رواية فصلية بديلة الفصل الثاني 2 بقلم ام ملكوت

.

..

ديان: خيه شي تافه ..امس طلعنه ناخذ درس حاسوب بالساحه ولاكاني العامل مصطفى وجه بوجه غمزلي وابتسم مدري عليمن 

هزيت ايدي ورحت للصف متقززه من الموقف هذا..

🦋 رواياتي هن ملاذي الصغير 🦋

سماء: يااا عزه عود صدك غمزلج

ديان: اي والله خيه اخرف الولد يمكن

كوثر: عووع ولا عندج جنس العاطفه

ديان: ويييع ياعاطفه ويني وين هل سوالف انه عاطفه مدري شنو ومنين من هذا جنه منحرف..

سماء: هههههه اي وجبتيهه صدك وجهه وجه منحرف لا ومسوي روحه شخصيه وشايف روحه والبنات ميتات عليه مدري شحابات بي يعع

ديان وكوثر: ههههه اي وعلي

كوثر: اي انتي احجيلنه بله ست اسماء شكو ماكو بحياتج

سماء: والله خيه غير ضيم ابوي بحياتي ماكو الحمدلله

ديان: شبي ابوج

سماء: على سالفه الزواج اكو غيرهه مثلا

كوثر: اووو هذا ابوج شيريد يفتر وراج عل زواج اشو كلج ١٨ سنه شكو

سماء: والله خيه حضي هذا جبتهه من عمري ١٥ لحد هسه وهوه يزن فوك راسي حتى اتزوج ..

( 2 ) 

ديان: زين انتي شنو رايج يعني تردين تزوجين لو تبقين تدرسين

سماء: خيه من وره عمي لمن ابوي انطاني بصغري لابن عمي وعمي رفض بحجه ان مايريد يخرب الخوه بيناتهم ..

وابوي من هذاك اليوم يفتر وراي عباله ارفض لان بعدني احب ابن عمي..

ديان: زين انتي صدك بعدج تحبينه

اسماء: لا خيه حبي اله مال مراهقه وطفوله جان بس من كبرت شويه حسيت نفسي تافهه لان حبيت شخص مايكدر يواجه ابوه علمودي ..

ديان: يولي خيه الله يرزقج بابن الحلال 

كوثر: اي وكون غني وحلو وبيته وحده وسيارته تاهو حتى كلهم يتخبلون وتحترك كلوبتهم..

اسماء: ههههه وين الكاه هذا ماتكليلي قصص ماي هوبس 

ديان: مو صعب على ربج خيه الله يكتبه نصيبج و ذبيت الحجاب والجنطه وغسلت ورحت لغرفتي نمت على فراشي بالارض وغفيت بسرعه بدون ماتغده ..

ماكعدت الا على صوت اذان المغرب كمت سبحت بدلت ملابسي وصليت وكعدت اتغده ميته من جوعي طيرتلي صحنين ياله كمت رحت تمددت شويه

تالي بديت ادرس كالعاده من ال٧ لل٢ بليل كملت دراسه لزمت المسلسل باوعتلي حلقه وحده ورجعت نمت..

ومرت الايام على نفس الروتين صرنه نراجع الماده وندرسهه بالمدرسه حتى بايام العطل الى ان اجت الامتحانات وخلصت 

واخر يوم الامتحانات قررنه نسوي جمعه اخيره لان محد راح تقابل الثانيه لمن ندخل جامعه..

ركضنه اشترينه كلشي من الحانوت وكعدنه بصف فارغ وصرنه ناكل ونسولف ونحشش بس بداخلنه نار مشتعله لان محد راح تشوف الثانيه بعد وخايفين الرسايل ماتلمنه ..

ام سماء: يمه سماء شبيج صارلج اسبوع معتزله ومكتئبه صاير وياج شي.. بيج شي احجيلي

سماء: لا امي مابيه بس اشتاقيت لصديقاتي ومدرستي

ام سماء: يمه جا شنسوي بعد اجه الوقت يلي لازم تبدي بي كل وحده حياتهه والصديق الحقيقي مايكطع ويبقى للابد موجود بحيات صديقه

سماء: امي مخنوكه مو بيدي ماتحمل فكره اني بعد ماشوفهن اخاف يجي يوم وماسمع خبرهن بعد..

ام سماء: لا يمه اذا هنه كطعن انتي سالي عليهن وعلى اخبارهم وحافضي عليهن بجانبج

سماء: انشالله يمه جا شسوي بعد

سماء: اي والله يمه اريد اروح مخنوكه من حبسه البيت كلش

ام سماء: هههه ولا يهمج كلت لابوج وكال خلي تروح يمهم لحدما ترتاح نفسيتج وتتونسين رجعي..

سماء: هاا اوك يمه لعد خابري خالي يجي ياخذني باجر..

ام سماء: اي انشالله كومي حضري ملابسج وشغلاتج وعوفي الزعل والاكتئاب..

سماء: انشالله امي..

صح اني فرحت وطرت فرح من كلتلي ان قبل ابوي اروح لميسان لبيت جدي

17 ت

بس احساس بداخلي مضايقني باوعت لبيت اهلي وكاني اول مره اشوفه وااخ..ر مره لا لا مايصير افكر هيج .

.كمت غسلت وجهي وحضرت ملابسي بالجنطه وشغلاتي الاحتاجهم شاحن وسماعات وغيرهه لان ناويه ابقى شهر هيج هناك ..

شويه واجتي امي كالت خالي الجبير باجر يجي الصبح ياخذني ..

خليت وكملت وتمددت بفراشي واكلب بالنقال حتى المسلسلات مالي خلكهن خليت ونمت ب١١ 

كعدت الصبح من وكت الساعه ٧ لان ماسهرت كالعاده ..

كمت غسلت وجهي واسناني ونضفت البيت وسويت ريوك لحدما كعدو اهلي صبحت عليهم وكعدنه احنه وامي نتريك وابوي جان طالع من ال٦ للدوام .

.كملت وخلصت وكمت سبحت وبدلت ملابسي جنت البس فستان رسمي مالبس جبه او عبايه ..

جهزت جنطتي وبقيت انتضر خالي ..الى ان مرت ساعتين واجه خالي سلم علينه وشرب ماي وطلعنه ركبنه السياره ورحنه لبيت جدي

شويه ووكف السياره كبال البيت ودخلنه سلمت على بيبي وجدو وخوالي ورحت للمطبخ سلمت على خالاتي ونسوان خوالي....

///عائله جدي عباره عن///

جدو "ابو رائد"

بيبي"ام رائد" 

خوالي ٣ وكلهم متزوجين وعدهم اطفال بس عازلين وبانيلهم بيوت بالساحه مالت بيت جدي يعني نشوفهم ويشوفونه.. 

ورابعهم اخر العنكود "حمش" عمره ٢١ سنه صديقي وروحي مو بس خالي ..عايش ويه بيبي وجدو ومامتزوج حاليا..

خالاتي ٣ وامي الجبيره..خالاتي..

 [ عائشه متزوجه عمرهه ٢٥ وعدهه اطفال ٥ والثانيه"مريم" مخطوبه لابن عمهه وعمرهه ٢٢ سنه وهيه صديقتي مو بس خالتي والثالثه "رشا" مامتزوجه وعمرهه ١٩ سنه وهاذي الاعز على قلبي والاحسهه تؤامي] ..

اسماء_

دخلت للمطبخ لكيت نسوان خوالي موجودات سلمت عليهن وباوستهن صح هنه شوي عدهن خبث ونفاق مرات بس كدامي حبابات ويضحكن ويسولفن وياي عادي..

سلمت ورحت لخالاتي اخذني بحضنهن وبقيت اشم بريحت الحنيه يلي بيهن احسهن هنه امهاتي وخالاتي وصديقاتي وتؤامي وروحي ونفسي هم

اشتاقيتلهن حيل صار ٣ اشهر ماشايفتهن واني تعودت من عمري ٥ سنين لحد الان بكل عطله اجي ابقه يمهم شهر اسبوعين وارجع لاهلي

لهذا السبب جدي يكلي انتي بتنه وربيتي عدنه ..وانه بعد احب بيت جدي واعتبرهم اهلي ..وبصراحه مرات احسهم اعز من اهلي ..

مريم: ولج بذاته صارلج اسبوعين معطله توه ياله ذكرتينه

سماء: يبعد عمري..

مرت خالي: يله راح تبقن تسولفن بالباب خلي البنيه تدحل تبدل ملابسهه وتتغده خطيه..

مريم: يله حبي تعالي نسينه روحنه بالسوالف..

سماء_

دخلنه رحت طلعت ملابسي من الجنطه لبست تراكسود وخليت مكياج بناتي وحطيت حجاب على اكتافي تحسبا 

لان خطار بيت جدي هواي وكلساع واحد جاي ..خليت وطلعت يم البنات بالمطبخ صبينه غده وكعدنه كلنه ناكل

خالاتي جانن ينتضرني يتغدن وياي ونسوان خوالي كعدن عل واهس ويانه.

.بقينه نسولف ونضحك الى ان اجه الليل وانه احس حلكي تشكك من كد الضحك.

.صارت ب١٢ وكلمن راحت لبيتهه وفرشنه فراش اني وخالاتي بالصاله وتمددنه وكمنه نسولف..

مريم: اي حبي احجيلي شصار وياج ماصار بهاي ال٣ اشهر

سماء: والله خيه نفس الحياة نفس الروتين على حطت ايدج

رشا: ماكو خاطوب منا منا

سماء: اكو بس خيه انه ماريد اتزوج هسه وابوي لاطشلي

مريم: خاله ليش ماتردين تزوجين

سماء: خاله اخاف الاتزوجه مايخليني اجيلكم بعد وانه اموت اذا ماشفتكم ..

مريم: بس هذا السبب

سماء: خيه هوه انه لاكيته هذا اليصوني وماعايفه الكليه علموده بس ماكو مايجيبولي واحد بي خير كلهه هرج مرج ..

رشا: هههه اي صدك الله يساعدج

مريم: الله يهديج ويرزقج ابن الحلال يارب قصص ماي هوبس 

سماء: امين يارب..اي على طاري الحلال شلونج انتي والحب

مريم: يععع ياحب ماتكليلي

سماء: ها ليش

مريم: يوو خيه ماريد لا حب ولا شي خلينه هيج رسميات وبيناتنه احترام احسن

سماء: جا شدخل الاحترام بالحب

مريم: اوو اذا حبيته اضل اغار واذا غرت اتعارك ويا واذا تعاركت راح يصير غلط وطك بيناتنه ويصير شي عادي 

مريم: خيه انتي واختج الجبيره مفلفلات ماريد اصير مثلجن هذيج اختج شحصلت تلبس وتعدل ورجلهه هاملهه ويدور عليهه نسوان..

سماء: اي والله 😔..يله اني نعست خلي ننام..

مريم: يله نامي حبي اكيد تعبانه تصبحين على خير

رشا: احلام سعيده حبيبتي

سماء: اجمعين يروحي... احلام سعيده حبيبتي..

لفيت راسي ونمت واني مكسور خاطري على امي الكضت شبابهه كله تحاول ترضي ابوي 

وهوه هاملهه ويباوع لغيرهه نكسر قلبي عليهه ونزلت دمعتي سكته تالي نمت ..