رواية هو لا يشبههم الفصل الثلاثون بقلم تبارك الوائلي
من اشوفك يرتاح قلبي حيل♥️
ومن تبعد لحظه عني دموع عيني تسيل🧘🏻
جمانه : وكف تعطر ومشط وكال .
أيهم : رايح انام جيبيلي جاي جمانه .
:- صار دقائق .
اخذتله الجاي وهوه حاط الجكاره بحلكه ويحجي بالمبايل بخصوص الواجب الي طالعله كمل مكالمه كال .
:- ها شكو ماكو اخباركم .
:- ماكو شي والله .
:- الجهال وين ؟
:- يباوعون على البلازمه .
:- تغديتو .
:- اي تغدينه .
؛- وينها روزه الحقيره ماشفتها يم اخوتها صيحيها مشتاقلها .
رحت صحتها وجبتها اله حضنها يبوس بيها وهيه تبوس بي وتلغي على راسه لعبها اخر شي ضاج كال الها .
:- روحي بابا خلي انام روحي يم اخوتج تعبان .
:- يله ماما امشي .
:- جمانه طفي الضوه .
طفيته ورحت يم الجهال بقيت كاعده يمهم مر الوقت و ماصاح عليه مو عوايده ايهم لازم اني يمه
و العب بشعره ياله ينام اعرفه
بقيت يم الجهال بعدين رحت باوعت شفته غاط بنوم شعلت سوره البقره وخليته على الشحن بالغرفه يمه كلت بلكي ترتاح نفسيته على القران
صار العصر سويت جاي ودزيت طارق جاب كعك ابو السمسم يحبو صبيت الهم وهوه كعد من النوم شافنه اجه كعد وكال .
:- صبيلي جاي نور عمو .
نور : صار عمو
راحت نور صبت اله جاي كعد ياكل ويانه واني
عالكه سوره البقره بصوت ناصي بالصاله وبغرفتنه
صارت عاده عندي ،
اكل وكمل راح طب يسبح وبدل وتعطر راحت روزه عليه شاله يبوس بيه انطاها النور وكال .
:- جمانه راح اطلع رايده شي .
:- لا سلامتك .
طلع واني بقيت كاعدة دكت فرح تسال بقيت احجي وياها وهيه تكلي .
فرح :- عمي مسعده انتِ هنيالج مرتاحه شعندج مثل حضي .
ضجت حيل من كلامها وكتلها .
:- يله فرح خلي اروح اكمل شغل .
سديته منها واني احجي ويه نفسي والله ياربي تحجي صدك فرح نست الي عشته قبل وهسه حاسدتني وتتحصر عليه والله مادري شكول رحت سويت العشه وكملت طب ايهم بطوله الفارع من يلبس النيلي صدك يلوكله طب يغني ويدندن
اني مو كد الزعل ليش ازعل ياربي ضحكت على نفسي وكوه لزمت نفسي ، عالكه سوره البقره رحت كلبته وخليته على الشرقيه لان هو لازم يسمع اخباره بكل وقت حطيت العشه شويه وحسيت بي اجه حضني من ضهري وحاوط خصري وب.....سني من
راسي اني شايله الاكل عفته و رجعت دفعته وكتله .
:- وخر ايهم .
:- ليش اوخر تره ممتلكاتي الخاصه مالج حق تبعديني دافع فلوس .
يحجي ويضحك عصبت ونقهرت بنفس الوقت كتله .
:- اااااي وخر أيهم شبيك الجهال كاعدين .
:- واني شمسوي قابل حبيبتي زعلانه مني وجاي ارضيها .
:- اني زعلانه بالاول انت زعلت .
:- عمي وعيونج مو كد الزعل اني ولا اتحمل بعدج عني شتاقيتلج .
:- ونسيت الي سويته وتضربني
ايهم : نكسرت ايدي اذا امدها بعد عليج والله موقصدي مادري شنو صارلي جمانه والله اسف اني واعتذر .
:- بس اني كلبي نكسر .
:- اني اطيب كلبج عمري تعالي خلي نتعشه الاكل راح يبرد يله حبي .
كعدنه نتعشه وهو كل اشويه بايسني كدام الجهال
:- ايهم كافي الجهال كاعده .
صاح عليهم .
:- عمو حبايبي اني مسوي شي غلط .
:- لا عمو .
:- شفتي حبيبتي زعلانه و اريد ارضيها .
:- عدنه غرفه ايهم خلي ناكل وبعدين عود نتفاهم .
بقه يحجي ويا الجهال وروزه السانها صاير شلال يساله ويضحك على كلامها وكملنه العشه رحت اطب اسبح ونور تغسل مواعين طلعت شسورت شعري اجه كال .
:- بس جنه حبيبتي اليوم ماكو سهره هنا راح اطب بالغرفه اني وياج كملي وتعالي علمود انكمل عتبنه جوه .
غمزلي وراح قفلت البوب وطفيت البلازمه وطبيت بغرفه الجهال خليت الكرزات الهم وحلوياتهم وطبو جوه وروزه كاعده تلعب يمهم بقيت نيمت روزه بحضني ورحت للغرفه لكيته يشرب جكاير ويحجي بالمبايل كل عاده على دوامه غطيت روزه وطلعت رحت يم الجهال كعدت يم طارق مقهوره وسالته .
:- طارق ماما انتو هسه مرتاحين هنا بيت عمكم .
:- اي والله ماما حيل مرتاحين ليش سالين هيج .
:- حبيت اعرف شغله .
نور : ماما تره عمو يحبنه واحنه هم نحبه ورتاحينه هنا اكثر من حياتنه ويه ابويه الله يرحمه .
:- يله حبايبي باعو المسلسل ونامو راح اروح اطب بالغرفه واذا ردتو شي تعالو عليه .
:- اي ماما .
:- نور حبيبتي جيبي ماي خلي يم اخوانج .
:- اي ماما روحي انتِ اني يمهم .
رحت بعد مافرحت من سمعت كلام جهالي صدك ارتاحو والفرحه بعيونهم شفتها طبيت نزعت الروب وطبيت بفراشي اجه حضني وب...سني .
:- ايهم وخر كافي ماريد احجي وياك .
احجي وادفع بي كز على وسنونه وكال
:- لج ثبتي بكيفج متحجين ويايه .
اخذ ش..... بين ش...... الحد ماحسيت نكطع النفس عليه ودفع وهو ماكو فاصل كوه خلصت نفسي وكتله .
:- انت مو طبيعي نكطع النفس عليه .
:- لعد اشلون تردين علميني برد اشتياقي الج بس
مو هيج لا حبيبتي هيج انت فاهمه غلط .
رجع عادها واني مثل الثوله صافنه عليه شاف نكطع النفس ابتعد وكال .
:- بعد اشبيج جمانه ليش هيج برودج ويايه انتِ
ابد متبادليني نفس الشي .
صفنت عليه بالله الكريم مفهمت قصده اشرلي وضحلي شنو يقصد كوه كتله .
:- بس اني مااعرف هيج ايهم .
ضحك من كل كلبه وكال .
:- تحجين صدك شنو متعرفين جمانه اكيد تشاقين انتِ .
:- لا والله ماشاقه وداعت روزه ماعرف هل شي.
:- يعني استغفرالله ربي ماريد اسال ولا اذكر شي بس جمانه انتِ متزوجه قبل والمفروض .....
سكت مكمل فرك وجها وباوعلي بحيرة كتله .
:- اي بس عمره بسام ماسوه هيج وياي .
:- لتخبليني جمانه .
:- والله شبيك بس الشسمه وكعدت اشرحله ضاج وكال .
:- كافي جمانه لتحجين هيج تره ماتحمل تذكرين اي موقف قديم ولا مسموح الج تعيدين هل كلام كبالي .
:- ليش عصبت عليه انت سالت واني رديت .
:- ليش الدموع عمري ،تعرفين هنه الي والله اخذن عقلي كل براءتج وعفويتج عشقته و لج والله اغار عليج ماحب اسمع شي قديم بس صدك استغربت
من الي كلتي .
صرت احجي بكلبي يمكن ايهم ميعرف علاقتي بسام جانت خوان كل فتره ياله يتقرب اليه وعمره ماسوه هيج ويايه لان جان شاذ جنسي وميحب النساء ،والله استحي احجيله عن أخو شنو جان فززني صوته .
:- ها وين صفنتي .
:- ها لا ماكو شي انسه السالفه .
:- لا حبيبتي مانسه انتِ لازم تتعلمين مثلي لازم تبادليني نفس المشاعر وعد اعلمج بالايام الجايه
.
ضحكت وكالت.
:- بس مو هسه اني زعلانه .
:- اسف واعتذر مادري جمانه السحر يغلب اكبر واحد صدكي خلاني ماندل طريقيو انتِ الشاطره عالكته باللبيت شتريدين اسوي مو زين ماسويت اكثر الحمدلله عدت هيج .
وبقه يعتذر واكيد حركاته مبطلها .
أيهم : جمانه تره اطلبج دين ماريد نعوصه .
ضحكت على كلامه .
:- اني اتنعوص ايهم .
:- اي والله تتنعوصين تنعوص على كلبي .
سحبني ووووو رحنه بعالم ثاني وبقينه سهرانين لل 3بالليل .
:- ايهم نعست كافي انت متتعب مو راك دوام باجر .
:- لا باجر مجاز اني لتخافين حبيبتي امرتب اموري اني ،
:- مو اخاف عليك والله.
:- خافي على روحج .
:- لا لا بداعتي ايهم كافي .
:- بعد لزعليني علمود متتعبين .
ضحكت على سوالفه ومادري اشوكت نمنه
كعدنه الصبح سويت ريوك و كعدنه نتريك
بـ 12الضهر جهالي اذا ماكعدهم ميكعدون ابد نتغده ونضحك ونسولف وايهم يحجي الهم على دوامه واجباته العسكريه امير تأثر بي حيل .
امير : عمو من اكبر اريد اصير مثلك بالشرطه واريد اصير ضابط واسجن الناس كلهم .
ضحكنه عليه وكاله.
أيهم : هاي شنو امير كلهم تسجنهم غير بس الي يسوي غلط .
:- لا عمو كلهم وشيل مسدس مثلك .
:- صار ادللي اني اخليك اداوم ويايه .
مندمج بالسوالف ويضحك وياهم كمل الغده دكت دينا بنته رد عليها .
أيهم
" ها يروح بابا شلونج .
دينا
" الحمدلله بخير وانت ماكو .
أيهم
" اني اي صح صار يومين شويه مشغول .
دينا
" ليش شكو .
أيهم
" والله العظيم بابا مشغول ونفسيتي تعبانه .
دينا
" وليش عيني اشبيك حقك اكيد جمانه وجهالها متعبيك وشالعين كلبك اعرفهم اني .
أيهم
" لا بابا عيب هل حجي منين سامعته .
صار يحجي وياها شويه وسدا
مرت الايام __
علينه وانهار شالت واجرت بيتها الي بصفنه ورحت عليها اني وايهم بعد ماجان زعلان منها من شغلت السحر رحنه واخذنه هديه الها وباركنه ورجعنه
بعد فتره النزل الجديد تعرفت عليها وصارت صديقتي وكامت اطب عليه عدها 2 ولد وبنيه وحده وعجبتها نور رادتها الابنها وكلتلها مخطوبه الابن خالتها وهو فعلا فرح حجزت نور الابنها واني نطيتها كلمه وقبلت
البنية جيرانه صارت تجي يمي كل يوم نكعد ونحجي اني وياها وصدك حبيتها وهيه هم حبتني هيه اكبر مني مواليد 80 وحتى زوجها صادق ايهم بس السلام بقت سنه يمي وشالت بغير بيت هم ايجار وبقينه على تواصل اني وياها ونتخابر بالمبايل وبعد فتره اشترت بيت جديد واخذت هديه ورحت عليها ابارك الها على بيتها وصدك فرحت الها من كل كلبي من اشترت بيت وخلصت من الايجار
مشاكل امل وبناتها مخلصت كل فتره يسون مشكلة شكل اليوم اتصل أيهم على دينا وطلب منها تجي هيه واختها يبقون يمه وهي كبت على ابوها طبعا
أيهم من يحجي طبعا يفتح سبيكر واسمعهم .
أيهم
" بنتي كافي هذا كلامج عيب ميصير تحجين هيج كولي الخاطر ابويه احترم زوجته .
دينا
" لا موعيب وهاي جمانه وحده سافله ومتستحي جان ما تزوحتك وهي وعدها جهال كومه على كلبك خلتهم ، حقيره اشكد اكرهها .
أيهم
" بعصبية ، لج اني الج دينا منووووو علمج هل حجي مو عيب هيج تحجين .
دينا
" لا مو عيب وانت مادام ادافع الها بعد ماريد احجي وياك ابد من وره جمانه الساق...ه .
أيهم
" لج دينااااااا
غلقته بوجه ابوها باوع عليه فشلان من موقف بنته وكلامها دك عليها قافله المبايل دك على امها ردت .
امل
" هلو ايهم شولنك عيني .
أيهم
" باعي لج امل جوزي مني وخلي كرامه عندج ودينا لتعلميها هاي السوالف اشويه استحي على نفسج .
امل
" اني ليش هيه بنتك كبرت و صارت تعرف كلشي اني شعليه وبعدين اني ماكاتله روحي عليك رجعت الزوجي وبعيده عليك .
أيهم
" اي مو ايستي مني وتعرفين ماشتريج بفلس .
امل
" استحي يا حقير ماكاتله نفسي عليك اني زين خلي تفيدك جمانه وعوف بناتي بعد لدك عليهن .
أيهم
" تروحين فدوه الجمانه .
هيه سمعته كال هيج و تهسترت بالغلط والسب سدا بوجها ماحجه شي بعد باوع عليه شافني حضني وباسني وكال .
أيهم : لتبجين حبيبتي والله ميته غيره منج وهيه الي تعلم دينا هيج تحجي بس سهله دينا اني احاسبها لضوجين يروحي .
سكتت لان ايهم ماله ذنب هيه وبنتها متقصدين هيج يسوون بيه ويسمعوني حتى يخربون علاقتنه وره شويه دك رقم غريب رد ايهم كال .
"
" اني زوج ام دينا .
أيهم
" وشكو مخابر .
" حتى اكولك مالك حق تجاوز عليه وعلى زوجتي عيب عليك احترم نفسك احسلك لا انعل وال....يا يا..سا...يا كو.......اليوم احرك بيتك عليك .
وبقه يحجي ويتجاوز وايهم يسمع اخر شي كله
" كملت كلامك اول شي مارد عليك لان هذا بعتباره تجاوز بحقي ولا نزل نفسي المستواك بس مبايلي بي تسجيل مكالمات وراح اسلمه وانتِ متجاوز على
ضابط بالدوله اصبر اذا ما شمرتك وره الشمس .
هذا من سمع راساً غلق المبايل دك أيهم عليه لكا مقفول دك ايهم على اصدقاءه جاوب وهو معصب على صديقه طلب منه يسحب التسجيل
كاله
" سوي قرص اليه اله اربي ابو الملاهي صاير رجال براسي كمل مكالمه وسدا كتله .
:- ايهم بداعتي عندك عوفه فدوه اروحلك حبيبي خلي يولون .
:- كافي لتدخلين جمانه بشغلي .
:- لا ايهم اسمعني يروحي انتَ والله تروح اسوي
النه مشاكل اكثر ومن غير السحر الي يشتغلنه شفت اشصار قبل كم يوم بينه هاي متخاف الله ايهم فدوه اروحلك عوفهم .
:- جمانه كلت كافي معليج انتِ
:- أيهم هوه لما جبان ماغلق مبايله فدوه الخاطري .
:- استغفرالله ربي خلص جمانه الخاطرج والله بس القرص بعد انطيت احجايه راح يكملو و اعوفه مضموم يجوز بيوم احتاجه باجر يجيبو وضمي عندج .
:- اي صار .
:- اشكد جنت مرتاح غثوني حسبي الله عليهم ميفكون مني ابد .
:- الله كريم.
مرت الايام
ولاحضت نور تغيرت وكبرت حبيبتي اعتبرها صديقه اليه واعيه وتفتهم كاعده انيم روزه واجتي كعدت يمي و كالت .
نور : ماما اريد احجي وياج بموضوع بس خجلانه وماريدج تزعلين مني .
جمانه : لا كولي حبيبتي تعرفين بيه احب تصيرون وياي صريحين ومتضمون عليه شي .
:- ماما اني احب .
حجت الكلمه ونزلت رأسها خجلانه .
:- ياا صدك ؟ وينج وين الحب انتِ .
:- أي ماما اني احب ادم ابن خالتي فرح وذاك اليوم من جوي اقارب عمو خطبوني وانتو رفضتو هوه سمع واجه كلي هوه يحبني ويريد يخطبني .
:- يااا نور بعدج صغيره بنتي ليش هيج مستعجله على الحب انتِ هسه ياله عمرج 17 سنه .
:- لا ماما اني احبه والله العظيم ليش تحرميني منه .
حياته : صفنت ماردت ينعاد الماضي مالتي ويا نور ويصير مثلي واجبرها على اي شي متريده باوعت عليها وكلتلها .
:- اني ماعندي اي مانع مادام تحبي ويحبج ماوكف بطريق سعادتج ابد ولا اسوي مثل اهلي من جبروني على ابوج هذا هو من يجي عمج اكله واشوف شنو رأيه بالموضوع .
:- اي فدوه ماما حبيبتي .
:- ولج والله وكبرتي يانور وصرتي تحبين وتفكرين بالزواج اني هسه دخلت 34 وبعدني ندمانه لان تزوجت من وكت ولج نور تردين تزوجين بهيج عمر .
:- اي ماما غير انتِ صغيره اني كلت أكبر شويه ونتعرف على بعض اكثر بالخطوبه .
:- اخخخ يا نور فريتي عقلي .
:- تدرين ماما انتِ اكبر مني بـ17سنه يا احلى ام بالدنيا انتِ
جمانه : ضحكت و صدك فرحت من شفت الفرحه بعيون نور بس بكلبي ماريد تبعد عني ابد واحسها بعدها صغيره ، اجه ايهم وحجيتله اول شي اعترض على بيت اختي وضعهم اشويه مخربط بس من عرف نور موافقه عليهم وتريد الولد قبل وكال
:- خلي تجي اختج وزوجها ونحجي مو نبقه على سوالف الجهال .
وصدك اجتي فرح هيه و زوجها ومكيفه وكعدت تحجي وكالت .
فرح : نعقد سيد بس ونعوفهم بعد سنه ونزوجهم .
جمانه : أي احسن .
اتفقنه على موعد العقد وايهم عزم كل عمامه على المشيه وجابت فرح الكيك والببسي وقدمنه وسوينه العقد ماعزمت اي احد لان بس مشيت زلم وعقد ونحجزت نور الابن فرح والكل عرف بخطوبتها واصرت فرح تحجي نور ويا ابنها علمود يزيد التعارف وجان ابنها يشتغل عامل بفرن خبز
ونور مكيفه وفرحانه بس كل يوم ينامون اخوانها وتاخذ مبايلي وتحجي بي ويا ساعه اقل وترجعه اليه اجه أيهم فززني من صفنتي .
أيهم : ها جنه حبيبتي اشبيج صافنه .
:- والله ايهم مادري اخاف استعجلنه بخطوبه نور .
:- لا ماستعجلنه ونصيب هذا مرتين خطبوها ومو زين نصيبهم جان بس ابن اختج فقير وخوش ولد ومو هسه بعد سنه هواي يلمون نفسهم وهم نعرفهم اكثر .
:- ان شاءلله يارب الي بي خير يقدمه الها ويسعدها .
:- ان شاء لله يارب حبيبتي لتفكرين واني يمج اذا مامقتنعه كولي من باجر نفصخ .
:- لا حبيبي تسلملي ربي لا يحرمني منك .
:- ولشيلين هم اسويلها احله عرس وجهاز بنتي
هاي كلهم جهالي جمانه ذول مو بس جهالج .
عيوني دمعت متحملت كلامه حضنته وكعدت اتشكر منه
""""
بعد فتره صار عرس جيران اهلي واني هم اعرفهم وعزموني ماردت اروح بس فرح خابرتني وكالت .
" جمانه راح اروح واخذ نور وادم ويايه هم يتونسون وعرس بالقاعه .
حجيت الايهم وقبل وراحو سوه الضهر دكت عليه امي وكالت .
جمانه "
هلو يمه .
ام صالح "
هلو جمانه شلونج .
" الحمدلله.
ام صالح
" شعجب مارحتي للعرس.
جمانه
" ما اكدر يمه .
ام صالح
" لو رايحه ويه بنتج يمه
جمانه
" ليش يمه غير ويه خالتها.
ام صالح .
" لا فرح ما راح تروح للعرس وياهم .
جمانه
" اتفاجأت شلون وهيه كالت اروح وياهم سديته ويا امي وتصلت بفرح ردت وسالتها وكالت .
فرح
" اي صح هسه راح يركبون بسياره اني طالعه وياهم اركبهم بالسياره شكو عليهم همه يرحون ويا العرسان للقاعه ويجون.
جمانه
" يااا فرح همه صغار شلون تخليهم وحدهم انتِ من كلتي انتِ وياهم قبلت بس وحدهم ما اقبل .
فرح
" اي واذا شكو بيها .
جمانه
" لا حبيبتي رجعي نور اني ماقبل واذا عرف ايهم هم اعرفه ميقبل .
فرح
" كليله انتِ الايهم مدام بعدهم ماطلعو .
" لا فرح اعرف اني باايهم ماراح يقبل ، عصبت وزعلت فرح مني وكالت .
فرح
" تره مالكم حق هو زوجها وعاقدين وميصير هيج تسوين جمانه .
سدته والله جاب ايهم رجع للبيت وطب راد ياخذ اوراق بخصوص دوامه وكال .
أيهم : ها شكو شو تحوصين شعندج كلام احجي .
جمانه : لا ماكو شي فرح راح تجيب نور بطلو ميرحون للعرس .
:- ليش مو على اساس تروح ويا خالتها وخطيبها خليه تتونس .
:- لا مو متروح فرح بطلت وهسه راح تجيب نور واني ماقبلت كلتلها لا متروح .
:- شنو يعني قصدتج اختج جانت حاطه ابالها دزهم وحدهم للقاعه ويا الجيران .
:- لا مو هيج يمكن بعدين غيرت رايها وكالت ماكدر .
ايهم سمع هيج صار اعصاب ونفتح بعد ماسكت
وصار حتى اني يرزلني وكال ..
:- بعدين شنو انتِ غبيه هاي من الاول اختج حاطه ابالها هيج ادزهم وحدهم وهمه بهيج عمر اكيد انتِ تعرفين .
:- لا أيهم اسمع ...
وندك الباب وطبت نور جايبها صالح للبيت طبت
كلتلها متفاجأة .
:- ها ماما نور منو جابج .
نور : خالو جابني مستعجل وصلني للباب وراح .
وكف أيهم كبال نور معصب وكال .
أيهم : اي ست نور تريدين تروحين ويا خطيبج وحدكم .
نور : لا عمو هيه خالتي غيرت رايها قبل لا نطلع وكالت روحو انتو .
:- بنت ال استغفر الله ياربي ولج شلون تقبلين
طلعين ويه الولد وحدكم انتِ وحده مامتربيه جان المفروض تنطين خبر الامج اذا ماجنتي تعرفين من الاول ومتفقين انتِ وخالتج وخطيبج .
:- لا عمو والله مو هيج .
شال مبايل نور وكسره سواه طشار وصار يصيح .
نور : عمو فدوه اسمعني.
أيهم : ولا كلمه .
رفع ايده على نور راد يضربها وكفت بوجها وصحت .
جمانه : لا ايهم عفيه لا .
صرت كدامه وهو صاير نار راد يضربني اليه استغفر
و نزل ايده دفعني من جتفي وكال .
:- ولي من وجهي جمانه اختج وحده متستحي ولا تعرف بالاصول دازه البنية وحدها تريد تك....
امشي ولي طبي جوه انتِ النادره متعرفين اي شي عن بنتج ومتيهتها باايد اختج .
:- والله ايهم مادري اني هسه دريت .
:- لا هاي فرح وحده متستحي وحقيره اشلون هيجي تصرف .
:- ايهم ليش هيج تغلط على فرح تره ما اقبل .
:- كافي وسدي حلكج اذا متتطلعين متفقه انتِ وياها لهل حقيره كلشي ما افتهم .
:- كتلك مادري والله مادري .
:- لا تعرفين ومغلسه جمانه .
:- كافي أيهم اني صوجي سكتتلك بعد ماابقه
بالبيت اني كله ليش تجاوز بالكلام .
:- ويطبج مرض انتِ وياها عنج لا بقيتي ولي وين متولين.
عفته ورحت لبست جبتي اجيت طلعت وكتله .
:- رائعه مابقه بعد روح اروح الاهلي .
:- روحي الله وياج .
عافني وطب بالاستقبال واني هم ختنكت حيل وكتلهم للجهال يله وطلعت بالطريق ماعرفت وين اروح لان اذا رحت لاهلي فرح بصفهم وماريدها
تعرف رحت على شهد البيتها ورحب بينه اني والجهال واجه زوجه خطيه ورحبت بينه وجابت العشه من بره وكعدنه نتعشه وحجيتلهم على السالفه كال زوج شهد .
"""""
:- جمانه هذا بيتج وانتِ اختي الصغيره يشهد الله اشكد اعزج واحترمج اني بس تصرف فرح غلط وايهم حقه بكل شي لان ادم ونور بعدهم صغار المفروض من فرح تروح وياهم .
:- بس والله العظيم اني مادري ولا كالت فرح اليه .
:- ميخالف حقه يعصب عباله انتن متفقات تره ايهم خوش ايهم جمانه غير من حرصه وخوفه عليكم اني هسه ادك على فرح اني اعرف فرح وسوالفها زوجه اخويه واعرفها زين .
سكتت اني وشهد وهو اتصل بفرح وفرح تكله .
:- والله مو من حقهم كبروها ميصير هيج يسوون .
سد الاتصال وكعدنه نحجي اني وشهد وكالت .
شهد : جمانه كم سنه الج متزوجه ايهم المفروض منج متطلعين من بيتج لان اختج وحتى بنتج غلطانه والله هذا بيتي مفتوح الج بس ايهم ماغلطان.
جمانه : شهد والله اني مادري وهو ماخله كلام ماحجا عليه وعلى نور وفرح وراد يضرب نور واني دفعني وكلب الدنيا علينه .
شهد : ميخالف حقه يعصب عباله متفقات وهو تعرفين حريص على الجهال .
سكتت و راحت شهد فرشت وكملت واجت كالت .
:- كومو نامو لتشيلين هم وداعتج تنحل ماكو بيت ميخله من مشاكل .
نامو الجهال ومددت وره اشويه اجتي شهد كعدتني و كالت .
شهد : ولج جمانه كومي ايهم دك على بيت اهلي سال عليج وكايلتله امي ماجتي علينه وداك على زوج فرح وكايله ماجتي علينه ودك على زوجي وكايله يمنه وساده اليوم مفتر البيوت عليج خطيه جمانه .
جمانه : شهد هوه هم موشويه سوه تجاوز هوايه .
شهد : يله حبيبتي اخذي راحتج بيتج هذا راح اشوف الجهال وانتِ براحتج بعد .
راحت شهد واني اتكلب بالفراش اجتني رساله على المبايل باوعت ايهم داز .
" سهله جمانه تطلعين بكيفج من البيت وتخليني
افرفر من واحد الواحد وراج مو ؟ بسيطه .
" جاوبته انت تعرف اني من طلعت وبرضاتك طلعت ومامنعت طلعتي انت ماخليت شي ماحجيته ايهم .
رد دز
" تستاهلين كل الي حجيته ماريد وحده تتفق من ورايه وتستغفلني .
" بس اني ماتفقت ايهم تره بعدين عرفت اني ومن عرفت منعتهم ورجعتهم ولو اريد اني اقبل على الي سووو جان سكتتت وراحو وانت متدري مو اول
ما طبيت وسالت حجيتلك اني ليش تضلمني وتحجي عليه اني شعليه .
دز
" صوجج هاي ثقتج الزايده بنتج المفروض تكول ماروح اله انطي خبر الامي خالتي متروح ويانه اني
هم ماروح مو تبقه ساكته خليج يم بيت اختج احسن ارتاحي .
سدا وبعد مدز شي واني كعدت ابجي باوعت لكيت نور تباوع عليه بقلق وكالت .
نور : ماما والله مادري اني هيه من طبينه خالتي كالت ماروح وياكم وكلتلها كولي الماما كالت مالج دخل هسه اخابرها اني واحجي وياها .
جمانه : هذا هوه نور نامي هسه والله كريم.
نمنه وكعدنه الصبح نتريك راسلني ايهم يسال عن وراق اله كتله
" يمكم بالكنتور .
أيهم
" استغفر الله داكلج ماكو وين خالتهن انتِ .
جمانه
" والله يمكم خالتهن .
أيهم
" كافي بطلت ماريدهن .
صار يستغفر هذا كله كتابه اخر شي كتب .
" جنه المفتاح خليته بمكانه عود اذا اجيتي .
راح واني هم مارديت عليه اجه صالح وسامع بالسالفه كلها اجه وره الغده وكال .
صالح : ليش هنا ماعندج اهل .
شهد : يا ليش صالح هذا بيت اختها.
صالح : ميخالف شهد مهما كان زوجج غريب علينه .
خطيه نقهرت على شهد وصالح اخذني اني والجهال ورحنه البيت اهلي تشكرت من شهد ورحنه وحجيت الامي بالسالفه كلها والكل لام فرح على تصرفها وكالو فرح وابنها غلطانين والكل كال ايهم حقه ماغلطان امي كالت .
ام صالح : جمانه ليش طلعتي من بيتج بنتي زوجج حقه .
اني سمعت هيج من امي واني دكيتها بجي كلتلها.
:- والله مادري يمه حزت بكلبي ونهضمت من كلامه.
ردت كواكب .
كواكب : كافي حبيبتي والله حقج تنهضمين ادري بيج ميخالف يصير زعل بين متزوجين لضوجين .
راحت كواكب بدون علمي ودكت على ايهم وحجت ويا بكل التفاصيل كاعدين واجتي فرح وتحاول تهدي سالفه وتراضيني رغم اني شكد ضجت بس مازعلت منها اجه ايهم وحجه ويا فرح وعصب بالكلام وياها حيل وعلت اصواتهم وصالح وكواكب حجو ويا ونسدت السالفه وضحوله فرح غلطت وميصر السوته الكل لاموها على تصرفها بقه واكف ايهم ويباوع عليه اخر شي كال .
أيهم : يله فضيها شكو كاعده .
سكتت مرديت و صالح وكواكب كعدو يقنعوني .
:- يله جمانه روحي البيتج وصير هاي المشاكل
عادي .
رجعت للبيت اني والجهال وأول مطبيت للبيت
اجه ايهم وحضني وكال .
:- اسف جنه والله اني غلطت وساعه عصبيه ، بس اختج تبقه غلطانه ميصير تصرفها .
:- تره اني هم مقابلة عليها بس شسوي بعد صارت .
تراضينه ونسد الموضوع
مرت الايام
عرفت ابن فرح مبطل من شغله وصار بالليل يسهر على المبايل وبالنهار نايم بله شغل وكل مسؤولية ما عنده الصدك ضجت من عرفت هذا اشلون راح يصير ابو بيت ويعتمد على نفسه ياربي وانوب سمعت رايح مشتري مبايل غالي وبلقسط ويدفع شهريه
ضجت وتصلت بفرح كلتلها
جمانه
" فرح لو مشترين حلقه وحاطتها بايد نور مو احسن من المبايل الي مشتري ابنج وغالي عليه .
فرح
" على كيفج جمانه كولي يالله هيه البنية اله وبس يصير عنده ياخذها .
حسيت صدك ماعنده مسوليه ابد ولا شخصيه
وانوب ابو هم مثله عديم المسوليه واختي فرح
هيه مشيتهم ومدبرتهم خفت لا نور تعيد حياتي ويه ابوها وتتعب ويه ابن خالتها
بعد فتره زوج فرح اجه علينه للبيت وطلب من ايهم ياخذه الصديقه ويتكفله يشتري موبايل بسعر عالي وفعلا اخذه أيهم جان خجلان يرفض وبعد فتره اتصل صديقه وعرفنه زوج فرح مامسدد من 4 اشهر وكله اني ماعرفه ايهم انت جبته وتكفلته
ايهم ضاج وكله هذا هوه اني باجر اجيب الك الفلوس عصب حيل ودك على زوج فرح وكله بكل برود
" اي والله صح وحقك وماعندي انطي واصبرلي
أيهم
" اشلون بله اصبرلك الرجال دك عليه لتفشني ويا اني صوجي كفلتك .
" اصبرلي أبو دينا راح ابيع ستوتي واجيبلك افلوس .
ايهم تخبل كله
" بس هاي رزقك اشلون تبيعها علمود مبايل انت ماعندك مئسوليه مبايل مدبرت فلوسه اشلون باجر عكبه تتكفلون ببنيه خلص احسن حل نفصخ خطوبه نور لان هاي راح تنضلم يمكملان انتو متهتمون ولا عدكم مسوليه ابد
عصب ايهم واصر يفصخ الخطوبه مالت نور
خليته يهدء وبالليل اجيت كعدت يمه وكتله .
:- ايهم خاف نضلمهم خطيه .
باوعلي بحيرة وكال .
:- لج بابا شضلمين حتى ابن اختج هم مثل ابو ماعنده مسوليه مو راح اشتره مبايل فوك المليون وهوه حلقه ماخال بيد خطيبته تحجين صدك عود بابا اختج هيه رجال البيت مو همه واني ميعحبني الي ماعنده شخصيه ابد .
:- والله مادري ايهم خاف يجي يوم واندم مادري .
:- لا متندمين اني اكلج .
نور سمعت و شبعت بجي حبيبتي تحبه وتعلقت بي حيل صارلهم سنه مخطوبين مو قليل فرح زعلت مني وكعدت ابجي يارب اذا ابن اختي مابي خير البنتي ويشلع كلبها ابعده منها يارب واذا خوش ولد وتنسعد ويا أن شاء الله متخرب الخطبه انت وكيلي واعلم بحالي ماريد اجرح بنتي .
:- ماما نور فدوه كافي بجي حبيبتي والله عمج
يريد مصلحتج وعلمودج .
نور : ليش ماما فدوه احجي ويا عمو ماريد افصخ عفيه .
:- اوووف ياربي حبيبتي كافي متشوفي طلع ماعنده اي مسوليه وحاير بنفسه والله تتعبين ويا بنتي مو نصيبج والله .
:- لا ماما عفيه قنعي عمو .
عفتها ورحت ارد على امي دكت عليه سامعه بالسالفه
وصارت ترزلني علمود فرح .
" اشلون تفصخين من ابن اختج مو عيب عليج .
" يمه يتعبها ومو سند الها صار سنه حلقه معاف بايدها .
صارت ترزلني وتحجي ضجت حيل كلتلها .
" يمه انتِ شوكت صفيتي ويايه بس كليلي .
" لا انتِ صايره فد مره شلون تكسرين خاطر اختج .
" اشبيج يمه مو اني اكلج ايهم مصر يفصخ مالي علاقه اني هو عمها واعرف مني .
" اي ايهم هسه صار يتصرف بكيفه مو عيب عليه وعليكم ما تستحون ولا عدكم أصول .
سدت الخط بوجهي ياربي انوب طلعت امي من صفحه عليه سمعت فرح تعاركت ويا زوجها ولامته لان ماعنده اي مسوليه وهيه تخبز ومعيشتهم وحتى اشترت البيت من عدها وتدفع القسط مال البيت وحدها زادت مشاكلهم ورادت تطلك منه وصدك
مرت الايام و اطلكت منه وكلنه ححينه ولمناها
ابو ادم فقير بس عيبه ميعرف يتصرف ومن هل حجي ماقبلت اصرت تطلك منه والقاضي حكم عليها تكعد باللبيت 3سنوات ومن تكمل المده تطلع منه
بعد منفصخت خطبه نور وطامي وصالح بقو يلومون بيه ويحجون عليه اشكد انقهرت لان مااعرف الي صار صح وله غلط نفذ كلمته مهيمن وفصخنه الخطوبه ونور كل يوم تكعد تبجي والله قهرتني سوده عليه مراهقه وتعلقت بي
مر على فصخ الخطوبه 3
اشهر واجه ابن صديق ايهم يخطب نور وماصارت نور شبه نست السالفه مادري تعودت على هل شي ومرت الايام واجه ابو ادم علينه وتراضينه وكعد يحجيلي اشلون فرح عافته ومقهور ويبجي عليها
ممصدك اشلون عافته واني انكسر كلبي عليه والله العظيم صدك هوه فقير بس عديم مسوليه وبقه كاعد يمي بالساعه وراح وصار كل مره يجي عليه يحجيلي اشوكت تقبل فرح ترجعله وفرح قافله عليه ومتحجي ويايه اصلاً لسه زعلانه علمود خطوبه نور
مر 5 اشهر واجتي صديقتي وجارتي ام عباس الي نزلت قبل بصفي سامعه بنور فصخت واجت خطبتها الابنها كالت .
ام عباس : من الاول حطيت عيني على نور وتمنيتها الابني من انطيتيها الابن خالتها وهسه فصخت الخطوبه جمانه اني اريدها بعد ماعندج اي عذر .
جمانه : والله يا ام عباس اشوف عمها ورجعلج خبر .
:- ماشي انتضرج .
سلمت وراحت واجه ايهم وحجيتله السالفه وكال .
أيهم : حبيبتي همه خوش ناس بس كطبع بداخل ماعرفهم خلي اسال واتكد منهم ماريد استعجل
وندم مثل قبل ويا اختج .
مرت الايام وابويه حبيبي عمري تعب حيل وصار يشتاق النه بكل وقت واني اروح عليه كل يوم ومن اكعد يمه يبجي ويشهك .
جمانه : ليش حبيبي تبجي .
ابوصالح : اني كبرت والعمر مر عليه واخاف يجي يوم اموت وماشوفكم بعد واشتاق الكم .
:- لا يعمري ان شاء لله عمرك طويل ليش هيج تحجي .
:- لعد قابل ابقى عمر اني بس اذا متت راح اشتاقلكم كلكم وانتِ بالاخص راح اشتاقلج .
:- لا يابه فدوه هذا امر ربك منعترض عليه صح
بس لتحجي هيج كبالي .
صح احجي بس داخلي منهار و اندعي بالقوه كدامه بس بداخلي متكطعه على كلامه وما اتخيل يوم ابويه ماشوفه ابد ابويه الي طول عمري اشوفه قوي وشامخ مثل الجبل هسه ضعيف ويفكر ويخاف من الموت
بقيت كل يوم اجي اشوفه وفرح نزلت بفرعهم كل وقت تجي اله شهد عكسنه تجي كل 4 ايام تشوفه وتروح امي تعذرها تكول خطيه عدها جهال وملتهيه بس اني ماعذر احد على ابويه لو مو جهال اعوف الكل علمود ابويه لا بيت ولا جهال عندي اغله من ابويه الحمدلله ربي سلط كواكب الاهلي شايلتهم ومداريتهم و ابد ماقصرت ويا ابويه حيل تهتم بي وصلت بيها مرحله من تشوفه يضوج تكعد تقراله قصص وهوه مرتاح ويستمع الها وحيل تعلق بيها
صارت تهتم بعلاجه وباكله وين مايفتر هيه مثل ضله صارت تخاف عليه لا يوكع لان صار هواي يوكع
صالح معرف يكسبها رغم طيبه كلبها وعلى كلشي يتعارك ويزعل منها هيه المسكينه تعودت على وضع وزعل صالح لان هذا طبع بالبشر ميتغير وبعد كم يوم يتراضون وهيج ماشيه حياتهم
اجه حميد على اهلي وشاف زعل صالح من كواكب
وشاف تعامله وياها ضاج وراح ومن وصل البيته خابرها واصر يعرف زعلهم وكللها
"راح اجي اجيبج بعد كافي على كل شيء مشكله انتِ وصالح .
رفضت تروح و ماقبلت خطيه بس اصر حميد عليها اله تروح واجه هو واخوانه وكعدو يم اهلي وحجو كل الي عدهم بس جان صالح حيل جاف بكلامه وياهم واخر شي ملو منه و اخذوها وراحو وابويه حبيبي كعد يبجي على كواكب نقهرت عليه وكعدت اسكته وبوسته من طلعت كلنه بجينه على كواكب نور ومليكه وامير وحتى روزه تبجي على كواكب وابويه ماعرف اسكته بعدها بقيت لل 11 بالليل اسكت باابويه يله اشويه سكت خطيه لان روحه صارت بيها رجعت للبيت عيوني وارمه من البجي شافني ايهم تخبل كال .
أيهم : ليش هيج مسويه بروحج جمانه .
جمانه: ايهم راحت كواكب الاهلها .
احجي وابجي لان حيل تعلقنه بيها كال .
:- كافي بابا شبيدج انتِ عليهم الله يسلمهم همه كبار ومامتفقين .
:- لا لا هيه مارادت تروح خطيه والله بس حميد اصر عليها وخرب بيتها من وره صالح .
:- هذا هو الله يهديهم حبيبتي كافي تبجين .
:- ايهم بويه حيل مقهور على روحتها .
:- اي حقه هيه صار عمر يمه ومتعود عليها .
:- أي والله أيهم حيل مهتمه بي حتى قصص تكعد تحجيله بعدمنو يقراله اني جنت انام مامنه على ابويه لان اعرف بكواكب حاطته بعيونها وتهتم بي .
:- ربج ميعوفه وانتو كلكم يمه .
:- اي صح بس هوه يريدها هيه متعود عليها اكثر منه.
:- الله كريم حبيبتي .
رحت نمت واني دمعتي على خدي على كواكب الي مافهمت شي من حياتها ويا اهلي ربت ولد صالح وتعبت عليهم بس لسه يحسبوها زوجه اب وما أحد بيهم قدر تعبها امي ماخذه دور الام رغم هيه مقعده وكل طلباتهم واهتمامهم الكواكب اسوي الهم بس هيه هم قليله حض الي قهرني اخوها طلع السيمكارت يعني بعد ماكدر اتواصل وياها
نايمه واجه أيهم حضني وباسني من راسي وكال .
:- كافي مو كلت كافي ليصير بيج شي اشلون يعني .
:- اي سكتت .
:- يله اليوم اني العب بشعرج ونيمج .
وصدك حضني ويلعب بشعري ويده الثانيه يفرك ضهري وكل اشويه ايده تسلل زايد ضوجني كتله
:- ايهم اشون بيك .
ضحك وكال .
:- اشبيج اريد اضحكج مارايد شي منج .
ضحكت عليه كال .
:- اي فديت الضحكه اني وعشيرتي .
اعرفه ايهم من يشوفني ابجي يتعامل ويايه مثل طفله وابوها ربي يحفظك اليه حبيبي نمت على دفه حنيته كعدت الصبح حضرت ملابس وطب سبح وبدل وتريك وطلع للدوام .
مر يومين على روحه كواكب الاهلهل ودكيت على
سرور الي صار فتره انكطعت اخبارها وكل وحده بينه التهت بحياتها وصرت اعرف اخبارها عن طريق كواكب اسالها عنها بعد ماجانت علاقتنه حيل قويه
دكيت عليها سلمت وكلتلها .
" اذا يم اهلج اريد احجي ويا كواكب واذا رحتي لاهلج دكي عليه اريد احجي وياها .
تغيرت نبرت صوتها وضاجت وكالت.
" لا جمانه ميحتاج احد بيكم يدك على كواكب بعد راح تطلك من اخوج وبعد ماعدها شي وياكم غير احنه ولد خاله بس ومن تكمل اوراق الطلاك وتطلك عود ذاك الوكت انطيج رقمها ودكي عليها وتواصلي وياها بس هسه لا ابد مامسموح تحجين وياها .
اني اسمع سرور و مصدومه من كلامها وصدك خجلت منها ومن كلامها كتلها .
" هذا هو براحتكم مع السلامه .
سديته وره يومين شفت سرور حاضرتني من رقمها الخاص عفتها براحتها بس صدك فتقدت كواكب من اروح لاهلي تتلكاني ونكعد ونحجي سوه هسه ماكو بقيت كل يوم اروح لاهلي اشوف ابويه وبالليل ادك عليه احجي وياه وشوكت ماكعدت بالليل ادك على بت اخويه تكلي نايم جدو كمت من اروح اشوف ابويه حيل ضايج والحزن بعيونه من اساله .
:- ليش هيج ضايج يابه اشبيك .
راساً بجه سوده عليه .
:- يروحي انت ليش تبجي .
ابو صالح : ليش صالح ميجيب كواكب اريدها .
جمانه : اوف والله يايابه ميقبل شبيدي عليك اني هسه هم يجي واحجي ويا .
صدك طب صالح ورحت عليه احجي ويا .
جمانه : صالح ليش متجيب كواكب بعد .
صالح : وليش اجيبها مو هيه قبلت وراحت ويا اخوتها بعد ليش اروح اجيبها حميد اجه واخذها وهيه وافقت عليه لو معارضه وكايله ماروح جان ماخليتهم ياخذوها والله بس هي راحت وياهم بارادتها .
جمانه : ميخالف صالح انت هم غلطان صار اسنين متزوجين وماتفقتو يوم ابد وهي حقها راحت شلون تريدها تخجل اخوتها .
:- اي واحنه تعودنه على هيج بعد ليش اجه حميد و ادخل بينه سدي السالفه جمانه احسن .
:- زين وابويه مو تعرفه متعلق بيها ويحبها صالح قبل اشويه كاعد يبجي عليها الخاطر ابويه فدوه .
:- ابوج يتعود بمرور الوقت .
مابيدي شي اسوي عفته لان شفته قافل رحت الابويه كانما يكلي سمعت كل شي عيونه مدمعه بسته وكتله .
:- وعد عليه ارجعها الك حبيبي لضوج كلنه يمك والله وكل شي تريده يمك بس لضوج .
أبو صالح : لا اني ماناقصني اي شي بس كواكب غير .
جمانه : والله ادري بيك اتحبها ومتعود عليها بس مابيدي شي بس والله وعد مني ارجعها الك وماراح اسكت راح ابقه وره صالح واشوف عمي ابو هدى بلكي يجي يحجي عليه شويه .
سكت هوه خطيه بس اعرفه مامقتنع بكلامي وشكد حاولنه اني اجي كل يوم اني وجهالي ابقه لليل وفرح وجهالها كل النهار يمه وكل حتياجاته يمه بس بقه عينه على الباب ينتضر كواكب لان ابويه اعتبره مو مجرد جنه اله ولا بنته لا اعتبر كواكب صديقه اله وتعلق بيها لان جان يحب حتى يتناقش وياها وكل شي انسوي الابويه يكول النه مو مثل كواكب اسووو اليه الاكل الشرب الكليجه الكيك اسوي فرح اله لان نعرفه يحب الكليجه والكيك ومن ننطي يكول مو مثل كواكب من اسوي اني رحت مره اشتريت اله الكليجه من المعجنات واكلها ويكلي مو مثل كواكب من اسوي الكليجه وصرنه انطلعه اني وفرح ناخذه
لمحلات معجنات انوكله ونرجعه للبيت ومرات ناخذه نوكله موطه ونغير من نفسيته ونونسه من كعدت البيت واخره مره اخذنا ضاج والله كسر كلبي ابويه اتمنه اشيل الحزن منه بس مابيدي شي اخر شي تعاركت ويا صالح لان حيل زودها ومامنتبه على حزن ابويه وره كواكب
زعل مني صالح وهم عفته براحته لان كلش ميحس صاير كل يوم خوفي يزيد على ابويه وبس دعيله بطوله العمر
ومرت الايام
وصارت الخطوبه نور وعقد قررنها انسوي حفله خطوبه وتلبيس حلقات وعقد سيد وعزمت الكل بالخطوبه فرح زعلانه ماجتي واجرت الكوشه الها
وراحت للصالون طلعت حيل حلوه بالبدله حبيبتي وتم العقد وخلصت الحفله وباركنه النور والحمداله
من شفت نور فرحانه بخطوبتها ومر يومين على الخطوبه توفت امها الام عباس صديقتي وام خطيب نور رحنه للفاتحه اني ونور وايهم راح القاعه الزلم واجتي ام عباس من المقبره شحالها خطيه على امها
وكالت .
ام عباس : جمانه ابو عباس يريدج بالغرفه الجوه انتِ ونور .
كمنه وياها ورحنه كعدنه كال .
أبو عباس : ام طارق لازم انجل العرس للسنه مالت عمتي لان منكدر احنه نسوي عرس وحزنانين .
جمانه: هذا هو يمعود قابل نضغط عليكم .
اتجل عرس نور وره سنه صادف أحداث كارونه
والعالم كلها خايفه بعد فتره ، قرر ايهم يدخل كليه قانون ويدرس وياخذ شهاده محاما كتله .
جمانه : أيهم شتسوي بيها انت متخرج ومتعين وعندك وضيفه زينه.
ايهم: حاب ادرس واخذ شهادة محاما حتى اذا طلعت تقاعد خصه اذا القضايه تكون من ضمن شغلي مكافحه ارهاب والجريمه راح تفيدني هل شهادة .
اصر على الشهادة وقدم كليه قانون اهليه ودخل
وصار الي جنت خايفه منه بيوم اجه ايهم كال .
أيهم : جمانه لازم اشارك بكروب اني وطلاب وطالبات نحل بي سوه وهل شي من ضمن الامتحان اللكتروني .
وفعلا سوه الكروب وصار يدخل يمتحن الكتروني بس الي ضوجني صار بنات يتصلون عليه علمود الدراسه ومره وحده عرفت بمركز شغله وعرفت بي ضابط خابرته تساله على شغله تخص احد اقرباءها معتقل اني حيل ضجت وغرت عليه وهو يضحك عليه .
واكفه اكمل الغده وهو بالبيت فاتح الحاسبة وكاعد
ينتضر حتى يمتحن الكتروني شفته داخل ويه الكروب قبل الامتحان وسمعت وحده تضحك ويا وتكله ايهم انتضر اكمل الغده داسوي الجهالي اشبيك مستعجل اجيت ضايجه باوعت عليه انطا كتم وكام
وكف اجه حضني وباسني وكال .
أيهم : جنه لازم احل وياهم تقبلي تسمعين اسلوبهن شبيدي اني لازم نحل سوه .
جمانه : ليش هيج ايهم تحجي وياك ومنطلقه .
:- والله هنه هيج اسلوبهن ميانه وعادي عدهن
زعلت وبقى يتوسل بيه اسكت وما ازعل كال .
:- جمانه راح يروح عليه الدرس كافي زعل .
عفته ورحت للغرفه طبيت ومن كمل اجه يب...س ويعتذر .
:- وخر ايهم لتحجي ويايه اني ماقبل بهيج اسلوب ابد .
:- حبيبتي اني شعليه هنه هيج اسلوبهن وشقاهن .
:- لا ماقبل تهين كرامتي كدامي .
عفته ورحت بالاستقبال طب سبح وبدل واجه كال .
:- يعني اطلع وانتِ زعلانه مني .
:- اي اطلع ومالك دخل بيه زين .
:- يابه على كيفج علينه متتحاجين جنه .
:- ايهم لتعصبني .
:- والله انتِ روحي وعمري مالي علاقه بيهن بس هذا اسلوب حوار ولازم اسمعه من ادخل وياهم مكالمه .
:- اي استاذ وهناك شسوي من تروح .
:- والله مالي علاقه بيهم بس نكعد بالكافتريه اني وصدقائي هنه يجن يكعدن ويحجن ويا مصطفى واحمد لان مامتزوجين .
:- اي بس هنه بيهن متزوجات .
:- اي اعرف بس اني على كد السوال وياهن مالي علاقه بيهم .
:- أيهم ما صدك بيك ابد .
ضحك وكال.
:- ولج اشلون اعوفه من وراج ، شفتي احد دك عليه ابد شو كله بالكروب نقره .
وصدك كدر يقنعني انو علاقته بس للدراسه وطلع وميداوم هو ابد بس وقت الامتحانات يكعد يقره بالبيت ولازم اسوي الاجواء هدوء واسكت الجهال ويكعد يقره براحه وحده
صار يروح وقت الامتحان اليوم كعد مكشخ ومبدل ومعطر .
جمانه : ايهم شدعهوه هل كد كاشخ والعطر يفوح .
أيهم : ها جمانه شجاج الحمدلله تعرفين بيه من قبل لا زوجج اني هذا لبسي وكشختي ماغيرها اشون بيج انتِ وغيرتج ست جنه .
:- اي عيني البس واتانق براحتك .
دك مبايله وهو بالبيت صديقه مصطفى جاوبه .
:- جاي صوفي نص ساعه واطلع .
مصطفى
" ايهم فضها عاد اشوكت تجي .
أيهم
" اي يله جاي .
مصطفى
" لك الا حمم حممم تسأل عليك .
رد هوه ضحك وتتحمحم واني بصفه اسمع بالمبايل
عرفت قصدهم خزرته هو راسن حضني من خصر
وكال .
" اي جاي سهاد اشبيج صوتج سطرني .
مصطفى
" يله منتضريك الله وياكم .
باوعت عليه محاوط خصري ادفع وماكو .
أيهم : بس اوكفي هسه اني شعليه هيه سالت عليه لج بابا اشلون بيج اني .
جمانه : وليش تسال عنك .
:- فضول والله حبيبتي كلهن فضوليات وعيونج انتِ ماريد اطلع وانتِ زعلانه .
:- لا عليمن ازعل الله وياك روح .
راح بس كلبي نار من سالفه الكليه اشوكت تخلص واخلص منها كمت اتخيل هواي شغللت براسي ممكن وحده تاخذه مني وتخرب حياتي وكل شي خطر على بالي ومرات اكول لا عيني ايهم يحبني اني ميسويها وعدت الايام وكمل مرحلة اولى
كاعدين نتغده ودك مبايله هو طبعه من احد يدك عليه وياكل او كاعد يقره يفتح اسبيكر رد
