رواية الضابط فهد ومريم الفصل الخامس والثلاثون بقلم مجهول
فهد: حسيت روحي بقت يمهة ردت منهة كلمة الله وياك توصل ب السلامة بس ماردت شيي صعب بس عاذرهة الصار مو شوية ونفسيتهة تعبانة، مادري شوكت تبطلل تفكر اني راح اعوفهة ومراح ارجعلهة اني اذا تحملت لباجر هاي معجزة ،مادري شلون وشوكت تعلقت هيج بيهة صرت احب حتة عركاتهة اذا يمر وقت وماا عاركتني احسهة زعلانة علية،
توجهت للبصرة مارحت للبيت رحت للمكبرة كعدت كبال كبر ابوي حطيت راسي ع الكبر وحضنتة مثل الطفلل بعدني اشتاكلك واشتاك السواليفك نصايحك الية كلهن وفيت بيهن بوية وباقي عليهن لاخر نفس الية
ابنك تعبان بوية محتاج تحاجيني ارجعلي بس ساعة احسد التراب الحاضنك وشابع منك واحنة نتحسر لملامح وجهك وضحكتك من يوم الرحت مافاركتني ملامح وجهك ،وعز الله مشتاكلك يابه ادري مقصر وياك وصارلي فترة ماا زايرك بس شسوي ضروف قابلل عندي سند واب يوكف وياي بضروفي، ضليت حاط راسي ع الكبر واتمنى اترس جسمي هلحنان الفاقدة كامت الدنياا تصير مغرب كمت باوعت للكبر نضرة اخيرة وحجيت
شذنبي تيتمت من صغري.
طلعت من المكبرة وبالي مشوش مريم ماكو منهة لاا اتصال ولاا رسالة خبلتني هلبنية، شغلت السيارة ورحت للبيت اول ماا فتحت الباب اختنكت من الوحشة الصايرة ب البيت فارغ صرت اباوع لكل شبر ب البيت واذكررهم نفر نفر ماتحملت طلعت وقفلت البيت ضليت ب السيارة اخذت تلفوني اتصلت بمريم ماردت صارن 4 مكالمات وماكو ضلل بالي يمهة وتندمت لان مابقيت يمهة.
--------------------------------
مريم: حسيت رجلية صارن ثكال علية طلعت امي تحجي وياي اباوعلهة اريدهة تاخذني مناا تبقة يمي بس بنفس الوقت حسيت ماريد احد يتقربلي
ام مريم: يمة شبيج طبي جوة تريدين تموتين نفسج شجاج بنيتي
مريم بصياح: انتو شتريدون منيي عوفونيي ماريدكم ماريد اشوف احد
ام مريم: اسم الله الرحمان يمة شبيج لاا تشلعين كلبي
طلعو باقي العائلة على صياح مريم
ابو مريم: شصاير شنو هلعياط
ام مريم: مابيهة شي لان كعدت المغرب مخنوكة
نور: عوفوهاا علية طبو جوة
مريم: تقدمت نور يمي سحبتني للغرفة واني ماحجيت ولاا نطقت بحرف ردنة نوصلل للغرفة كعدت ب الكاع لاا ارادي حسيت رجلي اليسرة خدرت
نور: مريم شبيج لتخبلينة احجي
مريم: مابية مابية شيي عوفوني وحدي وبسس ماريد شيي ثاني
نور: زيين لييش كاعدة ب الكاع كومي
مريم: حاولت اكوم سندتني نور طبيت للغرفة طفيت كل الاضوية مددت بفراشي صرت اي مكان اباوعلة اشوف دائرة سودة تفتر وية عيوني فركت عيوني بس مراحت صرت اتخايل اشياء بنص هلدائرة ردت بس استغفر ماكدرت دخيلكم شكاعد يصير وياي سحبت تلفوني لكيت مكالمات من فهد شفتهة ومارديت ورة دقايق وصلتني رسالة من فهد كاتب،
َهانت عليج تجاهلين مكالماتي
رديت: ماريدكم شتريدون مني انتو
فهد:مريمي سمعيني صوتج شبيج ماا مرتاح لهذا الوضع ابد الصبح اني يمج
مريم: انت رحت لترجع ولاا اريد اشوف وجهك،مارد طلعت مكالمة منة رديت وحجة بصوت مخنوك
مشتاكلج يلماتحنين
مريم: سكتت مانطقت بحرف واحد
فهد: ليش مريم بشنو ئذيتج هيج تجازيني
مريم: فهد شكاعد يصير اريدكم يمي بس من تتقربولي اكرهكم ماريدكم
فهد: اشش لتبجين محد يعوفج بس بطلي هلسوالف واني اليوم يمج اصلا كاعد ب السيارة ماطبيت البيت هسة راح ارجعلج
مريم: لااا لتجي اختنك ماريد اشوفكم لتتقربولي
فهد: لتخوفيني مريم لتخوفيني ابقي وياي لتسدي
مريم: انتو شلون وياكم يعني تعوفوني لو تريدون اسوي شي بنفسي
فهد: مريمي اني فهد شنو ناسية مو جنتي تكولين ماخليك تعيش بدوني شصار هسة ليش كاعد تبعديني عنج
مريم: الله يخليكم عوفوني من تتقربولي كاعد اتعب ليش متفهمون اني اريدكم بس كاعد تخنكوني من تجون يمي
فهد: تهون مريمي تهون لتتصرفين اي تصرف اني جايج ماشي
مريم: روح داكلك ماريدك ماريدك ،سديت الخط وغمضت عيوني حييل نور وامي كلشوية يفتحون باب الغرفة يباوعون علية ويطلعون وحتة من يحجون مارد عليهم ،اول مرة احس ماريد احد يمي اني صدك تعبت من هلتفكير والعقليات الي بحياتي
كمت جبت مخدة ثانية حضنتهة ونمتت.
---------------------------------------------
فهد: سدت الخط تخبلت شغلت السيارة وتوجهت البيتهم تعبت من كد ماا سقت السيارة اليوم واني بدون اكل بس كملت طريقي جان الطريق طويل بس صار اطول من قبل لان جنت اريد اوصلل وصلت بعد معانات وية نفسي حمدت ربي ماسويت حادث نزلت دكيت الجرس مرة مرتين طلع ابو مريم فتح الباب استغرب ب البداية بس سلمت علي وطبيت راح كعد ام مريم
ام مريم: هلاا بجيتك وليدي زارتنة البركة
فهد: الله يسلمج خالة البركة بيج
ام مريم: يمة اكعدلك مريم
فهد: لاا خالة عوفيهة ترتاح يهبط ضغطهة اذا كعدت هيج وقت
ام مريم: ماشي يمة اكيد ماا ماكل شي راح اجهز الريوك
فهد: اباوع للبيت اريد المحها بس ماكوو اجة ابو مريم التهيت ب الحجي وياا بس حسيت اني الي هبط ضغطي مو مريم يومين اني مانايم وبدون اكل ،جابت الريوك ام مريم رغم كل الجوع بس ماكدرت اكلل شوية بس شربت الجاي وكمت ترخصت منهم اخذتني امهة للغرفة النايمة بيهة
طبيت شفتهة نايمة وحتة ماا مغطية نفسهة شعرهاا تارس وجهة ومفلول دافنة وجهة ب المخدة ونايمة حتة اني ماحاضنتني هيج تقربت كعدت يمهة وخرت شعرهاا عن وجهة وسحبت المخدة كامت تتكلب دورلهة حطيت ايدي ب ايدهة حضنتهة ورجعت نامت حسيتهة صدك طفلة ضليت امسح على شعرهة ب ايدي الثانية كامت تحس فتحت عيونهة ورجعت غمضت بعدين استوعبت وكمزت من مكانهة وصاحت
بسم الله جن انتة
فهد: خلفالله عليج حبيبي
مريم: فهد شجابك انت
فهد: عبالج يعني اذا كلتي عوفني راح اتخلى عنج واعوفج
مريم: فهد ليش متفهم وجودكم بحياتي كاعد يخنكني لييش متفهموون
فهد: مريم قبل يومين مابيج شي ليش حتة يخنكج وجودي احجيلي لتعبيني اكثر وداعت عيونج حيلي مهدود بس مقاوم علمودج
مريم: مادري فهد مادري عوفني وبس ماريد اشوف احد
فهد: ماعوفج مريم شتريدين تسوين سوي ماكو شي بدنياا يبعدج عني خليهة ترجية ب اذنج وحتة لو متريديني صدك هم ماعوفج
مريم: يعني تريد اذيتي
فهد:جنت امانج شوكت صرت مصدر خوفج
مريم: اني بنفسي ماعرف شديصير وياي ماريد هلشي بس ماعرف شكاعد يصير وياي
فهد: اسمعج احجيلي
مريم: ماريد احجي فهد راح اختنك هيج
فهد: ميصيرلج شي احجي مريمي لتخافين لتخليني اخسرج ماريد هلشي يصير
مريم: لزم ايدي وباوعلي بنضرة تكول اني يمج لتخافين،غمضت عيوني وصرت اتذكر شصار وياي من اول يوم تعرضت للتحرش لحد الشي الصار وياي البارحة المغرب وبديت احجي وارجف
جنت طالعة برة ورة ماكعدت من النوم جانت الدنياا المغرب مشيت بس وصلت مسافة حسيت نفسي ضاق علية حسيت عيوني صارت بيهن دوائر سود روحي صارت تاذيني من شخص يتقرب علية موبيدي الديصير ولاا اريدة افهم، كملت كلامي ونزلت راسي ثواني وحسيت نفسي بحضنة جان اكوو شيي يكلي روحي عنة بس الامان الحسيتة منعني ابتعد عنة
فهد: راح تتعدين كل هاي الايام راح نقاوم هلشي سوة مو وحدج مريم لوو توصلين مرحلة تكرهيني رب الكره ماراح اعوفج انتي شي يخصني ومستحيل اعوفج تتاذين وحدج
مريم: صرت ابجي بصوت عالي كلماتة جانت تريح النفس بس بجيت ع حضي الي جمعني بهيج انسان دموع فرح ع خوف جنت كل ماا اريد افرح واتخطى يجي ابالي الصار وياي يصير مغص ابطني وارجع مثلل ماجنت واكثرر
فهد: لييش دتسوين هيج بعيونج
مريم: يولو احبة
فهد:منوو وللجج
مريم: فهيداني
فهد:اووف يبعد روحة لفهيدانج غير معلكة بروحي انتي
مريم: صرت احس شيي ديسحبني منة ويخنكني غمضت عيوني حييل وقاومت عساا ولعلاا يروح هلشي بسس مافاد
فهد: مريم شبيج باوعيلي
مريم: فهد روح الله يخليك رووح
فهد: استغربت شبيهة فجئة صارت هيج طلعت ورحت لامهة كعدت وحجيت وياهاا الصارر ضربت رجلهة وكالت
اعوذ ب الله البنية متعارضة يمة
فهد: شلون يعني مافهمت
ام مريم: يمة هذا يعني هية واكفة ع مكان موزين او متعرضة لصدمة وسببت الهة هذا الخوف والقلق هذا الشيي خلاهاا تحس نفسهة محاصرة وتسوي اشياء لاا ارادية تخليهة تبتعد عن الكل وتعتبرهم مصدر خوفهة حتة لو حانت امهة
فهد: بس اكيد الة علاج صح
ام مريم: اي يمة اكيد وعلاجهة القران بس
فهد: عوفيهة علية
ام مريم: شلون اذا بقت على هلحال لازم شيخ يشوفهة
فهد: ماشي خالة اذا تعرفين شيخ زين كليلي ونشالله ماقصر
ام مريم: ايي يمة اليوم اجيبلك العنوان من جيرانة لان مو اني الرايحتلة وبنتهم اسم الله على مريم جانت متعرضة لسحر وعالجهة
فهد: ماشي لعد نتوكلل والله كريم
ام مريم: يمة رايحتلهة هسة ميصير تبقة هيج
فهد: ماكو شي نشالله يمهة اني
ام مريم: الله يبارك بيك وليدي
فهد: هذا واجبي خالة ماسويت شي ، راحت واني ضليت كاعد بمكاني ابوها راح لشغلة دقايق وطلع طفلل وياا نور من غير غرفة بقت مصدومة بس بعدين سلمت ونهزمت
تقدم الطفلل يمي ويئشرلي بمعنى شيلني شلتة وحطيتة بحضني صار يلعب بلحيتي ويضحك واني اضحك على ضحكتة ماشايلل طفل قبل جانت هااي اول مرة طلعت مريم وشافتة عاطت علي واخذتة الطفلل صاار يبجي مدت ايدهاا علي وضربتة اني هناا ماضلل عقل براسي هاي تخبلت رسمي سحبت الطفلل منهة وعطت بيهة
فهد: انتبهيي لتصرفاتج مريم الكدامج طفلل وهذا اخووج ،ضلت مصدومة من الشي السوتة تباوعلي وترجع تباوع لاخوهة اجتي رادت تاخذة مني ومانطيتهياا
مريم: فهد ماسويلة شيي اسفة موقصدي ولله موقصدي مائذي اني ماسويت شي
فهد: ذكرت الكلام الكالتة امهة ونطيتهة اخوهة حضنتهة وصارت تهدئ بي وتبجي وتعتذر منة شوية وصارت تضحك وياا وتلعب واني اراقبهة بهدوء انتبهتلي وحجت
اليوم مو عرس علي لييش مارحت
فهد: يعرف ضروفي موبحال هوسة اني
مريم: تمام براحتك شوكت ترجع
فهد: شنو حضرتج كاعد تطرديني من بيتج
مريم: لاا بس سؤال انت ليش تحجي شي اني محاجيتة وتفسر بمزاجك
فهد: باجر ارجع وياج حبيبي
مريم: منو كلك اروح وياك
فهد: مانتضرج تكولين اذا مارحتي اخطفج
مريم: لتنسة تلبس تشيرت نص ردان اسود وبنطرون اسود وتلثم وجهك وتعال شايل سلاح وياك
فهد: مريممم
مريم: اووي شبيك ترا اسمع
فهد: لتتمادين ب الحجي وعوفي هلسوالف احسلج
مريم: تمام بس اني مورايحاا لمكان قبل متصير الكعدة ويقررون شراح يصير النور
فهد: شوكت نشالله
مريم: اليوم العصر
فهد: خووش يعني باجر نرجع
مريم: هههففف لازم تضوجني ماشي نرجع بس تنام يم امك
فهد: الله كريم لتريدي يجرالج ،وهسة روحي اكلي حتة تاخذين علاجج
مريم: وانت اكلت
فهد:ايي الحمدلله
مريم: تمام ماطول انيي
فهد: اخذي راحتج
مريم: طبيت للمطبخ سويت لفة وياهاا جاي كعدت اكل بدون نفس علمود العلاج بس طبت نور للمطبخ ومبين عليهة الخوف
نور: مريم شلون اذا جبروني لتخليهم يسوولي شي والله اذا صارت صدك ماعيش ماريد اعيش وية الناس الي ضلموني وضلموج من انخلقنة وهسة يردون يكملوهة ويعدمون حياتي كلهة
مريم: محد راح يكدر يجبرج على شي صدكيني وهلمرة اشيلة للاحترام واطب بنصهم واثبتلهم احنة مو عبيد عدهم يتحكمون بينة
نور: الله يسمع منج وميصير الشي الخايفة منة
مريم: توكلي على الله حبيبتي ميصير شي وتعاي اكلي انتي نويرة محد يكدرلج يهزج امجد ابو النسوان
نور: هم صدك وانتو وياي واهم شي ربي وياي ليش خايفة
مريم: عفية عليج جيبي مروان وكلي الحليب ميشبع ترا
نور: ولج شوفي خدودة شلون صايرات
مريم: باوعتلة من باب المطبخ وحتقرت نفسي ع الشي السويتة بس مادري لييش تصرفت هيج اني عمري وحياتي ماا مادة ايدي ع طفل او جبير شبعت وكمت كعدت ب الصالة بس بعيد على فهد شكد جنت احب وجودة يمي بس مادري ليش كاعد ابتعد عنة واحسة يريد يئذيني وادري بي مستحيل يسوي هيج
باوعلي وذب حسرة شكت كلبي شك دنك راسة وماحجة كل هذا العذاب بسببي بس بدون قصد ربي اذا راح تخليني على هذا حالي خلي لطفك شوية علية واخذ روحي داتعذب واني اراقبهم يصير بيهم هيج وماكدر اتقرب منهم ،طبت امي واجتي كعدت بصفي وحجت وية فهد
ام مريم: يمة جبت العنوان (بغداد ،منطقة ...اسمة حجي ...)
فهد: هاهية خالة خوش قريب علينة نشالله خيير
مريم: عن شنو دتحجون شصاير عنوان شنو هذا
فهد:مريم كومي وياي اني افهمج، كامت ورحت وراهاا طبت للغرفة سحبتهة كعدتهة وكعدت بصفهة
اذا اعترضتي ازوج عليج ماشي
مريم: فههد شنو تزوج وشنو اعترض لتخبلوني شصايرر احجي
فهد: شلون وية هلعصبية التشك شك
مريم: مداتحملل فهد احجي كاعد تلعب باعصابي تدري لو لاا
فهد:ماشي اهدي اول شي وانطيني اديج، مدت اديهة بس مترددة لزمت اديهة تنهدت وحجيتلهة كلشي لحد الحضة الجابت بيهة العنوان ام مريم
---------------------------------------
زينب: ورة ماراحت مريم حسيت اختي الي عايشة وياي اسنين ازوجت وطلعت من البيت خنكتني العبرةطبيت للغرفة وصرت اذكر شلون جنة نشاقة ونضحك وذكرتهة من وكفت وياي ونصحتني سوالفنة وية افراح ابتسمت ونزلت وياهاا دمعة باوعت التلفوني فرح تتصل رديت وياريت مارادة راح تكرع راسي هلبنية
فرح: انتي وينج عايفتني يعني شلون تريدين يخرب عرسي ولجج زينب خايفة لييش خطبني اخوووج مااريدد
زينب: شوفيي تاخذي وتنجبين وتفكيني شرج لاا قسماا عضماا اخذ افراح للصالون وازوجهة لعلي
فرح: شوفي لجج اجي اسويهة اربع وصلل هلكلبة هااي اذا شوفتيني وجهة انتي تبتلين واذا هلكد رايدتهة تزوج وتستقرر زوجيهة لاحمد
زينب: اووي روحي شكد سخيفة يلاا دقايق وراح اجي، سديت الخط وكمت حضرت ملابسي وكلشي ماحطيت بوجهي لبست صاية وشال وطلعت وصلنة لبيتهم دكيت عليهة وطلعت اخذنة همام للصالون جانت الساعة 10 الصبح انتضرنة عرايس ثنين قبل فرح بس ماشالله ام الصالون جان شغلهة سريع ويجنن هم اجة دور فرح بلشت ب المكياج واني اجتي عاملة وياهاا بلشت بية كملنة كلشي الساعة 2الضهر ضبط لبست فستان بس مو مال حفلات يعني مو دلع ولاا نص ردت طالع من الرجلين شبر بس جاان نازك ومخصر ع الجسم كللش لبست الصاية فوكاا مادري لييش،
وفرح طلعت اجنن يعني رغم المكياج جان هادئ كلش بس مغيير ملامحهاا وموالم الرسمة عيونهة وكفت يمهة وقريت المعوذات اتصلت بهمام حتة اعرف ليش تاخر ردت وحسيت الطبلة مال اذني نشكت من صوت الاغاني
همام: يلاا اطلعوو احنة برة
زينب: شنو احنة برة خلي ينزل اخوك اليفتهم منو يطلع مرتة يريد اصيح العاملل يلزم ايدهاا ويجيبهاا الة
همام: لسانج لسانجج بوية منة هسة راح يجي شمعرفني بهلسوالف اني امشي انتة الثاني روح جيب مرتك وفضنة ابتلينة بيك
علي: ماريد اتعارك بهيج يوم اني اعلمك بعدين ادبسزز
همام:وخونه خوش اخو يستاهل لهوسه
علي: خايب انجب ويلاا انزل وين تريد تصعد ويانة
همام: بعتني بسرعة علمود مرة يخوية يحزام ضهري
علي: همام انزلل اكعد بنصنة
همام: نازل لطرد شوف منو يركصلك
علي: شعليك باباا عابتلك وعابت لركصك
همام: مشكور حبيبي نازل بكرامتي
'''''
زينب: طب علي وشغلو اغنية(عبالي حبيبي) واني اصور بيهم باسهة من راسهة وشال البدلة شوية ومشو وكل هذا ومابطلت تصوير لحد ما صعدو ب السيارة صعدت وياهم والطريق كلة هوة يحجي وياهاا ويهمس
عود لتبلشون سوالف العرسان
علي: ولجج زنيبة ياا سوالف دشوفيهة راح تتخربط من الخوف عبالك مزوجيهة لشايب #ڪــڔٰا̍ڕ
زينب: بطلي عيارة ولواكة احسلج عود كيوت ولله بطرانة ،
ماحجت ضربت ايد علي وصارو يتعاركون واني اضحك واحرك بفرح على عليوي الطريق كلة وهمة يتعاركون حسدتهم يمكن وصلنة لبيت اهل فرح نزلنة طبت فرح وشتغلت الهلاهلل والديجي والركص واكيد اني اول وحدة اركص وحدي ماعرف احد هناك بس ماقصرت كومت فرح تركص وحدهة وصورتهة يعني صارت جلسة تصوير تخبل صارت الساعة 4 العصرر وصلت الزفة وطبوو اهلي وهم كلبوهاا هوسات وركص وعلي واكف يم فرح ولازم ايدهاا بلشت عيونهاا ادمع اجتي امهة وكفت يمهة وكالتلهة
يمة لتبجين قابل وين رايحاا اريدج تصيرين قوية وترفعين راسي اريد الكلل يحمد بيج يبعد امج انتي الله يسعدج نشالله
زينب: حضنت امهة وعلي صار يهدئ بيهة وعدلت مكياجهة طلعو الاهلل اول شيي بعدين فرح وعلي وصعدت بيبي وامي وياهم واني صعدت وية همام واخواني الباقين وكلبناهاا كلب ب السيارة وصلنة للستوديو نزلو العرسان اخذو صور والولد نزلو من السيارة صارو يركصون ب الشارع جانت اجواء اجنن اتمنيت ميخلص هليوم وتمنيت اديم هلفرحة على وجوهم ،
كملو جلسة تصوير وكملنة طريقنة للبيت جنة مسوين مسرح ب البيت نفس القاعات بضبط ضليت اركص للمغرب رحت غيرت ملابسي لبست قفطان خليجي بسيط شغلة مو هوسة يعني مابي شي ثكيلل تاخذين راحتج من تلبسي كملوو عشة
واجوي الولد بدلو لبسوو دشاديشهم طلعو يخبلون فدوا خوب الحياية كامن يتمرغلن ب الماع باوعتلهن بنضرة ،لوو تزوعن ذهب مناخذ وحدة منجن جبت المبخرة وبخرتهم احة همام وةف يمي وحجة
مو الكاج معلكة ب السطح ومادة صماخج
زينب: حباب مابين وداعت عيونك
همام: زينب راح يطلعن خمسين وحدة وياج وننفضح بس تخيلي
زينب: وانت شعليك حتة تنفضح تسوي نفسك جبير العائلة وكذا
همام: خوش اذا شفتج فوك الزكج بحصواية بكصتج
زينب: امشي البرتقالي
همام: تروحيلي فدوا
زينب: طلعوو ورة نص ساعة بلشوو حفلتهم صعدت بدون محد يدري اباوعلهم من السطح لكفني همام واني اضحك علي بس لحضة منو هذاا مستحيلل احمد ياربي كلمن يجي يلبس زي عربي شوية وصارو يركصون وحاطين علي بنصهم جابوو الفرقة بيوم العرس لائن علي راد هيج حتة ياخذ راحتة محد يدز علي لبيت العروس
احمد كلشوية يباوع للسطح يمكن شافني بس بوكتهة ماجنت مبينة باوع براحتك ،
اخذ احمد طبلل من واحد جان موجود ب الفرقة وصار يضرب الطبلل ويغني
'غاب الكمرر وثريتة كلمن نام وية امريته
'كلمن نام وية مريتة
'واني لمكابل عمي بلكت ينطيني بنيته
'بلكت ينطيني بنيته
'ولله لاكسر سجنها بثنين ادية احضنها
'بثنين ادية احضنهاا
'روحي لو تكرب يمهة تحيى لو جانت ميته
'تحيى لو جانت ميته
زينب: هذاا شبيي شنو يحضنهاا شنو عمة ينطي بنيتة ضليت اباوعلهم واني متنرفزة لحد ماخلصت الحفلة وطبو الولد زفو علي ضلو يركصون بس اني من اتنرفز من شي يخرب واهسي حتة لو عرسي يمكن الغي وارجع للبيت طبيت للغرفة مادري لييش شلت التلفون وكتبت الاحمد
نشالله تشوف كل الخير وية بنت عمك .
سديت التلفون رحت طلعت تراك وطبيت اسبح ماهتميت الهم برة مادري ليش بنات هوااي هنة يكفن ويوفن لو بس فالحات ب الزواج سبحت وطلعت نشفت شعري ورحت مددت فتحت تلفوني جان احمد داز رسالة وكاتب
'اووف جعل محد يغار علية غيرج.
-----------------------
مريم:سحبت ادية منة وكمت اعيط، فههد اني مو مخبلة وماروح لمكان تفهم وهلحجي ماريدة ينعاد وحتة للبيت وياك ماا الي رجعة
