رواية الضابط فهد ومريم الفصل التاسع والثلاثون بقلم مجهول
مريم: شوف همام اذا ماا اخذتني الفهد هسة مستقبلك اضيعة
سعاد: يمة اذاا يقبلون اخذهاا
همام: ماشي رايح اشوف الدكتور
مريم:طلع همام باوعت النور وصحتلهة كعدت يمي وكلت
هذاا همام
نور: ايي وذا شسويلة يعني
مريم:نور لضلين غبية اذا غلطتي بكلمة وياا اطيح حضج
نور: اوي شنو هية غصب عوفيني براحتي وبعدين اني مارتاحيتلة
مريم:وليش يمة شسوة
نور:يكلي خيتي
مريم: كومي من يمي نور اعصابي تلفانة انتي وحدة بايخة وميحتاج اطيح حضج انتي وحدة طايحت حض
نور: بلة هسة اني شجابني يمج مو كاعدة وساكتة ابيتي
مريم: اي روحي تسوين فضلل
نور: ولله غيرت رئيي جاية اغير جوو مو علمودج
مريم: اي مو احنة كاعدين بمنتزه حتة تغيرين جو ،ضلينة متناكرين لحد ما طب همام كال يلة امشي كمت ونتبهت علي باوع لنور وطلع #ڪــڔٰا̍ڕ
عدلت شالي وطلعت ورا واحس روحي موو يمي ورايحاا ارجعهاا بشوفتة روحي بغرفة الانعاش هااي وقافلين عليهة طبيت للغرفة ضربني الهوة بوجهي حسيت نفسيتي رتاحت رحت كعدت كبالة لزمت ايدة والابتسامة مرسومة بوجهي
هاا فهد مو كلتلك انت متعوفني وراح ترجع ادري بيك متكدر بدوني كوم عاد يلاا حبيبي كلنة ننتضرك فتح عيونك الحلوة وفرحنة خليني اكحل عيوني بشوفتك رجعلي حيلي الي راح من يوم غمضت عينك واني ماحسيت بطعم الراحة احس الدنياا مسودة بوجهي اصلاا انت دنيتي اني ماا اسوة ايشي بدونك صدكني الدنياا مترحم ولا الناس مترحم اموت وراك فهد مستحيل اعيش بدونك يلاا كوم
ضليت امسح بوجهة وبرموشة اول مرة انتبه هيج لملامحة قبلل بس اصفن بوجهة يكعد عبالك يحس بس هسة معاند
فهد شوف انت مو تحبني ومتريدني اتاذة اذاا رحت راح ياكلوني بسوالفهم منو يدافعلي بعد منو يصدكني منو يشاقيني وية منو اتعارك بعد منو بعدك يشاقيني ويكلي دموعي تسوة محد وغلاتك لتعوفني فهد ماضل بية حيلل صدكني لتكسرني بروحتك الة هاي الكسرة ماريد اشوفهة بحياتي امووت ولله امووت ،امسح بدموعي واشهك وارجع اكمل حجي حسيت نفسي ضاق سكتت نمت على ايدة ودموعي تنزل عليهة حسيت بشخص يكعدني جان همام كال خلص الوقت ميصير تبقين اكثر هاي مسوولية وكامرات ب الغرفة طلعت واباوعلة نضرة توسلل حتة يكعد ويشوف شلون ميخلوني ابقة يمة بس دقايق رجعت للغرفة وكعدت بدون ماحجي باوعتلي خالة سعاد وحجت
سعاد: يمة بنيتي انتي لسوين بنفسج هيج ميفيدة غير الدعاء شوفيني اني امة وهاذة وليدي الوحيد محد نفس كسرتي علي ييمة بس متوكلة على الله وادعي البجي سواد ميفيد بنتي كولي الحمدلله وادعيلة يرجعلنة
مريم: خالة كاعد ادعي بس من اشوف حالتة هيج ماكدر اسيطر على دموعي هذا مو مكان فهد خلي يكوم يرجع لاهلة واصدقاائة شعندة كاعد هناا هذاا فهدي وسندي مالي غيرة ماتحمل مجرد فكرة يروح مني
زينب: ان شااء الله يرجع احسن من قبلل يعمري انتي هم مريضة باوعي لنفسج شصايرة
مريم: شبية اني مابية شي هوة تحمل الوجع بدالي بسببي صار بي هيج لو ماا ناقذني جان ماتئزمت حالتة لهدرجة ليش ماخلانة نتاذة ثنينة خلي يسوي كلشي بس ليضحي بنفسة ويعوفني عايشة فهموو كلولة مريم متعيش بدونكك يعني لحالك وراك تموت اذاا الله مياخذ امانتة هية ادزهة ب ايدهة
نور:مريم اهدي شبيج شوفي دماراتج شصار بيهة انتي ب المستشفى مو بلبيت نامي رتاحي شوية
مريم: ماريد انام لتنوموني اريد فهد ماريد انام
سعاد: استهدي بلرحمان يمة باوعي على نفسج
مريم: خالة روحي شوفي بس روحو ولله متتحملون بس شوفوو وجهة وجسمة شلون تعبان وعيونة ذبلانة وجهة كلة جروح والاجهزة محاوطتة من كل مكان شلون تريدوني اتحملل شلوون
كلعادة صار عندي انهيار عصبي انطوني ابرة مهدئ ونمت مادري شكد نمت كعدت الغرفة هوسة ويضحكون باوعتلي زينب وكمزت من مكانهة وعاطت
كعد فهدددجججج عينييي كوميييي
مريم: شدتحجي هااي اكيد داحلم ماثر علية المهدئ اباوع الخالة سعاد تضحك زينب نور باوعت الزينب وحجيت
احلفي زينب فهد رجعع يعني هسة كاعد
زينب: لجج ولله كعد ونقلو لغرفة عادية وتكدرين تبقين يمة شكد متريدين
مريم: كمت بسرعة وحضنت زينب ضحكت بصوت عالي مادري شلون طلعت الضحكة بس هلمرة من كلل كلبي شايفين هاي الضحكة الي تفكرون بيهة من تنامون وتفكرون بشعورهاا صارت بية بهاي اللحضة تئذيت بصدري بس ماهتميت وخرت من زينب ولزمت ايدهة ومشيت
زينب: وين ماخذتنيي
مريم: امشي وديني الفهد
زينب: شتنطيني
مريم: شتريدين انطيج بس فرحي كلبي اصلاا راح تحصلين اجر
زينب: قهرتيني يلاا امشيي
مريم: امشي وية كل خطوة يزيد التوتر عبالك اول مرة راح اشوفة مثلل المخطوبة وتشوف خطيبهة لاول مرة وصلنة للغرفة جانوو علي وهمام كاعدين ب الباب ضحكوو علية بس اني ماجنت وياهم بقت زينب وياهم واني طبيت جان كاعد بس مدد رجلي وحاط مخاد ورة ضهرة نزلت دموعي من باوعلي وبتسم اروح فدوا لضحكتة شكد مشتاكتلهة ركضت وحضنتة اذيتة بهاي سوايتي بس ماجنت ادري شسوي هاي اللحضة جنت منتضرتهة هوااي محد يكدر يلومني حاوط خصري ب ايد وحدة لان ايدة مجبسة
فهد: خماا تاذيتي شرايين كلبي
مريم: وخرت من حضنة ولدموع تارسة وجهي حجيت بانعفال، بعدك تكلي تاذيتي فهد بعدك لييش انت خليتني اتاذة ليش ضحيت بنفسك انت متدري شصار بية فهد عوفنة نتاذة ثنينة بس لتحملني هذا الذنب شلون اشوفك هيج وانت متحمل وجعك والوجع الجان مفروض يصير بية ،ابتسم وحجة بتعب
فهد: چاا لييش مسميتني سندج عييب علية بوية
مريم: بس اني ماكدر اعيش بدونك فهد
فهد: ولاا اني اعيش بدونج اموت الخاطرج وشحلات هلموتة
مريم: لتجيب طاري الموت متعوفني مرة ثانية
فهد: جنت عطشان وهسة حسيت عيني ارتوت
مريم: اروح فدوا ونذر لعيونك
فهد: شصاير بيج ليش هيج وجهج تعبان
مريم: يوم الي رحت مني
انخطف لوني
طلع دخان من گلبي
فهد: الحمدلله على كل حال يعمري يلاا مسحي دموعج كافي بجي
مريم: عوفني اشبع عيوني بشوفتك
فهد:تشبعين بوية وين رايح
مريم: فهد هاي السواية لتعيدهة مرة ثانية عبالك تخلص مني يعني الحكك بسرعة يعني متستفاد شي
فهد: رجعنة
مريم: ايي رجعنة وداحجي صدك يعني هذا اليوم السادس لاا سامعة صوتك ولاا شايفتك ولاا خبر منك وبلانعاش شتريد اسوي اركص
فهد: اووفف ياا اللهي ولجج بابة هوة بيدي هذاا قدر ومكتوب علية
مريم: الحمدلله بس رجعتلي ماريد شي من الدنياا بعد بس انت كبال عيني
فهد: يبعد طوايف هلي مريمي
مريم: شكد مشتاكتلهة ضالة حسرة بكلبي اسمعهاا منك
فهد: انفكت الجبسة مالتج من ورة الحادث لو ادري هيج تنزل هرموناتج من اسوي حادث جان من زمان ذاب نفسي يم اقرب سيارة
مريم: فههدد عوفني اعبر عن مشاعري تراا صدك راح حيلي بعدك
فهد: يحيلي وعيوني وكلشي غالي بحياتي انتي
مريم: هوة طبعاا اني وبس اني شحدك تفكر بغيري
فهد: شسوين بوية انتي نملة تخافين منهة
مريم: ابجي
فهد: شكد فاهية انتي لخاطر ربج شاطرة بس ب البجي
مريم: لتحجي علية
فهد: كلشي ولاا زعلج بوية
مريم: لتنام هوااي بعد بداعتي
فهد: حتة نوم مانام بعد
مريم: تدري جانو ينوموني غصب يومية
فهد: شنو غصب ليش
مريم : جنت يومية اجي اشوفك ب الانعاش خمس دقايق اضلل احجي وياك واتوسلل بيك تكعد يسحبوني من يمك واضلل اعيط وابجي ويصير عندي انهيار عصبي ويضربوني مهدئ وانام وهيج يصير يومية لحد هذا اليوم قبل ماا اجيي عليك كعدت وكلولي جانو ضاربيني مهدئ ونايمة
فهد: اسف يعمري موبيدي وغلاتج
مريم: هانت حبيبي انت هانت
فهد: احبج شرايين كلبي
مريم: ضليت يمة لحد ماصار اليل واجتي خالة سعاد والبنات وهمام من يصير حجي ومننتبه علي يباوع النور ميدري اني مراقبتة ولاا يدري خطبنالة نور
فهد: يمة شوكت اطلع منا اختنكت
همام: يجي الدكتور ونشوف
فهد: دكوم شوفة شعندك مكابلني كمت تحبني هسة
همام: ياخي طردة ب ادب موصوجك راح يصيرلي اسبوع هنا عيني ماشافت النوم انام بلكاع بس حسافة بناس ذلتني
فهد: انطوني كلنس حييل تاثرت غصباعنك لكك امشي
علي: واني فهد بصباحية عرسي جيتك ولحد هاي اللحضة اني عايف مرتي وكاعد هناا يلاا منو يسويهة
فهد: ولله انتو كفوو وعلى راسيي ترجعولياها بيوم عرسي
مريم: فههددد شنو عرسكك نشالله يرجعوهة الكك بيوم فاتحتي قبلل عرسك
فهد: انجبي اذا تعيديهة اشك حلكج خطية تريد تموت الفاهية
مريم: وانت شنوو يرجعوهة الكك غير انت تعوضهم وترجعهاا الهم
فهد: شعندي يابة اني ماعوف مرتي
زينب: تراا كاعدين احنة هلااو
مريم: هلاا بيج محتاجة شي
زينب: لاا عمري سلامتج بس عبالي ماشفتينة
مريم: لاا اشاشوفكم واكوو وحدة لسانهة ماخذي مدري شمسوين بي ،حجيت هيج باوعتلي نور وبتسمت
نور: ادري الحجي موجه الي بس من اتعب ماكدر احجي بعد
مريم: ليش مارجعتي للبيت ترا مابية شي
نور: ايي هسة مابيج شي جنتي تملخين بنفسج بس هسة بعد متريدينة
مريم: هاي شبيج غير انتي تعبانة
نور: ايي نشالله الصبح نطلع كلنة
مريم: نشالله خالة نروح لبيت اهلي يرتاح فهد ونرجع لبيتنة موزين علي الطريق وهوة بلاتين
سعاد: بكيفج يمة ماعندي شي اني
نور: هلاا بيكم
مريم: وبيج اكثر ترا رايحاا لبيت اهلي ميحتاجلي عزيمة
نور: شلون وحدة تافهة اني لييش كمت اعرف الاصول من يمج اريد افهم
فهد: بوية مريم شبيج جاهلل انتي
مريم: انت صير وياي حتة لو اغلط
فهد: شهلتصرفات مال جهال
مريم: ردت احجي وطب همام وحجة،
همام: تكدرون تطلعون باجر رجع الحيلة فهيد
فهد: اووففف لحمدلله
مريم: واخيرااا نشالله اخر مرة
الكلل: نشالله
......................................................
زينب: طلعت برة ورة ماكال همام باجر نطلع اتصلت على احمد ميدري بكلشي صار فتح خط وصوت تعبان مبين نايم
احمد: الوو منوو
زينب: حورية تريد تتعرف
احمد: اسف غلطانة ب الرقم اني مرتبط وماخون
زينب: اهاا كلتلي مرتبط ومنو سعيدة الحض
احمد: انتي شعليج خصوصيات بس ادعي الله يهديهة وتوافق
زينب: حاولت اغير الموضوع، احمدد كووم لكك فهد رجعع لوعية
احمد: جذبب ولجج يلضالمة شوكت ليش ماكلتي
زينب: مو شسمة جنة ملتهين وين اخابر يمعود
احمد: لتتموعين ام نص السان
زينب: اييععع اتموع شنوو وبعدين شنو ام نص السان
احمد: بعدين تعرفين شوكت تطلعون
زينب: باجر نشالله
احمد: نشالله ونزوركم
زينب: نشالله احمد من ترضة الوالدة
احمد: ترضة شعليج انتي
زينب: ومن كلبي يرضة حط نفسك بمكاني وراح تعرف ليش داحجي هيج ماريد انكسر مرة ثانية
احمد: الله يكسرني ولاا اكسرج زينب ماخذج فصلية اني قابلل
زينب: موهيج احمد هسة مو وكتهة راح اسدة وارجع هسة ينتبهون
احمد: ماشي براحتج
زينب: محتاج شيي
احمد: اههخخ لاا سلامتج
زينب: الله يسلمك بااي
احمد: الله وياج
زينب: سديت الخط ورجعت للغرفة ضلينة كاعدين للساعة 12 بليل كلنة لان شبعنة نوم باوع فهد لخالة سعاد ولهمام وضحك وحجة
فهد: يمة شنو متريدين تباركين لهمام خطبتلة ،يتبع
..........................................
