رواية ذاري النجوم الفصل الثامن العشرون بقلم زهراء السراي
وبما أن للنجاح ثمار تحصد
حصدنا اليوم نجاح ابني الكبير
وبتفوق ولله الحمد🎉
جزء هدية النجاح 🎉
ولك مثل مافعلت ولو بعد حين
:
:
:
:
:
:
ليل
✥━━━༺✦༻━━━✥
استيقظت بعدها مدركة أن
أحاسيسي جرفتني إليك في منامي
لكني لازلت أتمناك واقعاً
ممسكاً بطرف أصابعي
تقودني إلى مكانٍ منزوٍ
تقبلني على شفتي
وتهمس في أذني
أنا لكِ وأنتِ لي
أكرر آخر سطر بالرسالة
وعيني تروح وتجي علي وهو نايم بتعب
وجهه شاحب
أنفاسه حارة رغم إن حرارته نزلت
بس أكثر شي چان ياكل بگلبي مو مرضه
هالصورة
كل ما أدقق بملامحها
أكتشف بشاعة أكبر من قبل
مو بشكلها
بروحها
بنيتها اللي مثل السم رغم جمالها الظاهري اللي يخدع أي واحد
بقيت أدور بنفس الحلقة
بين ثقتي بهاجس
وحرگة الصورة بصدري
لحد ما صار الصبح وحدود السبعة ونص
قست حرارته طبيعية
گعدت يمه وهزيت كتفه بخفة
-هاجس
تمتم بصوت مخنوگ من النوم
-هممم
هاجس اگعد أريد أحچي وياك
فتح عيونه بتعب رمش أكثر من مرة
وبعدين ابتسملي رغم الارهاق
-صباح الخير حبيبتي ليش گاعدة من الصبح
شبيچ
-صحصح عدل رايدتك بموضوع مهم
رفع حاجبه وضحك بتعب
-ياساتر من الصبح تحقيق
گعد يتمغط ببطىء گام للحمام ورجع
بس أول ما گعد گبالي صفن بوجهي
-شبيها عيونچ حمر باچية
نزلت عيني ورديت
- سهرانة أفكر
-بشنو صاير شي
سحبت التلفون فتحته بسرعة درت
الشاشة علي ثواني استوعب هايه
روان ودفع التلفون من ايدي حتى ميشوف
و تجمدت ملامحه
ثواني بس استوعب
-روان………
گالها باستغراب صوته هادئ بس بي شرارة غضب
بديت أحچيله كل كلمة بالرسالة
كل حرف انكتب
كل إحساس قذر حاولت تبثه
كل ما أحچي ملامحه تسود أكثر
من خلصت سحب التلفون من إيدي
وفز واگف دفعة وحدة واعصابه
ثارت بثواني
اتصل بيها واتصل واتصل ماردت
دگ على عمتها ردت بصوت مرتبك بسبب اتصالة المبكر بلا سلام رد عليهة
-ألو هلا خويه
-گعديلي روااااان هسه
-شنو خوية صاير شي
-گعدييييها هسه لا تخليني أجيكم
اختفت ثواني
وهو فاتح السبيكر
إجه صوتها ناعس مبحوح
-ألو عمو
-فزززززي گعدي واحچي عدل
تبدل صوتها فوراً لخوف وارتفع مرتجف
-شنو عمو شصار
فتحي الصورة الدزيتها إلچ عالواتساب
لحظة صمت
وبعدين انفجرت
وبدت حركات العياط والصراخ والبچي
-هاااااي منين عمووو
شنووو هاي فدوة شنو هاي
باوعت لهاجس
ملامحه كلها احتقار
-منين اجت مثلا من حسابچ اجت
شهگت بصوت مرتجف
-حسابي آني
-إي حسابچ وگدامي السكرين وبعدها بثواني انحظرت
صاحت بخوف
-آني حاظرتك مستحيل عمو حسابي كله مختفي من جهازي
-وشعرفني بكلامچ صدگ
صرخت
-لچ عمممممممممممة لحگيلي عمة باوووووعي
وعمتها قوى صوتها واضح لازمة التلفون
-صخاااااام بوجهچ ولچ هاااااااااي شنو
رد هاجس بصياح
-انطيييييها التلفون فضيني
رجعت صوتها وعياطها مينفهم
-عموووو منين ويمممممتى فدوة
منين اجتك
-شنو عمو داااااااايخة بالثنتين اجت
موووووو گتلج
انخفض صوتها وشهگت بخوف
-حسابي آني
-مو گدامچ السكرين قابل مكذب
اختفى صوتها ورجعت تبچي وتحچي
-عمووووو والله حسابي مختفي من الجهاز
وروح بابا
-جااااااايكم
انخفض صوتها وبچت
-عموووو تعتقد اني
أسويها صدگت اني هيچ منحلة
-گتلچ جاي
غلق الخط وشمر التلفون عالميز
باوعلي بنظرات كلها تساؤل
قربت منه سحبت التلفون من إيده وخليته يمه
- اگعد ارتاح لاحگين على عيارتهم
ضحك ضحكة قصيرة رغم عصبيته وقرب نقر
جبينه بجبيني
- تعرفين شگلت
-همممم
- گلت هسة الغبية متصورة عندي صور ومنطيها مجال
رفعت عيني بعينه بثبات
-أعرفك ما عندك شي
بس غلطتك من تركتلها باب مفتوح للتعلق
رغم نبهتك كم مرررررة
بس هسه مو وقت عتاب
تريگ وروح شوف شنو السالفة
ظل يباوعلي ثواني كأنه مفتون بهدوئي
بعدين جرني لحضنه
-شنو هالعقل
رفعت حاجبي بدلال
ضحك وسحب راسي وباس جبيني
وبعدين طلعنا
آني للمطبخ وهو للحمام سويتله ريوگ
ماانكر شعور غثيان مرافقني بسببها
بس هو اعرفه ميسويها كتمت القهر
اللي انقهرته من شفت الصورة بصدري
مچنت اعرف هدوئي وثباتي راح يتزلزل وينهز
بعد مااسمع السمعته
خليتة تريگ وطلعلهم
ورجعت نمت مصحيت الا على ايده
تمسح على ملامحي
-حبيبتي الساعة ١٢ ونص گعدي
فتحت عيوني وجهه شاحب فزيت گاعدة
-وجهك اصفر
سند راسه على رجلي
-منتهي من الفلاونزا
-اغديك واخليلك علاج
-ياريت
خليته يغير ملابسة وياكل عندي المحلول
والابر علگته غمض عيونه بتعب دگ
تلفونه باوعله عمة روان رفضه
باوعت عالميز بصفه تلفون ثاني
-هاجس هذا تلفون منو
-تلفون روان
-شتسوي بي
گعدت بصفه وبده يسولفلي
-حسب الكلام ابن خالها اللي ضربها
ماخذ حسابها ويتراسلون قبل فترة حتى
يقنعها تروح يمهم حسب الكلام
تگول من تعاركنا اكيد اخترق حسابي
لأن هو شغله الكترونيات
-واقتنعت
-يجيچ الصافي
گالها وغطه عيونه بتعب
تلمست جبينه الحرارة مختفية
-صداع عندك
-صار عندي من گد مااحترگ دمي
نحچي ودگ التلفون عمتها مرة ثانية
-رد ترى صرعتنا
رد والصراخ گايم
-گصتتتتتتت شراااااااييييينها
الحگووووووووووني فدوووووة
سد الخط وباوعلي رفعت المحلول
وهو بملابس البيت اشرلي
-لبسي اي شي بسرعة وامشي
لبست عباية اسلامية واخذت معداتي
الطبية ويايه وطلعت وياه
وصلنا للبيت دگ الجرس طلعت العمة
وجهها احمر من البچي
-شصار
سألها هاجس بدون نفس
-اغمى عليها
دخلت تركض اني ويا مشينه
عالسرير متمددة والدم متناثر على رسغها
شويه وعالفراش
طلع هاجس من شافها بتراك البيت
واني افحص الجرح سطحي وبالجلد
عقمته وضغطت علي حيل تحركت ايدها
عرفتها واعية اشرت لعمتها
-انطيني النيدل هذا يمچ اقيس
مستوى وعيها اذا ماكو ننقلها احتمال
چبير يدخلوها عمليات يخيطون الجروح
تعمدت ابث بگلبها الخوف
جابت النيدل چكيتها بأصبعها نزت
رجعت برجلها توجعت وونت
بس مفتحت
عيونها رجعت بكل قوتي ضربتها راشدي
رمشت ضربتها الثاني
فتحت على كيف تأن شگد متلونة وكذابة صحت لهاجس
-حبيبي مبيها شي صحت
عمتها تغطي بيها
-خل يدخل يطمأن عليها غطيتها
-لا المن داخل مبيها غير العافية
باوعتلها
-تگدرين تحچين لو صعبة عليچ
هزت راسها واجاني صوت هاجس من بعيد
-ليل امشي اوصلچ وانت خويه جهزي نفسچ
جاية ام روان وخوالها اليوووووم نفتهم
شوصل البنية للأنتحار يمكن صدگ الولد
مخترق الحساب
-تعال خويه ادخل
-ماكو دااااااعي سمعي روان اذا الولد
فعلا مخترق الحساب راح تتجرجرون انت
وياه بالمراكز
بچت وعمتها تسكتها
-خلي يأدبو يمتى حسيتي بي
اختفى حسابچ
-مااعرف عمة من اتصل عمو
-يصير خيييييير
گالها هاجس واني تقربتلها
-جرحچ اساساً سطحي
لو بس غاسلة المكان بمي نظيف
مچنتي تحتاجين تخبصي لهاجس
وخطيه هو مريض اجه وكانولته بيده
عمتها وجها تلون من كلامي وطلعت ورايه
-خالة سمعي هي ماتدري
اني انخبصت وخفت
-مصار شي بس هاي ثاني مرة هيج
تزلزلون الجو بمواضيع مالها اي معنى
صراحة حتى بعرسنا عبالنا راح نلگاها
متمددة بردهة الحروق طلع حرق درجة
اولى ميستاهل هالضجة
مثل هالوضع هسسسه
خليتها ورايه وهاجس ينتظرني لمس
كفي ضغطه واحنه طالعين اول ماطلعنا
ماشيين ضحك
-قصفتيهم وارتاحيتي
-اذا اني مؤدبة مو معناها ماااحس
لو انسى
-ششفتي
-جرح سطحي اقل من العادي
-وشلون وعت
-چكچكتها بالنيدل وكفختها كم راشدي لحد مصحت
گلي هسه شراح تسوي
-راجع وافتهم ولو اني براسي موال بس نشوف
وصلني وطلع وبيده تلفونة يتصل
بمصعب عرفتهم توم وجيري راح
يجتمعون
طول ساعتين يلا رجع بس وجهه ميتفسر
وناااااار
-ها حبيبي
-بس سويلي چاي ثگيل واي شي
حلو ويا راسي راح يطگ
-تدلل عندي كيك تاكل
-تمام
خليتله صحن الكيك والچاي وسكتت
ابد محچيت شي انتظرته هو يفتح الموضوع
ابد مگال اي شي شرب الچاي واخذ تلفونها
بيده واتصل بشباب اول مرة اسمع
اسمائهم وطلع بدون كلام
فضول صابني أتصلت بأديان
-ام جووودي
-هلاااااا اجيتي والله جابچ
شصااااااير مصعب مشتعل نار
على ام بريص
-سالفة چبيرة
-اول مرة اشوفه هيچ حاقد عليها وممتعاطف
وياها
-يعني محچالچ
-لمنننننن يسولفون اني اسولفلچ
-يعني سرررر
ضحكت وتغير صوتها مقهورة
-لا والله مو سر بس حلفني
ويگلي بعدين افهمچ بسسسس والله
والله لأغسلها غسلة اخليها طريقها
متعرفه
- هيچ الموضوع چبير
-هوووووايه وانت شصاير يمچ
-هم سالفة ومقبل يحچي بس رؤوس اقلام گلي
سألته يگلي الچ الصافي
بقينة نسولف شويه وودعتها
لليل اختفى من رجع شويه وجهه أحسن
طلع التلفون من جيبه خلا عالميز واشرلي
-كوب چاي
شرب وكمل وسحبني يمه
فتح الجهاز واتصل بالنت الحساب راجع
مسترجعين الرسائل
ومسكرن الغائها لتنشيط الحساب
بشكل مؤقت
-شلون عرفت ملغي التنشيط
-وسسسسفة فريق كامل تقنيات
أمنية ميعرفوله فلسو تفلس
كل شي رجعو
-ويعني
رد عليه وملامحه نار مكتومة
شرب الچاي بصمت
انتظرت وأعرفه من يريد يحچي
هو لوحدة يحچي بلا ماالح علي
أخيراً رفع عينه إلي
- تتوقعين شنو طلعت السالفة
حسيت فضولي يحرگ اوصالي
-شنو
تنهد بحرگة
الحساب لا مخترق ولا شي
مواقع الدخول كلها من بيتهم
من جهازها
وهي مسوية إلغاء تنشيط مؤقت
حتى تبين ضحية
تجمدت ملامحي رغم شعوري كأنثى
يأكدلي هالشي
-يعني هي الدازت الصورة
- هي والرسالة كلها من عدها
نزلت كوب الچاي من إيدي بقوة
- وشفهم تريد تغريك
لو تريد تلزگها بابن خالها
مرر ايده على وجهه بانفعال
-للحظة چنت أريد أصدگ سالفة ابن خالها
بس كل الأدلة ضدها
تنفست بعمق والقهر رجعلي من جديد
-بالحالتين قليلة أدب
مو بس متربية غلط
لا مستعدة تخرب بيوت حتى تطلع نفسها ضحية
سكت وبعدين
-أكثر شي خوفني مو تصرفها
خوفتني ردة فعلچ
ابتسمت بمرارة
-انقهرت كلش انقهرت
بس ثقتي بيك أكبر من أي صورة
وأكبر من أي لعبة مريضة
قرب إيده ولمس خدي
- لو غيرچ جان هسه البيت مگلوب
ابتسمتله بخبث
-لا حبيبي سكوووتي وهدوئي اسوأ من
انفعالي
-تنگطيييين سم
گالها وضحك رغم تعبه
وسند راسه على كتفي
-والله ثائر تعب بتربيتها ودللها
بس اني بعدني براسي موال وياها
-لتتعب نفسك أكثر
خلي امها تتولى مسؤوليتها
رفع عينه إلي وابتسم
-مازعلانة حلوتهن
-زعلي عالاشياء التستاهل وهي
مثل ذبابة تفتر وتنتهي بساعات
-مطمأنة الگلب مابي غيرچ
-غصباً عليييييك
خليته ينام ويرتاح بس مثل ماهو براسه مووووال اني كذلك
منتظرة اتأكد من شي وبعدها
أعرف أتصرف اليوم البعده اثنينه
دوام
خلصت يومين الخفر مالتي وهو
رايح راجع عليه للمستشفى
وصمت تام ماكو اي كلام عن موضوع
روان
ثالث يوم بالبيت اتصالات وتلفونات
امها منگطعت لحد مگعد فتح سبيكر
وخلة النقط عالحروف وياها
-سمعي خويه اني مو متعاجز يشهد الله
سنتين ماقصرت وياها بهالگد بس شفتي
بعينچ البنية جاي تتجاوز هوووواي
خطوط حمر واني بالنهاية رحت ولا اجيت
مجرد صاحب ابوها الله يرحمه
بالنهاية هي دمكم ولحمكم
-بس وجهني
-احچيليج الصار وحكمي
بده يحچيلها اشياء حتى اني مااعرف
عنها وهي تبچي مقهورة
-حاولت بكل الطرق تعرض مشاعرها
علية ولو من بعيد وبتلميحات
تدز صور للبسها بالجامعة بحجة
هاللبس مقبول واتجاهل ردت
اثبتها يمج وانهي هووووايه
مسائل مااريد احچيها تبقى بنتچ
-ومن يمتى بدت هيچ تتصرف
-چانت ماعدها شي بس كلام
تدور اهتمام وهالشي ادري نابع من
عدم وجود ابوها بس صار ست اشهر
تصرفاتها صارت لاتطاق لذلك
اني شگد تواصلت وياچ وحاولت نحل
موضوعها بس مانفع
وهذا اخر موقف صار تخيلي
لو زوجة غير زوجتي شافت هالصورة
شراح يكون موقفها رغم ذلك راحت
وياي عالجتها
وللعلم محاولات الانتحار مجرد لجلب الاهتمام
-عمتها خبلتها عليه
-بعد مااعرف بس اريدچ تكونين
وياي على موقف واحد اني لأن بنية
ماردت اوصل الكلام لخوالها
وتصير عليها حچاية هي طايشة وبس
توعى لنفسها راح تعرف غلطها
-شسوي
-بلغيها ان الكلام وصلچ من عندي
وان ابن اخوچ عرف وبنيته يرفع دعوة
قضائية بحجة التشهير
-خاف تعرررف كذب وتعاند اكثر
-ابن اخوچ يحفظ السر
-خوش ولد وهو واگفلي بكل
شي
-اذا فهمتي يگدر يخوفها
-بس مااگله عالصور والله تنزل من عينهم
بس اگله مجرد اتهام واريدك تخوفها
-تمام شيريد ورق شي حتى
يخوفها اني حاضر
-ماااعرف شگلك اني اعتذر
عن كل شي صار
-معذورة
سد التلفون ورفعلي حاجبه
-ماسألتي شصار
-مااسأل انت شوكت متحب احچيلي
الصبر حلو اوگع على عله ونهاية الموضوع
وكلامي بوقتها راح يختلف
وفعلا ماحچينه بخصوصها
يومين والثالث اندگت الجرس
طلعت هو مو هنا
دخلت عمة روان وروان وجهها
مبين علي السخط والغضب
-عمو ويييين
گالتها بلا سلام
-وعليكم السلام
خجلت عمتها وسلمت
دخلتهم واتصلت بهاجس
نص ساعة وصار بالبيت
طلعت تاركتهم جبت الضيافة
ردت اطلع اشرلي هاجس اگعد
-المطلوب عمو گولي
-تلفوني عمو اريده
-ماكو تلفووووون
-بس اني ممسويه شي
فتح تلفونها وتلفونه وگعد بينها وبين عمتها
-التلفون ممخترق مجرد لاغية
تنشييييط الحساب
وگفت مقهورة وردت
-مو اني ليييييش متصدگني عمو
-اگعدددددددددددددي
زمخ بيها وگعدت گام صار گبالهم يمي
-سمعي خويه وانت رووووووان
اني لا مراهق ولا طفل حتى تمشي
علية هالسوالف
اذا چان قصددددد الرسالة اليه
هي والصورة فمبروك تقززت ولعبت
نفسي منچ ووگعتي من نظري
بچت وشهگت وعمتها طبطبت عليها
-على بختك خوووويه هاي بنت العزيز
ربت گدام عيييينك
-استريحي خووووووويه وخليني اتفاهم
وييياها
اييييي نرجع لموضوعنا
أما اذا چان المقصووووود
ابن خالچ فالموضوع صااااااااار
يمه
فهت بوجهه ووگفت
-شنو صار يم ابن خالي
-الاتهام بالتهكير ودزولي اوراق
الدعوى عليچ اقل حكم بالتشهير ٦ أشهر
-يممممممممه
لطمت العمة خدها
- خووووويه فدوة صدگ انطيت
بيها گدامهم
-هذا واقع ليش اتلبس بشي مو غلطي
من دازتلي صورة اقل مايقال عنها
عااااارية شراح يكون موقفي من يشوفوها
واتلبس بأشياء ماارغبها اقلها وأسهلها
يگولون عندك علاقة بيها صححححح لو لا
-على بختك خويه
والتالي
-التالي يمكم انت روان امچ تگول بس خل تجي
يمي واني أقنع ابن خالها يلغي الدعوى
-ماااااااا اروووح يمها
-واني رافع ايدي عنچ عمو
لأن دخلتيني بمتاهات اني بغنى عنها
ومصعب تعرفين سالفته
غطت وجهها بعد هالكلمة وبچت
-اني ممتقصدة اللي صار
وحتى عمو مصعب…………
زمخ بصوت
-ياااااعمو روان ياعمو بتصررررفاتچ
هااااااايه مصعب چان عائلته تشتت
تعررررفين بس هو عندة اثباتاته
وتجاوز الموضوع لخاطر ابوچ
بس من وصلتي هالمرحلة معناها حتى
ثائر الله يرحمه ماراح يقبلنا بالأذية
سكتت وهو صاح
-شتگوووولين يقبلها ابوچ يقبل تصرفاتچ
مرة واثنين وثلاثة وخمسة
اني ومصعب مو زمايل ولا اغبياء نلگف
كيد النسوان وسوالفهن لو تطييير وحاوووولنا
ننتغاضى لحد منأمنچ يم امچ وخوالچ
بسسسسس مافاد
بألتحاقي الاخير ذاب لساني من الكلام
وباليوم ساعة ساعتين ابينلچ من بعيد
لبعيد انچ صغيرة وباوعي للي بعمرچ
وگفت منتفضة
-بسسسسس اني مگتلك شييييييييي
-اگعدددددددددددددي وصوتچ نصي
اشاراتچ وكلامچ عن صديقتچ
اللي معجبة بوووواحد
كبير بالعمر متزوج عمو شتسوي صديييقتي
تررررررى اعرف القصد وبينتلچ باحترام
ومصعببببببببب رادچ نفس الرد
وگالچ بابا غلط رغم المشاكل الصارت
بسبب موضوع اتصالچ بيه لأوقات طويلة
ومتأخرة بس ليل واعية فاهمة
وتجاوزت هالاشياء بعقل
وجهها احتقن واشرت عليه تبچي
وتعيط
-هييييييييي هايه من دخلت حياااااتنا
خلتك هيچ تسوووووووي بيه
هاااااااااايه المتكبررررررة ال…………
قبل لتكمل وگف هاجس رفع ايده
سحبته اني وهو صاح
-رووووووووان خليني محترمچ
-ههه اي احترام وانت تهيني گدامها
باوعتلها ورديت
-أسمعي انتِ روان وانتِ عمتها هم أسمعي
قلة الأدب والأحترام مااستقبلها ببيتي
تجاوزت ولازلت أتجاوز وأتغاضى لخاطر
هااااااجس مو اكثر فرجاءاً بعد مووووضوعچ
مينتهي رررررغم كثرة سوالفچ ومواضيعچ
بيتي يتعذر قلة ادبچ
رادت ترد سحبتها عمتها وهي دفعت ايدها
-تسمممممممع عموووو تسمع كلامها
رفع اكتافه هاجس بمعنى بكيفها
-تحترمين نفسچ بالكلام ويايه تمام
حدودچ ويايه لهنا وتنتهي خلصي وطلعي بره
وگفت عمتها ضايجة
-خويه هاي التالية ننهان ببيتك
-انت معززة مكرمة وحتى روان بس
لكل شي حدود وهي تجاوزت
كل الخطوط والحدود
طلعت تاركتهم وهو اسمع صوته
-باوعي خوية مع احترامي الچ بس
اني اشك كل تصرفاتها بعلمچ
تلعثمت وردت احقر رد ممكن أسمعة
-لا يشهد الله تصرفاتها الرعنة مقابلة
عليها بس مااكذب تمنيتها الك لو لمصعب
حتى تسترون على بنية صديقكم
بعد ماتحملت دفعت باب الصالة
-تفضلو بررررررررررره هالتصرفات
يسموووونها قووواااااادة بررررره
فتحت عيونها وصاحت
-تسمع خووووويه
اشرلي هاجس طلعت وهي تعاتبه
-اني مو قصدي شي بس …………
-قصدچ خووويه قصدچ ونص
يعني قابلة عليها تتصرف هيچ
-اسمع الله شاهد گلت حتى لو بس واحد
منكم يتزوجها لأنكم زلم
اصحاب وگفات معدلين واني گلت لأم
يُمنى اتمناها لواحد من الولد بس موقصدي
تخرب بيوووووتكم
بچت روان وعله صوتها
-انت علقتني بيك
-اني علقتچ بيه ونفس الكلام گايلته لمصعب المهممممممم اني بررررررريء من مخططاتچ
وانت خووووويه ام يمنى شنو دخلها
-مامتدخلة المرة بس گالت مرة ماتاكل
مرة اني ماعرضتها عليك بس وضحتلك
كلامي
متحملت دخلت هاجس مگدر يرجعني
باوعتلها وقررت اتجاوز كل الخطوط
-انتم رخييييصات
-مااسمحلچ
-وحتى لو مسمحتي شنوووو انتِ ومنوووو
گليلي بالله اللي دايرة ببنت اخوها تعلمها
طرق النساء الملتوية وتدربها شلون
تغوي رجال متزوجين شتكون رخيييييصة اكيد
- حشيمة لهاجس ماراح ارد عالغلط
وكثر خيرك خويه اني ماشمرتها عليك
هاي تاليتها تگول رخيصات من الزينات
من اخوي واني مأمنين بيكم ونريدكم
تحاوطونها وهي يتيمة وحيدة
رد هاجس
-گتلچ روان وارجع اگولها اني وياچ
بكل شي مادة دراسة حماية بس
نبهتچ بدوووون مااجرحچ ومافاد
مرة واثنين وثلاثة عمووووووو
الا حياتي الشخصية عالعموم
خوووويه الموضوع بيدكم شاهد الله
ماقصرت بهالسنتين ووگفت اني
ومصعب لكل شي بس شفتي
بعينچ الصور الاجتني والكلام
وشفتي بعينچ الرايح لمصعب
مافهمت شصاير لمصعب بس واضح
شي اعمق من شغلة صورتها لهاجس
رجعت تبچي وأشرت عليه
-الله ليوفقچ انتِ اللي تنافقين
لعمو بسوالف اني ممسويتها
ودااااائما كارهتني
-اذا كملتي تفضلي بره
شالت جنطتها والعمة باوعت لهاجس
-ماقصرت هي هاي المروة
-يخسى اليگول غيرها وگفت وحاولت
بس تصرفاتها تحولت لخراااااااب
التفتت عاطت روان
-أمششششي عمة هاي وصية بابا
الهم فرررروها عليه
ارتاح عمو راجعة لأمي بفضل تخليكم
عني وان شاءالله متتقاطع طرقنا بعد
مشت مني وهمستلي
-الله ليريحچ
طلعو بوحدهم وهو سحبله جگارة
يشرب بيها تركته بالصالة وطلعت اغسل
احس وجهي ناااااار من الغضب
نص ساعة يتصل
واني اسوي شي حلو ناكله حضني
ساند فكه على كتفي
-زعلت حلوتهن
-وقحااااااات ببيتي وتدور زواجات
لبنت اخوها المنحلة
-اتصلت امها بيه هسه
گالت روان خابرتني تبچي
وگالت تعالي اخذيني
ابن اخوها مخابرها مخوفها البارحة
-وهسه
-ماكو هسه انتهت تروح لأمها واني
ومصعب راح نوصلها ويتعهدلنه خالها
بالحفاظ عليها
بعدت ادي عني والتفتت صرنا وجه بوجه
صفن بوجهي مستغرب رجع حاوط وجهي
بكفوفه
-شبيچ ليل
نزلت ايدي ورديت اوضحله
-هذا اللي گلته من بداية اول تصررررف
الها استهانتك بكلامي ادت لجيتها لبيتي
تهيني ووتصيدك هي وعمتها وبكل وقاحة تگول
من دخلت حياتنا هايه انت تغيرت عليه
تقصدددددني الي بهايه وحياتنا جامعة
نفسها وياك
مشيت تاركته ورايه وهو ركضلي
-دقيقة هسة انتِ زعلانة
-لا كلمة زعلانة قليلة بوقت اللي
اتصل بيك وهي تتصل باليوم ساعة وساعتين
طلعت تتغزل بيك بشكل مبطن وتحاول
تميلك ناحيتها لييييش مگلتلي
-اگلچ وازعلچ مثل هسه
-لا تگلي لأن اني جاي اشاركك كل شي
هاي النتيجة تجاوزت كل الخطوط الحممممممر
وتريد تغيضني اسمع هاجس ادبي وياها
سابقاً لخاطرك انت ولخاطر صديقك الشهيد
اللي للأسف ممربي بنته ولو نص يوم
بس انت چنت مستمتع بالغزل ………
خلة ايدة مكمم شفافي يسكتني
-اشششششششش لتگولين شي يخلينا
نختلف
دفعت ايده
-برررلي سكوووووتك عنها
-ردت اردها گلت بأدب لحد متقبل ترجع لأمها
لأن عرفت تروح تسوي تصرف طايش تورطني
لهيتها ذيچ الفترة …………
-وتغيضني بيييييها تعررررف بسوووووالفها
وماخذها للنجف وكربلاء تبات بالفنادق
تعرررررف بسوالفها وتتركني بزفتي وتركضلها
وجهة تغير وسحبني گعدني عالكراسي يم
الميز گعد گبالي
-شايلة بگلبچ وساكتة
-عاتبتك مرتين وبررتلي سكتت مووو لأن خايفة ولا مقتنعة بس چنت انتظر نهاية هالمهزلة
مسح وجها بأنزعاج من كلمتي ورجع
-غلطان ادري بس اتصلي بأديان وسمعي
الصار اثنينه اني ومصعب ردنا نخليها بمسؤولية امها وخوالها قبل لتسويلنا كارثة
-اكثثثثر من كلامها اكثر من خلاعتها
-گتلچ اتصلي بمرة مصعب
-مصعب ميعنيني وزوجته تتصرف باللي
يناسب حياتها هي
-اتصلي شوفي الصاير ونتفاهم
تركتة ورايه وطلعت للغرفة اتصلت بأديان
فتحت الخط كالعادة
-متذكرتني الحلووووة اليووووم
-شلونچ ام جودي
-الحمد لله انت شلونچ
-أديان مدام انحل موضوع روان احچيلي
الصار المريت بي اني مينحچي
ذبت حسرة وكملت
-شحچيلچ قبل فترة گاعدين ومصعب يتصفح
بتلفونه ومگابلني شو على فجأة فز واگف
باوعتله مستغربة
-شبيك
-مابيه
طلع وتركني رايح للصالة لحگته بلا كلام
سحبت تلفونه وهو بطبعه حتى رمز ممخلي
-شبيچ شهالتصرف
-مصعب احچيلي شبيك انت
مسح وجها منزعج
-اشوفچ بس لتطلعين خبالاتچ عليه
لحد ماافهم شكو
-شكووووو غير افتهم
-هااااااا شگلت
-يلا هاي سكتت شكو
فتح التلفون وأباوعلچ روان ……
قاطعتها
-اكيد بفستان حرير اسود وفتحته واصلة لنص فخذها
-شمدرررررريچ
-نفس الصورة الدزتها لهاجس
-يااااااصورة فيديو تغني شيل عيونك
عني العااااارة السگط
-وشصار
-شصار ستوري كلوز مدري شيسمو هاي الميزة الجديدة النازلة على انستغرام تطلع دائرة
خضرة حوالين الستوري
وصوووور بملابس بيت مخازي والفيديو تتمايل بي
وكاتبة عالستوريات
صديقاتي الغبيات هذا التحدي اكتمل اشوف
تحدياتچن
-يعني بالغلط
-ياغلط دسمعي بنفس اللحظة ردت اكسر
التلفون هو رفض سوه تسجيل للشاشة فيديو
وحفظه ولبس ملابسه وطلع عيونه بالحق
وره ساعتين رجع لگاني مشتعلة نار
-وشصاااار
-يگول رحت وقت شغل عمتها بالعيادة
فتحتلي الباب بعد مااتصلت بيها
گلتلها جايج بموضوع مهم وگعدت
اول مگعدت هي تلفونها عالميز گبالي
-عمو جيبيلي مي
راحت تجيب مي ورجعت لگتني التلفون
بيدي خلت المي عالميز ووجهه انخطف
-فتحي التلفون
-شتسوي بي عمو
-فتحي عمو فتحي وخليني ساكت
ومحترم يلا حبابة فتحي
سحبته من ايده ورفعت صوتها
-شنووو عمو تلفوني وخصوصياتي
مااشوفلچ بس سحبتها من كتفها وضربها راشدي
-شنوووو شفتيها ويييين
-غير مصعب مثبت التلفون وسجل فيديو كامل
للصار
-والله بطل مصعب
-غصبا علي
ضحكت وكملت
-هووو ضربها وهي انجنت
-لييييييش تضربني
-تفتحين التلفون لا اطيح حظظظظظچ يلا
-ماااااافتحه
-لتفتحينه خل نتصل بهاجس يجي
يشوف شصاير افضل الظاهر انت متمشين بالعيني
وأغاتي
هي شافته هيچ وهي تخبلت گامت تلطم
على وجهه لزمهه من وجهه
-بطليييييهن حبابة وفتحي لا هسه اسوي
سووووايه اخليچ تندمين يييييييييلا
گتلچ
بچت وتتوسل
-عمو شمسوووووويه شبييييك ويايه
-بلا لغوة فتحي الجهاز رووووووان
-مااااا افتح جهازي
تقربلها وگعدها بقوة عالقنفة
-فتحي لا والله اموتچ بمكانچ فتحي ادبسسسسز
فتحته وسلمته بيده وهو گعد ينحبش وهي رجعت
وكفت تحوم واگفة فوگ راسه تمسح بوجهها وتبچي
لحد مافر الجهاز عليها والصدمة
-شنوووو شمسوية عمووووووو شكوووووو
-تدررررين شمسويه
-شمسويه المدام
-مخصصة الستوري بس اله لا صديقات
ولا نعل
-وهو شنو ردة فعله
-سكرن كل شي ودز لنفسه وحذف المحادثة
من يمها حتى
متحذف الصورة حذف الستوري وخله الجهاز بيدها
ورزلها
-ولچ وووووسفة ثااااااائر ابوچ
شترررررردين روووووان شنو التردينه
تلميحات واگول بالغلط هاااااااااي شنووووو
هالصوووور العريانة شنووو
هالرگص والاغاني شنووووووو
- تحدددي بيني وبين
صديقاتي البنات بس بنااااات احنه
-والگوووو***ة هاي تسمينها تحدييييييي
-لتتتجاوز عمووووو
گتلك تحدددددددي بيني وبين صديقاتي مووووو الك
انت شلون تفكر بيه هيچ عموووووو
-مخصصص اليه بنت القندررررررة
مخصصته اليه اني وييييين الغلط بالموضوع
هسه لو صديقاتچ موجودات بالستووووري
چان صدگت بس اني موجود ومخصصتها اليه
شعبالچ الزعطووووطة راح انبببهر بيچ واخرب
بييييتي شعبالچ فهميني
-لتسووووي الموووضوع عليه موووو الك
ليش متصدگني عموووووو غلطت بالتحديد
المفروض استثنيك صار النشر بس الك
-شووووفي لچ هالگرعة مااجت من فرااااغ لا والله اجت من تجارب وبرابيگ وگح****ب
هووووواي مرن عليه بالشغل والسجن
والقضايا اعرف العرمة الصلفة من نظرتها وانت هيچ تغيرت نظرتچ
-انيييييي هيچ تغلط عليه شتگوووول لبابا وانت ظالمني
-اگلة ثائر امانتك ثگيلة وبنتك صخمت
وجهك وماراعت حق شهادتك
-انتممممممم اللي ماراعيتو حق بابا
بيه وگمتو تأذوني وتكرهوني بلا سببب
-اكلي تببببببن بس هييييين كل وقت اله أذانه ومصير الصدگ يبين
وموووووضوعچ انتهى يمي رووووان
ماباقيلچ يمي بس حق الخوة لثائر
-انتم زوجاتكم تكرهني وكرهوكم بيه
-اييييييي اميرة ديانا والكل يكرهچ
راااااجعي نفسچ رووووووان راجعي
افعالچ صايرة مخااااااااااازي
رفع التلفون وطلع وهي تبچي وتبرر
بالسيارة صعد وفر الكاميرا علي
-أديان حظچ اطيحه اذا گلتي كلمة الاثبات
يمچ ياغبرة شفتييييييي بعينچ
الله ياخذ عمررررري على هالتعب
لامنچ مرتاح ولا من غيرچ
سد الفيديو واجاني وهاي حچيتلچ
من صارت مشكلة هاجس اللي مااعرفها
-اني احچيلچ
حچيتلها الصار كله شهگت
-تلعب عالحبيلن وگتلچ عمتها گو**ة
لوووووو لا وانت فاهية تگولين مستحيل
عمتها تسويها
- طلعتي احسن مني وعرفتيهم على
حقيقتهم بس أديان مغثوووثة لأن طول ذيچ الفترة
هي تلمح وهو حاس
-ترررى حتى العندي حاس بس ممصدگ
يگول ماعقلتها گلت مستحيل
اسمعيني ماكو وحدة مخبلة بگدي بس
حسيت اسد الموضوع أحسن مدام ولت لأمها
-معقول
-اييييي والله اشتعل نااااار سودة
عليه مقهور من تصرفاتها واني انگ والح
مااخسر زوجي لخاطر هالادبسززززز العرمة
وانت هم على كيفچ ويا هاجس
-الله كريم
ودعتها وگعدت افكر ظروف اديان
تختلف عن ظروفي من حقها تحل أمورها
مثل مااني من حقي اللي راح أسوي
طلعت هو بالهول مخلي باكيت جگاير گباله
ويدخن رفع راسه
-فهمتي من اديان
-لا
تركتة مشيت للمطبخ
اجع ورايه ومن صوت خطواته واضح عصبي
-شنو اللي مافهمتي
-معلية بأديان ومصعب ولا الي علاقة
بكيفية حلهم لأمور حياتهم
اني عليه بيك أنت
من تركتني لأشهر التحاقك بأيام خطوبتنا
على ظن انك ماعندك اتصال بس واقعاً چنت
تتصل بيها لساعات طويلة رغم تعرف نواياها
-شگلج كلامي وياها وتفاديي لمواضيعها
جاي من احساسي بالذنب
استغربت كلامه وكمل
-ثائر من شافني دفعت وطن ماخليته
يدخل گدامي يفتش البيت
ضحك گال انت تمنع اخوك
الصغير واني أمنع أخوي
الصغير دفعني يتشاقه مايدري
ان هم مفخخين جثة حيوان داخل الغرفة
دفعني والتفت ضاحك وصار اللي صار
استشهد وشال الجزء الاكبر من الاصابة
يگول نوح ان جابو مقطع وصل بالتابوت
لامي بكيس بلاستك
ذبلت ملامحي من سمعت صوته الحزين على
صديقه
گعد تعبان عالكرسي وبيده جگارته
-يابه والله ادري غلطان اني مو ملاك
بس وگف بعيني هو تگولين مامربيها والله
تعب بيها تعب من هي طفلة بس اغلب
وقتة دوام وهي يم عمتها خرابها من عمتها
وماانكر حسيت بيها بس ردت ارسيها ببر
أمان يم امها واقطع كل صلة بيها
من يكونون خوالها مسؤولين عنها بعد
-غضتني بيها وهي چانت مستمتعة ونظراتها
تگول ان هي مسيطرة
-حقچ
سكت هو واني سكتت لحد ثاني يوم
طلع لدوامه ورجع الظهر بدل ملابسه
حتى مااكل اتصل بي مصعب
وراح ابد محاچاني ولا اني حاچيته
بقى للمغرب يلا رجع اني اسوي حلو بالمطبخ
دگ تلفوني وهو نص ساعة يتصل وما أرد
دخل واني بعدني متوترة من الصار
بس أصابعي ترجف تقرب
حضني من ظهري وسند فكة على كتفي
صوته هادئ يستفز ثورتي
- مانسيتي
نفضت إيده عني والتفتت علي
عيوني تجدح غضب
- شنسى وقحااااااات دخلن لبيتي
وحدة تدور زواجات لبنت أخوها المنحلة
والثانية واگفة تتباكى وتگول أنت تغيرت علينا من دخلت هي لحياتك
هاجس بيا عين تسمحلهن يتجاوزن حدود البيت وصاحبة البيت
بيا حق روان تحسب نفسها قريبة منك
وأني الغريبة
-يااااااابه والله چانت عندي غاية للسكوت لحد
ماارجعها لأهلها چنت ادري بس أحاول الم الموضوع بستر لأن عرض صديقي
-الستر للي تغلط مو للي تتعهر هنا وهنا
وتتقصد تخرب بيوت هاجس أنت انطيتها مجال تتمادى وسمحتلها تلمس خصوصيتنا
-يااااابه وكلام الله وعييييونچ اصدها ومامنطيها مجال ليش تظنين اني متقبل كلامها وتصرفها
-ليش متگول غزلها چان عاجبك تتمايل گدامك وتتغزل بيييك وتدغدغ رجولتك بسووووالف الكييييد
كمم شفافي مسكتني مرة ثانية
-اسكتيييييييييييي اشششش كافي صياح
سكتت وهو تركني وطلع
رجع متأخر بحدود ١١ اسمع صوت
سيارته اني المع بتحفيات الهول
حاوط اكتافي وخله باقة الورد البرتقالي
گدامي
-مارضت ظلاااااام الليل
اخذت الباقة وطلعت للمطبخ خليت
الورد بمزهرية ومي وهو يمي رفع راسي
باسني بخبث وجعني
-كافي سمعيني
سحبني ويا گعدنا سألته بلا اهتمام
-شصار
-أمناها يم أمها وحتى عمتها راحت وياها
وراح يأجرن البيت يستفادن منه
-وكل يوم عموووو تخربطت
عمو احساسي مجروح تعالي
عمووووووو هبط ضغطي الحقني
سوف اموت
مد ايده طلع تلفونه بقائمة الحظر
وفوگ الحظر حاذف خطها وخط
عمتها
-سويت الگتلچ علي الخيانة مو ثوبي
لو اريد هي گدامي من زمان شنو
حلت بعيني هسه
باوعتله صفح سحب وجهي لوجهه گز على أسنانه
-افگسهن على هالنظرة
ارضي لچ
ضرب جبينه بجبيني وشالني
اني والورد وهمس
-تعاي خل نصنع طفل
-هههههههههههههه هيچ سهلة
نزلت من بين ادي اخذته
للمطبخ جهزت العشا وهو يسولف
-مامتوقع ردة فعل عمتها للأسف
-ليش شصار
-طلعت ورانه للباب لزمتني اني ومصعب
چان تگول انتم لعبتو براسها وهي مراهقة
وتفترون حواليها تعلقت بيكم
-هذا المتوقع بس شنسوي للعناد
بسسسس وين المراهقة بنية
داخلة جامعة بعد شنووو هالعيارة
-ماراح تنسين
-ابدددددد
-صدگ والله
-حقي
سكت وهو يباوعلي يقرأ ملامحي تعبان
وعيونة غايرة بنگرة حسيت بقلق على وضعه
تقربت مديت ايدي لجبينه
-مصخن هاجس
-صدري موتني گوة أتنفس
-هاجس أنت متنگ وتدگ جگاير
-شفتي بعينچ الصار وفوگها الحلو زعلان
سحبني لحضنه ووگف
-مااريد اكل اريد انام
لميت كل شي ورحت انطيته علاج
ولمني بحضنه وغط بالنوم ساعة
وتركته أدرس على الحاسبة
وبعز انشغالي دگ تلفوني أتصال
بحدود الوحدة بالليل رقم غريب
رديت عبالي من المستشفى
فتحت الخط وأجاني صوت روان
قبل لا ارد بدت بالأنفجار بكلام اقل
مايقال عنة مخزي
-ارررررتاحت الدودة هسسسه موووووو
ارتاحيتي من زحتيني من طرررريقچ
بسسسسسس حقچ خايفة انتِ وذيچ
الزرگة أديان تحسن بالتهديد
اصغر منچن ومليانة حيييياة ومالية
فراغ حياتهم انيييييي لذلك زحتني
من الطررررريق العجوووووز لو بيچ
خير سوووووي طفل مو صاااايرة علچ
ببيت عيالچ وبلسان هاجس
عاااانس وبعدين عاااااقر
لو بيچ ذرة أنوثة أو خير
چان سويتي طفل يملي علي
حياتة بدل ما صايرة بومة
تراقبين ضالة دگ دراسة
وشهادات ترى الشهادة تستر العقول
متروي الروح اليابسة وخلي الطب ينفعچ
ومووووووتي بغيضچ تلگي كل يوم
يتمتع بصورتي
بحجة اشوف الحساب منو هكره
وهاااااااا صدگ من
چنتي تتصلين يگلي اهوووو
دگت ليل ويكمل ويايه ويدرررري
احبه ويغشم نفسه مستمتع بغزلي المبطن
اله ومنتهي ومستسلم لكلامي
بس شنسووووي
للنصيب الاغبر الجابچ لطريقنا
مدري شحب بيچ المعظمة المعصلگة
انت وذيچ سبب خراب حياتي وان شاء
الله متشوفن راحة ياعجايز
خليتها كملت كلامها ورديت
-كملتي
-لا اكو هوووايه كلام بس متستحقين
اتعب نفسي وياچ
-تمام حبيبتي روحي نامي وتغطي
زين بلحافچ وتدفي واني وين ارووووح……
-لجهنم
-ههههههههه لا حبيبتي شوووفي رغم رخصچ
ومحاولاتچ محصلتي غير الأهانة من الاثنين
سواء من مصعب ولا هاجس
انتِ او عمتچ عبارة عن رخيصات واي
شي رخيص الاكسباير ديت مالته ينتهي بسرعة
وهذا الصار عالعموم انت روحي لملمي كرامتچ
المتبعثرة واني اروح بحضن هاجس
اللي اختارني بگلبه وعقله بلا الاعيب
ولا مكر حبيبي وزوجي اللي اختارني
واللي يميز كلش زين بين الجواهر والعواهر
سديت الخط وحظرتها بس كلامها الحقير
لامس مشاعري واذاني مااعرف ليش بچيت
اعرف بثت كلامها مثل السم حتى تجرحني
تركت الدراسة ورحت گعدته من النوم
-هاجس
-همممم
-اگعد
فز مستغرب وگعد
-شبيچ حبيبتي
-ضايجة
گعد استقر گاعد عالسرير وگومني
من الگاع گعدني بصفه
-من الدراسة
-من كل شي
بين القلق على ملامحه ومسح على
خدي وابهامه مسح عيوني
-باچية
ابتسمت اخفي حسرتي
-لا
حضني وبلا شعور انفجرت
وهو يمسح بهدوء على كتفي
-احچي منو مضوجچ
-ليش مصار حمل لحد الان
-على هااايه يصير لتخافين
-احس تأخرت
-ليل شكو
ابتعد خله عينه بعيني
-احچي ليل
حچيتله كلام روان وهو وگف تاركني جاب تلفونه
بلا اي تردد اتصل بأمها ثواني ورفعت التلفون
مبينة نايمة وفازة بخوف
-هلا خويه صاير شي
-ام روان تگعدين روان احچي وياها
-صاير شي
-گعديها خويه وفتحي السبيكر وسمعي
دقايق وصوتها واضح
-روان گعدي
-شنو ماما
-گعدي عمچ هاجس يريد يحچي
وياچ
ثواني واجه صوتها بس لهجتها متغيرة
-نعم
-انعم الله عليچ شنو اكلان التبن المسويته حضرتچ
-شكتني يمك الحية
-ليش شتعتقدين راح اسكت
-أعلى مابخيلكم اركبو
-تمام تجهزي لباچر شكوى جايتچ من عدها
بما ان المكالمة مسجلة
غلق الأتصال بدون رد ثواني ودگت امها
وصوت بچيها واضح
-فدوة اروحلك شصار
-تجاوزت كل الخطوط روان ودبارها يمممممي
اذا مااعتذرت هسه
-تعتذر هسه مدام غلطانة
انغلق الخط وره ربع ساعة اتصلت
امها
-هاي تعتذر
اجه صوتها مخنوگ من البچي
-آني آسفة عمو غلطت بحقك
-اعتذارچ لمرتي مو الي
-آني آسفة ليل
-وتنعاد بعدددددددد
-لا عمو متنعاد وروح بابا
غلق الاتصال واخذني تحت جناحه
-هاي هي انتهت كافي تاكلين بنفسچ
من القهر
باس راسي معتذر
-نطلع نفتر بالسيارة
-لا
-شيريد الحبببب
گزكز عاضني من كتفي
-شتردين حاضر على هالرگبة
-دللني هاملني هالأيام
-شتردين اشلعلج عيوني
-مو طيبات اريد حلويات
دارني علي يأشرلي على نفسه
-كل هالحلويات اليمچ وتردين
حلويات
بست خده واشرتله عالغرفة
لعبلي حواجبه
-ها علييييهم
-بطل سوء ظن وامشي بدل ملابسك
وامشينه نطلع غيرت رأيي
-تنگطين سممممممم
ضحكت واني اسحبه
غيرنا ملابسنا طالعين واني
مرتاحة انتهى فصل غامض وغريب
من حياتي برجوع روان لأمها وخلاصي
من الاشياء والمواقف اللي چانت تخلينة
بيها بسبب عطشها للأهتمام وجذب
النظر
نفتر بالطريق والجو حلو مناطق فارغة
وهدوء لگينه محل معجنات مفتوح
اشترى حلويات ورجعلي
-جبت الحلو يلا شنو مكافئتي
شلت قطعة كنافة خليتها بحلگه
-اكل كنافة واسكت
طلع بالطريق وهو يسب بيه
رجعنا ويا الفجر للبيت رغم هو
تعبان من الفلاونزا اللي متركته ابد
هالايام
اتصل بدوامه وبقى بالبيت
بنص النهار واني أشتغل بالغدة
اجه نوح طلعو بالحديقة يسولفون
صوتهم مينسمع نص ساعة بس ورجعوا
بس نوح ما چان هو نفسه وجهه انگلب ملامحه
ذابلة وفات من يمي مثل طيف ثكيل
لا حچه ولا نطق عكس عادته من يدخل طلع
هو وهاجس گعد يمي بالمطبخ
وصمته چان يخوف أكثر من الحجي
سألته وگلبي ممرتاح
- هاجس شبي نوح وجهه مطفي
ومر من يمي وجهه ميتفسر
حتى سلام ماسلم
باوعت لهاجس شفت وجهه مخطوف
والدم كأنه غادر من عروگه
رد عليه بصوت مخنوگ
-نوح مريض ومحد يدري
بذيج اللحظة بلعت ريقي بصعوبة
الخوف والرجفة بصوت هاجس سرت بجسمي مثل تيار بارد
- شبي
مارد صافن وتايه
-شبي فدوووووة خوفتني
عيونه تاهت ضاعت بمدى بعيد وكأنه يباوع لمصيبة
قادمة تزلزل حياتنا
رد بصوت يرجف صوته كأنه طالع
من بير عميق ماله قرار
-ورم ورم صاير بكليته ……………
