رواية تحت ظل السعف الفصل الثلاثون 30 بقلم ميار

‏مشيت بساع مالحكت اداريك 

وخذت حيل لشباب وشيبتني

جبت عمرك سهل من حكك ودون 

حتى ابموتتك ماتعبتني 

جنت تاخذني من تروح وياك

بمشيتك لنجف شو ماخذتني 

اني تعلمت من عندك هواي 

بس بفركتك ماعلمتني

ـــــــــــــــــــــــ♕ــــــــــــــــــــــ، 

-رياامم ضايعه ماكووو

رباب:: شتحجين ولج وين ضايعه

ريتاج:: ما ادري ما ادري خلي اكعد ابوي

رباب:: ركضت تكعد ابوي واني طلعت بالحوش 

بس رحاب واكفه يم الباب مشيت وكفت يمها

صوت الولد بالساحه الجدام بيتنا اصواتهم عاليه

طلع ابوي يركض دفعنه وفتحت الباب وطلع وجت

امي ترجف سحبت الباب اسده وامي ما خلتني اسده كامل تريد تطلع يمهم طلعت يلا سديت الباب وخلينه شويه مفتوح حتى نشوفهم ابوي

گضب جهاد من ياخته ويعت بي ويحجي عليه

محمد::وللكك وين راحت شسويتلهااا

فرات:: على كيفك عمي هسه نلكاها وين تروح 

امنه:: شفتوها خاف بيت غسان 

وسام:: ماكو يمه لا بيت غسان ولا بيت عمي جاسم ما ندري وين راحت 

محمد:: امشوو دورو بالبستان يجوز راحت

اهناك اخيتكم هايي يلاا لا تظلون تصفنون

فرات:: صدك حجي عمي امشو كل واحد يروح من جهه يجوز راحت تكعد بالبستان يلا شباب

رباب:: كل واحد مشى من جهه وامي وابوي اثنينهم

كعدو بالباب ابوي ما تحمل يكعد ظل يفتر الدنيا ظلمه وبرد يكص العظم فوك الساعه يلا ردو الولد

رجلينه راحت من الوكفه ومن البرد وكفنه يم الباب

نتصنت سمعنه ابو يسأل بيهم

محمد:: هاا يابه بشرو 

وسام:: ماكو والله يابه شنو فص ملح وذاب

وين راحت بهليل ما خلينه مكان بالبستان ما فترينه بي وحتى على الدوم القديمه رحنه 

امنه:: يمااا ماتت روحي ولكم وين راحت البنيه

حامل وسوده بوجهي انوب هي من تنقهر تصخن ولكم امشوو دورو اختكم مالها غيرنه

لا تعوفونه وحدها اخخ يايمه ما مكتوبلها الراحه 

فرات:: ولي يا الله عمه وين تريد تروح اول وتالي ترجع امشو ناس تمشي وناس تطلع بالسياره اندور ونبقى على موبايلات اذا لكيتوها اتصلو بينه خوش. 

محمد:: خلي اجي وياكم امشي وسام

جهاد:: خالي 

محمد:: اشششش انت ولا حجايه تحجي حسك ما اريد اسمعه بس خلي الگي بنت اخوي

ويصير خير حسابك عندي يلااا وسااام جيب السيارة. 

-اندحك على وجهه جهاد قطعه حمره دنك راسه يمسح بوجهه وفرات وكف يمه يهدي گاله

فرات:: لا تزعل من عمي خايف عليها هاي مره

وطالعه بالليل وريام عزيزه وانت تدري بيه شكد 

يعزها امشي يا خوي ندور ويصير خير خلي ترجع

ونكعد ونحل سوء الفهم الصار يلا جهاد امشي

رباب:: ظلو يفترون للفجر وماكو رجعو ويا صلاة الصبح ابوي واخوتي نار وشابه بصدورهم جنه

نصلي وفزينه كلنه على صوت عركه طلعنه نركض

جان الباب مفتوح والولد ملتمين بابنه انصدمه

من عمر لازم جهاد ويضرب بي واحد يضرب الثاني

والولد البقيه يفاككون بيناتهم وابوي واكف يدحك

ما حجه وياهم الا خالي احمد من سحب جهاد وعاط بعمر.. 

احمد:: شبيييكمم فضحتونه كتلكم ما نريد

واحد يدري مناي بيوت العالم بدال ما تضاربون

صيرو ايد وحده وتدورو بنتنا مو عيب عليكم متذابحين بهاي المصيبه وانت بابا عمر هاي

سوايه تضرب اخوك بدال ما توكف وياه

عمر؛؛ هههههههه لا والله حقكم اوكف وياه

واشكه نصين واحركه حركك هل جلب هذا

فرات:: عمررر

عمر:: انت اسكت هو لما مأذيها ما عافت بيته

وطلعت ولكك شسوويتلها شنوو من أذيه الي

خلتها تعوف القريه كلهاا بنت يتيمه ما خفت

الله بيها الله اكبر عليكك مررره كأن ضعيف 

ما كدرت تحتويها وتحافظ عليهاا ولو بس

حاير دور مشاكل وتشكك بالرايح والجاي

محمد:: كاافيي عمرر مو وكتها 

عمر:: يااا مو وكتهاا اذا ما هامه غير ثاره

ومشاكله ليش تزوج ليش كسر ركبتها للبنيه

واكف ويهدد بينه حتى لا ننهي عليها عود رايدها

-وكف گبال جهاد وسحبه من ياخته ومن بين

سنونه گاله. 

عمر:: الي يحب ما يأذي الزوجه امانه مثل

ما تحافظ على امانتك تحافظ عليها انت مو

مال زواج ورب الكعبة بس يصير شي على اختنا

ما تلووم الا نفسك بيدي لادفنتك بصف اخووك

- فزينه كلنه من جهاد ضرب عمر كله على وجهه وصارو ولدنه بنصهم وجهاد يغلط ويهدد

جهاد:: انعل والديك تجيب طاري حاررث ابن الجلاب انعل خيرك والله اشك حلكك تجيب طارري اخووي ابن الغدارر ابن...... 

وسام:

"كاافي!"

دفعت الولد بكل قوتي، وخلال ثواني كل واحد منهم سحب أخوه وبس آني ما جنت أشوف غيره.

لأول مرة ما أنقهر على جهاد...

لأول مرة أحقد عليه.

طول عمري أشوفه الصح، وأشوفه صاحب حق حتى من يكون العالم كله ضده. ما أتذكر يوم شكيت بيه أو فكرت إنه ممكن يخذل أحد.

بس هسه؟

هسه من شفته وصل لهاي المرحلة من الأنانية، مرحلة ما يفكر بيها غير بنفسه، حسيت كل الصورة اللي راسمها عنه انكسرت دفعة وحدة.

مشيت وكفت گباله مباشرة.

رفع حاجبه ببرود، وكأن ما عاجبه أحد

صفنت بوجهه.

مو لأن ما عندي حچي...

لا.

لأن عندي حچي أكثر من اللازم.

حچي متراكم من سنين ثقة، ومن سنين أخوة، ومن سنين دفاع عنه بكل مكان.

بلعت غصتي وشديت على إيدي، وبعدين كتله:

"تدري شنو المشكلة بيك؟

مو إنك غلطت...

المشكلة إنك مقتنع إنك ما غلطان.

وصلت لمرحلة ما تشوف بيها غير نفسك، وما يهمك شكد ناس تنكسر حتى تحقق اللي تريده.

وأني...

وأني أكثر واحد جان يوقف بصفك.

بس اليوم؟ لأول مرة أشوفك غريب عني."

-خلي ابالك بس ترجع ريام بخير وسلامه تحلم

بعد تصل لذيال ثوبها انت حير بروحك وثارك

واحنه نحير باختنه كل شخص يهتم بعزيزه

جهاد:: لا تمسلت شي ما تعرفه لا تسولف بي

وسام: ههههه... شسويت حتى وصلت لهالمواصيل؟

بس جاوبني بصراحة، من جيت وخطبت جهاد، جنت فعلاً تريدهه شريكة عمر وتبني وياهه بيت وعائلة، لو جنت تشوفها مجرد طريق حتى توصل لشي ثاني تريده؟

أتذكر زين يوم سألتك، وكتلك: "جهاد تريدهه لأن تحبهه وتريد تكمل حياتك وياهه، لو لأن وراها غاية ثانية؟"

وإنت يومها طمنتني وخليتني أصدگك إن نيتك صافية... بس هسه، من أشوف شصار، أحس كلشي جان محسوب من البداية، وكأن جهاد ما جانت حلم عمر، جانت مجرد جسر تعبر عليه حتى توصل للي ببالك والأوجع مو اللي سويته الأوجع إن أكو ناس صدكتك من كل قلبها... 

جهاد:: لا تملست وسام، ثاري شي وحبّي لريام وحياتنه شي ثاني، وانت تدري بهالشي. بس هي تعبتني، كتلك ريام كلشي تدري، بس ما حجت وبقت ساكتة. وهسه، بعد ما نگبر حمدان، يلا حچت. و والقاهرني حتى ثقتها بحبّي إلها ما موجودة.

والله ما قصّرت وياها، ولا يوم دخلتها بثاري أو بمشاكلي. كل اللي ردته منها تحچيلي اللي تعرفه، بس حتى هالشي ما سوّته.

تدري شكثر يوجعني؟ مو لأن عرفت الحقيقة متأخر، لا... لأن الإنسان يتوقع من أقرب الناس إله يكونون سند، مو جدار ساكت. جانت تعرف شكد هالموضوع مهم عندي، وشكد جنت أدوّر على جواب يريحني، ومع هذا فضّلت السكوت.

أني مو زعلان لأن حچت هسه، زعلان لأن كل هالفتره راحت وأنا أعيش بنص الحقيقة. وكل مرة أسألها وأنتظر منها كلمة، جانت ادحك وتسكت. هذا اللي كسرني وسام، مو الحقيقة نفسها.

وأصعب شي من أشوفها لهسه مترددة، كأنها مو مصدگة إن حبي إلها صادق. بعد كل اللي صار، وبعد كل اللي سويته حتى أحافظ عليها، بعدني أحس بيناتنه حاجز ما اكدر أهدمه.

وسام:: تقربت يمه كعدت ادحك عليه حيرة

وخوفه ادحك عليه حتى ايديه ترجف تنهدت

وكتله. 

-جهاد ريام اختلف فكره وما حجت الك لان انت

الي غيرت حياتها ريام گبل ما جانت مهتمه لان

ما عدها شي تخسره بس هسة اتخلف صارت تفكر بيك وراها الله رزقكم وعن قريب يجي

ابنكم تدري من انسجنت تجي يم امي تشكيلها

البنت خايفه عليك وخايفه لا طفلكم يعيش الي

عاشته هي فكر بيها اقتنع يا خوي بكلام غسان

-هز راسه وكام صحت وراه

وين 

جهاد:: ادور عليها كوم وياي 

وسام:: كمنا ومشينه كل واحد بجهه ومدري وين راحت بهليل بس نظل وراها لو ننبش الكاع

مهى:: من البارحة بالليل ولهسه ساعه 12الظهر

و ولدنه ما كعدو لحظه التمينه البنات كلنه بيت

عمي محمد بس مروى باقيه بيتهم علمود امها

وجهال معاذ الجو مغيم واكفه على النگيطه ادحك

عمتي امنه تلوب ودمعتها ما نشفت عجيب حبها

وتعلقها بريام تكول بنتها والله مو بنت حماها اشرتلي فاطمة كمنا سلمنه عليهن شكد رادن نبقى

بس خفنه تكوم تمطر وما نكدر نطلع بقت بس تبارك يمهم وصلنا بيتنه ردت افوت وسحبتني فاطمه.. 

فاطمه؛: امشي وياي عليش ظاله وحدج 

مهى:: مو اخاف يرجعون الولد وتعرفين امي لهسه

بيت خالتي واذا جوو الولد يردون اكله شي اسويلهم

فاطمه:؛ ميخالفه اني طبخت اندز عليهم ما اريد

اظل وحدي والله الأفكار تاكل براسي كتلني الواهس 

مهى:: كولي ياالله فطوم هسه ان شاءالله يلكونها

وترجع بخير وسلامه.. هزيت راسها عيونها مغوركه

دخلنه لبيت فرات كعدنه بالهول وفاطمه انطت لعلاوي ملاعيبه وجت كعدت يمي وعينه على الباب

ننتظر خبر صافنه باب الهول مفتوح وادحك كامت

تمطر وبيها هوى شويه وصار المطر قوي الا كام المي يدخل من الشبابيك والباب كمنا اثنينه نسدسد الشبابيك لان جانت فاتحتهن تهوي البيت

سدينه الباب وكعدنه وفاطمه ادحك على المطر 

وتبجي كمت كعدت بسدها وسحبتها لحظني 

-فاطمه كولي يا الله لا تبجين قابل وين تروح 

اول وتالي ترجعه بس يجوز انقهرت وهي احنه

ندري بيها لهسه تحس نفسها ما الها احد ولا تنسين هذا الموضوع صعب يجوز حتى خافت من

عمي محمد لا هم يلومها تره صعبه والله لو احنه ما نتحمل. 

فاطمه:: مهى، تتوقعين أكدر ألومها؟ والله لو بس حاچيه ويانه وكالت شبيها جان ما وصلنا لهالمرحلة. هيج موضوع مو سهل ينكتم، خصوصاً وهي بهالحالة. ما أدري والله، عقلي مشتت وكل دقيقة تمر تاخذ ارواحنا . هسة ما يهمني لا زعل ولا عتب ولا أي شي صار بيناتنهم ، أهم شي ترجع بخير وسلامة. خايفة عليها جثير... حامل وبهالبرد الي يكص العظم ، وما أعرف وين راحت ولا يمّن راحت.

كل ما أتخيلها وحدها يضيق صدري أكثر.

مهى:: الله كريم يگلبي، لا تفكرين بالأسوأ. إن شاء الله ترجع بخير وسلامة، ورب العالمين يحفظها ووترجع بالسلامة. خلي أملج بالله جبير، يمكن هسة محتاجة وقت حتى تهدأ وترجع. وإن شاء الله ما يمر هاليوم إلا وإحنه مطمنين عليها.

-امين ياارب 

مهى:: ظلت فاطمه كاعده واحطه ايدها على خدها

كمت اني اتذكرت ما صليت الظهر بس فاطمه ابد

ما يفوتها فرض وكفت جاي اصلي ويا اخر ركعه حسيت انفتح الباب بس سلمت درت وجهي ويا 

دخلت فرات كملت ركض تلكته فاطمه تريد تفتهم

شصار وياهم وهو حتى ما اله خلك بس ما يكدر هلى دمعت فاطمه مسح وجهه وگاللها. 

فرات:: عليش هلدموع عيوني انتي 

فاطمه:: راحت روحي والله اتصل محد يرد

بس تطمني ما حصلتو شي خما نظل هيج. 

-تنهد وگال

فرات:: والله ما ادري فاطمه ما خلينه ما تفترينه وكل واحد يكول شكل هسه غسان

كال خاف راحت لبغداد عدها صديقه اهناك

مره منهزمه من حمدان ورايحه يمها بس 

شو خواتج گايلات هي طلعت بطرك العبايه

وحتى جهاد يكول ما لحكت تاخذ فلوس ولا 

شي. 

مهى:: والحل فرات يعني شراح تسوون 

فرات:: والله ما نعرف متربطه ايدينه ورجلينه

اول شي ما نريد ندخل الشرطة لان الكل راح تدري

وهذا الضابط الي طلع جهاد يعرفنه امبين عليه 

تنحل وين تروح اول وتالي نلكيها لا تهتمن

فاطمه:: الله كريم عمري تعال خلي اصبلك اكل

من البارحة انت ما ماكل شي وانت مهى خابري

الولد يجون يتغدون بين ما اصب الغده اني. 

فرات:: خاي اسبح واجي ولو نفسنه مسدوده

بس ما اكولج لا بس تطبختي وتعبتي اكل واني

الممنون. 

مهى:: ابتسمت من بين دموعها وهو باس راسها

وجيه عليه باس راسي وراح للحمام وكفت خابرت

الولد عمر كال هسه يجي دگيت على عماد موتني

يلا رد بس كتله الوو نتر بيه 

عماد:: شكوو شكوو

مهى:: ياا عماد شبيك غير اريدك تجي تتغده ويانه

عماد:: كل عقلج ما اجي اتغده بيت عمي ولي

مهى:: عماد شبيك عيب تعال اهناي طابخين

عماد:: ما اجي عمي عزمني طبخ ربابه يسون راسكم يلا ولي لا يسمعنه عمي. 

-والغده

عماد:: انتو اكلو بس جفيني شرج

مهى:: سده بوجهي احنه وين وهذا وين ذبيت

الموبايل وكفت اساعد فاطمه وننتظر بالولد يلتمون

ما نحس غير اندك الباب بقوه اخذ ارواحنا وصوت

جهاد يصيح على فرات طلعت فاطمه تركض واني

وراحه وكفت باب الهول واسمعه يحاجي فاطمه 

جهاد:: بس يصحي فرات هسه موو وكتهااا فرااات

فاطمه:: يمه وكعت گلبي بس كولي شبيكم شكو 

جهاد:: لا حول ولاقوة الابالله هسه وكتهاا فاطمه 

-طلع فرات على صوت يركض ملابسه وشعره مبللات ما ملحك ينشف عبرني وراح لجهاد گاله

فرات:: شبيكك تخبلت انطينه درب والله 

ما عرفت شلون لبست شصاير ما تكولي

جهاد:: اسمعني اسألك ذاك اليوم من كتلك

ريام تسأل على بيتهم القديم هم رجعت سألتك عليه 

فرات:: هذا الهناي لو الي عاشو بي

جهاد:: لا تصير اثول لا ذاك الي نكتل بي خالي

فرات:: هاا اي سألتني تذكرين فاطمه من جت

تعللبس شدخل هذا بهذا تتوقع راحت عليه؟ 

جهاد:: اي اي الحكني فرات

مهى:: طلعو يركضون اثنينهم خو فرات ما اخذ

كل شي بيده وفاطمه ظلت بالمطر واكفه طلعت

يمها دحكت شخطو السياره بس طشار الحصو

وراهم اخذو رواحتنا مطر خفنا يصير عليهم

شي گبل لا انطب طلع زياد ووسام والولد يركضون وراهم صعدو السيارات ومشو احنه

ظلينه بنار وندعي يلكونها وما يصير عليهم شي. 

زياد:: خابرنه جهاد كاللنه نلحكه لقرية..... القريه

الي جان عايش بيها خالي گبل لا يتوفى عماد جان

يسبح عفته وطلعت لبيت خالي لكيت وسام مشغل

السياره يريد يروح ركبت ويا وطلعنه واحنه واحد

مثل الاطرش بالزفه ما نعرف شكو بس عسى ولعل

نلكاها ريام انوب هذوله كلهم ما يتحاجون حتى وسام اللطيف صاير چبريت من شفت خبالهم بهذا اليوم عرفت نفسي اعقل واحد بكل لمة البو سلمان 

وصلنا القرية لكينه سيارة جهاد واكفه گبال بيت

طين قديم وياما صف سيارته وكفت سيارة عمر

نزل منها خالي محمد يركض نزلنه ويا ما طبينه 

لكينه جهاد وفرات واكفين ويفرون بذاناتهم 

وكف يمهم خالي ويسأل بيهم 

محمد:: هاا بشرو وينها؟ 

فرات:: عمي البيت مقفول من الداخل 

عمر:: وانت شتنظر ادفر الباب وافتحه

جهاد:: روحو ليغاد اني احاجيها انتو شكو شعدكم جايين ورانه ان شاءلله ناوين تحاجونها

عمر:: جهاد لا تغثني تره محمل عليك والله 

جهاد:: شتريد تسوي اسويك وصلتين لا تحط روحك 

فرات:: صلو عاى النبي يا جماعه هسه وكتها

-اللهم صلى على سيدنا محمد 

جهاد:: اني ادك الباب انتو اكفو على صفحة 

عمر:: لا حول ولاقوة الابالله تره برودكم دمرني

فرات:: بابا انت زمال دكينه الباب اصبر هسه 

انشوف بلجي تفتحلنه الباب شبيكك لحيت

عمر:: خاف بيها شي وما فتحته

فرات:: لا ان شاءالله 

محمد:: اصبرو اني احاجيها روحو ليغاد 

زياد:: كلنه انسحبنه وكفنه على صفحه جهاد 

عينه على الباب البيت راح خالي يدك بالباب 

ويحاجيها گال

محمد:: ريااام... بويا، أني عمج محمد، افتحي الباب يمعوده

والله محد راح يحاجيج ولا أحد راح يأذيج، بس افتحي وخلي أشوفج. من الصبح وإحنا ندور عليج وگلوبنه رايحه عليج بويا ريام لا تخلين الخوف ياكلج وحدج، ترى أخوتج كلهم واگفين بالباب وهمهم الوحيد يطمنون عليج.مو جايين نعاتبج، ولا جايين نحاسبج، جايين نضمج ونگف ونطمن عليج. افتحي الباب ريام... ترى گلبي يوجعني يا بويا خلي اشوف حتى گلبي يرتاح والله 

الي تكولين عليه يصير بس افتحي الباب يا يابه

زياد:: شويه ورفعنه روسنا كلنه من انفتح القفل جان جهاد عباره عن نار وشرار بس

كلنه گلوبنا من انمردت من شفنه حالها. 

ريام:: من طلعت من البيت مشيت بلا وعي تعبت

اريد ارتاح مشيت مسافه عبرت الگنطره والدنيا ظلمه وصوت الچلاب بس نار الي بگلبي جانت اكبر

من خوفي مشيت مسافه تعبت كمت كوه اسحب النفس اكو بيت صاير على الشارع رحت كعدت مسوين محصر (حضيرة الابقار) كعدت بسده ظلمه انفت وصار عندي تقلصات قويه رغم ما بعدت

من قرية عمامي جثير الدنيا بارده واني بطرك عبايتي هم زين لابسه دشداشه ثخينه بس وين 

البرد يكص العظم ما ادري شكد مشى الوكت 

واسمع صوت سيارات تفتر وايجت جفلت من شفت سيارة فرات كمت ركض اختليت وره البيت

جان مخلين تانكي من الكبار ضميت روحي وره 

والخوف كتلني ظليت على هل كعده لحد ما سمعت صوت اذان الفجر واني على فد بچيه الا ورمن عيوني ادري طلعتي غلط وما ادري اني ظليت

بحيره اسولف لجهاد لو لا بس خفت عليه گبل لا 

نتزوج ما جنت مهتمه كل الي ابالي شلون احصل

دليل واثبت بي حمدان هو الي كتل ابوي كل الي

ابالي اسجنه واخذ حق ابوي واحرك المضيف الي

أذو بي ابوي بس من تزوجت وانوب شلت بنفس

الشهر لا صار الخوف انو اخسر جهاد ويتيتم ابني

ما تفارگني هل الافكار من خوفي عليه ضميت عنه

كشف الجو واني باقيه على نفس كعدتي اريد اكوم

جسمي متكسر من البرد وعرفت نفسي صخنت

كمت لفيت عبايتي وطلعت امشي ويا الشارع لا

عندي افلوس وأجر تكسي وكفت حايره شلون اصل

بيتنا مشيت من شفت الناس كامت تطلع وادحك

عليه مستغربين وكفتي كل الي ابالي ارجع لبيت ابوي واعيش بي اني وابني اربي بعيد عن كل شي 

جاي امشي وما احس غير وكفت سيارة ما اهتمت

كملت مشي وهو صار يمشي وياي وكفت و التفتت

اريد اشوفه شيريد نزل الجامه ادحك زلمه يطلع 

اكبر من فرات والرتبه على جتافه خفت منه بس لا

على بالي شاحوذه لو مجرمه نزل مناظره الولد

اسمراني ظل يتفحص وجهي وين يلا گال. 

- منو انتي وشسوين من الصبح تفترين وحدج

ريام:: بلعت ريگي بخوف ومستاحه وجسمي من البرد يرجف ما حجيت شي عفته مشيت وهو

صاح وراي. 

-هييي يا بنيه

ريام:: غير لو يعوفني نزل من السياره يمشي

برهاوه وكف يمي ويدحك بوجهي ما عاجبه العجب

لبس نظارته واشرلي على السياره وگال. 

-امشي اوصلج امبينه مريضه مدري باجيه

ريام:: سيدي انت بس عوفني ما اريد شي 

-اخر كلام امشي بابا وضعج تعبان امشي لو اخذج

للمستشفى لو للبيت شوف انت وين تردين تروحين. 

ريام:: ظليت حايره اصعد وياه خاف ياخذني للسجن

بس تعبت بطني موتتني ومن الصخونه كوه اركز بي

اشرلي امشي مشيت واني احس عيون عمي تلاحگني كل شوية اكول هسه يشوفني جهاد لو عمي صعدت بالسياره وهو مشى ساكتين وين يلا 

گال

-وين تريدين اوصلج

ريام:: احم لقرية...... اذا تكدر 

-انت من قرية..... شعندج جايه بهاي القريه

وحدج 

-لا بس عندي گرايب بيها وجنت يمهم

-خوش زين مادامج تعرفينهم تعرفين بيت الابو سلمان الـ..... 

ريام:: يمه گلبي كام يدك سريع بس لا همه خابرو

على الشرطه كوه بعلت زردومي وعيني عليه يدحك

بالمرايه رافع حاجبه ينتظر مني جواب ومو مال اجذب لان معروفين بالقرى الي داير ما يدور قريتنا

كتله

-اي سامعه بيهم 

-خوش يعني ما تعرفيهم شخصياً يعني مراجعه

شي 

ريام: ضجت من تدقيقه كتله 

-لا ما اعرفهم اني اجي قليل لبيت كرايبي وارجع

هز راسه بس واضح ما مقتنع ويما وصلنا كتله

-نزلني اهناي اني اتمشى 

خوش ادللي

ريام:: قبل لا انزل تشكرت منه ومشيت وكفت گبال مدرستي وغمضت وفتحت عيوني احرر

دموعي غمضت عيوني استذكر شلون جنت ارجع

للبيت مشيت من نفس الفرع واني كل خطوه احس گلبي تملخ اكو بيوت مبنيه جديد جانت گبل ساحه وقليل بيها بيوت هسه صلاوات متروسه حتى 

الواحد يضيع مشيت تيهت وكفت يم شياب وصلت يمهم گتلهم 

-السلام عليكم عمو تعرفون ببت ابو علي الفيترجي. 

- اي بابا ذاك گبل اخر بيت

ريام:: تشكرت منهم ومشيت، وكل خطوة جنت أخطيها چانت أثگل من الثانية. من وصلت گبال بيت أبو علي وسجينة، وكصت گلبي وكفت لحظة آخذ نفسي، بس من رفعت عيني وشفت بيتنه گدامي، حسيت رجلي ما تشيلني.

صار كلشي يرجع بوجهي دفعة وحدة... منظر أبويه وهو مدمى گبال عيني، كأنها مو ذكرى، كأنها هسه ديصير من جديد. حسيت روحي محبوسة بهاي اللحظة، نفس الفيديو يعيد نفسه ألف مرة وما يرضى يوگف.

كعدت عالگاع واني أرجف، وانهاريت و شهگاتي بدون ما أگدر أسيطر عليها. تذكرت صوت أبويه وهو يصيحني ، تذكرت ضحكته الي چانت تملي البيت حياة، تذكرت لمته وياي بكل ليلة. شلون چان موجود بكل زاوية، وهسه ما بقى غير أثره وذكرياته.

رفعت راسي للبيت، حسيت الحيطان نفسها حزينة عليه. كل مكان بي يحچي قصته. كل باب وكل زاوية تذكرني بيه. وگدام عيني رجع ذاك المشهد... أبويه واكف، وگباله حمدان. لحظة غيرت عمري كله، لحظة سلبت من عندي راحة السنين 

كمت ردت افتح الباب دحكت لكيته مقفول مچلبه بالباب كوه امشي سندت نفسي على الحايط ومشيت دكيت باب بيت ابو علي واريد اسيطر على 

نفسي ما ابجي بس الغصه البگلبي جبيره ما حملتني

رجليه كعدت بالكاع ودموعي تجري مثل النهر ظليت انتظر يفتحولي الباب وين يلا انفتح الباب 

گوه سندت نفسي وكمت رفعت راسي زلمه واكف

يطلع بنهاية العشرين دحك علي مستغرب گال

صالح:: منو انتي رايده منو؟ 

ريام:: اني اريد ام علاي خاله صفيه موجوده 

صالح:: اي موجوده بس ما عرفتج عبالك اول مره

اشوفج منين انتي بلا صغراً بيج من يا عمام

ريام:: ظليت متردده اكوله لو لا كل الي اريده اخذ

مفتاح بيتنا دحكت عليه وهو ينتظر مني جواب 

كتله

-اني ريام بنت خالد السلمان جاركم

صالح:: شنووو صددك والله واني اكول هلوجه وين شايفه يا هلا ريم المشاغبه وين رحتي وين صرتي فوتي فوتي.. يووووم تعالي شوفي منو جانه

ريام:: بوسط دموعي ابتسمت من شفت ردة فعله. طب للبيت ركض، و شويه طلع رجال جبير بالعمر... عمي مروان.

رفعت عيني عليه ودگ قلبي بقوة، نفس الوجه السمح، نفس الابتسامة الطيبة الي تعودت أشوفها بملامح أب. حتى مشيته ذكرّتني بيه. عيون عمي مروان چانت مغرگة بالدموع، ووجهه الي حفرت بيه السنين تجاعيدها چان يبين بيه التعب والحزن.

بهاي اللحظة ما شفت عمي مروان... شفت أبويه.

حسيت الزمن رجع لورا، وحسيت روحي تركض حتى ترتمي بحضنه. بس الحقيقة كانت أقسى من كلشي. نزلت للكاع وانهارت شهگاتي، وضميت صدري بيدي وكأن گلبي جاي يتفتت من بين أضلوعي.

"يا يابه..."

طلعت مني الكلمة بحرگة سنين، مو بحرگة لحظة.

"يلوموني على حزني... يلوموني على كسرتي... بس لو شافوا الي شافته عيوني جان عرفوا ليش ما أگدر أنسى . مو بس خسرت أب... اني انكسر ظهري يوم راح، وضاع سندي، وانهدمت دنيتي كلها. من بعده كلشي صار ناقص، وكل فرحة صارت مبتورة، وكل ضحكة وراها وجع."

رفعت راسي للسما ودموعي تنزل بلا توقف

واحاجي روحي.

"يا يابه... من بعدك دنيتي مو دنيا ، والناس مو ناس، وحتى أني مو نفس الإنسانة. ذاك اليوم ما أخذك مني بس... ذاك اليوم أخذ جزء من روحي وياك."

دنك عليه من فوك العبايه سندي وكومني وهو العبره ما تخلي يحجي ويما وكفت طلع خاله صفيه

شهكت شهكه من شافتني حسيت شكت زردومها

جرتني من ايد عمو وشبكتني واني هذا الحضن الي

داراني اسنين جانت الام الي ما جانت تفرقني عن بناتها الي علمتني ودارتني اسنين فتحت عيوني واني

اشوف احن من الام عليه شبكتها بقوه اريد ايامي

اريد طفولتي الي نسلبت سلبوو كل شي مني على

صوت بجي خاله صفيه طلعن الجوارين محد مفتهم

شي انسحبنا اثنينه دحكت بتسمت بقهر عرفته علي

هو مشانه اني وخاله دخلنه للحوش وهو مبتسم

ما لحكت احجي وخاله سجبتني لحضنه وعمي مروان يحجي عليه يريد يحجي ما تخلي تالي

زكح بينه

مروان:: ام علي انطي مجال يمعوده خلي اشوف ابنيتنا احاجيها قابل بس ابنيتج 

ريام:: گالها بضحك وهي وخرت تمسح دموعي

ودموعها جني بنات ما عرفتهن جابن مي شربت

والصخونه احس دكت عضامي دگ شكد رادو

اطب جوه ما قبلت كعد عمي گبالي وسألني

وين جنت حجيتله من واول ما طلعت مناي 

جيتي هسه خطيه جابو اكل كوه كدرت اكل لكمتين ولان خاله هي الي جبرتني اكل نفسي

ما تتقبل دحكت على عمي مروان شلون صافن

وره ما حجيتله بس ما حجيت على مشكلتي 

ويا جهاد كتله.. ما كدرت بعد اظل بالقريه

مروان:: يعني حمدان مات

ريام: اي هو وابنه ومرته وجاسم راح ما ينعرف وين

صار لا يعرفونه ميت ولا عايش هو حاكم اخو عمو احمد 

مروان:: راس البله حاكم الله شكد حقير 

ريام:: عمو اخر طلب فدوه انطيني مفتاح البيت

مروان:: بابا البيت متروك اسنين محد طابه

اخاف عليج والله خلي الولد ينظفونه الج 

ريام:: لا لا اني اريد اشوفه فدوه عمو والله اذا لكيت شي اصيحلكم ابتسمت كتله من فوك الحايط

اذبلكم حصو حتى تجون علينه.. 

ابتسم بقهر وما تحمل ضم وجهه بيديه وبچى ما تحمل واني وامي علي اثنينه نكهد ونبجي وياه

بعد الحاح مني انطاني المفتاح وحلفتهم يعوفوني

وحدي وهمه ما لحو عليه يدرون بيه تعبانه عافوني

دخلت للبيت اخخ يا بويا الحوش على حطت ايده

محد ما مغير شي ادحك القريوله الحديد مزنجر

وعلى حطته التنور الطين مغطى بجادر ازرق منتهي

من الشمس وكفت يم الجادينه جان ابوي مسويها

لدجاجاتي وبطاتي كمت گوه على نفسي بيدي المفتاح وايدي يرجفن وشهكاتي توصل لنهاية الحوش ما اسطر لا دموعي ولا شهكاتي فتحت

باب الهول وعساني لا فتحته يا يمه انشگ گلبي 

ما تحملت يمه ماتت روحي ولا شفت البيت بدون

ابوي كعدت ادك بقوه على وجهي شلووون اكدر

اعيشش شنو من صلافه عيوني ادحك على مكانك

فارغ دكيت ولطمت الا ما كلت بس شحجي وشگول شلون اريد اعيش بي وابوي بكل زاويه بالبيت الا ذكرى كمشت گلبي كمت ادحك الدوشك

السفنج مفروش والمخده الي جان مخليها الي ابوي حتى امدد وادحك على التلفزيون شهكت شهكه زرفت گلبي واني اشوف دشداشة ابوي معلكه والمشهد گبال عيني اخر يوم جان كاويها

وگبالي من علگها ويوصيني ما اجرها حتى لا تكع

بالكاع كمت لغرفة ابوي ول يابه شيصبر روحي 

ما تحملت بعد افتح الكنتور رجعت سديت الباب

وكعدت وجريت دشداشهابوي وحضنتها ادك والطم لميت نفسي وتمددت واني حاضنه ملابسه واشهك يا ناس هذاا ابوي هذاا دنيتي اخذووه مني

گبال عيني ماات اسنين واني والله اللگمه من بيت حمدان اذا اكلها نار وتلغي بمعدتي اذا ما استفرغه ما انام ويلومني سكتت ما كدرت والله ما كدرت اكتله أذاني حمدان عيشني بحرب نفسيه ذلني مذله

ويين جانوو وين جهاااد ظليت على حالتي شكد جت

ام علي وابو علي ما فتح الباب وما ادري ليا ساعه

بقيت بالكاع احس نفسي بديت افقد الوعي واني اسمع صوت جهاد والولد ما اريد اشوفهم بس دگ

گلبي من سمعت صوت عميمحمد اريد اگوم ما اكدر گوه سندت نفسي وكمت ارريد حضنه يلمني

اريد ريحة ابوي لزمت الحايط واني احس الدنيا

تفتر بيه گوه فتحت الباب صار عمي بوجهه ذبيت

روحي بحضنه واستسلمت للظلام........ 

الفصل الواحد والثلاثون من هنا