رواية الطالبة والعصبي الفصل الواحد والثلاثون بقلم مجهول
تذكير
محمد : يا ستار يا ربي شوك اصاير اليوم
سيف رحت كعدت اكبالة علة الكرسي وحطيت رجل علة رجل وكتلة
سيف : كالو خطبت
محمد : اي
سيف : وما لكيت وحدة تخطبهة غير سرى
محمد : اي عجبتني وخطبتهة وبعدين اخوهة عامر اني وانتة نعرفة ونعرف اصلة وفصلة احسن ما اخذلي وحدة غريبة لا اعرف لا اصلهة ولا فصلة
سيف بشك : اكيد محمد خاطبهة لأن معجب بيهة مو لأن اجاوزت عليك وتريد تنتقم منهة
محمد : اي اكيد
سيف تنهد وكال: علة كولن مبروك وشايف الف خير بس اذكر اذا سمعت مأذيهة ولو بحجاية راح تلاكيني بوجهك
محمد : الله يبارك بيك ولا تخافد احطهة بعيوني هسة تعال خل نتريك بالسنتر
سيف : لا بلعافية متريك
محمد : عاد خل نشرب كهوة
سيف : ماشي ورحنة للسنتر طلبنة كهوة وكعدنة بحديقة الجامعة وكلت لمحمد
سيف : محمد اريد احجي وياك بموضوع خصوصي اشوية
محمد وهوة يشرب الكهوة : ما بيناتنة خصوصية اسئل واني اجاوب
سيف : ليش لمن اجينة من السفر اخذتلك شقة وحدك برغم انو بيت ابوك مفتوح وما عندة ولد غيرك
محمد تنهد بقهر وكال : شوف بعد ما توفت امي وزوج ابوية تعرف انتة مرتة كلش زين اشون جانت اتعاملني
سيف : اي بس انتة جنت اصدهة ولا مرة فكرت انو تترك البيت
محمد : صح بس هل شي قبل لا تجي داليا
سيف بستغراب : منو داليا
محمد : اني اكلك منو هذي اصير بت زوجت ابوية بس من طليقهة ولمن رجعت من السفر رادت تلزكهة بية ابي طريقة وانتة تعرف اني الولد الوحد البوية يعني املاكة من بعد عمر طويل شي اكيد راح اصير الي وهية خلفتهة بس بنات فرادت ازوجني ياهة واكثر من مرة لمحتلي بهل شي بس اني جنت اطنش الحد ما اتهمتني كدام ابوي انو اني متقرب علة داليا ومعتدي عليهة وابوي للأسف صدكهة وراد ايزوجني ياهة بس الحمد لله انكشفت جذبتهن وطلع بلبيت اكو كامرات قديمة حاطهة جدي وحتة ابوي ما يدري بيهن ولمن عرفو جذبتهن اني كتل الجدي انو بعد ما اكدر ابقة بالبيت فاشتريتلي شقة وسكنت بيهة وكل شهر امر اسلم علة ابوية وجدي والحجية
سيف : اوف كل هذة صاير بيك يا خوي الله يساعدك ويرحم والدتك جانت مرة اقل ما يقال عنة انو ملاك من كثر الطيبة الشايلتهة
محمد ابتسم وكال : ريرحم موتاك يلة خل انكوم انشوف اشعندة المحاضرة الثاني لأن الماضرة الأولة انتهت واحنة انسولف وما حسينة بالوكت
سيف : ههه اي والله يلة خل انكوم
ورحنة للدارة شفت الجدول طلع عندي بقاعة واحد ومحمد بقاعة اثنين فا رحنة كل واحد القاعتة ........
________________
نارين
وصلنة للكلية ونزلنة اني وايه من الخط ورحنة للقاعة ايه راحت المكانهة واني دورت علة سرى ما لكيتهة فا عبالي متخرة مثل البارحة ورة خمس دقايق دخل الأستاذ وسلم علينة وبدة يشرحنة واني عيني علة الباب تقريبن مرت نص المحاضرة وسرى ماكو فطلعت تليفوني وحطيتة جوة الأستاند ودزيتلهة رسالة وكتلة اليوم ما تجين للجامعة وكتمت الصوت خاف تجيني رسالة ويطلع الصوت ورة شوية هية تزتلي رسالة وكالت
سرى ✉️: لا ما اكدر اجي
نارين ✉️: ليش ما تكدرين اخوج مخلاج
سرى ✉️: لا بس تعبانة اشوية وحاسة روحي مريضة
نارين ✉️: سلامتج حبيبتي ونشألله اليوم العصر اجيج
سرى ✉️: تنورين يكلبي يلة ما اعطلج اكيد هسة عندج محاضرة باي
نارين ✉️: بيباي
وسديت التليفون وحطيتة بالجنطة ورجعت وحاولت اركزت بالمحاضر بس وين بالي يم سرى وخلصت المحاضرة الاولى وبدت المحاضرة الثانية سئلت الطالبة الوراي اشعدنة هل محاضرة وكلتلي عدنة الدكتور سيف وصدك مرت ثواني ودخل سيف سلم علينة وبدة يشرح المحاضرة واني مرفعت راسي ابد الحد ما خلص الشرح وبقت نص ساعة علة انتهاء الماضرة فكال
سيف : من طول خلصت الشرح وباقي وكت يلة اتخلص المحاضرة راح اوزعلكم اوراقكم وللأسف الغلبية راسبين كأنما ما شرحت وتعبت الكم والغلبي يا خمسة يا ستة لو درجات يومي هم مو هيج وبديت اوزع الأوراق الحد ما ذعت اسم سرى واجت نارين كتلهة
سيف : اعتقد ذعت اسم سرى مو اسمج
نارين بحراج : مو سرى ما جاية اليوم فا اني اخذهة ابدالهة علة مود اكولهة الدرجة
سيف : اتفضلي وانطيتهة الورقة وهمست : بس اتأكدي منهة خاف ورقتج وهم منطيتهة السرى بل غلط
نارين بنفس الهمس : لا ورقتهة واخذت الورقة من عندة ورحت المكاني بعصبية شفت الورقة ناجحة بس علة الحافة اهم شي ناجحة وراهة ذاع اسم ايه وطلعت راسبة وخطية ظلت تبجي الحد ما عدساتهة كامن ايأذنهة فطلعت علة مود تنزعهن كولش زعلت عليهة واجيت اطلع وياهة بس سيف ما قبل وضل يذيع الأسماء الحد ما وصل الأسمي وكال
سيف : نارين علاء
نارين بتوتر : نعم ورحت حتة اخذ الورقة واني رجلية ترجف من التوتر وصلت يمة واجيت اخذ الورقة بس لزمهة وكال
سيف بستفزاز : معبالي هيج مستواج بالورقة ناصي اليشوفج يحوفج باليومي
نارين بخوف : ليش اشكد ماخذة
سيف برود : اتفضلي وشوفي بنفسج
نارين اخذت الورقة واني ايدي ترجف شفت الدرجة ناجحة صحت بصوت اشوية عالي : يا ناجحة لعد ليش خوفتني
سيف رفع حاجبهة وكال بستهزاء: وهية هاي اسميهة درجة نجاح
نارين بعفوية : يمعود المهم ناجحة
سيف بحدة : نارين برة
نارين بحراج : ها احم اسفة والله ما انتبهت علة نفسي
سيف : ارجعي المكانج واذا اتكررت مرة ثانية تنطردين
نارين : حاضر وجعت المكاني واني الحراج كاتلني وراهة كوم طالب علة مود ايلم الوراق واني انطيت ورقتي ورقت سرى وخلصت المحاضرة الحمد لله عدت علة خير ورحت اطمنت علة ايه والحمد لله مبيهة شي ودك علية هدى وكلتلي هية وبنين منتظراتني بالسنتر فا رحتلهن وسلمت عليهن وتغدينة وكملت كل محاضراتي واجة الخط فا رحت صعدت اول وحدة بي لأن جنت كولش تعبانة وبس اريد اوصل للبيت علة مود ارتاح وكتمل عدد بنات الخط ورجعنة للبيت ........
_______________
سيف
ورة ما طلعت من قاعة واحد رحت المكتبي ارتاحيت اشوية وراهة شفت الجدول ورحت كملت كول محاضراتي ورحت المكتبي اخذت تليفوني وسويجي ىسديت المكتب ورحت المكتب محمد ودخلت وكتلة
سيف : حمودي تجي ويانة اليوم الولدة اشون امسويتلك مسكوف تاكل اصابيعك وراة
محمد ببتسامة : تسلم سيفوفي بلعافية عليكم بس اليوم جدي عازمني علة الغدة وما اكدر ارفضة وهمين اريد اكللهم عن خبر خطوبتي
سيف : اها ماشي بس لا تنسة اسلملي علة جدك وابوك
محمد : يوصل
سيف : يلة لعد رايح
محمد : الله وياك
سيف: طلعت من مكتب محمد ورحت ركبت سيارتي ورجعت للبيت ........
_________________
محمد
بعد ما راح سيف اخذت جنطتي وسديت المكتب وركبت سيارتي وسقتهة وذكرت اليوم لمن دخلت ابقاعة واحد وما شفتهة عبالي هم ضاربة المحاضرة بس شفت صديقتهة نارين موجودة وهية متروح اذا مو وياهة نارين فا اتأكدت انو هية اصلاً مجاية اليوم مدري ليش ضجت وصحيت من افكاري واني اصف سيارتي كدام البيت
الي انولدت بي وعشت طفولتي كولهة بي بس ابسبب مرة انانية طلعت منة اوف نزلت من السيارة ودكيت الجرس وفتحتلي الباب اختي الصغيرة ورد ابتسمتلهة ودنكت بستهة وشلهة وسديت الباب وفتت للبيت دخلت للصالة شفت كال عمامي وعماتي من جمعين وابوي ومرتة الحية همين وجدي وجدتي مترئسن الكعدة فا كلت بصوت عالي
محمد بثقة: السلام عليكم
الكل : وعليكم السلام
ورحت بست ايد جدي وجدتي وراسهة وبست راس ابوية وكعدت بصف جدي وبدة الترحيب والمجاملات واجت داليا وسلمت علية بكل صلافة كدام الكل بس اني ما اهتميتلهة وضليت اسولف عادي الحد ما كالت جدتي والي اني اسميهة يمة
بيبية محمد : وليدي شوكت تزوج ونفرح بك اريد اشوف جهالك قبل لا موت
محمد : عمرج طويل انشألله وشوفين جهال جهالي واني جاي احا جيكم بموضوع زواجي واريد ازوج
بيبية محمد بفرحة : كولولوليش يوم المنة وشوف عرسك من باجر راح ادورلك علة بنية حلوة تلوكلك
محمد بضحك : ههه لا ماكو داعي ادورين موجودة البنية
جد محمد بستغراب : منية نعرفة لا ونعرف اهلهة
محمد : متعرفوهة بس اخوهة يصير عامر صاحبي تذكرة
جد محمد: الأبو السيد سالم
محمد : اي وهية اصير بنتة
جد محمد بفرح : والله ونعم ما اخترت احسن ناس واحسن نسب وشوكت ما اتريد اروح نخطبهة الك
محمد باوعت علة مرت ابوي وبتهة راح يطكن من القهر ابتسمت الهن بشماتة وكلت الجدي : ما تقصر واني كلت العامر وبس ينطونة موافقة مبدأية نروح ونخطبهة رسمي من اهلهة
جد محمد : علة الخير انشألله
الكل : انشألله
محمد : وصبو الغدة وكمنة اتغدينة وشربنة جاي و ومرت ابوية كل شوية ذابتلهة احجاية سم مثل وجهة بس جدي يسكتهة الحد ما ترخصت منهم ورحت الشقتي ....
_____________
نارين
رجعنة من الكلية ودخلنة للبيت اني وايه وسلمنة علة مامة وبابة وصعدت فوك سبحت وصليت ولبست اتراك حلو رصاصي ونزلت اتغديت وسويت جاي وايه غسلت المواعين واني صبيت الجاي بكوابة ورحت انطيت واحد المامة والبابة وكعدت اكبالة وكلت
نارين بتوتر : بابة
ابو نارين : ها
نارين : عيوني
ابو نارين : بلة لف ودوران كولي اشرايدة
نارين : احم اليوم صديقتي سرى ما اجت للكلية وتصلت بيهة وكالتلي انو هية مريضة فا خل اروح الهة فدوة
ابو نارين : صديقتج سرى بنت ابو عامر مو
نارين : بلي بابة بنتة
ابو نارين : والله خوش ناس روحي العصر بس لا تتأخرين اكثر من ساعة وخلي علاوي ياخج
نارين بفرح : شكراً يا احلة أب بالعالم وكمت بستة وردت اصعد بس مامة كلتلي
ام نارين : بس مو تنسين تتصلين بسيف وتاخذين اذنة قبل لا اطلعين
نارين بسغراب : وليش اخذ اذنة مو اخذت أذن بابة
ابو نارين : لا حبيبتي ميصير بعد اطلعين بلة ما تاخذين أذنة بعد هوة صار زوجج وذا ردتي اسوين اي خطوة اتكليلة قبل لا اتكليلي
نارين ببتسامة : حاضر راح اتصل بي واكلة
وصعدت فوك ضليت افكر بكلام بابة وشفتة صحيح ودائماً مامة قبل لا تطلع الي مكان ادكول البابة فا اخذت تليفوني ودكيت علي وهوفتح خط وكال .........
______________
سيف
وصلت للبيت وصفيت سيارتي بالكراج ودخلت للبيت سلمت علة الوالد والوالدة وصعدت سبحت وصليت ولبست برمودة سودة وتيشيرت اسود ونزلت اتغديت وشربت جاي وكعدت اشوية وية امي وابوي وراهة صعدت الغرفتي وانجطلت علة الجرباية وردت انام بس دك تليفوني شفت الرقم طلعت نارين استغربت لأن اول مرة ادك علية فجاوبتهة وكتلهة
سيف : ........
