رواية الضابط فهد ومريم الفصل التاسع والعشرون بقلم مجهول
مريم: تستاهل
فهد: شكد قاسية غاليتي
مريم: هاا فويسد طلعت تحبني
فهد: تريدين لسانج ينكص منو فويسد
مريم: دخلت كلبك فهيدان صار الي مكان بكلبك لوو مديت ايدك علية راح يدمر كلبك حتة لو اني جنت غلطانة وجنت مستاهلة تمد ايدك علية
فهد: شهل ثقة مريمي ماعرفتج
مريم: زوجت الضابط فهد البطل شلون متجيني الثقة ولغرور
فهد: تبقين بعيوني طفلة ومتكبرين لو يصير عندج 10 جهال
مريم: مو جنك رحت زايد انتة منو كلك راح احبك بابة
فهد: غير تعشكيني يولي
مريم: ب احلامك ويلاا امشي غير لبسك وروح نام
فهد: ماشي من انزعهاا اكويهة وضميهة ترستيهة دموع البسهة بعرس علي
مريم: ايي هسة تنزعهاا واشككهة فهد ، ضحك وراح للحمام بدل وطلع انطانياهاا وكال
اذاا سويتيلهة شي تبقين كاعدة ب الغرفة وروحة الاهلج ماكو ماشي يحلوة
مريم: هه عود يهدد ماخاف واصلا مراح اسويلهة شي لائن غالية
فهد: وغالية ع كلبي هم
مريم: لاا صدك راح اشككهة ، اخذ مخاد وراح نام ب الكاع هذا شبي اليوم يريد يجلطني
ويين نمت شبيك مصخن
فهد: بوية عاجبني انام هناا اكوو اعتراض
مريم: فهد شنو تنام هناا موزين ع ايدك تشنج حباب كوم نام هناا واني انام بلكاع
فهد: عاجبني انام هناا بوية نامي
مريم: لاا موعاجبك ولاا شيي نام هناا وحدك واني انام بلكاع عود احط فراش مو بلكاع هيج ،كام واجة مدد بمكانة كمت طلعت فراش ردت افرش وعاط
وييين خاتون رجعي لمكانج
مريم: ضهري ماكدر انام هناا اريد انام بلكاع
فهد: تعاي بوية شبيج ميصير نشاقة وياج شوية
مريم: منو كلك زعلت عادي
فهد: ايي واضح راح تبجين
مريم: ذبيت الفراش ورحت مددت بمكاني ضليت افكر بسالفت امير وقررت اليوم اعلمة درس
.......................
زينب: ورة ماطلعت مريم عزلت الغرفة ولغراض عجبني ابخر الغرفة رحت مددت واباوع للسكف وشتغلت افكاري الي متخلص شيصير لوو اني مصاير وياي هلشي لائن ادري ماا استاهلة اني استاهلل اعرف نفسي ماخون ولاا احقد ولاا خبيثة بلعكس احب اصلح بين الناس وافتخر بنفسي من اسوي هيج فتحت تلفوني ونفس كل مرة اخذ مسيرتي ب الستوريات احمد ماجان ناشر شي وهلشي سوة عندي احباط رحت للستوري نشرت صورة جانت بنية واكفة ع بلكونة وشايلة كهوة كتبت،
الف سلامة الكلبي الخلصان. "
تعرفون منوو زينب هاي الي تلكوهة اتفه انسانة وتضحك الكلل والكل يكول هنيالهة شكد تضحك وتحب الدنياا وحياتهاا سعيدة هاية زينب الي بداخلهاا براكين من النار هاية الي قبل شوية جانت تنصح وتعلم ب العالم ع القوة هية اكثر انسانة جبانة وضعيفة وبس لسان زينب من تدخلل غرفتهة تطلع كل سلبياتهة الي عمرهاا ماخلت احد يشوفهة اتمنى اتخلص من هلشي واصير شخصية زينب الخارج هلغرفة بجيت وبجيت من كل كلبي شكد ارتاح من ابجي وصلتني رسالة من احمد جان مكتوب
" مسموحلي افتح كلبي المتعوب لكلبج الخلصان '
