رواية الضابط فهد ومريم الفصل الثلاثون بقلم مجهول
" مسموحلي افتح كلبي المتعوب لكلبج الخلصان '
شفت الرسالة كلــبي صار طبل رديت وكتبت
_مســموح اكيـد
رد _ اذا شخص خذلج تستمرين وياا
زينب: احاول ويـاا اذا مافـاد من اول مرة وثانــية الثالثة لوو يجيب نجوم من السمة ماباوع بوجـهة
احمد: ولناس الي انتهت علاقتهم مو بسبب عركة بسبب الاهمال التدريجي
زينب: كل انسان يخسر علاقات هوااي بحياتة يمكن شخصياتنة وافــكارنا ماصــار بيهاا انســجام يمــكن العلاقة ماجان بيهة خير النة ولانسان العاقل يــطلع منهة وهوة محترف الطرف الثاني مهمى جان سبب العركة ولانفصال
احمد: كلامج ممكن يغير حياتي للافضل ويطلعني من الحالة الوصلت نفسي الهة
زينب: هذاا كلة يعدي ويروح ويضلل سوالف تضحك عليهة الشي الوحيد الي لتقبلة يصير بحياتك لتخـسر نفسك علاقتك بنفسك الوحيـدة الي راح تـدوم ويـاك لاخر نفس ايمانك بنفـسك وحــبك لنــفسك صــدكني مهمى جان عدد المحبين بحياتك حبك لنفسك يـبقى اغلى وارقى واثـتمن حــب ممـكن تحـس بي الحــياة ححلوة بس راح تصير احلى اذا عرفت قيمة نفسك
احمد: تدرين هلفترة عشت بهم محد عاشة واكول فترة وتعدي بس كلامج خلاني افكر شلون فتــرة وتعدي واني افكر بس ب الاشــياء السلبية جــنت محتاج احد ينصحني المفروض اني انصح نفـسي بس حالتي ماجانت تسمح بهلشي جانت اقـوة من كلشي خسرت كلشي بنفس الاسبوع
زينب: تدري المفروض متحجي هيج لائن هذا واجبي والداسوي كللـش قليـل لائن الصـار بسببي اذا ناسـي
احمد: مو بسببج صار الشي الموزين الشي الصــار بسببج انقاذ نقذتيني قبل ماا اتورط حتة لو جـنت احب هلانسانة اذا ماا مستعد اتحــمل عنصريــتهة وانانيتهة الي تخلي الواحـد يكرهـة غصـب دمـرت نفسي بعد
زينب: احمد اتمنى ترجع تقرة الحجي الحجيتة كل متحس نفسك ضعيف
احمد: قوتي الي راحت جانت كدام عيوني سنين واني جنت معمي عيوني عليهة
زينب: مافـهمـت
احمد: مو مهم تفهمين شكرا لكلامج واسف ع الازعاج
زينب: ماكو ازعاج ادلل ،كال باي وراح الحجي الي حجيناا ميفرح ولاا بي املل الية بس فرحني لائـن التجئ الية راد يفتح كلبة الي ادري بنفسي كاعــد اعيد الغلط بس كل ماا احـاول انـسى يصــير شـي يرجعني لنقطة الصفر
سديت التلفون وطلعت لكيت العائلة مجتمعين بغرفة علي تعرفون هاي العادات مال عراقيين قبل اسبوع من العرس تصير الكعدة مالتهم بغرفة العريس بيبي جانت نايمة اول ماطبيت دزوني اجيب الملابس حتة يشوفوهن رحت لغرفتي جبتهن واجيت انطيتهن لمامة سميرة كالت حلوات بس حطت نفسهة المشعوطة افراح
افراح: زين هذاا شكوو جايبتة عود فستان لوو دشداشة مال نوم شهلذوق
زينب: ديلاا عيني ام الاذواق هذا التحجين علي ماركة كورية شجابج ولو شيوصلل هلموديل الجج
سميرة: يمة زينب عيب اسكتي
افراح: لاا عوفيهة ام الاذواق خليهة تحجي لبسي لبس الهنة حياتي بس ماعتقد راح يلوكلج لائن جسمج اكبر من عمرج
زينب: تدرين سالفة بخاطري، اني اكول لحمدلله احسن ماكوم ادور عيادات تجميل مثلج دروحي بابة احمدي ربــــج ماا شوهـت معانيج الخايــسة ،اخذت الــملابس وطلعت لغرفتـي ضميــتهن وطلــعت فـــلم وحبشكلات ربـــع ساعة سمعتهم يطفون ب الاضوية يمكن راح ينامون هاي الفترة لازم يغيرون نومتهم لائن وراهم عرس وهوسة وخطار
..................
مريم: كعدت الصبح الســاعة ب 8 فهد نايم ماكدرت ارجع انام اكيد كلهم نايمين هسـة نمـت صديت لفهد ولاا عبالك هذا فهد النايم من ينام مثلل الطفل بـس من يكعد يضلل طايــر ورة مريم ويعارك بيهة عبـالك بايكة حلالة صــدك هوة اني حلالة اكـو واحد يــبوك نفسة كمت سـبحت طولت حـتة اضيع وقت طلــعت مشطت شعري بعد معاناة خلصت بقيتة مفلول ينشف باوعت للمكياج ماكدرت اتخطى رحت كعدت حطيت مكــياج خــفيف حـييل كملت وعزلت المكياج صـارت الســـاعة 9 ونـص رحــت كعـدت يم فــهد ع طـــارف الجرباية كعدتة ماقبل يكعد كمت جبت فرجة مال مكياج وصرت امشيهة ع وجهة مافاد يتكلب ويرجع ينام لحمدلله ع نعمت الاحساس حطيتهة ب اذانة وكمز
صباح الخيير انتة المفروض متصير ضابط حارس لائن حتة لو هجمو عليكم متحس ،طبعاا احجي سريع ومانطي مجال هوة صافن واني كلت راح يفلش وجهي
فهد: انتي منو
مريم: شنو انتي منو شبيك عزيزي مرتك اني
فهد: مريمي شوكت تحولت حورية
مريم: مصخن شبيك حورية شنو فهد اوي لسوي هيج يلاا كوم كافي نوم
فهد: حورية بوية حورية موبشر
مريم: شبيك حبيبي اصيح خالة
فهد: وليش صيحين خالة شكوو عندج طلوكة
مريم: فهد شوف باوعلي راح تعرف انو مودي حلو اليوم ف ليش تخربة بهلسوالف ولنرفزة الي مالهة داعي خلينة حبايب ميصير يعني
فهد: بوية فدوا الج وللمود مالتج
مريم: بعد انطيك رقم المود
فهد: ياا اللهي حرت اني عبدك ارحمني حرت يلكائنات بوية شتريدين ب الضبط انتي
مريم: ايي اصلاا ادري كاعدة ع كلبك
فهد: انتي كاعدة بكلبي مو ع كلبي بوية
مريم: زين اريد اكلل مال كوريين
فهد: مريمي بوية عيوني انتي شوداج للاكل الكوري مو داحجي وياج وداتغزل
مريم: فهد لتقارن نفسك وية بطني اذا مابيهة ازعاج
فهد: اسفين عيوني اسفين هوة صوجي
مريم: اي صوجك منو كلك تغزلل
فهد: تعاي ارجعي
مريم: رحت كعدت ب المكان الجنت كاعدة بي وحجة
تدرين ليش كتلج حورية شعرج الطويل هذا مشايفة بس عد الحوريات سحـبة عيونج ونضـرتهن الناعـسة تسحر خشمج السـيف الـمدعبلل هـذا ويـن اكـو مـثلة كسرت حاجبج توكع زلم بوية وشفايفج ماخلت عقلل بية
مريم: يحجي واني كلبي يرجف هذا شبي يمهه كلبي ديركص شلون اخلص نفسي هسة باوعت ع عيونة وحجيت، عيونك دوختني راح انزل
فهد: ههههههه شلون لوتية تريد تنهزم
مريم: اكلك انتة شتريد
فهد: شرايد بوية شسويتلج ستغفرلله شلون وياها هاي
مريم: معاجبك طلك يلاا طلكني
فهد: لوو وجودج بحياتي يسويلي سرطان هم ماطلك بوية المن اعوف حلالي احركج وماخليج تصيرين الغيري
مريم: وانتة منو كلك راح اتزوج
فهد: انتي رب العناد عندج عادي تضحين بنفسج ومستقبلج المهم تقهريني حتة لوو تاخذين واحد يكومج بكتلة ويكعدج بكتلة
مريم: وانتة شنو جنت اسوي من ازوجنة ادغدغني
فهد: مريم اني موهيج ولاا هذا طبعي دمي جان فاير يعني انجبرت اتزوجج شتريدين اسوي حسيت نفسي خاين واني اكثر بشر يكره الخيانة وماضربت لحالي انتي استفزيتيني واني ماجنت اتحملج
مريم: فهد تدري اني ماجنت ادري بيك مجبور
فهد: مريم سدي هلموضوع صار من الماضي وتدرين هسة مستحيل افكر بغيرج ومتحلالي غيرج مرة
مريم: علساس يعني اذاا حلتلك راح تزوج احركهة واحركك وياهاا تمام
فهد: مريمي العنيفة
مريم: شعبالك لعد مزوج وحدة مايعة لاا حبيبي اني عندي الرجولة اكثر من الانوثة
فهد: اكلج انتي رحتي زايد ترا لمي شعرج ولتفلي كدام احد وبعرس علي تخفينة
مريم: تعال تعال شنو تخفينة وين اودي يعني
فهد: مريم انتي بدون كلشي حالتج مو زينة وكلبج عيون الناس مترحم يصيرلج شي احرك علي وانعل عرسة سمعي كلامي مرة وحدة داحجي لمصلحتج انيي
مريم: تمام اعصابك اشوفهة شلون ترهم بس يعني حتة لو سويت تسريحة راح تشيل شوية من طولة لوو اكص شبرين
فهد: مريم هوة انتي طولج شبر واكص راسج ومتكصين شعراية وحدة
مريم: اوف منك فهد دائماا معارضني
فهد: لوو تحجين سالفة براسهة خير محد يعارضج شعندي وياج بوية اعقلي شيبتيني
مريم: هههههه هوة انتة مشيب حبيبي ،حجيت هيج وكام تقدم علية وحجة
منو شايب ولجج مريمي
مريم: شنو شبيك داكلك خطية ابوية صار شايب والشغلل يتعبة شلون متحمل
فهد: اهاا عبالي يمكن سمعت غلط
مريم: شسمة يلاا كوم اسبح حتة ننزل ،كام للكنتور يطلع ملابس رحت وكفت يمة وحجيت
تراا اني مرتك وهاي مسئوليتي تكدر تكلي حضريلي ملابسي
فهد: شبيج راح تبجين وذا حضرت ملابسي
مريم: روح اكعد وبعد لتعيدهة احسن ماا احطك ب الكنتور وضل حضر ملابس براحتك
فهد: انتي ليش هيج عصبية موزين عليج هسة اني معاركج
مريم: اسفة بس اني هيج موبيدي من انفعل بعد ماعرف احد واحجي اشكال
فهد: عادي بوية راح اروح اسبح وانتي شوفي حل لشعرج
مريم: ابتسمت وكلت تمام طب للحمام شغلت الشسوار وبلشت الشسور شعري حتة يصير اسهلل علية المة ومينفل ايدي تعبت طلع فهد يباوع ب استغراب
فهد: شوو بعدج بوية
مريم: فهد يتعب يعني شلون شسويلة هسة
فهد: من اطيب ايدي ماخليج تتعبين يصير مسئوليتي شعرج
مريم: من اول يوم تنسحب تقرب يم اذاني وحجة
محد ينسحب من روحة
مريم: حسيت جسمي صارت بي كهرباء اكيد يتعمد يسوي هيج ابو النسوان كمت وصديت علي حتة اعاركة رفعت اصبعي علي احجي بتهديد لكيتة كاتم ضحكتة ويباوع علية باوعت للمراية ورجعت باوعت لفهد وعطت
فههدددد تضحكك علية شوف اذا ماكصيتة ادلل
فهد: شيلي الفكرة من بالج احسلج
مريم: باوعت للمراية وجهي ميتفسر من العصبية لميت شعري وهوة واكف يمشط بشعرة وراية رحت جبـت شـالي اخـذت العـطر وباوعـت عـلـي بخـباثة ورجعت للعطر غركت نفسي ب العـطر عدلت شـالي وباوعتلة لكيتة يخوزر بية وجهة صاير احمر
فهد: مريم لتخليني اطلع وجهي الثاني
مريم: ابتسمت ورجعت شالي كدام مشيت الة بغرور وصلت يمة وشمرت الشال بغرور حتة يكفخة العطر ويعصب اكثر لزم جتفي بعصبية
فهد: مريم هذا تصرفج اني راح اسمي عناد لائن اعرفج ليش سويتي هيج بس الولد الجوة راح يكولون تسوي اغرائات بطلي هلسوالف ميتعاند بيهة هناا من نروح لبيتنة تكدرين تسوين كلشي مراح يفيدج عنادج لائن بس انتي وامي بلبيت
مريم: فهد هسة هد ايدي دتاذيني شبيك
فهد: هذا ربع الي تخليني احس بي من تتصرفين هيج
مريم: هد ايدي وطلع ماجنت حاسبة هلحساب صحيح شيكولون علية مع انو عرفت تصرفي غلط بس مو ندمانة علي رحت غيرت ملابسي وبقيت بس الشال ماغيرتة بس العطر قوي شدخلني نزلت طبيت للصالة صبحت عليهم وطلعت فهد جان كاعد ومارفع راسة مبين زعلان ردت اطب للمطبخ وطلع امير بوجهي من المطبخ شايل لفة وستكان جاي طبيت وسمعتة يكول
اويلي هلعطر شيب حالي
مريم: رجفت وكملت مشيتي هوة طلع رحت وكفت يم زينب وكلتلهة زينب الكيلي حل طريقة تبعدة عني ماتحملل بعد
زينب: شبيج شسوة انوب ليش دترجفين
مريم: موهسة كملي شغلج وامشي لغرفتج نحجي هسة احد يسمعنة معايزة مشاكلل
زينب: تمام هسة دقايق
مريم: كملت زينب وشهد الريوك كالت اليوم راح يجي ابوهة وعمهة راحت هية وشهد اخذو الريوك بقيت ب المطبخ من رجفتي ماتحركت حسيت حتة اعضاء جسمي دترجف ياا اللهي ليش مكاعد ارتاح اجتي زينب كالت فهد يريدج كلتلهة عوفي وامشي للغرفة
زينب: مريم ميصير روحي شوفي شيريد وتعاي
مريم: شلون اكيد امير كاعد هناك
زينب: انتي متخافين منة هذا حقير ومخنث ميكدر يسوي شي اسحلة سحل
مريم: دنحجي وطب فهد اجة وكف يمي وحجة
فهد: مو كلت خلتجي ليش ماا اجيتي
مريم: مو ماا متعودة ع وجود امير ماا اخذ راحتي هناا احسن رايد شي انتة
فهد: ماشي براحتج مارايد شي عبالي تاكلين هسة دوخين واخذي علاجج هم
مريم: ماشي راح اكل وية زينب ارجع كمل اكلك
فهد: ماشي اذا ماا اكلتي ماكو روحة لاهلج
مريم: لوو بس تبطل تهديدك هذا راح اكل وداعت عيونك بعد بشنو احلف ،ابتسم وطلع باوعت الزينب كاتمة ضحكتهة باوعتلهة بعصبية وكلت
اضحكي اضحكي رااح
زينب: ههههههه يمهه ولجج تخربون ضحك نوموني وياكم ب الغرفة شسوون شتحجون اذا انام وياكم اسبوع نفسيتي ترتاح
مريم: هسة بس خلي اخلص من مصيبتي حتة لبيتنة اخذج ويانة انومج بنص
زينب: لاا حبيبي ادعيلي كلبي يتوب من عشك المنكوب
مريم: مالي واهس اضحك ولجج ، صبيت جاي واكلت شوية غسلنة مواعين الريوك اني وزينب وشهد راحت شهد تسبح واخذت زينب ورحت للغرفة
زينب: شوفي اول شي حضري نفسج للرزالة اريدج تسحلي سحل اليوم راح نبقة ب البيت بس اني وياج وفهد وبيبي وشهد علي راح يروح يشتري قاط العرس ومهيمن وهمام وسيف رايحين وياا بس امير ماكال اروح اليوم فرصتج حتة تخلي يتوب تمام
مريم: تمام بس خايفة
زينب: ماكو داعي للخوف اني يمج وياج بكلشي حتة لو تجرمين بي ادخلل وياج للسجن حتة لو مالي دخلل
مريم: يحياتي انتي ربي ليحرمني منج
زينب: ولاا منج يكلبي هية مريومة وحدة عدنة، هسة كومي يم رجلج شعندج مكابلتني
مريم: ضحكت عليهة فتحت الباب وطلعت طببت راسي من الباب وكلتلهة مرت احمد ونهزمت اركض انركعت بجسم رفعت راسي واشوفة فهد
فهد: بنتي رحمة للكائنات وين اوديج احبسج لجج اعقلي راح تفضحيني
مريم: تقبل انكتل لو ماا راكضة هاي الركضة جان سحلتني زينب
فهد: لييش تسحلج شسويتي
مريم: شنو شسويت ستغفرلله تتوقعهاا مني
فهد: ايي چاا اني منو مشيب كلبي بتصرفاتة
مريم: ماشي فهد بعد حتة حجي ماا احجي وياك حتة ماا اسويلك ازعاج ، عفتة وصعدت قبل ميكـمل حجي يعني يعني لو اني مثل تصرفات افراح وحيــة واخبث شيسوي هيج يسوون ب الواحد الي يتصرف ع طبيعتــة ادري بي يشــاقة بــس تنــرفزت صايــرة ماتحمل حجاية من اجـــة اميــر لهلبيت صار الــضهر وماصعد فهد نمت من التعب النفسي وكعدت بوكت اليوم ماعرف شكد جانت الساعة بس سمعت صوت ب الغرفة فتحت شفــت فهد فاتح الكنــتور ويـــطلع ملابس اني زعلانة شلون اكلة وين تريد اخذ ملابس كلهن لون اسود هذا كل عقلة يريد يجلطني اكيد انتضرتة يطلع وياريت ماطلع اني لييش ازوجت ليش ماا ازوجت واحد ابو كرش وبس يدور اكلل مو احسن كمت من فراشي ورحت وكفت كدامة وحجيت
مريم: فهد وين رايح، عافني يم الميز اخذ المشط ويعدل بشعرة نقهرت لائن تجاهلني رحت مرة ثانية حجيت ومارد اخذ العطر الاحبة وترس نفسة عفتة ورحت نمت غطيت راسي وغمضت اول ماغمضت تخيلتة من يطلع بهذا شكلة وهوة وحدة اني مو وياا دموعي نزلن بسرعة مسحتهن ماردت ابين نفسي ضعيفة من ناحيتة هيج شوية وسمعت الباب انفتح شلت الغطة عن راسي وحجيت
اذا تحبني صدك لتطلع هيج ، باوعلي مصدوم من منضري بسرعة اجة وكعد يمي
فهد: مريمي شبيج ليش هلدموع
مريم: عوف الدموع هسة عادي غير ملابسك وين متريد تروح روح ضلل تجاهلني ماحاجيك بعد بس لتطلع هيج، بعدني ماا مكملة كلامي وسحبني بحضنة ويمسح ع شعري
فهد: خلص يعيون فهد راح اغيرهن واحركهن هم شتريدين بعد بس لييش هذني ب الذات متخليني البسهن
مريم: يول انتة شايف نفسك شكد حلو بهذا الون
فهد: اوف يولي صرت احب جفصاتج
مريم: بختت
فهد: المن هااي
مريم: هيج، صدك وين رايح
فهد: وية الولد للسوك اختنكت من البيت
مريم: زين فهد حباب لتباوع للبنات حرام
فهد: يعني انتي علمود الحرام مو علمودي
مريم: تعبت واني اغار فهد جمرة تصير بكلبي النفس حسرة يصير علية دموعي تنزل حارة مثل النار البكلبي تعبت واني اقاومهة اني انانية ب اشيائي وانتة صرت كل اشيائي وين اضمك كلي اشوه وجهك حتة محد يباوعلك اكتب ع وجهك اني لمريم
فهد: مريمي اني كايلهة قبلل وارجع اكولهة الجج غيرج متحلالي مرة اول شي انتي مناقصج شيي حتة اباوع الغيرج انتي نسواني الاربعة مو فهد ليخون حلالة ويباوع لعرض العالم
مريم: انتة ليش هيج كاعد تتاذة بحياتك انتة المفروض ميلوحك حزن ،كملت حجي باس راسي وكام
فهد: كومي اختاريلي ملابس انتي
مريم: ابتسمت وكمت فتحت الكنتور وطلعت قميص بيجي ونطيتهياا وكلت، غير بس القميص
فهد: حاضر كابتن
مريم: اخذة وفتح دكم قميصة
شنو هاي فهد روح بدل ب الحمام
فهد: انجليناا استقري ترا احنة ب التدريب كدام الضابطات هيج بس بناطير نلبس #ڪــڔٰا̍ڕ
مريم: فهد كمل وروح تراا كلبي انتة تتعمد تقهرني
فهد: وليش اتعمد اقهرج شحجيت داكلج ليش تستحين شمسوي قابل
مريم: عفتة ورحت مددت وغطيت راسي الحجي وياا مابي فايدة، ربع ساعة وسمعت الباب انفتح شلت الغطة عن راسي وكمت اخذت علاجي وعزلت الهوسة الصارت ب الغرفة ونزلت البيت هدوء طبيت للمطبخ خدرت جاي راسي جان يوجعني يمكن لائن بجيت صافنة للقوري مال جاي وللنار وذكرت كلامي وية فهد صحيت من صفنتي ع صوت احد كال احمم صديت شفتة امير كاعد وحاط رجل ع رجلل هذا جني من شوكت كاعد هناا
امير: فد استكان جاي
مريم: ماحجيت رجعت باوعت للقوري
امير: شدعوة يابة شنو منستاهلل كلمة
مريم: لهناا وكلت خلص هاي فرصتج مريم باوعت بوجهة وكلت انتة صدك متستحي خلي اكلك شغلة خاف ع عرض العالم قبل متخاف ع عرضك يعني من تباوعلي هيج وتشمر حجي مراح تستفاد شي غير تذل نفسك والنفس عزيزة وذلهة مو حلوة تقبل احد يتصرف هيج وية اختك واني مرة مزوجة ورجلي مو غريب عليك معتبرك صديقة واخو وبلاخير
(كماا تدين تدان) شوي خليك ازلمة وبطل هلسوالف ترا مراح تصير رجال اذا تصرفت هيج ولاا راح تكبر بعيني واني مو من هذاا النوع بلعكس اني هيج اعتبر الانسان الي يتصرف هيج ماعندة شرف وعار وسوالف مزعطة
، طفيت الجاي وطلعت رحت لغرفت زينب سديت الباب باوعتلهة وكمت اكمز بلغرفة من الفخر بنفسي
زينب: خير خير شبيج
مريم: سحلتة ولجج مسحت الكاع بي مثل ماكلتيلي
زينب: كفو هية هاي مريمنة تعاي اكعدي احجيلي ب التفصيل يلاا
مريم: كعدت يمهة وحجيتلهة كلشي
زينب: تدرين مريم لازم نصير هيج بكل مرة لتنطين فرصة لشخص يتمادة وياج اليباوعلي بنضرة مو حلوة عيونة اشلعهن وليحاول يمد ايدة اكسرهة قبل ميمدهة اني انسانة اقدس حقوق البنات هاي البنية المثلي يسمونهة مسترجلة بس همة غلطانين هذا يسمو الدفاع عن النفس ومطلوب لكل بنية لائن احنة معرضين لكلشي بوكتهة حجيهم مراح ينقذنة ولاا الضعف راح يفيدنة اني هيج عايشة وماخاف ع نفسي لائن عندي ثقة بنفسي وادري مراح اخذلهة واتمنى احنة البنات كلنة هيج وانتي صرتي من جماعتي المفروض تدرين شسوي نرفع هاشتاك مريم فخرنا
مريم: اوي زينب راح ابجي كللش ارتاحيت اصلاا كللش فخورة بنفسي ع الحجي الحجيتة اتمنى ينصح ويفكر بنفسة ويعوفني
زينب: ولجج غير افلش وجهة المكرمش
مريم: ههههههه منين اجيبين هاي السوالف انتي
زينب: اني شايلة لسان يمة منة بحيث الدلالة تغطي وجهة وتكص لسانهة اذا تعاركت وياي
مريم: ولله ماا اشك بهلشي ابد، احم ماصار شي وية حمادة، كلت كلمتي الاخيرة واجتني مخدة ع وجهي
زينب: احترمي نفسج لجج حمادة شنو
مريم: اهووو اشتغلت الغيرة عاد شيخلصني ديلاا بابة ع حورة هوة
زينب: اوي خايبة اروحلة فدوا غير يطك ب الكاع
مريم: هسة عوفي هلسوالف وكولي شصار ماصار
زينب: ماصار شي بس ...... حجيتلهة كلشي
مريم: ابو هريرة ضلي انصحي وباجر نسمع خبر خطوبتة الثانية من ورة نصايحج
زينب: مني نشالله، مريم ماكدر اشوفة هيج ضعيف وماسوي شيي اني اضعف وياا ماتحمل اشوف نفسيتة مدمرة واكدر اساعدة وساكتة لو راد هلشي الف مرة راح اساعدة حتة لوو يضل طول عمرة ميحبني
مريم: كلشي قسمة ونصيب واذا هوة الله كاتبة الجج صدكي ميصير الغيرج لو كلهة توكف بوجهكم
زينب: ونعم ب الله
مريم: ضلينة كاعدين نحجي واجتي شهد ويانة مادري شلون راح افاركهم للعصر وطلعنة نحضر العشة سويت دليمية اصيلة كافي عاد اكلل مطاعم واكلل مقبلات البنات كملن الباقي سمعنة هوسة برة طلعنة شفناهم راجعين كعد فهد وافراح شمرت العلاليك وكعدت بصفة وحجت
افراح: اوي اتكسرنة بس ولله تونسنة
مريم: عبالهة راح اعوفهة الحية طبيت رحت يم فهد وكلت
حبيبي كوم غير ملابسك غسلل قبلل منتعشة كام ورحت ورا وهية وجهة صار احمر وهية شلونهة ولله يالله عائلة نفس الطينة كلهم ولاا واحد براسة خير صعدت ورا بس مبين يريد يحجي شي وضايج
مريم: فهد شبيك صاير شيي
فهد: احمد خطب زينب مني ......
