رواية من الذي احبه الفصل الثاني 2 بقلم لولو وائل

نظرت له روح بصدمة كانت غير مصدقه مما رأته = ادهم انت عايش

ادهم بصدمه = روح

صمت ونظرات من العتاب والحزن وطال الصمت إلى أن كسره أحد من المتواجدين 

تقدم أسر منهم = طب اى هنفضل فى وضع تماثيل اسكندرية كدا فى اى يا جدعان 

نظرة له روح وتوجهت إلى الغرفه الأخرى لتبديل ثيابها دون النطق بكلمه مما أثار فضول مراد لمعرفة السبب 

وكان سوف يذهب ادهم خلف روح ولكن أوقفه مراد

= رايح فين دى اوضة البنات يلا علشان ورانا شغل 

= طب اتكلم مع روح شويه مش هطول 

= مفيش وقت ورانا شغل يلا واخر اليوم ابقى اتكلم براحتك

وذهب مراد وبرفقته ادهم والمتدربه الثانيه سلمى وظل أسر ينتظر قدوم روح 

فتحت روح خزانتها لتضع اغراضها وهى شارده الذهن لا تصدق أن الذى رأته هو ادهم حبيبها اثناء الدراسه والذى علمت بوفاته يوم خطبتهما كيف مازال على قيد الحياه وبدأت الدموع بالهبوط واحده تلو الأخرى = يعنى بعد ما وعدت نفسى أنى مش هفتح قلبى لواحد بعدك تطلع عايش طب افرح انك عايش ولا ازعل انك كدبت علياا مش هقدر اشوف وشك قدامى تانى كل لما بشوفك بزعل على نفسى اكتر انى كنت مغفله وقولت عمرى ما هحب حد غيرك دلوقتى انا مش طايقه اشوفك قدامى 

حاولت الهدوء ووجدت فتاه تربت على كتفيها ووقفت امامها ونظرت لها بحزن = مالك ليه بتعيطى فى حد هنا عملك حاجه

صمتت روح لا تعرف ماذا تقول هى تود أن تتحدث مع احد لتفرغ ما بداخلها ولكن كيف سوف تتحدث وهى لا تعرفها وفضلت الصمت 

نظرت لها الفتاه ولا تتلاقى اى رد من روح = بصى يا قمر انا عارفه انك خايفه تتكلمى بسبب انك متعرفنيش وده حقك طبعا أنا أسمى دعاء انا متدربه هنا زيك بالظبط متعينه من اسبوع مفيش بنت غيرى لما عرفت ان فى بنت تانيه جات جيت على طول علشان اسلم عليكى بس لما شوفت حالتك كنت متردده فى البداية بس قولت لو فى حاجه ومحتاجه مساعده اروح اساعدها 

شعري روح بالراحه لهذه الفتاه = انا أسمى روح اتشرفت بيكى شكرا جدا على سؤالك بمر بشوية مشاكل وراحت لحالها انا تمام 

= ماشى يا حبيبتى إن شاء الله ربنا ميجيب مشاكل لو خلصتى تعالى نخرج علشان دكتور أسر خلقه ضيق جدا وممكن يهب فينا 

= ماشى يلا 

كان يقف شارد الذهن كان مراد يتحدث ويحدد أعمال كل منهم ولكن ادهم كان يفكر فى روح وماذا سوف يفعل وكيف سوف يوضح لها ما حدث معه فى الماضى أنهى الطيب مراد حديثه وكان ينادى على ادهم ولكن لم يتلقى الرد 

فقال بغضب= لو هنبدأها كدا يبقى شوف مستشفى تانيه احنا هنا جايين علشان نشتغل مش نسرح طول اليوم فوق معايا أو اتفضل مع السلامه 

= انا بعتذر جدا انا مركز اهو 

= يلا علشان فى حالة جديد جت اتفضل معايا 

وذهب مراد مع ادهم وسلمى إلى قسم الطوارئ 

خرجت روح مع دعاء وذهبوا الى أسر وبدأ بشرح ما سوف يفعلوه وانهى حديثه = حد عنده اى اسئله هاا اخر نداء لطيارة الدوحة 

دعاء= طب هو دلوقتى انا وروح هنشتغل فى نفس القسم ولا انا فى قسم وهى فى قسم 

=لا هتبقو مع بعض فى كلو لحد ما تتعلمو كل حاجه وتبقو تمام وبعدين كل واحده تتخصص فى إلى هى عايزاه 

روح=طب ودلوقتى شغلنا هيبقى فين 

= حاليا الاغلب بيبقى طوارئ لانكو شايفين الدكاتره هنا مش كتير 

=تمام 

وبدأو بالاستعداد وذهبوا الى العمل كانت روح تصوب تركيزها بالكامل الى العمل حتى لا تفكر بشئ وانتهت بعد يوم كامل مليئ بالتعب وذهبت روح بعد أن اذن لها الطبيب بالذهاب لتغير ملابسها هى ودعاء والذهاب ولن يكون هناك جلوس لوقت متأخر لقلت عدد الحالات 

ذهبت روح إلى الغرفه هروبا من رؤيته وابدلت ثيابها وأخذت اغراضها وكانت سوف تذهب ولكن أوقفتهاا دعاء= بصى انا مش عايزه ادخل فى حياتك بس الشاب إلى كان شغال مع دكتور مراد منزلش عينه من عليكى غير لما خلصنا ومشينا علشان نغير انتى تعرفيه ولا 

الصمت حليف هذه اللحظه ولكن قررت عدم الاستمرار فى الصمت وذهبت مسرعه لمواجهتة وذهبت ورأها دعاء 

= ممكن نتكلم 

نظر لها ورأى أن كل نظراتها تكن له الكره والعتاب والغضب والحزن وليس الحب كما بداخله هو = ممكن طبعا  تحبى نتكلم فين 

روح بغضب شديد = هنا 

= نعم ده ازاى ده

= اخلص انا مش جايه احب فيك انا عايزه اعرف انت كنت فين كل السنين دى وكدبت ليه 

= تعالى طيب نتكلم فى حته تانيه 

بدأ فى علو صوت روح نسبياً مع غضبها الشديد = مش هنروح فى حتى هنتكلم هنا ورد على قد السؤال 

كان يحدث كل هذا امام مراد ودعاء وسلمى واسر وكانت روح عيناها حمراء من البكاء والغضب عندما رأى مراد حالتها شعر بالغضب الشديد بداخله ونار تود ان تحرق ادهم ولا يعرف السبب 

وكان ادهم سوف يمسك يد روح ولكن يد مراد كانت اسرع منه ومنعته = انت بتعمل اى اياك تلمسها 

نظر له ادهم بغضب = وانت مين علشان تمنعنى دى خطيبتى 

روح بصوت عالى سمعه كلا من بالمستشفى= انا مش خطيبة حد انت كدااااب انا خطيبى أو إلى كان هيبقى خطيبى مات من ٣ سنين والميت مش بيرجع صح يا ادهم 

نظر لها ادهم بحزن اهى اصبحت تكرهه أو هى الان تعتبره ليس على قيد الحياه = مش عايزه تروحى مكان تانى ماشى بس اسمعينى قبل ما تحكمى عليا

حاولت روح الهدوء والتماسك=قول إلى عندك 

= انا شخص مريض عندى اضطراب الهوية الانفصامى او اضطرات تعدد الشخصيات انا عايش بشخصيتين ميعرفوش حاجه عن بعض وكل شويه ابقى بشخصية  ولما تحصلى صدمة قوية  شخصيه جديده بتظهر انا عرفت كل ده بعد آخر حادثه عملتها يوم خطوبتنا انا كنت جاى بس عملت حادثه اليوم ده وبقيت شخصية تانيه شخصية دياب والدكتور قالهم لازم اروح لدكتور نفسى علشان اتعالج و امى خافت تقولى عليا مجنون أو اى حد ايا كان مين وكمان علشان مكانتها الاجتماعية قررت أنها تموتنى قدام الناس كلها حتى انتى وقعدت فترة ال٣ سنين اتعالج وبيحاولو يرجعو ادهم تانى و فى يوم كنت سهران وخارج مش شايف قدامى ودايخ عملت حادثه وروحت المستشفى ورجعت بشخصية ادهم تانى قررت انى اسافر خرجت تانى يوم من المستشفى و  قولت هبعد عن كل الناس حتى أهلى لأنى فى نظر كل إلى اعرفهم ميت وكل ده بسبب امى علشان مظهرها الاجتماعى وقررت اسافر اسكندرية علشان اشتغل هنا كل إلى حصل غصب عنى حقيقى يا روح سامحينى انا لسه بحبك ومحبتش حد غيرك 

حاولت استيعاب ما قاله ادهم لها للتو= طالما غصب عنك لما جيت هنا مقولتليش ليه خبيت ليه وفضلت مكمل رد 

=كنت هقولك والله 

=كداب مكنتش هتقول لانك خايف زى مامتك بالظبط أنى اقول عليك مجنون مع انك عارف انى مش كده وانى كنت هقف جمبك واساعدك بس انت كدبت عليا وكسرتنى 

=ادينى فرصة وانا هصلح كل ده متسبنيش يا روح

بدموع وآلم=كل حاجه انتهت انت جيت متأخر اوى اوى

وذهبت روح خارج المستشفى وهى تبكى وتفكر هل هى كانت قاسيه معه = يمكن كان غصب عنك بس انت حتى لما جيت اسكندريه مفكرتش فيا حتى مامتك شافت نفسها وبس ازاى كنت هقدر اكمل معاك 

ووجدت من ينديها ونظرت خلفها بعين حمراء كدماء ومنتفخه ووجدت مراد خلفها

=دكتور مراد بتعمل اى هنا 

=اولا احنا خلصنا شغل بلاش دكتور دى فرق السن مش كبير ثانيا متفهميش غلط بس قلقت لتعملى فى نفسك حاجه انتى مكنتيش شايفه نفسك خارجه ازاى من هناك جيت اطمن لو مفهاش حاجه يعنى 

=شكرا جدا ليك انا هبقى كويسه 

=بصى انا مش هقولك انك غلط لا انتى عملتى إلى حستيه بس هو برضو اتظلم من والدته يعنى كنتى ممكن تشوفى ده

=عارفه بس هو مفكرش فيا و ولا فكر يقولى هو خاف على نفسه خاف أنى اعيره بمرضه زى ما مامته عملت فيه وانا مش كده كنت هقف معاه للآخر حتى لو مخفش مكنتش هسيبه بس مكنش يشوفنى بالمنظور ده ولو هو كان ندمان فعلا كان جه ورايا مش حضرتك إلى جيت

شعر مراد بأنها على يقين فيما قالته هو لم يأتى خلفها هو تركها تذهب وظل صمتا هناك = إن شاء الله كل حاجه هتبقى كويسه تحبى اوصلك 

=لا لا انا بيتى قريب اوى من هنا شكرا جدا ليك تقدر ترجع علشان متتأخرش 

=ماشى يا روح خلى بالك من نفسك 

حركة رأسها بإيجاب وذهبت وظل هو ثابتا ينظر إليها إلى أن اختفت من أمامه وذهب مره اخرى الى المستشفى وهو يفكر فى روح

ظل ادهم فى مكانه للحظه وبعدها هم برحيل خارج المستشفى دون كلمه تحت نظرات تعجب من أسر وسلمى ودعاء لانه ظل مكانه دون الذهاب خلف روح وإصلاح موقفه معاها والان ذهب دون قول كلمة 

نظر أسر ووجد مراد أتى مره اخرى = اى الدنيا هى كويسه 

= كويسه هو ادهم راح فين 

ردت دعاء= لسه ماشى حالا أنسان غريب جدا بجد 

كان يسير ادهم وهو شارد الذهن يعلم أنه ترك روح دون الذهاب وإصلاح كل شئ لكن ما منعه مره اخرى خوفه من مواجهة روح وفضل الهروب مثل السابق 

وفكر إذا علمت روح بالذى يخفيه عنها ستكره حتما 

وصلت روح إلى منزلها وعندما رأتها والدتها قلقت بشده وذهبت إليها مسرعه = مالك يا روح اى إلى عمل فيكى كده 

ذهبت وارتمت بأحضان والدتها وظلت تبكى وخرجت اختها على صوتها 

= مالك يا روح انتى كويس 

وقلقت الام بشده عليها = مالك يا روح قوليلى يابنتى متخوفنيش اكتر من كده 

قالت ببكاء شديد =ادهم طلع عايش 

صدمه حلت بالمكان وصمت ونظرت الام إلى روح لكى تتحدث لتفهم =ادهم عايش ازاى قولى كل حاجه 

حكت كل شئ قاله ادهم تحت غضب والدت روح وحزن اختها عليها 

ردت الام وهى غاضبه بشده=خليه هربان زى الجبان كده خلاص هو بالنسبلنا قصه واتقفلت شوفى حياتك يابنتى وانسيه هو ميستحقش دمعه تانيه منك

=ماما عندها حق يا روح هو فعلا طلع جبان اوى انسيه واقفلى القصه دى وخلاص وهو يشوف حاله وانتى فى حالك

بتعب اثر البكاء = حاضر انا داخله اوضتى علشان تعبانه 

ذهبت روح إلى غرفتها واغتسلت وذهبت إلى سريرها وظلت جالسه حتى غفت فى اليوم التالى استيقظت وهى تنوى ان تبدأ قصه جديده فى حياتها

تجهزت وذهبت الى الاسفل وعلمت أمها بذهبها وذهبت على الفور 

وحزنت والدتها على حالتها وذهبت لتناديها ولكن ذهبت دون الرد 

= خلاص يا ماما سبيها وهى هتبقى كويسه إن شاء الله 

= هى مكلتش حاجه من امبارح يابنتى ومشيت دلوقتى من غير فطار كده هتتعب

= ربنا يستر 

وصلت المستشفى وذهبت إلى غرفة الأطباء والقت التحيه عليهم بٱبتسامه تعجب الجميع منها وذهبت إلى الداخل  

ذهبت مراد إليها وجلس بمقرب منها = انتى كويسه 

نظرت له بإبتسامه =كويسه الحمدلله 

وذهب دعاء إليهم خوفا على روح = روح انتى كويسه انا كنت قلقانه عليكى اوى امبارح 

= انا كويسه متقلقيش خلاص موضوع وخلص بالنسبالى 

وذهب أسر إليها واطمئن عليها وطلب من فريق الاستعداد لتواجد حالات جديده اخرى وأخذ مراد سلمى وذهب إلى الطوارئ حتى لا يكون المكان فارغا إلى أن يأتى أسر وفريقه خلفه

لم يذهب إلى منزله فى ليلة أمس وذهب إلى مكان آخر للسهر وكان بغير وعيه إلى الصباح وذهب إلى مستشفى وهو مندفع مسرعا ولم يتحدث مع أحد وذهب إلى روح وأمسك ايديها ولكن كان هناك يد اسرع لتمنعه 

 اسر بغضب= انت اتجننت اى إلى انت بتعمله ده 

امسكه ادهم من ياقته = ملكش دعوه انا بعمل اى دى خطيبتى وهاخدها غصب عن اى حد 

وذهب ليأخدها ولكن لكمة أسر حتى سقط أرضا 

= شكلك شارب ومش عارف انت بتعمل اى احمد ربنا أن مراد مش هنا كان طردك 

= مش فارق معايا مراد ولا غيره انا عايز روح 

نظرت له روح  بحزن على حاله الذى توصل إليه = انت لازم تتعالج يا ادهم الشرب عمره ما كان حل انت بتغلط غلط كبير اوى وحسابه كبير عند ربنا 

= انتى بتتريقى عليا صح بس بردو مش هسيبك لحد غيرى 

واندفع مره اخرى ولكن أوقفه ما قاله أسر 

= روح هتبقى خطيبتى ملكش دعوه بيها تانى 

نظرت له روح و دعاء بصدمه مما قاله