رواية عشكني ابن شيوخ الفصل الثامن والعشرون بقلم مجهول
هاي لفتره جانت فتره خفيفه وسريعه مشت بسرعه ولحمدالله ماكو مطبات صعبه صح جدالات بس صرنا اكثر متفاهمين اني وسلطان ونوب صار اكثر جرأه هههههه واني استحي وكلفتره يمر يطمن وميخلى من قله الادب ومرام تحسنت وبطنها كبرت واحنا هسه بشهر 5 نهايته ودناخذ محاضرات قليله هواي بعد سبوع متحانات ف هاي اخر يوم نداوم ذبيت روحي عل دراسه ماريد اطلع بدرس لان ورايه زواج وتحضيرات ف اريد اخلص من متحانات وسلطان يشجعني ويرفع معنوياتي وكلشويه روحي درسي خلصي تره بعديين بس الي اريدج تفرغين وقتج واني اضحك ههههه واجه يوم امتحانات يلهوي خايفه كعدنا اني ومرام وبدلنا وخايفيين ثنينا نزلنا امي محضره ريوك وسيف ملتحق جان يوسف نايم وابويه ديشرب جاي امي ضلت تدعيلنا وشجعنا بس تبقى رهبه الامتحان لو حتى الاسئله ماخذيها هههههه ودعنا بابا وماما وطلعنا دزيت لسلطان انو حروح للامتحان دك عليه
.. صباح لخير حبيبي ، سلطان
.. صباح نور عمري
.. شونج
.. سلطان
.. عيون سلطان
.. خايفه عفيه
.. ماعاش اليخوفج حبيبي ابويه انتي قابل ما دارسه عليش الخوف يا حبيبي
.. ادعيلي حباب
..ههههههههه اروحن فدوه چنج بنتي مو زوجتي يول تنجحين انتي شطوره ورفعي معنوياتج ومعنويات مرام خطيه حامل
.. اي ميخالف حبيبي يلا وصلنا اطلع من متحان واخابرك
.. ماشي بنيتي سلميلي على مرام ونشالله النجاح الله وياج ابويه
.. باي حبيبي نشالله هيه هم سلم عليك
.. الله يسلمها فيمالا
سديت خط ونزلنا اني ومرام وحده شجع بلخ هيه راحت لقسمها واني لقسم طبينا للقاعات وره ربع ساعه من تعديل جابو الاسئله اني كلبي دكك قريت فاتحه لام البنين وسميت بالله وباوعت ركزت حمدالله اسئله نفس لقريتهن بديت اكتب وفرحانه خلصت طلعت
طلعو رغد وريم همين مجاوبين كتلهم ادز لسلطان اطمنه واخابر مرام حتى نطلع سوه
طمنت سلطان وفرح سديته منه خابرت مرام طالعه من الامتحان رحنالها اني ولبنات كالت جاوبت واسئله سهله
رحنا للكافتريا شترينا عصاير كعدنه شويه بعدها كلمن راح لبيته .....
.. كللوشششششششش واخيراااً خلصناا امتحاناتتت ماماااااا، طبيت للبيت واني اصيح وفرحانه ومرام ورايه لازمه بطنها وتضحك وسيف. اجه ينافخ
.. شكو تعيطين مخبلهه
.. ولك فرحانه
.. ولج لا تكولين ولك ادبسزز
.. ياه ياه لعد انته هم لاتكول ولج وادبسزز
.. بس بس جهال خما جهال ، جتي ماما وسيف ينافخ ضاج ومرام فاطسه ضحك
.. ها مرام شبيج مسرحيه ؟، حجاها وعاقد حاجبه
.. لا حبيبي فك العقده فرحانيين مخلصيين متحانات مو سرووو
.. اي والله يحبيبه يلا ماما شمسويه اكل جوعانهه
.. حمدالله ماماتي يوم نجاح الكم نشالله مسويه برياني ودجاج بلفرن
.. الله خل ابدل واجي
صعدنا اني ومرام هيه راحت لغرفتها واني لغرفتي طبيت سبحت وبدلت حاره لان شهر 6 خلصت لبست تراك برموده ونص ردن شيرت مشطت شعري وحطيت عطر دك موبايلي شفته سلطان جاوبته بابتسامه
.. هلا حبيبييي
.. هلا بنيتي شونج
.. زينههه وخلصناا متحاناتتت
.. ههههه حمدالله باجر من صبح جايج دنجهز بعد كافي دلال خلص وقتج كتلج شهر7 زواجنا ماكو عذر بعد
.. ها اي اي
.. هاا بويه شو جريتي بوش
.. ههههه لا حبيبي بس اي عروس ترتبك
.. ماكو ترتبكين تسيحين مالي شغل بويه
.. ها ها شنو صرت اني كخه هسه
.. هههههه يعني خطيبتي وحبيبتي وملكي وحلالي تردين انتضر سنيين ماتحمل صبري راح من اشوفج
.. اممم
.. هيه هاي لمعذبتني روحي روحي يسلار بس اكلج انه اعلمج خنلزمج اشوفن شون سويين اممم ما امم
.. ههههههه يمه فدوه اروحححح
.. هههههه اوف منج يلبغداديه خذيتي گلبي وراح تموتيني ناقص عمر
.. سمالله على عمرك حبيبي
.. اخخخ من لسانج انه رايح بنيتي اخلص شغل واخابرج ماشي
.. ماشي حبيبي الله وياك
.. مع سلامه حبيبي
سديت خط واني اضحك على سوالفه نزلت جوه امي دصب غده بديت احضر وياها مرام نزلت هيه وسيف واجوي بابا ويوسف لتمينا سويه
.. بابا سلار سلطان خابرني هسه يكول باجر جاي نتفق على زواج وتحضيرات
اني غصيت بل لكمه اعرف هوه مستعجل بس مو بهسرعه يسده ويخابر بابا شكد مستعجل لعد
.. ها اي بابا كلي نشالله
.. اي ابويه الله يسهللكم
.. تسلم بابا حبيبي
.. اححح رح تزوج البومه واخيراً
.. باباااا بع شون يغلط
.. عوفها يوسف هاي مدللتنه رح تروح بعد
.. بابا داحسني رايحه اموت
.. لا بابا سمالله على كلبج
.. يمه فدوه لبابيتو
.. بع لواكه ، يوسف كال ويقلد عليه حتى يداهرني
.. ننن بس بس ، عيبت عليي
واخلي يضحكون
.. الله رح نفرح بيكم انتي وسلطان يفرحههه، مرام تحجي واكل بحلكها وفرحانه وشكلها ضحكني
.. لا تغصين خيه كملي كملي
كملنا الغدى وكلشي صعدت مر ليوم عادي بين اهلي نلتم بين احجي ويا لبنات رغد وريم نمت ب11 نعسانه كعدت على مرام دغني
.. كومي اجه سلطان
.. ها عوفيني نعسانهه
.. كومي ولج اجه اخويه
.. اوو منج كمت كمت
كمت غسلت وطلعت باوعت ساعه 10 ونص اوو شكد نمت
عدلت وجهي ونزلت بتراكي لان مو مشلح يعني زين نزلت جوه جان سلطان كاعد بلمطبخ يسولف هوه وامي وبابا
.. صباح لخير كلتها واني وجهي مستحي
.. صباح لنور ، ردو
باوعلي سلطان ومبتسم واني بتسمت
.. شونك سلطان
.. بخبر حبيبه وانتي
.. حمدالله
.. دومج تعاي كعدي
.. اي جايه تريكتو؟
.. اي اكلنا ، امي جاوبت
.. امم وليش مكعدتوني جوعانه
.. يخسه جوع شويه لخ اترخص من عمي واخذج اريكج
اني صرت طماطيه من خجل وابويه وامي مبتسمين
.. ها اي اي
كعدت سولفو شويه بعديين سلطان كال
.. اي عمي جيت حتى نتفق ونحدد موعد عرس نشالله
.. اي ابني نشالله شوكت ؟
.. والله تفقنا انه وسلار بدايه شهرالسابع نشالله
.. خوش بيها الخير ، ماما وبابا
.. وليوم اخذها تختار الغراض واللبس وشويه شويه حد ما نخلص
.. خوش بيها الخير وشوكت ما تريد تاخذ مرتك وتجهزون بدون اذن اخذها هيه حسبتك مرتك وحلالك وانت َ ما تتوصى بعد يا سلطان
.. تسلم عمي
سولفو شويه بعدين هوه ومرام سئلها على حملها وشونها وبوسها وشاقوا اني ستأذنت علما يخلصون سوالف اني متجهزه لبست هذا
وعطرت ونزلت
.. خلصت
.. يلا امشينا حبيبي ، سلم وطلع
وانيهم سلمت وطلعت صعد بسياره وصعدت بصفه
.. شونج بنيتي مشتاقلج
.. اني هم حبيبي شونك
.. بخير بشوفتج
.. دومك
باس خدي وتحرك
رحنا بدينا نشتري الغراض اولشي بديت بل ملابس ومكياجات خلصت الوجبه اولى متت تعب وهوه هوه نتهى هههههه يكول اخرمره اطلع وياج تتسوكين
واني ميته ضحك عليي بعديين دنمشي حان يباع على. زجاج المحل بلمول كله داخليات وسيتات نوم. هوه مشى ديطب لزمت ايده
.. ها وينن سلطان
.. ها حبيبي غير اشتريلج ، يحجي وابتسامه ماكره مبتسم
.. لا عيوني اني ويا ماما اشتري اكعد واسكت استحييي
.. لا شو انه اشتريلج
.. سلطانن حباب لا
.. علقل واحد
.. اوفف منك
طبينا شو هذا يباع على هذا وهذا واني طماطه صايره همزين لكادر بنات ونوب مستحيات من سلطان ههههه افت. اخذله بسرعه سيت احمر وابيض واسود ووردي فاتح شبسرعه لكطهن ماعرف نوب اباوع قياسي فيت تعامل واخذهن وطلعنا اباوع عليي متفاجأه شبساعع
.. سلطان هايشنو شبساع
.. شنو حبيبي؟
.. شون تعرف قياسي
.. سهله
.. اممم
.. اي يلا امشينا ناكل صرت سكراب
.. عههمههه
صعدنا لقسم الاكل طلبنا همبركر وفنگر وببسي اكلنا وخلصنا نزلنا طلعنا من مول ماحجيلكم التعب والغراضضض كومه
.. ساعه 4 ونص امشينا نشوف بعد شغلات
.. زين حبيبي وغراض الغرفه والغرفه؟
.. معليج هاي عليه انه
.. خاف محلو عفيه؟
باوعلي صفح وعقد حاجبه
.. شايفتني ذوق ماعندي
.. لا حشاك حبيبي
.. لعد؟
.. مادري مو تعرفني نحسه خاصتاً بغرفه
.. انه جيت وشفت غرفتج عرفت ذوقج شنو طمني
.. اروححح فدوهه لليعرفني لا تزعل حبيبي مو قصد والله بس اني نحسه
.. مو نحسه بس مخبله
.. ها ها بدينا
.. ههههههه طفله والله
.. طفله خوش بلعرس كلشي ماكو هدايه لعد
.. ها بويه شو صايره جريئه ، وندارلي وغمزلي
صرت طماطه
.. يوهه بتليت لا تحرجني
.. اروحن فدوه للخدود صارت كرز
.. اممم
بعد فره ومشتريات رجعنا للبيت جانت ب7 المغرب طبينا سلمنا نزلت غراض وسلطان نزل الباقي مرام جتي
.. يايي اريد اشوف شكد احب تجهيز العروس
.. مو يدلل لحلو اشوفج هسه وحزري شجبتلج
.. جايبتليي اويي شجبتي
.. بعديين وخري تعبانه
.. تفو ولي
.. هههههه صعدت وجبه وهم سلطان باقي صعده ليوم موته سوده عليه ههههههه
جانو محضرين عشى غسلنا وكعدنا نتعشى بعدها سلطان كال رايح للبيت، ملاحظه : قبل فتره سلطان اشتره بيت مساحه 100 بل منصور حتى خاف نجي لبغداد نروح بي،
واني لحد هسه مشايفه لبيت كلي انو مأثثه ومجهزه كامل خاف همين يوم من الايام فكر نعيش بغداد علقل عدنا بيت وحبيت تفكيره للمستقبل
سلم وراح خلصت من جوه سولفنا اني واهلي بعدها صعدت جتي مرام شوفتها وكدرت شويع منهم بقياسي فيت شوفتها السيتات وكدرتهن يشكونن وفيت عليه بس فد مشلحاتت يبوو
ومرام كله غمزات وعينيي الله ربكمم ورح يروح گول وفعل واني اضحك واكلها سكتي خلصنا واطيتها هديه اني وسلطان شتريناها للنونو هوه باكج كامل من ممه وفرشه مالتها وكاسه وخاشوكه مال سريلاك وملهي والصدريه مال اكل فدشي يجنن بلون سمائي لان سوت سونار وطلع ولد هيه كرلش عجبها وبوستني وكالت عود بعدين اخابر سلطان اشكره ضلت شويه دردشنا بعدها راحت جانت ب12 متت نعس كبل حتى ما رجعت الغراض بلعلاليك كبل نمت وحتى نسيت احجي ويا سلطان ....
