رواية ليتني واجهتك الفصل السابع والعشرون
عاشرنه النحبهم أحلى الأيام
نشتاك بعطش للعاشرونه
موإحنه الكَطعنه بوصل الأحباب
الزمن هو الغدرنه وفاركونه
ما غير طبعنه طول الفراكَـ
لا إحنه نسينه ولانسونه
إذا طال الغياب وماإجونه
كالو ما تجي وكالو عليك بعيد
ودرب كلش طويل البينك وبيني
شح مني الدمع كد ما بجيت أعليك
وأعاتب بالكمر هلبت يواسيني
ظلم كلش ظلم تحيا وتموت بشوك
وجا شنهو العمر من تذبل رياحيني
اذكرك والعبره تخنكني
اكولن لحكتك وظنوني تفشل
من يمر اسمك تفز الروح
ودربي للموت احسه يسهل
اسمع اول حرف منه واشهك
احس النفس لالله يرحل
من راح علي كيفه وكيفه يوديه
خله علي كيفه وكيفه يجيبه
خله علي كيفه زمانه يوعيه
لابد من يوم يذكر حبيبه
لو تدري أنك غاليٍ ما تغليت
ولو تدري أنك خافقي ما كويته
ولو تدري أني من فراقك تعنيت
كان العتاب اللي كتبته محيته
يغيابك حبيبي اشلون اصبر الروح
يا حال اليظل على حالي من تروح
جرحك بالكلب داويته بس ما طاب
وبطاري السفر زيدت قلبي اجروح
ما انساك لو سافرت عشر اسنين
بابا ذبح الذبيحه ودخلنا جوى كلنا بس علي ماقبل كال اروح عندي شغل باس ماري وحسوني وراح كالي نتواصل بعدين طلب مني ارجع بس اني اتحججت بامي
صار الغده الكل اتغده كل اشويه ابوس ب ماري وطارق حياتي سماء ابد ماعافت ايد طارق وكعدنا نسال طارق شلون انخطف
طارق ؛: من كلتي اخذ ماري معاك وروح لمحل اخذتها جنه نمشي وصلنا لمحل مانحس الى سيارات اثنين سود نزلو بل فرع وسدو الفرع والناس كلها كامت اتصرخ والي يركض على بيتو شلت ماري بحضني وكمت اركض بيها اريد مكان اخبي روحنا بي احس كمت ماشوف ماحس الي ركضو علينا وسحبوو ماري من حضني يعني همه جانو رايدين ماري ياخذوها اني ماجنت اقبل اعوفها ولاهيا جانت تبجي وتصرخ وماسكتني واني اسحب بيها سمعت واحد يكول يالا ب ساع جيب الولد هم راح تجي الشرطه ماحس الي واحد خلى شي ع خشمي وبعد ماحسيت غير اني بغرفه واثنين يمنا صرت اصيح وينها بنت اختي وين اخذتوها جان واحد يكولي
اسككتت ماريد نسمع منك ولانفس
وينها ماري وين اخذتوها
هذيجه مطمره ضلت تعوي وسكتنها
اني خفت عبالي سووا شي ب ماري ضليت اصيح عليها واغلط جان يجي واحد يضربني ب راشدي وكالي
والله لو ماالحجي جان اخذنا فلوسكم وذبينا لحمكم لكلاب بس بعد الحجي كلمتو
كوللي شنو سويتو بيها
يمعود شبيك خبصتنا ضربنها ابر مخدر حتى لاتضل تعوي وتصيح باسم ابوها النذل وامها
عمر؛: يعني همه كالولك ابوها النذل
طارق ؛: اي والله عمر اني سمعتهم باذني
ابو اماني؛: معناها عدوتهم مع علي مو معاكم
معتز؛: معقوله اهل جناات لان بيت ابو علي مادفعولهم فلوس
صهيب؛: لا ماتوقع تصل بيهم لهاي الدرجه يخطفون اطفال
اماني؛: ترى صهيب همه استغلو مرض بنتوهم حتى يصير عندهم براس اهل علي كلشي يطلع منهم
عمر؛: المشكله علي مايقبل اوصلها لمراكز
سدره؛؛ لا عمر عفيه هاي هيا رجعو طارق وماري يكفي الحمدالله
عرفت لحظتها عبدالله اشكد خطير الموصل وضعها مو تمام ابد والعالم حيييل اتخاف بسبب الانفجارات والقتل لو احجي واكولهم هذا عبدالله عبدالله ماعنده مانع يفجر بيتنا وبيت عمتي على راسنا ومحد يكدر يمسكه خيطت حلكي وسكتت اني انسانه ضعيفه انسانه اخاف....
قريب المغرب الكل تقريبا راحو.. طلعت فوك لغرفتي سبحت ماريه وحسوني وبدلتهم والصوبه مشتغله خليتهم كاعدين يدحكون على التلفزيون واني قريبه منهم كاعده
موبايلي دك دحكت علي جاوبتو واني ماعرف شنو اسوي راح اتخبل شلون راح اغدر ب علي
علي.... الو حبيبتي شلونج
سدره.... هلا علي زينه
علي... هلا علي وزينه شنو هاي
سدره... ليش انت مو اسمك علي مثلا
علي.... شبيج سدوره بعدج ضايجه حيااتي
سدره.... اي علي حييل
علي... لاتضوجين يعمري احمدي ربج الويلاد رجعو
سدره.... الحمدالله الف مره
علي... هليوم عفتج على مود امج باجر الصبح تعالي او اني اجي اخذج ابويا كلشويه يسال على الويلاد واني مطلع حجه شكل مره اكولهم ب بيت عماتهم مره ب بيت حمودي
سدره... علي عفيه خليني كم يوم ارتاح هينا
علي... سدره نحنا انتفقنا يوم واحد لو مصارت شغله ماري وطارق
سدره... ميخالف خليني كم يوم بداعتي عندك خليني كم يوم ارتاح اني من اصير زينه ارجع
علي....اخخخ سدره ماعرف شنو اكولج يالا ضلي بس موو طولين
سدره...ماشي عيني
حجينا اشويه شافني تعبانه سد الخط بس بعدها ياربي اشكد بجيت متت قهر ابجي واشهك ادحك على ماري وحسوني يارب شلون راح اتنازل عنهم مره اكول راح احجي كلشي ومره اكول خليهم همه مرتاحين لو حتى مو يمي
من اقرر اريد احجي كلشي بل تالي شنو استفاد هو يضل القاتل اخويا ويضل اني اتحمل ذنب هذا الشي ماكافي قهر علي وبيت عمتي اجي ازيدهم قهر ومنو يكول راح يصدكون عبدالله شيطان ويكدر كلشي يسوي
تعبت من التفكير كمت عشيت الويلاد ونومتهم واليل اكضي بس دموع مر ثلاث ايام ثالث يوم الصبح كعدت على صوت الموبايل جاوبت عبدالله
عبدالله.... صباح الحلوين
سدره.... ياستار ياربي شنو اتريد من الصبح
عبدالله.... لا زم ماحسيتي على بنتج وينها
كمت مرعوبه ماري ما يمي اتوقعت كاعده تلعب جوى
سدره.... وينها عبدالله بنتي
عبدالله... هاج بنتج
ماريه.... مامي
سدره... ماري يروحي وينج
ماريه... عمو بل عنيه (مع عمو بل سياره)
سدره... عبدالله جاوبني وين ماخذ ماري وشلون اخذتها
عبدالله.... عادي عمها وجاي اخذها
سدره... شنو اتريد مني شنوو
عبدالله... اني ماكاعد العب معاج كتلج روحي ارفعي على علي دعوه وهسا ادزلج بنتج
سدره.... ماشي موافقه بس رجعلي بنتي يريد وقت عبدالله عفيه رجع بنتي
عبدالله.... روحي هسا ومن اشوف الوكاله بعيوني ادزلج بنتج
سدره... لاتاذيها
عبدالله.. ههههه تدللين حبيبتي احبج
سدره... اكرهك
سديت الخط وكمت اركض نزلت جوى اشكد ماركضت ردت اكع من الدرج وصلت المطبخ كمت اصيح
سدره: وين ماري وينها
اسماء؛ عبدالله جا وكال عمتي اتريد اتشوفها وجانت تلعب يمي وانطيتو هيا
سدره؛؛ ليش باي حق تنطينو ماري بدون ماتكوليلي
اسماء؛ غير عمها وجاي ياخذها شبيج
صرت مخبله اركض لاخر غرفه بل بيت وارجع اضرب على راسي تهت ماعرف وين اروح
اسماء؛؛ شبيج سدره
سدره؛: عوفيني اسماء
رجعت طلعت ركض على الدرج سحبت ملابسي ولبستهم سحبت الجنطه مال مستمسكات وشلت حسوني بحضني وركضت جوى انطيتو بيد اسماء
سدره؛؛ لو علي هم يجي ماتنطي حسين افتهمتي
اسماء؛؛ سدره شبيج خوفتيني شكو
سدره؛؛ وين سويج سيارتج وينهااااا
اسماء؛:: عمر مايقبل تطلعين سدره
سدره؛: كتلج انطيني سويج سيارتج
اسماء؛: بل جنطه مالي ب غرفه ماما
رحت ركض سحبت السويج من الجنطه وطلعت اركض لسياره واسماء اتصيح
اسماء؛:يمعوده سدره بس كوليلي وين رايحه هسا عمر يجي يسويلج مشكله
ركبت بل سياره وطلعت بدون ماسمعها رجعت اتصلت ب عبدالله
سدره....الو عبدالله اني بل طريق
عبدالله.... راح ادزلج رقم محامي اني كن فهمتو على كلشي وهو يسويها الج
سدره... ماشي وين ماري
عبدالله.... بامان
سدره... اكيد
عبدالله.... اكيد شبيج
سديت الخط ودزلي رقم المحامي واتصلت بي وكالي سوي وكاله وجيبها على مكتبي
جان الشارع ازدحامات كومه بل كوه ضاله على اعصاب اخيرا وصلت المكان سويت وكاله وكملتها ورجعت اتصلت بالمحامي كالي بعد الظهر تعالي على مكتبي سديت من عندو
رحت ركبت بل سياره خليت راسي على الستيرن وبجيت
اخخخخ ياربي دخليلك ليش اني جبانه وخايفه اوجه احد بل حقيقه ليشش ربي ماعندي غيرك دخليك ساعدني شنو راح يصير من يعرف اني غدرت بي شنوو
غبيه غبيه انيييي غبيه وجبانه غلط كلشي جان من الاول غلط ليش ماحجيت ليش ماكلت لؤي بنفسو جا كالي اني ماعندي ثقه بعبدالله احجيلي اخاف امضيقج ليش ماكلت ليش يمكن جان صار حل
مسحت دموعي وجريت نفس وشنو الفايده عبدالله يتحارش او لا ب تالي عمي مادا يريديني اضل جنتو سحبت الوكاله وكصيتلها صوره ودزيتها لعبدالله
كبل جاني اتصال من عندو
عبدالله.... دحكي كدامج ماري دا تمشي
التفتت صرت ادحك ماكو بنتي نزلت من السياره دحكت بهاي الهوسه الله لايوفقك شلون عفت بنتي بين هاي العالم
كمت امشي سريع وادحك شفتها من بعيد ورجال كاعد يمها
رحت اركض حضنتها كل قوتي
وين رحتي ياامي
مامي اهاف
لاتخافين
هاي بنتج
اي اخويا بنتي ضيعتها
دير بالج عليها
شكرا الك
اهلا وسهلا شلتها ومشيت لسياره وصعدنا ورجعت لبيت
جانو يدكون عليه وارفض عمر وبابا واسماء وصلت البيت لكيت الكل منجمع بل مطبخ
عمر؛: ها خانم شرفتي وين جنتي
دحكت عليهم ونزلت ماري من حضني
اسماء؛: ماريا مو جانت ب بيت جدها اشجابها عندج
سدره؛: اني خابرت عبدالله يرجعها
ابو سدره؛؛ وين جنتي رحتي على بيت عمتج
سدره؛ دمروتني انتو مو اتريدون ادمروني في سيبل ابنكم يطلع من السجن مو جاوبني عمر انت مو تريد هذا الشي
هاك شوف
طلعت الورقه وزتيتها(ذبيتها) على عمر عمر مسكها وقراها راد يتقرب عليه يحضني رجعت لورا
عمر؛رفعتي دعوه طلاق
اسماء؛؛سدره حبيبتي
سدره؛:؛ لااحد يتقرب مني ماريد شفقة من احد
ابو سدره؛؛ بابا سدره سامحيني
ضحكت وعوجت بحلكي طلعت فوك ابجي منهاره جنتي رساله فتحتها لكيتها من علي
شنو قزومتي ماناوي ترجعين ترى حضني اشتاقلج 🗨️
احبج ام غمازه 🗨️
مسكت الموبايل وصرت اضرب على صدري اخخ ياربي اخخ شلون راح اغدر بي شلون طفيت الموبايل وزتيتو بل جكمجه رحت اتوضيت وصليت الظهر
اتمددت بتختي ودموعي بس تنزل جت اسماء عليه
اسماء؛: سدره شبيج هليوم من سمعتي عبدالله ماخذ ماري اتخبلتي وبعدين رحتي رفعتي دعوه طلاق شنو صاير
سدره؛؛ عوفيني وحدي
اسماء؛: شنو الي بينج وبين عبدالله ليش هيجي خفتي سدره
سدره؛: انتي منين اتجيبين هذا الحجي وعبدالله شنو دخلو بل موضوع بعدين اني خفت لاعلي ياخذها مايرجعها لان جنت هليوم رايحه ارفع دعوه
اسماء؛: هيجي سدره ب سهوله تتخلى عن علي
سدره؛؛ اذا ماتخليت الله يعلم اهل جنات شنو رايح يسوون ب بيت عمتي ومختار شنو راح يصير بحالو وامي اتموت من القهر مجبوره اقدم تنازلات وهسا عوفيني اريد ارتاح
اسماء؛؛ مادري سدره
سدره؛: احسن روحي
خليت المخده على راسي وابجي انكسرت والله انكسرت عبدالله ندمني على يوم الي ااتزوجت بي علي وهلمره اخويا كملها كرهت روحي وكلشي بهاي الدنيا
العصر طلعنا اني وعمر لمحامي وانطيتو الوكاله وكال ايام قليله واخابرج ابلغج بموعد المحكمه
كم يوم واتصل بيا المحامي وكالي يوم الثلاثاء المحكمه مالكم موبايلي ابد مافتحتو بعدها وعلي جان يتواصل مع صهيب وصهيب يجي يكول علي يكول اريد احجي معاها جنت ارفض واكولو كول لعلي حتى اني ماتقبل اتشوفني
ومره جا لبيت اماني ودز معتز عليه وكتلو كول لعلي اني تعبانه واريد ارتاح عوفني.....
علي
رجعت من الدوام وبالي حييل يم سدره شنو صار ليش هيجي بطلت ماتسال ولاتقبل تجي معقوله اهلها مايقبلون وامي كلشويه تسال عليهم واكولها تعبانه خلي اتضل الي حد ما يوم من الايام رجعت لبيت جيت سلمت على امي وبل كوه تحجي
علي... هاي يوم شبيج موعلى بعضج
ام علي... اكعد امي اتغده
علي... شكو اش صاير
كامت امي راحت ورجعت ب يدها ورقه سحبت الورقه من ايدها قريتها دعوه طلاق من صدمتي كعدت كبل مصدوم ارجع اقرأ اكيد مو اني اكيد متوهمين
ام علي.... سدره طالبه الطلاق شنو راح اتسوي
علي... لا يمه لامستحيل سدره اتموت من دوني اعرفها والله هذا اكيد اهلها جابريها على هذا الشي راح اروح اني عليهم
علي... يوم علي لاتتكاون معاهم الله يوفقك
طلعت صاير نار ركبت ب سيارتي وامشي سريع وصلت بيتهم دكيت الباب طلعلي خالي
علي؛؛ وين مرتي
ابوسدره؛؛ مالك مره عدنا
علي؛؛ هههه ضحكتني استاذ محمد حييل ماشلون من جان
ابوسدره؛؛ابوك راد هذا الشي روح انجاز مع ابوك
علي؛؛ واني ادز مرتي عندكم حتى اتشوفكم تعصون بيها مو ع مود ابنك يطلع من السجن كون ينحكم اعدام صيح سدره
ابوسدره؛؛ ماشتغل عندك اني افتهمت اني خالك احترمني
علي؛: جنت خالي تعرف شنو جنت يعني ماضي
وارتفعت الاصوات بينا وطلع عمر وصرت اتكاون معاهم
سدره
سمعت صوت عركه بره فتحت الشباك لكيت علي دا يتعارك مع بابا وعمر طلعت من الغرفه وقفلت الباب على ويلادي ونزلت جوى علي من شافني كبل
علي؛امشي سدره ولاتخافين اني بظهرج اني سندج محد يكدر ياذيج صدكي امشي اعرف بيج غصبوج على هذا الشي
سدره؛؛ محد غصبني
علي ؛: سدره لاتخافين جيبي ويلادنا وخلي نمشي امشي انسافر مانضل حتى بل عراق
سدره؛؛ روح علي الي بيني وبينك انتهى
علي؛ مستحيل الشي الي بين علي وسدره ينتهي امشي كتلج خلي انعوف كلشي ورى ظهرنا
سدره؛: انتهى ياعلي افتهم عليه انتهى من يوم مامختار قتل لؤي كلشي انتهى اني اريد اطلك ماريد اضل عندك طلكني شنو راح يصير بيكم اذا مادفعتو فلوس اهل جنات ومختار شنو يصير بحالو وامي روح علي روح
علي؛ونحنا شنو راح يصير بينا اذا افترقنا؟؟؟؟
من كالي هيجي نزلت دموعي ماتحملت
سدره؛؛ روح الله يخليك كاافي اتعذبني
مسحت ادموعي وكتلو
سدره؛؛ راح اكدر وراح انساك صدكني بس طلكني
علي؛؛ جذابه اكبر جذابه انتي لج نحنا نموت اذا ابتعدنا نحنا نخلقنا من روح وحده معليج بيهم امشي معايا
سدره؛؛ صدكني ماراح اموت
مد ايدو وينتظرني اخلي ايدي بيدو
علي؛؛ سدره ارجعي اذا مارجعتي هسا راح اشوفج وجهه علي الي ماشفتي بعمرج
صفنت بوجهو وبلعت ريكي
سدره؛؛ شنو اتريد سوي سوي ماخايفه المهم اطلك
علي؛؛: طلاك ماطلك وراح اعوفج هيجي وطول عمرج ماتشوفين ويلادج
سدره؛؛ اذا انت رجال اطلك؟!!!!!
علي؛؛ هذا ليه الحجي ياسدره ليه؟!!!!!!!!!
سدره؛:اي لكه
اتعصب وصار يصيح
علي؛؛ ولي اني رجال غصب عنج وعن الي خلفوج جيبي ويلادي دا اشوف والثلاثاء موعدنا بل محكمه حرمتي عليه مثل ماهدير حرمت عليه بس خليها ب بالج ياسدره لو بستي رجلي بعد مالج رجعه عندي .....!
عمر؛؛هاووو لاتغلط على الي خلفوها اطلع يالا
عمر دفع علي وطردو علي من شاف عمر دفعو اتخبل كام يصيح وهجم على عمر وصار واحد يضرب بل ثاني
علي؛: ول انت تدفعين شايف روحك بهاي نجماتك انت ونجماتك جوى نع.... حقيرر
وضرب عمر بوكس وعمر ردلو الضربه وبابا صار بينهم اتخبلنا اكو شباب واكفين بره ركضو حاجزهم وسحبو علي
عمر!؛ اني مو مثلك نذل وحقير اني بعدني امحسب ايام عشرتنا وماراح اذيك
علي؛؛ شنو اتريد سوي سوي ماتخوف جلبي لا انت ولاعشره مثلك وانتي بسيطه مانساها ولاربج هيجي تغدرين بيا اثق بيج وادزج على اهلج وتصلين دعوة طلاق بسيط نجوم السمه اقرب الج من شوفة ويلادي
عمر؛: يالا يالا شوفنا عرض كتافك
علي!؛ اتجيب ويلادي هسا
عمر؛: ويلادك تاخذهم يوم المحكمه
ابو سدره ؛: كاافي كااافي بسسس جيب ماريه وحسين خليهم ياخذهم
سدره؛: لا محد ياخذهم
علي؛: محد ياخذهم مو راح اخذهم ومن بين عيونج
ابو اماني؛: علاوي ابني اتوكل بالله وامشي ومن يصير يوم المحكمه لكل حادث حديث
علي؛؛ اني ماطلع من هينا اذا ماخذ ويلادي معايا
ابو اماني؛: واذا كتلك الخاطري
ابو اماني كام يهدي علي اخر شي علي كال
علي؛؛ماشي عمي طالع بس الله كريم
راح ركب بل سياره وجان عصبي حييل اخاف ياربي شنو سويت بي اني شنو
علي
ركبت سيارتي ورجعت لبيت متخبل ماعرف شنو اسوي اول من دخلت صرت اصيح
ام علي؛؛ ول يمه كول يالله
علي؛؛ رجلج خلى بيها يالله هو واخوج
ام علي؛: احترم هذا ابوك وخالك والله اذا سمعت ابوك كلمه مو حلوه ماتلوم الى نفسك شنو صار معاك
علي ؛؛ ماتقبل ترجع لعد اني اتكولي اذا انت رجال طلكني رجال غصب عنها
ام علي؛؛ ياامي هيا من خوفها وابوك مانكدر نحجي معا مريض بنتي جاي تضحي اني اعرفها...
علي.... يمه بنتج دمرتني مو تدري بيا افارك الدنيا ولا افارك لحظه عيونها مو تدري بيا اشكد احبها واني باظهرها ليش اسستلمت بسرعه ليش اتخلت عني بهاي السهوله
دخلت لغرفتي وسديت الباب صورتنا اني وهيا على ميز تواليت اتقدمت دفعت الغراض وكلها وكسرتهم واني اصيح
ولجج لييييش ليششش هيجي غدرتي بيا جنت مستعده اموت ولااتسوين هيجي اثق بيج وادزج على اهلج وبعد ايام الكي دعوه طلاق عليه
ضربت المرايا بوكس وكسرتها وايدي تنزف بس وجع كلبي مادا احس بيها امي وعبدالله يضربون على الباب
عبدالله؛: ول علي افتح الباب يمعود
ام علي؛؛ امي علاوي افتح الباب حبيبي كلشي بي حل
ماجاوبتهم كعدت على التخت وملابسي والكاع صارت كلها دم اخر شي عبدالله كسر الباب ودخل
عبدالله؛: هاي شنو علي
علي؛؛ عوفوني وحدي
عبدالله؛؛ول راح اتموت كوم اخذك لمسشتفى
علي؛: كتتتللللك عوفني عوووووفني ماريد اشوووف احد
عبدالله؛؛ اعوفك والله بس كوم سحب وصله ولفها على ايدي وسحبني بل كوه وركبني بل سياره وطلعنا
لمستشفى
عبدالله... اشجالك علي تخبلت خمه تخبلت
علي.... ولك عبود اش دا تحجي ولك اني مصدوم من الي سوته سدره سدره ماتعوفني بهاي السهوله
عبدالله..... اخوها اغلى منك وشفت عمي مايقبل ياخذ الفلوس من اهلها اذا ماطلكها
علي... ولك عبدالله اني اتنفسها والله والله الحب الي بيني وبينها ماينسي بيوم وليله انت اقرب الناس عليه وتعرف بيا اشكد احبها تعرف اشكد انشلع كلبي علمااخذتها وعلما ابوها وافق
اخذولي اشعه مابيها شي وخيطوها رجعت لبيت ابويا صاحني
ابو علي ؛: اش صار طلكتها لو بعد؟؟؟
علي؛؛ يابا انت ليش هيجي صرت؟؟؟؟
ابو علي؛؛ولك انت عار اخوك نايم جوات التراب ولك نفس بعد بيها
علي؛: يابا عائلتي ادمرت
ابوعلي؛؛ ح.... يوان غ.... ي عار مع الاسف انت ابببني وجنات شنووو ذنبها ولؤي كلوووو ذنبو بركبه اخوها
علي؛: وانت كلتها اخوها مو سدره
ابو علي!؛ اطلع من كددداميي لا اغضب عليك وهذا الشهر مرتك امطلكه
ام علي؛: كول يالله يارجال لاتعصب هيا راحت رفعت دعوه طلاق بس خطيه هم علي ابنك وسدره نحنا ربينهم ب يدنا
ابو علي؛: مااارريد ولكمم ماررريد ولاواحد من هاي العائله هذوله حركو كلبي ولكممم اخذو مني ابني اخذو مني لؤؤي ول يابا وينك حبيبي وينك
علي؛؛ يابا
ابو علي؛: اطللع من كدامي ماريد اشوف وجهك اطلللع
طلعت وابويا حرك كلبي
عبدالله؛؛ كاافي تقهر ابوك علي خطيه
علي؛: وكعت ب متاهه يااخويا والله متاهه ضعت اقسملك اني ضايع شنو الي صار شلون هيجي صار ب يوم وليله كلشي راح وضاع
عبدالله؛؛ هذا قدر علاوي
علي؛؛ اخخخ عبدالله يعني صار لازم اني وسدره كل واحد يروح بطريق ولك عبود حب سبع سنوات يروح ب يوم وليله وعشره عمر اني وياها كلشي راح
عبدالله؛؛ هيا الي رادت هذا الشي مو هيا راحت رفعت دعوه طلاق
علي؛: سدره سوت هذا الشي حتى تحميني وتحمي اخوها نفس اللحظه
عبدالله؛: غلطان علي غلطان سدره سوت هذا الشي حتى تحمي اخوها وبس ب بعدك ادفع عنها
علي؛: سدره ماتطعني ب ظهري مستحيل
عبدالله ؛: بكيفك ضل بهاي العقليه بس هسا لازم اطلكها على مود الوضع
سدره
دخلت لغرفتي وحضنت ويلادي وبجيت كثر مابجيت حتى همه خافو وبجو معايا اخخخ يمه راح يروحون مني ويلادي راح اخسرهم اتمددت على التخت وخليت ماري بجهه وحسوني بجهه وكتلهم اسفه ياماما راح اتخلى عنكم ماعرف اشكد ويمكن راح ارجع يجوز اشوفكم من اتصيرون كبار بس اني تعبت يكفي خسرت كلشي وباقيلي شي هووو................
هليوم يوم المحكمه ماكدرت انام الليل كلو كمت الصبح غسلت وبدلت
ابو سدره؛؛ يالا بابا انروح
هزيت براسي بدون مااجاوب دا اطلع صدري نغزني حسوني جوعان
عمر؛؛ شبيج سدره
سدره؛: هسا اجي
ام سدره؛؛ افطمي يااامي مو كتلج الطفل راح يتعذب
سدره ؛: راجعتلكم
ركضت فوك طلعت لكيت سماء تنطي ممه ومايقبل ياخذ
سماء؛: حسوني مايقبل ياخذ ممه سدره
سدره؛: جيبي
سحبتو بحضني ودموعي تنزل قبل دموعو ضميتو وشميت عطرو وبوستو
سدره؛؛ اوف يااماما شنو راح يصير بحالكم
كمت ارضعو ويرضع عبالك ماشايف حياتي كملت وانطيتو لسماء اتنامو ونزلت جوى
عمر؛؛ ها اختي حاضره
هزيت براسي اي
طلعنا وعمر يسوق وبابا كاعد يمو واماني جت معايا ماعافتني حاضنتني الطريق كلو وابجي الى حد ماوصلنا المحكمه جا المحامي سلم على عمر وبابا وبعدها كال استريحو بين مايجي الطرف الثاني
كعدنا
عمر؛:كاافي تبجين سدره
اماني؛: حتى الدموع حرام عليها شكو عوفها
عمر؛: مانريد احد يعرف هيا مغصوبه على الطلاق
اماني؛؛همزين عرفت مغصوبه عالطلاق
اماني تريد تتعارك مع عمر اشرتلها كاافي عمر كام يحك بوجهو ويستغفر
جا علي دخل لمحكمه ومعا عبدالله وحمودي ومعاهم محامي سلمو عالمحامي وكعدو وكلشويه يبوك نظرو ويدحك عليه ومن انتبه عليهم يدير وجهو جان لابس بدي اسود وفوكه قمصله وبطرون اسود هو من مات لؤي الله يرحمو مانزع الاسود وجهو حييل مخنوك
تعبت من الكعده وكمت وكفت شفت علي مشى بااتجاهي
اتقررب عليه.
علي؛؛ سدره خلي نحجي اشويه
سدره؛: شنو اتريد كولي
علي؛؛ تراجعي وراح انسى واسامحج
سدره؛: روح من هينا هذا احسن شي الي والك
علي؛: بسيطه سدره اني اعلمج
سدره؛؛ روح احسن من اكول كاعد يتهجم عليه
علي؛؛ صاير عندج لسان والله.... راح اطلكج بسيطه بس خليها ب بالج حتى الطفل الي راح اتجيبي راح اخذو
سدره؛؛ بس اني مو حامل
علي؛: هههه اضحكي على روحج بهذا الحجي
مشى وعافني اماني ضلت صافنه عليه
اماني؛: هذا الي علي كالو صحيح سدره جاوبني
سدره؛؛ ها لا مو صحيح
لحظتها صاحو اسمنا ودخلنا اني وعلي جان سبب الطلاق عدم تفاهم والطلاق من الطرفين طلب القاضي من علي يطلقني دحك عليه وكالي
علي؛؛ سدره ....حضرت القاضي لازم الفظ الطلاق
القاضي؛ياابني اذا انتو اتحبون بعضكم ليش تطلقون
سدره؛: لا حضرت القاضي
علي؛؛ ها هيا سدره ...انتي طالق
مجرد كالها وطلع بره طلعت امشي على كيفي
عمر؛؛ ها شنو صار
دحكت عليهم كلهم اماني اتقربت عليه
لمحتو من بعيد يدحك عليه وعبدالله طبطب على كتفو وكالو يالا انروح راحو
اماني؛: سدره
سدره؛: طلكني اماني طلكني كلشي انتهى بيني وبين علي انكسرت امونه والله انكسرت
بجيت وشهكت ب صوت عالي الي واكفين يمنا كامو يدحكون عليه
حضنتي اماني وتبجي معايا
سدره؛؛ اخخخ امونه كلبي
اماني؛: لا اختي ماتنكسر انتي قويه سدوره انتي قويه عرفتي
عمر مسكني سحبت ايدي بابا ماتحمل يشوف منظري هيجي كبل طلع كعدتني اماني على كرسي
عمر؛؛ سدره بس الخاطر الله خلي انروح
سدره؛؛ علللي راح عاافني
اماني؛؛ يالا سدوره انروح حبيبتي يالا قربانج
احس وجهي صار يطلع بخار من عندو عمر فتح بطل ماي وغسل وجهي وبعدها مسكوني وطلعنا بره ركبنا بل سياره
واماني سحبت راسي ع كتفها واتهدي بيا وتبوسني من راسي
اماني؛؛ صرتي زينه يروحي
هزيت براسي
وطلعنا لبيت دخلنا جوى حسوني وماري كاعدين يلعبون ركضت عليهم وحضنتهم
ماري؛: مامي لي بكين
صارت تمسح دموعي وكامت تبجي معايا حسوني شافنا نبجي هو هم بجى خاف
سدره؛؛ لايروحي لاتبجون
اماني؛؛ سدره حياتي خوفتيهم
اسماء؛؛ بس يروحي سدره كلشي بي حل صدكي
سدره؛؛ الي قصتي اني وعلي مابيها حل
اماني؛؛ اني اروح ابدل واجيج سدره
هزيت براسي جت ماما اتقربت عليه وحضنتني وبجت
ام سدره؛سامحينا ياسدره
ماحجيت شي اندك الباب عرفت همه جاين ياخذون ويلادي
طلع عمر وب يدو جنطه الفلوس وبعدها جا ومعا عبدالله حتى ياخذون الويلاد
عمر؛؛ يالا هاي ويلادكم واخذهم
سدره؛؛ ليش ماجا علي معاك
عبدالله!؛. انتي تعرفين علي مايدخل بيتكم وهو بل باب
سدره!؛ اخذ اغراضهم بعدين
راحت اسراء جابت جنطهم واخذهم خلاهم بل سياره ورجع حضنت ماري وابجي واشهك ابوس بيها بوجها وب يدها واشم عطرها بنتي حبيبتي شلون راح اتخلى عنها
عبدالله؛: يالا سدره عدنا شغل
سدره؛؛ خلوني اشبع من ويلادي
عبدالله؛: سدره جيبها
سدره؛؛ عبدالله الله يخليك
سحب ماري من ايدي وكامت تبجي وطلع بره وصرت اصرخ ورا اخذت حسوني ضميتو بحضني وحضنتو قوي
سدره؛؛ مانطيكم ابني لاااا ابني يموت اذا مايرضع على صدري حررام عليكم حررراام
عبدالله؛؛. سدره طوختيها حييل جيبي
عمر؛هيي على كيفك ام خلي تشبع من ابنها
عبدالله؛: ماتشبع لو اتضل شهر حاضنتو جيبي
حسوني جلب ب ثوبي وعبدالله يسحب بي واني حاضنتو
عمر؛: عبدالله على كيفك يمعود اصابع الطفل راح تنكسر
سدره؛: الله يوفقكم حسوني مايتحمل من دوني
عبدالله ولاسمعني سحب حسوني من حضني قوي وحسوني على صرخه وحده شالو وطلع يركض بي وركضت ورى واصرخ وانتف ب شعري
سدره؛:الله لايوفقك عبدالله الله ينتقم منك ول يوم حسوني ماري
مسكوني اسماء واسراء دفعتهم وركضت بل كراج اصرخ كل قوتي وابجي وكعت بل كراج والدنيا تمطر
سدره؛؛ اخخخخ يوم اخخخ
مسكت باب الحوش واضرب راسي بي واصرخ عمر راد يشلني
سدره ؛ عوفني عوفني الله لايوفقكم حرمتوني من ويلادي
اماني
رجعت لبيت اهلي وابجي شافتني ماما كبل حضنتها
اماني؛؛ ماما سدره اطلكت
ام اماني؛ لاتبجين حبيبتي ادعيلها
اماني؛؛ شنو ذنبها ليش حملهم ذنب اخوها حرام عليهم
مسحت دموعي ماما واتهدي بي دخلت لغرفتي بدلت وجاني معتز يركض
معتز؛: الحكي صديقتج اخذو ويلادها وكلبت الدنيا
اماني؛؛ اويلي يمه
دكيت على صدري ونزلت اركض رحت لبيت اهلها اويلي ربي شنو اوصف حال سدره بهذاك الوكت قليل
سدره
دخلت اماني وشافت حالتي ضلت مصدومه بمكانها رفعت راسي وكتلها
سدره!؛ اخذوني مني ويلادي امونه اخذو حسوني وهويرضع على صدري
اماني؛؛ حسبي الله ونعم الوكيل
حضنتي وتبجي معايا
عمر؛: اماني الخاطر الله احجي معاها ماتقبل اتفوت جوى راح تجمد
اماني؛؛ يالا سدره يالا حياتي
عمر شالني بحضنو وراسي بصدور وابجي دخلني لغرفتي وكمت اطك سن ب سن .....!!!
يالا جاهزه
اي ابدل واجيك
ماشي لاتناخر على الطياره
ماشي
سديت الموبايل وكفت كدام المرايا فتحت شعري الطويل الي جان علي يموت عليه من هذا اليوم قررت ابدي حياة جديد قررت احاول اتناسى الي صار
فتحت الجكمجه وطلعت المكص كذلت شعري كلو وشديتو وكصيتو بل مكص وخليت الكذله ب كيس وخليتها ع ميز تواليت بدلت وكملت لبست ملابسي وسحبت الجنط وكتبت على كيس هذا لحبيبي
ونزلت على كيفي من الدرج وصلت باب الحوش اتصلت بي
وينك انت
اني براس الفرع ماكدر اتقدم اخاف اكو كاميرات تشوفنا
ماشي جيتك
رحت امشي سريع بلمطر والدنيا فجر وبرد يكص كص
وصلت السياره ركبت بيها من كدام التفت عليه
مستعده
اي مستعده
نمشي
اكيد
يالا .......!
دحكت على سماء العراق واني اوعدو واوعد كلشي بي جريت نفس وخليت ايدي ع بطني وكلت
الخاطرك ياماما سويت هذا الشي وان شاء الله اتكون سندي .
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
