رواية لست غجرية الفصل الثلاثون بقلم روز الحيدر
اجت عمتي لزمت امي وبعدت المرة الثانية عني
مهجة : حيل بعد أيدي..
هاي موتت روحها عبالها تمشي علية كلاواتها عفتها
ورجعت للثانية شافتني وركضت تريد تشرد واركض وراها
سحلتها من شعرها
وردة : تعاي ولج بـ*** اليوم *****انعل ابوج لابو
الخلفج
ايد لافها على خصري وايد سد حلگي رفعني عن الگاع
ارد اشوف منو اللي عنده الجرأة يلزمني هيج رفعت
راسي وأشوف أمير
5 تع
تركتها ورجعت فلتت أيده عن حلكي بس أيده الثانية محاوطتني صحت
وردة : عوفني ...عوفني
سناء : كافي ماما عيب
ضربت وجهي
وردة : ولكم تگلي عيب!
من تگلي عيب احسها تذب علية بانزين گلبي يفرفح
فلتت أيده عن خصري وكفت أاشر بأيدي وأصيح
وردة : أني وحدة ڪ***عورة لااخاف ولاأستحي
اخلي رجلي بيهن هل بـ***
حاولت أبتعد عنه بس إيده ثابتة حوالين ظهري
وردة : خليني... أبرد گلبي
شدني أقرب له مو بعنف... بس منعني
نسر : إذا تروحين بهالحالة راح تخسرين كلشي
جسمي بعده يرجف رفعت عيني بعينه مهضومة
وردة : شخسر بعد؟ عشرين سنة راحت من عمري بمستنقع جبروني أعيش بي
رجع ضمني بحضني
نسر : كافي خلصت
وردة : مو كافي
نسر : جوري
بتعدت عنه وضربت صدري بقوه
وردة : گلبي يوجعني
وردة : مو عيب الصار بس عيب لما تاخذني وتخليني
بأيد وحده مثل سلطانه
هزت راسها
سناء : حقج والله حقج
وردة : لو مالله وجدة واللساني ساويني بين الرجلين
ويومة_
قاطعني، حضن وجهي باوعلي بقهر
نسر : كافي
هزت راسي مهضومة
وردة : صعب انسى ...والله صعب
سناء : جوري
لتفت عليها عيونها متروسة دموع
سناء : كل اللي عشتي ذنبي أني
هزيت راسي تركت نسر حضنتها
وردة : موذنبج
سناء : ماتعلمت أطرد اللي يدك بابي حتى لو عدوي
مسحت دموعي وبتعد اهز راسي
وردة : اني أطردة واخلي رجلي بي وبأهله الكـ
نسر : جوري
قاطعته عمتي
مهجة : عوفها هو اللسان ماعليه كمرك
وردة : ماحجيت شي غلط ترا حتى الڪ**ماتسوي
مثلهن بعدين اللي تاخذ طفلة من حضن امها وتذبها
بأيد سلطانه شنو هاي؟
مهجة : حقج عمه شتكولين محد يلومج
سمعت صوت بابا ملهوف صاح
محمد : بنتي خومابيها شي؟
رجع باس راسي بلهفة وخوف
محمد : فدوة يرحولج... يروح أبوج
بتسمت وحضنته عمري ماتوقعت يحبني حُب بخوف
ولهفة عمضت عيوني وبنص كل هل هوسه اللي اني
بيها گلبي قبل اللساني رددها
وردة : شكراً ياربي لان شفتني أستحق هل حُب والاهتمام
نسر : طلعوا؟
بتعدت عن بابا
محمد : أي
وردة : ليش اجو؟
مسد على شعري وسحب نفس وهو يباوع بوجهي
محمد : يتوسلون اعفي عنهم
باوعلها ورجع ابتسم وهو يشوف وجهي
محمد : تخافين عليها وهي بنت محمد؟!
سناء : بلگي سوو دعوة مقابل دعوة!
محمد : ياريت يسوها
نسر : مو بصالحهم أولاً هم اللي اجو برجلهم ثانياً اذا
كالوا خطف راح يبتلشون بمصيبة اكبر من اللي همَ بيها
هز راسه
محمد : خلي يسلمون على نفسهم
أخيراً تنفست براحة
وردة : بس والله يستاهلن
ضحك وغض شفته
محمد : كلش وعاشت ايدج
مهجة : زين سويتي انتِ ام الحق محد يكدر يحجي
وياج
وردة : لا اريد ارتاح
محمد : خومابيج شي؟
بتسمت
وردة : لا بس أريد ارتاح
سناء : ماما
رادت تحجي لزمت ايدها
وردة : والله مابية شي
سناء : وسُكرج؟
وردة : تمام هسه اجيك نفسي بس اريد ارتاح
سناء : تمام
راحوا سديت الباب رجعت اخذت مبايلي خواني سوو
مجموعة اني وياهم فقط من دون أمي وأبوي دخلت ودزيتلهم صوتيات
وردة : والله هنَ قهرني ولأكثر أمي دخلتهن للبيت
ميسر : گتلج ليش؟ يابابا يرحون فدوة لتراب رجلج
وردة :هههههه... لا لوصخ رجلي
ميسر : نضيفات منيلهن وصخ!
ضكنا
ميسر : يله ...يله جيت جهزي نفسج
وردة : وين؟
ميسر : نفتر ونتغدا وماعوفج له يتعدل مزاجج
وردة : شلبس؟
ميسر : اللي يعجبج
وردة : على دراجة بابا ميقبل
اول ماشافتني ابدل كالت بقلق
سناء : وين؟
وردة : أرد أهج
فتحت عيونها
سناء : ليش يروحي شنو سويت؟!
وردة : ياااء شبيج؟
سناء : اذيتج بشي؟
لبست الحجاب ورشيت عطر
وردة : جؤ
لتفت عليها بتسمت
وردة : شبيج اشاقة وياج بعدين جدة ماعلمتني
عالشردة
اخذت جنطتي وصورتها صارت گبالي بتسمت
وردة : جانت تكول جدة التشرد من أهلها ماتثبت بيت
وتشرد من رجلها
رجعت باوعت لأمي ملامحها رتاحت
وردة : أني من الغجر ماشردت ترديني اشرد من بيت
ابوي؟! والله لو أموت مااسويها
1 تع
بتسمت
سناء : الف رحمة ونور على قبرها
تنهدت
وردة : أمين
لزمت أيدها
وردة : كلت لميسر ضايجة وكال جهزي نفسج
سناء : زين يسوي
قربت باستني وبتعدت لزمت طرف الحجاب
سناء : الحجاب يخبل عليج احسن خطوة سويتيها
هزيت نفسي بدلع
وردة : صدووووك
غمزتلها
وردة : ها سوسو
بقيت اشاقيها ضحكت وضربتني بخفه طلعنا نضحك
دخلنا للاستقبال شفت مرت عمي
ام علي، أمير واكف يمها صفكت واردد بصوت مسموع
وردة : خالة يأم علي، يأم علي خالة أبنج سرسري يأم قصص ماي هوبس علي خالة
أمير فتح عيونه ويعضعض بشفته طكيت اصبع وكملت
بدون مااهتم
وردة : خالة البنات هواي كثر الجفافي بيهن تخون ابساع
بيهن توافي
ضحكنا وبوست عمتي أم علي وسلمت عليها كعدنا
ام علي : عمتج سولفت شلون سحلتيهن
مهجة : كامن يصيحن الغوث
وردة : ايع نوب عضيتها بيها ملوحة القذرة
اشو حجيتها وخربن ضحك
ام علي : يااا ياااا ولج عمه ليش عضيتيها؟!
وردة :والله ماشوف كدامي حتاريت شلون اضربها
وابرد گلبي
ضحكوا
مهجة : والله لو تشوفيها ولاتكولين هاي بنت سناء
الفقيرة
ضحك
ام علي : منو عمتها؟
مهجة : يااا والله ولا يمي بس عفية عليها تاخذ حقها بأبدها
ضحك وهز راسه رفع عينه علية
نسر : بعدكم متعرفون جوري
بتسمت لان هو الوحيد يعرف ورد جوري
وردة : والله لو مو أمير جان هسه بعدني أركض وراهن
باوعتله
وردة: بس هو خوش عرف يمتى بين عضلاته بباي
هز راسه وضحك بخفة
نسر : الله ستر مااجت التحفية براسها جان احنه بالمستشفى
وردة : تستاهل
رجع باوعلي هز راسه بأستغراب
نسر : وين تردين؟
رفعت كتافي بخفة
وردة : ميسر كال جهزي نفسج نطلع
طلعت مبايلي من الجنطة
وردة : بس مادام عماتي اجن اخابره لايجي
مهجة : اي عفية جان زعلت
ضحكت ودزيتله
وردة : ميمي حبيبي لاتجي عماتي هنا
ماشافها بس اخواني البقيه من شافوا الصوتيات تصلوا
طمنتهم ورجعت كعدت
سناء : شنو تردين ريوك؟
وردة : ماشتهي والله
نسر : خليها للغدا اللي يحبه گلبج
بتسمت
وردة : سمج!
نهض واشر برأسه
نسر : جوري تعاي وياي شوية اريدج
نهضت طلعنا بالباب
وردة : بابا وين؟
نسر : يم أبوي
وردة : هاا ...اي كول؟
باوعلي بتسم
نسر : احمم...افرح من اشوفج بالحجاب
وردة : دلل بعد حتى كدامك ابقى لابسته
نسر : لا نجبي مولهدرجه!
ضحكت
باوعلي وتنهد
نسر : اي ست جوري شنو نبقى هيج؟
رفعت كتافي
وردة : شنسوي؟
نسر : نتماطل بس موهنا
رجعت ركضت ورا نوب الدنيا حارة تفور احس روحي
راحت وكفت اخذ نفس والهث، شافني
نسر : يربي ساحت وماعت وردتي تذبل بالشمس!
هزيت راسي
وردة : تعال له هلس ريشاتك
ضحك
نسر : ولج فهمتيني غلط والله قصدي اني العب شناو
واتكعدين على ظهري
وردة : له اخلي ابوك ******
نسر :هههههه... طاح حظج لاتسمعج وأمي
هزيت روحي
وردة : اوي كمت ارجف لاتخليني اروح اكللها والله
وردة : شو يله!
رفع ايده
نسر : بس عقوبتج تغسلين بدلتي؟
وردة : اي اغسلها بـ**
ضحك
نسر : نعل بليسج منين تجيبيهن هاي السوالف؟!
وردة : يله لو تلعب لو اكسرها على ضهرك
دكيت الماسحة بالكاع صحت
وردة : يله
نسر : هاي تاليتي!
هز راسه ونبطح سوه تمرين الضغط
نسر : شكد اسوي؟
وردة : شكد تكدر؟
سواها بأيد وحدة
نسر : لو مالبس البدلة جان سويتلج حركات
وردة : كافي ...يله وبعد لاتعيدها
نهض بسرعة نكث ايده
نسر : اروح اسبح واغير ملابسي واجيب البدلة تغسليها
وردة : مو خدامة بيت الخلفوك
نسر : لا على راسي بس مريتي يحقلي اطلب؟
وردة : يمتى صرت مرتك شو ماعندي علم؟
تقرب رفع كتافة
نسر : من زمان
رفعت حاجبي
وردة : بحلمك؟!
عض شفته
نسر : اويلييي
نسر : بس صدگ أحب سوالفج وشغبج أحب أرجع من الدوام أشوف البيت بي ضحكتج... أحس كل التعب
يروح
ضربت الماسحة بالكاع وخربت الجو
وردة : يله خلص فلسفة روح اسبح وتعال
ضحك وهو يرجع لورا
نسر : أمري لله.
وردة : وهاااا ترى لا تحلم أغسل بدلتك.
لف وابتسم
نسر : هسه لا... بس يوم من الأيام أكيد
رفعت الماسحة وركض
نسر : لاااا اشاقه ...اشاقه
ضحك وأحبه أكثر وروحي تذوب بي من ياخذني
بعقلي رجعت للبيت نزعت عبالتي والحجاب كعدت
بنص عماتي نوب اقل كلمة احجيها يخربن ضحك
بقى صافنه لوماشوف دموعهن توكع من الضحك
ماصدكت
صوت سوالفم والضحك ترس البيت بعدها سويت چاي ودخلت للاستقبال قدمتلهم وكعدت بصف بابا
بقوا يسولفون
بعدها بابا سأل عمو
محمد : عينك شلون صارت؟
احمد : بعدها والله تغوش الدكتور كال له عملية وخايف
اسويها
علي : عمليتها بسيطة بس ابوي يخاف
لتفت وميلت راسي لعمو
وردة : ليش شبيها؟
احمد : والله ياعمو ماعرف بس يسموا اضفر
وردة : عادي اشوفها؟
احمد : تعاي
وردة : يا صدك جذب انطيك عيوني
نهضت
وردة : دقايق واجيك
طلعت للمطبخ فتحت الثلاجة واخذت رمان ياهي افتحها
تطلع حلوة كله كصكصته وعفته بس وحده صغيرة طلعت
حامضة اخذها ورجعت
وردة : تسمحلي؟
بأستغراب
أحمد : أكلها؟
بتسمت
وردة : جدة دائماً تكول طب بمية وطب بعجمية وهسه
هذا علاجك
أحمد : غير افهم؟
قربلي
أحمد : سويلي عمو... سويلي هي خربانه خربانة
وردة : لا بعدها ترجع تتشكرني
قربت منه وعصرت حبت الرمان بعينه
وردة : صح تحرك شوية بس تحمل
نسر : اذا راحت عين أبوي جهزي روحج فصل
ياسر : وسفه واني اخوها!
أحمد : اني ماخذها ماخذها حتى لو انطي عيوني
الاثنين
بتسمت نزلت راسي
محمد : اخذها بس خلي گلبي يشبع منها
باوعلي واتحسر
محمد :شلون أشبع منها بعد عشرين سنة؟!
أحمد : مو بعيده عليك
وردة : ها عمو هسه فتح واريد منك يومية لو مرتين
باليوم تحسبها قطرات واذا ماطابت تعال عاتبني انطيك
عيوني
فتح عينه ببطء
أحمد : بسم لله
اخذت كلنكس مسحتها
أحمد :هاي هي اعتمدها
وردة : شرط رمان احمر وحامض
رفعت أيدي
وردة : غير هيج اني مامسؤولة
وردة : صدك جذب بعيويني
أحمد : شعلمج عمو؟
وردة : جدة الله يرحمها ويغفر لها علمتني هي تعرف
بهيج سوالف
أحمد : الله يرحمها ... زين عمو عندي التهاب بأذني
تعرفين
ضحكت
وردة : هاي هم سهله
أحمد : كومي سوي عمو شنو منتضرة؟!
كلهم ضحكوا
علي : ههههه شموخ بعد ماتخلصين
وردة : يدلل... بس عمو هذا اكو زيت لازم استخرجة بالحرارة يكون نوع من انواع الخضرة
أحمد : بس كولي وخلي الولد يجيبوا
علي : شموخ اجيتي على جرح أبوي يحب سوالف العرب
أحمد : ولك بابا سوالف قبل صح واني ماحب الادوية
محمد : اي قبل ماكو مثل هسه طب وادوية دمر البشر
طيب من شي وتأذي شي
أحمد : اي بالله قبل حتى الأمراض قليلة
بقينا نسولف واحجيله شنو اعرف طاحت عيني على
أمير كاعد وساند راسه على أيده
يتأملني ومبتسم مامصدك اني كدامه اسولف واضحك
وي أهلنا واني هم مامصدكه مو بس هو ...
بعدها رجعت يم البنات وعمتي كل ماتشوفني تسحلني
مهجة : تعاي ام سوالف الحلوة
ضحكت
وردة : ها تيكفين؟!
ضحكت وكعدنا نسولف وغزل فاتحة حلكها علية من اول
يوم شافتني لليوم تصفن بية صرنا اني وياها صديقات
ماخلت سالفة ماسولفتها عن أمير وعن فرد بالعائلة
بعدما راحوا اجه اتصال من الشيخ لبابا يكولون شنو يطلب احنا حاضرين ويردون يجون عليه وبابا رفض
ونفتحت القضية من جديد وصعدت للقاضي حجيتله
شون عشت وصار وياي حتى سلطانة ستدعوها بس
ماشفتها... بس وصلني مشوفيها صورت طليقت بابا
وكالتهم اي هي هاي سلمتنياها وهي طفلة هنا ثبت
عليهم كلشي لان بعد مابابا رفض الفصل ورفض الناس
والمشية كالو لا بنت محمد ماتت من بالولادة نوب من
ظهرنا الصور والتحليل كالوا لا امها ذبتها وماتت رجع
القاضي طلب تحليل اثبات نسب ثاني
وسوينا والحمدلله نفس التطابق اهنا ربحنا الدعوة
وابوي قفل عليهم وصارت اكثر من دعوة عليهم لعب
بيهم لعب بعدها رجعوا التجأوا ماخلو شيوخ وسادة وناس كبار ومقربين حتى يأثرون على بابا
اخر شي كالوا فصل والسنة نردها بمية مليون الشيوخ
عبالهم بابا يقبل بس هم رفض بعد صراعات جابوا سادة
معروفين كلش ماياخذوهم بمشية له وتنحل تقديراً ألهم
والجدهم رسول الله
هنا بابا ماكدر يحجي شي مايكدر يرفض وكع الفصل
كله احتراماً النسبهم وتنازل عن القضية فقط ياخذون
الحق العام
وبعد أشهر من التعب والتوتر البيت صار هدوء وبهاي
الاشهر حرة ولدت وفاطمة ولدت
اما أني؟
اول خطوة من حلمي تحققت وداومت وي الحجبات
اموت عليهن اداوم بالسبوع مرات ثلاث ايام مرات
اربعة..وأمي تسويلنا فطائر اخذ وياي ونكعد نسولف
وهن يحبني
وردة : تعاي خالة تفضلي
:: لا يخالة خاف ضغط يصعد
وردة : أشوفلج فحل ينزله
البقية خربن ضحك بالكوة كعدت تتراعش وتضحك
:: يو يحبوبة شيلكه بية الفحل
وحدة منهم
:: تمنيتج بنيتي
وردة : هم بنيتي يبعد روحي ...ماعندج بنية؟
::عندي اربعة مابيهن خير كل حدة يم رجلها مايسألن
ولايكولن خاف امي صار بيها شي
سكتت هزت راسها
::خليهن سعيدات وبعيدات
:: عندي وليدي زوجته والله هده بنت الناس الغرب
علية طلعت خوش ادمية هي تطبخ ودزلي وله جيتي
لهنا اخلص وكت لا اكثر
:: الله كريم
ردت الثانية
:: لا اني عندي ثلث ولد وكلهم ولد نسوانهم الله وكيلج
عيد الله الجبير مايخابون والله فنيت عمري وشبابي
عليهم
التفت على ثالثة
وردة : وانتِ؟
:: الحمدلله بيهم مروه بس عايشين اني والحجي
والحمدلله كملت السنة و نجحت واخواني ماعافوني
همَ يدرسوني وخطي تحسن هواي الفضل لياسر كومة
جابلي كراسات تقوية خط اكتب واشمر وجهزلي كتب
سادس بتدائي
بهاي الفترة بابا خير اخواني منو يريد يعزل؟
ياسر ويسار رفضوا حتى نسوانهم ماقبلت
وكعت براس أيسر وميسر كل واحد بيهم بنا بيت ورا
بيتنا بالبستان بس بابهم واحد ويانا واول ماكمل بيت أيسر خطبنا له ... اما ميسر بيته بعده هيكل وميقبل يتزوج حالياً
عزمنا أهل العروس اجوا هم يشوفون البيت والعروس تشوف بيتها اول مرة وطلبت هي تنظفه هو نظيف بس
يحتاج لمسات اخيره قبل مايوصل الاثاث
أمي والبنات جهزوا كل شي وقاموا بالضيافة بعدها
الخطيبة راحت هي واختها و أيسر تغسل البيت حتى
للغدا مااجوا
لكيناهم غاسلين البيت ومابقى له القليل سلمنا كعدنا
نتغدا وياهم واحس ميسر بلكوة يبلع الكمة
وردة : بنات ترا طبخ امي اللي تاكلة يصيبها سحر
بعد ماتكدر تعوفة
زهراء : والله عاشت ايدها
اختها اسمها فاطمة ردت
فاطمة : كُلش طيب والله عاشت ايدها
وردة : الف عافية
أيسر : ماتشوفين فاطمة وحرة لزكن يمها!
وردة : اي والله وين لاكياتها يكعدن يلكن الغدا جاهز
فاطمة : ليش ميطبخن؟
وردة : بابا ميقبل له من أيدي امي
زهراء : اي مدللته لعمو
لماي يم فاطمة مدت أيدها نطته اني عيوني تلصلص بينهم
رفع عينه بعينها اخذه وكال
ميسر : شكراً
بتسمت
فاطمة : العفو..
ميسر شرب الماي ونهض عينه بالگاع
ميسر : دايمة
وردة : بوجودكم حبيبي
باوعلي مبتسم
أيسر : وين تعال عاوني
ميسر : تعال بالحديقة
أيسر : يله
نهض ورا واني والبنات لميتنا السفرة وزهراء كلش اجتماعية ومحبوبة اما اختها هادئة...بعدها كملوا ترتيبات بسيطه بالبيت لان باجر يوصل الاثاث
وردة : لا يرعط رعط
غمزتلي
سناء : ها وانتِ هم على امج
ضحكت
وردة : اااع ولكم شني هاي سوسو صاير تغامزين
وتلامزين
ضحكت
سناء : مو اجيج!
محمد : بابا انتِ علمتي امج وله لو تبقى عليها فقير
وردة : لا عمي... لااا خليها تطلع عينها
ضحكنا وكعدت يمها
وردة :سوساتي حبيبتي لأم وبتها مالازم تصير بينهم
هيج ميانة
سناء : لا ماماتي البنية ميصير تضم على امها
وردة : هو غير فضحتين تصيحن وانتِ؟
سناء : على اساس ميعرفون؟ هو غير كلها تعرف من
تزعلون
وردة : اويلي عليج وريدة كلها تعرف بفحلج
ضحكت قربت همست
سناء : شنو متعاركين؟
وردة : ليش؟
سناء : النسر صارله اسبوع ماعتب الباب حتى من يجي
ميدخل للبيت
سكتت
سناء : صاير شي؟
سناء : على هاي؟
هزيت راسي
سناء : وشنو يريد يحجي؟
وردة : يكلي له اشوفج وجهه لوجه
سناء : شنو يريد؟
وردة : تقريباً اعرف اللي يريده
سناء : على فكرة ترا حتى ابوج وخوانج يعرفون
من تزعلون
فتحت عيوني
وردة : شلون؟
سناء : ميجي له للضرورة رغم مو عوايده
نزلت راسي
وردة : مو... مرة اجه وكتله لاتجي بعد
وردة : اخاف يكول تسوي مشاكل مو كل مالمح يغير
الموضوع اريده هو يبادر ويحجي بس كأن مو مهم
سناء : وبلكي صح مو مهم برأي احجي ويا وشنو
مزعلج او مضايقج كولي اعرف نسر ذكي ويفهم
مستحيل يفهمج غلط
وردة : هيج تكولين؟
هزيت راسها
سناء : طبعاً
وردة : يمكن باجر اروحله لان غزل كالت ضروري
تجين حتى نطلب ملابس للعرس
سناء : تمام وعيب تجرحينه بالكلام نسر يحبج
ويحترمج
باست راسي ونهضت لميسر كعدت يمه عينه بالمبايل
وردة : احمم
ميسر : نجبي
وردة : عرفت شكول؟
ميسر : جؤ
درت وجهي
وردة : زعلت
ضحك سحبني حضني باس خدي
ميسر : احجي
وردة : ما...ما زعلت
ميسر : حبابة
ضحكت
وردة : شفت فاطمة خوش بنية
وردة : شنو ترا البنية مبينة واهم شي اهلها ناس معروفين
هز راسه
ميسر : صح هذا اهم شي
ندسته وبتسمت
وردة : نطتك ماي
هز ايده
ميسر : وشنطتني ماي زمزم!
وردة : يكلك تأثير الماي قوي... يعني من تسگي زرع يخضر، وهي سگت گلبك العطشان
فتح عيونه
ميسر : روحي من يمي لا ادفرج دفرة يسار ارجعج ألف سنة ضوئية
ضحكت تقربت ولزمت خصلة من شعره وشديتها بسرعة وشردت
غمز
ميسر : هااا نصالحكم؟
فتحت عيوني
وردة : والله ماتستحون احترموا خصوصية اختكم
ضحك أيسر وصفگ
أيسر : سمعتو؟ من صار عدها خصوصية!
رفعت حاجبي
وردة : سكيني من أيدك مي ورد
عض شفته وضحك
ميسر : لا والله أني بريء.
وردة : بريء شلون ووجهك صار نفس لون الطماطة من نطتك ماي؟
خربوا ضحك.
وردة : وهااا...زعلت وشوف منو تحجي وياكم بعد
لفيت عمهم وطلعت
ايسر : لا نشاقة تعاي
مسير : زعل الحبايب جذاب تعاي اني اخطبة الج
عفتهم يصيحون مارديت ورجعت للغرفة كعدت
ادرس ألهي نفسي ومن اتعب اروح اسوي ازعاجات لاخواني ...بس هل مرة طلعت زعلانة كعدنا تعشينا وماحجي وياهم
ميسر : ها يحلو بعدك زعلان؟
مارديت
أيسر : صدك عود تزعلين من عدنا؟
محمد : باباتي حبيبي منو مزعلج؟
رفعت راسي
وردة : محد يكدر ينزعلني
محمد : طبعاً غير انتِ بنت محمد
بتسمت
وردة : ربي لايحرمني منك يبعد روحي
ايسر : احمم ...يعني راضية؟
وردة : جؤ
سكتوا وصاروا يتهامسون بينهم ماهتميت كملنا
عشا بعدها اجه ياسر صاح من الباب
ياسر : ورد جوري ...اخوج راسه يريد چايچ
وردة : صار حبيبي دلل ... متعشي يروحي؟
فتحت ايدي
وردة : فدوة أروح الطولك يابعد بيتي
حضنته باس راس وأيسر وميسر يتنادسون
أيسر : شنو عود تغورينا؟
وردة : ليش اني من يمتى اغوركم؟ كلكم اعاملك
نفس المعاملة
باوعت لياسر
وردة : صح لولا؟
ياسر : اي والله ... بس ليش شبيهم وياج؟
وردة : مابيهم اروح اسويلك چاي
رحت كملت الچاي وفاطمة وحرة جهزن كيك وحلويات
وكعدنا بس يسار بالدوام بعدها اخذت كلاص چاي ورحت
للغرفة بلشت ادرس للسادس ولما اكمل او اتعب من دراسه
ماما سوتلي دفتر
:: اليوم 6/1 عيد ميلادج
مدري شبية بسرعة نهضمت ضميت وجهي بجفوف
أيدي وبجيت شعور غريب قبل سنة جنت غجرية
ضايعة ماتعرف اصلها منين؟!
بس هسه؟
الله رزقني بأهل ماعندي الجرأة اطلبهم ولا اتمناهم
عدهم محنة وحب يعرفون شلون يقسمون محبتهم
وي لأم ولأب والأخت والزوجة ويعرفون واجباتهم
كأن الله خلهم من خالص محنته وعوضني بيهم عن
كل الليلة عشتها بخوف
كلهم اجوا حضنوني وامي صارت تبجي وياي بلكوة
بابا سكتنا
فتحت ايدي حضنته
أيسر : خو مازعلانة؟
بتعدت مبتسمه
وردة : ابد بس ادلل عليكم
اجه ميسر حضني
ميسر : دللي جعل محد غيرج يدلل علينا
يسار : ماخليتونا كلام نكوله!
ضحكت اجه حضني وباسني
يسار : جعل كل ايامج سعادة
بتسمت
وردة : بوجودكم حبيبي
ياسر : دوري غير المفروض نبدي من الجبير!
ضحكنا كعد يمي باس أيدي وطلع سوار ذهب من
جيبة
ياسر : تدلل لأخت على اخوها
بتسمت وعيوني تلمع دمع الفرح
بابا طلع بطاقة
محمد : وهاي اقل شي اسوي ألج
وردة : حمودات انتَ احلى هدية من الباري
ضحكت وحضنته وامي طلعت هديتها كلادة سبحة
تلف مرتين رغم من اجيت هي كوم شترتلي حتى من
ذهبها نطتني نص... واخواني كذلك جابوا كل واحد اساو...وفاطمة وحرة، اجوا كل وحدة هدية يعرفن
اكو شغلات ردت اشتريها هن جابنها
ميسر : يله كصي الكيكة
جاب الكيكة كصيتها صفكوا واول واحد وكلته بابا
وبعده امي وخواني
وردة : هلا غزول
غزل : وينج تأخرتي!
وردة : يله بس البس حجابي واجيج ركض
ضحكت
غزل : يله بسرعة
وردة : يله كمت والله فتحي الباب
ضحكنا سدينا الخط صدك لبست حجاب وعباية لان
جنت لابسة تراك قصير ستأذنت من أمي وطلعت
صاحت
سناء : مو تتأخرين حتى تجهزين نفسج
وردة : نص ساعة لو ساعة
سناء : تمام
وردة : جيبي مبايلج هنا
همست
غزل : كومي شبيج
وردة : شبيج عيب نعوف عمتي وحدها
ام علي : كومي وياها عمه اكلت راسي ماعجبها
شي كالت اني وشموخ نختار
بتسمت ونهضت غرفتها فوك وغرفت امير وكرار بس
مرت علي غرفتهم تحت وجنت كل مااصعد يم غزل
تصعد وراي متعوفنا ابد ... اني اخجل وانزل بسرعة
وكفت... باوعت لغرفة أمير
غزل : ثواني واجيج... فوتي
هزيت راسي وهي نزلت تركض.
فتحت الباب بهدوء...
تقدم وابتسم ابتسامة صغيرة وكال
نسر : كل عام وانتِ حبيبتي... كل عام وانتِ دنيتي
كل عام وانتِ احلى صدفة بحياتي
ثبتت بمكاني من الصدمة
عبالي نسى! ما دز... ما اتصل... حتى مسج ماكو بس
طلع منتظرني!!
دمعت عيوني... فتح حضنه
نسر : كافي فراك
ثبت عينه بعيني وكال بنبرة مليانه شوگ
نسر : وبَطل صفين... مشتاقلج گلبي تعب
ركضتله ركضة فاكد شاف ولفة، ضربت نفسي بصدره بقوة ضمني بسرعة لف إيده علية، ضم راسه برگبتي
لان الحجاب عائق سحبه من راسي دفن وجهه بشعري وسكت
دفنت وجهي بصدره
وردة : عبالي نسيت
بعدني بحضنه، حسيت ابتسم
نسر : أنساج؟
سكت ثانية
نسر : يمكن أكدر أنسى نفسي... بس انتِ لا
بعدت شوي باوعلي
نسر : تعالي.
لزم أيدي ومشاني للطاولة
عليها كيكة صغيرة... مكتوب عليها
«يا أجمل صدفة بحياتي كل عام وانتِ حبيبتي»
بتسمت
وردة : أميييير!
نسر :شتعلوا أهلك أمير لاتجرينها مو جريتي روحي
بتسمت باوعت للكيكة ورجعتله
وردة : والله عبالي نسيت
قرب خطوة
نسر : لا.
ابتسم.
نسر : شلون انسى تاريخ وردة سنيني وأول عيد ميلاد
إلج بحياتنا
سكتت
ماعرف ليش جتني رغبة أبجي طلع من جيبه علبة
صغيرة
مدها إلي
نسر : وهاي...
استغربت
وردة : شنو؟
هز كتفه
نسر : افتحي
رفعت عيني عليه.
وردة : شلون يشبهني؟
بتسم وهو يتأملني
نسر : ، هادئة، مشاغبة، مزعجة
رفعت حواحبي
وردة : مزعجة؟!
ضحك وهز راسه
نسر : إي.
قرب خطوة.
نسر : بس مو الإزعاج اللي يضوج...
سكت يباوع بعيوني.
نسر : الإزعاج اللي من يشيب گلبي قبل راسي...
ما عرفت شگله.
عضيت شفايفي ولفيت وجهي
طلعته من العلبة
نسر : لو...
سكت رفع حاجبه.
نسر : ألبسج؟
حسيت وجهي صار حار
نزلت راسي عنه
وردة : لا... اني
ضحك
نسر : جبانة.
فتحت عيوني رفعت راسي
وردة : ها؟!
مد إيده بسرعة وأخذ الخلخال مني
نسر : يله.
نزل على ركبة وحدة
وتعمد ما يباوعلي.
ضحكت...مديت رجلي بخجل لزمها بطريقة حسسني
كأنه لازم شي يخاف يوكع من أيده وينكسر ...لبسني الخلخال بهدوء.
ولمن خلص...رفع راسه ظل يباوع ثانية... تنهد.
نسر : إي... هسه صار يشبهج أكثر.
رفعت رجلي باوعتله الخلخال يلمع.
وردة : شكراً.
وكف وتقرب مني لزم أيدي.
نسر : لا تشكريني... بس لا تعيدينها.
وردة : شنو؟
نسر : لا تبعدين بسبب ومن دون سبب
سكت.وغيرت الموضوع نزلت عيني على خلخال
وردة : لو حبوبتي تشوفني لابسه خلخال بساك وحدة تكول ها وريدة ترديلج فحل
سكت رفعت عيني له مبتسم تقرب خطوة
نسر : جاهز منتظر كلمة منج
بتوتر
وردة : شنو؟!
تقرب أكثر
نسر : مو تردين فحل؟!
بلعت ريكي ولفيت وجهي
وردة : لا شسوي بي... بس جدة تكول مايصير البنية
تلبس خلخال بساك وحدة يعني تريد فحل
نظرته بطرف عيني عض شفته مبتسم
نسر : لاتسوين هو يسوي
وردة : يله اروح
ردت ابتعد لزمني
نسر : وين؟ كيكتج
لزم أيدي ونزل عينه بشفافي
نسر : بنفسي أكلها من مكان ثاني
تنهد واكلها من أيدي كال
نسر : بس فراڪج ماينحمل
بتسمت وباوعت للباب وبتعدت عنه
وردة : يله اروح عيب خاف عمتي تجي
سحبني لحضنه
نسر : وين؟ ماترحين
وردة : أميير
نسر : شتعلوا أهلك أمير
ضحكت
وردة : كافي
نسر : أسبوع ...أسبوع ياظالمة مااشوفج
وردة : لا موشفتين؟!
نسر : شفت ولج؟
حتى ماباوعتيلي شفتج مثل الغريب! من بعيد
بتعد باوع بعيني
نسر : ليش هل قسوة هاي؟!
نزلت عيني
نسر : احجي؟
رفعت كتافي
وردة : شكول؟
نسر : بأي ذنب عذبتي گلبي ورحي بفراگج بدون سبب؟
نزلت راسي منعني ولزم وجهي بين جفوفه وباوعلي
نسر : يحقلي أعرف؟!
نزلت عيني
وردة : مو...مرت علي سمعتني كلام
نسر : شكالت؟ باعيلي
رفعت عيني له
وردة : كالت ترا عمتي ماتريدج ولو قبلت بيج ترا
مجبورة
رفع حاجبه
نسر : هي كالت هيج؟!
وردة : اي والله ورح حبوبتي
نسر : وتعاقبيني؟
وردة : مو ربطت كلامها بموضوع قديم ...يعني اول
مارجعت عرفت بي
نسر : ماتصير مشاكل ...احجي شعرفتي؟
وردة : اعرف كلشي صار وانتَ طلعت من البيت لان
عمتي رفضت زواجنا
نسر : هاي قبل!
هزيت راسي
وردة : واعرف جانت تريدلك اختها لمرة علي
سكتت ورفعت عينه بعينه
وردة : وعرفت منو اللي كالك لاتاخذ كاولية بيوم الي
اجيت وياك وقررت ابقى هنا
نسر : ذوله كلهم خليتيلهم اهمية؟ واني وكلامي ورأي
شمرتيهم!؟
هزيت راسي
وردة : لا والله بس مااريد اسوي مشاكل لابينك وبين
اخوك... ولا بين بابا وعمو
وردة : اهتم لما يكونون اهلنا تعرفني كلشي ولا زعل
الأهل
نسر : ليش اني مو أهلج؟ مو اعرفج قبلهم؟ مواحبج
أكثر منهم؟
وردة : صح أعرفك قبل أهلي
نسر : اويلي... شتعلوا أهلك امير
بتسمت
وردة : صوتك لاتسمعك عمه
ضحك
نسر : اسمعي أمي قبل ماتعرف انتِ نفسج جوري
كالت شموخ ألك ماخلي محمد ينطيها الغريب
كتلها لا مااريدها وماتحلى بعيني وردة غير وردتي
قبل ماتنفجر غزل كلتها ترا ورد جوري نفسها شموخ
بتسمت وهزيت راسي
نسر : خو أبوي مستعد ينهي عليج
ضحكت
نسر : اما مرت علي عوفيها لاتهتمين الحجيها كلنا
نعرفها
وردة : تعرف اللي يأذيني شنو اسويله بس الخاطرك
وخاطر علي سكتت مااريد اسوي مشاكل
ضحك وحضن راسي الصدره
وردة : عيب خلي انزل
نسر : يله
اخذ الكيكة ونزلنا تلكتني عمه
ام علي : ها عمه اهلهل؟
ضحكت اجت بوستني
ام علي : كل عام وانتِ بخير والله لسه ممصدكه الله
يديم فرحت اهلج بيج
بتسمت... باوعت لأمير
جان يباوعلي بطريقة تخجلني...مو ضحك مو سوالف بس راحة كأنه استرجع شي ضايع.
نزلت راسي وعضيت شفتي
وردة : مدري...
رفع حاجبه
نسر : شلون مدري؟
ضحكت بخفة
وردة : يعني... هسه تحت المراقبة.
خرب ضحك
نسر : أسبوع كامل معاقبيني وهسه تحت المراقبة؟
رفعت كتافي
وردة : حتى تتعلم ماتغيب
قرب وهمس
نسر :والله ما أتحمل
عضيت شفتي وبتعدت
ضحكت
ام علي : مالومها من تسميك سـ***
نسر : هااا يمّه!
ضحكنا وغزل اخذت الكيكة كطعتنا وكعدنا امير كعد
يمي بتعدت عنه رجع تقرب
وردة : شبيك يمعود
نسر : شبيج شاردة!
وردة : عيب
نسر : شمسوي؟
سكتت اجه علي وعمو
علي : هلاااا عجوز العرب عدنا اليوم
ضحكت من يوم ما سويت لعمو عينه صار يصيرحلي
عحوز عرب لان سوالفي سوالف عرب اجه سلم وباركلي
أحمد : بنيتي الرابعة كل عام وأنتِ بخير
قبلت ايده سحبها باس راسي
أحمد : ربي يحفظج باباتي
بتسمت
وردة : يحفظك ويطول عمرك
علي : اليوم عمي من الصبح منو يدخله يقدم حلويات
كتله شكو كال ميلاد أميرتي
بتسمت
وردة : بعد روحي بابا
ام علي : الله يديم فرحتهم تعذبوا
أحمد : تبدل العذاب والقهر برجعتها سعادة وفرح
ضحكت وكدنا ناكل سولفنا شوية وبعدها أمير رجعني
للبيت بعد صلاة المغرب رجعوا اخواني وابوي وامي
تركض ماكعدت مسويلي حفلة بسيط بعدما جهزت كل
شي
امي رتبت نفسها وبابا وخواني كأنهم عدهم عرس مو
ميلاد... واني لبست فستان مستور وحجاب بين ما اجو
بيت عمي وبناتهم وخلاتي بس اللي حتركت ماوصلت
بعد ...حتى اهل زهراء اجوا
بعدما تعشوا و كملت الحفلة بقوا بس بيت عمي واني
يمهم بالاستقبال كاعدة يم بابا وكل ساع وباس أيدي
احمد : هاا محمد شنو صار الوقت لا؟
محمد : اريدها تكمل دراستها
أحمد : هاي طردة خوية!
محمد : خلي تكمل السادس والله كريم لكل حادث
حديث
عمي ماحجى بس كتفه بهزت راسه
درت عيني لأمير كاعد ويهز برجله بتوتر ويعض بشفته مارفع عينه بوجهي خايف اشوف عصبيته اللي اساساً واضحه من تصرفاته
رجعوا يسولفون بغير مواضيع بس هو بعده ساكت ثواني
نهض مستأذن طلع... نتظرت دقايق ونهضت بدون محد
ينتبه طلعت على صاله وركضت طلعت برا شفته حاير
يمشي يروحي ويرجع وعينه بالگاع
ركضت وكفت كباله
وردة : حبيبي
رفع عينه بعصبيه
نسر : المفروص ماارجعج له وانتِ على ذمتي
هز راسه وسكت
وردة : حبيبي اليوم ميلادي مااريدك تضوج
نسر : رأيج شنو؟
هزيت نفسي بدلع
وردة : صراحه؟
نسر : طبعاً
وردة : اوفق كلام بابا
رفع حاجبه
نسر : هااا؟
وردة : اي والله شيكول بابا اني اكول تم تعرف جدة
ماعلمتني اكسر كلامها فد يوم دائماً تكول مهما يصير
البت لازم طيع جبيرها
هز راسه
وردة : بعدين اريد اخلص من الدراسه وو...
ضحكت رفع حواجبه
نسر : عيب؟ لا صار عندي فضول اعرف هل عيب شنو؟
وردة : استحي
نسر : العرمة من يمتى تستحي؟ غير تجرين زيجات!
ضحكت عضيت شفتي
وردة :لاأمييير كبرت بعد وبيئتي تغيرت
ضحكت واخذ ايدي باسها
نسر : والله خايف من هل تغير تتغيرين عليه!
وردة :اتغير على دنيا بس عليك لا اذا مازعلتني
نسر : والله مازعلج بس انتِ تدللين
فلتت ايدي من ايده
وردة : يعني هسه مشغولة بالدراسة تعرف ...وو...
نزلت عيني ولفيت الخاتم بأصبعي بخجل
وردة : وأريد اتفرغلك...
ثواني ماحجى رفعت عيني عليه.. صافن بية بس رمش عيونه كأنه استوعب الكلام متأخر
نسر : شنو... شگلتي؟
توترت رفعت كتافي بخفه
وردة : ولا شي...
قرب خطوة رفع حواجبه
نسر : لا... عيديها
عضيت شفتي وضحكت بخجل
وردة : يعني... أخلص دراسة وبعدين...
غمض عيونه ثانية وضحك ضحكة كأنه سمع احلى
جواب، أخذ إيدي رفعها وباسها بهدوء بقى لازم أيدي
وعينه علية
نسر : جوري...
همس
نسر : بعد هذا الحچي...
إذا طلبتي مني أصبر عشر سنين أصبر.
بتسمت
نسر : من هسه بديت أعد الأيام ومهما يصير اني
وياج بكل خطوة
بتسمت ورديت بكل حُب
وردة : وبَطل صفين أحبك
جرني الحضنه مامصدك
وردة : ولك ...ولك
وردة : يله
مشينا ومن نمشي واحد يدفع الثاني بجتفه ونضحك
قبل ماادخل صاح
نسر : حبيبي أريد چاي من أيدج الحلوة
بتسمت واشرت على عيوني
نسر : ابوسهن
دز بوسه بالهوى اخذتها وضحكنا هو رجع للاستقبال
بس رجع راضي وفرحان واني وكفت اسوي الچاي
كملته واخذته قدمت ألهم وصل دور له قدمت وهو
ياخذ الأستكان باوعلي وهمس
نسر : ان شاءلله يوم عرسنا بت عمي
عضيت شفتي بخجل وكملت تقديم الچاي ورجعت
يم البنات بعدما راحوا دخلت غيرت ملابسي وفتحت
شعري وطلعت قبل مااوصل المطبخ سمعت صوت
بابا
محمد : اعرف والله بس ليش محد يحس بية بنتي
مااريد ازوجها
تقربت على باب بهدوء بدون محد ينتبه
محمد : ولكم نحرمت منها عشرين سنة سناء انتِ
أكثر وحدة تعرف شلون عشنا بغيابها
سناء : صح وياك واني مثلك وازيد بس لاتنسى لو
ما الله ونسر احنه لسه ندور عليها
ياسر : صح يابا نسر هو الوسيلة اللي وصلنا ألها واني
اشوفه مناسب تربى مثل تربيتنا
محمد : مااشكك بأخلاقة ولا بحبه لها بس افهموني
بنتي ماشبعت منها بعيني بعدها طفلة
ضحكتي ودمعتي صارن سوه واني اسمع
ياسر : صح يابا نسر هو الوسيلة اللي وصلنا ألها واني
اشوفه مناسب تربى مثل تربيتنا
محمد : مااشكك بأخلاقة ولا بحبه لها بس افهموني
بنتي ماشبعت منها بعيني بعدها طفلة
ضحكتي ودمعتي صارن سوه واني اسمع كلامه
سناء : محمد وأني مااريدها تبعد عني بس اريد اشوفها
مأسسه عائلتها اريد اشوف اطفالها
محمد : هي طفلة ويننا وين الاطفال!
ياسر : لاتنسى هم يحبون بعض
محمد : مو ناسي بس شموخ هسه ماتتزوج شرط له
تكمل دراستها على اقل تكمل اعدادية اريد بنتي تتساوة
ويا اقرانها قصص ماي هوبس
ضمني بقوة وتحسر يشم راسي
ياسر : اشبع شميم واذا اجت بتها هم ناخذ منها شميم
ضحكوا بتعدت عنه لمس شعري
محمد : مايهون عليه افرط بوردتي
وردة : وردتك ماتعوفك
محمد : لا باباتي اني هم اريدج تكونين عائلة ويصير
عندج احلى بيت بس بعدما تكملين
وردة : بابا حبيبي.. شتكول اكول تم كلمتك متصير
ثنين
بتسم وباس جبيني دخل ميسر
ميسر : جمعة خير!
مد ايده خرب شعري لتفت رفعت ايدي حجيت بصوت
وردة : شفتوا النسيبة شجابت هدية
سناء : كلش خجلتني بكرمها
ميسر : منو؟
بتسمت ودفعته
وردة : أم زهراء وفاطمة
ميسر : غير ابوهم صايغ ذهب اكيد تجيب ذهب
سناء : لا ماما القصة مو قصة ذهب بس هي انسانة راقية
وردة : حتى بناتها ماشاءالله اناقة وجمال مو اكول خوش يختارون
سناء : بعد زواج أيسر اشوف تعامل زهراء واذا عجبني
اخذ فطومه لميسر
ميسر : ماكو شي...
لتفتلي
ميسر : اني اعلمج
وردة : يااا والله ماحجيت
سناء : كلت شكو؟
ميسر : يمّه مااريد اتزوج حالياً
رفعت حاجبها قصص ماي هوبس
سناء : منو كال تزوج حالياً... اني كلت لو ردت ازوجك
بعد مااشوف اخلاق اختها اذا عجبتني اخذها ألك
ميسر : حتى لو
سناء : بعدين ماحجيت ويا اهلها لان هي حالياً تدرس ومااتوقع يوافقون
سناء : شبيك وياها ماحجت شي بعدين كتلك اذا
عجبتني اختها نشوف بعد الزواج ... بس
بتسمت
سناء : الظاهر مستعجل؟ لان صدوك هنَ جمال واخلاق
وصيت
وردة : اي والله ...بس منو يكول البنية تقبل بي
ميسر : وليش متقبل؟ وين تلكه احسن مني؟ مهندس وضابط واشك شك ضحكنا
وردة : وهي صيدلانية
رتخت ملامحه
ميسر : اه ...والله؟
ياسر : شلونج بالدراسة اكو شي يصعب عليج؟
وردة : لا بالعكس حلو وسهل بس الرياضيات شوية
ميسر لو يسار يدرسوني وبلكوة افهما ضحك
ميسر : اكلها طلعي العدد المجهول تكلي هو ليش مجهول؟
خو يسونها من البداية
ضحك
ياسر : اي شي متعرفي تعاي اني اساعدج حتى حراير
قوية بالرياضيات
وردة : والله مامقصر ابد
ياسر : وباقي المود؟
وردة : زوينة
بقينا سهرانين ونسولف ونضحك بعدها نعست كمت
للغرفة بسرعة نمت
بعدها ماصار غير التهي بدراستي وأيسر وزهراء كملوا اثاث بيتهم وبعد بس القاعة وترتيبات الزفة
واجه يوم الزفة جهزت ملابسي ولكل مجتمع بيتنا
امير طلب يشوفني رحت اول ماطلعت من الباب شفت بوجهي
أمير : تعاي هنا اريدج
وردة : جعل محد غيرك يريدني
اخذني على جهه
وردة : كول؟
نسر : شلبستي؟
نسر : جوري اعرفج تتخرفنين على طرب بس
وحق الحق اذا كالوا ركصت اتصرف غير تصرف وياج
رفعت حاجبي
وردة : دامك تعرفني زين مو جوري التتهدد
عفت ومشيت صاح
نسر : اي ...اي عود سويلج زعلة حتى تسوين اللي براسج مو!
كملت مشي وماهتميت لحكني
نسر : العرمة! تغلسين! خلي يكولون ركصت وشوفي شسوي
لفيت عليه ببطء ورفعت حاجبي
وردة : شتسوي يعني؟
وكف
نسر : بعدين لا تكولين أمير تغيير
نسر : كلت ماكو ركص بعدين تروح وحدة تشوفج وتخطبج
رفعت حاجبي
وردة : هاااا... كوا هيج من البداية
نسر : المهم حذرتج
وردة : دلل سيادة الرائد
ضحك
نسر : لاتتخرفني
رفعت كتافي
وردة : شياطيني من يلزمهم؟!
نسر : اني
ضحكت ومشيت عنه رجعت للبيت..بعدها طلعنا للقاعة
والناس كل عيونهم على عروس طالعة گمر صور كل الفقرات جانت طالبة استعراض رقص البالي بنات صغار
يدخلون لابسين فستان أبيض قصير اني هم شياطيني
شافوا وتخرفنوا
بس دخلت ضلمت القاعة وصارت هدوء لكل نتبه على
صوت الخلاخيل ترن أيسر عرفني نهض هو وعروسته نزلوا عن الستيج ...والاضاءة صارت علية
لكل مستغرب شنو عباية شنو نقاب!
نزعت العباية بحركة سريعة... وبقت واكفة بالنقاب والثوب يلمع تحت الإضاءةقصص ماي هوبس
رفعت رجلي ضربتها برجل الثانية بدت المسيقى وي رنة الخلخال مو ركص صاخب... كد ما هواستعراض
وحركات مدروسة ...بعدها عيوني ماشافت شي حتى اسمي نسيتى..
وأني اتمايل وانساب مثل لعبة مربوطه وتتحكم بحركتي النغمة
وبعدما كملت نتبهت الكل مصدوم نحنيت كنما اخذت تحية للعرسان صفكوا الكل بقوة اني متفقة
ويا البنية بعدمااكمل طفي الاضاءة وصدك اخذ عباتي
واركض للباب طلعت بدلت فستاني الفخم الراقي اللي
يليق بشموخ ومكانها الاجتماعية وكفت بين خوات امير
يسولفون عني
رشا : وشلون العروس خبلة تخلي وحدة تركص كدام رجلها؟!
وردة : يمعودة أهم شي فعاليات العرس
اجت أمي سحبتني وتعرفني على نسوان واني اوزع
ابتسامات ...بعدها دخلوا اخواني يزفون ركصوا ويا شوية واكيد اني بنصهم كابلت ميسر عاد شلون علية حركات خطف العيون بحضوره وجماله
بعدها زفيناهم البيتهم واني احس نفسي تكسرت كبل
سبحت وشمرت نفسي على جرباية نمت...
بلكوة صحيت على صوت أمي
سناء : يله حبيبي ترحين ناخذلهم ريوك؟
وردة : ماكدر جسمي متكسر
لمست جبيني بقلقل
سناء : يأمي حرارتج مرتفعة
وردة : ماربية شي تعبانه روحي انتِ هسه اكوم
سناء : تمام مااتأخر
طلعت لفيت نفسي بالغطا غفيت شوية بعدها نهضت
بسرعة للحمام ستفرغت وجسمي صار يند عرك اجت
امي وبسرعة لبستني واخذني ياسر للمستشفى شكلوا
مغذي وعلاجات وبقيت نايمة سمعت صوته ملهوف
نسر : وينها؟ شلون صارت؟
دخل للغرفة مبين اجه من دوام بملابسه العسكرية
نسر : جوري...
فتحت أيدي اجه حضني
نسر : شبيج حبيبي
وردة : شورت بية لان ماسمعت كلامك
بتعد باس راسي
نسر : ادري بيج عرمة ماتسمعين غير الشياطينج
دخلت أمي ابتعد بس بقى لازم أيدي
سناء : لا عين ماصلت على نبي كلها تعجبت بيها
نسر : طبعاً اذا مقدمة عرض خاص تريد النسوان تخطبها
ضحكت
سناء : اي هم خطبنها
وردة : يله كليلهن موافقة تريد فحل
كرصني
وردة : اووي شبسك؟
بتسمت
وردة : لاتخافين مااضيع
بتسمت وطلعت ...قربلي
نسر : دورين حلوين؟
وردة :طبعاً ...مواصفات هم، شني حلال عليكم وحرام علينا؟!
تقرب وهمس
نسر : وياترى النسر اليمج حسب الطلب؟
باوعتله صفح
وردة : يعني خوش عندك افاد يصلح وسادة
رفع حاجبه
وردة : وحليو مرتب واهم شي نظيف
نسر : بس؟!
وردة : شسوي امشي حالي بيك
ضحكت وبتعدت لزم أيدي يراقب المغذي اجه بابا متخبل
ملهوف وحلكه ناشف
محمد : بابا شبيج ياروح ابوج
وردة : والله مابية شي تعب بسيط
محمد : امشي اخذج لدكتور
وردة : بابا حبيبي غير اني بنص المستشفى!
محمد : اي اي خلي اصيحه
راد ينهض ضحكت وحضنته
وردة : مابية شي وداعتك صرت احسن
بتعد لمس وجهي بخوف
محمد :متأكدة؟
وردة : ماجذب عليك
باس جبيني وحضني
محمد : والله خفت عليج ينور عيوني
هنا بلشت اقرا ثالث متوسط
مااريد اخيب املهم بية رغم فترة صعبة بس جنت اتونس اول مرة اعيش صعب بي فرح خلصت فترت وفرحتي زادت من تأهلت للوزاري ... وهنا بديت اراجع للامتحانات النهائية
اجه عمو أحمد...
دخل للاستقبال بخطوات سريعة. وجهه مو وجه واحد جاي زيارة حتى ماسلم على بابا
محمد : صلِّ على محمد... شبيك خوية؟
ما كعد بقى واكف
أحمد : أريد جواب اليوم.
رفع عينه عليه بهدوء.
محمد : جواب شنو؟
ضحك بمرارة وقهر
أحمد : تدري شنو.
سكت شوي وكمل
أحمد : البنية خلصت سادس... ومن قبلها انت كتلي بس تخلص سادس.
أحمد : لا تستخف بعقلي...
مرة سادس... مرة اعدادية... باچر تكول جامعة بعدها وظيفة... وبعدها تكول خلي تستقر.
اقترب خطوة
احمد : اني مو ضدها واريدها تكمل وبيدي اخذها للدوام اذا ماياخذها زوجها بس...
اشر
أحمد : إذا مو مقتنع وماتريد تنطيها كولها بوجهي.
رفع عينه عليه.
محمد : لا تحچي نيابة عني
أحمد : لا؟ شنو أسوي؟ كل مرة أرجع لابني وأكله اصبر؟
شنو أگله؟ أگله بعد سنة؟ ...لو سنتين؟ لو انتظر حتى تشييون ؟
بابا سكت
نزل صوته
أحمد : حرام عليك تعرفهم يحبون بعض ومتعلقين بعض
وأمير عنده ستعداد ينتظرها عمر كامل يصبر ومايمل
تنهد وكمل
أحمد : بس شنو الفائدة؟ الناس كلها تعرف بيهم وكلها
تسألني محمد ليش لسه ساكت خاف يستحي يرفص؟!
بابا راد يحجي بس ماسمح وكال
أحمد : وإذا عندك كلمة لا... احترمها. والله احترمها
كون عمو احمد الجبير بابا سكت واصلاً عمو معصب
واذا بابا عصب او رد ممكن يكبر الخلاف
أحمد : بس لا تبقون فاتحين باب ومو داخلين
لو توافقون ونمشي رسمي... لو ننسحب ونرتاح كلنا
أحمد : انت قائد وتعرف القرار إذا تأخر أكثر من اللازم يصير ضرره أكبر من القرار الغلط
بابا ما رد بسرعة بس ظل ساكت.
هز راسه
أحمد : هذا السكوت اعتبره مو جواب... بس ما راح أسكت بعد
استدار ومشى للباب.
وكف قبل لا يطلع... وبدون ما يلتفت
أحمد : ومن هالساعة...
سكت شوي وكمل بصوت أخف
أحمد : لا تعتبر عندك أخ جاي يطلب... اعتبر عندك رجال ديدور حق ابنه
التفت عليه.
أحمد : وإذا قرارك لا... انطيني ياه برجولة وأني أول واحد أحترمك....بس إذا تأجيل...
فتح عيونه
سناء : تعرف اخوك مايعصب بدون سبب واكيد سامع حجايه
هز راسه
محمد : اي هم توقعت
سناء : محمد تريد الصدوك حقه ميلام حتى اني وام علي
دائماً يسألونا هاا بعد شموخ وأمير شوكت؟ شعجب لسه ماعقدوا؟
قربتله
سناء : ترا صعبه يبقون معلكين على اقل يكطعون مهر
ومن تكمل سادس يتزوجون
محمد : هو اني هيج مفكر والله بس شوفت عينج شفتي
ماخلاني احجي!
صاح بنبرة حادة
محمد : شموووخ
احس گلبي وكع بالكاع تقربت وكفت بالباب منزلة راسي
من شافني هدأ
محمد : تعاي وردتي
تقربت شابكة اصابعي مع بعض وكفت مقابيله وعيني
بالكاع
محمد : شنو رأيج باباتي؟
بتوتر
وردة : شنو؟
محمد : نسر عنده ستعداد يصبر ومايمل واخرها ياخذج
من حضني ياخذج..
سناء : محمد! ترا اول وتالي تستقر بيت زوجها بعدين
متريد تفرح من تشوف اطفالها؟
محمد : أريد اشبع من بنتج تجيبلي بنية اربيها وادللها الدلال اللي مادللته ألج
وردة : بس هيج اغار منها!
ضحك وضمني الصدره
محمد : بس هي تاخذ مكانج بگلبي
بتعدت
وردة : لا تولي مااريدها خليتني اغار منها قبل ماتجي
محمد : لا ...لاا اشو تحمست للموضوع!
ضحكت ولمست شعري
سناء : من زمان بنفسي هل شي ماشفت ضحكتج بس
اكدر اشوف ضحكتها اكدر اشوف اول خطوة ألها
محمد : اختاري تجيبيلنا بنية لو نسويلج اخت؟
ضحك
محمد : رفضه يعني شفت اسمك ومايعجبني ارد زعلان
سناء : هههههههه همزين اخوك وحافظه
هز راسه
محمد : هههههههه اي بالله لحلو بي ماتغير
رجع اتصل سمعت صوت امير
نسر : نعم سيدي
محمد : عمك
نسر : أمرني عمي!
محمد : وين انتَ؟
نسر : من الصبح طلعت للحلة هسه بالمركز بس اكمل
العصر اني يمكم ان شاءلله
نسر : صار بعيوني
سد الخط بعدها بابا طلع واني بقيت متوتره مااريد
يصير خراب وزعل بين الأخوان تغدينا وللعصر حرة
سوت كيك واني جهزت الچاي
اجه أمير بابا ماموجود بس يسار دخل للاستقبال
دخلت سلمت والكتاب بأيدي
كعدت قريب عليه بس عيني بالكتاب وهو ويسار يسولفون بعدها يسار طلع يحجي اتصال
رفعت عيني له صافن بيه ومبتسم ضحكت
وردة :شبيك؟
هز راسه وتنهد
نسر :مشتاق
نسر : شلونها خو مو صعبة؟
ورد : لا حلو حبيتها من اقراها مو كدرس كمعلومات
هي والاحياء والكيماء معلوماتهم حلوة
نسر : اي ...خصوصاً موضوع الكتلة؟
باوعتله بأستغراب
نسر : من خواصها ...كلما زادت كتلة الجسم زادت قوة التجاذب بينه وبين الأجسام الأخرى.
تقرب شوية وعيونه نزلت علية بنظرة لعب
نسر : كل مازاد حجم الكتلة... زاد الانجذاب ألها
غمزتله وتقربتله
وردة : خليني اشوف كتلك؟
وردة : ولك سـ** خليت نية؟ تسوي روحك مؤدب
وتصيحلي العرمة وانتَ ****
نهضت ورا اكمز واضربه لزمني سحب الكتاب من أيدي
ولزمني من خصري باوع بعيني مباشرة وبلع ريكة
نسر : بس لصدك؟ صاير تفلشين
فلتت أيده وبتعدت
وردة : غير كبرت وامي اذا مااكل كبل تكلي مريضة
تنهد هز راسه
نسر : صح مرت سنين وكبرتي...وآني بحسرتج
سكت شوي وباوعلها
نسر : واصعب شي؟... شايفج كدامي وما أگدر
أعيش وياج لحظة مثل ما أريد
نزلت راسي العب بأصابيعي عرفني نقهرت دفعني
بجتفي وضحك
نسر : يله نصبر بين مايكمل بيتنا
رفعت عيني بعدني مقهورة
نسر : البارحه حددت المساحة وهل اسبوع ابلش بحيل
الله
وردة : يعني شكد ويكمل؟
نسر : اذا بأستمرار خلال اربع اشهر يكمل
بتسمت ولفيت وجهي عنه طلعت الخاتم لبسته باصبعي
وحكيت كصتي مانتبه
نسر : وين عمي؟
خليت ايدي كدامه
وردة : هسه يجي
نسر : شنو محد اكو؟
وردة : امي تسوي العشا وياسر بدوام وأيسر بيته
نسر : هسه اخابرة
ضربته بايده
وردة : مليت مني؟
نسر : نجبي بس اريد اعرف صاير؟ وتعرفيني طلعت
من الفجر للحلة وهاي جيتي
اخذ ايدي باسها
نسر : أمنيتي اشوفه يلمع بأيدج
بتسمت
وردة : موافقة
رفع عينه بأستغراب
نسر : شنو؟
رفعت كتفي وضحكت
وردة : موافقة
نسر : يعني وافقتي؟ نتزوج؟
هزيت راسي بأيجابية اجه حضني ورفعني عن الڪاع
يفتر بية وضحكتنا رتفعت
نزلني بس بعده حاضني
نسر : يعني جان لازم اصبر هل سنين حتى اسمعها
منج؟
نسر : شنو مستوى يليق بسيادة الرائد؟ انتِ دائماً بمستواي واعلى
ابتسمت
وردة : أريد اكون ألك بيت مرتب...وأم تليق بأطفالك وشهادة... واسمي يرفع الراس
ابتسم ونزل إيده.
نسر : انتِ من هسه ترفعين الراس
سكت شوي وباوع للخاتم بإيدي
نسر : البيت أبنيه... والشهادة تاخذينها... والباقي لا تشيلين همه.
رفعت حاجب.
وردة : والباقي؟
غمز
نسر : الباقي علينا اثنينا... مو عليج وحدج
ضحكنا سمعنا صوت سيارة
رفع حاجبه بسرعة
طلعنا
محمد : تعال ياخوية هو الحجي مشامر!
احمد : احجي لي تريده عندي شغل مافارغ
محمد : ها يعني چنتك هيج تاخذها؟!
امير باوعلي مستغرب
احمد : شنو؟
ضحك
محمد : چنتك تاخذها بدون ماتشرب چاي؟!
احمد : اذا من ايدها؟ موافق
ضحكنا ودخلت سويت الچاي وقدمته.
محمد : حتى مهر ما أريد... بنتي هالوحيدة أني أجهزها
ابتسم عمو وهز راسه
أحمد : لا خوية... انطيها عيوني ووحيدتك هاي وراح آخذها
سكت شوي وكال
محمد : أريد القرآن الكريم... وسيف أبوي الله يرحمه
سكتوا كلهم باوعله عمو ابتسم ابتسامة هادية
هز راسه
أحمد : عرف شنو تطلب
ماعرفت قصة السيف... بس واضح مو مجرد سيف
عادي بي شي أكبر بعيونهم وفرحتي فرحت فخر لان
بابا مزج مهري بين الدين، أمانة أرث... واضح شكد
مهم عدهم حتى بابا طلبه مهر ألي ..
ضرب على رجل أمير
محمد : أني أجهزها إلك بأيدي
سكت شوي.
محمد : لأن أعرف بنتي راح تكون بإيد رجال يحافظ
عليها مثلي...
رفع راسه
نسر : إذا عاشت يمك أميرة... فتأكد هالأميرة تعيش
ملكة ببيت زوجها
محمد : ما خليتلي كلام بعد كلامك
رفع عينه لعمو.
محمد : بس ديربالكم تزعلوها... زعلوني وضروني بس هي لا
نهضمت وعيوني دمعت
محمد : كافي الدنيا زعلتها هواي
ما تحملت رحت حضنته وبچيت.
وردة : بابا...
شهكت واني بحضنه
وردة : شلون أعوفك حبيبي انت!
مسد على شعري بحنية
محمد : ياروح أبوج... ما أعوفج والله.
محمد : سمعتي؟ مانعوفج... نخليج تملين من عدنا.
هزيت راسي.
وردة : أمل الدنيا كلها... ولا أمل منك.
حضني وهمس.
محمد : كافي... مو تفقنا تجيبيلي بنية لو أجيب لج أخت؟
ضحكت غصب
محمد : فدوة أروح لهاي الضحكة... جوريتي.
بعدها رجع الحچي والضحك.
ومثل ما طلبت...
بعد الامتحانات النهائية كملتها والحمدلله وعدت بخير ودرجات ممتازة ترفع الراس
حددنا موعد والعقد ...وبدينا نجهز لأهم يوم بعمرنا
رغم ماطلبنا شي وبابا من البداية كال: بنتي هل وحدة
اني اجهزها
بس أمير رفض وجابلي اللي اطلبة ولما اطلبة.. ورغم رفضه بابا هم جهزني من الذهب وشنو احتاج وعمي وعمتي ماقصروا ابد مو تنافس... بس كل واحد يريد يترك بصمته بفرحتي.
وهنا حسيت...
شلون الإنسان يصير غني...
مو بالذهب...بالناس اللي تحبه وتريد سعادته بدون
مقابل
اجه يوم المهر
ختاريت ملابس أمير... وطلبت منه يحلق شعره مثل
أول مرة إجه للشقة وعزمني وعرض علية الزواج.
وختاريت فستان عرس أبيض طويل...هادئ راقي
على ذوقي رحت للصالون ميكياج خفيف وتسريحة بسيطة رفعت نص شعري وخليت النص الثاني نازل
نسوان خواني مجهزين كل شي يخص المهر اجت عمتي
مهجة اخذتني الغرفتي وعمتي ام علي طلعت سيت نوم
ابيض صفنت بوجهن
ام علي : نزعي ولبسي
اشرت على فستاني
وردة : وهذا؟
مهجة : بس على كد العقد
وردة : ليش يعني؟
مهجة : فال خير واحنا معودين العروس بمهرها نلبسها
سيت نوم ابيض
بتسمت
وردة : شكلكم مستعجلين أكثر من العريس!
ضربتني
مهجة : فضيها العرمة
ضحكت
وردة : اوووي وجعتيني
ضحك وفتحت سيت
وردة : طلعوا اني ألبسه وحدي
مهجة : خليني اساعدج
وردة : بس فتحي الفستان
ضحكت واجت تفتح الفستان
مهجة : اي عيني خلي يشبع گيمر
ام علي : خطية وليدي محروم
مهجة : هههههه اي صايم وخوش راح يفطر
كرصتني
مهجة : دسمة!
دك الباب
مهجة : هاا كملتي؟
تركت الصورة
وردة : دقايق
نزعت بسرعة واخذت لبسته عاد عمتي ماتحملت
هاجمتني وفتحت الباب
مهجة : فضيها؟ خلصتي لو لا؟
وردة : كملت.. كملت
اخذت القطعة الثانية لبستها وعدلت نفسي دخلوا
نسوان اخواني،حتارن شنو يسون اللي تفتح القرآن
تخلي بحضني واللي تخلي بأيدي هيل واللي اخذت
رجلي خلتهم بالطاسة ماي ورد وياس وتخلي بين
اصابعي هيل
قبل ميدخل الشيخ غطوني بياض ماشوف شي بس
سمعت خطواتهم...
دخل الشيخ ودخل وراه أمير... وبابا... وعمو... وكل البيت صار هدوء لحظة
ما أدري شصار بالضبط بس زهراء توكلني چكليت
طول مالشيخ يردد عقدنا
ثواني...
وكلشي انتهى.
سمعت كلمة "تم العقد" وكأنها سدت كل التعب اللي قبلها
وصوت الهلاهل رتفع
بعدها طلعوا ولاشفت أمير ولاشافني رجعت لبست فسناني واني لسه الوج بالجكليت بدلت وطلعت
شفت زهراء بأيدها الجكليت
وردة : اذا سكري صعد بسببج
بتسمت
زهراء : جعل ايامج بحلاوة حلكج
ضحكت
وردة : آمين
زهراء : يله تعاي لبسوا الحلقات
طلعت بالاستقبال كعدت على كوشة شوية وصاحوا
اجه العريس
ودخل عينه بالكاع شفته وگلبي فز رفع عينه علية
فتح عيونه بدهشة ماكدر يرمش
ضحكت بوجهه تقرب ببطء كأن ماكو غيرنا نسينا كل الحضور لمس وجهي
عيونه تتنقبل بتفاصيل وجهي
نسر : بس هسه...احلى بهواي
همست
وردة : احنا شتفقنا؟
ضحك هز راسه
نسر : مااكدر
اجت عمتي مهجة بايدها الذهب
مهجة : باركلها ولبسها
وردة : نسيت اباركلك ابن عمي
ضحكنا مديت ايدي سلمنا على بعض خدادي
وردة : ان شاءلله زواج الدهر
نسر : مبروك... وإن شاء الله تشوفين الخير كله وياي
وردة : وإن شاء الله أشوف الخير والسعادة بوجهك وتشوف الخير والبركة بية... وإذا زعلتني اشوفك
جهنم تعرف
ضحك.
نسر : اني اللي أعرف.
ضحكنا والناس صفنت بينا عمتي مهجة قدمت الذهب
لبسني الحلقة ويه الخاتم اللي شترالي بعدين لبسته
الحلقة
مهجة : التراجي عوفهن خاف نتأخر.
رفع عينه
نسر : جيبي... ما عندي شي أهم من هاللحظة.
اخذهن لبسني الاول ابتسم وهو يثبت الثانية
نسر : لو مو الناس...
سكت وباوع للشامة تحت أذني
نسر : جان طبعت أول بوسة بالنجمة
تجمدت بمكاني لفيتله بسرعة وهمست
وردة : لا توترني
ضحك بخفة وكمل يلبسني باقي الذهب
بتعدت عنه وعيوني دور على أمي اعرفها هسه اكيد
تبجي خاصة بعد اللي صار البارحة كل ساع اسأل عنها
لحد ما لمحتها اشرتلها اجت
سناء : مبروك عمه شايف الخير يارب
نهضنا هو باس ايدها وراسها
نسر : الله يبارك بيج
لزمت ايدها بستها وشميتها ماكدرت تنطق اعرفها بس
تحجي تبجي
قبل مااحجي دخل
نسر : عمه وعيونج ...ماخليج تحسين بغيابها
هزت راسها ومسحت دموتي قبل دموعها
سناء : لاتبجين وتخربين مكياجج
وردة : انتِ هم
مسحت عيونها وحضنتها صاحوا لأمير طلع بعدها
ماشفته خلصت الحفلة ورجعت الغرفتي غيرت
ملابسي ورجعت كلها ملتمة وضحك وسوالف لليل
اتصل أمير
رحت للغرفة رديت
وردة : الو
سحب نفس
نسر : صدك مشتاقلج مامصدك كل ساع اباوع للحلقة
بأيدي
رجعت باوعت الأيدي
وردة : اني هم احس كلشي صار بسرعة
نسر : ياسرعة؟ غير بالموت
وردة :هههههه.. هم صح
نسر : تعاي اشوفج
وردة : تخبلت! غير البيت متروس ناس
نسر : غير زوجتي وحلالي
وردة : لا عيب هسه كلها هنا وكل ساع صاحولي
نسر : شيخلص هل سنة
ضحك
نسر : يله اخذ مسكنات بين ماتخلص
وردة : وشنو نوع هل مسكنات؟
سحب نفسه
نسر : مثل بوسة، شمة، حضن
سكتت لحظة وبعدين ضحكت بخجل
وردة : أمير... هدي شوي
نسر : شنو؟ زوجج رسمي وما أگدر أتنفس؟
وردة : لا... بس مو هسه
نسر : اي بعدين ...بعدين
ضحكنا
نسر : ها نسيت اكلج ...
ضحكت
وردة : راح تتعب وانتَ تعد نجوم
نسر : اويليييي... شلون بية اني واهل شتعلت
ضحكت سولفنا شوية وبعدها سدينا الخط ورجعت
يمهم قبل مانام هم حجينا
مرت الايام
ومن يوم المهر اخواني صارو متعلقين بية بشكل مخيف
وكل اسبوع انام بحضن أمي ...
بعد اشهر
والحمدلله تأهلت للامتحانات الوزارية وبديت ادرس
للنهاية وأمير كمل بيتنا...مرات نطلع نتفرج على أثاث ومايعجبني شي
بديت مراجعة مابقى شي ؏ امتحانات، كعدت الصبح
صليت الفجر وأبقى ادرس تاريخ لحد ما امي صاحتلي للريوك
:: صباح الورد
وردة : والله لو مو وجوهكم الحلوة ما صبرت على تاريخ... وتزوجت من زمان
ضحكوا
يسار : ليش شنو صعب بي؟
وردة : أععع غير التعاريف... تعريف يصير تعليل، ويصير فراغات، ويصير نقاط... انت متخيل؟
ياسر : مستواج علمي، أسهل إلج فيزياء وكيمياء.
وردة : إي والله... بس كالوا يرودله تعب ورياضياته صعب
فتحت الكتاب وضربته بخفة.
وردة : هسه هم سرسرية إحنا شعلينا ندرسهم؟
وردة : هذول أبناء الإنكشارية... يسموهم كراغلة
فيطلع جيل جديد.. أبوه جندي عثماني وأمه من نفس البلد
سكتوا واحد يباوع للثاني
وردة : بس هسه عندي سؤال هذا الختلاط صار شرعي
لو غير شرعي؟
عيني على كتاب
وردة : اذا مو شرعي يعني نص العالم نغوله
رفعت عيني على صوت ضحكاتهم ياسر وجهه احمر
ويسار يضرب على رجله وابابا ضحك وهز راسه
وردة : حجيت شي عيب؟
محمد : لا بابا ماكو عيب بكلامج صح
وردة : يعني هسه اريد اعرف
ياسر : تريد تعرف النغل منو ابو
رجعوا يضحكون
يسار : التاريخ بيه سوالف عائلية!
باوعله
ياسر : شكد درسنا بس مافكرنا مثلها!
اجت امي بايدها الچاي والبنات وياها خلوا الريوك
تريكت وعقلي يردد التعاريف
حتى لما كعدت على غدا ماشوف اكل اشوف معركة جالديران والأمارة وباقي التعاريف كلها تحضر وياي
تتغدا
للعصر دخلت الاستقبال ادرس الكتب، الملازم، الاوراق
مبعثرة حسيت بنعاس عيوني خدرت حضنت التاريخ
ونمت بالگاع
حسيت شي يدغدغ راحة رجلي بعدتها ورجعت غفيت
تكررت اكثر من مرة بس ماكدرت فتح عيني بعدها احس
انفاس تضرب وجهي
فزيت مرعوبة صحت واشوف أمير يضحك، بسرعة
بتعدت وعيوني دمعت من الرهبة
نسر : اعتذر والله
وردة : منين ألكاها من التاريخ لو جغرافية؟ لومنك؟
ضمني لصدره ويمسد على شعري ويبوس راسي
نسر : بيه ولابيج حبيبي
وردة : تزوجني مااريد ادرس
حسيته ضحك بس كتم ضحكته لان كتافة هتزت
وردة : والله ماينحفظ صعب
بتعدت بس بعدها ايده حاضنتني
نسر : واحنا على شنو زعلنا
بتعد
وردة : اي ...اي ذكرت احنا متعاركين
طلع علبة فتحها بيها فراولة مغطسة بلشكولا يعرفني
نفسي دنية تقربت واخذت وحدة اشرتله
وردة : اكلها وارجع ازعل
اخذت الثانية
وردة : بشنو؟
اكلتها وجمدت ملامحي من ذكرت الموقف ... لااكدر
ابلعها ولاكدر اطلعها
عض شفته وتقرب حسيت گلبي نبضه صار ألف هزيت
راسي بـ لا بس ماهتم بأيد لزم راسي من الخلف وأيد عصر شاففي سحبني اخذها من حلگي
مابتعد عني له وهو مبتسم وياكلها
نسر : ماحب الفراولة... بس من حلكج طعمها يفرق
رفعت عيني له
وردة : بيها تفال
ضحك ودفرني
نسر : وينج وين الرومانسية
بسرعة وكعت اضحك وبقيت ؏ نومتي
نسر : متصالحين؟
وردة : جؤ چفيني شرك وعوفني اتماطل وي التاريخ
نسر : نجبي ماتتماطلين غير وياي...
اخذ الكتاب وشمر
نسر : بعدين شعندج حاضنته ونايمة؟ عندج نقص
حنان؟ اذا معوزة تعاي اني عندي فائض
كعدت
وردة : لاعيني عوفني لو امطل السادس لو يمطلني
ونشوف منو يفوز
تقرب
نسر : زين اذا نتماطل اني وياج منو يفوز؟
بتسمت قربتله وغمزت
وردة : يفوز الاكثر حُب
نسر : اويلييي ...شتعلوا أهلك أميير
ضحكت وبتعدت عنه من سمعت صوت سيارة نهضت
وردة : اجه بابا
رجعت اخذت علبة الفراولة ورحت للغرفة اكلت نصها
وكل مااكل اذكر اخذ شي تركتها بين ماصار العشا بدلت ملابسي وسرحت شعري وخليت العطر اللي يحبه طلعت
كعدنا تعشينا سوه بعدها بقى يسولف هو وبابا بالشغل واجه ميسر طلع اركض له فتحت ايدي
وردة : هلااااا بعيني وماي عيني
حضني
ميسر : افيششش يرويحتي
ضحكنا ودخل سلم وكعد
وردة : متعشي؟
ميسر : اي الحمدلله بشري كملتوا بيتكم بعد؟
وردة : بناء كمل بس الاثاث ميعحبني شي هنا
ميسر : شعجب اكو مولات بيها كلشي حتى ؏طلبكم
وردة : لا كلت بعد المتحانات نروح الأربيل نوصيهم
مناك احلى ونوعية راقية
نسر : هم تغير جو من ضغط الامتحانات
وردة : اي والله صار هواي مرايحين
مسير : منو ومنو يروح؟
وردة : كلنا حتى عمتي وعمو
ميسر : اجت بوكتها والله
بقينا نسولف ونخطط وفعلاً بعد ما خلصت من كابوس
السادس احس هم ونزاح عن صدري والحمدلله درجاتي
ممتازة
وبهاي السنوات المرت كملت قضاء مافي الذمة صوم
وصلاة وبابا سوه صدقة جارية بأسم حبوبتي وهل
شي فرحني حتى اني كمت اهديلها صلاة وكل خميس
اقرالها سوة ياسين ...واهلي يذكروها مثل مايذكرون اهلهم
هسه ابلش اركز بيتي وحياتي ...
طلعنا كل واحد هو وعائلته، سابقاً بابا اخذ بيت لان روحاتنا تكثر بالعطل خاصه بالشتا لازم نروح ومرة
اني وامي ونسوان خواني واخواني بقينا شهرين بابا
يروح ويرجع علينا
يومية أني وأمير نطلع نفتر وجهزنا اثاث البيت اللي
احتاجة مناك حتى اغراض المطبخ النواعم اخذتهم
احلى ايام عمرنا واحنا نختار ابسط شي سوه
نسر :ها حبيبي؟
نزلت راسي بقهر
وردة :يعني هو اهم يوم بعمري اريد البدلة الي راستها
بخيالي
نسر :خلي المصمم يصممها؟
هزيت راسي
وردة :سمعت كال تتاخر
نسر : والحل؟
رفعت عيني له نزلت شفافي
وردة : تعبتك؟
بسرعة ضحك واخذ أيدي باسها
نسر : لا ...وحتى لو تعبيني احلى تعب
وردة : اذا مالكيت شلون؟
مهجة : يااع ولج صدك تردين تأجلين العرس ع بدلة!؟
قبل مااحجي
نسر : مو مهم عمه اهم شي هي تحب الي تلبسه
مهجة : لا مايتأجل ...تعاي
سحبتني من ايدي كعدتني بصفها وطلعت مبايلها
مهجة : هاج شوفي شنو يعجبج
اخذ المبايل اشوف الصور والضحكه نرسمت على وجهي
واني اشوف واحد احلى وافخم من الثاني
نسر : يالله... ضحكت
رفعت عيني له
وردة : يخبلن مثل مااريد واكثر
لتفت على عمه
وردة : وين خلي نروح نشوفهن؟
نزلت المبايل
وردة : لااا ... فرحت المادامت
مهجة : ليش اسم الله! كتلج طلبي ثلاث ايام البدلة
يمج
وردة : شلون شيجيبها؟
مهجة : معليج وسن راح تجي وكتلها صارلها فترة دور
على بدلة وتريدها موصفات دزتلي ذني الصور
فتحت عيوني
وردة : كولي والله
ضحكت
مهجة : والله
حضنتها حيل
مهجة : خنكتيني ولج
كملنا القاعة وترتيباتها وبلش اول يوم الحنه خلص
وثاني يوم الزفة رحت للصالون مثل كل عروس
مكياج وتسريحة شعر طلبته تخلي مفتوح وتسرحه
وبس الاطراف ويفي
جهزت وطلعت من الصالون رحنا كبل للقاعة صورنا
قبل الحضور ورجعنا للبيت
معنوياتي صارت تحت الصفر حبست نفسي بالغرفة
واكل بأضافيري شلعتهن ابجي اخذت صورت جبوبتي
حضنتها وكعدت بالكاع اني وبدلتي غاطة بيها
دكو الباب رادوا ماكو ماطلعت ولا رديت لحد ما ملوا
بس امي بقت
بتعدت عني
سناء : يااا ...فهميني صاير؟ تعاركتوا؟
هزيت راسي بنفي
سناء : زين احجي ليش تردين تبطلين الزواج فجأه؟
كعدت، كعدت كدامي لزمت أيدي
وردة : خايفة
بأستغراب
سناء : من شنو؟
ضميت وجهي بجفوفي وبجيت بقت تهديني
سناء : احجي ماما فهميني ترا زفتج بعد ربع ساعة
بلعت ريكي وگلبي يتكطع واني اذكر صار وياي
شهكت وكل شهكه تشك صدري
وردة : خاف ...خاف اذا تقربلي اذكر لحظة لما راد
يعتدي علية
ضمتني الصدرها صارت تبجي وياي
سناء : سودة بوجهي يايمّه ...حسبي لله على من
كان تلسبب جعلها ماتشم ريح الجنة
بتعدت عني تمسح دموعي
سناء : كافي ...كافي فدوة رحتلج لاتبجين باعي
سناء : ماكو شي يخوف كومي
نهضت مسحت دموعها وسحبتني نهضت كل روح
مابية
سناء : عدلي نفسج وتخلصي من هل افكار هاي..
وتذكري امير يحبج مهما صار وياج
وكفت كبال المراية المكياج خرب حتى مايتصلح هنا
بجيت اكثر
وردة : شوفي حتى المكياج خرب
سناء : يتصلح
راحت للباب صاحت
سناء : زهورة عمه تعاي
اجت زهراء نصدمت بوجهي بس ماحجت
امي تصلت
سناء : ها عمه امير فدوة عادي تتأخرون شوية؟
لتفت عليها بصدمة وخوف
وردة : امير؟
سناء : لا ماكو شي بس سكرها نزل ...تمام الله وياك
وردة : شكال؟
سناء : كال اساساً ازدحام نص ساعة نكمل ونطلع
تنفست براحه وزهراء بدت المكياج من جديد فعلاً
سوته احلى من الصالون ...ماردت اطلع بس امي
سحبتني ماكو غريب بس اهلنا بعد نص ساعة
وصلت الزفة ماشفت شي غير بس هوسه صعدني بالسيارة ورجع صعد طلعني من بيت ابوي للقاعة
حس صاير شي لان من صعدت ابد ماتحركت هو
عينه يسوق وعين علية سحب ايدي لزمها
نسر : شبيها حبيبتي!
سكتت.
نسر : سكرج شلون صار؟
وردة : زين...
باوعلي ثانية... هالمرة مو نظرة عريس مستعجل
نظرة واحد يعرفني من وجهي ونبرة صوتي
نسر : مو زين.
التفتتله بسرعة
وردة : شنو؟
خفف سرعة السيارة ولزم إيدي بين إيده.
نسر : عيونج مو عيون وحدة عرسها اليوم... شكو؟
رفعت عيني باستغراب
نسر : إذا خايفة... نخاف سوه.
ظل ساكت ثواني وبعدين كمل بهدوء
نسر : تسمعيني زين؟
هزيت راسي
نسر : اليوم مو امتحان... ومو لازم تثبتين شي... ومو لأن صارت زفة يعني لازم يصير شي انت مو مرتاحة إله
حسيت صدري خف شوي.
نسر : بيتنا ما ينبني بيوم.. ينبني شوي شوي وبراحـتج
بلعت ريكي
وردة : بس...
قاطعني بهدوء.
نسر : انتِ مو جايتني حتى آخذ منج شي... جايتني
حتى أعيش وياج عمر
باوعلي
نسر : خلي يومنا مختلف وخارج التقليد
ضحكت غصب.
مد إيده ومسح دمعة نزلت
نسر : أريدج من تدخلين القاعة... تدخلين لأنج فرحانة
مو لأنج خايفة.
سكت شوي
نسر : ومهما صار... تبقين بأمان وياي... مفهوم؟
هزيت راسي.
شد على إيدي وابتسم
نسر : هاي عروستي
بدقيقة غير دموعي ضحكات وطول الطريق ماترك ايدي
وكل شوية يبوسها... ولمانزلت جان حريص علية نزل
رجلية وحده وحدة ويغطيني دخلنا للقاعة كعدنا بغرفة
التبديل بين مانجعت الناس
وفرحتي بالبدلة ماتنوصف جمالها وفخامتها تاخذ العقل
وصلنا للستيج كعدنا شوية وطلع للقاعة الجالية
بعدها اجت فقرة الرقص احنا مدربين عليها سابقاً اجه
مد ايده
نسر : تسمحلي مولاتي بهل ركصه
بتسمت
وردة : وبكُل سرور
اخذ ايدي باسها وركصنا على غنية اليسا
ليلة الألبسبك الابيض صير ملكك والدنيا تشهد
عيوني لمعت بيها الدمعة
نسر : ديربالج تبجين العرمة
وردة : تأثرت بالغنية
نسر : اشغلج رعد الناصري؟
ضحكت وبتعدت عن ايده اشر بأيده وطلب الغنية
شغلوها وماكدرت اسكت من الضحك كابلني يطك
اصبع ويردد
نسر : لا اندل واجيكم واسألمن عليكم... اذا مو جيه
بيكم عليه الگلب ودو
نسينا الدنيا وحنا نركص سوه خلص الوكت وصار لازم
اودع اهلي من شفت بابا ماكدرت ماابجي بعدها اخواني
بس ميسر اصلاً ماحضر الزفة وقبل مااطلع للصالون طلع من البيت وعيونه تبجي دم ...
طلعت من القاعة فترينا شوية ورجعنا البيتنا دخل السيارة ومحد دخل وياي بس امي والبنات نزلت
براحه بدون تقيد
دخلنا للبيت سوه هذا البيت رتبته مثل مااريد واحب
طاقته حلوة بسرعة هدأت وراح التوتر
نسر : نورتي بيتج حبيبي
بتسمت
وردة : بوجودك أني انور مو بس البيت الدنيا كلها
باس راسي بعدها شوية طلعوا البنات وامي هل مرة
صارت قوية ومابجت من ودعتني ولاخلتني ابجي
طلع وياهم واني دخلت للغرفة اول مرة بتسمت بس
عيني راحت على سرير بلعت ريگي وحسيت الدم
نشف بعروكي
همست
وردة : كرت عينج مستعجل من الباب بدأ ينزع!
تقرب واني ارجع
نسر : شبيج حبيبي!
بلعت ريكي بخوف
وردة : انت شبيك؟
بتسم
نسر : بيه صبر سنين
باوعت للسرير همست لروحي
وردة : لا هاي هي نتهيت
رفع حاجبه
نسر : شبيج تحجين وي شياطينج؟.
وردة : تخلوا عني
فتح زرار القميص
نسر : اي زين يسون لان ملائكتي حضرت
وردة : اي ...اي
نسر : تتوضين؟
وردة : لا توضيت
نسر : يله
راح توضه اني بسرعة نزعت الطرحة وفرشتها له وكفت
انتظره اجه
نسر : وين السجادة؟
وردة : لا مو لازم تصلي على طرحة
نظرلي بأستغراب
نسر : ليش؟
وردة : هو هيج كل العرسان يصلون على طرحت
العروس حتى يديم الحب بينهم
رفع حواحبه وكف ماكدر يحجي صلى وهو ساكت
واني لبست عباية لتفت
نسر : تصلين بالبدلة؟
وردة : اي لازم
نسر : يله
وكفت خلفه وصلينا حتى مايشك صليت ويا ؏ طرحة
واني اشوف يسجد عليها احس فراشات الكون ترست
الغرفة طبقت المثل اللي يكول يسجد على ذيالها هسه
هو سجد على طرحتي ودي اكوم واكمز من الفرحة
بعدما كملنا لميتها وضميتها بالكنتور هو بدل ملابسه
وطلع
وردة : غير تخبل عقلي طار بالنفشة وتفاصيلها
نسر : بس ثكيله
وردة : اي
تقرب لزمني من خصري
نسر : نزعيها
سكتت ثواني ورديت بتوتر
وردة : مـ..مـاكدر
لف ضهري وبده يفتح السحاب ببطء وجسمي رجف
بخوف
لزمتها من صدري خاف طيح.. لفيته عليه شاف ايدي
ترجف
نسر : جوري!
وردة : خاف ...اخاف!
سكت لحظة... وبعدين مد إيده بهدوء ومسح دموعي بإبهامه
نسر : اليوم مو حتى اثبث غير حُبي ألج وانطيج الأمان
من اول يوم
نزل عينه على الفستان وبعدين رجع باوعلي.
نسر : إذا تحبين تبقين بهاي البدلة للصبح... ابقي
إذا تحبين نسولف... نسولف...إذا تحبين نطلع برا
البيت نطلع هم عادي
تنفست شوي.
وردة : وتبقى تحبني؟
ابتسم كأنه السؤال وجعه.
نسر : اني ماحبيتج حتى اخذ منج شي ...حبيتج حتى نبقى العمر كله سوه بمودة ورحمة
ضحكت غصب عني
نسر : اي ضحكي
نهض ومد ايده
نسر : تعالي.
باوعتله.
نسر : مو حتى ننام... تعالي نكعد نتعشا.. شلون طلبتج
بيتزا اللي بحبها گلبج
مسحت عيوني لزمت ايده سحبني وايد الثانية لازمه
بيها البدلة
نسر : أول ليلة إلنا أريد أتذكر ضحكتج بيها مو دموعج
وردة : ماراح تزعل؟
هز راسه
نسر : ازعل اذا اشوف دموعج
لمس وجهي
نسر : ولج غير انتِ فرحتي وسعادتي
نزلت راسي
وردة : والله مو بأيدي خفــ ـ
سد حلگي قبل مااكمل
نسر : ماسألتج... وشنو تسوين وتكولين اكول صار
هزيت راسي
نسر : يله بسرعة بدبي وتعاي
طلع وسد الباب ورا ... رحت طلعت تراك ابيض بي رسم فراولة دخلت سبحت وبدلت وكفت كبال المراية مسحت
ماتبقى من المكياج وطلعت وكفت باب المطبخه
اشوفه شلون يرتب الطاولة بتسمت ودخلت
وردة : اساعدك؟
كعدت مرتب المقبلات وجايب كلشي احبه بعدها
طلع
البيتزا حارة قدمها اكنا وصرنا نسولف عن الحفلة
ونضحك لحد ما صار الفجر صلينا ورجعنا للغرفة
نسر : اذا وجودي يضايقج عادي اطلع
لزمت ايده
وردة : خليك يمي
هز راسه وكل واحد بينا راح على جهته خلينا راسنا
؏ وسادة وجهنه مقابل بعض
نسر : مامصدك الشمس صارت بجربايتي!
وردة : اهمم ...يومية تكعدك
اخذ ايدي باسها سولفنا شوية وما حسيت على نفسي
لحد الصبح واني نايمة على صدره
رفعت راسي شفته نايم او يمثل النوم ماعرف بس قربت
طبعت بوسه بخده ورجعت نمت
نسر : كومي حبيبي يله اهلج راح يجون
بسرعة نهضت
وردة : اجو؟
نسر :شوية ويجون
نهضت من السرير غيرت ملابس وجهزت بين ماجوا
واخذت امي على صفحه كتيت الاول والتالي
بعد اول يومين الله نزل الخجل علية واحس نفسي
مقصرة ويا رغم هو ولا دقيقة حسسني هل موضوع
زاعجة بالعكس يتصرف طبيعي وماانام له ؏ صدره
حتى من البيت ماطلع
بعد صراع وتانيب ضمير قررت اجهز نفسي اجه هو
جهز نفسه اجو جماعته... كشخ بالدشداشة وعطر
يرد روحي
طلع مستعجل واني بوجهي للغرفة جهزت نفي خليت مكياج خفيف وطلعت طقم الابيض لبسته بعد ساعة
اخذت المبايل وأيدي ترجف
اتصلت عليه رد
نسر : هلا بروحي
وردة : امير اريدك
نسر : شتعلوا اهلك امير ولج مكابلج ماتكولين
اريدك
بتوتر
وردة : لاتتاخر
نسر : اصلاً بالباب
وردة : يله
سديت الخط وگلبي صار يرجف سمعت صوت الباب
الخارجي نسد
اجه الدشداشة البيضة تجنن عليه وجهه يشع من شافني
جمد بارضه
دخل للغرف بخطوات هادئة
نسر : حبيبتي!
نزعت الروب وكع بالكاع عينه مارمشت ولادارت عني
بلل شفافه وتقرب
نسر : جـ..وري!
وردة : أي
تقرب أكثر ولزمني من وجهي
نسر : اذا متوترة او خايفة خليها يمتى ماتكونين
جاهزة
رفعت نفيي وكفت ؏ طرف اصابعي وطبعت بوسه
بشفافه غمض عيونه وضحك بتعدت عنه
هزيت راسي بنفي ضحك ورجع اخذهن بالهفة شوك
مافكرت غير بي بحضنه ستسلمت ...تركته يعبر عن
حُبه ولهفته بدون مااصده ماحسيت بشي له بعد ما
تركني
لفيت نفسي بسرعة ونهضت رغم الوجع
وردة : وين الدم
عقد حاجبه
نسر : شبيج؟
رفعت الغطا
وردة : مولازم دم؟!
نسر : تعاي افهمج
رجف ودموعي نزلت
وردة : لا... والله محد متقربلي ورح حبوبتي
نسر : جوري! اعرف والله حسيت ترا الكدامج مو
طفل ومايعرف!
هزيت راسي
وردة : لا ...طلكني...
فتح عيونه
نسر : صلي على محمد ...واسمعي
ماكدرت اوكف رجلي ماحس بيهن كعدت ابجي
وردة : اليوم تحبني باجر تكرهني وتكول لكيتها
موبنية
كلامي نزل عليه مثل الصاعقة
ماحس له رفعني من الكاع للسرير وماتركني له واني
انزف وكفت شفت الدم نزل على رجلية بسرعة وكعت
ماحسيت على شي غير يشربي مي وشكر
والوجع اخذني ماكدرت اتحرك اخذني للحمام سبحني
بايده وبدلي ورجع شالني كعدني جفف شعري واني
أبجي
نسر : هسه على شنو هل دموع!
وردة : وجعتني
نسر : مو هاي ترديها؟
سكتت تراك من ايده وكعد كبالي
نسر : اسمعي الرجال يعرف اذا بنية واذا مو بنية الدم
ماله علاقة
مسح دموعي
وردة : شلون؟
ضحك
نسر : اشرحلج؟
هزيت راسي بأيجابية
وردة : عيب؟
نسر : جؤ ...بينا بعد ماكو عيب
بدا يشرحلي فتحت عيوني
وردة : كول والله؟
1 تع
نسر : اي والله
وردة : شعرفك؟
ضحك
نسر : اعرف وبس...
رجع مشط شعري
نسر : تتوجعين؟
وردة : لا والله استحي
نسر : كومي
بلكوه نهضت
نسر : خليج اني ابدلج
طلع عباتي والحجاب لبسني
وردة : اتصل بماما
نسر : يكون افضل عاد هي تدخل وياج
طلع واتصلت بيها فرحت من عرفت تممت زواجنا
وزعلت من عرفت بحالتي ماكو خمس دقايق هي
وعمتي ام علي يمنا
ام علي : صخم الله وجهك على هل دكه سويت بيها
ولك
ماحجى شي طلع شافوا وضعي وجهي مصفر
سناء : يله ماما كومي
وردة : ماكدر
ام علي : تعال ولك شيلها
اجه ولا كأن مسوي شي بدون كلام شالني بين اديه
طلعني
نسر : رتاحيتي عرفتج تشهرين وتخزيني
وردة : حتى الشاعر يكول: اول ليلة للعرسان تخلص
دم
هز راسه
نسر : حتى الشاعر اللي تسمعي سكط
وردة : لا مو ردت اعرف شنو الفرق بين الغزل الحسي
والغزل العذري
فتح باب السيارة
وردة : لا كعدني بالخلف خلي عمتي يمك
بتسم ورجع فتح الباب الخلفي صعدني
نسر : اي وعرفتي الفرق؟
وردة : اي الحسي ادب سز شعر يظهر مفاتن المرة ... والعذري شريف تلميع شلون اكو مثل يكول احبك حُب عذري
اجت امي وعمتي صعدوا وعمتي صيحت على أمير
وهو ساكت اخر شي
نسر : تكلي طلكني
لتفت عليه
ام علي : يااا...! ولج عمه صدك؟
وردة : افهموني المجتمع اللي عشت بي ياخذون نيشان
البنية ويهوسون بي بنص المعازيم ويفتخرون
ضريت وجهه
ام علي : هاي عادات من عصر الجاهلية
سناء : اي صح عدهم الدم رمز للشرف
وردة : بالضبط واذا ماكو نيشان يعني موبنية
امي جانت تتفهم لان سولفتلها على كل شي بعدما
وصلنا للمستشفى فحصتني الدكتورة
:: الحمدلله رحمها سليم
سناء : والنزف؟
:: بس جرح داخلي وماتحتاج خياط تاخذ علاج
ويمتنع عنها لمدة تتحسن
سألت الدكتورة وصارت تشرح مثل كلامه بعدها
طلعت بلكوه امشي
رجعت للبيت ويومين ماتحرك له تحسنت يله طلعنا
شهر
عسل كعدنا بمكان بدهوك كأنما كاعدين بجنة مجمع
بي مجموعة من الاكواخ يستأجروهن والكوخ يكون
مخصص الشخصين فقط
امير كاعد يتابع اللعبة ستغليت نشغاله ولبست تنورة
مفتوحه من البداية للنهاية الرجل كلها تطلع وحاملة
صدر وخلاخيلي شغلت غنية
ليلة ليلة صباحي وأجيت اركص يمه ماخلاني أكمل
على نص وشالني بين ادي...صحت واني اضحك... حاوطت رگبته
باوعلي وكمل الغنية
نسر : اليوم ماعوفج ابد لليلة لليلة صباحي
ضحكت دفن راسه برگبتي وخلصنا شهر كامل بالكوخ
اذا نطلع بس نفتر ونتسوك مرات نتعشا ونرجع قبل
مانرجع بيوم كعدت بلكوة افتح عيوني
كمت وكعت بس مافقدت اجه امير يركض كعد
يمي يصحيني رجع ركض سوه ماي وشكر وشربني
ماجان عندي جهاز سكر اقيس بدلنا ورحت للمستشفى
شرحتلها حالتي جان تطلب تحليل حمل بقيت صافنه
وردة : صارلنا شهر من تزوجنا!
:: يعني بعد عرسج نزلت؟
وردة : بلى ...
سحبت دم مني ونتظرت ماطلعت بقيت كاعدة وايدي
لا ارادياً راحت على بطني حسيت بشعور حلو وغريب
بتسمت
وردة : معقولة؟
اجه رد بقلق
نسر : شبيج ليش تأخرتي
بعدت ايدي
وردة : مو كالت احتمال نقض فيتامينات
نسر : شكد ويطلع؟
وردة : لا بس اريد ماي
نسر : صار
طلع يجيب ماي.. شفتها اجت بأيدها اوراق قبل ماتجي نهضت بسرعة صاحت اسمي اني يمها مدت ايدها
:: مبروك حامل
فتحت عيوني
وردة : متأكدة؟
بتسمت
:: اي
اخذت ورقة التحليل وطلعت وأيدي ترجف على بطني
وعيوني دمعت، اجه يركض بأيده بطل ماي نزلت ايدي ومسحت دمعه قبل ماطيح
نسر : ها حبيبي!
وردة : ماكو شي مجرد نقص فيتامينات تتعوض
نسر : الحمدلله
مشينا فتح باب السيارة صعدت
نسر : نروح نتريك؟
وردة : اي والله جعنا
بتسمت وخليت ايدي على بطني مانتبه شغل السيارة
وطلعنا تريكنا واني ساكتا من الصدمة ساعة ابتسم
وحدي وساعة اصفن
نسر : شبيج؟ رفعت كتافي
وردة : ولا شي بس تعبانه اريد ارجع
نسر : منو اكلت راسي البارحة تريد تطلع
نسر : منو اكلت راسي البارحة تريد طلع؟
بتسمت رفعت عيني له
وردة : مو اني
نسر : اي طبعاً ابوي ... الجوزاء حتى نفسكم
مافاهمين من التردد والتقلب
وردة : والله هنيالك عندك اني الشرس
ضحك
نسر : اهنا أي هنيالي واستاهلج
ضحكنا وطلعنا
نسر : متأكدة نرجع؟
وردة : اي والله كلش تعبانه
لمس جبيني بقلق
نسر : الحمدلله ماعندج حرارة
اشر بعيونه على بطني بسرعة بعدت ايدي
نسر : توجعج؟
وردة : لا
قبل مايحجي كلمة نهضت للحمام ...بقيت صافنه
بنفسي رفعت لكيمونه واباوع البطني
وردة : اه...ولج وريدة صرتي أم؟!
رجعت خليت ايدي على بطني واخذت قلم تحديد
كتبت "هلو بابا" نزلت ملابسي وطلعت أيدي على
بطني
وردة : أميري...
لتفت
نسر : شبيج ترا تصرفاتج خوفتني احجي بيج
شي؟
هز راسه
نسر : لا...كولي والله ...يعني حامل؟
ضحكت
وردة : اي ...أي
بقى صافن بوجهي كأنه يحاول يستوعب.
نسر : لا... لا تشاقين؟
هزيت راسي وعيوني دمعت.
وردة : والله...
نزل نظره على بطني ورجع رفع عينه علي
بس فجأة حضن وجهي بثنين اديه وباس جبيني
نسر : جوري... صدك؟
ضحكت ودموعي نزلت.
وردة : شكله اكو ضيف صغير جاي
نزل كعد كدامي وحط ايده بخفة على بطني كأنه خايف حتى يلمس.
نسر : همم
وردة : استحي اكول حامل
لتفت
نسر : شنو حرام؟
وردة : لا هسه يكولون شبسرعة حبلت
نحنى باس بطني
نسر : مفعول قوي
ضحكت وضريته
وردة : لا استحي
نسر : لاتكولين خلي بطنج تحجي
وردة : اي
بعد يومين خلصت اجازته ورجعنا وهو طول الطريق خايف يمشي بمطبى واتأذه، قصدي طفل يتأذه
نسر : من كل عقلج؟
هزيت راسي
وردة : اي شنو اطلع وبطني كبرت
نسر : لج غير حامل
وردة : اي عيب اطلع هسه ناس تشوف بطني
وتكول شلون حبلت
عض شفته وضحك
وردة : ترا صدك
نسر : وشنو الحامل ماتطلع؟
وردة : بس للضرورة
نسر : عرس حبيب الروح هذا يعوف العروس ويجي
اذا ماترحين
نسر : اي والله بعدين تردين تخربين فرحت اخوج؟
هزيت راسي ونهضت لبست فستان ومكياج خفيف
شافني بتسم ولمس بطني
نسر : اوووف برزت علامة الجودة
وردة : أميير
نسر : شخليتي بأمير! حركتي
وردة : ترا ارجع
نسر : سكتت
ضحكت وصعدنا بعد العرس... كعدنا نختار الاسم
وردة : لا والله اريد اسم بي الله
نسر : مو ناذر اسمي على اسم الإمام علي عليه السلام
وردة :خرعتني شبيج!
نسر : اسد الله
فتحت عيوني
وردة : ها؟
بتسم ودك على طاولة يردد
نسر : اسد الله الغالب علي أبن ابي طالب، هذا لقب
من القابه وهم بي الله
مديت ايدي تصافحنه
وردة : متفقين ابو أسودي
ضحكنا وبدينا نجهز غرفت اسد الله من عرفوا الاسم
اكو وحدة تكول يمه شكبر اسمه
اخر يوم بالتاسع قرر يشرف اسد الله اني مجهزة كل
شي بس بدلت ملابسي وخليت تنت وأمير رتب شعري ومشطه وطلعنا وشرف اسد الله اخذته بأيدي وزنه
اربع كيلو و ابيض وردي
وفرحت امي وابوي مستحيل انساها ...طلعت من
المستشفى ثاني يوم طلعت امشي على طولي عمتي
كرصتني
وردة : ياا شبيج عمه!
مهجة : سوي نفسج تتوجعين احني ضهرج لاتنحسدين
وردة : هههههههه يااا ليش؟
مهجة : النسوان تحسد
وردة : يعني ذني الي يتونون جذابات؟
مهجة : مو كلهن بس يدللن غير ولدن!
وردة : لا مابية شي هو وجع ساعة الحمدلله
خلص
مهجة : لا يرادلج تعلوم
وأسد الله صار منو يشوفه يكول ماشاءالله رغم بس
حليب طبيعي.. وخطيه وجهه مثلي يتحسي من الحر الصيف كله خدوده تتفطر يكولن لان مدبدب وكل شهر ناخذه علاج، بس الشتا يرتاح بي ومن كد ما مدبدب
امير صار يدرب بي وهذا يضحك
كلها تكول أسد الله يشبهج بس اني اشوفه يشبه أمير
واخذ غمازته بس خفيفة أمير كلش واضحه وعيونه
سود على ابو
طفلنا الثاني كذلك اختاريت اسم بي الله وسميته
عبد الله واسد الله واخرهم جنة الفردوس بابا طار
بيها
ومرت السنين والضايعة لكت حضن يحتويها وصار
عدها
احلى عائلة ماصرت ام مثالية ولازوجة مثالية اصلاً
صوتي سابع جار يسمعه
مره اركض وراهم بالماسحه ودخل امير تلكو واني
وراهم وماحس نفسي له زلكت صاروا يضحكون
عليه
اجه شالني حاوطت ركبته
نسر : خو ماتأذيتي؟
وردة : تاذيت بسبب قرودتك اغسل ويقذرون
نسر : معليج هسه ادبهم
دخلنا وكعدت زعلانه منهم اجوا راضوني كلشي ولا
ازعل عليهم واكلهم لا اني امكم ولا انتم ولدي أسد
الله يكوم يبجي ويبوس بأيدي
بالليل اجمعهم بغرفتهم واحجيلهم قصص ورغم كبروا
بس لسه مينامون وتغمض عينهم له انام يمهم يله
حضني من بينهم وشالني مثل الطفل من بين اطفالنا
حاوطته وضميت راسي بركبته
نسر : ينطيج گلبج تعوفيني انام وحدي؟!
وردة : جؤ...بس تعبانة
نسر : اسويلج مساج تصحين
هزيت راسي وطلعنا منهم بهدوء
وقررنا نروح سفرة وناخذهم اغلب طلعاتنا اني وأمير
اعوفهم يم أمي ونطلع بس لان شتا وثلج وهم امنيتهم
يشوفون الثلج كال ناخذهم
وطلعنا اني وبيت اخو علي وكرار همَ وعوائلهم بقينا
عشر أيام
اكو منطقة قبل يوم نزل بيها وفر قررنا نروحلها وصلنا
لكينا بيها سياح وينزل وفر ابيض بخفه وكبار وصفار
تلعب بالثلج... الاولاد نزلوا يكمزون سويت رجل الثلج صغير فرحوا بي رجعنا نشمر على بعض
عيوني ثبتت على شخص واكف بعيد عن بين البياض لابس جاكيت أسود، وملامحه متغيرة بس مستحيل أغلط بيها
صوتي طلع متكسر
وردة : بـ.. باهـر!
واكف وساكت... بس عيونه علية كأنه يتفرج ؏ نجمة
بعيدة مايكدر يلمسها بس يتأملها من بعيد
حسيت الوقت توقف ورجع بية الزمن... المحطة مااريد
اذكرها واني اشوفه كدامي متأكدة هذا باهر بس متغير
هواي ...هواي متغير روحه ذبلانه والضحكه مخطوفه من وجهه
بقى ثابت بمكانه بس ميل راسه ويباوعلي بتعب كأن
يشكي بنظراته تسولف...
صوت ضحكاتهم
اسد الله : لقد رميتها بكرة الثلج!
عبدالله : خسرت المعركة
امير وياهم يضحك من شاف وجهي ختفت ضحكته
اجه بسرعة
نسر : شبيج حبيبي؟
رجعت عيني على مكان الواكف بي باهر ماكو ختفى
فتحت عيوني ...
وركضت للمكان اتلفت ماله اثر رجعت عيني ؏ اطفالي يلعبون ويضحكون
رجفت اجه لزم ايدي بقلق
نسر : شبيج؟
بتسمت هزيت راسي
وردة : ولا شي
ومالتفت.
مو لأن نسيت ولا لأن ماكان له أثر بس لأن مهما كان
الماضي يبقى ماضي والحياة تمشي وعيني هسه ؏ أطفالي...وكل همي تبقى ضحكتهم مثل هالثلج باردة على الوجع... ودافية بالقلب. قصص ماي
هوبس فمن قال إن الغرق يقتل دائمًا؟أحيانًا... يعيدنا لله، أنقى، وأقوى، وأصدق من كل الذين ظنوا أننا انتهينا.
وماعدت تلك الغجرية
ضائعة اعادها الله لعائلتها مكللةً بالعِزّ لا بالعار.
ألم اخبركم منذُ البداية أنها لستُ غجرية!
ـــ
ياهلا وغلا روزاتي 🤍
يحزني أگول خلصت قصتنا...
قصة عشت وياها بتفاصيلها، ضحكت وبچيت وكتبت
كل شعور وكأنه كدامي أتمنى حبيتوا القصة مثل ما أني حبيتها...
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
