رواية فصلية بديلة الفصل الثالث 3 بقلم ام ملكوت

في الصباح..

سماء_

حسيت صار ضوه الشمس بعيني ماخلاني انام

داخل من الشباك فتحت عيوني واشوف خالاتي مو يمي والساعه ب٩ الصبح.

.كمت غسلت وجهي واسناني ورحت للمطبخ لكيتهم يسوون سياح بعد شته وكذا..صبحت عليهم وكعدت يم خالاتي...

#يتبع تكملة 

مريم: ها خاله ارتاحيتي بالنومه

سماء: اي حبيبتي شلون مارتاح وانتن يمي

رشا: يله حبي سون مجال للصينيه

سماء: اكلج خاله بعد خالتج انطيني ماي من يمج

رشا: من عيني

سماء: تسلم عينج حبيبتي..

شربت ماي وتريكنه وجان السياح كلش طيب من ادين خالتي مريم وكالعاده بقينه نسولف ونضحك ..

ابو رائد: شلونج جدو سماء

سماء: الحمدلله جدو انت شلونك

ابو رائد: الحمدلله شني ماعرستي

سماء: جدو يكول مو اني هههههه.

زين جدي حمش بعده صغير شلون تزوجه

حمش: ولج شنو قصدج صغير شني مو

بعينج ..

وبعدين انه كلت لابوي وامي يشوفولي مره اتزوجهه حتى تجي تخدمهم جم دوب تبقى رشا كاعده تخدمنه..

سماء: اي كلش هم انت حالك حال الشفيه خوانك تاخذ مرتك وتطلع 

ابو رائد : لا بعد هذا الكعده لا يطلع منا ولا منا يريد يطلع هوه ومرته اكله روح واني متبري منك ..

حمش: لا بويه صدك جذب عد عيناك اني تربيتك ماعوف اهلي علمود مره..

سماء: اي نشوف بله

حمش: ولج سميه كعدي لا اكوملج هسه تردين توزين ابوي علي من الصبح ..

سماء: احسن حتى ماتزوج وتتغير علينه🫣

الكل: عهههههههه

جدي: يله تريكو ثبرتونه كافي ..

سماء: سكتنه وكملنه ريوك وشبعنه وكلمن راح لشغله وبقينه اني وخالاتي غسلنه ماعين ورحنه للغرفه نباوع مسلسل 

بس هل مره هندي جنت كلش احب المسلسلات الكوريه والهنديه وخاصه لمن اكعد ويه خالاتي يسون واهس للمسلسل ..

مريم: اكلجن دورن على غير مسلسل شو ماعجبني هذا 

سماء: ولج خاله هسه انتي شفتي عرفتي قصته حتى تكولين ماعجبج

سماء: ههههه فتيان الزهور قصدج

مريم: اي مدري شسمه ماحافضته حافضه بس اسم البطل

سماء: ههههه 

رشا : يله راح ادوره ..هاذ يله باوعي وسكتي خلينه نباوع..

سماء_

خلص المسلسل وبقينه كاعدين نسولف ماعدنه شي ومحد بللبيت بس بيبي نايمه بالصاله..

_اكلجن ضوجه

رشا: نكوم نركصلنه شوي

مريم: هاي مبارك بيج بس ركص عفيه عليج

سماء: ههههه اي خاله خلي نكوم شويه نرفه عن نفسنه..

مريم: هاي مبارك بيج بس ركص عفيه عليج

كمنه اني وخالاتي شفنه الديوان خوما جاي احد ورجعنه للغرفه شغلنه ديجي بس نصينه الصوت وكمنه نردح 

ونسوي حركات مخابيل احلى شي بينه عفويتنه وخبالنه يلي يخلينه وحده تفهم حركات الثانيه ..

بقينه نركص شويه ودخلت بيبي تسوي نفسهه تركص ويانه وجان تطلع النعا.ل من ورا ضهرهه وتطك بينه واحنه افلت ابو عبيس

_اكلجن امشن نروح يم حمش نتحركش بي نضوجه ..

رشا: اي يله.. وياك اني خويه للموت..

مريم: هههههه فلشج منين اجتج خويه 

2 ت

رشا: ماعليج اني وتؤامي خوان 🤭..

سماء: ههههه يله امشن ولجن..

رحنه للديوانيه لكينه حمش كاعد يكلب بنقاله دخلنه مثل الزلم عليه ..

كلنه: بصوت خشن ...السلام عليكم..

حمش: دخيلك ربي عبالي اجو زلم دخلو علينه ..

كلنه: هههههههه

حمش: خير شعدجن اجيتن ..

سماء: حموشي حبيبي خلينه نلعب ..

حمش: شتلعبين خويه كدامج جاهل شني .

سماء: شبيك خبيث عفيه ..

حمش: يله كولي لعبتيش..

سماء: انت تحب الاشعار وانه احب الاغاني ومريم تطبل ورشا ممممممم تصفكلنه هههههه.😆..

حمش: ههههه جيره اي والله يله تعالن خل نلعب امهات كصه..

سماء: هههههه يله ..

كعدنه اني صرت اغني اغنيه "حالف مانام " شوي جان صوتي حلو ومريم تطبل ورشا وحمش يصفكون تالي خلصت وصفكولي بحماس وبعدهه صار حمش يشعرلنه ..

حمش:

*الحجي بيناتنه تريد الصدك تعبان..

*بطرك عيون تبجي و وجه ينطي الوان..

*على ساعه وفوك راسي يسولف الدفان..

*مامشتاكلك..عطشان

*سير ياهوى الله صويحبك غركان..

سماء: الله ااااااا ..

مريم: الله شحلاته هاذ الشعر

رشا: احسنت👍

حمش: الله عليكم مشكورين..هههه

سماء: يله هسه رشا تغني..

رشا: ها اني..

سماء: اي خيه انتي..بقينه نغني ونشعر منا لصارت ب١٢ اجه جدي وخوالي من العزيمه

ورحنه اني والبنات للغرفه سولفنه شويه تالي نمنه...بس بيومهه كلش هواي ضحكنه وتونسنه باشياء صغيره وبسيطه..

#مر اسبوع على هاي الحال وبيوم كالت خالتي..

رشا: اكلجن خلي نعزم نسوان اخوتي يجن يسهرن ويانه تحلى السهره ..

سماء: اي والله صيحيهن يجن

راحت رشا صاحب للنسوان وصدك اجت كل وحده بيدهه علاكه حبشكلات للسهره فرشنه سفره بالوسطه بالمطبخ وخلينه كلشي تشتهي الروح عليهه ..تالي كمنه نسوي كيك

واحنه نسولف ونضحك الى ان سمعنه صوت الباب يندك بكل حيله راد يتفلش كلهه كامت وطلعت بالساحه واحنه رجعت دخلتنه بيبي بالمطبخ وقفلت الباب عبالنه دخل حرامي علينه ..

بقيت اباوع من الشباك واشوف خالي حمش دخل اديه ورجليه مزلغات وفايض بدمه يصيح بويه الحنكي ..

جدي: شكو شصاير ليش هيج حالتك

حمش: بويه والله مادري بي هوه صار كبالي بويه

جدي: اهده وفهمني شصار كول

حمش: بويه كاعد اسوق بالسياره ورن نقالي والتفتت عليه طفيته وماحس الا صدمتلي واحد وطار ١٠ متر ليكدام بقيت مصدوم ماعرف شسوي اخذت الولد للمستشفى وشردت منهم حتى لا ياخذون اقوالي ..

حمش: بويه الولد مات بالطريق ..

سماء: بقيت مصدومه من كلامهم ماحس الا جدي انهار بالضرب على حمش وخوالي يردون يفكونه منه ماكدرو منا لكسر خشمه ياله ابتعد عنه..

واحنه بقينه نتصارخ خلينه وطلعنه بره يمهم نكض جدي عنه..

جدي:بصيااح..ولك يا خني.ث ياجبان ولك شسوي هسه بحالي شسوي اذا اجو اهل الولد وطلبو الدم بالدم شكلهم انه

2 

اروح انطي واحد منكم يعني مارتاحيت الا لمن سويتلي مصيبه ماترتاح الا تشوف واحد من اخوتك مكتول خلاص كدامك هااا..

حمش: بجي..بويه والله مادري بي جان الشارع فارغ مادري شلون طلع كبالي بويه..

جدي: ولك ياماتدري هذا الحجي عود من يجون يردون دم اخوتك احجي حتى يذبحونك ويشربون من دمك الخاي.س..

سماء: جدي حجه هيج وماحس الا كلب عيونه وطاح انغمى عليه وكلهه نخبصت شالو خوالي وودو للمستشفى واحنه بقينه نبجي وننتضر اخباره على نار .

.ليش ياربي هيج السعاده تتحول حزن قبل نص ساعه ضحكنه تارس البيت وهسه صوت البجي صار يون بي..

4 تع

بقيت ابجي على حمش وعلى جدي شلون تخربط خفت يصير بي شي لا سمح الله بقيت حاضنه خالاتي ونبجي على المصيبه الطاحت على راسنه..

شويه واتصل خالي الجبير على مرته وردت وفتحت سبيكر..

رائد: الو هاا لا تخافون مابي شي بس ارتفع ضغطه انطو علاج ومهدأت هسه ساعه ونرجع للبيت ..

بيبي: هاذهو يمه ديربالك بالطريق وليدي

رائد: انشالله ..لا تخافين يمه..مع السلامه

بيبي: الله وياك يمه..

الفصل الرابع من هنا