رواية أحببت من لايبالي الفصل الواحد والثلاثون بقلم مجهول
زين : انصدمت بالي شفته ... براء ساجده باتجاه القبله وبس صوت بجيها مسموع ... منظرها هذا خلاني اكرهه روحي بالزايد .... براء حبيبتي شجاي تسوين
براء : كامت من مكانها فازه ... تباوعله ودموعها ينزلن .... اديها يرجفن من الخوف ... شكد جانت تحبه بس بعد الي شافته صار زين مصدر خوف بحياتها .... اشرتله اطلع
زين : طالع لاتخافين ... بس اجيت اخذ ملابس واطلع ... والله مااسويلج شي ... دخلت للغرفه اخذت ملابس لروحي وطلعت
براء : كعدت بالصاله تبجي ... ياربي شوكت ارتاح تعبت بعد مااكدر اتحمل الهي انت تسمع الي بكلبي ... ليش هيج ديصير بيه واني الجئلك بكولشي ... تحس روحها اختنكت لا تكدر تصلي ولاتكدر تقره قران وهذا اكبر عذاب الها شلون تكدر تفرغ الي بداخلها ... توجهت للقبله ساجده ودموعها ماوكفن ... تناجي ربها بكلبها ... جانت اكو مقوله للامام علي (عليه السلام ) ... بما معنى ... انو اذا تعبتو من شي وتردون تشكون لله .. سجدو باتجاه القبله حتى وان بدون صلاه بس اشكو لله الي بكلكم راح ترتاحون شويه ( شغله مجربه ) .... لان الله ماخله الصلاه بس للعباده خلاها حتى يجتمع العبد حامل كل الي بجوارحه من اللام واحزان ويه ربه شاكي ورايد المساعده منه .... ضلت فتره على هالحاله وكامت ... تمددت ... ورجعت تصفن بلاشي
______________
زين : كاعد بالصاله وايده على راسه ... يفكر بحل يخلي براء تتراجع عن سالفه الطلاك ... ااه هذا التهور شوف شسوه بيك ... دك عليه ابويه مارديت مالي خلك احجي باوعت للساعه بالعشره بالليل ... كمت للمطبخ اشرب ماي ... اباوع طابخه ومخليه الاكل على الطباخ وعلى جهه مدري شمسويه ... اني مااستاهلها بس مااعوفها ... تذكرت هي من الصبح بلا اكل ... ادري بيها متاكل شي ثكيل بالليل ... سويتلها شوربه وصعدت فوك ... فتحت الباب ودخلت للصاله خليت الاكل على الطبله دكيت باب الغرفه وطلعت
براء : سمعت صوت دك على الباب ماكمت ... رجعت سمعت باب الصاله تنسد كمت طلعت شفته خال صينيه بيها شوربه وخبر وكلاص ماي ... اخذت كلاص الماي ووخرت الصينيه متريد منه شي ... شربت من الماي شفتها مشككه ومورمه لان ضربها عليها كوه شربت شويه ... رجعت تمددت بالغرفه ... خلص اني
اريد انفصل عنه كرهته وبعد مااريد المح خياله كدامي ادري بي ميخليني اطلع هسه بس خلي تصيرلي فرصه ويحلم اخلي يشوف وجهي بعد ... ضلت فتره .. ساعه تعاتب ساعه تبجي ساعه تتحلم لحد مانامت
_________________
الساعه 11:00 صباحا
زين : نايم واسمع صوت الجرس ... ماكمت البارحه الساعه بالسته الصبح نمت
جهاد : وين المفاتيح اطيني ياهن مريم خلي افتح الباب الواضح الجماعه طالعين
مريم : اي اليوم احد اكيد بالدوام قابل بالبيت
جهاد : اي والله نسيت ... فتح الباب ودخلو ... شافو زين نايم بالصاله ستغربو ... زين شعده نايم هنا
لؤي : زين زين يمعود اكعد
زين : هاا كعد ... الحمدلله على سلامتكم
مريم : حسها كلبها وضع ابنها ماعجبها ... شبيك يمه صاير شي
زين : كام لا ماكو شي
جهاد : اوكف
زين : بنفاذ صبر ... نعم
جهاد : شبيهن عيونك
زين : مابيهن شي من رخصتكم ... صعد ودخل للغرفه ... صارت عينه عليها نايم بدون غطه ومحاوطه نفسها ... تقرب غطاها ودنك بايس راسها ... اخذ ملابس طلع بدل بالصاله ونزل
جهاد : وين رايح
زين : للدوام
حسن : الساعه بال 11 هسه شعدك رايح شنو داوملك ساعتين وترجع خليك باجر عود داوم
زين : لا خليني اداوم من رخصتكم اخذ مفاتيحه وطلع
قصي : شبي هذا
سجاد : ابد ماعجبني وضعه
جميله : زين براء وينها
جهاد : خلي تصعد وحده
جهاد : خلي تصعد وحده تشوفها موجوده لو بالدوام
نجمه : اني صاعده ... صعدت لغرفتهم دكيت الباب اكثر من مره محد ... دخلت الغرفه صنته ... دخلت لغرفه النوم شفت براء نايمه وظهرها الي ... رجعت سديت الباب ونزلت
مريم : هاا
نجمه : موجوده بس نايمه
جهاد : جاا شبي زين يتهرب لا ونايم بالصاله
دارين : خاف متعاركين
خوله : شبيكم خبصوتنه كل واحد يطي تخمين شكل تلكون الولد نزل يشتغل جوه واخذته النومه كافيي سدو الموضوع
مريم : الولد راحو يرتاحون واني والبنات دخلنه للمطبخ نسوي الغده
شمس : خاله هذا اكو اكل على الطباخ حتى مبين ما ماكول منه شي
مريم : خوش خلي على نار ناصيه واني راح اسوي مطبك جزر على جهه
جميله : خوش بدينه نسوي الغده واني بالي يم براء ابد مامرتاحه ... مرت ساعتين كملن الغده
براء : كعدت الساعه بالوحده ... كامت غسلت وجها ... بس ذبت مي عليه متكدر تلمسه من الالم ... وكعدت
مريم : روحي كعدي براء يمه كليلها خلي تنزل تتغده
نجمه : صار ... صعدت دكيت الباب
براء : عبالها زين ... كامت قفلت الباب
نجمه : شبيج براء ليش قفلتي الباب
براء : عرفتها نجمه فتحت الباب
نجمه : دخلت من صارت عينها على براء ... شهكت ولج هاي شبي وجهج
براء : دمعت عيونها
نجمه : اجتي تنزل تكللهم ... لزمت ايدها
براء : اشرتلها اوكفي
نجمه : عوفيني دفعت ايدها ونزلت تركض لكتهم كاعدين على الطاوله
جهاد : شبيج بابا
نجمه : بابا براء مااعرف شبيها وجها ماينشاف من الزراك واحاجيها ماتجاوبني بس تبجي
جهاد : خير ياستار .... كمنه كلنه صعدنه وره نجمه دكينه الباب ودخلنه لكينه براء كاعده بالصاله ... بنتي
براء : رفعت راسها .... باوعلولها ... الكل انصدم من منظرها
جهاد : بقلق .... شبيج بابا شبي وجهج منو سوه بيج هيج
براء : اشرتله على الحلقه
جهاد : زين ؟
براء : هزت راسها باجيه
مريم : ولج يمه احجي زين ضاربج هيج
براء : هزت راسها
لؤي : احجي خويه
براء : اشرتله على بلاعيمها ونفت بايدها
سجاد : ماتكدرين تحجين
براء : هزت راسها
جهاد : تعاي بويه سولفيلي ليش راح صوتج وليش هالحقير ضاربج هيج
براء : تباوع بالوجوهه شتحجي شتكول
مريم : حضنتها ... حبيبتي حاولي توصليلنه الموضوع شصار بيناتكم حتى هيج تهجم عليج زين لاتخافين احجي اني امج وفنه الي يمسج
براء : اخذت الورقه والقلم كامت تكتب انطته لجهاد
جهاد : زين اجه من الشغل جرج للمخزن وضربج زين ليش معقوله بدون سبب
براء : كتبلته كلشي ودموعها ماوكفن شكلها يكسر الخاطر كملت وانطته اله
جهاد : قره المكتوب ... ضل صافن ميعرف شيحجي ميصدك زين يكدر يسوي هيج شي ببشر لا وبمرته ... اخذ الموبايل داك عليه
زين : الوو
جهاد : بظرف ربع ساعه اذا ماالكاك كبالي اتبره منك وروح ابويه
زين : شبي...
جهاد : بعصبيه ولا حرفف هسه تجي
زين : جاي جاي
جهاد : باوع لبراء ... الغلط منج انتي بالبدايه ليش ماكلتيله حسين يجيج للمدرسه ويتحارش بيج انتي بتصرفج هذا خليتيله مبرر لتصرفه
براء : كتبتله خفت اكله وتصير مشكله
جهاد : علساس هسه ماصارت مشكله ... دشوفي شمسوي بيج يامن كسر بايده انتو اغبياء ثنينكم انتي غبيه وضميتي عليه موضوع ماينسكت عليه وهو متسرع ومتهور ماطاج مجال تفهمي كبل طلع خبالاته عليج
قصي : يابه لو شما تسوي مامن حقه يضربها هالضرب شنو حيوانه عده ومن اكلكم زين عنفواني اكثر من اللازم تزعلون
سجاد : قصي مو وكته هالحجي اسكت لخاطر ربك
حسن : براء لاتزعلين مني بس الغلط من اوله منج ليش ماكتيله وانتي تدرين بطبيعته شكد صعب وعصبي شلون تتغاضين عن الموضوع وتلغين وجوده
عن الموضوع وتلغين وجوده ولاكان هو مسوؤل عنج ... عوفي هو مافكرتي حسين يخطفج ياذيج يسويلج شي موزين لاسامح الله تتوقعين لو صاير بيج شي من وره حسين جان زين راح يسكت وحق ربج يسويها دموم انتي ماتعرفي زين ... تره اذا صار عصبي يتصرف تصرفات تحرك ألاخضر والياس
قصي : شو دكست انت ... دومك واكف وياا بالغلط والصح
حسن : ماوكفت وياا هو غلطان من ساسه الراسه بس الغلط الاول من براء ليش ماكلتله
قصي : وهو يعني ماعنده ثقه بيها حتى بس يسمع كلام لو يشوف صوره ينكلب هالكلبه جاا وين الثقه عود هاي يحبها جاا لو يكرهها شيسوي
لؤي : انت هيييي لاتخلي زيت على النار سد حلكك واسكت تره جاي تعقد الامور فوك ماهي متعقده
جهاد : كافي سكتو خلي يجي الشفيه اخوكم وبعدها نكعد نتفاهم
براء : اباوعلهم كلمن ينطي اقتراح حتى يحل المشكله ميدرون اني وزين وصلنه لطريق مامنه رجعه ... اخذت الورقه كتبتله .... خالو اني تعبت وبعد مااكدر اتحمل واصلا ماله داعي تخابر زين كل الاريده منك توصلني لبيت اهلي همه غصبا ماعليهم يتحملون مسؤليتي وبس اريدك تكل لزين يطلكني ويعوفني بحالي اني مستحيل بعد اكدر اكمل وياا ولا حتى اباوع بوجه زين بعد الي صار طلع من كلبي وكرهته واذا صدك تعتبرني بتك تخلي يطلكني بدون مشاكل ... اباوع لخاله مريم طول مااكتب هي تبجي اشرتلها تطي الورقه لخالو جهاد ... اخذها منها
جهاد : والله يابنتي شما تحجين حقج بس حرام تسوين بي هيج وانتي تدرين بي يحبج ... دخلي يجي ونتفاهم وانتي على شنو تصفين اني وياج
براء : نفت كاتبتله ... لا خالو قراري مابي نقاش زين عاملني معامله بت الشارع متقبل تتعامل بيها ... الله يخليك وديني لبيت اهلي مااريد اشوفه
لؤي : خويه الله يخليج بس خلي نتفاهم وياا وساعتها اني اخذج بايدي
خوله : اكلكم فهموني تره اني كاعده مثل الاطرش بالزفه ومنو هذا حسين
قصي : سمعي بيبي
جهاد : خزره
قصي : تره انكشفت كل الاوراق ماله داعي نضم سمعي ... سولفلها كلشي
خوله : يمه الله لايوفقه اكو واحد يطعن بعرضه
دارين : انصدمت ... معقوله كل هالشي يطلع من هاي ام شبر ونص .... ومنو كال كلام براء يجوز تجذب يجوز جان كل هالحجي صحيح وهي جانت عدها علاقه ويه ابنها وزين ستر عليها
خوله : دنجبي انجبي واحد يفكر بالعقل خو هي اذا عدها علاقه وياا ليش ترفضه من يخطبها شغلي لدماغج المجيم
جهاد : اشر لقصي بمعنى بسيطه ... ك ... دخل زين
زين : يباوع بالوجوهه ... لحد مااستقر نظره على حبيبته الي واكفه على جهه ودموعها ينزلن
جهاد : ياهله بالدكتور المثقف والعاقل ياهله بابو الشهادات العاليه ياهله بالصايم والمصلي الي يعرف الله
زين : لارد ... عرف براء سولف الهم كلشي واصلا ميلومها
جهاد : شو ساكت ليش ماتحجي تعال خلي ناخذ نظره على انجازاتك وقدراتك بالضرب ... جر ايده شوف شمسوي بمرتك شوف وجها باوعله شلون مورم من الضرب
زين : يابه اعرف اني غلطان بس ماكدرت اسيطر على اعصابي
جهاد : بصياح والله دنعل ابوك لابو اعصابك لك انت شايف روحك شمسوي بيها ماخلي بيها مكان صاحي ... لك شهل الهمجيه هاي انت مريض شلون تكدر تضرب مره بهالقسواه
زين : بعصبيه يابه ادري بروحي حيوان وطايح حظ بس انت خلي روحك بمكاني جنت راج للبيت واجاني اتصال يبلغني بشغله انتظر شويه تجيني صور مرتي واكفه ويه ابن عمها الي دمرها بمكان بعيد عن المدرسه شتتوقع بهالحاله شسوي واني اشوف مرتي واكفه ويه واحد اضحك لو اتقبل هالشي برحابه صدر
قصي : ومنو كال الصور حقيقه يجوز مفبركه
زين : بصياح قابل الحرس يفبركون الصور الي دزولي الصور جماعتنه اكيد ماراح يفبركون شي قابل شعدهم وياها حتى يفبركولها
جهاد : ضم اديه ... وجماعتنه شعدهم يم مدرسه مرتك
زين : زفر باخر فتره ماعجبني وضع براء كل مااخذها من المدرسه الكاها كالبه وجها لو تبجي حتى من ادخل فجاءه للغرفه الكاها تبجي احاجيها ماتقبل تجاوبني لو تسد الموضوع خفت عليها فخليت الحرس يراقبوها ... بظرف اسبوع دزولي الصور والمشكله لا مره ولا ثنين كل يوم يجي لمدرستها ولامره فكرة تكلي
جهاد : وشنو الخلاك تتندم فجاءه مو انت تكول الصور صحيحه
زين : هذا شي مااكدر احجي عنه بالوقت الحالي ... بس كل الاريده هسه براء تهدئ وتسمعني اني مااريد منها بس خلي تطيني مجال احجي وياها ادري مااستاهل فرصه ثانيه ... بس اريد منها عشر دقايق بس احجي وياها
جهاد : باوعلها ... تاشرله لا وتكررها اكثر من مره .... زين براء تريد تطلك منك تكول لهنا وانته كلشي بيناتنه وقرارها غير قابل للنقاش .... واني هسه راح اخذها لاهلها ... ومن باجر تمشي باجراءات الطلاك
زين : انصدم ... مستحيل
_____________
بيت غيث
محمد : كاعدين نشرب جاي ... وابويه اجاا اتصال
غيث : الوو ... هله خويه شلونك ... خير صاير شي .... صدك تحجي وهسه وينه ... جايك جايك
محمد : خير بابا شبيك
غيث : ابن عمك بالمستشفى لو نلحك عليه لو لا
محمد : كام دفهمني شعنده هناك شبي
غيث : مااعرف منو ضاربه مكسره تكسر ومزيني وذابي بباب بيته بهالبرد ولد الحرام
محمد : مباشرتا اجه على باله اتصال زين ... بكلبه ... لا لا مستحيل .... زين مو عنيف لهدرجه حتى يسوي هيج بحسين يجوز مجرد صدفه
ناديه : اللهم لاشماته ... كما تدين تدان والله مو غافل عن عباده
غيث : انتي مشمته
ناديه : لا طبعا ليش اشمت بس اكول الله ماغافل شتسوي تتحاسب عليه حي على الصلاه
محمد : يمه سكتي لاتسوين مشكله مالنه خلك لسان ابويه
ناديه : وعليمن اسكت ... دصبر وشوف جاي السره الهم واحد واحد وياخوفي اختك وياهم
واحد وياخوفي اختك وياهم
محمد : صعد بدل بسرعه ونزل ... اخذ غيث وراحو للمستشفى ... وصلو ونزلو
غيث : خير خويه شبي ابنك
ابوحسين : والله حالته كلش صعبه الله لايرحمهم ملخي تملخ مامخلين عضمه صاحيه بي متكسر تكسر هاي من غير وجهه الي ماينشاف من الدم والضرب ولد الحرام حتى سنونه مكسريهن بحلكه
غيث : زين ماعرفتو منو او ليش مسوين بي هيج
ابوحسين : لاوالله ياخويه ... ذابي من البارحه بالليل بباب بيته والجوارين ملتمين عليه ومرته وامه راح يموتن من البجي
محمد : زين همه ليش ضربو هالضرب معقوله بدون سبب
ابوحسين : والله ياعمي مااعرف المهم عندي هسه يكون بالسلامه وبعدين عود اساله على هذوله السفله
محمد : ضلينه كاعدين يم عمامي شويه وطلع الدكتور
ابوحسين : بشر دكتور
الدكتور : والله ياحجي ابنك مكسر تكسر حتى خشمه مكسور بس الحمدلله تعدي سلامات لان جروحه اطيب مع الوقت بس يحتاجله عنايه خاصه واهتمام شديد حتى يرجع مثل قبل واحنه هسه سوينه الى علينه وانشالله الشفاء يكون عاجل لابنكم
ابوحسين : رحم الله والديك دكتور ماقصرت
غيث : شكرا دكتور
الدكتور : الشكر لله عن اذنكم
ابوحسين : اكلك خويه خابر رجل بت الدكتور خلي يجي يشوف حالته مره ثانيه اني سامع بي خوش دكتور
غيث : خويه زين يشتغل بغير مستشفى مو هنا
ابوحسين : لو ادري ماخذه هناك على الاقل عدنه معارف هناك لابد يساعدونه بالتكاليف بالاهتمام
محمد : بكلبه ... والله مصيرلكم جاره لو شما يسوي الله بيكم
_________________
زين : مستحيل ... من سابع المستحيلات اطلكها
دارين : البنيه ماتريدك هي كوه عوفها بحالها انتو مامتفاهمين انفصلو وارتاحو
زين : بصياح انتي اكلي تبن ولا تدخلين
جهاد : ابني دخليني اخذها جم يوم يم اهلها خليها تهدئ ولكل حادثا حديث
زين : طلعه من هذا البيت مالها ... تريد تبقه بعيده خلص اني ماعليه بيها بس ماتطلع من البيت
قصي : يعني فوك ماانت غلطان فوك ماانت ابو الراهي
زين : هذا شي بيني وبين مرتي لحد يدخل
براء : دخلت لغرفتها ... اخذت عبايه لبستها وطلعت
زين : بصياح كلتتتت طلعه منا ماكووو وطلاك مااطلك لو تطلع نخله براسج وخاف عبالج اذا نزعتي الحلقه يعني هاهي كلشي انته لا والخلقج تنفصلين عني بحاله وحده وهي موتي ساعتها عود روحي وين ماتردين فهمتييييي
مريم : لاتصيح عود تاخذنه بصوتك العالي ... لا والك عين وجاي تحجي وتصدر اوامر .... لك حرامات جنت اكل لخوتك اقتدو بي هذا العاقل الماتطلع منه العيبه تاليتها طلعت انكس واحد بيهم
زين : لو تضلون تحجون من الصبح لليل براءء ماتطلع من هذا البيت لاتخلوني اسوي سوايه اخليكم اول الناس تندمون عليها
جهاد : كافييي .... تقرب منها خالو حبيبتي راح اسالج سؤال وجاوبيني عليه بصراحه ... انتي تعتبريني ابوج
براء : بدموع هزت راسها
جهاد : زين اكو وحده تعوف بيت ابوها وتطلع
براء : نفت .. لا
جهاد : خوش ... عندي الج اقتراح خليج هنا عدنه معززه مكرمه حالج من حال نجمه والبقيه واعتبري نفسج ما مزوجه العليج بس تهتمين بدراستج ووعد مني الج زين ما يتعرضلج ولا يدنالج واذا سوالج شي اني اخذج بايدي لبيت اهلج وبعد حتى بوجهي لا تباوعين ... يابنتي ابوج بعده كلبه موجر من وره الي صار وياج واكيد ماراح يتقبل ترحين زعلانه ولازم يكعد يسال ويحلل وهم راح ترجع السالفه القديمه ... فخليج يابنتي هنا
وعلى ضمانتي زين ماله علاقه بيج اعتبري نفسج منفصله وكاعده عد بيت اهلج حتى غرفتج راح انقلها يم نجمه ... انتي مو ماتردين تشوفين زين خلص هو بغرفه وانتي بغرفه وبالنسبه لمدرستج اخلي الحرس يوصلوج انتي ونجمه سوه ... بس لاتكولين اروح والله كلبي مايطيني اعوفج بعد ماصرتي ضمن قائمه عائلتي
براء : كامت تبجي ... صحيح اذا اروح لبيت اهلي واكلهم اريد اطلك ابويه ميستقبلني اصلا يطردني من الباب
زين : يباوعلها تبجي ... ويحس دموعها تنزل مثل النار على كلبه تحركه حرك
مريم : هاا حبيبتي شكلتي فدوه اروحلج وافقي على كلام خالج والله صعبه عليه افاركج بنيتي انتي
براء : هزت راسها ... بمعنى موافقه ... واشرت على زين وعليها وبعدت اديها
جهاد : فهم عليها ... خلص والله مايدنالج وهاي كدامه الحجي .... زين براء تكول ابقه هنا بحاله وحده كون انت ماتتعرضلها اصلا وجهك لاتراوي الها
زين : كوه يحجي ... خلص الي تريده يجرالها بس لاتطلع منا
تريده يجرالها بس لاتطلع منا
جهاد : نجمه اخذيها لغرفتج وانتن بنات اخذهن ملابسها وغراضها لغرفه نجمه حتى تبقه هناك بعد
جميله وشمس : صار
نجمه : طلعنه اني وبراء خطيه كوه تمشي ... دخلنه لغرفتي ... نزعتها الحجاب ونيمتها وغطيتها ... خطيه شكد متعذبه هالبنيه .... بروئه محتاجه شي اجيبلج شي
براء : اشرتلها لا
نجمه : عدلت غطاها ... وطلعت اساعد البنات جبنه جم شغله مهمه الها ماجبنه كل الملابس لان ماشاءالله كنتورها متروس ملابس
زين : اباوعلهن ياخذن بملابسها ... يعني بعد متنام يمي لااحضنها ولا اشم عطرها ... ولو هو هذا من ايدي واستاهل ... طلعن واني دخلت بوجهي للحمام
______________
براء : كعدت العصر ونجمه دخلت بايدها صينيه
نجمه : يله تعاي اكلي كلولي من البارحه باقيه بدون اكل
براء : اشرتلها ... مااريد
نجمه : مو بكيفج خلت الصينيه على الجربايه يله كله تخلصي مااريد ولاشويه بالماعون
براء : اخذت الخاشوكه ... اكلت شويه ... شفايفي ياذني حيلل
نجمه : اباوعلها خطيه ماتكدر تاكل ... رحت اخذت مرطب ... من تخلصين خلي من هذا تصير شفتج زينه ... هزتلي راسها ... الله يساعد كلبج ... حبيت اللطف الجو ... احجي الصدك بس لاتضوجين
براء : باوعتلها .... باستغراب
نجمه : تدرين رغم الي صار ... بس اني فرحانه لان راح تبقين يمي تخيلي راح نضل سوه نكعد على التلفزيون ونتميكب هله هله
براء : ظهرت شبه ابتسامه على وجها
نجمه : باستها اروح فدوه لهلضحكه ... اي ضحكي الدنيا متسوه
______________
مريم : بنات مااقبل براء تشيل عوده من الكاع الاكل يوصلها للغرفه وينشال من تكمل ملابسها احنه نغسلها ايالجن وبالجن زين يكللجن اريد اشوفها وتخلنه تره اتصرف وياجن غير تصرف مااقبل اي واحد بالبيت يضوجها خطيه الي بيها مكفيها وطبعا دارين انتي مشموله بكلامي تره اكلب عليج غير مريم اذا تضوجيها تره البنيه حالتها النفسيه تعبانه وماعايزه
دارين : ليش عمه اني شسويتلها
مريم : ميخالف بنتي هذا مجرد تحذير تره مالي خلك زين لاتشوفنه كال هاهي يعني مايدير بال بعد لا راح يضل يتابعها من بعيد ابني واعرفه وهسه تعالن نلم هوسه الغده لان محد اله واهس ياكل بعد
البنات : صار
مريم : عزلنه المطبخ وصعدت ... لكيت جهاد كاعد ومبين مهموم من شكله ... شبيك جهاد
جهاد : ضايج حيلل ضايج مريم لو ادري مااخلي زين يزوجها جان خليت قصي ولاهو
مريم : لا تحجي هيج حرام بعد صارت مرته
جهاد : انتي شفتي شمسوي بيها مكسرها تكسر ادري جايبها من الشارع لو فصليه وحتى لو هيج مامن حقه يتعامل بهالطريقه الهمجيه
مريم : تنهدت انت تدري بي على كد بروده اذا صار عصبي يصير بارود مايسيطر على نفسه وصصدكني لو ما يحبها ماجان اهتم الها انت تعرفه اذا جان يكرهه احد ميهتمله لو يشوفه يحترك كدامه بس هو كد ما يحب براء ماتحمل يشوفها ويه غيره
جهاد : وهذا الي راح يخبلني شلون يحبها وشلون ياذيها هيج عليمن طالع هذا لااني ولااخوته هيج هاي انتي اكبر مثال استحلفج بالله اكو يوم مديت ايدي عليج
مريم : لاوالله
جهاد : اااخ حمدي ربج البنيه ماسوت بروحها شي ... اصلا تعجبت عليها عبالي راح ترفض تسمع كلامي و تبقه هنا
مريم : اووف لو عدها ابو براسه خير ويحتويها ماجان بقت لحضه وحده هنا بس شسوي الضروف تجبر الشخص يتعايش ويه الوضع قابل وين يروح
جهاد : من الله يطيح حضي من اخلي بتي تحتاج احد واني اشم الهوه ... تدرين اني متاكد ترليون بالميه لو ماخذ براء اليوم لاهلها ماجان استقبلها ساليني الي محد يعرف عقليته الحقيره بكدي
مريم : الله يبرد كلبها وكلبك وانشالله تهدئ الامور
جهاد : انشالله
________________
براء : نايمه ودموعها ينزلن على المخده .... تفكر لو ماصاير كل هذا ماجان تزوجت زين ولا حبته لاوتعلقت بي ولاجانت هاي حياتها ... جانت اكبر مشاكلها شلون تكدر تكمل الماده وتروح تمتحن .... كل مابيها تدعي على حسين وخواته كله بسببهم لو ماهو سوو بيها هيج ماجان نجبرت تزوج زين الي صعدها لسابع سمه خلاها تعيش ايام حتى بالحلم متشوفها وتالي رجعها لسابع كاع وكسر كل لحظه حلوه صارت بيناتهم ... بجت اكثر من تذكرت لمساته همساته كلامه المنحرف وياها الي جان يعجبها بس تخجل تكله ... جسمها الي مزين بطبعات شفافه جانت مستعده تموت ولا يبتعد عنها بس هسه هي تريد بعده كرهته خان كلبها ومشاعرها وماثق بيها اجه موقف على بالها
Flash back
كاعدين بالمرسم هو يرسم وهي كاعده بحضنه ووجها مقابل لوجه
براء : كاعده تلعب ساعه بلحيته ساعه برموشه
زين : براء كعدي اريد ارسم عدل
براء : برطمت ليش شسويت
زين : ابتسم وعيونه على شفايفها ... لاتتحارشين
براء : خلت ايدها على صدره تحرك اصابعها عليه شلون اتحارش يعني
زين : غمض عيونه وتالي
براء : بخبث صعدت ايدها لوره اذانه تدري بي يخدر من هالمنطقه شنو
زين : ذب الفرشه ... وحاوط خصرها ... مخلي راسه بركبتها ... باسها هناك شلون بيج اني ... ابتسم دخيل ربج شهالعطر
براء : ليش مو طيب
زين : اشتنشق ركبتها وجرها بسنونه ... يجنن
براء : ابتسمت ... حبيبي انت تحبني
زين : ليش ماتعرفين حتى جايه تساليني
زين : ليش ماتعرفين حتى جايه تساليني
براء : لا مااعرف
زين : صراحه اني مااحبج
براء : شنو
زين : بهدوء .... حقيقتا احس الحب مشاعر عاديه بين اي شخصين تصير ... اني عابر هالمرحله وياج اني حتى الهيام بيج عابره الي بيناتنه اكثر من مجرد حب وعلاقه ... اني اعشكج براء بحياتي ما حبيت ولا راح احب احد بكدج ... شايفه الام شكد تحب ابنها اني احبج اكثر من حب الام لابنها
شايفه الانسان شكد يحب نفسه ويفضلها على الناس بكلشي حتى يتمنى يكون احسن شي بالدنيا من شده حبه لنفسه ... اني احبج اكثر من روحي واريدج تصيرين احسن مني ... انتي قيسي حبي الج على الاشياء الذكرتها وساعتها راح تعرفين معزتج بروحي وين واصله
براء : تباوع بعيونه وعيونها يلمعن ... هزت راسها مستغربه انت شنو
زين : همس اني حبيبج ... خله شفته على شفتها يعبرلها عن حبه بطريقته الخاصه واكيد هي ماترددت بمبادلته
___________
براء : سمعت الباب انفتحت فزت من ذكريتها ... كعدت .... دخلن البنات
نجمه : ليش تبجين
براء : خلت ايدها على وجها ... الدموع منكعه وجها والمخده ... اشرتلهن ماكو شي
جميله : يعني هاي اول مره اشوف وحده من تبجي تصير حلوه
شمس : اي والله
براء : ماابتسمت ضلت تباوعلهن ... صار كلشي تافه وميضحك بالنسبه الها
جميله : كعدت شوفي براء ... صحيح انتي تعبانه ومالج خلك التفلسف والحجي الزايد بس اخذيها مني المره والرجال كلشي يصير بيناتهم شوفي هسه اني وحسن شكد يبين علينه متفاهمين والي يشوفنه يحسدنه على علاقتنه تره مو دائما تصير بين الازواج صداقه المهم شايفه حسن اذا صار عصبي شيسوي بيه والله مره من المرات كسر الغرفه تكسر لاخله عطر لاخله مكياج والله اكلت من كفخه ابد مانساها بس اني ماجاوبته ... بس بعدين عرفت شلون اعاقبه والله خليته يتوسل سبوعين اني مااحاجي ولا اخلي يتقربلي لحد ماكال هاي اخر مره ياله سامحته .... فمو كلشي اروح للطلاك اني وياج ... زين غلط بس مو مال تفكرين بالانفصال ... عاقبي بس لا تبعدين عنه
براء : بكلبها الحجي مو مثل الفعل
دارين : تدرن بنات اني تفاجاءت من دريت بسالفه براء ... تدرين لو اني بمكانج وزوجي يسوي ويايه هيج جان انتحرت لو سويت بروحي شي من زمان شهالعيشه هاي
براء : تمنت تكدر تحجي حتى تكللها الي بكلبها .... مواني ضعيفة نفس مثلج حتى اغضب ربي و اروح انتحر ... روحي راجعه لربي مامن حقي ااذيها ... للاسف هواي اشخاص يلجاءون للانتحار كابسط وسيله للخلاص ميدرون راح يخلصون من عذاب الدنيا بس يجيهم عذاب الاخره ... كولش كافي الانسان يلتجئ لربه بالصلاه والدعاء وهو اكيد راح ينصفه
__________
محمد : طلعو حسين من المستشفى العصر واحنه رحنه نشوفه بالليل ... دخلنه نباوعله وجها يضحك كل وره هالكبرها والله عاشت ايديهم خوش مادبي
غيث : الحمدلله على سلامتك وليدي
حسين : يحجي وصوته كوه يطلع لان خشمه مكسور ... الله يي سلمك
ناديه : من وره خشمها عدك العافيه
حسين : الله يعافيج
روان : حصرتها الضحكه من صوته
محمد : ضربها ... ولج لاتضحكين فشلتينه
غيث : ماكتلي عمي ماعرفت منو الي ضربوك
حسين : للا والله جانو مغطين عيوني ماعرفت منو همه هالولد الحرام
ناديه : بكلبها اذا همه ولد حرام انت شنو
هاله : صار ساعه نكله فكر خاف تعرف واحد منهم من صوته
غيث : أي ابني فكر خاف تعرفلك واحد من صوته
حسين : الي ضربني سامع صوته هواي ... لان مو غريب عليه ... كلش خشن وبي بحه قويه سامعه هواي بس ماجاي اجمع
بنين : دفكر يجوز واحد من جماعتك
حسين : صفن صفن .... فتح عيونه ... عرفته
