رواية لست غجرية الفصل السابع والعشرون بقلم روز الحيدر
اخذه وطلع برا.... ستغربت تصرفه ماحجيت الولد طلعوا
ورا حتى ابوي وبس صوته اسمع يصيح
لتفت بقلق
وردة : شكو؟
سناء : والله ماعرف يماما..
بقيت افرك بأيدي اسمعهم يهدون بي بس هو يحجي
بقهر..
محمد : ماكو شي بابا لا تخافين
هزيت راسي بخفة ونزلت لميت الموبايل من الكاع.
نهضت وتقربت من أمير
وردة : أمير... شكو؟ منو اللي تصل؟
التفت عليه... بس ما رد.
ظل يباوع على الموبايل المكسر وكأنه يتمنى لو صاحب الصوت گدامه هسه.
بعدين رفع عينه إلي... والغضب اللي بيها هدى شوي أول ما شافني
نسر : باجر أشتريلج غيره.
ابتسمت بخفة
وردة : فدوتك.
رفع حاجبه باستغراب.
أيسر : يعني ماضجتي؟
3 تع
ضحكت بخفة
وردة : لا... فدوة بالكزاز ولا بالعزاز.
تنفست براحة
وردة : يحقلي أعرف منو المتصل؟
بهاللحظة صاحت أمي من بعيد
سناء : محمد... تعال إنتَ والولد شوية
فهمت من نبرتها متقصدة تبعدهم
كلهم راحوا... وبقينا وحدنا ظل ساكت بس عصبيته
بدت تهدأ شوي شوي.
تقربت أكثر.. بنبرة دلع
وردة : حبيبي...
3 تع
رفع عينه عليه بسرعة...
وبكلمة وحدة خمدت كل النار اللي بي ومتصت الغضب
2 تع
نسر : لبيه... يبعد عيونه
1 تع
حتى نبرته تغيرت
ابتسمت غصب عني.. تقرب أكثر ومسح على شعري
بهدوء
نسر : مو حساس... بس منج كلشي يختلف
سكتت أباوعله، وهو بعده مركز بعيني بطريقة
تخجل.
وردة : هسه احچي منو جان؟
تنهد بضيق وسند راسه على الحايط
نسر : نفس الحيوان مال الشركة.
اختفت ابتسامتي
وردة : هااا.. شيريد؟
بقهر
نسر :مو اليوم رحناله وسلمنا عليه
رفعت حواجبي واخذت أيده
وردة : وهذا أثر السلام؟
هز راسه
نسر : يستاهل
وردة : زين وهسه شيريد؟
نسر : يكول يريد يعتذر... ويحلف نيته زواج.
شهكت بصدمة
وردة : هاا؟!
نسر : والله يريدني ارجعله وا*****
1 تع
ضحكت
وردة : ماجريته بزيج شبيك لاتعب نفسك وي هيج
نماذج
نسر : فور دمي الحقير
وردة : شلون أبرد دمك حبيبي
لتفت محد اكو وضحك حفرة خدة برزت
نسر : ببوسة
وردة : حجايت التنكال.... ادري بيك سـ***
ضحك بصوت واطي وهز راسه
نسر : خوش هسه صرت سـ؟
وردة : من البداية واضح... بس گلبي اثول
قرب شوي وهو يباوعلي بنظرة كلها لعب
نسر : ومع هذا... عاجبج.
حسيت وجهي حمى بسرعة دفعته بخفة
وردة : لا تنفخ روحك هواي.
ضحك أكثر، حفرة خده طالعة بطريقة تخبل
نسر : يمعودين شلون ما أنفخ روحي وانتِ تكولين حبيبي؟
عضيت شفايفي بخجل
وردة : لا تعيدها
نسر : حبيبي؟
شهكت ضربته على جتفه
وردة : أمييير!
ضحك وهو يلزم إيدي حتى ما أضربه مرة ثانية
نسر : والله لو تدرين شكد أحب هالخجل مالتج
سكتت..رفعت عيني على باب البيت مفتوح واني
مأمنه... ورجعت خطوة بتعدت نتبه على ملامحي
تغيرت
نسر : شبيج؟
رفعت كتافي
وردة : الباب مفتوح وهو اتصل وأني مو خايفة!
نسر : محد يكدر يحجي وياج
بتسمت
وردة : بزودكم
تنهدت واني اذكر
وردة : تدري مالوم جدة من جانت تمنعني من الطلعة
خارج القرية
بأستغراب
نسر : ليش؟
وردة : جنت مفكرة هاي السوالف بس يم سلطانة
تنهد
نسر : لا بكل مكان اكو مثل سلطانة بس العيب اللي
يشوف البنية المحترمة فرصة رخيصة
وردة : يااااالله وكتها شكد خفت الدنيا ضاكت بية
وين اروح؟!
التفت له
وردة : تعرف بعض الذكور اذا نرفضوا من بنية يحسون
نفسهم نداسوا وحتى يرجعون كرامتهم يكسرون عينها
بأي طريقة حتى يرضون غرورهم
2 ت
نسر : مثل هذول مرضى.. الرجال الحقيقي اذا نرفض يحترم نفسه ويبتعد قبل مايحترم البنية
نزلت عيني أفكر بكلامه
وردة : من جان يشوفني وحيدة سترخصني بس من شافكم كال "أتزوجها" لأن شافني شي صعب ما گدر يوصله بالفلوس والإغراءات، فگال يصلح غلطه بزواج
رفع عينه ألي
نسر : اللي يحب وحدة يخاف على شعورها قبل نفسه
مو بعد ما يكسرها او يقلل منها يقرر يصير محترم
سكتت أباوعله وكل كلمة منه تدخل بگلبي بهدوء
سكت شوي، وبعدين قرب مني أكثر
نسر : بس خليها بالج... شلون يفكر بيج المقابل أو
شنو يكول عنج... هذا ما ينقص من قيمتج ذرة
نزلت عيني
نسر : إنتِ عندي... أغلى وأشرف بنت عرفتها بحياتي
كافي حاربتي الضروف والبيئة العشتيها
گلبي دگ بسرعة...
وبس نزلت راسي بخجل حتى مايشوف شلون احمر وجهي...
وردة : احممم... اكول
بتسم
نسر : كولي حبيبي
وردة : شلون ماعرفتني بنت عمك؟
سحب نفس نظرلي وهو يبتسم
نسر : كل اللي اتذكرة من شموخ طفلة صغيرة نايمة
مثل العابة
فتحت عيوني
وردة : يعني تذكرني؟
هز راسه
نسر : اي تقريباً عمري ثمن او تسع سنوات أجيت
للولد حتى نلعب طوبة.. ماقبلوا كالو صارت عدنا
أخت.. دخلت واشوف لعابة نايمة
بتسمت
نسر : دبدوبة وبيضة شحم وصوتج يجنن من تبجين
حقهم عافوا العب صارت عدهم العابة
ضحكت
وردة : يا فدوة.... زين ماحسيت؟
نسر : لا شحس..كل لي اعرفه ماتت أسم الله عليج
بعد ماكبرت نسدت السالفة ومحد يحجي بيج.. بس
عمتي تذكرج وتنطي صدقة بأسمج
صفنت من ذكرت ضحكت
وردة : اي صح
نسر : يعني هسه عمتي تغيرت كبرت وتزوجت بس
بشبابها من جانت بعمرج تشبهيها وخاصه صورها
وردة : تخيل لو اني اختك!
باوعلي ثواني... وبعدين ضحك بخفة هزت گلبي
نسر : ولج شلون أختي؟
قرب أكثر وعينه بعيني
نسر : أني من أول يوم شفتج بي عشت دور العاشق
مو الأخ
ضربته على جتفه
وردة : أمير!
ضحك وهو يلزم إيدي
نسر : من أول هزة... أخذتي گلبي وشرايينه لفيتيهن ؏ خصرج
نسر : من يومها حسيت أنتِ أللي وتخصيني حسيت
نفسي مسؤول عنج ولازم أحميج وأكسبج وأكسب
گلبج
رفعت عيني له.. تنهد
نسر : قبل مااشوفج جان عندي فضول ألمحج ولو مرة ولما شفتج عرفت
رفعت عيني بخجل
وردة : شعرفت؟
نظرلي بطريقة رجفت گلبي
نسر : شلون المرأة تاخذ عقل الرجال بدقيقة.. ويتعلق
بيها اكثر من يشوف قوتها وضعفها بالحظة
ثبت عينه بعيني وكأنه يحچي من كل گلبه مو مجرد
كلام
وردة : أمير... لتضل تحچي هيچ
ضحك بخفة
نسر : شسوي إذا هاي حقيقة مشاعري؟
سكتت أبتسم بخجل... وحتى أغير الموضوع
وردة : يااا نسيت الچاي
وي كلامي طلع ميسر بايده گوابه چاي
ميسر : ها شباب!
وردة : خو ماحترك؟
قدملنا واخذ كوب
ميسر : لا ياسر يكول أبوس أيدها على هيج چاي
وردة : خجلت
ميسر : يلوك
ضحكت واشرت على رصيف
وردة : تعالوا نكعد هنا
نسر : هاا؟
وردة : اي والله شبيك!
ضحك
ميسر : يله تعاي
اول واحد كعد على رصيف كعدت بصفه ونسر كعد
يمي صرت بنصهم
وردة : تدرون
قاطعني بمزح
ميسر : لا مندري
ضحكت
وردة :أسمع...لما جنت وحدي اخاف افتح الباب
حتى من ارجع من الشغل أجي طول الطريق اتلفت
خاف واحد مراقبني
ميسر : لا موذيج الأهمية بس نكول حققت حلم أمي
وابوي.. وهسه اجه الوقت احقق حلمي وابني نفسي
وردة : عفيه عليك.. زين هم اعترضوا؟
ميسر : لا ابد بالعكس حتى ماجبروني ادخل بس حبيت
ارضيهم وبعدين ارضي نفسي
رفع عينه بعيني
ميسر : وان شاءلله يجي يوم وتحققين كل أحلامج
ضحكت.. سكتت ثواني رفعت كتفي
وردة : ماعندي احلام.. اقوى حلم عندي اطلع من القرية
والحمدلله خلصت
ميسر : لا هواي عندج ولازم تحققيها
رجع شرب چاي رفع جاجبه وكال
ميسر : يلوگلج قانون
ضحك
نسر : اي بعلي على هل اللسان تصير أشطر محامية
وردة : شكد ادرس حتى اصير؟
ميسر : بس تكملين سادس أعدادي وطلعين معدل
بعدها دخلين جامعة اربع سنوات
وردة : حيل خلص عمري شبقى بي
ميسر : لا.. لاتحجين هيج الدراسة مابيها عمر محدد
النبي عليه افضل الصلاة وسلام قال: أطلب العلم من
المهد الى الحد..
سرحت بتفاصيله وهو يحجي
وردة : وتخلص عمرك دراسه؟
بتسم
ميسر : ان شاءلله مو بس هيج هواي عندي أفكار واحلام
احققها
وردة : ان شاءلله تتحقق كلها بسهولة
بتسم
ميسر : واولهن انتِ
وردة : شلون؟
ميسر : اخليج تكملين دراستج واعلمج شلون يكون
عندج احلام
نزلت راسي وصوت نكسر
وردة : واذا طلعت مو اختكم؟
ميسر :نفرض..مو اختي مع ان گلبي يكول اختنا وگلبي
مايجذب.. بس ارد على سؤالج
رجف گلبي من كلامه.. لأن أول مرة بحياتي أحد يتمسك بيا مو خوف مني...لا خوف علية أضيع
أباوع بإيدي اللي بعده لازمتني بإحساس غريب دافي
نسر : ولك ميسر لا تصير حنون لتاخذ مكاني
2 تع
ضحكنا
ميسر : غير أخيتي
گلمت "أخيتي" حتلت گلبي ونتشرت بدمي بسرعة
رفعت عيني عليه اتامل ضحكته وسوالفه مامصدكه
هذا أخوي!
ضحك
نسر : لا اني سيست
ميسر : ههههه... الله وياك حبيبي
باوعلي
نسر : لاعوفيهم تعاي اني اصير اهلج لااتتعودين عليهم
بتسمت ونزلت عيني على كوب بأيدي
ميسر : ها بدينا!! بعدني ماخلصت من نسر طلعتوا!
يسار ضرب على جتف امير وكعد بيني وبينه
يسار : انسى الموضوع حبيبي
نسر : يله... يله عاذركم حالياً
ياسر وأيسر وكفوا مقابيلنا وستندوا على سيارة
ياسر : شموخ
رفعت عيني.. اني مااريد يصيحون شموخ بس
سكتت لحد مايصير الوقت
ياسر : عاشت ايدج على چاي
بتسمت
وردة : الف عافية
ياسر : اي احجيلنا عن حياتج؟
رفعت كتافي
وردة : سألني واجاوبك ماعرف احجي
ميسر : عوفها لاتذكرها.. حياتها من اليوم بلشت
ربت على جتفي بحنية
يسار : أي خوية معليج الماضي رماد تحت رجلج
ياسر : ياباا غير نعرف شتحب شتكره طبعها شنو؟
سديتوها بوجهي!
ضحكوا.. واخذ ضفيرتي بين ادي
يسار : كدامنا عمر نتعرف ونفهمها بدون ماتحجي
هز راسه
ياسر : هم صح سوينا مداهمة الحياتها
التفت على صوت
محمد : خو محد زعل أميرتي
بتسمت.. اجه هو وأمي
ياسر : منو يتجرأة؟
سناء : اي هيج أرضى عليكم... ليش هنا مدخلون!
ميسر : الجو حلو
أيسر : اي والله
سناء : أيسر ماما روح للبيت الي كعدنا بي جيب
ملابس ابوك وغراضنه
ميسر : لا.. اني جبتله ويا ملابسي
أيسر : ليش مانروح كلنا لهناك؟
ضغط على ايدي بخفة
نسر : ابد لاتتصنعين او تخافين أحجي اللي يعجبج
يحبوج ويتقبلوج مثل ماانتِ
هزيت راسي غمز وفلت أيدي.. بتسمت وبتعدت عنه
يسار : ميسر تروح؟
ميسر : لا ابقى هنا..
ودعونا وطلعوا
بقيت أباوع على السيارة لحد ما اختفت وكأن جزء من الطمأنينة طلع ويا..
رفعت جف أيدي شميته بعد بي ريحت أمير بتسمت
سناء : تعالي يماما
هزيت راسي ودخلت وياهم
البيت هادئ بشكل غريب مو هدوء الوحدة لا هدوء أمان
دخلت للصالة كعدت ميسر طلع ملابسه بدل وطلع ملابس بابا هم نزع زي العسكري
كعد وظل يباوعلي من بعيد ويبتسم بدون سبب
وردة : شبيك بابا؟
ضحك بخفة
محمد : أباوع لبنيتي ... بعدني مو مصدگ حصلتها
نزلت راسي بخجل
سناء : حبيبي تعاي نامي خاف تعبانه
هزيت راسي
وردة : لا.. بس ناموا اذا تردون رتبت الفراش بالغرفة
سناء : أنام بس تنامين بحضني
بتسمت هزيت راسي وأمي دخلت للغرفة وميسر عينه بمبايله بابا أشرلي أكعد يمه
محمد : تعاي هنا
نهضت كعدت يمه منزلة راسي ومتوترة
تنهد بخفة.
محمد : ممكن سؤال؟
هزيت راسي
محمد : من جان يضوجج شي... أو تبجين... منو جان يطيب خاطرچ؟
سكتت ثواني...
وبعدين ابتسمت ابتسامة صغيرة توجع
وردة : حبوبتي...
حيل تحبني ولا يوم زعلتني واذا رادت
تحجي وياي من خوفها علية وحرصها
محمد :الله يرحمها برحمته ويجزيها الجنة
وردة :أمين يارب
لزم أيدي
محمد : بعد اليوم إذا ضاگ صدرج حتى لو بنص الليل تعالي كعديني.. والله يقدرني واجيب الدنيا تحت رجلج
دمعت عيني بسرعة.. مد أيده ومسحها
محمد : حرام أشم الهوى اذا أشوف دمعة من عينج
وردة : ماعرف يمكن صاير حساسة زيادة
اخذ كلنس حتى خشمي مسحه
محمد : أمج من تبجي دمعها توكع من خدها وخشمها
سوه
ضحكنا
ميسر :هههههههه.. لاتسمعك
اجه صوتها من الغرفة
سناء : سمعت وغلست
ضحكنا
وردة : تحبها؟
تنهد
محمد : شلون مااحبها وهي ام اربع أسود والبوة
هز راسه
محمد : تحملتني وتحملت عصبيتي وشغلي ومشاكلي
شاركتني بالمرة قبل الحلوة
أجت تعدل بشعرها
سناء : ها محمد تحجي علية!
اشرلها تكعد بصفه
محمد : تعاي
سناء : لا عيني أكعود بصف بنتي
كعدت يمي صرت بنصهم لزمت طرف ثوبي وغمض
عيني.. مثل ماجنت اتخيل قبل ماانام اني كاعدة بنصهم
ويسولفون ويضحكون...
فتحت عيوني على لمست أيدها
سناء : يوجعج شي حبيبتي؟
هزيت راسي بنفي وبتسمت.. لتفت على بابا
وردة : بابا
سكتوا..
رفعت راسي السؤال ضرب جرح بگلبه او ممكن ماضي يريد ينسى
محمد : الدنيا... الدنيا خطفتج من عيني مثل الحلم
وردة : ليش مادورتوا؟
نزل عينه
محمد : دورت.. والله ماخليت مكان يعتب عليه بس
ولا أجه بالي تاخذج لهيج مكان وتخليج بينهم
وردة : منو هي؟
سكت وطول سكوته.. لحد ماكسر صمته بحسرة
بقى يهز راسه وكأن الكلام صعب
محمد : جنت متزوج
فتحت عيوني بصدمة
وردة : متزوج؟
هز راسه
وردة : شلون..يعني... الخطفتني مرتك؟
محمد : سابقاً..
2 تع
بتوتر
وردة : شلون؟ ليش تزوجت على أمي؟
محمد : ماتزوجت على أمج..
سكت
وردة : احجي شلون؟
محمد : اني تزوجت بعمر صغير.. وبقينا سنوات
ماعدنا اطفال والسبب منها
وردة : من طليقتك؟
هز راسه
محمد : بالضبط...
أخوي تزوجي بعدي وصار عنده اطفال اهلي والناس
أكلوا راسي صاروا يكولون.. هو السبب
تنهد بقوة
محمد : راجعت طبيب ومابيه شي وطلع السبب منها
هنا كلها كالت تزوج حتى هي وافقت كالت شنو ذنبك
تنحرم ماوافقت بس بعد كلام واقناع كتلهم بكيفكم
وهي راحت خطبتلي
وردة : خطبتلك أمي؟
محمد : أي...وافقت عليها بدون مااشوفها
وردة : شلون يعني؟
محمد : يعني بالليلة العرس يله شفتها
لتفت على امي
وردة : شلون وافقتي؟
لزمت أيدي
سناء : أسمعي ابوج وبعدين احجيلج
رفعت عيني على ميسر عايف مبايله ويستمع بتركيز
وردة : اي كمل وبعدين؟
محمد : تزوجنا ومن اول شهر حملت بياسر
رجعت لتفت عليها
وردة : اااعععع... شبيج مامصدكة!
8 ت
نزلت راسها
سناء : لعد هو عليمن تزوجني غير حتى يصير أب!
شفت أبوي ميل راسه باوعلها بنظرت حب
محمد : النية أطفال وبعدين صارت گلبي ونبضاته
وردة :اي.... اي أكل بعقلها حلاوة... والله الزلم مالكم
أمان
2 تع
محمد : هاا؟
وردة : أي والله.. كمل كمل نشوف تاليها
بتسم
محمد : وين وصلت؟
وردة : حبلت بوالي العهد
1 تع
ضحك وهز راسه
محمد : اي لكل فرح ونوب ولد الفرحته تضاعفت
وحياتنا ماشية عادي مثل كل ثنين
وردة : وطليقتك؟
محمد : جانت كلش فرحانه.. بعد ما نولد ياسر هي
صارت تهتم بي وتربي،.. أمج جانت صغيرة ماتعرف
لتفت عليها بقهر
وردة : اممم بس تعرف تحبل!
5 ت
فتحت عيونها بصدمة من كلامي،بعدين نزلت راسها
بخجل... اما ميسر طك من الضحك ابوي خزره سكت ونهض كاتم ضحته
ميسر : اروح بالغرفة اخذو راحتكم
صدك دخل للغرفة.. كمل
محمد : ماجنت افرق بينهن وعادل ويمكن جنت أميل
اكثر للجبيرة اراعي مشاعرها كونها نحرمت من الاطفال
وبعد ياسر امج هم حملت وطرحت
وردة : ليش؟
محمد : كتلج جانت صغيرة لحد ما الله رزقنا بأربع ولد
حياتنا يامحلاها
وردة : طبعاً يامحلاها.. مكنك على ثنين
5 تع
عض شفته وكتم ضحكته وميسر صوت ضحكه وصلنا
أمي ندستني لفيت وجهي عليها
وردة : ليش تندسيني؟!
صدك.. مكيف وعايش مثل السلطان ومخليج بس
تخلفين!
محمد : هذا السلطان دفع الثمن غالي
وردة : بعدها شصار؟
هز راسه
محمد : جانت بنفسي بنية وأمج طرحت أكثر من مرة
قاطعته
وردة : حقها اذا اخذتها بس تخلف منها وهي صغيرة
شنو هو رحم لو حديد!
3 تع
سكت.. هل مرة نظرلي
محمد : بابا.. من حق اي رجال يكون أب ومحد يكدر يحرمه... من هذا الشي وماندمت ولا أندم لان خطيت
هل خطوة بالعكس فخور الله رزقني بأسود يطيحون كدامي قبل ماأعثر
هزيت راسي
وردة : طبعاً حقك
محمد : ولو كلت اخ الليل مايناموا يبقون يم راسي
ماندمت ولا ممكن اندم ربي فضل عليه بيهم أسباع
وردة :الله يحفظهم مبينه الحنية
سحب نفس قوي
محمد : وأمج تعرف كلش زين اني تزوجتها عالمود
الاطفال ولو ما الله رزقني منها كذلك اتزوج
وردة : زين بعدها؟
محمد : بعدها...
حجاها وسكت كأنه سرح بفكرة.. كال
محمد : بعد ما جان العراق طالع من حرب وشعب
منهك.. بدت اوضاع الداخلية تتزعزع من انتفاضات وهتافات أسقاط نظام
صارت احداث بالبلد زعزعت الأمان وكل من شارك
بهذا الاحداث صدر حكم اعدام بحقه
وردة : زين؟
محمد : وجان اخوها من ضمنهم
وردة : اخو طليقتك؟
هز راسه
محمد : بالضبط..
نزل راسه وتحسر
محمد : طلبوا مني اتوسط ومابأيدي شي الواسطة
بذاك الوقت مستحيلة... ولاممكن واحد يفكر بيـها
خاصه كونه من الشخصيات المسؤولة عن زعزع أمن
البلد وزرع فوضى
وردة : زين؟
محمد : واني اساساً العيون عليه كونه تربطني بي قراب...تأخرت ترقيتي... وستبعدت من مهنتي فترة
وردة : انت ليش؟
محمد : كونه اخ زوجتي.. وحتى الحزب صاروا
يراقبوني خاف اللي أيد ويا... وهي تعرف كلش
زين حتى عائلة المتهم تبقى مراقبة..
تنهد
محمد : بابا كان نظام مشدد مو مثل هسه
وردة : زين
محمد : تم تنفيذ حكم الاعدام بحقه.. هنا حملتني
مسؤوليه وذنب مو ذنبي هل شي اكبر مني ومن
غيري مابيدي شي هذا قانون يطبق على جميع..
وردة : انت شعليك؟!.. يعني تم استبعادك وراقبوك
وتحملك سوء افعال اخوها؟
محمد : اي حتى اهلها سحبوهم المجلس تحقيقي
وكذلك تمت مراقبتهم
وردة : وبعدها؟
محمد : راحت الاهلها وطلبت الطلاك كتلها ماطلك
علاقتنا اني وياج ماعليها... ليش دخلينا بمشاكل احنا
بغنى عنها اني شنو ذنبي شوف عينج تاذيت؟
ماقبلت.. كلت خليها اكيد تعبانه ومصدومة ترتاح يم
اهلها فترة واروح ارجعها
نزل راسه
محمد : عدت الفترة ورحت ارجعها..مايهون عليه
اعوفها واعرفها ماعدها غيري بس.... ماقبلت واهلها
كذلك طلبوا الطلاك يابا اني ممأذيها وقايم بواجبها
واخاف عليها وعلى مشاعرها بس كل هذا ماصار لا
بعينها ولا بعين اهلها
بلع ريگه
محمد : كتلها طلاك.. طلاك بنفس الساعة طلكتها
ورجعت وبعد فترة..أجاني احلى خبر منتظر اسمعه
تنهد مد أيده مسد على راسي
محمد : أمج نطتني خبر حملها بعد صبر سنين هنا
نسيت الدنيا وهمومها.. وبدأ گلبي وحياتي تتغير
للأفضل
وردة : هاااا... يعني ماجنت تحب امي!؟
محمد : لا أحبها بس حبها تضاعف بگلبي ماصدكت
عندي مرة مثل أمج كأن اول مرة اشوفها غشا ونشال
عن عيني
وردة : مافهمت شلون؟
تحسر
محمد : جنت مسحور
فتحت عيوني
وردة : هذيج ساحرتك؟
سحب نفس قوي هز راسه
محمد : بعدين لگيت السحر بالغرفة
ضربت وخدي
وردة : عزااا بعينهااا شكد بر ـ
لزمت الساني وسكت.. لتفت على أمي
وردة : وانتِ شلون قبلتي بي متزوج؟ ماتلعب نفسج
منه يقرب لذيج ويقربلج؟!
3 تع
نزلت راسها
سناء : جنت صغيرة كولش وماعرف شي.. حبيت
أبوج وتعلقت بي بس...
مسحت دموعها
سناء : دائماً جانت تذكرني هو تزوجني الهدف يكون
أب واني مشيت على هذا الاساس
وردة : يعني غسلت عقلج.. وماخلتج تحبي كزوج
انما عندج مهمه تخلفين وانت ساكته؟
هزت راسها بأيجابية
سناء :اذكر بوقتها جنت حامل بيسار هستوني اتنسى
ونساتي صارت ريحت أبوج
ضحكت
وردة : اويلي عليج.. اي؟
بتسمت
سناء : جنت ميته بس حتى أشم ريحته جان وقتها
نايم يمها واني حضنت ملابسه بس ماكدرت رحت
دكيت الباب بالليل.
ضحكت
وردة : اتخيلج لازمه بطونج وتدربين جنج بطة
ضحكت وابوي عيونه تلمع ميل راسه يباوع الحلكها
سناء :ايي....
فتحت الباب تفرك بعيونها كالت خير
شبيج؟
كتلها: اريد محمد
: بيج شي؟
: ااريد محمد وين؟
اني ألوب راحت كعدته اجه يركض عباله بية شي
بسرعة حضنته اشمشم بي
كال: شبيج بابا
: مشتاقتلك
ضحك وحضني دفنت وجهي برگبته مو انتفس صرت
أشهكه وابوس بي
فتحت حلگي لا ارادياً
وردة : ايي وبعد سوه؟
بتسمت بخجل
سناء : شالني بحضنه واخذني للغرفة
رجعت باوعت له وغمزت
وردة : هااا حصرتها؟
سمعنا صوت ميسر ختنك من الضحك البيت صغير
والهمس مسوع بي صاح
محمد : أضحك..بوية أضحك
وردة :زين ليش يكلج بابا؟
سناء :أي غير هو رباني اخذني صغيرة
نكتم صوتها
سناء : ياماما فرحتي مادامت أسبوع والله وأبوج
صار يشوف بليس ولايشوفني
وردة : طكته بسحر دوهنته
سناء : اي وحدة بمكانها تسوي نفس الشي.. بس
بوقتها ماجنت اعرف... سكتت من تغير اكعد اشم
بملابسه حتى ماوصلني ولا يجي يمي لحد ماولدت
يسار
تنهدت
سناء : كلت خسرت محمد.. بس مااخسر ولدي وهم
أصغار هي متخليني اتقربلهم بحجت ماتعرفلهم صارت
تهتم بيهم وتبدل حتى ياسر تعلق بيها لدرجة من اخذه
منها يستغرب ويبجي وماينام له بحضنها
وردة : ليش وصلتي لهل مرحلة؟
سناء : هي متقبل حتى لو ردت اهتم بي تاخذه من ايدي
تكول ترحين تمتني عوفي ماتعرفين
وردة : وبعدها شصار؟
سكتت وتحسرت رفعت عينها له بابا
سناء : وماكدرت أحجي لان محمد دائماً يكول خطية
هي محرومة خليها تحس نفسها أم وهيج بديت اخسر
اطفالي بس بعدما ولدت يسار گلت محمد خسرته الله
ويا... خلي احافظ على ولدي بديت اسحب ياسر منها
واخلي يتعلق بية والحمدلله رجع الحضني وتعلق بية
بشكل.. بس ماحرمتها منهم
وردة : زين ماعندج ام تعلمج خوات؟
سناء : ماجنت احجي شي يعني حياة عادية اشوفها
بعدين عرفت جنت عايشة بوهم حتى من نفصلت عن
محمد والله كعدت أقنع بيها من تجي تشوف الولد بس
تالي ثقتي خلتني اخسر هواي
وردة : زين ليش بعدما نفصلت خليتيها ترجع تتردد
عليج؟
سناء : اساساً ماعندي مشكلة وياها.. حتى لما عشنا
سوه من يجي محمد يمي اكله مريضة روح يمها ما
اريدك
وردة : بسبب سحر؟
ضغطت على ايدي بخفة
سناء : تعرف محمد شكد نفسه ببنية بعد الاربع ولد
حتى مرة سمعوتها تكله تزوج وهو رفض
وردة : ليش ثقيتي بيها بعد كل هذا خليتيها تجي
للمستشفى؟
سناء : مستحيل اتوقع منها هل شي ممكن السحر ...
الغيرة... كلامها ...
نزلت راسها
سناء : كل هذا انطيها الحق بي واعذرها اكول غيرة نسوان والتاخذ متزوج تتحمل.. رغم مافد يوم زاودتها بمحمد بس بوحامي بيسار حبيته
وردة : كل هذا وقبلتي تدخل بيتج بعد وتشوفج
لا وتجيج للمستشفى!
هزت راسها
سناء : لان ماعتبرتها ضرتي صديقتي واسمع كلامها
كالت ماشفتها اخذتج تبوس بيج وتشم
وردة : وبعدها؟
سكتت.. ثواني وصوتها نكسر بحسرة
سناء : شربتني السم
فهم عليها نهضمت تحسر وكمل
محمد : بس طلعت مخلية منوم واخذتج منها... بلكوة كعدت أمج.. من حجتلي بوجهي رحت على اهلها
كالوا شتحجي؟ صارلها شهر من تزوجت وسافرت ويا
رجلها
سحب نفسه بصعوبه
محمد : هنا ضعت بنتي راحت من أيدي برمشت عين
نطوني عنوانها ونطوني واروح ادور واوصل يكلولي
لا شالوا لو لعنوان غلط شهر اني اركض بس على عنوان
هز راسه
محمد : ومالكيت الها أثر رجعت رفعت قضية على
اهلها وماحصلت نتيجة بقيت ادور عليها بالخفية
حتى اهلها راقبتهم... الحد ما هي بنفسها بعد سنة
ونص ضهرت
عض شفته
محمد : لزمتها... رفعتها فلقة طلعت ضيم گلبي وقهري
وبقت مصرة على كلامها... الطفلة ماتت... دليني على
قبرها.. وافقت واخذتني
غمض عيونه ونزل راسه سكت ثواني طويلة
محمد : طلعت اخر شي جنتي لابستي.. هنا نتهيت
مافكرت اسوي تحليل لان ماتوقعتها تجذب بعد كل
التعذيب اللي عاشته.. رجعت مكسور كلت لأمج بس
ماصدكت.. صدكت حساسها.. عفتها على راحتها كلت
منهارة حقها ماتصدك
اخذت أيدي باستها
سناء :ماجذبني حساسي ورجعت وردتي الحضني
رجعت سحبت ايدها بستها
وردة : أني ابوس أيدج واخليها على راسي
حضنتي.. ابوي يباوعلنا وعيونه تلمع حب.. بتعدت
عنه
وردة :زين عفتها تروح بدون سجن؟
هز راسه
محمد :لا نحكمت..لحد ماصار سقوط النظام بعدها
ماعرفت عنها شي.. لحد ما دزت صورتج الأمج.. أمج
ونسر وأيسر راحوا للمطار واني كلفت واحد يدزلي
موقع اهلها وصدك حصلته ورحت كالوا تزوجت وصار
بيها مرض سافرت تتعالج بتركيا ومانجحت وبقت
تنتظر يومها
نهضمت
وردة : زين ليش مااخذتني هي ربتني ولا ذابتني هاي
الذبة
ذكرت كلشي صار وياي ختنكت بحسرتي بجيت امي
سحبتني الصدرها تبوس بية صارت تبجي وتشهك
وياي.. بابا سحبنا ثنينا الحضنه
محمد : كافي بنياتي.. كافي بابا
لزم وجهي مسح دموعي واني أشهك
وردة : والله.. تمنيت الموت وماحصلته بسبب
التحرش
العبرة خنكتني وصوتي نكسر
وردة : وهذاك الحقير حااول يعتدي علية حتى
ابنه
محمد : وغلات دموعج أخليهم يتمنون الموت
ومايشوفوا..
باس أيدي ثنينهم....رفع وجهه يحجي بقهر
محمد : كافي... ولج بابا... فدوة اروحلج لاتبجين
مصعب مو مصعب حاول يعتدي؟
هزيت راسي
محمد : والله نسر ماقصر ويا.. بس وغلات عيونج
رح اخلي يشوف الموت من جديد.. وسلطانة وبتها يحلمون يشوفون الشمس
رجع مسح دموع أمي وباس راسها
محمد : كافي بوية... تدرين شيصير بمحمد من يشوف دموعج؟
شهكت وهي تمسح وجهها بإيد ترتجف
سناء : تعبت روحي...
حضن وجها بأيده
محمد : خلص التعب بويةةة... أميرتنا رجعت
رفعت عيونها الحمرة عليه وصوتها انكسر
سناء : شنو يرجع عشرين سنة ضاعت من عمرنا؟
ضربت على صدرها بحسرة
سناء : ما شفتها شلون تضحك...
ما شبعت من ريحتها...
ما سمعت أول كلمة منها...
ولا شفت أول خطوة إلها...
شهكت وبچت بحرگة
سناء : حتى ما كدرت أحميها
دموعي نزلت.. وهي تبچي علية بهالشكل
سناء : عشرين سنة گلبي يفرفر عليها...
ما أعرف إذا بردانة... جوعانة... عطشانة...يمكن مريضة... يمكن خايفة... وآني نايمة مرتاحة
غمض عيونه بقهر وحضنها أكثر
محمد : لا تكولين هيچ... والله مو ذنبج
سناء : شلون مو ذنبي؟
أمها أني... والمفروض أحس بيها
شهكت ولزمت وجهي بين إيدينها تبوس راسي
سناء : شكد تأذيتي وحدج؟شلون كدرتي تعيشين؟
وتتحملين هل الضروف؟
رفعت ايدي ترجف مسحت دموعها
وردة : حبابه لاتبجين
هزت راسها
سناء : شلون اعوضج؟
شنو أسويلج حتى امحي العشتي؟
فهميني.. ماعرف شنو اللي يرضيج؟
برطمت شفي ودموعي وكعت
وردة : بس لا تبجين عليج الله كافي
حضنتني بقوة كأنها تريد ترجعني الاحشائها وتحميني
من الدنيا والبيها
سناء : اتمنى العمر ينعاد والله اني اللي اخذكم واشرد
بعدت عنها مبتسمه كسر جو الحزن واني امسح دموعي
وردة : وحمودي تعوفي
رغم حزنها ودموعها بتسمت
سناء : اعوفه واعوف الدنيا الخاطركم
رفعت عيني له
وردة : هاي شنو سمعت؟
بتسم وعيونه عليها
محمد : لاتصدكين هاي ماتكدر تشم الهوى من دوني
رفعت حوابجي
وردة : هااا شلون؟
سحب نفس وسرح بعيونها.. مد ايده لمس خدها
محمد : هاي بنيتي قبلج اني ربيتها على أيدي
باستغراب
وردة : شو كل ساع وكلتوا صغيرة... شكد عمرج
وتزوجتي؟
نزلت راسها
سناء : 13 سنة
شهكت وفتحت حلگي
وردة : يااااعععععع حتى صدر ماعندج!
11 تع
كرصتني.. دنيت عنها صحت
وردة : لاتكرصيني شني غير هاي الحقيقة؟
بخجل
سناء : يعني حتى... حتى العذر الشرعي مااجاني
له اول مرة بعد اسبوع من زواجي.. بنفس الشهر
حملت
سكتت
وردة :شنهي اهلج ماعدهم خبز!؟
سناء : خواتي اربعتهن هيج عمر ابوي يزوجهن كتلج ماعرف شي جنت ألعب بالشارع وصاحولي كالوا راح تزوجين
تحسرت
سناء : كيفت عبالي بس ألبس بدلة واركص
وردة : خوش ركصتي!
هزت راسها
سناء : ماكو وجع ماركصوني عليه
وردة : طبعاً ماخذتلج واحد متزوج.. ومتزوجج علمود
يصير أب براسج... وانت مكيفلها
2 تع
سناء : اذا الأهل كالوا كلمة كلمتهم تمشي ماكوا وحدة
تكسر كلامهم حتى مشفت وجهه له بليلة العرس
باوعتله
وردة : عاد.. هم زين حلو
ضحك.... رجعت باوعتلها
وردة : أي وشلون دبرتيها؟
بدهشة
سناء : شنو؟
وردة : ليلة عرسج شلون دبرتيها؟
5 تع
عيونها فقعوا من الصدمة
سناء : تردين تعرفين؟
3 ت
وردة : اي شني تستحين؟
رفعت حواجبها
سناء : لا مااستحي..
وردة : يله احجي
سناء : ماعرفت الزواج شنو يصير بي ولا وحدة
علمتني بس وصوني اذا اجه ياخذ وجهج لاتخافين
ضربت خدي
وردة : عزااا وصخام شني ياخذ وجهج؟
رفعت حواجبها
سناء : يعني هيج يسموها قبل
لتفت عليه
وردة : شلون دبرتها؟
بتسم ونزل راسه بخجل
محمد : سوسو... سويتي يمعودة!!
وردة :يااعععع... خليت بيها سوسو!
سناء : اول مرة اشوفه من دخل عليه ومجان
هيج سمين جان ضعيف وطويل
وردة : وسويتي؟
سناء : ضميت وجهي عبالي صدوك ياخذ وجهي
وردة : وانتِ هل كدوتج نجعصتي.. إويلي عليج
عضت شفتها وضحكت بخجل ندستها
وردة : كملي... كملي..
2 ت
سناء : اي وهاي هي بعد صار الصار
وردة : اااااااع... شني صار صار احجي اريد افهم
اخذ وجهج لو اخذ شـ
سناء : يماما سودة بوجهي وجعتج؟
وردة : لا كملي
همست
سناء : من اندسج يعني اسكتي
وردة : لا مااسكت اريد اعرف
تحمحمت.. بلكوة تحجي من الخجل
سناء : لايعني تم زواجنا
وردة : بنفس الليلة؟
هزت راسها بخجل وجها صار احمر ضحكت
وردة : شلون دبرتيها يمعودة.. شلون ضحك عليج
وقنعج؟
2 تع
همست
سناء : شبيج ماما بعدين من اني وياج وحدنه
رجعت همست
وردة : تستحين منه؟
هزت راسه بخجل
وردة : بذيج ماستحيتي منه
3 تع
عضت شفتها وضحكت
وردة : ترا زعطوطة 13سنة شني اني حبوبتي الله
يرحمها جانت تكول بت بيت اذا تشم ريحة الرجال
تحبل واني مصدكة من يمر من يمي زلمة اسد خشمي
خاف اشم ريحته واحبل
3 ت
ضحك
محمد : الله يرحمها برحمته عاشت أيدها كدرت
تسوي لماسوينا
تنهدت
وردة : لحدما حاول يعتدي علية وكتها دخلت حالة
أكتأب حتى نطق فقدته.. عذبتها يله رجعت من رجعت
دخلت بحالة انهيار مرة شافتني اضرب بطني عبالي
هاي هي حبلت من تقرب وشميت ريحته...عاد هي
كعدت تشرح
لزمت راسي سحبتني الصدرها
سناء : لاتذكرين كافي... عتبري كابوس وخلصتي منه
حضنتها بقوة
وردة : حضنج حلو چن حضن حبوبتي هم هيج حنين
ضحكت
سناء : صدوك ماما؟
رحت الحضنه وامي صارت من الجهه الثاني حضنه
ثنينة.. خنست من صار يمسد على شعري بديت اغفي
بس اقاوم خاف انام وافز من هل حلم...
غفيت وحسيت تعدلت بفراش فتحت عيني ببطء حتى
اطمأن
وردة : بعدكم مارحتوا؟
محمد : يمج حبيبتي وين اروح
سناء : تعاي الحضني
حسيت لفتني بثنين اديها .. راسي على صدرها غفيت
خل مرة بأمان فزيت على
همس
سناء : محمد عوفها لاتكعد
محمد : أخذ شُمشيم من شعرها
محمد : اووووف يابويةة
سناء : حتكعود
حجيت واني مغمضه
وردة : لا محكعوود لان كاعدة
3 تع
ضحكوا... فتحت عيني نايمة بنصهم وكاعدين يباعولي
سناء : أجمل صباح بعمري يمر
محمد : أي والله جعل مانحرم منكم
كعدت افرك وجهي
وردة : عبالي افز من الحلم.. ويخلص
سناء : لا.. هذا الحلم ميخلص طمأني
حضناها.. طلع ميسر الغرفة مبتسم
ميسر : صباح الخير
:: صباح الخير
ياسر نزل يضحك
ياسر : شهل أستقبال الحلو
فتح حضنه
ياسر : تعاي
ضحكت ورحت حضنته
ياسر : اويلي.. ولكم صدك الاخت نعمة
يسار : واني وحد تعاي
فتح حضنه ضحكت ورحتله حضني
نسر : واني مالي حصه
يسار : لا عيني هاي ألنا وحدنا.
1 تع
ضحكت وبتعدت عنه
يسار : اتمنى ماتعرفها من البداية وتحجي هيج
ضحك
نسر : هم زين اعرفها
ياسر : هذا الچاي اليعدل الراس
ضحك
ميسر : هلا بولي العهد
فهمت قصده ضحكت
ياسر : مافهمت؟
ميسر : البارحة مكانكم خالي
يسار : شكو؟
اني واكفه يمه قرب وهمس بصوت مسموع
ميسر : ولكم حصرت أمي وابوي خلتهم مايعرفون
يحجون
يسار : صار؟
ميسر : تكلهم احجولي عن الليلة عرسكم
وجهم صار احمر... كاتمين ضحكتهم عض شفته
يسار : لو باقين هنا والله
ميسر : اي والله ضحكت ضحك لحد ماختنكت
تنهد رفع عينه
ميسر : بس اكو جزء كلش حزين دمر نفسيتي
ياسر : شنو؟
نزلت عيني.. تنهد
ميسر : المهم عدت على خير
دخل أمير بأيده باقة ورد أحمر
نسر : ورد جوري... للجوري
1 تع
بتسمت بخجل
وردة : ها؟
رفع الكيس
نسر : ومبايلج
قربتله مبتسمة... قدم الورد أول شي
نسر : أعتذر لأن كسرت مبايلج
شهكت وضحكت بخجل ونزلت راسي بسرعة
ياسر : ولكم شوفوا الصلافة! گالها كدامنا بكل ثقة
أيسر : لا ونوب ورد للورد
ضحكت
سناء : لا عيني هذا العاشق مستعجل
ضحكوا كلهم... وأمير بعده مركز بعيني كأنه محد
موجود غيري.
ميسر : ها شموخ... وانتي شتگولين؟
رفعت عيني بسرعة
وردة : ها؟ شنو؟
يسار : الرجال اعترف كدام الكل
عضيت شفايفي بخجل
وردة : ماعرف...
ياسر : اصحى حبيبي وردتك صارت بين اهلها
محد يتجراءة يلمسها
هز راسه
نسر : خليت الخط بالجهاز وسجلت رقمي بي
وردة :مشكور
يسار : كانوا رقمها بوجودنا؟
ميسر : شباب لاتخنكوها شبيكم
ياسر : أيسر رتح يجيبلها
نسر : لا اني كسرته واني أجيبلها
وردة : لا خابره ليجيب
ياسر : يله يمعودة شجايبلج هسه!
سكتت اجه بابا
محمد : ريحت الچاي تسهي وتصحي
سناء : يله ماما نتريك حتى نطلع من وكت
شهكت بخجل ولسا بردة فعلي تطلع... ندفعت فجأة وأيسر كعد بيناتنا
2 تع
أيسر : أگلك شو ماخذ راحتك؟ خمس زلم مو بعينك؟
2 ت
ضحك أمير وهز راسه
نسر : بعيني وعلى راسي... بس قبل لا تصير بتكم هي روحي وأعرفها قبلكم
سكتوا كلهم لحظة... التفت أمير على بابا ورفع حاجبه
نسر : صح عمي لو أني غلطان؟
ضحك وهو يشرب الچاي
محمد : لا بالله صح.
ياسر : هاااااا شوف الثقة!
يسار : لا وعوفك من الثقة... شوف شلون مثبت الموضوع.
يسار : بوية شنسوي؟ هاي أول مرة عدنا أخت
نزلت عيني على كلمة "أخت" وابتسمت بهدوء.. بس حسيت نظرة أمير تغيرت شوي.
التفتله لڪيته يباوعلي وساكت
وردة : شبيك؟
تنهد بخفة
نسر : ولا شي... بس كل ما أسمعهم يكولون أخت أحس لازم أذكركم تره أني إلي وضع ثاني
عضيت شفتي بخجل بسرعة والشباب انفجروا ضحك
ياسر : خلص فهمنااا!
ميسر : حبيبي حتى عيونك تحچي مو بس لسانك
دفنت وجهي بجفي واني أضحك بخجل... وأمير؟
ظل مبتسم كأنه أسعد إنسان بالدنيا لأنو ڪدر يحرجني مرة ثانية... وبابا مبتسم
بلكوة ڪملت ريوڪ بخجل ومارفعت عيني على امير
بعدها نهضت دخلت للغرفة وسديت الباب بدلت ملابسي
بقيت واڪفه مفابل المراية اعض أيدي بتوتر
: شلون لو طلع التحليل واني مو بتهم
كعدت بجيت شوية ندك الباب
سناء : ماما
نهضت بسرعة مسحت دموعي وعدلت نبرة صوتي
وردة : لحظة شوية واكمل
سناء : يله على راحتج
رحعت وڪفت تفحت ضفيرتي شعري صار ويفي يجنن خليت حمرة وطلعت كلهم جاهزين ومنتظريني
سناء : يله ماما
نزلت عيني سكتت طلعنا
امير بسرعة نتبه على عيوني تقرب همس
نسر : حبيبي ليش تبجي؟
رفعت عيني له شفافي رجفت
وردة : بلگي مو أهلي؟ بلگي التحليل طلع ممتطابق؟
بتسم ولزم أيدي
نسر : أني.. أني اصير امج وأبوج واختج وأخوج اكون
كل أهلج
ضحكت
نسر : أضحڪي الضحڪ يلوك العيونج
ضغط بخفة
نسر : يله..
مشيت سد الباب.. الولد صعدوا وامي هم قبل مااصعد
صحت
وردة : بعدين ذكرني
اشر على عيونه صاح من السيارة الثانية
ياسر : يله يمعووود
صعدني سد الباب رجع صعد.. تحركت السيارة وكل
مااقرب اتوتر اكثر
سندت راسي على جامة وعني ع سماء
وردة : ياربي ماعندي غيرك حباب لاتعوفني ولاتعلق روحي بشي مو ألي..
ادري همَ مبين عليهم خوش ناس بس اذا اني مو بتهم شلون؟وبيوم والليلة حتلوا حياتي
طلعت حسرة بقوة خفيفة لا ارادياً.. لتفت من لزم أيدي سناء : أسم الله على گلبج حبيبتي
غصب عني بتسمت
سناء : شبيج؟
سناء : لو طلع غير متتطابق.. يعني حساس الأم يكذب
لفت نفسها اللي
سناء : تدرين جنت لما اسوي اكل للولد اعرف منو اكل
ومنو مااكل بدون ميحجون
بتسمت
وردة : شلون؟
سناء : والله معرف بس أحس بيهم اعرف منو جوعان
منو اكل الفة ومنو حتى متعارك..
بتسمت
سناء : ميسر جان كُلش وكح ويعاند واسويله اكلات مياكلها مرة اجه كالت ماما اليوم اكلت الفة كتله لا
خليتها تحت الرحلة صفن بوجهي كال ها مو اجيت
اكولها وكعت من أيدي وخليتها
وردة : هههههه يعني صدك مهليها تحت الرحلة!
ركزت بعيوني وتنهدت
سناء : لما تصيرين أم حتحسين وتعرفين اولادج اذا
جاعوا او صارلهم شي
نزلت راسي وصوتي رجف.
وردة : هم حسيتي بية من تأذيت؟
سحبت أيدي تشمها
سناء : ربي يشهد عليه مامر يوم غبتي عن بالي ولامر
يوم مابجيت عليج..
رفعت راسها لمست شعري
سناء : والله كلها ملت من صبري ومن دموعي عليج
دمعت عينها
سناء : كالوا بسبب حزنج الله راح يعاقبج ويحرمج
من ولدج
سحبتني لحضنها أكثر... دفنت وجهي بصدرها وريحة عطرها هدت الرجفة اللي بداخلي شوي شوي.
سناء : خليني أبجي هالدموع... دموع انتصار الصبر
غمضت عيوني وحسيت لأول مرة أكو حضن ما أخاف ينسحب مني
محمد : هااا سناء لاتبجين اميرتنا
ضحكت بوسط دموعها
سناء : لا...ماابجيها ابد
ضحكوا بس التوتر بعده ياكل گلبي... بتعدت عنها
من وكفت السيارة الثانية بيها اخواني وأمير ظل
يباوعلي من الجامة، أول ما شافني متوترة غمزلي
ضحكوا تحركت السيارة
محمد : سوسو.. شفتي السوه!
سناء : جان ثكيل
ضحك باوعلي بالمراية
محمد : لج بابا شمسوية بالولد؟
بخجل
وردة : والله ماسويت شي
ضحك
سناء : مثل عمه من يحب يستخف
محمد : بهاي حقه هو الي يشوف هل وجه الحلو
يبقى ثكيل!؟
ضحڪت بخجل خف التوتر بين ما وصلنا
نزلوا الشباب أول شي... وبابا فتح الباب إلي
محمد : تعالي بابا.
گلبي يرجف وجسمي أبرد من الثلج
أجت البنية بيدها العدة وكالت بهدوء
: افتحي حلگج.
فتحت حلگي بتردد... أخذت العينة مني وبعدها من
بابا كلشي صار بدقايق
طلعنا وأنا بعدني مستوعبة الوضع
وردة : بس هيچ؟
محمد : اي باباتي.
وردة : وشكد ويطلع؟
محمد : ثمانية وأربعين ساعة
حسبت بأيدي شهكت
وردة : يومين؟!
ياسر : ليش عبالج خمس دقايق ويطلعلج تقرير وعليه ختم؟
أمير جان واڪف بعيد شوية، أول ما شافني سرحت
قرب.. همس
نسر : حبيبي.
رفعت عيني إله.
نسر : إذا ضليتي تعدين الساعات هيچ رح يتعب گلبج
قبل النتيجة.
تنهدت
وردة : خايفة.
لزم إيدي بخفة حتى محد ينتبه
نسر : أني الوحيد الما خايف.
وردة : ليش؟
ابتسم بطريقة هدتني رغم كلشي
نسر : لأن گلبي متأكد...وربحان بالاثنين
نزلت عيني على إيدينا... وشعور غريب دفى صدري
يمكن لأول مرة بحياتي...أحس أكو ناس خايفين يخسروني ڪد خوفي من أخسرتهم
بعدها طلعنا...
و دخلنا المول وأحس نفسي محاطه بحماية كل واحد شطوله وشخمه حتى خطواتهم منتظمة يمشون بخطوة وحدة
أمير كل شوية يلتفت إلية، كأنه يتأكد بعدني موجودة
وإذا شافني سرحت أو توترت، يرجع خطوة لورا بدون يحچي. يهمس بكلمة تغير مودي لو يغمز ويسوي حركة
تضيعني من الخجل
أمي وابوي
ماخلو شي ماشتروا... الي عجبني والماعجبني اخذوا
ميسر وأيسر اخذوني المحل ميك اب وصاروا هم يختارون حتى البنات اللي بالمحل بقوا مركزات بينا
ميسر يخط القلم على ايده ويخلي يم وجهي
مااكدر احجي واكول لا ياكلوني لذلك سكتت أيسر
يدور باودر
ميسر : لا هي بيضة مايحتاج خاف يأذي بشرتها
لبنية لا ارادياً رفعت حواجبها بأعجاب على ميسر
كالت
:: عادي اكو درجات توالمها ومنتجات طبية متسبب
اي تحسس
ميسر : اشوف؟
راحت تشوفه
أيسر : بلا زحمة شنو هاي الارقام؟
وردة : هاي درجات الون
ايسر : طيبة بيها نكهة كاكاو
نطاني شميتها واني اضحك
وردة : اي حتى لونها
أيسر : عجبتج؟
وردة : اي
أيسر : خليلي درزن منها بس كل قلم لون
:: اكو عدنا بوكسات خاصه اذا تحب
ايسر : طبعاً احب
البنات كيفوا يجيبون ويخلون.. يمكن ميك اب العروس
هم ماتشتري بكد ماشترولي طلعوا محملين صفنت
عليهم
وردة : هذا وين اخلي؟
أيسر : ألنا بلبيت
1 تع
ميسر : وذاك الرجال ميشوفج لاتخافين
ضحكت التفت
أيسر : احنا نكعد نڪيجها
وردة : هااا؟
ميسر : اي والله.. يله امشي
رجعنا وكل ماتصير عيني على ميك اب اضحك واتخيل
اكعد بنصهم ويلعبون بخلقتي لعب
لكينا البقية منتظرينا رحنا تغدينا واكو داخل المول مكان
العاب للاطفال وشفت حتى اكبار داخلين ويلعبون عفتهم
وركضت لزمني
قكع تذكرة ودخلت مكان كلة سبونج بقيت انطط اهلي
يباعون ويضحكون اجه ميسر دخل وياي وصوت ضحك
ترس المكان.. بعدها شالني وشمرني نرفعت اشرت للبقية
مااجه منهم غير أيسر واول مادخل اشر الميسر
شالوني واحد من ايدي ومن رجلي وماحس له نشمرت خربت ضحك
ضحكهم ترس المكان... من الضحك حتى نفسي انگطع
صاح
أيسر : ولك ميسر لا تعوفها... رجعها مرة ثانية!
ميسر : حاضر سيدي.
وشالوني مرة ثانية... هالمرة أعلى.
صرخت بخوف وضحك بنفس الوقت
وردة : لاااااا حبااااب
أيسر : هيبة شنو! تعال لا ندخلك غصب
أمير رجع خطوة
نسر : لا يمعودين
ضحكت بقوة
وردة : خايف!
رفع حاجبه
نسر : أني؟ منكم؟ مستحيل
ميسر وأيسر باوعوا لبعض بنفس اللحظة
وهنا عرفت أكو مصيبة جاية.
نسر : هااا لا... لتفكرون.
وركض!
وأني من الضحك ماگدرت حتى أوگف.
ميسر : تعال حبيبي وين!
أيسر : ارجع هنااا!
شالوه غصب وهو يضحك ويقاوم
نسر : ورد جاوبيهم! أنقذيني!
حضنت بطني من الضحك
وردة : تستاهل
نسر : خيانة!
وبثانية... انشمر يمي على السبونج
وقع قريب علية باوعلي
نسر : هيچ أحسن... صرنا بنفس المستوى.
بسرعة نهضت
وردة : عيب اهلي يباعون
ابتسم بمكر وهمس
نسر : خلي يباعون... أول مرة أشوفج تضحكين هيچ
من گلبج
رفعت عيني على أهلي...
بابا يضحك علينا، وأمي عيونها تلمع وهي تباوعلي وياسر يصور ويضحك ويسار يشجعهم
وبوسط كل هالفوضى...
حسيت داخلي هادئ بشكل غريب
كأن الطفلة اللي بداخلي...
أخيرًا لگت مكان تلعب بي بدون خوف... الطفل الداخلهم
طلع صاروا يشمرون الطوبات شوي وطلعنا نمشي بالمول
يسولفون ويضحكون..
اجه يمشي يمي
نسر : هاا يحلوة شنو كلتي ذكرني؟
التفت
وردة : اي والله ردت اسألك
نسر : كولي؟
نظرتله مباشرة
وردة : مصعب سويتله؟
رفعت اكتافي
وردة : ذكرته بعد واريد اعرف سويتله؟
نسر : ماسويتله عادي عقوبته مثل الكل
نظرتله مباشرة وجريت أسمه
وردة : أميير
نسر : اشتعلوا اهلك أمير
ضحكت
نسر : هو بس أسمي جريتي حتى گلبي
وردة : لوتي لاتغير الموضوع سالتك واني اعرف بس
اريد اسمع منك
نسر : عمي كلج؟
هزيت راسي
وردة : اي سمعني سويت؟
نسر : خايف
نسر : تكرهيني او تخافين
وردة : يستاهل شنو تسوي بي قليل
نسر : متأكدة؟
وردة : يحقلي اعرف صار؟
هز راسه
نسر : أي متحرش او مغتصب لازم هيج يتعاقب
وردة : شلون؟
رفع راسه
نسر : خليته يفقد رجولته
وكفت مكاني شوي...
مو خوف، بكد ما انصدمت من برودة نبرته.كأنه يحچي عن شي محسوم بالنسبة إله.
باوعلي بسرعة أول ما شاف ملامحي سكتت.
نسر : خفتي؟
تنهد ومسح على شعره بضيق
نسر : ورد... ذاك مو رجال حتى أخاف عليه من هيچ عقوبة
نزلت عيني أفكر... هو صح ذاك حاول يكسرني ويأذيني بس هسه من أسمع أمير يحچي بهالقسوة أحس أكو نار بداخله ما تنطفي
وردة : ارتاحيت من سويتها؟
رفعت عيني إله
نسر : لاا...
لأن نار بداخلي ماتبرد مو بس عليج حرك دمي فكرة إن واحد يشوف بنية خايفة وضعيفة ويحاول يستغلها هاي وحدها كافية تخليني أفقد أعصابي.
سكتت تقرب مني شوي
نسر : ضجتي؟
باوعتله مباشرة. هالإنسان بي شي غريب... بعصبيته يخوف، وبحنانه يطمن أكثر من الكل
ارتخت ملامحه شوي
وردة : لمفروض هذا قانون يتثبت بس للمتحرش
نسر : لا تخافي الاسود جوة مايقصرون
رجعت رفعت عيني له بتردد
وردة : وباهر سويتله؟
رفع عينه بصدمة وختفت أبتسامته ماتوقع مني أذكر اسمه...
