رواية أحببت من لايبالي الفصل الثالث بقلم مجهول
اشرقت شمس الصباح على ابطالنا لتعلن عن بدايه يومهم
الساعه 6:00صباحا _لندن _
كعد ........ مستقبل الصبح بتشائم ووجه معفوس الي يشوفه يكول جان بمعركه دخل للحمام (تكرمون ) اخذ حمام سريع وطلع يلبس ملابسه الي كانت عباره عن قاط اسود وقميص ابيض ورباط اسود وحذاء اسود وساعه رصاصي رش عطره الماركه ونزل تريك وتوجه لعمله والي هو المستشفى باعتباره اشهر الجراحين بأوروبا كدر يثبت نفسه بفتره قصيره بمجال الطب تعب على نفسه هواي حتى وصل لهلمستوى
وصل للمستشفى ، دخل للريسبشن
استقبله الموظف : صباح الخير دكتور .........
.......: ببرود صباح النور
توجه لمكتب المدير حتى يبلغه برجوعه دك الباب ودخل
جورج (المدير ) : اهلا........ كيف حالك يارجل اين اختفيت
هذه الفتره
.......: اهلا جورج تعلم احاول ان اوفق بين عمل الشركه والمستشفى وقد انهيت بعض اعمال الشركه والان
يجب ان ابدء بعملي ف لم يعد لدي وقت
جورج : متى سوف تسافر
...... بعد شهر ونصف تقريبا
والان سوف اذهب الى عملي وهااا ارسل لي السكرتيره اريد جدول العمليات يجب ان ابدء من اليوم لدي الكثير من الاعمال
جورج : حسنا لك هذا واعلم شيئ انا اثق بك ومتاكد سوف تنجح بجميع اعمالك سواء بمجال الطب او مجال الاعمال
........ ببرود اعلم هذا
جورج : ههههه يالك من متكبر
طلعت من مكتب جورج وتوجهت لمكتبي وره عشر دقايق اجتني السكرتيره والي مبيه من شكلها عاهره (عفوا) مو موظفه
مايلي : بدلع مصطنع مرحبا ..........هل طلبتني
........: بتحذير دكتور ....... ليست احد اصدقاء لتناديني بأسمي
مايلي : بارتباك حسنا دكتور هل طلبتني
......... : نعم اريد جدول العمليات ومواعيدها وايضا اريد قهوه
مايلي : بابتسامه لعوبه اقتربت منه حسنا دكتور هل تريد مني شيئ اخر
........ :وعينه بموبايله نعم اخرجي
مايلي : باحراج حسنا
بعد ما طلعت مايلي بده .......... يكول جملته المعتاده
......... : البنات كلهن نفس الطينه و حده اتعس من الثانيه مصيرلهن جاره دائما ماخذات دور ال كح........ (عفوا )
بعد ما راجع جدول العمليات غير ملابسه لزي العمليات الاخضر وتوجه لغرفه العمليات حتى يبدي بعمليه جراحيه صعبه طلب من المخدر انو ينطي جرعه بنج للمريض وبده يسال المريض شنو اسمك شكد عمرك وين عايش لحد ما فقد المريض وعيه وبده يسوي العمليه والي كانت بالقلب بكل هدوء وتركيز حتى يحافظ على حياة الشخص الراقد بهالغرفه
وبعد مرور 3 ساعات من العمل المتواصل ختم العمليه بنجاح نزع الكمامه الي على وجهه وكال الحمدلله تمت العمليه طلع حتى يطمن اهل المريض وكلهم
...... الحمدلله لقد نجحت العمليه والان سوف ننقل المريض للغرفه الخاصه به وبعد فتره يمكنكم رؤيته وراح بعد ما شكرو عائله المريض
___
الساعه 11.00صباحا
براء : اليوم سبت فكعدت متاخره لان معندي شي حتى دروسي مكملتها بدلت ملابسي الي كانت تراكسود ستن قصير لان الجو حار ولبست دشداشه فانيله سوده مرسوم عليها بزونه ورديه مشطت شعري ورشيت عطر ونزلت
براء : صباح الخير
الكل : صباح النور
رحت للمطبخ حتى اسوي ريوك لنفسي لان همه متريكين قبلي خليت الطاوه على النار وطلعت البيض ف اجتي روان
روان : بعد وكت ليش هسه كعدتي لو باقيه نايمه شنو حضرتج تعاندين مو امي كالت اريد انظف ولازم اساعدني غير تساعدينه شنو احنه خداديم عندج حضرتج شبعانه نوم واني كاعده من الصبح اساعد ماما
براء : بكل هدوء احد جابرج تكعدين من وكت لو احد ضربج على ايدج وكلج كومي نظفي اكيد لا فسدي حلكج ووخري عني
روان : محد جابرني بس كعدت انظف على مود ماما خطيه تشتغل وحدها وانتي نايمه كلبي منطاني اعوفها
براء : باوعتلها صفح وكتلها الله يهديج واخذت الطاوه وصبيت جاي وطلعت
ناديه : براء اذا كملتي ريوك تعالي ساعديني حيجونه بيت عمج ابو حسين بالليل واريد نسوي اني وياج حلويات وكم شغله للعشه
براء : يبووو شعدهم جايين طبعا من يجونه بيت عمي لازم تصير مشكله من وره بنات عمي حلا و هاله و صفا ، اذا كانت اكو مصيبه بحياتي فلازم تكون بسبب هالثلاثي
ناديه : براء احاجيج وين صفنتي
براء : هاا ماما اي اي صار
نروح نعرفكم على عائله غيث
غيث عنده 2 خوان و 3 خوات
ابو احمد الجبير عمره 58 مدير مدرسه عنده 2 بنات شهد واسيل و 3 ولد احمد ومعتز وليث
ابو حسين عمره 55 محامي عنده 3بنات حلا وهاله وصفا وولد واحد حسين مزوج بس مكروه وعينه زايغه
اما خواته
الجبيره ندى عمرها 43 مدرسه رياضيات حبابه كولش مالها علاقه باحد اهم شي عدها عائلتها عدها ولد واحد اسمه علي عمره 23 صديق محمد الروح بالروح يداوم وياا بكليه الصيدله
سعاد عمرها 40ربه بيت وحده مسمومه وتسوي مشاكل وحاطه نفسها بكولشي ولا جنها اخت ندى عدها بنت رؤى وولد رائد
قمر عمرها36 معلمه بالروضه عدها 2 ولد تؤام فهد واسد صغار بكد امير قمر تحب اخوها غيث كولش لان هو الي رباها ودار باله عليها من ماتت امها وتكره براء لسبب حتعرفو بعدين
_
_______
عائله جهاد
حضرو الغده وراحت نجمه تصيح اخوانها وابوها على الغده
نجمه : يله تعالو صار الغده
سجاد : تعاي تعاي شنو مسوين غده
نجمه : تمن ومركه بانيه ودجاج مشوي وزلاطه ومقبلات ولبن وخض ....
سجاد : اووو شكد تحجين كافي سكتي لو ما سائلج احسن
نجمه : اووي عيني شدعواك
كعدو على ميز الطعام يتغدون
سجاد : يله وين صار ابويه يعني اله هسه يخابر والله راح انطيكم دقيقه اذا مااجه ابدي اكل ماعليه بيكم
قصي : ابو بطن شبيك انتظر شويه
سجاد : رجاءا انت اسكت مااقبل واحد يناقشني لان جوعان
لؤي : ههههه سجاد خو انت دومك جوعان
حسن : والاضرب شكد ياكل بس مايسمن مااعرف الاكل الياكله وين يروح
مريم : اللهم صل على محمد وال محمد شبيكم تحجون هيج شجاكم حتمرضون الولد
نجمه : لتخافين ماما قزرقط مايصير بي
سجاد : جر نجمه من شعرها وكلها شكلتي ست نجمه
شمس : هههه حيل تستاهلين
نجمه : ااااخ حبيبي سجودي كلت قزرقط بكلبي اني بس هد شعري
سجاد : هااا عبالي وهد شعرها
الكل ضحك على مناكر سجاد ونجمه الي مايخلص اجه جهاد وبدو يتغدون ويسولفون ويضحكون و جهاد ابتسم على لمه عائلته ودعه ربه بسره(بداخله ) يحفظهم لبعض ويدوم لمتهم اما مريم فكانت تباوع على ضحك جهالها ونقاشهم وعيونها مليانه دموع على ابنها البعيد عنها وعن هاللمه
جميله : تدرون هالكعده ناقصها ..........
لؤي : اي والله خويه صدك مكانه خالي
مريم : بدموع بعد كلبي تلكى هناك وحده ميت من الضوجه
قصي : هههه لتخافين يمه ..... تلكي مرتاح لان يحب الهدوء والعزله ويكره التجمعات
هاي لو هو هنا جان بس لحضه احم احم عدل كعدته وعكد حواجبه وكال
شنو هاي الفوضى شبيكم ماتستحون صوتكم عالي وانتي شمس شيلي ابنج مرد الاكل لعب نفسي وانتي جميله سويلي كهوه وجيبيه لغرفتي
جميله : يا جذاب شوكت ........ محاجينه هيج اصلا يتعامل ويانه بكل احترام وميطلب منه نسويله شي لو يكل لنجمه لو لخاله مريم هااا شمس
شمس : اي والله صحيح
جهاد : بابا نجمه خابري ...... وانت قصي عيد الحجي الي كلته هسه
قصي : اعتقد سمعت موبايلي يدك اروح اجاوب وارجعلكم
لؤي : ههههه هاا جبان
قصي : ههههه الهروب ثلثين المراجل
_____
براء : حضرنه الغده وراحو اهلي يتغدون واني متغديت لان تريكت متاخره فرحت لغرفتي توضيت وصليت وبعدها اخذت كتاب اسمه مغامرات الس في بلاد العجائب عجبني عنوانه فاشتريته كلت اقره صفحه او صفحتين واعوفه بس شو من بديت اقرا عجبني حبيت فكرته وصفحه وره صفحه محسيت بالوقت رفعت راسي جان اشوف الساعه ياااا هاي شبسرعه صارت الساعه 3 ونص عززه يعني صارلي 3ساعات اقره بهالكتاب ومحسيت سديته وكلت اكمل بالليل سمعت ماما تصيحلي فكتلها اي ماما جايه نزلت ورحت للمطبخ
ناديه : يله براء تعالي شنو نسوي للعشه
براء : امممم شنو رأيج نسوي كنافه وحلاوه حليب
ناديه : خوش زين والعشه
براء : خلي بابا يجيب كباب من بره واني حسوي مقبلات وبيتزا هااا
ناديه : خوش عاشت ايدج
اميرر وينك روح صيح لروان
روان : هاا ماما صحتيلي
ناديه : اي يله تعالي ساعدينا
روان : تدرين بيه مااعرف اطبخ
ناديه : مكتلج طبخي تعالي ثرمي الخيار والطماطه واللهانه وسلكي المعكرونه دنسوي مقبلات واني واختج راح نسوي الحلويات والبيتزا
روان : اااف كل هذا
ناديه : اذا تردين بعد شغل ماعندي مانع
روان : كالت مستهزئه لالا هذا كافي خلي الباقي بروئتج تسوي الج
براء : هزيت راسي ضاحكه مااعرف شبيها هالبنيه
بديت اسوي البيتزا وماما دتسوي الحلويات
حضرت العجينه الي سويتها كولش جبيره لان متكفي صينيه وحده لازم اسوي هواي كملتها ولفيتها وحطيتها على جهه حتى تتخمر ويضاعف حجمها
ورحت جبت طماطه وفلفل اخضر وبصل انطيتهم لروان تثرمهم وطلعت اللحم المثروم حتى اسلكه ويه البصل وطلعت زيتون مقطع وذره جاهزه مسلوكه ورحت جبت صلصه البيتزا وجبنه الموزريلا ورجعت اساعد ماما بالحلويات لبين متتخمر العجينه واخلي عليها المواد تقريبا وره ساعه كملنه كولشي بقت بس البيتزا طلعت العجينه الي تخمرت ووزعتها بصواني ووزعت عليها الصلصه والجبن وانوب خليط الطماطه والفلفل واللحم طبعا بعد مكلبتهم على النار وضفت عليهن وصفتي السريه وخليت عليهن الزيتون المقطع والذره وبعدها رشيت جبنه الموزريلا مره ثانيه وهسه خلصت واخيرا دخلت وجبه للفرن والوجبه الثانيه اخليها بعد متستوي الوجبه الاولى كلت الماما حصعد اسبح وابدل عينج على الفرن
صعدت الغرفتي ورحت كبل للحمام صارت ريحتي كلها ريحه طبخ طبيت سبحت بماي دافي خلاني انعس بدال مااصحصح طلعت لبست ثوب بيتي مال محجبات لونه بنفسجي غامق ومشطت شعري ولفيته وطلعت شال بيجي خليته من يجون عود البسه
نزلت اشوف البيتزا ستوت لو بعدهي شفت محمد وامير واكفين يم ماما يتوسلون تنطيهم قطعه من الكنافه بس متقبل تنطيهم شافوني اجيت
امير : شنو هاي بروئه طالعه تخبلين
محمد : اي والله طالعه تضوين
براء : بابتسامه شكرا
انوب نزلت روان شفتها عززه هاي شلابسه
____
____
طلعت الظهر من المستشفى ورجعت للبيت حتى اتغده وارتاح ساعه واطلع افتح العياده دخلت للببت شفت الخادمه تباوعلي بنظرات غريبه هاي شبيها من البارحه وضعها ما عاجبني كالت
الخادمه : مرحبا سيدي
...... اهلا
الخادمه : هل تريد ان افعل لك شيئ
...... نعم حضري لي الغداء
الخادمه : حسنا سيدي
..... صعدت لغرفتي واني جاي اصعد نزعت الرباط والستره اول ما فتت للغرفه ذبيت ملابس ودخلت للحمام سبحت بسرعه وطلعت بدلت ملابسي لبجامه سوده وفانيله رصاصي ونزلت كلت للخدامه تجيب الغده جابت الغده بديت اكل نسدت نفسي الاكل ما عجبني اني متعود من جنت صغير مااكل غير اكل امي احس بس هي اكلها طيب اكلت شويه وكمت غسلت ورحت لغرفتي
اول ما دخلت وقتت موبايلي على الخمسه العصر حتى اطلع للعياده اول ما حطيت راسي على المخده غفيت
_____
نزلت روان شفتها عززه هاي شلابسه بنطرون كوباي وبدي اسود ضيك وفاله شعرها هاي شبيها صدوك تحجي متدري عمو عنده ولد وشلون ولد هو انكس من عينه ماكو وانوب محمد شافها شيخلصها بعد
محمد : لجج هاي شلابسه ميفيد الحجي وياج انتي روحي نزعي الزفت الي لابسته لا اكتلج كتله واهينج كدامهم
روان : شبيك محمد شبيها ملابسي
محمد : روان بيت عمي على جيه وعدهم ولد فاحترمي نفسج وصعدي لبسي جبه لو شو صخام مستور لا تنكتلين قسما بالله
روان : ضربت رجلها بالكاع وكالت رايحه رايحه صعدت وهي دردم
محمد : لدردمين حيوانه
دك الجرس اجوي بيت عمهم طلع محمد يفتح الباب واستقبل بيت عمه وسلم عليهم وعلى البنات الي ضلن يباوعله بدون خجل كلهم تفضلو تفضلو دخلهم للاستقبال وصاح امه وابو
دخلو غيث وناديه يسلمون عليهم
براء : اجو بيت عمو صعدت البس حجابي ونزلت حتى اسلم عليهم دخلت لكيت روان كاعده بنص هاله وحلا وصفا الي ماعرفتهم من كميه المكياج الي خالاته كلت السلام عليكم
الكل : وعليكم السلام
براء : رحت سلمت على عمو وحسين الي اكلني اكل بالسلام ولا كان مرته كاعده
حسين : شلونج بروئه شخابرج مشتاقيلج ليش متجينه
براء : (بكلبي) عمه بعينكم اذا اجيكم فكتله بصوت ناصي والله عندي دوام ومااكدر اطلع انوب رحت اسلم على مرت عمو الي سلمت عليه هي والبنات من وره خشمهم
صفا : براء هاي شنو صايره شسمنج
هاله : اي والله ليش متسوين رجيم
براء : بهدود عاجبني جسمي مااريد اضعف
روان : ولجن يا تضعف اذا هي تلف من الصبح لليل شلون تردنها تضعف
حلا : لا ميصير حبيبتي براء ضعفي منو يقبل بيج وهيج جسمج
بنين (مرت حسين) : اي صح براء الرجال ميحب المره الهيج جسمها حاولي تضعفين
امير : هسه الي يسمعجن يكول اجسامجن حلوه اشو كل وحده بيجن جنها عصايه مال مطيرجي مو مثل بروئه جسمها حلو يخبل وحتى اذا سمينه تبقه حلوه
محمد : وعلى فكره السمينه تكدر تغير جسمها من تضعف الا الجكمه شما تخلي وشما تلبس تبقه زركه
براء : مقهوره مو لان عيبن عليه بنات عمي بس لان اختي وكفت بصفهن ولا كانو احنه خوات والمفروض متتقبل احد يحجي عليه
كالت حلا : شبيك حمودي تره جنه دنشاقه ويه براء
محمد تجاهلها وماجاوب فكالت ناديه تحاول تسد هذا الموضوع حتى مصير مشكله
ناديه : يله براء روان نكوم للمطبخ نحضر السفره
البنات : خاله نجي نساعدكم
ناديه : مااريد اتعبكم
البنات : لا تدللين
كامن البنات وامهن الي من ضمنهم براء وروان للمطبخ بدن يطلعن المقبلات والكباب ويوزعوها على المواعين وطلعو بقت بس براء تقطع البيتزا حتى يشيلوها اثناء مدتقطع البيتزا اجتها هاله
هاله : شوكت تبطلين تتمسكنين
براء : عفوا
هاله : بطلي تاخذين دور البريئه والمؤدبه علينه
براء : تجاهلتها وكالت تفضلي اخذي المواعين كملت
هاله : ضلي تجاهلي بس والله اني اعلمج اذا مااندمج مااسمه هاله
براء : (بكلبها )شالج الله انشالله
_______
......نايم واحس اكو شي يمشي على وجهي وجسمي فتحت عيوني الغرفه ضلمه لان البردات ميدخلن ضوه فتحت التيبلمب وجان اشوف الخدامه كاعده على الجربايه ولابسه قميص نوم مشلتح وتمشي ايدها على جسمي اني شفتها ودفعتها حيل بحيث وكعتها بالكاع كمت وكتلها
........ بصياح ما الذيييي تفعلينه هناااا هل جننتي
الخادمه : بارتباك انا اعلم انك تريدني مثلما اريدك
....... : ضربها راشدي وكال اخرررجي من هنااا ايتها الحيوووانه والا سوف اقتلك قسمااا باعز مااملك
الخدامه : بتوسل ولكن انا احبك جدا ارجوك اجعلني ابقى هنااا وسوف افعل لك ما تريد فقد اتركني بجانبك
....... اخرجي من هنااا انتي مطروده لا اريد رؤيه وجهك مره اخرى
الخدامه : جلست تتوسله ببكاء اني اسفه اوعدك باني لم اكرر هذه الفعله مره اخرى فقط لا تطردني انا املك عائله ارجوك
.......: ببرود ممزوج بغضب حسنا سوف ادفع لكي مرتب هذا الشهر ليس من اجلك بل من اجل عائلتك وبعدها اذهبي وابحثي عن عمل خارج هذا المنزل لا اريد رؤيه وجهك مره اخرى
الخادمه : ح ح ح حسنا سيدي وخرجت
راح تمدد على الجربايه وكال
....... من اكول كل النسوان كح..... محد يصدكني خلي اكوم اروح للعياده احسن من الكعده بالبيت
بعد مرور شهر وعشره ايام
