رواية عشكني ابن شيوخ الفصل التاسع والعشرون بقلم مجهول
اني وسلطان صرنه يوميه نشتري اشياء وحجزت الفساتيين والبدله مال الحنه والعرس والقاعه حجزناها بس حنه قاعه نسوان اما العرس زفه وللفندق وحجزت صالون اريدو قسم نساء لان تعرفون سلطان اممم منه هههههه ليوم راح نروح اني وسلطان ومرام لبيت اخل سلطان لان لازم اجهز غرفتي سلطان جاب لغرفه وسواها وكلي معليج كلشي بذوقي راد ليوم زواجنا من نرجع اشوفها مفاجئه بس كتله غراضي لازم ارتبها شون عاد بلكوه قبل ف لازم نروح
هسه ساعه 8 صبح ،حتى بليل ل بغداد راجعين سيف ملتحق جان اجه ويانا ف بس مرام تشوف اهلها
.. سلطان تعال ساعدني
.. بس صبر خرب بل كواد
.. ههههههه يلا تعبت
.. مو جاي اوديهن شبيج يا عيني اصبري
مرام تضحك علينا خبلته خطيه كومهه غراض بعد جهاز عروس هوه بلا عرس البنات كومه غراض مو عاد زواج ههههه الله يعين الرياجيل صعدنا كلشي بحيث حتى الكشن يم مرام هم علي غراض سلمنا على اهلي وشغل سلطان سياره تحركنا كضينا الطريق نسولف لو اني اشغل اغاني واعليها وسلطان كل شويه نصي ما نصي ولو واحد يباوع بل زدحام وهوه يصير نار واني اهدي والفطيره مرام تضحك واني اكتم ضحكتي لان بس اضحك هسه يكولي ليش ضحكين ومنا يباوعون عليج عبالهم دضحكيلهم اوف من غيرته وصلنا جان خوات سلطان موجودات واني صار هواي مشايفتهم مستحيه منهم ونوب اخو فهد ومرته ساره وزينب اخته عدها هسه طفل بكته كلتلم جانت مزوجه جديد ف جابت عمره هسه اقل سنه مهم البيت كلهم ملتمين بديت اسلم واني مستحيه اني جانو كاعدين بل استقبال كلهم سلمت على بنات وهمه فرحانيين ويهوسون ويهلهون وجهال ركضو على سلطان وفرحانين وهوه يشيل ويبوس بيهم ويضحك ومرام وياهم مشتاقتلهم وشون هيه متحب الهلاهل والصفكات كبل كعدت لان حامل وبدت صفك واني خدودي دم وسلطان يباوع عليه ويضحك على خجلي وزينب ونرميين حتى منطوني مجال اسلم عل كل سحبوني وكعدوني يمهم
.. شونج مشتاقيلج، نرمين الاخت الجبيره
.. كلبي اني الاشوق شخباركم اريد اسلم استحي خجلتوني بسوالفكم
.. ههههههه ولج عليش المستحى حبيبتي بتنا بعد انتي ، زينب الاخت الاكبر من مرام
.. يااا واني شنو نسيتونييييي، جتي مرام هيه وبطنها لازمه بطنها وزحزت زينب وكعدت بصفي واني خربانه ضحك على حركاتها
.. ياه ياه يستار مو بنيه مصيبه ، نرمين
.. ولج صار شكد مشايفتني بچذب كعدوني بنصكم ، مرام كالت وهيه تتصنع العصبيه
اني كمت
.. اريد اسلم ههههه
.. اي سلمي فكيناج ، زينب
رحت للبيبيتهم بست راسها وسلمت عليها اكلتني بسلام شكد حبابه وتحبني وسلمت على ام سلطان وبوستها وابو سلطان وفراس وفهد سلام بل كلام لان سلطان محذرني حتى من ابو مو شي لا بس لان يغار حتى من ابو يغار هوه من اخواني يغار
.. هلا بيج بنيتي نور البيت ، ابو سلطان
.. تسلم عمو بنور اهله نشالله ، كلتها وابتسمت سلطان كاعد بصفي وحاط ايده ورا ضهري من فوك القنفه وكلشويه باصابعه ينغز بخفه جتفي واني استحي ومنا اغار وهوه مبتسم ويحجي ولا يمه واني بلكوه ثابته واهله يحاجوني بعدين نداريت عليي
.. سلطان حباب وخر ايدك ، كلتها بصوت ناصي
.. ليش ، ندار عليه ومبتسم بمكر ويحجي بهدوء
.. مو ادغدغ
.. اممم ، كالها واندار ومبتسم وجان ينزل ايده محد ينتبهه على ايده لان ورا ضهري وجان يكرص خصري اني ردت اعيط عضيت شفتي وسويت نفسي مبتسمه جان يكرص مره لخ وشاورني
.. شفتج فتحيها لا اسوي شي اتندم علي لان مستحمل وهمين اهلي منا واخواني شفتج ، حجاها وهوه متنرفز عبالك اني ابتسمت عاد كلت
.. سلطان اننزل الغراض ؟
.. اي يلا
.. يمه نصب اول بعدين نزلوهن ، ام سلطان
.. لا يمه انه تعبان ورا الغدى اقفل ومايصيرلي خلك ننزلها هسه احسن ، سلطان كال وكام وكف اني داكوم كال
.. اني والولد ننزلهن عوفيهن
.. ماشي بس دربالك لا يتكسرون
.. ماشي
راح هوه وفراس وفهد ساره جتي يمي سولف وتشاقه ومرام راحت تبدل ملابسها اني خلوني حتى بس يجيب الغراض من اصعد اشوف الغرفه
.. بعدين نكعد كعده حلوه افهمج على امور ، ساره حجتها وغمزتلي
.. هههههه مثل شنو
.. حب كلبج ما اشتهى دللي، تحجي وتغمز وتضحك
.. ياه هههههه يمعوده
.. كومي بدلي بغرفه عمي حتى تاخذين راحتج
.. ماشي حبي
اخذتني لغرفه ابو سلطان وامه استأذنت من امه
.. ياه رح صيرين من هل بيت وبعدح تستحين روحي يمه شني سالفه
.. هههه تسلمين عمه
طبيت غسلت عدهم حمام بلغرفه مسحت المكياج وحطيت بس مال شفه شويه ولبست تراك لون وردي فاتح بجامه شويه راهيه طويله لان اخوانه هنا والفوك ماته لحد جوه الط.. ههههه وراهي شويه وردانه طويل وشالي نفسه لفيته خفيف وملابسي حطيتهن بل جنطه الصغيره مال ملابس وطلعت من غرفه
شفتهم مخلصين تنزيل الغراض ومصعدي للسويت مالنا
طبيت للمطبخ ام سلطان دصب ولبنات جوه ايدها
.. شنو هل اناقه وجمال عمي عود راهي لابسه ولجسم مقسم الله يساعدك يسلطان خويه، نرمين كالت ولبنات يكولوها اي والله واني متت خجل ولبنات يضحكون وعمتي تصب وتضحك وتباوع عليه
.. هههه شكراً
.. اويي بع الخجلان ، مرام جتي وكفت يمي وتكرص بخدودي
.. ولج كعدي خدودي اخ، اضحك واوخر ايدها
.. وج مرام خبلتي البت عوفيها ، ساره مرت فهد كالت وتضحك
.. متعوده على خبالها هل بنيه ، كلت وضحكت وهمه يضحكون على سوالفنا
ابتسمت وكلت ، شنو عدكم اساعدكم بي ؟
.. لا حبيبه كعدي انتي عروس ، ام سلطان
.. لا خاله شسالفه هههه بعدني
.. لا يمه كعدي انتي خلصنا بس ننقل الاكل معدنا شي ، ام سلطان
.. ماشي عمه لعد انقل الاكل وياكم ، بتسمت وكلتها
.. سلار ام راس اليابس ، زينب كالت
.. هههههه ياه ، جاوبتها بضحكه خلصنا وبدينا ننقل الاكل اني كعدت وسفطت الاكل ما دنكت سلطان يتخبل من هل حركه هسه بلا شي ولازمني خوزر شبي هم رجعنا لحركاته
رتبنا كلشي وهوه من اروح واجي يباوع ويخوزر افف يعني ملابسه شي ما مستور رتبت شالي وكعدت بصف زينب وابنها بحضنها ،
سمى بسمالله ابو سلطان وكلنا سمينا ورا واكلنا عدهم طبع الا الاب يبدي ياكل يلا الكل ورا ياكلون ومن يكوم واحد يكوم ورا لان ميصير يكومون قبله او ياكلون قبله ف الي يخلص يضل كاعد بدينا ناكل بهدوء وسلطان يجيب ويحط كدامي ويخوزر هم هسه مفهمت لان داكل على كيفي لو على لبسي حيرني
اني خلصت اكل ف ضليت كاعده شفت زينب خطيه مكدرت تاكل من ابنها نحس ضوجها
.. زينب انطيني يا خطيه ما اكلتي اني شبعت خلي الهي وانتي اكلي براحتج ، كتلها لزينب
.. هوه انتي شكلتي يمعوده كملي معليج بيه متعوده علي هسه يضوجج ،
.. لا والله شبعت قابل خجلانه جيبي اوكله
.. ماشي ،
انطتني يا وشلته يمه فدوه مدنفش وخدوده حمر وعيونه مجروره وحنطي وشعره خفيف وريحته بوتره جنن ضحكت عليي من باوعلي وصفن
.. شو هذا صفن عليه ههههه
.. خيه نعجب بيج سلطان مرتك راح ناخذها لحمودي عيني ، كالتها زينب وتضحك همه ضحكو وباوعت على سلطان يباوع عليه ومبتسم فرحان انو طفل بحضني ههههه
.. هاي مريتي منهو لياخذها مني ، كالها وابتسم واني خجلت ابتسمت ولهيت روحي ويا محمد عاد اهله كالو الله يرزقكم نشالله بلذريه الصالحه
.. شكراً ، باوعتلهم وكلتها بابتسامه
وبديت شويه شويه اوكله وهوه يناغي واني ويا مندمجه واضحك وهوه يضحك همين نوب اني ماعرف اشوف طفل اذا ما طلع ذني اصوات مال اويي يمه فدوه كلبي اكرط ابوس فدوه رحت اكولهن واغير صوتي للاطفال ف مادري شلون كلت
..اويي ولك بزونه ، كلتها واني اسوي حركات اله بوجهي. محسيت اله كلهم يضحكون لان صار سكوت شافو حركاتي وضحكو رفعت عيني ما منتبهه شفت سلطان خزرني وعقج حاجبه يوه من هل خزره جان دغني زينب وتضحك وشاورتني
.. ولج شون تنسين نفسج باعي سلطان شون تخبل على حركتج نوب منا اخواني كبل عقله اشتغل لغير اشياء ، كالتها وتضحك واني سويت نفسي مبتسمه
كملو كلهم مخلوني اشيل شي
.. روحي غسلي وكعدي وبس خلي محمد يمج عل ما اخلص ، كالتها زينب
.. يمعوده شسالفه
.. وج سكتي وروحي ،
.. ماشي
رحت داغسل واغسل حمودي هم سلطان اجه ورايه وجان يشاورني بدون ما ادري داغسل وتقرب يم اذني
.. شنو هاي حركات كدام اخواني وابويه ما تحسين على نفسج انتي ونوب هاي الابسته مقسم جسمج تقسم سلارر شبيج وتالي وياج ، كالها بعصبيه
.. شكو شسويت وبعدين اذا على طفل تره بدون قصد وهمه حتى ضحكو الا انت عقلك فهم غير شي بعدين لبسي شبي عريض وزين شلبس بعد كلشي وخازرني
.. ستغفرالله يعني اوي ولك شتردين اضحك مثلاً انتي والاوي ماتج صغيره انتي كدامهم سويين هيج ،
مجاوبته غسلت واني ضايجه منه وغسلت للطفل وهوه باقي ورايه عاقد حاجبه
.. مو جاي احاجيج ؟
.. سلطان اكطع شر منا اهلك عيب بعدين نحجي ، كتله واني انشف للطفل
.. ماشي يسلار ماشي ، كالها وراح يمهم للاستقبال
واني رحت للمطبخ جانت المره الي تنضف البيت دتغسل المواعين ولبنات ديفرغون الاكل وساره تصب الجاي
.. روحي كعدي هناك هسه نجي لا تصير بيج ريحه زفر ، كالتها نرمين
.. عادي حبي بس زينب وين جنطه غراض محمد خل ابدله خطيه حتى ينام
.. ايي من رحم الله والديج خلصيني من نحاسته هل فصعون تلكيها جوه الدرج
.. ههههه دسكتي ينكرط اصلاً
.. اي عود من تخلفين سوي ينكرط خيه ،
.. هههههههه
رحت بدلتله وعطرته واكو جو درج قنفه صغيره كعدت عليها وحطيته بحضتي ضليت اهزه خفيف الى ان بده يغمض شويه شويه ونام جوي لبنات
.. ياه شهل ايد سحريه شبساع نام شو بايدي والله ساعتيين اهز بي جسمي يخدر يلا ينام ، زينب كالت
.. ههههه لج رح تحسدي ويكعد وين اخلي؟
.. بغرفه امي رح اروح اطلع فراشه بلكاع افرشله
.. ماشي
راحت فرشتله واخذته ساره اخذتني يمهم للاستقبال
.. مرام اريد اصعد ارتب الغراض استحي شكول تعاي ويايه
.. اي لج كولي اترخص ارتب الغراض عادي وهسه كلنا وراج جايين ، مرام جاوبتني
.. ماشي ، اني اترخص بس اصعد ارتب الغراض
.. اخذي راحتج ، جاوبوني
.. يلا امشينا ، كام سلطان واجه صعدنا ساكتيين طبيت مشالله جنن عجبني ذوقه
وبعد بي ميز تواليت
كولش حبيت نوب بارده وريحتها جنن
.. ها عجبتج؟
.. اي كولش حلوه ، تقرب من ورايه وضهري بصدره صار ونزل راسه وجر شال وباس ركبتي خفيف قشعر جسمي كبل بعدت شويه عنه هوه بقى واكف واستغرب من رده فعلي
.. سلطان اريد اكمل التجهيز
.. ماشي براحتج نازل انه من تحتاجين شي دزيلي رساله وهسه شويه ويجوج لبنات ، كالها بنرفزه وضوجه وطلع سد باب ورا اني هيج سويت لان ضوجني جوه حتى يتوب ميضوجني باتفهه الاسباب فتريت بلغرفه باوعت لكلشي مرتب ونازك ومثل الاريده شون حفظني بهل سرعه وعرف شاريد
ابتسمت ونقهرت على السويته ويا بس حتى يتوب ههههه
بديت ارتب الغراض واجوي لبنات سوالف وترتيب محسينا للوقت صارت بل 5 دزلي سلطان انو لازم يرجعنا البغداد .....
نشالله عجبكم البارت ولا تنسون تصوبت حبايبي❤️❤️😍
