رواية الضابط فهد ومريم الفصل الثامن والعشرون بقلم مجهول
مريم: صعدت كبلل فوك نمت ب العباية مادري بنفسي وجان وكت غروب ميصير واحد ينام المغرب مادري شكد نمت كعدت بس حسيت طابوكة نايمة ع كلبي من الخنكة الصارت بية الغرفة ضلمة يعني تخيلو الموقف وياي ردت فهد يمي بهلحضة ردت اعيط بس كلت اني حجاية ماكدر احجيهة انوب اعيط تنفست من كل كلبي وطلعت شهكة وياهاا وبجيت بجيت من كل كلبي مادري ليش مع انو فهد مامسويلي شي وزين علية وكلهم زينين وياي هلبجيي ع شنو مادري احس نقص بحياتي دقايق وحسيت الباب مو انفتح انشلع وطب فهد شكلة عبالك جان بحرب
لازم ايدة ويباوعلي بخوف طبت ورا خالة سعاد تقدم فهد يمي وكعد كبالي
فهد: شبيج مو شلعتي كلبي
سعاد: يمة فهد خلنفتهم شبيهة لبنية
مريم: خالة لتخافون شبيكم بس نمت المغرب وكعدت مخنوكة وهيج صار
فهد: انتي شوكت تبطلين بجي مريم ماكوو شي يسوة تنزلين دموعج علي
مريم: انتة تسوة ابجيلك
فهد: حتة اني مافيدج مقارنة بعافيتج صدكيني
مريم: وشبيهة عافيتي وذاا بجيت يعني
فهد: مريمي كلبج متاذي موزين البجي صدكيني موزين راح تاذين نفسج اكثر كلبج هلفترة ميتحمل بجي
مريم: كل شخص يموت بيومة بجيت او مابجيت كلشي مكتوب يصير
فهد: مريم تعبان لزيدين التعب اروحلج فدوا سمعي كلامي مرة وحدة
سعاد: يمة مريم صحيح حجي فهد احنة غير خايفين عليج ياا بنتي ايي ليش هيج دتسوين بنفسج ولله حرام
مريم: خلص اسفة نشالله مينعاد هلشي
فهد: كومي غسلي وجهج حتة ننزل نتعشة ترا ماتعشيت من وراج
مريم: واني شكوو
فهد: اكو نقص ب السفرة مالي نفس اكل
سعاد: احم يمة اخذو راحتكم وانزلي يمنة مريومة
مريم: نشالله خالة، طلعت خالة سعاد اباوع الفهد معاجبة الوضع
هاي شبيك عود اسفين صعدناك الدرج وخوفناك
فهد: مريم بدون حجي زايد وبطلي انانية يعني هيج تعاملين اليخاف عليج
مريم: تقدمت علي حطيت عيوني بعيونة وحجيت، استاذ فهد من تحبني صدك وتعتبرني مرتك احجي ب الانانية
فهد: ماشي مريم اس واني الاناني وصوجي هم اني نازل
مريم: محد لازمك انزل
فهد: اللهم طولج ياروح ماشي الله كريم
مريم: طلع وسد الباب حيل، اصلاا هوة ليش يعصب ماحجيت غير الحقيقة هوة شوكت اعتبرني مرتة هلخوف بدون حب ماريدة اصلاا مريم انتي تحجين شكلين قبل شوية تكولين محتاجة فهد وهسة تطردي ابقيلج ع كلمة كمت طلعت الغراض الجبتهن عزلتهن طلعت الدشداشة مال فهد وابتسمت تخيلت شكلة من يلبسهة حطيتهة ع صفحة وطلعت دشداشة الي رحت بدلت وحطيت عطر لبست شالي ونزلت طبيت للصالة جانو كلهم كاعدين يشربون جاي ويحجون كعدتهم جانت اجنن نفس ايام قبلل سلمت ورحت كعدت يم زينب اباوع الفهد يشرب جاي ويرجع يشيل تلفونة يراسلل لائن ايدة الثانية ميكدر يسوي بيهة شي وهذاا امير ولاا نزل عيونة الحقير
زينب: شبيج شصار فوك
مريم: ماصار شي كعدت مخنوكة بس فهد كبر الموضوع
زينب: يعني لو كاعد جوة وماا صاعد عليج جان هم زعلتي حرت وياج
مريم: زينب انتي متعرفين شي
زينب: كلشي اعرف الله يخلي العقل الجج دورين حنية من الزلمة وهوة مكسر
مريم: انجبي ام السان ولله اكوم افلش وجهج هناا
زينب: يمة عندج وجه عصبي وجه كيوت ماعرفتج
مريم: ايي لعد شعبالج الفقير ميعيش بهلزمن
زينب: انتي ماا كارطة نعمتج كومي اكلي احسن متخربين علينة وين نوديج بهليل
مريم: كومي وياي
زينب: وين اسويلج لفات واوكلج حياتي
مريم: زينب كومي عااد بدون لغوة عندي موضوع وياج
زينب: اذا موضوع كايمة ، شوفي شهد يكول مشايفة زلم كاعدة بحضن رجلهة
مريم: يمعودة سدي حلكج شكد تلغين شعليج ب البنية امشي
زينب: نسوان اخر زمن اخخ منجن
مريم: صخام الصخمني هوة انتي وجوه مواضيع، طلعنة وفهد ماباوع بوجهي مبين زعلان ايي وذا ازعل هوة انتة شوكت رضيت عبالة راح اراضي طلعنة للمطبخ حمينة الاكل واخذناا لغرفت زينب طبينة وسدت الباب
زينب: هاتون مانتضرج تاكلين تحجيلي هسة
مريم: عفية خليني اتهنة ب الاكل ليش ذكريني
زينب: يمة يعني سالفة بيهة اكشن وهاي السوالف
مريم: مو اكشن انجبي وخليني اكل وبعدين احجيلج تدللين
زينب: تمام يلاا استعجلي
مريم: كعدت اكلل وزينب تباوعلي صفح وترجع تباوع التلفونهة تريدني اكمل حتة احجي واني اكل بطيئ اعاند بيهة شمرت التلفون واجتي كعدت كبالي
زينب: اكول تراا زودتيهة يلاا ماشبعتي مابقة شي احجي مو طكن مصاريني
مريم: شلت الصينية وكمت، الكعدة يرادلهة جاي اكوم اسوي واجيج
زينب: ديلاا ترا جديد مو طلعين حجة احمي وتعاي
مريم: تمام اعصابج، طلعت وطلع امير بوجهي جان يحجي ب التلفون مشة من يمي وطخ ايدي وصار يضحك سوة نفسة يحجي ب التلفون وكمل مشيتة الحمدلله ماوكعت الصينية من ايدي كلبي صار بمعدتي اني بعد ماكدر اسكت لازم احط حد لهلموضوع فهد بدون كلشي ميحبني وديت الصينية ورجعت ركض لغرفة زينب سديت الباب وكعدت ب الكاع ارجف اجتي زينب كعدت كبالي متفاجئة هسة طلعت من يمهة مابية شيي
زينب: ياا مريم شبيج احجي
مريم: زينب ماكدر اكول لشخص غيرج الله يخليج ساعديني
زينب: لجج احجي لتخوفيني هيج شصار
مريم: امير
زينب: شبي هلحقير احجي سوالج شيي
مريم: وانتي شمدريج يكدر يسوي شي
زينب: بعدين احجيلج هسة احجي شبيج
مريم: زينب مادري من اول ماا طب لهذا البيت وهوة كاعد يخوفني بنضراتة نضرات مالهة تفسير بحيث اقرف منة من يباوع هيج وهوة هذا الموضوع الجنت رايدتج بي بس هسة من طلعت زينب طخ ايدي كام يتجرئ كليلي شسوي
زينب: هلحقير اني اعلمة
مريم: كامت زينب رادت تطلع ماردت تصير مشكلة ضليت اتوسلل بيهة وابجي حتة ترجع هية شافت حالتي هيج قفلت الباب وكعدتني وكعدت كبالي
زينب: شوفي هية مو مال خوف ولاا مال بجي لج هلامثال ينتفل بوجهم اذا سكتي راح يكول هية فرحانة بهذا الشي ويفكر منطيتة مجال اكيد انتي متريدي بفكر هيج لائن راح يسوي الاكثر هلشي صار وياي وهم امير بس اني خليتة يندم ع اليوم الي فكر بي يندك بية وهسة الاريدة منج اذاا عادهة توكفي عد حدة وتمسحين الكاع بكرامتة ولو هوة الي يسوي هيج ميلة كرامة
مريم: ماحجيت شي حضنتهة وصرت ابجي حطيت ايدي ع حلكي حتة محد يسمعني من ابجي وخرت عنهة وحجيت
شكراا زينب ماعرف شنو جنت راح اسوي لو انتي مو موجودة والمن جنت راح احجي
زينب: ماريدج تشكريني ولاا شي الاريدة منج تصيرين قوية وتسوين الكتلج علي وبس تمام
مريم: نشالله
زينب: وهسة كومي غسلي عيونج وكعدي يم رجلج ترا مالج غيرة لوو تضلين تزعلين وحتة اني مافيدج فهد سندج بهلدنياا لتخسري صدكيني يحبج بس انتي مو راضية تشوفين هلشي
مريم: هوة مكاعد يبينلي هلشي
زينب: فهد ممقصر وياج بشي صيري زينة وياا انطي ثقتج مو تكليلة انتة متحبني انتة تخوني لصيرين نكدية ويا وعركات طول اليوم هوة ماخذج ب الحلال شيسوي بنات الشوارع وهوة ماخذ وحدة مثلج ححلوة وبنت اصول حبي نن صدك وهتمي بي مثلل ميهتم بيج لتكرهي بعيشتة وتنرفزي منج وضوجي وتعصبي
مريم: زنيبة ماعرفتج ميلج هاي المعلومات مال زواج ولجج
زينب: اني صح عمري صغير بس عقلي جبير ومفتهمة الحياة صح
مريم: انتي معجزة الي وربي
زينب: يمة مريومتنة الفاهية
مريم: نصايحج جبر للروح
زينب: دللي يومية تعاي
مريم: تافهة متصيرلج چارة
زينب: يلاا كومي روحي يم رجلج مبقيتة مكابك افراح ام كرون وكاعدة يمي
مريم: راح اخذة واصعد، حجيت هيج شوو هاي طكتهة بضحكة السخيفة
زينب: يمهه بالي ابد مو صافي
مريم: مو البالج حياتي اني ثكيلة
زينب: دروحي عبالك انتي ماخذة صديقتج ول يخالي هذا رجلج روحي لاا الزكج بدفرة
مريم: اوي تحولت البنية اروح يم رجلي احسلي، طلعت رحت للمغسلة باوعت النفسي يمهه عيوني مورمة وصايرة حمرة من البجي غسلت نشفت وجهي عدلت شالي وطبيت للصالة خالة سعاد كل متشوفني ضل تبتسم شكد احبهاا هلانسانة صدك ماكو مثلهة ومحضوضة بيهة
سعاد: هلاا بمرت وليدي وبنيتي العسلاية
مريم: ابتسمت الهة ورحت كعدت يمهة باستني من خدي بست راسهة وحجيت، حبيبتي خالة وامي الثانية ربي يحفضج النة
الحجية: تستاهلل مريومة جوهرة
افراح: مو جنكم لحيتو اكلج خالة سعاد اريد اجيب هلفستان اونلاين شتكولين
سعاد: يمة شتطلعين بي ميلوكلج هذاا مال وحدة عدهة شسمة هوااي
مريم: لبنية صار وجهة اصفر من حجت حتة اني خجلت عزاا بعيني اباوع لفهد يباوعلي ومبتسم شنو قصدة هذا رحت كعدت بصفة وماشلت عيوني عنة باوعلي وحجة
فهد: شكو بوية مشايفة حلوين، لحضة شبيهن عيونج ليش باجية
مريم: شنو شبيك شوكت باجية
فهد: مريم هية مو مال جذب ليش باجية
مريم: مابية شيي صدكني
فهد: انتي متبطلين سوالفج امشي فوك
مريم: كام وكمت ورا صعدنة فوك راح كعد ع طارف الجرباية وكام يهز برجلة ئشرلي ب ايدة اجي اكعد يمة رحت كعدت يمة باوعلي وكال
ماعيد هلكلمة ليش باجية
مريم: ضجت من نفسي لائن زعلتك
فهد: كل عقلج مريم اني ازعلل من وحدة طفلة مثلج
مريم: فهد شنو طفلة شنو اذا طفلة ليش ازوجتني
فهد: اكعدي خلنفتهم بدون هلسوالف مريمي
مريم: يلاا كعدت احجي
فهد: بوية اني مازعلل منج اطلع حتة متصير مشاكل ادري بيج بس لسان ورة ماطلع تتندمين ع الحجيتي والدليل دموعج الغالية الي ماريدة تنزل حتة علمودي
مريم: اني هيج ماكدر اغير هلشي
فهد: تغيري وغصباعنج
مريم: تمام، زين عادي نغير الموضوع اريد اشوفك شي
فهد: ماشي اخر مرة
مريم: ابتسمتلة وكمت فتحت الكنتور وجبت الدشداشة جنت مصفطتهة وحاطة الساعة ولسبحة فوكاهاا مديتهة الة وابتسمت اخذهن مني ضلل يباوعلهن فتح الدشداشة باوعلهة اخذهة وراح للحمام بدون يحجي دقايق وطلع لابسهة ومبتسم بهلحضة عمت عيوني وحلفت مشوف غيرة تمنيت اضمة بكلبي عنهم كلهم ومحد يشوفة غيري تندمت لائن شتريت هذا الون وجنت اعرف راح يطلع ححلو بيهة تقدم يمي راد يحجي وعطت بوجهة فززتة
قبلل متحجيي ايشي فهد تروح تذبهة وبعد متلبسهة
فهد: سالمين شبيج موحلوة
مريم: موحلوة شنو اصلا تشك شك ،شفتة يضحك وانتبهت النفسي شحجيت اباوعلة وارجع اباوع للحايط بسرعة ضلل يضحك علية دمعت عيوني مدري من الفشلة مدري من الحجيتة هوة شافني اختفت الابتسامة من وجهة وتقدم يمي حاوط وجهي ب ايدة مسح دموعي وباس عيوني جمدت بمكاني
فهد: ليش هلبجي شرايين كلبي انتي
مريم: انتة ليش حلو هيج وين اضمك من عيونهن اني
فهد: شنو بوية ضميني بكلبج وماريد شيي بعد
مريم: اتمنى يصير هيج
فهد: لوو كل الدنياا تحبني وتريدني ماباوع وماحب غير حلالي
مريم: ماحبك
فهد: اههخخخ بوية مخربة الحضات انتي بنفسج مو صديقي ولاا اخوية بس مقبولة منج
مريم: راضيني
فهد: شسويت يولي
مريم: باوعتلة بنضرة حزينة فرك وجهة وفتح ايدة بمعنى تعاي رحت ركض لحضة
فهد: يول بوية ايدي تمزقت
