رواية الضابط فهد ومريم الفصل الاربعون بقلم مجهول
زينب: فتحت التلفون لكيت كومة رسائلل من احمد صدمتني كاتب،
- زينب اسف لتزعلين مني بس صدكيني مريض وتعبان واني وامي مشاكلل علمود شغلة شذر ماكلتلهة الاسباب شكللهة الانسانة الي عمري ما انطيت بيهة وكل عمري اوكف وياهاا وحاسبهة ملشي تعيرني
-ضغطت علية حييللل زينب تعبااان من كلشي ليش محد يفهمني اني انسان مو حديد لتشوفوني اضحك وتكولون مرتاحح انتوو متدرون شكوو بداخل الانسان بس اني اعتب عليج انتي اني امي ماا فهمتني ولاا لاحضتني وكفت وياهاا وماوكفت وية ابنهة تريدين الصدك امي عكس الامهات بهلموضوع صارت الطرف الضالم
-حطيتت السالفة كدامهم وطلعت كلتلهة هية هانتني عيرتني ماا وكفت وياي ب اصعب ايامي سؤال ماا سئلت تريديني اخذهاا وئمن بيتي عليهة انكشفت على حقيقتهة من اول موقف ترضيهة يمة ابنج مرة بكد زري تهيني
- وحجيتلهة علمودج واكيد رفضت رفض قاطع عمري ماا شايف ام متفهم ابنهة ومتريد سعادتة اريد ارتاااح وتفض واعقد عليج وهيج انقذ نفسي وانقذج زينب وعد ماراح تتعبين وياي راح افضلج على نفسي ولدنياا كلهة بس ادعيي الله يفرجهة
-وهسة اني نايم بلسيارة ماطبيت للبيت
زينب: كملت الرسائل وانتبهت لنفسي منهارة من البجي هدئت شوية ورجعت كتبت
-احمد اعرف تعبت اعرف مختنك واني هم تعبت ولله وحتة تعبت من الدعاء تسئل ربك لييش اني ملكيت غيري ربنة سبحانة وتعالى يبتلي الانسان الي يحبة يريد يعرف مدى صبرك واذا انتة عندك ايمان بربك لو لاا وية كل مصيبة كل دمعة كول الحمدلله كول ياارب ادعي الربك بس هوة الوحيد اليعرف شنو البيك وراح يجي يوم وتكول هانت بفضلك ياربي واذكرك بهلحجي
دزيت الرسالة وحتة اني حسيت نفسيتي رتاحت ضليت انتضرة يكتب وكتب
- ونعم ب الله زينب اني شنو المصبرني غير العوض بس تدخلهم بحياتي واختياري راح يدمرني منو الراح يعيش وياج العمر اني لو همة الموخوش ادمي يريدو والزين بعد مينراد
-هاي امك احمد لو شمسوي تبقة امك لتنسة لو ماا هية جان هسة انت ولاا شي ماريدهة تكرهني اكثر عوفهة للزمن هية تقتنع شعندك مستعجل
-هية شنوو شعندك مستعجل يعني انتي متريديني ولاا تريدين تصيرين باسمي
-اوي شنو هااي عفية لتسئل هيج اسئلة
- ترا ماا تحرشت بيج زينب جاوبي
- اوف منك يعني احمد شنو ماريدك فهمني انتة متدري شنو المريت بي وشنو عشت انت تضحك واني هناا اكل بروحي من عقدت رغم كلشي اجيت للعقد مالتك انت بس فكر بيهة صير بمكاني دقيقة متتحملل الشعور
-شعورك وانت واكف تشوف الانسان الحبيتة وجنت متخيلل نفسك وياا بهيج يوم واكف يحقق حلمج وية غير شخص الغصة الصارتلي بهذيج اللحضة لعدوي ماا اتمناهاا رغم كلشي تمنيتلك السعادة لان تبقة معزتك بكلبي جبيرة وماا اتمنالك غير السعادة
-تدري لييش لان انت ماا جنت تحبني ولاا جنت مواعدني بشي وماا فديوم باوعتلي بغير نضرة انت ماا خنتني بلعكس انت رجال ونعم منك لان حبيت صدك وماا باوعت لغيرهة وفيت بوعدك ورحت خطبتهة بس مادري شلون تغير القدر وهسة اني داحجي هلحجي الك
احمد: اول شيي اسف على كل دمعة نزلت منج بسببي وبدون قصدي اصلا ماجنت ادري انتي تحبينيي ونصدمت من عرفت لان اعرفج شنو واعرف اخلاقج وعلراس تنحطين ماا اخذت عنج غير نضرة الله يشهد بلعكس الحب موعيب بس العيب من تحبين بلكلكة وستهتار اما انتي لوو هيج جاان رفعتي عينج بعيني جان صارحتيني او حجيتي فديوم دائماا جنتي تصعدين وتروحين وتجين مينسمعلج صوت ويوم عن يوم كاعد اكتشف اشياء بيج تخليني اتعلق واتمسك بيج اكثرر قليل العندة تفكيرج
كل الحجي الدزة ماا لفت نضري غير كلمة اتعلق واتمسك بيج اكثرر يعني احمد متعلق بية حسيت صار مغص بطنيي شعور فرحة ماعرف شلون اوصف هلشعور رغم هنة كلمات عادية كللش بس ماا متوقعتهة من احمد هلشي كللش جبير بلنسبة الية الضحكة شاكة وجهي واكتب
-لحمدلله اعرف حدودي واعرف الصح من الغلط عقلي اكبر من عمري
احمد:استقري ام عقل الجبير
زينب: انت ماكلل شارب
احمد: لاا لحمدلله
زينب: هوة شنو لاا لحمدلله شعندك كاعد بلسيارة تخاف
احمد: شبيج بابة منين اخاف بس مالي خلك مشاكل
زينب: امشي انزل امشي خلي زهراء تسويلك اكلل اشربلك استكان جاي ونام
احمد: دخت ترا شهلطلبات
زينب: اوي عيني صدقة لالله دوختك
احمد: احلا دوخة حسيتهاا بحياتي
زينب: ايي شسمة يلاا انزل وطب للبيت ولتنسة اكلل واشرب جاي ونام
احمد: جنج على هااي ادللي
زينب: هههه لاا انت فاصلل يلاا اخذ راحتك
احمد: نشالله عن قريب اخذهاا، باي
زينب: طفيت النت ورجعت اقرة بلرسائلل حتة ميشوفني اونلاين حسيت عيوني قفلت طفيت التلفون ونمت
-------------------------------
مريم: كعدت الصبح جانت الساعة 10 هاي شكد نايمة صايرة افقد من انام كمت باوعت نور ماكوو كاعدة بس زينب نايمة عفتهة نايمة وطلعت غسلت وجهي ورحت صبحت عليهم باوعت الفهد مبين وجهة احسن اليوم رحت وكفت يمة حطيت ايدي على جتفة وكلت
اكلت
رد وهوة مبتسم، ايي لحمدلله روحي اكلي ورة الضهر نرجع لبغداد سيف راح يجي ياخذنة
مريم: بس انت تعبان تتحمل الطريق
فهد: ايي شعندي قابل بلحالتين اني كاعد
مريم: تمام براحتك
فهد: يلاا لتغلسين روحي تريكي واخذي علاجج
مريم: طبيت للمطبخ بس صدري جان ياذيني حييل ونغزات بكلبي جانت تصيرلي دائماا وتروح بس صايرة اطول ماهتميت هوااي كملت الريوك تريكت رحت سبحت وحضرت الغراض كعدت زينب كملنة كل شغلنة رحت لفهد وكلت
تريد تسبح
فهد: ايي ولله
مريم:راح احضرلك ملابس
فهد: مبين عليج تعبانة امشي اني وياج اساعدج
مريم:ياا هوة شنو شمسوية قابلل ارتاح موزين عليك الحركة تراا راسك بعدة متاذي
فهد: ماشي كليباتي
مريم: ابتسمت ورحت حضرت ملابسة علكتهن بلحمام ورحت يمة
حضرت ملابسك اساعدك لو تكدر
فهد: لاا يابة شبية معاق قابل
مريم: تمام انتضرك هناا اذاا تحتاج شيي صيحني
فهد: ستغفرلله هسة كوة تريدين اطبين وياي لجج بابة اني ثكيلل لييش تتحرشين بية
مريم: عزاا فهد ولنبي جذاب موهيج ولله اكوم اشك بنفسي
فهد: لجفصين بوية شنو جذاب
مريم: اهووو فهد روح يلااا فوت ، ضحك علية وراح للحمام بقيت واكفة يم الباب مادري شكد مر من الوقت وصاحني فتحت الباب شوية وصحت هاا شرايد
فهد: طبي بوية هاج لبسيني التشيرت
مريم: طبيت باوعتلة تك عين اخذت التشيرت ولبستة الجباس وايدة ضخمة بلكوة تحملت الردن باوعتلة متنرفزة وكلت
شنو هااي شضخمهة ايدك عضلة لوو طابوكة
فهد: شهلمياعة بوية هسة لوماا انتي شاكتني بهذولة اهلل العضلات ماا افتهمت شتريدين هسة لوو ضعيف وماعندي عضلات تكليلي شدعوة هلكد ضعيف جنك بريعصي ماعرف سوالفجن
مريم: هااا ولله تعرف سوالفنة وانت منين تعرف سوالفنة خبرة حضرت جنابك
فهد: بلحمام احنة بوية امشي كدامي لاا ابسطج اهناا
مريم: يووووومممم
فهد: وطررشش شبيج
مريم: اكوللهة عليك خلي يطلكوني انت خاين تعرف اطباع البنات كلهن
فهد: يابويييية شهلطلابة هاااي اطلعيي ولكعبة راح اكوملج
مريم: ههههههه ايي كوم تطلع جنك بباي من لابس الطاكية البيضة
فهد: هااا ولجج تعيريني
مريم: لااا حشة ينكص لساني حبيبي كم فهوود عدنة هوة واحد وشالع الكلب
فهد: لتتموعين مريم اطلعي
مريم: امشي وياي
فهد: وين خاتون
مريم: للغرفة وين
فهد: شلون طلابة لج بابة اثكليي
مريم: فهد راح الزك راسي بلحايط هاي شبيك وياي ولله مامسوية شيي
فهد: بجت بجت فاهية امشي
مريم: طلعت وكل شوي ترجعع النغزات بكلبي كلش تعبت من هلشعور اريد اتنفس مثلل البشرر مو عبالك واحد يركض وراي الضحكة الهة حدود ميصير اطول ب الضحكة موزين اختنك مانام براحتي براحت كلبي وبس رحت مددت كمت بين كل خمس دقايق تجي هلنغزات احس كلبي ديتكطع ثواني وتروح
بس مابين بية طبع ماحب احجي ماحب الشفقة اتمنى اموت ولاا شخص ينقهر علية محد احسن من احد ولاا اكو انسان ماعندة عيوب وماكو انسان ماتمرض بس اكول لحمدلله هذا قدري ولازم ارضة بي
طلعت وشفت فهد كاعد وشايل التلفون بيد وحدة ويبتسم ويرجع طبيعي اخخ لوو الزم هلتلفون اني اعلمك فهد مشيت وكفت يمة ماا باوعلي
----------------
زينب: كعدت جانت الساعة عشرة ونص وبعدني نعسانة بس عيب موو بيتي حتة اخذ راحتي بلنومة هيج فتحت تلفوني جان اكو رسائل من احمد كاتب
-صباح الخيرر ياا قواي القلبية
ضحكت على رسالتة وحسيت فراشات بكلبي وجسمي قشعر مالوم نفسي يعني ماجنت متوقعة كل هذا يصير ابتسمت وكتبت
-صباح النور يانور صباحي
شهلصبااح الحلوو هذا
دزيت الرسائلل وكمت رحت غسلت وجهي وعدلت نفسي طبيت للمطبخ صبحت عليهم وكالت خالة سعاد، اني عماتي خالاتي اكوللهم خالة ماعرف اكول عمة احس متلوك واصلاا ماعرف اتعود عليهة ،كالت انو راح نرجع اليوم ضجت وفرحت شتاكيت لبيتنة ولغرفتي وكللشيي بيهة دورت المريم ماكوو كلت يجوز يم فهد سويت ريوك ماشتهيت اكلل بس غصبت نفسي اكلل شوية حتة ميهبط ضغطي بلطريق نور واكفة وتبتسم باوعتلهة وكلت
شبيج مسطورة اسم الله الرحمن
نور: داتخيلج تسوين ريوك الرجلج تنطي الريوك وتلزكي بدفرة
زينب: تدرين اني ماعرفج زين بس تفهميني #ڪــڔٰا̍ڕ
نور: لان اني مطية نفسج
زينب: وصخام بكصتج على هلجفصة تراا الجاي حاار
نور: ايي صبيلي الله ويدج
زينب: حرامات بشرتج تروح امشي ولي من يمي شايفة هذاا خشمي الجميلل روحي واصلة هناا هناا
