رواية هو لا يشبههم الفصل التاسع والعشرون بقلم تبارك الوائلي
• أنا امرأةٌ قويّة
أصلحُ نفسي دائماً وحدي
وبكُل هدوء 🖤🦋
جمانه : منو أيهم ؟
أيهم : ماكو شي جمانه نامي حبيبتي .
:- وين رايح ؟
:- رايح احجي بالاستقبال مكالمه .
جمانه : طلع اني بعدني نعسانه رجعت نمت وكعدت الصبح سويتله ريوك وراح للدوام واجه بـ 3الضهر تعبان صبيتله غده تغده وراح نام تذكرت منو دك عليه بالليل كلت خلي يكعد واساله بس ايهم بي مو حلوه ميتحاجه من يكعد من النوم رحت يم الجهال
وهو كعد سويت جاي وكيك وديت للجهال بالغرفه كاعدين يباوعون على كارتون رحت وديت الايهم كيك وجاي .
جمانه : ها حبيبي .
:- ها يروحي راسي مصدع جنه جيبيلي حبه راس .
:- صار حبيبي .
رحت جبتله حب نطيته وكتله .
:- اشبيك ايهم .
:- ضايج .
:- اكو شي شبيك مو طبيعي ؟
:- البارحه تعرفين منو دك عليه بالليل .
:- منو ؟
:- امل ...
:- صدك تحجي .
:- أي والله .
:- وشكو داكه نص الليل عليك .
:- على كيفج حبيبتي .
:- اي عيني وشتريد هاي صدك ماعدها كرامه ومتستحي .
:- جمانه هواي لحت عليه برجعتها وسحلت نفسها اخر شي ختمتها وياها كلتلها الرصيد من اعبي بالمبايل اشخطه واذبه بالكاع هيج انتِ شمرتج ومستحيل ارجعج ابد لتحجين بعد برجعه مانسه
الي سويتي بحقي .
:- أي وبعدين شكلتلها .
:- كلتلها يا بلا كرامه حضرتج كم مره وترجعين
و اذا تريد شي بخصوص البنات كولي الدينا وهيه تبلغني و طبكت المبايل بوجها وحضرتها .
:- هااا وليش رحت تحجي بالاستقبال ليش ماحجيت يمي بالغرفه .
:- جنه اشبيج حبيبتي انتِ نايمه ومو ذوق احجي كدامج واكيد اني احجي بصوت عالي وماردج اضوجين واني احجي وياها .
:- ايهم كلي ايست لو هم بعدها تحاول .
:- لا هل مره حجيت وياها حجي اذا شوفني ادير وجه بغير بصفحه واذا صدك عدها كرامه بعد مدك ابد .
:- ان شاءلله حبيبي ونخلص منها .
:- فديت حبيبتي العاقله شنو هل هدوء جنه لو
هذا هدوء ماقبل العاصفه .
:- ها يعني بكل الاحوال متقبل ازعل متقبل ارضه متقبل .
:- منو كال ماقبل يروحي انتِ
وبعد فتره هم ما كعدت ام دينا ولا خلصت من مشاكلها ابد مر اسبوع ودزت بنتها علينه و المشكله البنيه من تجي تباوع عليه بعين غضب مادري ليش رغم اني والله مالي علاقه بيها ابد واتعامل بكل حب وحنان وياها الخاطر ايهم لان يستاهل كل خير اشوفه حنيته على جهالي من اول زواجنه من يجي يلكه امير نايم يكعده من النوم مشتريله ويلعب ويا ومن انقطع راتبي وره زواجنه بكم شهر ماقصر وشال مصاريفهم حتى طارق عافه يم مدرسه خصوصي يقره وخوفه عليهم وحرصه عليهم خلاني احبه من صدك واتحمل كلشي علموده اجتي دينا وصارت تحاول بكل الطرق تسوي مشاكل تعيب على طبخي وتكله .
دينا : ماما طبخه اطيب مو طيب طبخ عمه جمانه .
أيهم :- ليش بابا هيه امج من اشوكت طبخت لو بالجديد كامت تطبخ .
:- لا تطبخ كلشي .
:- ها خوش .
:- بابا دزلي من بره لفات كص .
:- صار ادللي .
:- بابا و اريد نطلع بس اني وياك نتونس ماريد احد يروح ويانه .
:- ماكدر بنتي عندي دوام وباجر عندي اجتماع اتاخر واجي تعبان خلي على جيتج الثانيه ان شاءلله اطلعج .
:- زين بالليل اريد انام بس اني وانت باللغرفه .
جمانه : اي حبيبتي عادي نامي يم بابا واني انام بغرفه الجهال .
أيهم عصب وكال .
:- لا دينا عيب بابا ميصير مو بس غرفتي هاي هم غرفه عمه .
دينا : بس اني اريد انام يمك .
أيهم : اذا حابه اني وياج انام بالاستقبال .
جمانه : ليش ايهم تره عادي حبيبي .
:- لا ماقبل تطلعين من غرفتج انتِ شنو ذنبج .
دينا : يا بابا نام بالاستقبال ؟
:- اي بابا حبيبتي .
دينا : راح اطب جوه يم نور .
أيهم : روحي .
جمانه : اشبيك حبيبي ليش ضجت تره اني مازعلت منها هيه طفله .
:- لا مو طفله جمانه عمرها بلـ 16سنه مراهقه وتسمع من امها من زوجنه جان عمرها 10سنوات كول صغيره بس هسه كبرت وتفتهم .
:- ليش هيج انت تحجي اكيد تعلوم امها .
:- أي اعرفها كلش زين مسمومه وتريد بكل الطرق تخرب حياتي بس والله ماعدها كرامه ورخيصة .
:- ميخالف حبيبي عوفها تولي .
صار الليل وارحو نامو بالاستقبال وغيرت رايها دينا راحت نامت يم الجهال وثاني يوم كاعدين نتغده
يوم جمعه وايهم بالبيت كاعده تغدينه سمج شوي وكاعدين سوالف وضحك ولمتنه حلوه وره ماكملنه الغده رحت انيم روزه سمعت ايهم عصب وصاح على نور طلعت شفته كتله .
:- ها حبيبي خيررر .
:- ماكو شي ، نور عمو البارحه بالليل رحت للمغاسل وسمعت صوتكم بـ 3بليل ميصير تبقون لهل وقت كاعدين شعجب انتو متبقون كل يوم تنامون من وكت ومطولون بالسهر.
نور : اي عمو اني صح كعدت على صوت دينا رحت شربت ماي .
:- ها زين ودينا شعدها بهيج وقت كاعده ويامن تحجي .
:- حبيبي على كيفك ليش معصب اكيد تحجي ويا امها .
:- جمانه خليني افهم من نور تعالي بابا احجيلي .
نور : ماكو شي عمو والله بسـ......؟
أيهم : اي عفيه بابا بس شنو احجي ولتخافين .
نور : عمو هو ابن خالتها دك عليها يسال ويكللها اشوكت تجين مكانج خالي وكاعدين سهرانين وسوينه اندومي .
أيهم : اها يعني فاكده المحروس ابو الحبوب ابن خالتها ، روحي نور بابا وصيحي دينا بسرعه .
جمانه : على كيفك أيهم عليك الله لتعصب.
:- جمانه طبي انتِ وجهالج جوه ماريد احد هنا اريد احجي ويا دينا .
:- براحتي ايهم حبيبي بس على كيفك .
:- جمانه كتلج خلي افهم منها هذا واحد سرسري ابن خالتها واعرف اني ادري هناك شيصير يم المحروسه امها روحي جمانه جوه روححححححي كلت .
:- صار حبيبي بس على كيفك لتعصب .
رحت طبيت واجتي دينا و ما عرف شنو حجو بعدين صاح عليه رحت لكيتها تبجي كال .
:- تعالي جمانه جيبي عصير .
:- صار من عيوني .
جبت عصير واجيت انطيتها وكلتلها.
:- ليش تبجين حبيبتي أيهم شبيها .
أيهم : والله مادري اسالي الست دينا ضاجت لان كلتلها ليش دك ابن خالتج عليج .
دينا : اي بابا احنه متعلمين نحجي هناك مابيها شي .
:- اي اعرف انتِ عندج مابيها شي بس اني عندي يختلف ومصار شي اني ابوج ومن حقي انصحج .
جمانه : على كيفك عيني.
أيهم : جمانه حضريلي ملابس اريد اطلع اروح للفاتحه مالت جيرانه .
:- اي ثواني .
بدل وراح وهيه دكت على امها واسمعها تحجي الامه كل شي وسدته وره اشويه دك مبايلها كالت.
دينا : عمه خلي طارق يوديني العمه انهار لان راح تجي امي تاخذني .
:- ليش حبيبتي بابا يعرف راح ترحين .
:- دكيت عليه ميرد عليه واني اريد اروح احسن .
:- ها يجوز لان بالفاتحه ماكدر يرد عليج حبيبتي هسه احاول ويا اني .
دينا : خلي اروح عمه وبعدين كلساع .
:- بس ماكدر ادزج ويا طارق اله ابوج يكول دزيها .
دكيت على ايهم اول مكالمه مارد وانطه رفض دكيت انوب رد معصب وكال .
أيهم : انطيتج رفض جمانه شكو حتركت الدنيا مو تعرفين بالفاتحه .
:- حبيبي على كيفك دينا تكول امها جايه يم انهار تنتضرها وتريد ادزها بيد طارق الانهار .
:- هااا اشجابها اااامه هسه يم انهار وليش تريد تروح صار شي ورايه .
:- لا والله العظيم ابد ماصار هيه اجتي وحجت انطينيها وافتحي سبيكر .
:- أي هاي احجي وياها .
أيهم
" ها بابا ليش بابا تروحين وماكلتي قبل لا اطلع .
دينا
" مو ماما هيه اصرت تجي عليه .
أيهم
" اي اكيد حجيتي الها الي دار بينه على العموم روحي حبيبتي ماجبرج تبقين وخليها بالج اني ابوج واتوقعي بااي وقت ادك واسالج نفس السوال و ماريد اختلاط ويه هل سرسري ولا ويه اي احد واني هم عندي حجي ويا امج بعدين .
دينا
" اي بابا باي صار .
"
الله وياج .
سد الخط وراح طارق وداها وره اشويه دكت انهار عليه اول ماكلت الو اجاني صوتها عالي تعيط وترزل.
انهار
" ولللللج لللللليش هيج جمانه مووووو حرام عليج انتِ وبنتج نور اتهمن البنيه عدها شي ويا ابن خالتها ليش متخافين ربج الله ينتقم منكم دمرتووووو البنية .
جمانه
" انهار احنه ليش ، شعلينه ابوها سامعها و حجه وياها من باب يخاف عليها و يوصيها وكللها ابن خالتج يشرب وخليج بعيده عليه شصار قابل .
دينا
" كافي الله لا ينطيج انتِ وبنتج ماخليتنه يلمنه
ويه امنه ونكعد بيت حقيره جل....به .
جمانه
"هاي اشبيج ولج مو عيب تجاوزين بالكلام وماكو غيرها امج الحقيره وحده ماعدها كرامه ذابه نفسها على الرجال وتتوسل بي وهي مزوجه .
امل
" طبعاً وين لكيتنها الدلا والعز كل هذا شفتي يم ايهم طبعاً بعد متعوفي و جلبتي بي .
جمانه
"والله لو عاجبج دلال ايهم جان كعدتي يمه واحترمتي نفسج .
امل
" كافي حجي زايد ولتدخلين جمانه بيه وبنتي مالج حق انتِ تدخلين .
جمانه
" معليه بيكم حيري واهتمي بنتج مراهقه اشعنده ابن اختج بـ 3 بالليل يدك عليها .....
سمعت صوت ايهم يمهم جمدت شودا هناك علت اصواتهم وهو يصيح
( بيت ازهار )
انهار: أيهم شنو السالفه خويه اعصابك.
أيهم : لججججج شعنده هنا هذا الحقير اممممل ابن اختج شعنده جاي وياج .
علاء : احترم اني ماعندي شي مثل اختي وسالت عليها .
أيهم : للللك شو دتعال خلي اعلمك على الاحترام .
لزمه دك بوكسات.
امل : لا لا ايهم يمعود زعطوط عوفه ميقصد .
ابو احمد : است
أيهم : وخر ابو احمد ( زوج انهار) هذا محد مربي المايع خلوني اربيييي ولللللللللكم .
انهار : كافي ايهم كافي عيب العالم سمعت صوتنه كافي ليش تبجين يا عيني ام دينا .
امل : شفتي شسوت جمانه وبنتها ميخافن الله .
انهار اخذت المبايل وصيحت عليه .
"انهار
" اسمعي جمانه جوزي انتِ وبنتج من دينا لا والله العظيم ارجعها من الصبح الايهم وغصبن عليج .
اسمع صوت أيهم حاير يصيح ويغلط كلتلها .
جمانه
" والله صوتي تسمعي انتِ وهيه اعلى ما بخيلج اركبي انتِ وياها بس مع الاسف طلعتي وحده باطله ماكلج غير حسبي الله ونعم الوكيل عليجن
بكلشي حاطينه اني وبنتي بالنص شعلينه هوه حجه ويا بنته .
غلقت المبايل بوجها وكعدت ابجي مقهوره ليش هيج لمن الكه الراحه مارتاح ليش حسبي الله ونعم الوكيل على كل ضالم يارب اني مسني الضر وانت ارحم الراحمين ضجت حيل دكيت على ايهم رد عليه وبعدهم اصواتهم عاليه اسمعهن يصيحن ويعيطن كتله .
:- اشوكت تجي راح اروح الاهلي اني تعبت من حجي ام دينا وكالت دينا وانت حل مشاكلك بنفسك اني مليت بعد ملللليت.
أيهم : باعي جمانه تره مالي خلك الاي احد وخلي بالج اذا طلعتي بعد مطبين للبيت .
:- بعد احسن ماطب اصلا ولا ارجع .
سديته منه وكعدت الم بالغراض وابجي .
نور : ماما اشبيج ؟
:- تعالي لمي ملابس اخوتج علمود نروح البيت جدج .
:- ماما ليش فدوه اكعدي منريد نروح احنه هذا بيتنه .
:- كافي نور كتلج لمي ملابسكم.
دكيت على صالح وكتله تعال للبيت اريدك بشغله كال اشويه واجي .
:- ليش ماما خابرتي خالي .
:- احسن تعبت منهم كل يوم حجت انهار وكالت امل كافي تعبت والله تعبت شفتي حقارتها تكلي من وراج ماخليتي يرجعني اني شعليه هسه عرفت قيمته وره ماخذت واحد سكير وابو نسوان .
:- ميخالف ماما على كيفج خلي يجي عمو ونفتهم منه .
طبعا نور عمرها 17 سنه صار وماشاء الله تفتهم وذكيه ، اجه صالح وحجيتله كال .
صالح : بس جمانه ايهم ماغلطان وياج هيه صارت بعد وياوهن اضاهر يردن حجه علمود بس ترجع اله وضاهر اخته تريد رجعتها خلي يجي ونفهم منه .
مرت ساعه و طب ايهم معصب وعاكد حواجبه سلم وراح بوجها توضه وكف يصلي بقه يصلي وصالح ماتحمل عباله ايهم من الباب راح يحجي بالسالفه بس من شافه راح يصلي وما حجه شي صالح هم مانتضر طلع بالشارع وكال .
صالح : يله جيبي جهالج وتعالي .
رحت احضر وهو كمل صلاته وكعد على التخم صافن باوعت عليه ماحجه ابد لبست جبتي باوعلي
بخوف و كال .
:- ليش تلبسين وين رايحه .
:- الاهلي.
:- واخوج ليش يكلج تعالي شنو طرطور اني ماكلف نفسه وينتضر .
:- مو انتضرك وانت رحت تصلي ومعبرته .
:- بس كليلي انتِ شكو انكلبتي عليه اني داز عليها تجي عليه .
:- اني هم تعبت ايهم صفي امورك وياهن اختك تتهمني اني وبنتي حاجين على بنتك وطليقتك دعي وتهوس وبنتك تتبجبج .
:- واني صدكتهن انطيت بيج لو بنتج اني اعرف كلش زين الي ديصير هيه سوت كل هل فلم خافت اخذ دينا منها لان تعرف ابن اختها مو خوش ادمي .
:- خليني اروح اني يم اهلي احسن تعبت أيهم .
باوعت عليه وجها نطعن طعن وكوه يحجي لاحضت الدموع تجمعت بعيونه وصار يحجي بحركه .
:- المفروض توكفين ويايه وليش اصلن ترحين اني شنو الي بدر مني جمانه اني ماكدر اتحمل تبعدين عني دقيقه ولا تباتين خارج البيت تعودت عليكم انتِ والجهال وانتِ تعرفين كلش زين هل شي .
اني شفت الدموع بعيونه واني ماتحملت بعد رحت حضنته و هو مثل الطفل الي يحضن امه حجه بصوت مبحوح .
:- لتعوفيني جمانه اموت والله اموت .
:- لا حبيبي ماروح بس انت شفت شسوت اختك والكلام الي حجته هيه وياها .
طب طارق كال .
طارق : ماما خالو يصيحج .
أيهم : وليش ميطب خالك لو ميعرف .
طلعت الصالح كال .
:- فضيه .
:- صالح انت ماحجيت وياه اصلن .
:- احسن فضيني يله خلي نروح .
:- لا ماراح صالح ماكدر اعوفه وميقبل اطلع .
:- هااا ، متجين مو ، اني صوجي اجيت عليج .
:- شبيك صالح .
:- لعد شكو دكيتي عليه ها بعد لا دكين وتقشمريني ومتجين .
راح صالح ورحت ابجي الايهم لان صالح زعل مني
صار يهديني بالكلام و اجه شال روزه خلاها بحضنه كعد واحنه كعدنه يمه اني والجهال ساكتين واحد يباوع بوجه الثاني .
أيهم :- استغفرلله ربي شكول عليج يمه بس الف رحمه ونور تنزل على روحها الطاهرة مثل ماجبتي بت اختج وحده صدك متستحي كاعده تبجي بكل عين صلفه كبالي عبالها راح اسامحها ونوب بعدها على ذمه زوجها ما منفصله وتكلي لو لام بناتك ومرجعني جان ماصار هيج وتبهذنه بت الكلب منو بهذلج انتِ ماكعتي راحه واني مامستعد ارجعج على ذمتي لو دقيقه وحده ونوب انهار اتيدها وتكلي سامحها وغلطه زعطوطه وغلطت وربك يسامح شسامح ولج كل شي بالدنيا اكدر اسامح عليه اله الخيانه ابد مستحيل لان اني ماناقصني شي لج الف ابنيه تحلم بيه وماعرفتي قيمتي اله هسه وره ماطلع كو....
دها يدور ملاهي وشرب وتريد قبل لا تنفصل ترتب امورها وترجعلي والله نسوان مال الكتل على هل صلافه بس الحمدلله الله عوضني بيج انتِ والجهال جمانه مابدلج بكنوز الدنيا كلها ولتفكرين يوم تطلعين من البيت لان هذا بيتج لج اني اطلع وانتِ والجهال متطلعين فهمتي هل مره افوته بمزاجي االج .
يحجي بحركه كلب واعصاب أول مره اشوفه بهل عصبيه كمل وكال.
:- تروحين تخابرين اخوج صالح يجي ياخذج .
:- جمانه والله بعد متنعاد أيهم شبيك .
:- فهمتي لو اعيد .
:- أي .
:- هو اخوج هم ماشاء الله عليه شكد يحترم جان انتضرني كملت صلاتي وكعد وسالني على الي صار ماحترم وكال ابن خالي ابد .
:- أي بس هوه ضاج أيهم انت منطيته مجال يحجي .
:- لج اوففف منج جمانه ممنوع تسرعين بعد وانتِ زعلانه .
جمانه : بقيت ساكته لان كلام ايهم صح .
أيهم : انتِ استعجلتي ودكيتي على صالح وصالح
هم الله يسلمه ماحجه ولا ناقش .
:- انطي مجال افهمك شبيك .
:- استغفرالله ربي واتوب اليك كولي اسمعج اخاف الي سمعته هناك يم الحبايب ماسمم بدني .
:- وانت شوداك عليهم وليش رحت من الاول .
:- اهااا ، هذا الهامج .
:- أي .
:- بابا دك عليه زوج انهار وكلي تعال ام دينا اجتي وتبجي تكول اشلون ايهم يتهم بنتي وابن اختي كتله بنتي واحاسبها مالها علاقه هيه ، اصر اروح البيتهم وكال مو مال مبايل تعالي بالبيت يمنه ورحت وكل امه محمد موجوده زوج انهار وانهار وجهالها وهيه وابن اختها جاي وياها والباقي كله سمعتي ويانه على الخط .
جمانه : سكتتت لان شفته معصب ويفرك براسه
وعيونه صارت طماطه من الحمار كتله .
:- اجيبلك حب راس .
:- ياريت والله لان راسي مصدع .
رحت جبتله حبه وشرب ماي واكفه منتضره اخذه منه جرني من ايدي وكعدني بحضنه نور راسا اخذت اخوتها وطبت جوه حاوط خصري بايده وحضني حيل خله راسه بين ركبتي وجتفي صار يستنشق بقوه وكال بتعب.
:- اااأخخخ جمانه تعبانه والله تعبان وبناتي كسرن ضهري حيل راح يتبهذلن بسبب امهن ياريت لو مامخلف منها، استغفرالله ربي واتوب اليك لتزعلين من كلامي جنت قاسي وياج بس والله غصب عني صار .
:- لا حبيبي ما زعل منك بس انهار حيل قهرتني ليش هيج تصرف ويايه اني مالي ذنب انت وبنتك .
مو درن اني عرفت من نور طبعاً بتفكيرهن نور متقصده هيج تحجي ، من كل علقها ارجعها على ذمتي .
:- ايهم متفكر بيوم ترجعها علمود بناتك .
:- لا .
:- والله اذا تريد اني ماجبرك ولا اكلك لا ابد والله .
:- جمانه ولا افكر فد يوم ... مستحيل ارجعها على ذمتي و مو انتِ السبب لا والله اني ماريدها بعد وشاربي ازينه وما اكعد بين زلم اذا رجعتها يوم ابد اني كرامتي فوك كل شي لو مو بناتي جمانه شتحجين انتِ هاي وسخه .
:- وبناتك .
:- ماعليهم شي يعيشن ، جمانه اكيد بقيتي تبجين لان مبين من عيونج .
جمانه : حجيت بغصه ، لا ليش ما باجيه اصلا .
ضحك وكال .
:- انطي الطارق يجيب عشه من ابو الدجاج
الي كبالنه .
رحت دزيت طارق وتعشينه وضحكنه وسولفنه
ربي لا تحرمني من هل لمه ،
كملو الجهال وراحو لغرفتهم يباوعون على كارتون
صاح عليه .
:- تعالي يمي .
رحت كعدت قريب منه حضني وبقه يب...س ، بر..... ونزل وصار يتغزل غزل سخيف كتله .
:- يااا ايهم اكعد اشبيك .
:- شمسوي اني حلوه هاي واحد يتغزل بحبيبته
ومغرم بتفاصيلها .
:- كافي كوم انطب جوه انام نعست كلش وراسي مصدع .
:- اي ادللي اجي وياج للغرفه اكو واحد تعزمه وحده مثلج وميروح وياها .
:- ايهم تره غرفتنه هاي رايحين نام يمعود مو عزيمه دكوم دوم عقلك شاطح .
:- اي لازم ماعاجبج ست غيرج يتمنه عقلي الشاطح.
:- ايهم لتحجي هيج والله تقهرني .
:- لا يابه والله اشاقه وياج عقلي بس وياج شاطح .
رحنه لغرفتنه وووووو ورحنه بعالمنه سوه ونسينه كل الي صار او حاولنه ننسه الي صار ونبدي من جديد وبكل صراحة تكول بعد ماتمنيت جيه دينا ابد علينه لان كل جيه لازم مشكله منها .
ومرت الايام __
فرحانه بنجاح طارق راح للثاني متوسط ومليكه راحت الخامس وامير للثالث وروزه السنه هاي
اخليها بالروضه وحياتنه مثل العسل ايهم مدللني اني والجهال حيل ومرتاحين وصارت البنات تحسدني على عيشتي ويكللي مسعده شعندج هم غم ايهم مدللكم نسن كل ماضي جمانه الاسود الي عاشته
ويا بسام وكامن يتحصرن على عيشتي اقرب الناس اليه ويكلولي يهنيالج بس اني مانسيت كل ذيج الايام بعدها مرسوخه بعقلي بس اكول الاهم طلعت بجهالي ايهم حيل تعب عليهم حيل مادين ومعنوين وصار الاب والعم الهم والحمداله العالم تحلف بااخلاقهم وكدرت اتعب و اربيهم وجان حلمي الي يشوف طارق وامير يكولون هذول مامعقوله ولد بسام ابد بااخلاقهم وتربيتهم والحمداله على نعمه ربي
امي تمرضت وسوت عمليه ورحت اني وايهم
من الصبح بالليل رجعنه الحلو باايهم ميعوفني وحدي بهيج حالات هوه ويايه دوم اخذني بالسياره واجتي فرح ويانه رحنه شفناها وباتت يمها كواكب وطلعت ثاني يوم واني رحت قبل جيتها اخذت الها الغده وطبخت الهم العشه وحضرته واجوي وتعشينه سوه وتحمدنه بالسلامه الهم خطيه كواكب تعبت حيل وياها صعدت بغرفتها تنام لان من باتت مانايمه وفرح راحت لبيتها اني ايهم ميقبل ابات بره البيت رحت وصيت بنت صالح عليها جبيره عمرها 19سنه وبقيت كل الليل منبها المبايل يدك كل ساعه اسال عنها والحمداله تحسنت وعدت على خير وبعد فتره تمرض ابويه حبيب عمري ونضرب جلطه واخذو صالح وكواكب لدكتور وانطا علاج صاير عدنه جلطه وشللل رعاشي ركد ابويه بفراشه وصار الكل يزوره بيت اهلي عمامي وكل معارفنه وجيران لان جان ابويه رجل حيل طيب وحنون والكل يحبه اله عمي ابو حسان مافكر يوم يجي ابد اشكد قاسي كلبه حيل اجوي سوسن وزوجها وحسان وحمودي هم زارو اله اسامه ماجه على ابويه ولا زاره لسه زعلان عليه لان رفض يزوجني اله حيل اسامه طبعه كلبه طيب بس ليش ماجه عليه مااعرف بعد ماخلف وعنده 3 اطفال واني زوجت ومرت سنين وبعده ميحجي ويا ابويه يعني من 2003 واحنه هسه با 20021 وهو حاقد على ابويه علمود منطاني اله
مرت الايام واني مستمره كل اسبوع ازور اهلي وادك على ابويه كامره لان ميكدر يطلع بعد بس يكعد بالباب عدت كم يوم سمعت عمتي ام يسر مدخليها مستشفى خطيه كلت الايهم ورحت اني وفرح للمستشفى واول مادخنه شفنه ولدها وبناتها يبجون
بصوت ويصيحون خفت من منضرهم رحت اشوفها لكيتها متوفيه ومغطيها رحت كشفتها وبوستها من وجها وغطيتها وصدك لجمت كلبي حيل احب عمتي ام يسر شكد جانت طيبه وفقيره رحت للبيت واجه ايهم حضني وصار يواسيني .
أيهم : كافي يروحي الله يرحمها هذا امر ربج .
سكتت ورحت بدلت و رحت للفاتحه ابويه حيل انقهر على عمتي وره 7 ايام تمرض عمي الجبير ودخلو مستشفى وبقه يومين وهم توفه وره 9 ايام من وفات عمتي ام يسر ابويه نصدم حيل خطيه من الموقف اثنينهم خوانه توفو نفس الايام اجه اسامه سلم على ابويه ومعزي بوفاة اخو وتراضو وره زعل 19سنه حيل والله هواي وره كم يوم وكع ابويه بجلطه رابعه قويه بسبب اخوته من قهره عليهم وصار ميكدر يمشي ابد اله احد يكومه صرت كل يوم اروح عليه اشوفه ابد ما منعني ايهم منه لان يعرف ابويه روحي من الدنيا ابقه لليل و ارجع للبيت ركضت بينه الايام ومرت 7اشهر على وفاه عمتي ام يسر وعمي ابو محمد توفت عمتي ام بسام
ابويه انكسر اكثر من توفه اخو و2من عماتي حيل تعب عليهم صالح تغير طبعا على كواكب وتعبوها حيل هوه وجهاله وابنه الصغير حيل وكح و صار يدور مشاكل مثل طبع اسامه طلع سبحان الله وراثه على ابن عم
ابو .
بعد فتره كاعده اني والجهال وندكت الباب دكه سريعه وتكسر عبالك واحد يدفر الباب ومالحكنه نطلع ركض طارق فتح الباب طلعت بنت ايهم الصغيره .
طارق : هاي شكو ليش هيج دكين الباب .
لينا : وانت شعليك بله يله ولي من وجهي .
راحت جوه واني واكفه .
:- عوفها طارق وطب لترد عليها ابني زعطوطه .
طبعا هيه ساكنه عند ابن خالته بعد كم بيت علينه هاي تجي كل يوم علينه تسوي مشاكل وتروح بالليل وره نص ساعه دك ايهم معصب ويحجي بعصبيه .
أيهم : جمانه مو اني بنتي تنطرد من بيتي .
جمانه : خير منو مطرودها شكو أيهم ؟
:- طارق اشلون يطردها من بيتي من جايه قبل شويه وداكه الباب عليكم .
:- شنو لا لا ماكو هيج شي هيه طبت وراحت نفس الوقت.
:- شنو ماكو اشلون انتِ قبلتيها يطردها .
:- بس اسمعني انت اول .
:- ماريد اسمع بناتي خط احمر جمانه كله ولا بناتي خلي اجي للبيت ويصير خير.
سده بوجهي وهو مثل الاعصار ياربي اشوكت اخلص من مشاكلهن ورايه ورايه ذيج بعيده انوب هاي الطفله يعلمنها اجه للبيت ميتحاجه طب غسل وبدل وكعد وهوه ضايج حيل كعدنه وسال طارق حجاله طارق كلشي واني هم ايدت كلام طارق .
:- ايهم والله العظيم هذا الصح وطارق اصللا مارد عليها ابد واني واكفه .
:- هذا هوه جمانه سدو السالفه تعبان واريد اروح انام .
راح طب للغرفه ورحنه كلمن بغرفته نامو الجهال واني هم لكيته نايم عفته ونمت وثاني يوم راح واجه من دوامه هم ساكت ومبين ضايج حيل مو عوايده ايهم يسكت ابد ايهم ابو دم الخفيف كل نهار يشاقه ويضحك ويتحارش بيه ساكت ولا يحجي واني هم عفته براحته كلت خاف تعبان من الدوام نام وسبح وطلع لسوك قررت لازم بالليل احجي ويا ورحت اخبز وهم اجتي بنته وصعدت يمي بالسطح ودك مبايلي فرح اختي جابته نور اليه عفته بصفي صعدت هيه
وامير تريد خبز تاكل ماحسيت غير سحبت المبايل وذبته من البلكونه نزل بالطرمه واطشر كله صدك ضجت عليه بس ماحجيت كامت تبجي .
لينا : والله عمه مادري مااقصد .
:- ميخالف بنتي ، زين انتِ ليش اخذتي .
:- مادري ردت اشوفه وفلت من يدي .
:- بس انتِ اخذتي ورحتي وكفتي على البلكونه .
عافتني ونزلت وراحت الاهلها واني سكتت نزلت لميت الخبز وسبحت وحضرت العشه طب ايهم سلم وكعد اول ماطب سالني اشلون وكعت المبايل كتله
:- لينا متدري وكع فدوه .
هو سكت ماحجه بعدين كال اني .
:- حجيت عليه وكالت الي مربيته ادزلج مبايل اني كتله لا ادبيه اشويه لان طالعه عينه وماريد شي اني جيب مبايل غيره الجمانه كتله لا يمعود مو عيب بتنه هيه وطفله اكيد مو قصده هوه صفن كال باجر اشتري الج واحد ادللي تسلم وجيب اليه براحتك رحت حضرت العشه وهوه شايل روزه اله تكعد بحضنه معلمه هوه عليه تعشينه وكمنه يحجي بس مو مثل طبعه لان اني حافظته بس عفته براحته واجتي عليه انهار ثاني يوم تتعذر وهم زعلتي واني علمود البنات وخطيه هيه متبهذله وعايفه رجله وعلمود دينا واني بس اكلله اي لان مامقتنعه بكلامه كله اخر شي ختمته طلعت جيس مادري شنو بي كالت هذا فدوه خلي بكدر زغير وفوري على النار مالتكم عفيه لان ماعندي غاز شنو هذا هاي عشبه من العطار علمود قالون ابو احمد كتله جيبي ادللي وراحت واني صدك رحت خليته على الطباخ وعلكت عليه النار واجه ايهم للبيت شو هم ضايج وطلع امير يلعب بلباب وتعارك ويا ابن الجيران وطلع ايهم كله اختي جهال والله وحسبيه عليه وطببه بس يريد. ينفجر حيل ضايج وضرب امير راشدي فر وجه واجاني يبجي امير ليش ايهم طفله هوه شو ايهم ماعول يسمع مني وعصب بزايد باعي ممنوع يطلع امير بره بعد فاهمه لو لا اني محد يوم دم بابي يشتكي من احد اليه زين ممنوع يطلع واذا شفته طالع اكلب البيت على راسج فاهمه 🥺 اشبيك تتحجج ايهم صار كم يوم اشبيك كلي ليش طلع اعذار قابل مستحي مني كول شنو مستحي شكالولج عليه ها اي كول لعد شسمي هذا ترفك كلي ماحسيت على ✋🏾ضربني راشدي فر وجه فر حسيت نار تطلع من خدي 🥹 وعفته وطبيت بلغرفه واخذت امير وكعدت 😭😭😭😭 ابجي من كيفي اجتي نور كالت كافي ماما روحي نور اخذي اخوتج بلغرفه وانطيهم المبايلات وعوفيني حبيبتي صار ماما بس هذا الي على نار راح يخلص ميه اطفي روحي طفي خلي انيم امير هوه اجه وسمعت صوته عاط جمانه جمانه وينج رحت واني امسح ادموعي بس باوعت عليه ماكتله شنو هوه شافني استغفر وكال شنو هاي الريحه ها شنو كولي شنو مادري شنو متدرين انتي هم ام بيت انتي متدرين باي شي هذه هذا مالت انهار اختك مادري جابته وكالت فوري يمج ماعده غاز وانتي الغبيه اكيد صدكتي انهار ماعده غاز جيبي وصله انطينياه بسرعه انطيته التوكا مالت الجدر شاله ورح شمره بشارع هوه والكدر مالتنه اني ساكته وبس باوع راح علك سوره البقره وراح طب يسبح واني صافنه ليش هيج سوه
كعدت ابجي من كلبي لان ايهم ضربني واشوكت ارتاح من المشاكل يارب لو طليقته لو اخته لو بناته صدك لو كالو الراحه متجي من كل الكتار لازم تطلع شغله تنغص عليج نام امير وغطيته هوه طلع من الحمام وكل عاده وكف يتعطر واجه ينام اخذ المبايل ودك وهوه معصب حيل ياربي هذا اشبي اليوم ها انهار تره عيب عليج هيج اسوين شنو هذا جايبته ومنطيته الجمانه والله عيب وهاي السوالف مشيه
على غيري انهار احسلج بعدي انتي وامل عن بيتي احسن الج اني زوجت عوفوني بحالي لو يصبوه ذهب البت خالتج ما باوع بوجه خوش صيري عاقله لتخليني اسوي شي يخرب خوتنه احسن الج وسده واني صافنه عليه يعني شنو يقصد معقوله انهاركره اليه والمي وخالتي خلاه هيج تصرف بس علمود تنتقم الامه منه وبيه اني جابته جان سحر وخله ايهم هيج يصرف ويانه استغفرالله ياربي والله حيره شوكت جابته هذه انهار الج اليوم كالت خلص الغاز مالتي خلي يمج بس يفوره ويخلص الماي مالته طفي لان علاج اعشاب الهم هااا وانتي ماشاءالله عليج صدكتي بسرعه مو ليش ايهم هيج تحجي ويايه اني شمسويه الك 🥹 وشكو بيه البنيه كالت مخلصه غاز استغفرالله ياربي وتوب اليك لج بابا لتبجين ليش صدكين انهار تحب سوالف الشعوذه اعرفه اختي واعرفه واكيد متفقه ويا امل على شي لان هيه تميل اله مو الج واصلن هيه تكره اعرفه بس هيه متقصده هيج اسوي وياج لان قبل عماتي مارادن امي الله يرحمه لان حجته اليه الف مره وتريد اسوي وحده بوحده ومتاكد الي جابته الج بلبيت هذا عمل يخرب بيتنه ويسوي مشاكل النه تعرفين هسه اني نار. وشاعله بكلبي بس هسه من علكت صوره البقره اشويه بردت تعرفين شحص هسه هاا واني مادري والله هيج اختك اتفكر وتكرهتي هيج لا ممكن متكرهج انهار بس حبت اسوي نفس موقف عماتي وياج واني شنو ذنبي ايهم شعليه اني 🥹 كافي جمانه مادري اشون مديت ايدي وضربتج بس غلبني هل شي وبعد ممنوع تاخذين اي شي من انهار اي شي لا والله ابد حتى اذا اجيب اكل ماخذه ابد عفيه عليج صير سبعه ونبه ولتخلين وحده مثل امل تخرب بيتج زين ويوميه اعلكي سوره البقره بلبيت يوميه جمانه لان ماراح نخلص من سحرهن احنه صار كل يوم اعلك من باجر ان شاءلله جمانه اسف اني واعتذر منج مادري صار اليه وماشفت بعد اعذريني ان شاءلله متنعاد ابد ان شاءلله راح انام نعست نامي انطيته ضهري ونمت وهوه بقه ساكت ويدخن جكاير مو عوايده ايهم اذا مينيمني بحضنه هاي طبعه واذا مانمت يعاركني ويكلي ليش متجين تنامين بحضني اليوم عافني ودار وجه بس معقوله هذا السحر اثر عليه مادري ياربي ان مسني الضرانت ارحم الراحمين بس ماجاني نوم ابد اتكلب مادري اشون نمت كعدت الصبح لكيت ايهم رايح للدوام اشون ماحسيت على المنبه وهوه هم مامكعدني لابس وطالع باوعت الساعه 9ونص دكت عليه فتح خط صباح الخير صباح الخير ماكعدتني وطالع شعجب شفتج ماحسيتي على المنبه كمت بدلت وطلعت اتريكت بره كلت اخليج براحتج اخاف منايمه بليل ها اي والله تخرت ياله نمت سيدي عدنه نقل سجين الغير سجن وهاي وراقه سمعت احد يحجي ويا يله عيني هسه مشغول بعدين اتصل باي وسديته ليش هيج جاف بكلامه كمت وكعدت نور بس وعفتهم نايمين تريكنه اني وياه وعلكت سوره رقيه شرعيه وسوره البقره بقت تقره لل 2الضهر عفته وره ماكملت تنضيف البيت كله طبيت سبحت وتعطرت وخليت مكياج خفيف لان ايهم اذا يطب وميشوف خاله لو حمره يعاركني ويكلي ليش متحطين مكياج اني شنو ماستاهل تعودت المكياج ميوكع مني رغم بس حمره ومسكاره اخلي لان ميحب الكحل بلعين احط خفيف واغسله يطلع خفيف ورحت صبيت الغده للجهال وتغديت اني وياهم لان هوه يجي بل 3ويجي متغدي اجه سلم ولابس البدله العسكريه نزع اسلاحه وبصه السياره والمبايلات وخله علاكه ملابسه لان مبين طالع واجب ومبدل الملابسه المدني اباوع عليه اشكد هيبه بلبدله العسكريه والمناذر اخذت علاكته الملابس ورحت بلغساله خليتهن وطلع ينشف بشعره
