رواية أحببت من لايبالي الفصل الثامن والعشرون بقلم مجهول
نجمه : لج هاي شنوو
براء : باستغراب شنو
نجمه : شبيها ركبتج
براء : لزمت ركبتها شبيها
نجمه : احم ولج ركبتج مطكعه عبالك منفجره عبوه بيها
براء : خاف حساسيه
نجمه : ولج تمشيهن عليه ... بس والله فديت اخويه رجال بعد كلبي مكسرج تكسر
براء : نجمه شاربه شي اليوم
نجمه : غمزتلها قصدج نفس الشاربته البارحه
براء : هزت راسها ... الحمدلله على نعمه العقل
نجمه : ههه .... على العموم محمد اجاني اليوم ... وكلي اكلج لازم تخابري ضروري يريد يحاجيج
براء : اوك
نجمه : يله اني نازله
براء : انتظري هسه البس وانزل اساعدجن
نجمه : ماكو داعي بعد الولد مااجوي من يجون نصيحلكم
براء : تمام ... طلعت واني رحت للغرفه وكفت كدام المرايه .... عززه هاي شنو اباوع طكع حمر وبنفسجيه من وره اذاني لداخل التشيريت نزعته اباوع صدري صاير خريطه يمه هاي شنو منين اجن هذني ... دخل زين خليت التشيرت على صدري
زين : شجاي تسوين
براء : ماكو شي
زين : جريت التشيرت من ايدها .... اباوع على علامتي ... ابتسمت ... خوش لوحه
براء : لوحتيش زين ... دباوع شلون جسمي مطكع مدري حساسيه مدري مرض
زين : ضم اديه بس لا ماتعرفين ذني شلون طلعن
براء : لا والله مااعرف
زين : شهل ذكاء حبيبتي ... هذني يطلعن من البوس
براء : باستغراب بس اني من ابوسك ميطلعن الك هيج علامات
زين : وكف وراها ... مشي ايده على ركبتها وصدرها ... همسلها .... هذني يطلعن من المص والعض
براء : احتقن وجها ... هسه افتهمت ليش البنات يباوعلي والمدرسه رزلتني اليوم
زين : بس لا نزعتي الحجاب اليوم
براء : غطت وجها ... اي .. يبووو شكد عيب هسه شلون اباوع بوجوهن بعد
زين : ثوله غير تنتبهين
براء : غير انت تكلي اني شعرفني
زين : عبالي ماراح تنزعين الحجاب يله ماصار شي بس انوب انتبهي ... شو بله وخري ايدج .... وخرت ايدها اباوع حتى خصرها مزورك ... بست ركبتها ... تدرين عجبني منظر جسمج هيج وهو مزين بعلاماتي ... مصيت ركبتها
براء : مالت ركبتها ... بهدوء هاي شدسوي
زين : اسويلج علامه جديده
براء : لا زين كافي القنبله المتفجره بجسمي هسه ... اصلا اني حايره شلون اخفي هذني ... هسه تجي تريد تسويلي وحده جديده ... وبعدين تقبل واحد يسوي بيك هيج
زين : حضنها ومال بجسمه ويه جسمها ... اذا انتي اي بس اذا واحد غيرج اكيد لا
براء : باوعتله ... هم عوزها تقبل واحد غيري يسويلك هيج ... حتى ..
زين : باوعلها حتى شنو
براء : حتى بعد ازعل وبعد مااحبك
زين : باس شفايفها ... اروح فدوه للي يهدد
براء : ابتسمت ... نسيتني محمد يريد اخابره اليوم
زين : شمعنى اليوم بالذات
براء : والله ماادري هسه اخابره واشوف ... وخرت عنه لابسه التشيرت
زين : بخبث انتي فحصتي كل جسمج
براء : شنو يعني
زين : تره البارحه شفايفي مشت على هواي اماكن ومااعرف طكعت منو وكرصت منو فانصحج تتاكدين
براء : انصبغ وجها ... عززه ... راحت ركض للحمام
زين : ههه فهم الي اجه ابالها ... بدل وراح صلى ... كمل وكعد بالغرفه منتظرها تطلع حتى ينزلون
براء : عززه هاي شمسوي بيه يازين والله الي يشوفني هسه يكول هاي شابعه طن كتل حتى جسمها هيج صاير ... سبحت واجيت اخذ ملابسي لكيتهن واكعات بالكاع خررب هسه جماله ... فتحت الباب مديت راسي ... زينيييي
زين : نعم
براء : حبيبي ملابسي وكعن بالكاع جيبلي ملأبس من يمك
زين : عينه بالكتاب طلعي انتي اخذيهن
براء : حبااب جيبهن انت
زين : ابتسم .... مابيه حيل اكوم انتي طلعي واخذيهن
براء : سديت الباب ... افف لفيت المنشفه على جسمي وطلعت اشششه بارده ... ياربي شلون ادخل للغرفه هسه ... وكفت يم الباب ... زين حباب كوم اطلع اريد ادخل ابدل
زين : ببرود ... مابيه حيل تردين دخلي اخذي ملابسج وطلعي بره بدلي
براء : اففف دخلت للغرفه لكيته كاعد على الجربايه وبايده كتاب ... رحت فتحت كنتوري ... طلعت ملابس بس شلون اطلع داخليات وهو كاعد
زين : يباوعلها المنشفه حاضنه جسمها وواصله لحد فوك فخذها ... يباوع رجليها يخبل ... احم براء يمكن موبايلج يدك
براء : عفت الملابس وينه ... اخذته من يمه ... ماكو محد داك
زين : شو تعاي اشوفه
براء : انطيته اله
زين : جريتها كعدتها بحضني ... فتحت الموبايل
براء : اجتي تكوم شنو هاي زين تضحك عليه انت
زين : ههه هاج دكيت على محمد خابري
براء : جيبه
زين : نفه .... لا ... تخابري وانتي كاعده هنا بره بارده خاف تتمرضين
براء : احم انن انطيني ياا .. اخذته خليته على اذني ... تحركت مرتبكه من الوضع ... انفتح الخط ... الووو
محمد : الوو هاا بروئه شلونج
براء : هلو حمودي اني
مريم : اي هو هذا دوامكم مو مال احترام يله رتب غرفتكم
قصي : صاص ... باوعتله .. ههه صار
_______________
خوله : دارين
دارين : هاا بيبي
خوله : تعاي دليني على غرفه زين اريد احاجي
دارين : اي اجيت ... طلعنه
خوله : استغفر الله هاي وينها غرفته
دارين : بنهايه الطابق
خوله : وليش هيج بعيده
دارين : اعتقد براء تريد غرفتها معزوله
خوله : ليش ببيت ابوها جانت عازله لو التفيك يصير بس عد بيت العيال ... دكي الباب
دارين : دخلي بيبي انتي تدخلين بكيفج
خوله : لا بنتي هاي غرفه خاصه عيب نجفت عليهم دكيتها اني اديه يوجعني
زين : سمعت صوت الباب بس اريد اعرف اهلي شعدهم ويايه كل مااختلي بمرتي يطلعي واحد ... اووف منو
دارين : اني
زين : هم هاي ... طبي .... طبت ووراها حجيه خوله هاي شكو اليوم ... اهلا حجيه تفضلي ... اجيت اكوم
دارين : بكلبها تره ماطلعت هاي كل ساعه منطمره بحضنه عسى الكبر يحضنج واخلص منج
خوله : باوعت لبراء ... لا خليك بيبي لا تكعد مرتك ... كعدت .. جاييتك بشغله
زين : تفضلي
خوله : اريدك تاخذ دارين لاربيل تجيب مستمسكاتها حتى انقلها لجامعه هنا لان اني علي الشمري سارق القصص قررت استقر هنا واريد هم اشتري بيت قريب عليكم على الاقل ابقه يم ولدي وبناتي شعندي هناك
زين : بس حجيه اني عند دوام
دارين : مو باجر جمعه يعني عندك عطله
خوله : اي صحيح
زين : والله حجيه تعذريني تمنيت اكدر اساعدج ... بس باجر معزوم عد اهل براء مااكدر اطلع
خوله : مو مشكله من تفرغ اخذها لان بس انت اامن عليها وياك وتعرف هي بنيه وينخاف عليها
زين : هز راسه ... انشالله
براء : سمعت اصوات ... فتحت عيوني باوعت لزين ... متمغطه ... حبيبي بيش الساعه
خوله : بالخمسه يالمسعده
براء : فزيت اباوع حجيه خوله ودارين كاعدات ورايه كعدت ... احم اسفه حجيه ماحسيت عليج من اجيتي
خوله : مو مشكله ... هسه مثل ما اتفقت وياك بيبي اني معتمده عليك
زين : انشالله
خوله : يله دارين امشينه وانتي بليه لا تضلين نايمه موزين الدنيا غربت
براء : اي صار ... طلعن ...وصخمين تخوزر بيه كالعاده سد زين الباب وراهن ... واجه .. اكولك شعجب حجيه خوله جايه هنا
زين : كعد ... تريدني اخذ دارين لاربيل حتى تجيب مستمسكاتها
براء : باستغراب ... وشمعنه انت
زين : تكول اامن عليها وياك
براء : وراح تاخذها ؟
زين : اي بس مو هسه على الاسبوع الجاي
براء : متروح
زين : شنو ؟
براء : مااا متاخذها وترحون وحدكم
زين : حاوط خصرها ... باستغراب مصطنع .... وليش
براء : تريدني اخليك تروح ويه هاي هي بالبيت وتريد تاكلك مو انوب تطلع وياها وحدكم ... جج لا انسه ماكو روحه
زين : شو حضرتج تامرين
براء : لا بس متروح واذا رحت وياها ازعل والله
زين : شنو ماعندج ثقه بيه
براء : لزمت زرارات التشيرت تلعب بيهن ... لا حبيبي اني اثق بيك اكثر من روحي بس ما اقبل تروح وياها خاصه هي مو راحه
زين : واذا اطيتج حل يرضيج ويرضيني
براء : حاوطت ركبته ... شنو
زين : قربها عليه .... ترحين انتي ويانه هم تغيرن جو وهم حتى تبقين وياي ... هاا
براء : ودوامي
زين : على الخميس الجاي نروح ونرجع السبت الصبح ها
براء : ابتسمت موافقه
زين : ببرود ... ليش هو بكيفج
براء : مشت اصابعها على ركبته ... شتكول انت
زين : غمض عيونه ... كعدي براء
براء : صعدت ايدها لوره اذانه ونزلت لتفاحه ادم ... ماا
زين : فتح عيونه ... انتي جنيتي على روحج ... كلبها ونام فوكها ... اراويج الماا شلون تصير
براء : خلص اسفه وخر
زين : لزم اديها محاصرهن فوك راسها بايده .... نزل لركبتها بايسها ... اني اعلمج .... نزل ايده لبطنها مدغدغها
براء : هههههههه كافي
زين : حتى اتوبين تتحارشين
براء : و ال لله وب هههه بعد هه مااتح هههه رش ككافي هههه
زين : يباوع عليها وجها صار احمر ومسنكره ... كولي توبه
براء : هههه خللللللص زين حموت .. توبه توبه
زين : كولي احبك
براء : مااا
زين : خوش رجع يدغدغها
براء : هههه والله اح هههه احبك ههه والله
زين : وخر عنها مبتسم
براء : يمه لزمت كلبها راد يوكف كلبي
زين : شو لزم صدرها
براء : وخرت ايده .. بخجل اكعد
زين : بسؤال ... ليش شسويت
براء : مم مسويت شي
زين : ابتسم ... باسها بشفتها ... يله اني نازل
براء : اني هم ... رحت للغرفه بدلت ونزلت
مريم : شهالضحكه الحلوه وجهج منور ماشاءالله
براء : ابتسمت ... صبن البنات جاي واخذن كعك وكيك ... وطلعنه كعدنه بالصاله
سجاد : عاشت ايدكم هسه ردت اكلكم جوعان
خوله : مفجوع
نجمه : طبعا تعرفت على بنيه نسخه طبق الاصل منك بس تاكل وين ما اشوفها اسمع كلمه جوعانه
سجاد : واخيرا لكيت شبيهتي
قصي : بشرفج حلوه
نجمه : اي حليوه بس فد مرحه تجنن
قصي : حسبي حسابج باجر اني اوصلج
نجمه : باجر عطله
قصي : علاحد اني اوصلج
نجمه : لا عيني هي ماعجبتها من شافتك
سجاد : حيلل
نجمه : تباوع بخبث لبراء ... عيني شافت زين اليوم وعجبها
براء : و
نجمه : تباوع بخبث لبراء ... عيني شافت زين اليوم وعجبها
براء : وين شافته
نجمه : بالصور وتخبلت عليه
زين : اباوع لبراء شلون تباوع لنجمه ... ابتسم
قصي : هسه احلى شي تطلع تشبه نجمه
جهاد : ليش ولك شبيها نجمتي
قصي : زركه نسخه لؤي الانثويه وعندك الحساب
لؤي : نجب لك تروحلنه فدوه
نجمه : بابا شوف شلون يحجي
جهاد : شبكها يروحلج فدوه حبيبتي ماعليج منه
سجاد : وها قد مرت جبهه قصي من هنا هل من احد رائها
نجمه : اني هههه
براء : ضلينه كاعدين وانوب سوينه عشه وكعدنه تعشينه ووراها رحنه لغرفنه انام
_________________
صباحا
براء : كعدت الساعه بالعشره ... درت وجهي على زين حبيبي اكعد ... اباوعله فتح عيونه
زين : جرها عليه ... بعد وكت خلينه نايمين
براء : لا حبيبي كوم صارت بالعشره علما تسبح وتبدل وتتريك صارت بالدعش ونص ... يله كوم فدوه
زين : باس ايدها ... صباح الخير
براء : رجعت اخذت ايده بايستها ... صباح النور
زين : كام براء حضريلي ملابس طلعه علما اسبح
براء : صار ... رحت طلعتله قميص كحلي وبنطرون اسود خليتهن على جهه
زين : دخلت للحمام ماكو خاوليات .. طلعت براء ليش تشيلين الخاوليات
براء : اوو تدري اغسلهن واخليهن بالكنتور وانسه ارجعهن بالحمام ... دارت وجهه لحضه هسه اطلعلك وحده ... وكفت على اطراف اصابعها ياربي وين راحت
زين : ضربها على خلفيتها ... ببرود يله فضيها
براء : احتقن وجها ... احم هااي تفضل
زين : شكرا
براء : حكت راسها ... عفوا ... راح عززه هالايام زين مجاي يسيطر على ايده يامكان يوكع بايده يلزمه افف شلون بيه بحبيبي المنحرف اني .... طلعت ملابس اليه تنوره سوده وبلوز مال طلعه مديله يجنن رصاصي ويا شال رصاصي ... انتظرت زين يطلع ... طلع واجيت ادخل
زين : وكف ينشف شعره اني اكول لو داخله ويايه اسرع واختصار للوقت هم
براء : بخجل ... لا شكرا ... دخلت للحمام سبحت وطلعت لبست ملابسي
زين : نشفي شعرج لا تتمرضين
براء : وكفت انشفه
زين : دخيل رب الفهاوه جيبي ... وكفت انشف شعرها
براء : اكولك خلي اكصه والله صاير يضوجني
زين : ببرود حتى اكسر ايدج اذا سمعت بيج كاصه شعرايه وحده منه
براء : ليش تره والله يجزع
زين : اني احبه ممنوع تلمسي .... نشفته هاج مشطي لو اني امشطه
براء : تعرف ؟
زين : اي من جنه صغار واجت نجمه للدنيا جنه حيلل مكيفين بيها باعتبارها بنيه وحده بين خمس ولد كمنه نمشطلها ونلعبها ... اغلب وقتها جانت ويانه مشوفيها طلعت مولدنه شويه
براء : ههه فدوه ... تفضل هاك المشط
زين : اخذت المشط مشطت شعرها ... شكد ما انزل بي ميخلص شعرها .... خلصته دنكت بست ركبتها ... خلصت
براء : دارت وجها واكفه على اطراف اصابعها بايسته بفكه ... شكرا حبيبي
زين : عفوا حبيبتي يله لبسي شالج وعباتج ولحكيني ... اجيت اطلع .. هااا وممنوع مكياج ماشي
براء : بس حمره
زين : ببرود لا
براء : بهدوء خلص بكيفك
زين : اروح فدوه للتسمع الكلام ... اخذت السويج ونزلت ... صباح الخير
الكل : صباح النور
حسن : شو مبدل وين رايح شنو عندك دوام الجمعه
زين : لا ماعندي دوام بس معزوم
دارين : وين ؟
زين : ببرود عد اهل مرتي
جهاد : راح ترحون لبيت غيث
زين : شربت من ستكان الجاي ... اي البارحه عزمونه
جهاد : ابتسم ... الله يهدي كلبك على بتك ياغيث
زين : نزلت براء تريكنه وطلعنه ... اباوعلها مبتسمه ... فرحانه حبيبتي
براء : اي كولش ... فتحت المسجل
زين : شتردين
براء : اشوف عندك اغاني
زين : دوسي هاي ... اختاري الي تعجبج
براء : كلبت بالقائمه .... الاغاني كلها اجنبيه لو عربيه قديمه مثل اغاني كاظم الساهر وما اعرف منو دخلت على اغنيه اسمها sway ... بدت ... حلوه
زين : اي اني كلش احبها
براء : تسمع اغاني هواي
زين : مو باستمرار نادرا من يجي على بالي مرات اسمع
براء : وصلنه البيتنه .... صف زين السياره ونزلنه ... دكيت الباب فتحها امير
امير : حضنها .... بروئه حبيبتي مشتاقلج
براء : حضنته يعمري شلونك
امير : زين وانتي
براء : الحمدلله
زين : سلام عليكم شلونك امير
امير : بوسه شلونك عمو
زين : مسح على راسه الحمدلله
براء : دخلت لبيتنه افييش شكد مشتاقتله ... شفت احذيه (تكرمون) اجيت اسال امير
زين : امير منو عدكم
امير : بيت جدي
زين : بيت عمك ابو حسين هنا
امير : اي
زين : خزر براء ... دخلي
براء : يبوو شعدهم هنا .... دخلنه للصاله الكل كامو اباوع لبيت عمو ابو حسين جايين بكل عين صلفه ... سلمنه .... سلام عليكم
الكل : وعليكم السلام
غيث : هلا بيك دكتور اهلا وسهلا تفضل تفضل
زين : صافحه شلونك ابو محمد
غيث : بخير الحمدلله
براء : شلونك بابا
غيث : هلا بنتي هله باس راسها
براء : الكل كام سلمو على زين ذاك السلام بس زين وجهه ثكيل ويباوع لحسين بنظرات مليانه كرهه ..... رحت سلمت على عماتي
ندى : شلونج بعد كلبي شخبارج ولج ليش ما تسالين علينه لو نسيتينه
براء : حبيبتي عمه لا والله مناسيتج بس عندي دوام ومدالحك وهم ارقامكم مو عندي
سعاد : شلونج بروئه
براء : بتفاجاء الحمدلله ... شلونج عمه قمر
قمر : هله
براء : نزلت امي حبيبتي ... بس شافتني حضنتني
ناديه : يا بعد روحي يايمه شلونج
براء : نزلت امي حبيبتي ... بس شافتني حضنتني
ناديه : يا بعد روحي يايمه شلونج شخبارج
براء : حضنتها عمري انتي مشتاقتلج بكد رحمه الله شميت عطرها ودموعي نزلت صار تقريبا شهرين مشايفتها
ناديه : وخرت ضاحكه وماسحه دمعه من عينها حتى محد ينتبه .... لهيتيني خلي اسلم على رجلج .... شلونك عمه زيوني شخبارك شلونهم اهلك
زين : ابتسم هله عمه الحمدلله انتي شلونج
ناديه : بعد عمري زينه ومن شفتكم صرت احسن بعد
براء : زين دخل للاستقبال طبعا بعد ما نبهني على عباتي الي ممنوع تنزع ... كعدت
هاله : شلونج براء شو ما سلمتي
براء : تجاهلتها
قمر : مو تحجي وياج
براء : شلت راسي ويايه
حلا : عوفيها عمه الواضح العز والفلوس تفقد البشر حاسه السمع
براء : لارد
ندى : مو اشتغلنه شبيجن البنيه ما سمعتجن شنو انكلبت الدنيا
سعاد : دخيلكم كلشي ولا واحد يحاجي مرت الدكتور انوب تخلي رجلها ياخذ منه فلوس اذا رحناله
براء : شكد سئيله .... عفتهم وكمت للمطبخ
ناديه : حبيبتي همزين اجيتي مشتاقتلج تعاي اوكفي كدامي خلي اشبع من شوفتج
براء : بستها يعمري مشتاقتلج
ناديه : اني اكثر والله
براء : واكفه اسولف ويه ماما ... ومااشوف غير روان اجتي تركض بيج قصص عراقية واقعية
روان : حضنتها ... براء شلونج مشتاقتلج هواي
براء : بتفاجاء الحمدلله
روان : باستها بخدها والله حيلل مشتاقتلج
براء : احمم وخرت عنها ... شكرا
روان : لزمت ايدها براء لسه زعلانه مني
براء : وخرت ايدها ... من رخصتجن ... طلعت كعدت بره مااكدر اسامحها كل الي صار بيه بسببها
بنين : اكول براء ما صار عندج حمل
براء : بهدوء ... لا
بنين : شعجب
براء : بكيف الله شوكت مايريد يصير
هاله : خاف عاكر
ندى : اسم الله ولج شهالحجي
صفا : اي يجوز عمه
هاله : هسه عوفونه من هالحجي تعاي سولفيلنه شلونه الزواج
براء : ببرود من تزوجين تعرفين ... اجه امير كعد يمي حضنته وبست خدوده ... شلونك
امير : باسها مشتاقلج هواي هنا محد يكعد ولا يلعب وياي ضوجه بدونج
براء : ابتسمت ماسحه على شعره
روئ : دخلت .... ولجن تعالن شوفن اللكزز الواكفه بره ولجن تخبل ومن النظافه ينشاف بيها الوجهه
سعاد : وانتي شعدج طالعه بره
روئ : طلعت اجيب جنطتي نسيتها بالسياره وشفت السياره
امير : قصدج السياره السوده الي بالباب
روئ : اي
امير : هاي سياره زين
روئ : يازين
امير : رجل براء
روئ : ولج براء رجلج عنده لكزز
براء : هزت راسها ... اي
هاله : والله عمي حظوظ
بنين : واذا لكزز يعني فدشي
هاله : تدرين هالسياره بجم شده ... لج غاليه
امير : طبعا اليوم براء وزين راح يسوون حادث من وراكم شبيجن مكاديه انتن ماشايفات
براء : ابتسمت ... كملت ماما صب الاكل وكمنه ننقل الاكل ... الزلم وحد والنسوان وحد ... كعدنه نتغده ياالهي شكد مشتاقه لاكلها ... ماما كعدت يمي كل شويه تخلي شي كدامي ... ماما معليج بيه اكلي انتي ... اجه محمد سلم عليه بوسني وراح شكد افرح من اشوف لهفته عليه مثل قبل
ندى : عمه ليش مخنوكه بالعبايه نزعيها
براء : لا عمه مرتاحه بيها
هاله : تلكيها سمنانه وضامه الشحوم جوه العبايه
روان : قصدج زين ميقبل لان يغار ويخاف عليها
براء : رفعت حاجبها ... عود هاي صدوك روان مااصدك .... كملنه اكل ووكفت اغسل المواعين اني وعمه ندى فدوه لكلبها متعتمد بكل مناسبه تكوم تساعد الكل ... خلصنه المواعين واجن بنات عمي صبن جاي ... طلعت لكيتهم متجمعين بالاستقبال ... رحت كعدت يم زين ... اباوع لحسين شلون يباوعلي ... حقير سافل
زين : احس روحي مشتعل نار .... بودي اكوم اكسر سنون هالكوا ... بحلكه وهذا محمد السافل ماكال هالكواو... هنا
براء : شبيك حبيبي
زين : سكتي عني براء حسبي حسابج ساعه ونولي للبيت
براء : بس
زين : ببرود ولا حرف
براء : خلص براحتك ... كمت صعدت لغرفتي الله شكد احبها ... طلعت كتبي خليتهن بجنطتي اباوع لغرفتي شكد جنت احبها بس مو بكد حبي لغرفتي اني وزين ... اخذتهن وطلعت من الغرفه دامشي ومااحس روحي غير نجريت
