد عيون ايهم بس هل مره ماكلف نفسه وحجه غير بس رفع راسه وباوع عليه كتله .
:- انت ليش ضايج .
:- لا ليش اضوج قابل مدعومه سيارتي وراحت للمصلح تعرفين طلب مني مليونين ونص على تصليح الجنطه من وره .
:- ياا اشدعوه .
:- اي تصليحها غالي .
:- ليش اضوج كول يالله .
:- هذا سوال تسالي جمانه .
:- اي بس تره هوه قدر وصار فدوه مو زين عدت عليك اهم شي انت سالم الحمدلله يارب ايهم اني
من حجيت والله موقصدي شي بس كتلك اذا الي دكت ابنيه وهذا كلامك يثبت انت جذبت عليه ومبين فعلا طلع الي دك عليك ابنيه .
:- اول شي لتعيدين كلمه جذبت لان عيب تكولين هيج كلام بحقي .
:- اي اني اعترف غلطت بس مو مال تكولين تطلع بيك جمانه هذا السلوب حيل مااحبه ولتعيدي علمود متكثر مشاكنه زين .
:- اني اسفه وغلطت والمفروض ماكلك هيج بس
الي وره شنو ايهم يعني انت عندك وحده تحجي وياها باللمبايل وتخون مو هذا هو الصح .
:- شوفي قبل اسبوعين من رحت للعرس مال ابن خالتي هناك بالقاعه اني وعلي صديقي وحده من كرايبهم هيه اجتي علينه ونطتني ورقه بيها رقمها كل شي مافهمت منه لان صوت الاغاني عاليه اخذته وهيه راحت ومن خلصت الحفله ماشفتها بعد من هوسه الناس وراح تكولين ليش اخذته الورقه اخذته لان حكم شغلي احنه با!!!!!! يمر علينه هيج شغلات كلت ادك عليها واعرف شنو سالفتها دكيت وحجت ويايه وكالت اني من شفتك عجبتني حيل ومن كمت ركصت جوبي حيل عجبتني وهذا رقمي اذا حاب انسوي علاقه وشوكت ماعجبك اني موجوده ومطلقه كلتلها انتِ هواي حجيتي ومانطيتيني مجال ارد عليج اذا عجبتج هذا من ذوقج بس اني متزوج وماكدر اسوي علاقات كالت اي اكيد متزوج قابل بهل عمر وباقي بله زواج صدك اشكد عمرك كتلها 30سنه كالت اشكد احب هيج عمر للرجال جان زوجي ازغير عبالك زعطوط مايفهم ابد. اجه اتصال مهم ورسن لغيت مكالمتها ورديت على عقيد ويانه وجنت منتضر مكالمته وبقيت احجي ويا وكملت الدوام ونسيت اصلن ادك عليها بعد. ولا هيه دكت وره كم يوم دكت هيه عليه وكالت تعال بمكان نطلع عازمتك بمطعم
كلتلها ماكدر وعندي شغل وبعد لدكين اني ماريد علاقه كالت اذا تريد تعالي للبيت محد موجود باجر الصبح وره ال 8 عصبت عليها وكلتلها ليش لحيتي ويايه كتلج ماري حضرت رقمها ومسحته وره كم يوم هم رجعت دكت عليه من غير رقم وكالت والله بقيت بنفسي اشبيك ماريد منك شي بس تعال اشوفك وهم رزلتها وحضرتها ومسحت رقمها وبيوم الحادث الي صار هم دكت عليه وبقت تتوسل بيه واني قبل لا اطب للبيت مالحكت امسح رقمها ولا احضرها طبيت وتغديت هم رجعت دكت عليه انطيتها رفض ومن سالتيني كتلج واحد. لزكه وماريد
احجي ويا وانتِ بعد تعرفين الباقي شنو حجيتي وسالتيني وطلعت وصلتج وهم نسيت احضر رقمها ومن صار الحادث علي صديقي ناشرنه بالفيس دكت عليه تكلي
الحمدلله على سلامتك هاي اني حسدتك وضليت بنفسي سبيتها وكلتلها اروح احجي ويا كرايبج وافضحج اذا بعد دكيتي عليه ماعندج كرامه كم مره حضرتج وصدك حضرتها ومسحت الرقم وبعد مادكت
جمانه : تركته يسولف براحته بدون ما اقاطعه اخر شي كتله .
:- وانت هسه ماغلطان يعني استاذ ايهم مو
:- أي وين الغلط باله ست جمانه
:- اصلن ليش اخذت الرقم منها وليش بقيت
تسمعها بس كلي ليش .
:- لج بابا شكلج مو حجيت كل شي لج اني ماغلطان ومالي ذن صح كتلج ولد لان ماردت زعلج وانتِ متعذرين ابد .
:- هااا واشوكت دكت عليك اكيد من جنت ابيت خالتك مو .
:- اي والله شمدريج .
:- ايهم لتبقه تضحك عليه رجاً .
:- على كيفج هسه اني مخايف عليج تره خايف
على بنتي ليصير بيها شي .
:- لا باله صدك تحجي .
:- يعني لان صريح وياج ضايجه مو .
:- لا بس لو ماشافت منك نضرات مااجتك ونطتك رقم .
:- هاي حلوه انتِ تعرفين اني ماسد عيوني جمانه
ان الله جميل ويحب الجمال والعين بحر .
:- بعد بعد احجي مالي علاقه اني بيك شسوي سوي .
:- شبيج هيه اجتي بس ماحصلت شي لان كلبي مبيوع ومقفول بابه بس الج جنه .
حضني وصار يب...وس واني ابجي واشهك كتله .
:- وخر ايهم انت هم غلطان .
:- اني ليش شعليه عمي والله هيه جابت الرقم حبيبتي جنه الزوجه ام وانتِ بعد.ط لتعيديها من اكلج رايح ومتكولين الله وياك لان زعل الزوجه مثل زعل الام فهمتي .
:- اي فهمت .
:- فديت هل عيون والوجه الصار احمر فدوه رحت للغمازات الحافرات الخدود حفر .
:- اي اضحك عليه بس بعد متروح عرس بالقاعه وحدك ابد ابد .
:- صار ماروح ابد الي يعزمني اكله زوجتي بس تولد اروح لان متقبل هسه اجي .
:- اي اضحك شيهمك انت وتروح وتبقه بيت خالتك واني الوب هنا عليك .
:- لا ولج والله محترك كلبي على السياره بوكتها وضجت وماردت اجي لو اسمعج كلمه اضوجج وتصير مشكله وهمه هم جلبو وبيه ولد خالتي مو تعرفيهم اشكد يحبوني .
:- اي يحبوك واني يكرهوني .
:- شعليج بيهم لا ميكرهوج بس اخذو موقف علمود ام دينا صدكي .
سكتت ومشت ايامنه مثل العسل يوم بعد يوم اتعلق واحب ايهم اكثر واجه موعد ودلاتي ولازم اسوي العمليه ورحت للمستشفى ا وفرح ويايه وابن خالته جابنه بالسياره مالته لان جانت سيارته بعدها بالتصليح ماكامله
كملت كل الاجرات و خفت اول مره اسوي عمليه قصص ماي هوبس
تجربه مماره بيها حيل خفت وكعدت اوصي على جهالي ومهيمن صار عصبي ميقبل احجي هيج طبيت باللغرفه بدلو ملابسي وطلعت الممرضه وفرح واجه هو حضني وباسني وكال .
:- لتخافين اني يمج حبيبتي ماراح تحسين بشي
احسبي لل10 تلكين نفسج مكمله واني منتضرج هنا
جمانه : رحت واني عيوني تصب دموع متحملت رجعت حضنته مسح دموعي وكال .
:- لا لتبجين وصيري قويه منتضرج انتِ و بنوتي
جمانه : ودعتهم وطبيت صالة الولاده واني اردد ادعيه وايات .
،،،،،
هلو بنات لاحضتو شغله الي قارين فرصتي راح يعرفون ماعرف شنو مشكله ابطالنه ويه العب بالشعر هههههه يمكن بيهم كمل هههه لالالا عمي جذب هسه تهد نسوانهم عليه مابيه حيلهن جمانه فقيره ومكدور الها بس ريم على كولت علي عرمه تجي تهد عليه هههههه
المهم حبايب كلبي هذا بارت وان شاء الله التنزيل حسب اذا بيه حيل وماعندي شي كل يوم بارت واذا عيوني وايدي ياذني بين يوم ويوم بارت
