رواية الشيخ والعشق الفصل الثالث والثلاثون بقلم مرج البحر
ايبيعوه بعدهم يفصلون بيه والله رحتلهم الرجال راده ب50نزلناه لل45مليون خابرت خالهه بليل كتله لكيت مشتمل ببغداد لان اني كتله كل اخوتي يكدرون يعزلون اله انه ماكدر ديوان ابوي انه مسؤل عنه
ابوزيد: قيصر سد لموضوع ابني اريد ابيوت احنه بس
قيصر: حقها هذا وتستاهل ناي تعالي باجر شوفه هوه بدوره بصف بيت احمد
ابوزيد: ابني ميحتاج اكتب بس بالعقد مال الزواج وهذا هوه
قيصر: سديته منه ثاني يوم رحت للديره سحبت فلوس من المصرف ورجعت تكاتبت ع البيت عد دلال خابرتها كتلها اطيني اسمج
-هههه اسمي شنو
-اسمج الثلاثي بسرعه يمي ناس
-شكو قيصر
-بعدين افهمج اخذت الاسم ورقم الجنسيه سوينه مكاتبه عاديه اضل ع توقيعها الدلال يعرف احمد اخذت العقد ورحت لبيت خاله قنعتها وقعت اتفقت ويه خالها يكملنه شغله العقد وكفنه ع موافقه الزوجات رقيه موافقه عادي عدها امل سوتلنه هوسه طلعت روحي الشيخ ضاج
الشيخ: امل بويه تره انتي هديه لازعلين مني انتي نهديتي اله وهوه مارضه كال حالها حال اي بت يابوج انتن خليتن الزلمه ايباوع بره من سوءتصرفجن مالجن حق بعد تعترضن
قيصر: فضت بالف ياالله عقدت عليها محكمه وبديت احضر اخوي صادق طلع خذيته غرفته احنه ابوي مسوي كل غرفه مثل الشقه غرفه وهول صغير وحمام داخلي جهزتها اخذتها اختارت غرفه ونقلتها للولايه سرى هيه الي رتبت وعدلت لان ماقبلت تجي ناي كملت كلشي خلال 10ايام كتلها يله بويه عدج 10ايام سوي نيشان وحنه وعرس خلصنه التجهيزات اول وهسه بقه انتي تخلصين مقبلت عود مالحك قنعتها اطيتها 4ملايين نيشان وملابس واحتياجاتها سوينه حفله نيشان بينه ابيت خالها والحنه مالتي،سويت عزيمه بله دك وركص عزيمه عشه بديوان والعرس ببغداد اخذنه حديقه مطعم بيلسان
ناي: ركض ركض خلاني يكولي طبيت بال32راح اعجز اريد الحك اتهنه شويه سوينه لنيشان لبست بيومها بدله قصيره جويتي شد مابيها تعاليك شبعت كرص كل شويه كارصني طبعا ابويه دزيناله خبر دزلي مبروك الله يسعدها حته مااجه بس امي جتي بعتبارها ام لعروس بجنسيه الحنه سويت حفله هوه مااجه العرس بحديقه سويناه وطبعا بده طلب الحجاب كتله وره لزواج اتحجب هيه مره بالعمر خليني افرح بس راد بدله مستره اخذت بدله ردن تور وبي ورد ابيض هههههه محلو اذا موغش ميصير طبعا كتله ردن ومستوره وهيه حفره وسبعه لنص الصدر وردن تور خفيف وبي تطريز ورد ابيض رحت لصالون اريدو بوقتها كان راقي جدا تفننو بيه جانت بنيه مسيحيه اسمها فيان سوتلي تسريحه بداعه شعري طويل كله لمته وعبالك حياكه صار ومكياج حلو الوان نازكه اجوي لبيت خالي عبالك من صارت صدك خفت كلبي ايسوي دم دم ويه الطبل فات فدوه لطوله ابوه طببه جان لابس قاط نيلي وقميص سمائي فاتح ورباط ايخبل عليه اول مره اشوفه برباط وفوكاهن عباه بيضه مطوزه ذهبي اول مفات عينه ع بدله صارت عيونه انفتحن سلمني اله خالي وهوه بسرعه نزع العباه وحطها ع جتفي ووكف كدامي ايسدها من الصدر شاورني النه ليل نتحاسب بيه كعدنه بدلنه الحلقات وطلعنه محمد ايسوق وابوه بصدر نسوانه مجني اكيد يعني مامتوقعتهن يحضرن مستحيل بس الاهل كلها موجوده حفله حلوه وكوموه ركص جوبي ذب لحم عافهم ووصار بنص وحده ايجوب عريس فرحان بعرسه رجع كعد كال تذكرين من ركصت بعرس محمد بالسيف وكلتيلي تخبل كتلج مركصت بس حركته حته لاافشل ابن عمي
اي اذكر
ووعدتج اذا اخذتج لركص بسيف
ههههه اي
عجل نظري
كام محمد اطاه سيف ومحمد هم بيده سيف شغلو دكه مو اغنيه لا ابو طبل ايدك حركاته تخبل ايحركه بيده وبعدين يازمه بيده ثنينهن يسوي بالعرض وينزل للكاع ويكوم ويرجع ينزل بطريقه مثل الكمزه 3مرات فرحتي تغطي الدنيه كلها طبعا نجم حضر بس بالعرس ابيت خالي جان متواجد بس لاشفت زوجته ولابنته من بيت خالي هوه وحده اجه سلم عليه وراح
كومونه نركص سلو طبعا ممنوع اذب العبايه بهذلتني طويله كلش ومخلانه نركص هواي يكولي تتمايلين وذوله ايباعون بالفندق شبعي ركص زفونه لفندق بابل ويايه سرى اخذت البدله ولبستني سيت ابيض قصير اخذته ووياه روب بيومها هجمه مرتده صارت اني ادري لعرسان يتعشون ايسولفون هذا سد لباب وره سرى الستره ورباط منزوعات اصلا من جان بره شمرهن اول مطب لقميص انفتح كم دكمه ونزع مثل التشيرت
قيصر حباب بس
-لابس ولاحباب مشعولين اهلي صار 4سنين شبس دتعالي
فضت بخير وسلام كام كال مبروك مرتي اسعد ليله بحياتي كعدت عله حركه اصابيعه تمسد خدي فتحت عيني كال ممصدك كل هل جمال نايم يمي بعدشويه مشاغبه طلعنه لبيت احمد وجتي عمتي وسرى جايبه جنطه ملابس المن هاي
-هههه الج انتي وقيصر
-ليش
-اتفق ويايه حضر هوه جنطه هناك هدومج وهدومه كال اخذها لااربيل ومن نرجع نسوي السبعه
فرحت لان جنت شايله هم شلون حتواجه ويه زوجاته رحنه لااربيل بسيارته اول 5ايام احنه مواصلين لشارع حدنه لمطعم مال الفندق
قيصر شوكت نطلع بله صار خمس ايام
قيصر: موبيدي مشبعان بعدني ههه
ناي: هههه شيشبعك انت بداعتي خل نطلع اليوم
افترينه وتونسنه سبوعين ورجعنه بس ايدي عله كلبي تلكونه ذبحو خروف ع سلامتنه لان حررنه فلسطين هههههه الاوضاع مسيطر عليها لكن باي خلل يتوقع حدوث انفجار اول اسبوع هوه كل يوم يمي اجاني اليوم
كال حبي انتي تعرفين لوضع لازم ابدي اعدل بينكم اذا عليه والله ماريد اطلع من هل باب بس حق الله هذا جانت ليلته يم رقيه شبعت بجي عبالك جنت غركانه بالعسل وطلعوني للمر الليل كله منمته مخنوكه ساعه 4الفجر الباب اندكت منو
اني ناي فتحي
كمت اركض فتحت لباب اول مشفته شمرت روحي بحضنه وابجي ماكدر اسكت موبيدي
-اشششششششش لج مكدرت انام مثل السمجه لمزهوره اتكلب عمت عيني عيونج تبجي عمت عيني يرويحتي
ضل للصبح كعدو العالم طلع من غرفتي هوه تكرر هل موقف كمت من اعرف ليوم ليله وحده منهن موليليتي هم اجهز نفسي اعرف حيجي وبنص الليل يجي افتحله الباب وافتح ايدي احضنه واني بكامل اناقتي موبس لمنافسه جانت تدفعني لهل شي لا لان قيصر من نوع الي عنده قوه انتباه يعني ينتبه ع اصغر شي جنت اخاف بيوم يشوف بيه نقص وهوه هم حته بلبس البيت انيق ياتراك يادشداشه واذا سحاب او دكمه تكون مسدوده لنص وميلبس شي بله فانيله لون فانيلته اذا شويه بهت لون الابيض ميلبسها بعد اكو شغله هم صارت من صالحي الي هيه اسمع واطنش مااتلكاه احجي كال وكلنه واصلا مااجيبله طاري احد بالبيت من تنسد غرفتي اكون حديث يخصني ويخصه وكان مشفت احد ولاحجيت ويه احد مع العلم اكثر مواقف الي صارت جان يعرف بيها ويعرف اني شحجيت او شكلت بعدها عرفت ان الشيخه هيه الرقيب علينه كلنه البيت كله يلهج بااسمه هوه لمسؤل عن كل شي
بعض ليالي يجيني قبل ماتبدي يكول زهكت اول مطبيت بدت اسطوانه فلانه وفلتانه اهتميت بي خصوصا انه جان رافض موضوع الشغل ومن حاجيته كال اجليها هسه صار اهتمامي هوه اسبحه بيدي دشداشته بيدي البسهياه حته غترته عكاله العباه اعطره بيدي ادنج حته حذاءه وجواريبه بيده البسهياه جنت كل ما البسه يجر ايدي ايبوسها ويكولي ريت ايدج تغرف من نهر بجنه وترتوي الكلمه جانت تفرحني وتخليني اكثر واكثر ازيد بهتمامه ماانزل الصبح اذا مو حاطه مكياج خفيف طبعا من عاشرتهم شفت الكل بالبيت محجبه عيب اصير مخالفه كمت البس حجاب صح مو حجاب مضبوط بس حاطته ع راسي همه وره الغده يرتاحون ساعه اني قبل ميصبون اصعد ابدل واجدد مكياج سريع بس خفيف لان هوه محذر من المكياج الطوخ فقط بالغرفه مكياجي يكون طوخ واتعطر وانزل حته اذا جنت اعرف بي طاب بس ايبدل ويطلع وبليل امر مختلف
كامت تجي ايام هوه مو يمي مويومي هذا هوه يجي لغرفتي بالبدايه كيفت ليش الكذب بس صارت مشاكل ويايه مكتله بيهن بس كمت اكوله روح اليوم مو يومي زعل وحسبني ماريده وده اطرده وبالكوه راضيته وكتله ماريد تصير مشكله وتضوجك جان رده اني حر انام بالمكان الي ارتاح بيه وراها تعاركن ويايه امل ورقيه وشيخه مقبلت الهن عكس ام قيصر الي طبكت وياهن صاحتني الشيخه وسولفتلها كتله حاجيته وزعل كالت يمسودنه لاتحجين ولاتكولين خايبه ابوه جان هيج نص الليل يعوف عمتج ويجي لحجرتي الرجال يدور لمكان الي يرتاحله ولي تحجي وياج انه راده الها انه حته لقيصر حاجيته كال الزلمه مايرتاح ياكلن اذنه زن وزن وماوحده عارفه تحضر نفسها اله وكالي يفوت يلكاج عروس ومن الباب تتلكيه وتسبحينه بيدج
طبعا البيت كله يصيح للشيخه يمه ماكو ماما كلها يمه
يمه والحل شنو كل يوم يتعاركن وياي
-معليج بيهن خايبه للخله مالج غرض يمه الزلمه ده يكول لكيت راحتي يمهه لبيهه خير تصير مثلها مويدورن مشاكل وزن عليه
عفته كمت مااحجي بيوم الصبح نزلت وياه وشفت عمي طبعا عمي صدف نشوفه نهاره كله بديوان ويفوت اينام تصدف يكعد ويانه نزلت اعدل بعباه قيصر وصا بوجهي عمي بست ايده وصبحت عليه كالي الله يبارك بيج يادوه الشيخ ضحك قيصر كله بويه صادك والله دواي الي ماخله كل عله جان من ايعصب ممنوع احد يحجي وياه جان يطب معصب اعوفه خمس دقايق وبعدها اذا كاعد اصير وراه افرك جتافه واذا تمدد ده اينام افرك رجله هوه يفتح عينه مخنزر اضل اتمضحك بوجهه لحد ميفك ويضحك ويكولي تعالي تعالي ياضي عيني عشقت والله اذا غسلت دشداشته اشم عطرها يله اذبها بمي اكثر من مره تغيب عني ويطلع حمل كاذب اول مره فاتت شهر ورحنه طلع تغير هرمون ماكو حمل والثانيه عدت اسبوعين ونفس الشي كمت انقهر مره عدت ست شهور ع زواجنه بين فتره وفتره تغيب كمت مااحجي شي استحي كل يوم هوه ينقهر عليه يكولي ولج شيبت مابيه خير بعد مو منج الصوج هل مره عدت عليه شهر و3اسابيع واني محجيت الصبح نزلت وامل عالنه الحرب عليه عيرتني اني لاام ولااب كالت خلفله ع اهل سرى الي يسئلون عليج انتي وحده مكطمه غلست محجيت رغم قهرتني لحجايه ضلت تبسمر واني مغلسه اخر شي غلطت كالت ك…… .اب المحاكم
كتلهه استحي عاد ده اشوفيني ممعبرتج عايفتج وحدج تعوين ليش تلحين شمرت عليه النعال صدك متحملت كمتلها جريتهه من شعرها جتي الشيخه شافتهه هيه ده تضربني اني بس جريت شعرها ووخرت هيه هجمت عليه وخرتهه ورزلتها بس ام قيصر طبكت وياها وكامت تغلط عليه ع بايكه الزلمه من نسوانه محجيتشي لان الشيخه ادافعلي طب قيصر شكو شكو امه تلكته تلطم هاي تاليتي اتخلي مرتك الصغيره تغلط علي وكتلت مرتك بت خالك ام بناتك اني هيه اعتدت عليه مواني كتلهه حجيه عيب تره
-شقصدج عيب انه ماعرف العيب تسمع ياالشيخ يالحيد
حجيه قيصر شعليه انتي ده تكولين تهجمت عليك وهذا كذب
قيصر: ناي اسكتي ولاكلمه
-يبووووو عمت عيني حك شيباتي تكذبني وابني واكف هذا لرجه منك ياجبير اخوتك يل كلت تالي عمري محد ايشيلني غيرك
ناي: صدك شي ممعقول عيني عينك وتحركون رجلي عليه والله قدره
-اسمع اسمع زيدي يمه زيدي مادام الحيد موافقج
قيصر: ناي صعدي ولتحجينن وله كلمه
-قيصر امل تهجمت عليه
-كذابه يل صلفه بت اخويه مربايه مومثلج
- عيني عينك فريتنهه عليهه والله قباحه
لطمت ع خدها وكامت تصيح اندار قيصر ضربني حسيت خدي انشال بيده شيول
-اني كلت صعدي وو ولا كلمه
بديره راسي امل واكفه حطت ايدها ع صدرها ومسحتها شلون من نسوي حركه عود اووف مي بارد نزل تخبلت اني بعدني الشيخه شافتهه رزلتها وكالتلي صعدي صعدت بس متخبله يضربني فوك ما متحمله كلشي جريت جنطه ولميت هدومي بيها صعد هوه
-هاي شكو ناي لاتكبريها
-مواني الي انضرب قيصر
-ضربتج لان محترمتي كلمتي واني واكف كدامج اكولج سكتي مسكتين
-واني مامجبوره اتحمل اكثر ساكته واكول لخاطره بس تمد ايدك عليه لاوالله هنا وهذا حدك
-ناي لاتكبريها تره اعصابي صايره نار عوفيني ارتاح
- عيط عليه واني اعصاب ضربت حيل ع وجهي كتلهه هسه اتوديني لبيت خالي وان ماوديتني احرك روحي والله كلمه مني كلمه منه كبرت كالي امشي بس شلت جنطه صغيره حطيت بيهه ملابسسي سرى من طلعت كالت لتكبريها عقلي بس اني الدماغ وكف الطريق كله حاول
ويايه كتله انتهه بعد حازه بخاطري ضربني كدامهم كلهم وشمتهم بيه وصلني لبيت خالي كالي اني مغلطت انتي غلطانه ومثل ماطلعتي من بيتج انتي ترجعين لبيتج خبلني اكثر عافني وراح ثاني يوم من الصبح بدلت ورحت للمحكمه سويت دعوه تفريق اني محاميه وزملائي ساعدوني بنفس اليوم دزيتله التبليغ لبيت احمد توقعته موجود يمهم خابرني احمد كال غلط هل تصرف والحمدلله قيصر مموجود من ذبج رجع لديره حته مااجه لهنا راح اشكه لهذا وانتي الغي هل سالفه
-احمد اترجاك اذا موصله هل بلاغ راح تجبرني ادزلهياه لهناك
