رواية تحت ظل السعف الفصل التاسع والعشرون 29 بقلم ميار

‏الصبر لا يعني لقاءً مُحتمل .

لا خَير في صبرٍ أذا ماَت الأمل .

أني وأن تَمضي سريعاً خَطوتي .

" في داخَلي شخصاً مُصابٌ بلشَلل "

ــــــــــــــــــــــــــ♕ـــــــــــــــــــــــــــ

فاطمه::فزينه كلنه من دخل جهاد ركضنه شبكته

وهو لمنه ثلاثتنه خواته بحضنه مو ثلاث ايام عبالك

صاير سنه ارواحنه راحت عليه وخرنه منه وهو يمسح بدموعنه وحده وحده جت عمتي شبكته 

تبوس بي والبنات وكفن على صفحه يسلمن وهو

مدنك ويرد عليهن عيني صارت على ريام واكفه على

صفحه بس من شافتنه اندحك عليها تقدمت وعيونها تلمع الدموع بيها كوه طلعت منها كلمة. 

ريام:: الحمدلله على سلامتك

جهاد:: الله يسلمج عيوني 

-واحد يدحك على الثاني ما اعرف احس اكو شي 

غريب بيناتهم ما نعرفه بعدنه على وكفتنه واندك

الباب راح جهاد يفتحه واسمع عمر گال. 

عمر:: بس خلي يصيحولنه اهلي 

جهاد:: خليها ويا البنات شكو جيت 

عمر:: امشي عمي غير نريد عشه هي مرت

اخونه بيضه ما اطگلنه واخونه مسلمها كله بيدها . 

جهاد:: كتلك بس يتزوج يتغير علينه بس انت 

ما تفتهم ظليت وراي انطي وانطي تستاهل كل

شي يصيرلك عسى ما يكصبونك هم ما ادافعلك

عمر:: والله شنسوي يا خوي شمدرينه بعد

وكع الفاس بالراس النه الله ولا غسلت ايدي

من اخوي 

جهاد:: يلا يلا جم يوم واندورلك على مره نربطك بيها وبعد ما تحتاج منيت اخوك مرته

عمر:: يابوييي شكد كلامك يغث زمال اني وتربطني بعدك توك طلعت ارتاح ويصير خير

صيحلي اهلي و اولي منا احسن ما ادفرك هسه. 

جهاد:: كبورر تلف عدددوك فوك ما اكف وياك

فاطمه:: كلنه نسمع حجيهم ونضحك درت على مهى جريتها من ايدها وكتلها. 

-اني ما اسويلهم بيضه ولج اخوتج يتبلون عليه

مهى:: هههههههه ميخالف تحملي يتشاقون وياج

يلا حبايب من رخصتكم اني اروح 

-سلمت علينه وراحت وعمتي هم اخذت البنات

وراحن وجهاد راح على بيت ابوي يسلم على امي

وجديتي وكفت يم ريام اريد منها تروح بس عندت

ما ترضى تروح مدري شبيها اجر بيها وما تمشي

ريام:: فاطمه والله ما الي خلك اريد ارتاح روحو انتو

اني راح اتمدد واراجع محاضراتي كومه عندي. 

فاطمه:؛ ظليت ادحك عليها ولاوعبالك زلمتها توه

طالع من السجن ما لحيت عفته مثل ما تريد ورحت

لبيت اهلي لكيتهم كلهم كاعدين وامي حاضنه جهاد بس امبين عليها تعبانه وهو وجهه انصبغ احمر من شاف وضع امي كلهم عيونهم على امي

حتى جديتي مقهره عليها حيرتنه كل ما نكول صحت

ترجع تنكس ما تحملت عفتهم ورحت اساعد البنات 

بالعشه جاي اصب حميسة اللحم وطب جهاد كال

جهاد:: عجل ريام وين؟ 

تبارك:: بيتكم ما جت رحت توني عليها لكيتها

مدده يمكن نايمه. 

-نايمه؟ 

فاطمه:: ذبيت من ايدي وسحبته وطلعنه للطرمه

وهو يدحك مستغرب يريد يعرف شكوو كتله

-جهاد ريام وضعها ما يعجبني انت لو شايفها شصار

بحالها هل يومين والله اللكمه بالكوه اطب زردومها

واضح الخوف عليها لو تبطل من سالفة حاكم وخوالي احسن التفت على ريام مره حامل تبهذل

حالها ليش يا خوي الله موجود وياخذ حق اخونه

جهاد:: ما الج شغل بهاي هذوله ما يهزون شعره من راسي وسالفة اعوف كتال اخوي شيلوها من راسكم 

-وريام واحنه انت ما تشوف امي شصار بحالها وراك

يا خويه هذوله حشاك حقراء يردون بس لزمه عليك

جهاد:: سهله سهله هسه خلي اروح اشوف ريام

واجي انتو تعشو لا تنتظروني مو جوعان. 

فاطمه:: لا لا تعشه ويانه وروح لبيتك انت روح

اكعد واني اشوف ريام واجي خوش لا يظل بالك

جهاد:: بس.... 

-لا بس ولا شي دروح هسة امي وابوي يفكدونك 

تعشه وروح لبيتك اني هسه اروح اشوفه واجي 

هز راسه وطب للبيت واني رحت اشوف ريام 

لكيتها مدده وعرفتها ما نايمه بس من حست عليه

غطت راسها ظليت بحيره عفتها ورجعت لبيت اهلي دخلت لكيتهم يتعشون صارت عيني بعين

جهاد رفعلي حاجبه بمعنى"هاا" ابتسما بوجهه

وكعدت بسده وكوه اكل وضعنه كلنه مخربط

كام جهاد ترخّص وراح وابوي حتى چاي ما راد واضح عليه التعب اني هم اخذت عبايتي وكلت

لزياد وصلني لبيتي وراح طبيت للبيت هدوء علگت

العبايه ودخلت لفرفتنا لكيت فرات متمدد من شافني كعد وابتسم مد ايده الي حطيت ايدي بيده

وكعدت على الجربايه واحس ثگل بصدري وهموم

الدنيا على راسي وحياتنه المخربطه سحبني لحضنه

وگال. 

فرات:؛ شبيج حبيبتي جهاد وطلع عليش هل حزن. 

فاطمه؛: ما بيه شي بس تعبانه اريد ارتاح. 

فرات:: تريدين تقنعيني احجيلي فطوم شبيج شنو الهامج ومضيگ صدرج ذبي حملج اني اشيله عنج

گلبي يوجعني من شوغت عيونج وهنه متروسات حيره. 

فاطمه:: تمددنه وراسي على صدره شبكته بقوى

وتنهدت واني احير بشنو وعاى منو من اهلي احجي 

-فرات

فرات:: عيونه وروحه وگلبه لفرات. 

فاطمه:: فرات ما ادري بس وضع ريام ما عاجبني

يعني صدك حگها جانت خايفه على زوجهه بس 

اكو شي ضامته علينه ريام غامضه كلش احس 

عدها اسرار مدري مدري ما مرتاحه ابدد. 

-وخرني وكعد وكعدني مقابيله وگال

فرات:: ما جاي افهمج فاطمه اسرار مثل شنو

-ما اعرف بس البنات ذاك اليوم سمعانات يعني يمكن ريام تعرف منو كتل خالي خالد 

-شنوووو شتحجين انتي 

فاطمه:: انتفض مصدوم وجهه احتقن عاط بوجهي

خفت من ردت فعله لزمت ايده اريد افهمه... 

-فرات شبيك خلي افهمك لا تعيط عليه 

مسح وجهه يهدي روحه واني ظاله صافنه 

بوجهه وما اعرف ليش هيج تعصب اخذ ايدي

بين ايديه وگال.. 

فرات:: اعذريني فطايمي والله مو قصدي اعيط

بيج بس من كلتيلي ريام تعرف كتال عمي دوهنتيني اذا ريام تعرف مو معقوله لهسه جهاد

ما يدري. 

فاطمه:: لا ما كايلتله وهو جاي يحاول وياها

يعني مدري بالضبط اذا تعرفه لو اكو شي ثاني. 

فرات:: والله ما ادري شكول 

فاطمه:: شبيك فرات انت ليش هيج خايف 

فرات:: مو خايف من شي بس فاطمه سالفة ماجد

لهسه براسي لو بس راجع حتى نتأكد وترتاح گلوبنه

فاطمه:: الله كريم الله يريح كلوبكم لا تبقى ضايج

وتخليني متندمه احجيلك والله ما اريد اقهرك 

فرات:: لا يبعد عمري والله ما بيه شي 

فاطمه:: درت وجهي انطيته ظهري ومددت وهو سحبني دترني عليه يدحكلي مستغرب گال

فرات:: شو انطيتيني ظهرج شكوو شبيج

فاطمه:: كعدت كتله.. انت مو عيطت عليه روح

نام يم اخوتك حتى بعد ما تعيط عليه خوش

-ضحك وفتح الجرار الي بسده وطلع علبه حمره

مقدفه واني ادحك عليه ابتسم بوجهي وسحبني

لحضنه كتله

-هاي شنو؟ 

فرات:: افتحيها 

فاطمه:: فتحتها وشهكت جايبلي كلاده مكتوب 

اسمي عليه وعباره "فراشة قلبي فاطمتي" 

اخذتي بيده فرحانه بيها وما كدرت اسيطر على

دموعي بس الحمدلله دموع فرح وهو حار بيه

فرات:: يعني اني ردت ارضيج وافرحج وانتي

تبجين فاطمه اني من يوم شفتج وانتي بعدج طفله وتفترين على الورد مثل الفراشه وتلمين ورد من البستان طار عقلي بيج وشلون تستحين من تشوفيني وتركضين تختلين وره ظهر عمي احمد وكل شويه تطلعين راسج 

ومن تشوفيني ادحكلج تضمين راسج بين ايديج

فاطمه:: هههههههه جنت استحي منك وتدري

جان عمر يكتلني لان اشلع ورد الرمان عبالي ورد 

يعني زينه وهيج جان حارث يجيبلي شتلات ورد

بس يفتحن اشلعن واسويهن باقه تالي يزعل ويشيل الشجره هي والسندانه ويذبها هههههههه 

فرات:: هههههههه اي غير ما تخليهن يفتحن 

-هههههههه ما يفيد شكد مو احب الورد

فرات:: اخخخ فاطم اخخ اموووت عليج وحق هو الله الحمدلله الحمدلله يربي من جمعني بيج 

فاطمه:: ضحكت وسحبني وتمددنه لامني بحضنه

شبكته ادحك عليه واحمد ربي الي عوضني وجمعني

بي.... 

ريام::ما ادري لشوكت اخلص من الخوف وشوكت

اتخلص من نفس الكابوس بداخلي خوف وانغرس

بگلبي من يوم الي عرفت بنفسي حامل احس نفس

السناريو راح ينعاد اني تزوجت جهاد بدون رضى امه

فكرة انو يوم الي يصير طفلي ممكن يعوفني جهاد 

لو امه تجبره ياخذ طفلي ويعوفني لو جهاد لعب

بعقلي حتى يصل للي يريده الي هو يعرف منو وره

كتل اخوه أحاول ابعد هاي الأفكار بس ما جاي اكدر

جهاد وتصرفاته هو جاي يخليني هيج افكر ما يكعد

وعلني يهدد بخواله وعمامه وهسه لزمو عليه لزمه

من يوم الي خاب بيها حاكم وعمي جاسم الكل

شاك بجهاد مدده ومن كثره التعب من التفكير

ماخذتني النومه.. بستان شابه بي النار وزلمه 

لمتفه عليه حيه ما اميز شكله بس ضوه النار 

عليه وابوي وحارث والولد كلهم واكفين اريد

اركض لابوي بس شبُعد المسافه وكفت انفت تعبانه 

دحكت ابوي ضايج حيل انطاني ظهره ومشى وسديت اذاني من صوت الطلق واصيح بعلو حسي

-ياااااااابه

-فزيت جهاد حاضني وارجف ويردد

-"بسم الله الرحمن سلاماً قولاً من ربً الرحيم"

حست المنظر حقيقي

مو حلم ما اكدر اسيطر على نفسي ابجي بحركه

وجهاد حاير بيه لمني لحضنه يردني بس اهدء بس

ما اكدر وديرت ابوي الي وجعت گلبي ظليت شابكه

جهاد وابجي وهو ما حجه شي بس يمسح على شعري وخرت من حضنه گلبي يدگ بقوة ادحك على ايدي يرجفن مسحت وجهي من الدموع احاول اريح نفسي دارني عليه ومسح وجهي بيده

جهاد:: ارتاحيتي 

ريام:: هزيت راسي اي بس ما اكدر احجي من وره العبره حاوط وجهي بين ايديه ويدحك بوجهي گال

جهاد:: اشفتي وهيج كعدتي مرعوبه احجي ريام

ازل وتالي اعرف سبب خوفج وسبب احلامج الي

تكعدين مفزوعه منها شوكت تأمنين انو ما اعوفج

ريام:: وخرت ايديه وسحبت رجليه اسند راسي

عليهن حضنت روحي تعبانه من الحمل هذا

ورفعت نفسي لان تضايقت بسبب بطني وهو 

ظل مگابلني ينتظرني احجي ردت اكوم سحبني 

بقوة وشمرني عليه طوق حركتي وجهي صاير بوجهه

جهاد:: عوفج من هاي السوالف هسه هاي استقبال مره لزلمتها الي طالع من السجن

ريام:: وخرر جهاد تره اذيتني 

-حل ايده بس ما خلاني اوخر منه وگال

جهاد:: اريد افتهم هسه ليش زعلانه زعلانه لان

تدخلت السجن بدون رضاج ما جاي افتهم بسبب

زعلتج. 

ريام:: صفنت بوجهه بدون كلشي اني مقهوره 

من الحلم ومن الضياع الاني بي دفعته من صدره

واحجي بحرگه..

-انتوو شنوو من بشرر ما هامكم بس نفسكم 

انت تدري بيه اذا صار عليك شي محد يرحم بحالي

بس عليمن اعتب هاا عليمن هو اذا ابديها منين

من امي الي ذبتني وما سألت عليه لو ابوي الي كل

همه اهله واخوواته والي عافني ورااح لو منك الي

ما تفكررر غير بثاركك فوكاهاا زعلانين عليه يدور 

ظهره ويمشي ويخلينييي تعبتت اني تعبببت اريد

ارتااااح شسوووي هاا تررريد تعرفف وترتاحح 

احجيلككك لزمني يريد يهديني ويحاجني 

جهاد:: لا لا ما اريد لا تحجين بس على كيفج بنفسج عسى ما ما دريت عمري كله كافيي عيوني. انتي 

ريام:: دفعته واحجي بقهر عوووفني احجيلك

تريد تعرف ابوك كله جذذب ما متزاعلين هو

وابوي وهاي جانت خطه منهم بس حتى لا حمدان

يدري لان جان يحارب ابووك وابوي علمود المعمل

الي هوو بأسم ابوك وهي ابوي كاتبها حصة امك وخواتهاا وابووك جان يجي كل فتره يريد ابوي يسحب نفسه لان ابووك خايف على حاررث الي جان

الوحيد يدري بكل شي بس ما جان يدري انو همه 

ماكو زعل بينهم وتريد تعرف منو جان يهدد بأخوك

وابوي عمامك والي نقل اخوك بنفس اللحظه 

للمستشفى عمامك وابووك يعرف وشاك بيهم

بس دليل ما عنده هههههه والمال الي ناس كتلت

ناس عليه بس ابوكك يعرف وين وبأسم منو ابوي

الي جاب عمره يركض حتى يرضي امك هي الي

دمرت اخوها هي وعمي جاسم كل همهم الورث

-افتر واحجي رجعت وكفت گباله وكتله

ريام::جهاد انانية امكك هي اللي دمرت ابويي 

ابوي ما فكر غير بس بيها لان جانت مريضه ويخاف

عليها بس ويين جزاته خربت حياته وحياتي.. 

جهاد:: ريااااام حدج لهناي امي خط احمر ما الها

علاقة بالي صار اذا على زواج ابوج وامج فروحي

حاسبي جديتج وعمامج ورروحي حاسبي امج الي

ذبتج وما فكرت بيج رغم تعرف مشاااكل اهل ابوج

-ههههههه.... هههههه 

ريام:: ضحكت بهستريه والضحكه الي تشگ الگلب

من القهر وكفت گباله وكلامه الي حسيته خنجر

وبنص گلبي 

جهاد:: شبيجج

ريام:: هههههه تعيرني هو بس هاي عادي ظلت عليك ظلت سالفه وحده وتوصلك للي تريده بس

اكو مقابلها شي تريد تعرف تنطيني وعد الي اريده

تنطينياه.. 

جهاد:؛ ههههه تساوميني شنوو 

ريام:: راحت ابتسامتي وشكد حاولت كوه صبرت

روحي ما تنزل دمعتي سحبت نفسه وكتله

-شتريد تحسبها احسبها وتظل بكيفك

جهاد:: ريااام لا تخبليني اذا تعرفين شي احجي

- اوعدني 

مسح وجهه بقلة حيله وصبر وگال

جهاد:؛ اوعدج الي تريدنه يصير بس احجي

ريام:: ادحك عليه واحس خاب املي بي وتأكدت

اهم من ثاره ماكو كافيي اذل نفسي كعدت على طارف الجربايه وهو ظل على وكفته ينتظرني احجي

سحبت نفس وكتله

-الي كتل ابوي عمي حمدان 

فتح عيونه بصدمه رغم جان شاك بي بس انصدم

جهاد:: انتي صدك تحجين هههه لا ريامم هذا بسبب شكي بي هذا اخوه يجوز اي اي يدري منو

كتله بس لااا تحطيهاا وتأكدين الي براسيي

ريام: كمت وصرت گباله لا مو شكك اني عيوني

الي شافته واذني الي سمعته شلون يسولف لمرته

خايف لا جااسم يكول لامه بأن اخ كتل اخوه 

-بلع ريكه ويدحك بوجهي وخايف يسأل كوه گال

جهاد:: هو.. هو الي.. كتل حارث؟ 

ريام:: لا ومثل ما كاللكم غسان اكو كم شخص 

همه الي وياه لان بين ما انضرب ابوي دار حمدان

وبنفس اللحظه من غير سياره انرمى حارث وحمدان جيه يركض عليه حمدان ما راد ينكتل حارث كل همه ابوي.. 

جهاد:: اخخ يابوياا ولجج شلووون كل هاي الفتره

ساكتته لمنن انگبررر حجيتي موو جنتي تريدين

تاخذين حق ابوووج ولجج خمسسس سنواتت بيته

وتعرفينه كتال ابوج وسكتييي زيين من يجيه اهناي

ما حجيتييي ولججج سكتييي عن كتال ابووج حيوااااانه.. 

ريام:: طلكني جهاد انت وعدت وافي بوعدك

جهاد:: اطلكج واني الممنوون ساااكته وغاشتنيي

الي الساكت عن الحق شيطان أخرس"وانتي شيطان

ولجججج أمنتج بيتييي وسنه كاملهه اساعد بيج

تااااااليهااا تعرفين كتال اخوووي وساكتتته. 

ريام:: انهارر ونار شابه بي واخوته وابوي من صوته

العالي جوي يدكون بالباب سحبت شالي ولفيت

رأسي وهوو ما خلى غلط واول مره يغلط عليه

عفته يفتر ويكسر بالغرفه ورحت فتحت الباب 

وطبو يسألو ما حجيت عفتهم وهمه فاتو للغرفه

سحبت عبايتي والشماغ مالت ابوي وطلعت من البيت.... 

مروى:: جفلنه كلنه على صوت جهاد لان غرفتنه

شباكها قريب من شباك هول بيت جهاد ينسمع

الصوت ركضت على غرفة ابوي ادك بيه فتح الباب

واني ارجف كتله... الحكك يابه مدري جهاد شبي

احمد:: شبي ولجج

-طلع يركض واني وتبارك والولد هم جو يركضون

طبينه للحوش وصوت جهاد هرج الدنيا يغلط ويسب اندك بالباب وما يفتحون وين يلا فتحت

ريام الباب وجهه مطعون احمر بس ما لحكنه نحجي

صوت التكسير ركضنه على غرفة جهاد لكينه منهار

مكسر الغرفه كله وايديه مجرحه اخوتي وابوي

سحبوو يردون بس يفهمون شكوو ما ينطي مجال

عاط بي ابوي.. 

احمد:: ولككك شجاااكك انجلبت بهليل

جهاد:: وينهااا بنتتت الـ.... وينهااا

مروى:: فزينه كلنه على راشدي ابوي لجهاد

وانصدمنه من سب ريام دفعه ابوي يغلط عليه

بس وين جهاد نار وشرار رفع ابوي اصبعه بوجهه

وگال..

احمد:: حددك جهاد ولكك تسب خااالد

جهاد:: ما اسامحك يابه مااا اسامحكك ولكمم اسنين ناررر وشابه بضلوعيي ولكممم حاررث ضيع

شابه وانكتل بس رادد يراضيكمم وتاليها جذبه 

زعلتك حذذبه ما خففتت على ابنكك بسس اخخخ 

راح حاررث بعد عليمننن عااااتب وهاي الجلبه

بنت الجلبه تعررررف عمهاا كتاللل ابوها وساكته

تطمطله بس وحق هوو الله يجتال اخوي ما اعوفهم

مروى:: فتحنه حلوكنه كلنه وابوي مصدوم بلع

ريكه بصعوبه وعاط بينه 

احمد:: اطلعووو عوفوني وحدي وياه

معاذ:: بس يابه

احمد:: بلاا بسسس اطلعوو

مروى:: طلعنه سد الباب وظلينه نحوس تالي

تبارك كالت. 

تبارك:: تعالو نتصنت من الجام الغرفه

زياد:: خوش فكرة يلا

مروى:؛ مشو ركض بالممر وكفو يتصنتو وفتحنه

حلوكنه مصدومين من الي سمعناه.. 

احمد:: حجتلك ما فاد اسمعني راح احجيلك

كل شي بس بدون خبال الشغله تخرب من وره

خبالك 

جهاد:: ليشش الي صار يظل ييها عقل

احمد:: اسمعع گبل زواج خالك او گبل وفاة

جدك سلمان جان جدك خايف على بناته وخاصه

من تزوج جاسم وشافه ابوه بالدنيا ويسلت منه فلوس وماكل حق خواته انوب چملها حمدان بسوايته من تزوج وحده كرديه وسبحان الله يهل

الانسانه طبعها طبع حمدان الحقد عاميهم يهمهم

جدك من شافهم هيج وشاف حنية خالد على خواته وخاصه امك بحكم جان عدها هذا الوسواس

كام جدك وانطه كل احد حكه وانت تدري جدك

شكد عدنه ظل المعملين والكيعان الي هسه خالك

جاسم يزرعها وهذن حصة جديتك وخالاتك وخالد

توفى شكد وصارت المشاكل وجاسم وحمدان

اثنينهم ما يكدرون لخالد جان داهيه ما يكدرون

يخدعونه وبهاي الفتره خالد جان رايد استبرق

ام ريام والاثنين واحد يريد الثاني بس.. 

جهاد:: اصبر اصبر لا تخبلني شنو يريدها زين

مو هي جانت.... 

احمد:: هاي جذبه انها تريدني البنيه جانت صديقة

عمتك امل وحاجيتلها وامل جانت مسميه باسم

خالد وسهام باسم حاكم بس سهام رفضت واخذت

ابن عمنا ياسر واهناي خالد هم سحب نفسه وهي

تخبلت ومن حاجوني حتى اخرب خالد بحكم اني

صديقه من الروح للروح من ما قبلت ذبو خاي السالفه هم يخربون بيني وبينه وهم يسوون مشاكل

حتى لا يتصير استبرق لخالد المهم خالك من عرف

بالسالفه وشاف امك زعلت وانكست حالتها جيه

عليه وكال

خالد:: احمد راح احاجي ابوها واخذها منها

تسكت العالم ومنها اني فتره واخذها واطلع

من القريه مال اعوف استبرق ولو تنگلب الدنيا

احمد:: بس خالد واهلك 

خالد:: عوفهم عليه ولا ادير بال

احمد:: والله صار تزوج خالد وبنى بيت وعزل بس

ظلت المشاكل والبنت ما تحملت عافته وراحت

لبيت اهلها وخالد شكد ما أذوها رضى يطلكها

بس سبحان الله طلعت حامل والبقيه انت تدري

بي

جهاد:: وزعلكم الي ما افتهمت منه شي

احمد:؛ وره ما صارت ريام وجاسم ظل يركض

وره من وره المعامل وزعل امه من خالد وصارت

تجي تهديدات اتفقنا نعرف منو وراه خاصه من 

انطعن خالد وانباك منه نص فلوسه اتفقنا اتقرب

من جاسم حتى أعرف اذا هو وره طعنت خالد

وخالد من شافت تعلق حارث واكثر من مره اكو

من يحاول يأذي كال لازم نظل هيج حتى لا يستخدمون حارث كـ نقطة ضعف وصار الي صار

جهاد:: هههههههه ما حاي افتهم جاي تختصر

اريدد اعررف حمدان وجااسم همه الي كتلووهم

احمد:: حمدان كتل خالد اي بس حارث ما جاي نلكي دليل وهذا الي جاي نشتغل عليه واما مرتك 

اني الي حاجيتها تسكت من يوم الي رجعت وعرفته

وشفتك وياها بالبستان اني الي كتلها تعوف كل شي عليه وما رضت لان هي جانت ناويه تحجيلك

بس اني حلفتها جهاد لازم نحاول نشتغل صح

تهورك وهو الي مخليني ما احجيلك اني ما مستعد

اخسر واحد منكم ودعتكم وحگ من حق الحق

ما ارتاح اذا. ما اخذ حكهم بس بالتأني يا بويا

جهاد:: لا تخليني بنارر والي تريده يصير يابه

احمد:؛ هاي كلام مني كل شي انت تدري بي

كوم كوم شوف حرمتك تره الي بيها مكفيها

ما تدري بالس عاشته لا تزيدها عليها كون سندها

من بعد الله.. 

جهاد:: ان شاءالله يابه 

مروى:: ركضنه كلنه من سكتو رجعنه لحوشنه ننتظر ابوي وجفلنه من دخل جهاد يسألنه على ريام

جهاد:: وينهاا 

مروى:: قصدك ريام 

جهاد:: اي اكو غيرها

تبارك:: طلعت من زمان يمكن راحت لبيت خالي محمد. 

مروى:: هز راسه وطلع من الحوش وابوي من

شافنه اكفينه رزلنه واحنه ركضنه للبيت... 

رباب:: فزينه كلنه على دكت الباب جنه كاعدين

نتعلل بس ابوي وامي نايمين كام وسام يركض

واحنه وراه وكفنه بالطرمه وهو فتح الباب وصوت

جهاد گاله. 

جهاد:: صيح مرتي 

وسام:: شنو مضيع مرتك 

-كالها بضحك بس هو وجهه مگلوب زمخ بي

جهاد:: مااليي خلكك صيح ريام خلي نولي لييتنا 

وسام:: شبيك شارب مو ويمنه ريام 

جهاد:؛ مو وكت نصباتك وحگ الله اشكك نصين

وسام:: والله العظيم مو يمنه شبيك خاف بيت

فرات راحت تعلل وبعدها ما راجعه شوفها

رباب:: نسمع خابر فرات ويغلط عليه اني عفتهم

ورجعت شربت مي حلكي يبس من الجلفه كعدت

شويه وجت ريتاج تركض تريد تكعد ابوي سحبته

اريد افتهم

-شكووو

رياامم ضايعه ماكووو.....