رواية أحببت من لايبالي الفصل الثاني بقلم مجهول
بعد مكملنه غده اخذت كتبي وطلعت للحديقه مالتي احب اكعد بيها لان مليانه ورد جوري وياسمين وزارعه بيها برتقال ورمان وليمون منظرها حلو ينطي واهس للدراسه بعدني هستوني فتحت الكتب اوو عندي هواي تحاضير يله خلي ابدي بسم الله (طبعا هاي اول كلمه اكولها من اريد اسوي اي شي )
وبعد ساعتين متواصله من الدراسه كملت واخيرا متتخيلون شكد ارتاح من اجوه ج دراسه احس هم وانزاح عن كلبي المهم كمت دخلت جوه لكيت اهلي متجمعين بالصاله رحت كعدت يم محمد الي كاعد ويخزر بروان بعدهه كال محمد بابا اريد اكولك شغله بابا جان يباوع على التلفيزيون طفى وصوب اهتمامه على محمد
بابا :خير كول
محمد :بابا من باجر اني ابدي اخذ روان للمدرسه وارجعها
بابا : ليش هي كل يوم تروح ويه بنات الجيران شعجب تريد انت توديها
محمد :مو وباوع على روان الي تباوعله بنظرات توسل حتى ميكول لبابا مو مااريدها تمشي ويه بنات الجيران لان مو راحه فكلت اني اخذها واني اجيبها حتى متختلط بيهن
بابا : اي بابا سمعي كلام اخوج انتي عاقله واني اخاف عليج منهن
امير بصوت ناصي :هاي منو العاقله انتي متاكده يقصد روان
براء : بهمس امير عيب هذا الحجي روان اختنه بعد لتحجي عليها هيج
امير :باستهزاء كال اي صاص وراح
محمد: يله من رخصتكم اني طالع ويه جماعتي
بعد ما طلعو اخواني وروان كالعاده صعدت لغرفتها ، اني رحت للمطبخ حتى اساعد ماما بالعشه مدام معندي شي
براء : هاا ماما شحتسوين عشه
ناديه(امي ) : دولمه لان ابوج مشتهيهه
براء : اي ليش دولمه مو تدرين بيه مااحبها
ناديه : والله يا بنتي امرج عجيب العراق كله يموت على الدولمه بس انتي تكرهيها مدري عليمن طالعه
براء : ايعع حشه نعمه الله مدري شلون تاكلوها
ناديه : دعوفي الحجي وتعالي ساعديني خلي نكملها منا للمغرب
براء : اوك
بدينه اني وماما نحضر المواد وبعد ما حشينه السلك وكملنه قطعت بتيته درك ورتبتهن بالكدر حتى نخلي فوكاهه الدولمه
مااعرف شنو الغايه من هاي الحركه وبعدها بديت اسوي زلاطه ومقبلات للعشه وسويت معكرونه الي لان مااكل الدولمه معلومه متعرفوها عني اني جدا شاطر بالطبخ حتى الاكله الي مااحبها اعرف اطبخها صارت الساعه بال 7:00 اذن الاذان رحت توضيت حتى اصلي
لندن ساعه 9:00 مسائا 16
دخل لبيته واستقبلته الخادمه
( طبعا الكلام الي حيكون بالفصحى باعتباره كلام بالانكليزي )
الخادمه : مرحبا سيدي هل تود ان احضر لك العشاء
كالعاده يتجاهل التحيه ويرد على كد السؤال
....... بصوت بارد : لا فقط احضري لي بعض القهوه الى المرسم
الخادمه : حسنا سيدي
صعد لغرفته وفتح دولابه الي طاغيه عليه الالوان الغامقه (الاسود والنيلي وغيرهم ) اخذ بجامه سوده وتيشرت اسود ساده ودخل للحمام ياخذ شاور ساخن يرخي اعصابه
بين مااكمل استحمام طلع من الحمام بس بالمنشفه الي تلتف على خصره وشاف
كملنه العشه اني وماما اجه محمد فبدينه نحضر السفره دك فون امي راحت تجاوب واني كملت صب الاكل ونقله واجه اموري ويايه خلصنه واجه بابا ومحمد وروان كعدنه على السفره ننتضر ماما شو طولت وره خمس دقايق اجت فكلها بابا
غيث ( بابا ) شكو ناديه شو طولتي ويامن جنتي تحجين
ناديه : جنت احجي ويه امي خابرتني تعزمنا مسويه غده لان جهاد وعائلته حيجون من اربيل
روان : ليش ماما همه مو جانو عايشين ببريطانيا
ناديه : اي صحيح بس رجعو قبل خمس تشهر وبقو باربيل وهسه حيجون يمنه
روان : زين ماما خالو عنده اطفال
ناديه : اي ماما مو مسولفتلكم عليهم عنده 5 ولد وبنيه وحده
روان : اكيد حصير بنته صديقتي
امير : بدينه برحمه الله
روان : انت انجب
غيث : كافي مصختوها احترمو النعمه مااريد اسمع ولا صوت خلي ناكل بهدوء وبعدين عود تناقشو بهالموضوع
امير وروان : صار بابا
براء : طبعا همه يسولفون ويتناقشون واني بس استمع لكلامهم بس تفاجأت معبالي خالو جهاد حيترك العيشه ببريطانيا ويرجع للعراق بس فرحت برجعته لان حسب الاذكره واني صغيره جان كولش حباب والناس كولها تحبه بس ولا مره اجه ويه اطفاله واني صغيره اذكر جان يجي بس هو ومرته خاله مريم يشوفون بيبي عبالي معنده اطفال طلع عنده سته الله يحفظهم
كملنه عشه وشلنه المواعين وماما كلت لروان تغسلهن لان كولشي مسويت ويانه واني رحت اسوي جاي لان اهلي عدهم الجاي شي اساسي لازم وره كل وجبه جاي صبيت الجاي بستكانات واخذته للصاله مكان تجمع العائله انطيتهم واخذت كوبي وكعدت واسمعهم ديسولفون على بيت خالو جهاد
محمد : اكول ماما شوكت يجون بيت خالو
ناديه : بعد يومين يجون فحضرو نفسكم بنات من باجر نعزل ونظف البيت لان حروح لبيت جدكم نبقه يومين
روان : يبووو لازم كل طلعه تكربينه
ناديه : يا امي مو اريد اعزم بيت خالج وره عزيمه بيبيتج فاريد انظف البيت من هسه حتى بعدين ارجع انظفه تنظيف بسيط ومينشلع كلبي
براء : (بكلبي احجي )والله يا ماما الي يسمعج يكول احنه وصخين
روان : عيونها كامت تلمع يعني حيتعزميهم يمنه
ناديه : اي لعد شلون
غيث : شو ست ناديه انتي كاعده تخططين وتردين تروحين وتباتين وعتزمين بكيفج ولا كانو عندج رجال
امير : اي والله بابا نسوان مينعطن وجهه طلكها بابا
احنه متنه ضحك عززه امير حتى امي ماسلمت من لسانه 😂😂
غيث : انجب لك هاي الروح والريه شلون تريد اطلكها
محمد : بابا تره احنه كاعدين عيب تتغزلون كدامه اذا تريد روحو لغرفتكم وتغازلو هناك وغمزله
غيث : الواضح جلدك يحكك هالايام
محمد :هههه لا يابه شبيك اشاقه وياك بكيفك شتريد تسوي سوي
ناديه : هسه عوفو الشقه جديات غيث اني اريد اعزم بيت جهاد عدنه
غيث : اي شكو بيها اهلا وسهلا بيهم بس مو وره عزيمه امج مباشرتا خليها وره فتره لبين ميتاقلمون
ناديه : خوش
حضرت الخادمه القهوه وراحت للمرسم ملكته فتوقعت انو تلكى بالغرفه دكت الباب اكثر من مره مااجاهه جواب فدخلت للغرفه حتى تخلي القهوه وتطلع سمعت صوت باب الحمام وانصدمت بالمنظر الي كدامها والي خلاها حتى متكدر ترمش
جسم رياضي يزينه بعض الوشوم الي تصممت لجسمه المثالي ميغطي غير المنشفه بعضلات سداسيه تلمع رفعت نظرها لوجهه خصلات شعره السوداء الي تقطر مي على وجهه وجسمه وعيونه العسليه الي تلمع بالضلمه محاطه برموش كثيفه والي كانت تجزم انو مستحيل تكون طبيعه من جمالها وكثافتها مع فك مثالي مزين بلحيه خفيفه اقسمت الخادمه ساعتها انو اللوحه الي كدامها هي اجمل لوحه بالوجود ضلت فتره تتامل هاللوحه لحد ما افاقها هذا الصوت بنبره حاده
...... : هي انتي اين تنظرين انا اتحدث معك هل تسمعيني
الخادمه : اوووه اسفه سيدي لقد شردت قليلا
باوعلها صفح وبصوت حاد
...... الم اقل لكي ان تذهبي بالقهوه الى المرسم ما الذي اتى بكي الى هنا
الخادمه : اسفه سيدي لقد ذهبت للمرسم ولم اراك هناك فجائت بالقهوه الى هنا
...... حسنا في المره القادمه عندما اامرك بشيئ افعليه والا سوف تعاقبين مفهموم والان اخذي القهوه واخرجي واغلقي الباب
الخادمه : حاضر سيدي عن اذنك
........ طلعت من الحمام وشفت الخدامه بالغرفه هاي شعدها هنا مو كتلها ودي الكهوه للمرسم احاجيها مترد مدري عليمن صافنه اكلت رزاله معدله مثلها مثل غيرها وطلعت اوف يعني لازم اكعد اعلم هالاغبياء شلون يشتغلون هالفتره كلش داتعب شغل الشركه متراكم لو الحك اخلصه لو لا وغير هيج عيادتي مجاي اهتم بيها وعندي هواي مواعيد ويه المرضى ومجاهلها يارب سهلها عليه هاي مسؤليه وحياة ناس ميصير اتكاسل وياها
بعد ما عاتب نفسه على تقصيره بحق عمله وكيانه الي نسى لفتره بسبب شركه ابو واخوانه الي رجعو للعراق وتركو شغلهم على كتافه كام وراح لملجأئه اكثر مكان يرتاح بي واكثر مكان يعبر بي عن حزنه وتعبه المرسم تعلم من كان عمره 8 سنوات دائما يعبر عن غضبه واستيائه بالرسم لمن كانت تصير مشكله وياا ويعصب ميظهر عصبيته كدام الناس وانما مباشره يتوجه للرسم والمشكله انو كتله الغضب الي بداخله تصنع لوحه رائعه الي يشوفها يعتقد انو ارسمت عند احسن الرسامين
وقبل ليبدي يرسم خله الجكاره بين شفايفه والي هي وحده من الاشياء المدمن عليها وميكدر يتركها مهما حاول اخذ نفس منها وبده يرسم
نروح لاربيل لبيت جهاد
مريم : هااا بنات كملتو تحضير الملابس تره مبقالنه هواي وقت بعد يومين طيارتنه
شمس : اي خاله كملت لم ملابسي وملابس ايفان بقن بس ملابس لؤي
مريم : خوش وانتي جميله
جميله : كملت خاله كل ملابسي بقه بس يجي حسن واشوف شنو يريد ياخذ وياا بعد
مريم : عفيه عاشت ايدجن واني هم حضرت ملابسي وملابس عمجن بقه عندي ملابس قصي وسجاد من يجون اكوللهم يحضروها وهسه يله تعالن نشوف النواقص الي عدنه
جميله وشمس : اي يله
جميله : اكول خاله .......... شوكت يجي
مريم : ااخ شل كلبي شل هال........ خابرته يكلي بعد شهر شهرين ياله اجي
نجمه : صباخ الخير ماما شنو هاي الهوسه
شمس : قصدج صباح الليل الساعه ب 10 يا صباح هذا
نجمه : ههههه موتي قهر اني شبعانه نوم وانتي اخويه وابنه ميخلوج تنامين لان يكربوج الحمدلله بعدني ممزوجه
جميله : ولج اصبري جايج السره لتشمتين بيها
نجمه : الله يبعدنه المهم ماما سمعتكم تحجون شنو ....... يجي بعد شهرين شدعوه هالكد
مريم : سوده عليه غير اخوانج وابوج عافو الشغل عليه وهو هم ما كال لا وبعدين لتنسين اخوج دكتور عنده كومه مواعيد وعمليات ميكدر يتركهن اذا ميكملهن وفوك هذا كون يقسم نفسه بين شغل ابوج واخوتج وشغله
شمس : اوف بلكت يرجع ويزوج ويستقر
اجاهم صوت قصي
قصي : هههه هذا منو الي يزوج ويستقر ......... انتي كل عقلج تحجين
مريم : ولك ليش تحجي على اخوك هيج
قصي : يمه انتي شايفه وجهه حتى ميبتسم عوفي الابتسامه ابنج صباح الخير ميكول منو تتحمل العيشه ويه واحد معقد مثله
نجمه : معقد ولا زير نساء كل يوم ويه وحده
قصي : والله مو مشكلتي اذا البنات يحبني وميكدرن على فراكي واني تدرين بيه حنين مااحب اكسر كلبهن
مريم : دعوف هالحجي يالحنين وروح حضر ملابسك بعد يومين طيارتنه
قصي : ليش مو انتي الي ترتبيهن
مريم : ليش انت طفل حتى اني اخدمك كل من يخدم نفسه بنفسه
قصي : شنو هالحجي اني جاي تعبان هسه اكل لابويه داشوف يقبلها
اثناء مديسولفون دخلو عليهم جهاد واولاده وكالو السلام عليكم
الكل : وعليكم السلام الله يساعدكم
راحو الولد باسو راس امهم
جهاد : خير شبيكم تتناكرون
قصي : بابا تقبلها اجي تعبان من الشغل تستلمني امي تريدني اشتغل
مريم :ولك شمشغلتك اني هو كتلك حضر ملابسك حالك حال البقيه
جهاد : لحضه لحضه انت مو طلعت من الساعه ب3 مدري وين وليت وين الشغل بالموضوع
قصي : حك شعره باحراج من نظرات امه هااا اني اروح احضر ملابسي تصبحون على خير
مريم : ههه حبيب امه فدوه لكلبه
لؤي وحسن وسجاد : هاا لعد واحنه
مريم : انتو كلكم روحي ونظر عيني الفرحه الي طلعت بيها بهالدنيا
الشباب : الله يحفظج النه حبيبتي يمه
جهاد باوعلهم وكال : يله يله كل واحد لغرفته وانتي يله تعالي خلي انام وحسابج بعدين على هذا حجيج
مريم : ليش شكلت
جهاد : ما كايله شي بس تتغزلين وتبوسين واني واكف اباوعلك
مريم : تره ذوله ولدي
جهاد : امشي امشي ام ولدي
