رواية ليتني واجهتك الجزء الثاني الفصل الأول
ام سدره
مر ثلاث ايام على طلاق سدره من علي وحالتها تعبت بعد ماخذو ويلادها جانت ماتقبل تاكل وتشرب بل كوه وحابسه روحها بل الغرفه
كعدت الصبح وطلعت اشوف بنتي شلونها دكيت الباب ودخلت لكيت فراشها عدل
وهي ماكو استغربت
ابو سدره كام يتصل ب صهيب واماني ويكولون مو عدنا مانعرف اتصلنا بعمر وعمر جاي يركض
عمر؛: شكو وين سدره
ابو سدره؛: اختك ماكو اختفت
ام سدره؛طلعت الصبح عليها مالكيتها بل غرفه ولكيت هذا الكيس
عمر
بعدما سقطو الدعوه بيت عمتي اشويه يريد شغل حتى يطلع مختار اخويا من السجن لان باقي الحق العام
كاعد اشتغل ب مكتبي اتصلت عليه امي وبلغتني سدره ماكو سحبت سويج السياره وطلعت كبل لبيت دخلت لكيت ابويا واكع على القنفه وامي تبجي
يوم المحكمه من شفتها تبجي حركت بكلبي بس ما ب يدي شي بعد طلكتها طلعت وماريد اشوف منظرها واتعذب بل زايد وصلت ب مكان اشوفها وهي ماتشوفني وعبدالله واخويا يحجون معايا
عبدالله؛امشي علي شبيك
علي؛: روحو انتو
محمد؛؛ امشي علي الي صار جان بي خير الك
علي؛: الي صار جان ابد مابي اي خيردمرنا ودمر حياتنا
محمد؛: اتوكل بالله ويلادك روح جيبهم اني راح اروح على دوام
علي؛؛ ماكدر هسا حسين شنو راح يصير بي
عبدالله؛؛ انت نسيت ابوك شنو كال مايسقط الدعوه اذا مايشوف ويلادك كدامو
هزيت براسي ومشينا وصلنا اخويا حمودي لدوامو وكفنا بمكان ارتاحينا بين مايصلون لبيت همه
بعدها رحنا لبيت خالي اني مادخل بيتهم كلت لعبدالله هو يروح يجيبهم راح عبدالله نزل جاب ماري وهي تبجي من شافتني سكتت بس حسوني شنو الي يسكتو
الطريق كلو يبجي بس ردت اصل لبيت
وصلت البيت امي شافت حسوني كامت تبجي حضنتو هو وماري وتبجي معاهم ابويا كاعد على الكرسي
ابو علي؛: طلكتها
هزيت براسي وخليت الفلوس بحضنو ومشيت لغرفتي يمكن عيب اذا اكو بجيت بس لاكن ماتحملت فراك لؤي وسدره جان ب نسبه الي الاثنين هدوني بفراكم
بهذاك اليوم ماطلعت من غرفتي بس اسمع كلشويه صوت حسوني يبجي وروحي تبجي معا اني وحسوني اثنينا متشابهين واثنينا نبجي على حضن واحد
امي جت صاحتني عالغده ماطلعت كتلها ماشتهي الى اليل ضليت بغرفتي فقط اطلع اتوضى وارجع اصلي مالي نفس اشوف احد
اني واصلي العشه سمعت باب الغرفه يندك وصوت ماري اتصيح
بابا بوم (كوم)
كملت صلاتي سلمت وكمت فتحت الباب ابتسمت بوجهي شلتها بحضني وبوستها وشتميت بيها ريحة سدره
بابا اليد مامي (بابا اريد ماما)
صفنت بوجهه شنو اكولها مو اني حالي حالج وحال اخوج يابنتي ويمكن اصعب
خليتها بحضني وكعدت اقرالها قصص جنت اخليها هي ب يد وسدره ب يدي الثاني واحجيلهم قصه ماري اتنام وسدره ماتخليني اذا ماكمل القصه ابتسمت من تذكرت هذا المنظر بعدها جريت حسره وكمت احجيلها قصه الي حد مانامت كمت من فراشي ورحت اشوف حسوني دكيت الباب على امي
ام علي؛؛ فوت علاوي
علي؛؛ ها يوم كاعده
ام علي؛؛اي امي دا انطي ممه لابنك
علي؛؛ ذوب كلبج مو تمام
ام علي؛؛ لا حبيبي ولايهمك
استاذنت ورحت لغرفتي اخخخ ذكرى اجر ذكرى وكضيت اليل بين صفنات واهات هذيجه الليله كلشويه اسمع صوت حسوني يبجي مابيا طاقه اكوم حتى اشوفو امي مو جانت حمل اتربي جهال بهذا العمر بس اجبرت على هذا الشي
ثاني يوم مارحت لبرنامج اخذت اجازه لبست ملابسي ورحت لبيت عمي لكيت عبدالله كاعد بالسيارة يحجي سوالف طايح حضها
علي؛: ليش انطيتها حضر
عبدالله؛: شفت شلون بكل سهوله انطيتها حضر ولارفلي جفن البارحه رحت عليها كملت شغلتي معاها ونسيتها بس شوف حالك انت
علي؛؛ لو تنجب وتحجي عدل لو اولي
عبدالله؛؛ تعاال يمعود شبيك تعال اكعد
فتحت الباب الي يمو وكعدت وكمنا انسولف وجنت اشكي لعبدالله همي جنت اشكيلو ضيم الي اني بيا طلع جكاره من جيبو وانطاني هي
عبدالله!؛ اخذها وانت ترتاح
علي؛: انت مو محل ثقه الله يعلم شكو بيها
عبدالله؛؛ اقسملك مابيها شي شوف هاي نوعيه عادي قابل بيها مخدرات
علي!؛ ولك مو زين على كبدي
عبدالله؛؛ شايل كبد قزومتك كلشي مايصير بيك
اخذت الجكاره من ايدو وشغل الجداحه وشعلي الجكاره
علي؛؛ هههه والله ضحكتني اخخخ ياقزومتي اخخخ
تذكر عبدالله من جنه صغار وسدره تحجي مصلاوي قحي واني احجي عليها وهي تغلط وتركض على ابوها لو امي وتكولهم قبلي ههههه والله من هذاك اليوم جنت احبها
عبدالله... اي والله اتذكر اشكد جان لسانها طويل كل ماشافتك كالتلك ابو راس وانت تركض وراها تكولها قزمه هههه
علي.... هههه حلوه ونعومه واصيحلها قزمه والله ياعبدالله ماراح اسامح ابويا
مرت ثلاث ايام وروحي تعبت حسوني هاي ثلاث ايام يبجي على صدر امو طلبت من امي انجيبلو مرضعه بس كالت خلي ينفطم احسن ماري خبصتني خبص كل اشويه مامي ومامي رغم جانو يريدون امهم بس مافكرت اخليهم ينسوها جنت اطلع صورتها بل موبايل واشوفلهم هي حسوني جان يبجي ويصيح امه
ماري نفس الحاله الي حد مايوم جان الجمعه وخواتي منجمعين
هدير:؛؛ يابا عيوني اشدعوه هلكد حزين الف بنت اتبوس ايدك حبيبي
علي!؛ وشنو اسوي بيهم عليش يبوسون ايدي
هدير؛: غير انت ابو حسين بس اشر واخطبلك البنت الي اتريدها
ام علي؛؛ هديرررر
رغيد ؛؛ هي لو جانت اتريد اخوج ويلادو صدك جان ضحت
ميس؛: وهي هم ضحت بس الفرق ضحت ب فراك علي حتى لاتشوف جنازتو ضحت بتخلي عن ويلادها حتى لاباجر يكولون عليهم ايتام ترى سدره الي ضحت بي اتحده وحده منا اتضحي بي
علي؛؛ الله يهديكم واحد يكبس واحد يرفع وانتي عبير هسا عرفتو نفسكم ضلمتوها واني هم ضلمتها معاكم اني هم شوفتها شي اربع اشهر بعمرها ماشافتو
ابن حمودي ؛؛عمو علاوي عمو عمر واكف بره
علي؛؛ ياعمر
ابن حمودي؛: اخو عمه سدره
عمر بل باب استغربت اشجابو طلعت امشي على سريع وكلها لحكتني
عمر؛؛ علي سدره ماكو مختفيه
علي؛؛ يعني شنو مختفيه عمر لاتخبلني
عمر؛؛ اتفضل هذا اخر شي سدره تركتو لكه
انطاني الكيس فتحتو شعرها اخخخ ياكلبي غمضت عيوني ماتحملت من شفت منظره
عمر ؛؛ سدره ماكو من الصبح
رفعت راسي وكتلو
علي؛: سدره قررت اتغير حياتها وقررت تنسى الكل
عمر؛؛ زين وين راحت لازم اروح ادور عليها
علي؛؛ جاي وياك عمر
ركبت بالسياره مع عمر وطلعنا اندور عليها ماخلينا مكان بل فنادق والمستشفيات حتى اتصلت ب صهيب وصهيب كالي صار يومين ماحاجي مع سدره ولاجابت طاري اتريد اتروح مكان
اتخبلنا مانعرف وين اندور صار الليل رجعنا لمقر اني وعمر
عمر؛: علي روح لبيت ارتاح انت تعبت هليوم
علي؛؛ وين راحت عمر وين انشكت الكاع وبلعتها بس اريد اعرف
عمر؛: احتمال طلعت خارج الموصل بس وين راحت مانعرف
علي؛؛ هي عندها صديقتها ب محافظه كركوك جانت تدرس معاها نكدر ناخذ العنوان من اماني ونروح عليها باجر
عمر؛: انخلي اماني تصل بيها ليش انروح كوم انروح على تلعفر هسا
علي؛؛ ومنو مايكول اماني تعرف وين راحت سدره سدره ماتخبي شي عن اماني
عمر؛؛ كوم يالا
صهيب؛: فوتو فوتو وين صارت سدره ماعرفتو
عمر!؛ لاوالله صهيب
دخلنا جوى كعدنا بل استقبال جت اماني سلمت علينا
صهيب؛: امونه سوينا عشه
علي؛؛ مانريد كلشي تعالي اكعدي احجي معاج
اماني؛؛ بس اسويلكم عشه
عمر؛؛ تعالي اماني اكعدي
اماني؛؛ اي
كعدت اماني وحجينا معاها اني وعمر
عمر؛؛ اماني احلفج برب العالمين الي ماكو اغلى من عندو تعرفين شي على سدره
اماني؛؛ لاوالله ياعمر ماعرف شي والبارحه اني رجعت من بيت اهلي سلمت عليها ورجعت وماجابت طاري اتريد اتروح ابد
علي؛؛ اماني اكيد امونه سدره لازم ادور عليها لازم الكيها
اماني؛؛ اعرف والله واني هم مثلكم كلبي نار كل اشويه ادعيلها يارب تلكوها بس صدكوني ماعرف
صهيب؛؛ وين راحت ياترى واصلا ليش اتروح
علي؛؛ كاصه شعرها معناها اتريد اتغير حياتها وتنسى كلشي لان من حبيتها حلفتها ماتكص شعرها ابد وهي من هذاك اليوم ماكصت منه
اماني خلت ايديها على وجها وكامت تبجي
اماني؛: انت السبب علي انت
علي؛؛ اني ليش هي طلبت الطلاق
هزيت براسها ومسحت دموعها وكامت نص ساعه وصاحت صهيب جاب الصينيه وكعدنا نتعشى واحد الي بينا بل كوه ياكل لكمه صهيب ماخلانا نطلع نمنا هذيجه الليله عندهم وثاني يوم رجعنا اندور حتى بل مطار عمر شاف الكاميرات ماكو مرت ايام ويلادي اتعلمو على فراك امهم واني رجعت اداوم وحياتنا مشت بس يوم جان ب سنه اتعلمت على الجكاره فدمره الليل كله مانام اكعد ادخن الشوك يذبحني اشم بملابسها واتذكر ايامنا الي مستحيل تنسي
كاعد بغرفتي امي فاتت عليه
ام علي... علاوي يمه
علي... هلا يمه تعالي اكعدي
ام علي... ماعرفت شي على سدوره
علي.... لاوالله يوم ماعرفت راح اتخبل وين راحت
ام علي.... والله كلبي نار عليها ليش تروح
علي... اكولج على فد شغله يمه
مابطلنا بحث عن سدره يوم ب يوم اندور امي رجعت حالتها انتكست بس الي خلها اشويه تفرح من طلع مختار من السجن كدرت اشويه اتعيد صحتها
الناس اكلت وجهنا وين مانروح يكولون بنتهم اطلكت وانهزمت وحجي الناس الي مايخلص اخخخ واني اسمع باذني يطعنون ب شرفي واسكت حلك بس عشر حلوك نتفتح سدره عاشت بغلط تصرفاتها كلها غلط
سدره
هاي شقتي من يوم وراح صارت شقتج اخذي راحتج بيها
شكرا الك تعبتك معايا
تدللين محتاجه شي ثاني
سلامتك
علي شنو صار بحالك بعد فراكي ياترى راح يجي يوم وتنساني راح يجي يوم وتزوج غيري وتدخل بنت غيري لحياتك معقوله حبيبي ااااه يعمري اشكد احبك دير بالك على ويلادي حبيبي حسوني وماري كسرو ظهري حسوني شنو اخبارو شنو صار بحالو هاي ثلاث ايام يبجي على صدري امي وابويا انتو ايامي واسنين متت والله متت بفراكم ياعمر عمري
مسحت دموعي وخليت ايدي على بطني
ياترى انت الي ب بطني بنت لو ولد لو بنت حتي تعيشين مثل مامج عاشت؟!! وهم الله يقدرني وماخلي قصره عليج وياترى لو ولد راح اتكونلي سند لو شنو ماطلع الجنس يكفي رب العالمين انطاني وماعافني وحيده صح جنت خايفه لااطلع حامل بس احمد ربي واشكرو طلعت حامل حتى من اعيش اكول عايشه لابني اني مابيا بعد اخسر اني قررت ابدي حياة جديد معاك ياماما معاك ماراح انسى اخوتك ابد راح يجي يوم والتقي بيهم بس الله اعلم يمته
اخذتني الذكريات قبل طلاقي ب يومين طلبت من بابا اطلع من البيت بل بدايه رفض بس كتلو لازم اطلع اصر عليه كتلو اريد ازور قبر لؤي الله يرحمو راد يجي معايا بس رفضت اخذت سيارتو ورحت لقبر لؤي اول من دخلت مجرد قريت اسم لؤي قصي بجيت وشهكت اتقربت يم قبرو خليت راسي على حافه القبر وصرت اشكيلو عن وجع كلبي وعذابي الي اني بي احس كلبي كام يتكطع اشكد ماابجي واحجي كمت على حييلي نقضت التراب الي على ملابسي وكلت
مشيت واني امسح بدموعي ركبت السياره وصلت لحد مختبر نزلت سويت فحص مال حمل وكالي انتظر انتظرت وبعدها صيح اسمي
مبروك حامل
جنت متوقعه هذا الشي لان ب حسين هم صار هيجي وهذا البطن من نسى علي يسوي مانع عرفت راح احبل قصص ماي هوبس
ضليت صافنه بوجهو
هاا
اختي كتلج حامل مبروك
سمعت نسوان اثنين يمي وحده اتكول لثانيه
خطيه امبين من زمان متزوجه وماعندها اطفال شوفي شلون مصدومه
اريد اعيد الفحص
اكعدي اعيدلج الفحص
عدت الفحص مره ثانيه وبل فعل هم حامل اخذت الفحص واني ابجي ماردت ياربي والله مو وكت احمل هسا مو وكتها ابد
رجعت لبيت مخنوكه دخلت لغرفتي ابجي واضرب على بطني
ماريدك ماريدك انت هم حالك حال اخوتك هم راح ياخذك ابوك مني هم راح اتعب بيك وياخذك مني مثل ماراح ياخذ حسوني وماري ....
