رواية الضابط فهد ومريم الفصل الواحد والثلاثون بقلم مجهول
فهد: احمد خطب زينب مني
مريم: هناا اني انصدمت خير احمد شنو خطوبة شنو وليش شنو غايتة بهلشي وحتة زينب مجانت متوقعة هلشي ولاا جان عدهة املل صحيت من صفنتي وكلت
شدتحجي احمد ماغيرة لو دتحجي ع غير شخص
فهد: لاا مريم احمد نفسة
مريم: شلون وليش هوة مصارلة فترة قصيرة من فسخ العقد مالتة
فهد: مريم خاطب مزوج هلشي مو مهم المهم احنة نعرف احمد شنو بس احنة ماا مستعدين نضحي بيهة شنو غايتة من خطبهة هسة وهوة يحب غير وحدة معقولة بهلسهولة نسة حبة لو يريد ينتقم منهة
مريم: فهد اني هم خايفة من هذاا الموضوع يعني فجئة احمد يخطب زينب ماا معقولة
فهد: الله كريم امشي ننزل راح يجون خوالي
مريم: ماشي، راح غير ملابسة ونزلنة لكينة الكلل مجتمع ب الصالة وخوال فهد موجودين زينب كاعدة بحضن ابوهة ححلوة هلميانة بيناتهم سلمت عليهم ورحت للمطبخ حتة نجهز الاكل ونصب سويتهة دليمية اصيلة سويت 3 صياني زينب ودت السفرة فرشتهة واخذت المقبلات ول زلاطة واني وشهد اخذنة الصياني طبيت باوعت الفهد شفتة يباوعلي بنضرة تحذير ادري حتة ماا ادنك كدام الولد خزر همام وكام اخذ الصياني مني حطينة كلشي وكعدنة
همام: لكك هاي شنوو الدلال خالي لو هيج النسوان لوو لتزوجون
فهد: مو جنك رحت زايد حبيبي
مريم: الف عافية
همام: شوف اتعلم عزيزي بس فالح ترزل ب العالم
فهد: شلون راح اكوم افلش وجهة البرتقالي
همام: عزيزي تغار لائن اني ابيض وانتة اجلح
افراح: دشوفة هذا الاملح شلون سمارة يخبل انتة وين عندك ذوق
همام: اسكتي الزركة ام الاذواق
ابو زينب: نعمة الله كدامكم حرام اكلو بدون لغوة زايدة
زينب: صح لسانك حبيبي
همام: خوش سكتنة بوية
مريم: شبعت وكمت همة ضلو الضاهر عجبهم رحت للمطبخ خدرت الجاي وجان اكو مواعين غسلتهن شوية واجتي زينب وشهد جايبات المواعين ابتسمت بوجه زينب فرحانة الهة وخايفة عليهة بنفس الوقت لائن محد متوقع هلشي كلت رحت وكفت يمهة وحجيت
من نكمل رايدتج بشغلة مهمة حييل
زينب: اكلج انتي ماخلص من مشاكلج مخلفتج وناسيتج اني
مريم: ضحكت عليهة وحجيت، اذا تعرفين شنو الشغلة تكومين تبوسين ادين ورجلين
زينب: يمة عزاا حمستيني يلاا كملي ضهري كام يحكني
مريم: هههههه ع كيفج يجوز ماحجيلج
زينب: ايي غير اشكج شك
مريم: عزاا انجبي ليفلت لسانج هناا ترا احنة ب المطبخ زنيبة
زينب: وذاا حجيت اليحجي اشكة هم
مريم: اوف من لسانج، كملنة المواعين صبينة الجاي اجة همام اخذة
همام: يلاا يحلوات انطوني
زينب: اكول همام عادي نطلع حباب يححلو
همام: واني شدخلني يعسلل انتي
زينب: چاا غير انتة الضلع والسند والروح والرية انتة اطلعنة
همام: كافي عاد لواكة عود افكر
زينب: اوي حبيبي الي ميرفض طلب الاختة
همام: اروح فدواا الهة شعندي غيرهاا
مريم: عادي تاخذ الجاي برد وشيخلصني من بسامير افراح الله يرضة عليك ابو الغزل عود بعدين
همام: حقج ولله حقج
زينب: وهسة كملنة طيري الجاي من يومنة اليوم امشي نروح نكص ب العالم وتحجيلي شتريدين
مريم: نكص ب العالم شنو لاا عفية اني اخلاقي متسمحلي
زينب: مريم امشي كدامي احسلج مو وكت فهاوتج هسة ليشوفج تحجين هيج يكول رجلج مؤذن مال جامع
مريم: شدخلج برجلي يروحولة فدواا كلهم
زينب: اشك ملابسي لوو تمشين كدامي
مريم: عزاا هاي شخبلهة، سحبتهة ورحت للغرفة
زينب: فضيني يلاا
مريم: يعني شوو ماكو حماس
زينب: مريم راح اصيح فهد اخلي ياخذج ويصعد فوك اكلة مريم تنتضرك
مريم: يمة جذابة اكعدي الله يعين احمد عليج ،انتبهت الجفصتي وضحكت
زينب: احمد شنو مريم شدخلة بية
مريم: اي مو شسمة احمد خطبج من فهد اليوم من طلع
زينب: حجت مريم وحسيت طابوكة ونزلت ع راسي انخبط شعور فرح وخوف وصدمة خطبني شنو هاي شدتحجي وليش حتة يخطبني وهوة يحب خطيبتة شيريد مني يا اللهي
مريم الله يخليج خطبني شنو لييش خطبني
مريم: محتاجين حايط للبيت وخطبج يعني شيريد يريدج انتي
زينب: وليش يريدني هوة ميحبني يحبهة الهة ليش حتة بخطبني هسة اكيد يريد ينتقم مني ع الصار بسببي اني ماعرف شنو بداخل الاشخاص حتة لو احبهم بس اني اذيتة وخطيبتة عافتة من ورة الصار بسببي
مريم: زينب يحبهة الهة هية تخلت عنة ب اصعب ضروفة وعيرتة بمرضة انتي الي وكفتي وياا مو هية شفايدت حبة الهة وبعدين اذا الله عوضة بيج شنو المشكلة عبالج احنة ما انصدمنة وخفنة من هلشي مثلج بس بعدين فكرت واقتنعت انتي اخذي راحتج ب التفكير محد يجبرج ع شيي
زينب: عوفوني افكر
مريم: اكيد عمري اخذي راحتج ب التفكير
زينب: نشالله، كلتهة ونزلت دموعي
مريم: هسة لييش البجي مو هذا احمد الحبيتي سنين واحمد الي تعذبتي وشفتي الويل من ورة حبج الة انتي تحبي زينب لتضيعين حبج من ايدج هسة مسحي دموعج وافرحي تستاهلين كل الفرح وربي
زينب: احسج اختي الجبيرة هيج تنصح اختهة بخطوبتهة وتفرحلهة
مريم: اكيد اكثر من اختي انتي ،بعد ماا حجينة وهدت شوية طلعت رحت للصالة فهد ماكو وامير من يوم الرزالة مارفع عينة علية هيج بشر ميجي غير ب الاهاين والزرايل
صعدت فوك طبيت للغرفة فهد جان نايم وشايل التلفون ابتسم لاا مستحيل ويامن ديحجي هذا رحت وكفت فوك راسة وجتفت ادية انتبه علية وحجة
شبيهة شرايين كلبي
مريم: اني شرايين كلبك وهاي الي دتحجي وياهاا مصارين بطنك موو فههد تخونيي
فهد: مريمي
مريم: عيونهاا
فهد: اروح فدواا لعيونهاا اني اعقلي بوية
مريم: اوف منك تمام عقلت ابقة خوني ابقة اصلاا عادي اني ماهتم
فهد: ايي بوية ادري بيج متغارين بس هية تغار
مريم: فههد منوو هية منوو احركهة واحركك فهد تفهم لو لاا
فهد: منو كال ماا اغار
مريم: فهد كلبي موحملل وجعع الغيرة ويامن دتحجي، حجيتهة وعيوني غوركت ب الدموع اذا شغلة تخص فهد وبمجرد تفكيري وحدة غيري تشاركني بي اتخبل وجعع كلبي جبلل ميحملة
فهد: مريمي الله يشهد هذا عماد بوية شوكت تبطلين سوالف الغيرة والنكد
مريم: من اموت تمام من اموت
فهد: اكوم اشك حلكج ام السان لجيبين طاري الموت
مريم: عادي اباوع وياك
فهد: تراا مكاعد اباوع توم وجيري
مريم: فههد سويلي مكان بسرعة ،ضحك وسوالي مكان كعدت يمة وحطيت راسي ع جتفة وهوة يراسلل واني مندمجة اريدلي سبب حتة اعاركة احب اتعارك وياا شسوي
فهد: ترا عماد راح يفلت لسانة ويكوم يفشر غمضي عيونج
مريم: ايي خلي يفشر تريد افشر وياكم ماكوم يلاا كملل
فهد: تعاي تعاي شو انتي لسانج فالت هلايام
مريم: مو شسمة هاي زينب علمتني شعلية اني
فهد: ايي خطية انتي ماعندج هيج سوالف الصوج بزينب
مريم: اكلك تعال تعال انتة مو تفشر وية عماد شدخلك بية اني وزينب
فهد: عييب بوية بعدج صغيرة
مريم: بعد وصغيرة هم انتة مكتول قبل
فهد: لاا
مريم: تريد تنكتلل موو
فهد: مريمي
مريم: شيخي
فهد: شلون راح اكلهاا هية وخدودهة
مريم: فهد ليش دتتصرف هيج وياي وتحجي هيج انتة متحبني
فهد: مريمي احبج الله شاهد احبج ولله احبج فوك الحب الف حب انتي الشعور الححلو بحياتي حبيتج انتي وزعلج ونكدج وغيرتج وخوفج علية انتي مريتي ومتحلالي غيرج مرة لو علة كص ركبتي شرايين كلبي انتي وعيوني الثنين
مريم: من نطقهة انصدمت ركزت بكلامة واحس نفسي اريد اطير الكاع ولغرفة كلهة صارت متوسع فرحتي هوة مو اول مرة يعترفلي بس جانت محادثة وجنت مفكرة انو هوة خاف ع نفسة من عذاب ربة وحجة هيج بدون مافكر شمرت نفسي بحضنة صرت اضحك بصوت عالي وابجي دموع الفرح هااي ماكوو احلاا من شعورهة صار يمسح ع شعري ويهمس بكلمات تهديني وخرت من حضنة وصفنت بوجهة وحلكي يريد ينشك من الابتسامة ضحك وكال
ترا ادري بيج تحبيني بس عادي اذا كلتيهة يعني
مريم: من الاخير احبك ونام لو اطلع برة المهم لتباوع بوجهي
فهد: هههههههه جعل محد غيرج يحبني مريمي
مريم: اني مو كتلك لتباوع بوجهي
فهد: ماسوي شي بوية عاقلل اني
مريم: شحدك حبيبي
فهد: تخافين اكل خدودج الصارن طماطة عراقية اصيلة قابلة للاكل بدون غسلل
مريم: تعريف هذاا
فهد:تكدرين تعتبري هيج بس هذا مخصص لخدود مريمي بسس
مريم: احبك من تكول مريمي
فهد: واني احبج بكل حالاتج مريمي
مريم: يروح مريمك
(اكول اطلعو برة يلاا شتريدون انوب متكولون عيب )
'''''''''''''''''''''''''''''''''''''''''''''''''''''''''''
زينب: طلعت مريم كبل اخذت التلفون طبيت لحسابة وكتبت
ممكن افهم شنو غايتك من السمعتة
ضليت انتضرة يرد ع نار نص ساعة تقريباا ورد
احمد: ليش تصرفي شنو الغاية بي يعني ميصير احد يتقدملج بشرع الله
زينب: احمد مو هذا قصدي انتة تعرف وكلنة نعرف انتة متحبني وبكلبك غير انسانة ادوس ع كلبي وماعيش هاي العيشة ماا ناقصني شي حتة اعيش وية انسان يحب غيري ويفكر بوحدة غيري
احمد: اذا بقت معزة الية بكلبج ولو شوية لجيبين طاريهة هلانسانة اني ماسمح النفسي احبهة ولاا تستحق شخص يحبهة جنت كللش مخدوع بكلماتهة ماجانت تبين وجهة الثاني الحمدلله الله يحبني ومارادني اتعذب
زينب: وليش اني ب الذات
احمد: تعلقت بكلماتج صرت اعيدهن مرات متنحسب واصفن بكل كلمة مادري ليش اسوي هيج بس مدافكر بشي غيرج انتي وكلماتج زينب بشنو احلفلج ماعندي غاية اريد ارتاح بس انتي الوحيدة الي حبج جان صادق الي رغم كلشي وكفتي وياي بوكت الانسانة الي تسجلت ب اسمي حتة لو بس ب الشرع بس تخلت عني وانتي رغم كلشي عشتي بسببي ماحقدتي علية ولاا كرهتيني لهذا السبب ردتج تصيرين حلالي
زينب: تدري ليش ماحقدت عليك ولاا كرهتك لائن انتة ماجان عندك علم بمشاعري ولاا جنت تباوع بعيوني اصلاا بس الحادث الصار كشف كلشي
احمد: تدرين صرت احب هلحادث
زينب : احمد ماكدر انطيك جواب هسة
احمد: براحتج فكري براحتج وماا اجبرج ع شي مهمى جان جوابج تبقين عزيزة علية واذا لاا سامح الله جان ردج رفض اعتبرج مثل اختي ومشوفين وجهي بحياتج
زينب: اختة شنو هذا شبي شو يمسلت ولله يالله اختي انوب علية هية هاي العايزة
ع كيفك اخوية تراا ماحب الرسميات اذا تتصرف هيج وياي تحلم اوافق كلي انجبي ولتكلي اختي
احمد: انجبي
زينب: چاا خوش انتة هم انجب
احمد: شوو ذبيتي ميانة بسرعة
زينب: اووي لعد شتريد اني هيج خلي اكلك من هسة فد وحدة تافهة واضرب خاف تكول غشوني وماا كلولي
احمد: احب العناد
زينب: راح اكرهك بي
احمد: يعني راح توافقين
زينب: مو بسهولة وهسة اريد اطلع من رخصتك
احمد: وين خاتون تدرين الساعة شكد
زينب: حسافتهة الفجر اوي انتة شعليك #ڪــڔٰا̍ڕ
احمد: هوة صدك مالي حق ادخل هسة بس اضملجياهاا
زينب: اي الله كريم
احمد: ويامن راح تطلعين
زينب: وية حبيبي
احمد: زينب لتخليني اجي اجنزج هسة احجي عدلل
زينب: هاي شبيك ولله داحجي صدك ،شاف الرسالة وراح يمكن صدك هسة حتة اذا يريد يتقدم راح يبطل هية هاي سوالفج زينب بس اني احب همام شعندي غيرة هذا سندي وماجذبت كمت بدلت حطيت مكياج خفيف وطلعت من الغرفة مريم جانت فوك اكيد متطلع فهد ميقبل يخاف من الوضع رحت يم بابة كعدت يمة وبست راسة وحجة
ابو زينب: وين رايحا اميرتي
زينب: مرايحة لمكان بعيد وية همام
ابو زينب: محتاجة فلوس
زينب: لاا يعمري ولله عندي متقصر
سميرة: همام وليدي ديربالك عليهة
همام :عبالي راح تكولين ديربالك ع نفسك
سميرة: ولكك انتة شوكت تبطل سوالفك انتو كلكم نفس المعزة
علي: كلكم لوو بهارات
همام: هههههههه هاا لكك ماا عرفتك
سميرة: ماكو فايدة
سيف: اكوم افلش وجهك اكو واحد يصنف ع امة عبرتو كل مراحل التفاهة تراا
همام: تفاهة لوو برتقالة
سيف: همامم اطلع يلاا ادبسز
ابو زينب: يولد شبيكم صدك تحجون همام اخذ زينب يلاا تاخر الوقت ولتتاخرون
همام: نشالله يابة يلاا كومي بعد اخوج
زينب: كمت يبعد اختك وتكلولي ليش تحبين همام
علي: محد كلج لحالج تحجين من يمج
زينب: علساس يقصف العريس
همام: امشي ذولة مو وجوه نعمة
زينب: ضحكت ع سوالف همام وطلعنة دنمشي وشفت احمد واكف ب الباب همام شافة ولزم ايدي وضمني ورة ضهرة عبالة راح يسوي شي لوو يغلط سلم ورلة السلام احمد ومشينة وهمام بعدة لازم ايدي
تراا مياكلني اخوية
همام: زينب للحذر
زينب: ضلينة نمشي ونقلد ع العالم رحنة للمرطبات اكلنة شكو شي هناك وطلعنة ضلينة نتمشة صارت الساعة 11 صرنة بعيدين عن البيت اخذنة تكسي ورجعنة للبيت طبيت البيت هدوء لكيتهم فارشين كلهم سوة بيبي ومامة سميرة وافراح وخالة طبيت وكامت بيبي
الحجية: ولجج مدهورة وين جنتي بهليل صايرة دايحة هيج ربيتج اني
زينب: لاا بيبي بربج يعني انتي ربيتيني
الحجية: لازم ماا عاجبتج تربيتي ولجج زنيبة
زينب: لاا بيبي ونعم التربية لييش هوة اكو مثل اخلاقي
افراح: كامت تتباها اكول طفي الضوة وطلعي نريد نام
زينب: ايي باجر جمعة اكعدي بوقت لائن تدرين بنفسج قردة ومحد راح يساعدج والعاقلل يفهم
افراح: ديلاا نشوف منو يساعدج انتي
زينب: افاا الكل يساعدني وبعدين منو كلج احتاج اصلاا حياتي اني نضيفة بكل الاوقات
سميرة: يمة زنيبة الله يرضة عليج روحي لغرفتج بيبيتج تعبانة تريد تنام
زينب: لخاطرج بسس هلمرة سماح ،رحت لغرفتي بدلت وغسلت ورحت مددت كللش تعبت من المشي فتحت تلفوني شفت رسائل من احمد جان كاتب
احمد: هوة همام الكلتي علي حبيبي بس تدرين بعيداا عن كلشي حقج شفتة شلون ضمج ورة ضهرة ولخوف جان بعيونة
ضحكت علي وفرحت لائن فهمني ،كتبت
ماجان خايف منك جان خايف علية حتة ماضوج وانهار ب الشارع وترجع ايامي الي تخطيتهن او ماتخطيتهن لحد هاي اللحضة
احمد: زينب انتي تحبيني شنو اليمنعج
زينب: حجيتلك احمد والمفروض انتة تعرف بدون ماحجيلك شنو المانعني
احمد: صدكي زينب ماعندي غاية ب الموضوع ماعندي خوات اضحك ع بنات الناس اني موهيج زينب اكبر غلط تفكرين بية هيج
زينب: احمد موبيدي كلشي صار كدام عيوني شتريد اسوي
احمد: حقج فكري براحتج ومازعلل من جوابج التشوفينة صح اختاري
زينب: شكراا لائن افتهمتني احمد
احمد: ماسويت شي هاي حياتج وانتي حرة روحي نامي اكيد تعبتي من المشي
زينب: اي ولله تكسرت وراية عرس
احمد: ياريت احنة جنة مخطوبين قبلل عرس علي
زينب : وليش يعني
احمد: اكوو حجي مالي حق احجي هسة روحي نامي والله كريم
زينب: تمام براحتك
احمد: تصبحين ع خير يوجه الخير
زينب: وانت بخير يلخير نفسة
سديت التلفون واني اول مرة احسس هنيالي اول مرة احب حياتي احمد الي راح مني رجع رجعلي وتقدملي هم صدك القسمة فوك كلشي اذا الله كاتبلج هلشخص راج يرجعلج لو بعد خمسين سنة الانسان الي نكسرت ورا وتعذبت بخطوبتة معقولة يصير خطيبي مافكرت بشي سلبي ابد كبل نمت بدون تفكير نمت وانيي فرحانة
'''''''''''''''''''''''''''''''''''''''''
مريم: فهد ناام راح اهج
فهد: زين باوعيلي وانام
مريم: ماباوع حتة تعيد سوالفك انتة جذاب متحبني
فهد: ام خدود تفاح وينهن شتاكيتلهن
مريم: اريد انام تعبانة فهد راح اروح انام يم خالة
فهد: شتعلو اهلل خالة نامي بوية حقج
مريم: نمت بدون مافكر مثل كليوم هلمرة اطمنت ع مستقبلي وكلبي برد من ناحية كلشي كعدت لصبح مادري شكد جانت الساعة فتحت عيوني اجتي كبالي عيون فهد يباوع علية
شبيك صافن مشايف حلوين
فهد: لاا مشايف هيج جمال
مريم: عوفني ارجع انام وكوم اطلع برة
فهد: اني كضيت حياتي وياج عبارة عن اطلع برة بربج مو يضحكون علية الاحقق وياهم اذاا يدرون مرتي تطردني من الغرفة
مريم: ايي ومتعوفهم يضحكون شتريد منهم
فهد: مريمي متريدين شيي موو
مريم: لاا شنو شبيك اكتلهم شعلية اني بس عوفني انام حييل تعبانة
حجيت هيج واجة تفحص حرارتي تغيرت ملامح وجهة
فهد: مريمي مصخنة ليش تسبحين وتنامين وشعرج مي يعني تمرضتي فلاونزة شلون وياج
مريم: فهد شبيك يعني شنو هية فلاونزة لتكبر الموضوع
فهد: اخاف يتعب كلبج مريم كلشي ياثر
مريم: كلبي يتاثر من التعب ولقهر تدري
فهد: اسم الله عليج منهن زين كومي اكلي حتة تاخذين علاج
مريم: ماكدر اتحرك ماريد شي هسة اصير احسن من انام
فهد: كلمة وحدة ماريد رايح اجيبلج اكل
فتحت الباب لكيتهة كاعدة ب الكاع وساندة راسهة ع الجرباية
