رواية أحببت من لايبالي الفصل الرابع بقلم مجهول
بعد مرور شهر وعشر ايام
_____________
براء : بالشهر الي فات مصارت احداث هواي بحياتي الممله والروتينيه غير جية بيت خالو جهاد والي للاسف مكدرت اروح اشوفهم ويه اهلي لان جان عندي امتحانات نهايه الكورس مااكدر اتجاهلها واطلع خاصتا اني من الاشخاص الجدا حريصين على دراستهم وماما بقت يومين هي وروان وامير عد بيت جدو واني وبابا ومحمد بقينه بالبيت وره يومين رجعت ماما وروان صرعت راسنه عبالك مشايفه ناس سابقا يا حلوين يا يخبلون شكر مبيبنين اغنياء ووووو والمكشله تبالغ بالكلام
روان : لج براء كون تشوفين بيت خالو تخبلو من شافوني خو الولد كالو انتي صدوك عراقيه شو جنج اجنبيه ممبين عليج صراحتا خجلوني لو خاله مريم كل شويه تبوسني وتكول روونه تخبلين انتي واني ونجمه صرنا صديقات كولش جججج حرامات مااجيتي ويانه راحت عليج ذيج الونسه
براء : اني بس اسمع واهز راسي والله دتحسسني بيت خالو ناس جايين من الجنه شدعوه هالمبالغه ولو هو هذا عيبنه الي يعيش بالخارج حتى لو جان عراقي لازم نعامله على انه كائن غريب مو بشر حاله من حالنه
امير : اكولج هو الجو حار يسمط وانتي اجيتي حميتي علينه جماله فوك هالحر فسكتي لخاطر ربج راح نسيح من جذبج
روان : انت شبيك ويايه ليش تحجي هيج
امير : لان تبالغين هنه يومين البقيناهن ببيت جدو شبسرعه صرتي انتي ونجمه صديقات ليش تجذبين وبعدين شوكت الولد حاجوج شو حتى من شافوج سلمو برسميه شوكت كالو عليج اجنبيه يا جذابه
روان :كالت باحراج من كلام امير انت مجنت موجود من حجو هيج فلتغلي زايد وراحت
براء : امير اني شكتلك ليش تحرجها هيج مو عيب
امير : والله انتو مااعرف شبيكم عيب اطلع جذبتها بس مو عيب هي تجذب والله انتو متفتهمون
براء : عززه بعينك على هاللسان
_________________
اما بطلنا فكدر بهالشهر يكمل كل شغله تقريبا بقه بس يحضر ملابسه ويسلم اوراق ومفتاح الشركه لتيمور (المعاون) حتى يدير امور الشركه بغيبابه لان هو اكفئ شخص ممكن ان يعتمد عليه في حال عدم وجوده و وجود اخوانه
____
بيت جهاد
دخل سجاد للمطبخ لكه امه ونسوان اخوانه بالمطبخ فكال
سجاد : يمه عندي الج بشاره
مريم : جانت تلكط تمن شالت راسها شنو هي
سجاد: بشرط اكلج شنو هي
مريم : ضحكت دكول شنو هي واذا طلعت خوش بشاره
شتريد اسويلك
سجاد : اكول بس تسويلي كل الاكل الاحبه
مريم : ميخالف
سجاد : ادنه يمها وكال ........ راح يرجع بعد يومين
جميله وشمس : صدوك
سجاد : والله هو خابرني كال كملت شغلي وطيارتي بعد يومين
مريم : الف الحمدلله ربي تعالي ابوسك على هالبشاره
سجاد : ابتسم على طيبه كلب امه المستحيل اكو مثلها ولا ومثل حنانها بهالدنيا وراح باسها اروحلج فدوه يوم ياريت لو اكو بعد نسخه منج جا ازوجتها
جميله : لصير لوكي متسويلك شي
شمس : اي بطل هالسوالف
سجاد : سمعتي يمه
مريم : حبيبي مادام جبتلي هالبشاره الحلوه تدلل شنو تريد اسويلك
سجاد: دزلها بوسه بالهوى وطلع
___________
براء : كاعده بغرفتي اتابع فلم دخلت عليه روان خير يا ستار روان متصعدلي غير وقت المصايب خير روان صاير شي
روان : لج عكب باجر خالو جهاد عازمنا بمناسبه رجوع ابنه من لندن
براء : باستغراب واني شعليه تجين تكوليلي
روان : كلبت عيونها معترضه لج انتي ثوله يكولون خالو جهاد مشتري قصر مو بيت واني متحمسه حتى اشوفه نور بت خالو ماجد تكول مو بيت جنه يخبل يخبل
براء : عود دير بالجن لتتخبلن
روان : هاااا ؟
براء : هيج ماكو شي اجتى تروح كتلها لحضه
همه بيت خالو مو رجعو من شهر لعد ليش ابنهم ما رجع وياهم
روان : يكولون جان عدهم شغل وهو بقه حتى يكمله وانوب يلحكهم
براء : اهااا هيج السالفه
بصراحه خايفه من هالروحه مااعرف ليش بس ممرتاحتلها رجعت اكمل الفلم
نروح البيت جهاد الي مخبوصين بسبب رجوع ابنهم
مريم : نجمه نجمه ولج نجمه وينج تعالي نرتب غرفه لأخوج ليجي عكب باجر يخزينه اذا ما لكاها جاهزه
نجمه : اجيت اجيت يعني ماكو غير نجمه بهالبيت تصخريها مو عندج ثنين جناين مو وحده ليش متصخريهن .
مريم : احد كلج جايبتهم خدامات اني تره هنه ما مجبورات يساعدني واني عندي بنيه هنه مسؤليتهم رجلهن واطفالهن وبس وانعمالله عليهن ممقصرات بشغل البيت فامشي ويايه وجري عدل لا اكل لجهاد وتعرفي اذا صار عصبي شيسوي بيج
نجمه : اول مره اشوف حمايه ادافع لجناينها
مريم : علساس اني ما جنت جنه دمشي خلي نعدل غرفه اخوج وبلا حجي زايد
____
دخل حسن لغرفته لكه مرته متتمده على الجربايه اجه نام بصفها وحضن خصرها وباس ركبتها وكال
حسن : هااا حبيبتي شو نايمه خو ما بيج شي
جميله : اندارت عليه وباسته بخده وكالت لا عمري مابيه شي بس بنتك تعبتني كوه ياله نامت واجيت اني تمددت خاف تكعد ومحد يمها
حسن : حبيبته ابوها اليوم ماشفتها
جميله : هو منو خربها غيرك صايره تغلط ولسانها طويل
حسن : عوفيها معليج بيها هي حلاتها بوكاحتها
جميله : هو منو خربها غيرك صايره تغلط ولسانها طويل
حسن : عوفيها معليج بيها هي حلاتها بوكاحتها
وهسه تعالي مشتاقلج انتي ما اشتاقيتيلي
جميله : هاا يمكن مريومه كعدت اروح اشوفها اجتي تكوم لف ايده عليها وحضنها وهي هم مكدرت تقاومه فحضنته وضلت تستنشق عطره ضلو فتره على هالوضع لحد ما حس حسن بشي يجر بنطرونه باوع لكاها مريومه تباوعله بغضب
حسن : هااا حبيبت بابا كعدتي يمه اروح فدوه لهلوجه انطيني بوسه شالها وباسها ولج شنو هالخدود عسل دفعته وهي زعلانه ومبرطمه لان متقبل يحضن لو يبوس احد غيرها تغار
جميله : شبيج ماما حبيبتي ليش تبجين
مريومه : وخلي عني حكيره مااحبج اني
حسن : بحده مريم مو عيب نحجي ويه ماما هيج
مريومه : رسن بجت لان حاجها هيج
حضنها حسن : خلص خلص اني اسف لتبجين روح ابوج انتي
مريم شبكته بايدها الصغار وكالت : حبك اني بابا وباسته
وهو شبكها وضل يفتر بيها لحد ما رجعت نامت وخلاها بغرفتها وطبك الباب
جميله : مو اكلك خربتها شوف شلون تغلط عليه ولا كان اني امها
حسن : اني شعليه غير من وره قصي الحيوان هو يتلفظ هالالفاظ كدامها وهي تسمع وتعيد لمن تعلمت وهسه مدام رجعت نامت شنو رائيج نلعب لعبه حلوه وغمزلها
جميله : بخجل كالت شوف اني وين وانت وين
حسن : هههههه دتعاي شيخلصج مني اليوم واخذها وراحو لغرفتهم حتى يلعبون (ملاحظه /صفي النيه يحسنيه)
_________
بعد مرور يومين
10:00 صباحا
براء : اليوم حروح لبيت خالو جهاد الي لسه مشايفته من لما جنت طفله طبيت سبحت وطلعت ادور بالكنتور على شي مرتب ومستور البسه عكس روان الي من البارحه حضرت ملابسها مااعرف على شنو متحمسه اخذت تنوره بينصل لا ضيكه ولا عريضه مرتبه لونها اسود وقميص سمائي وشال اسود وجنطه سوده وبيها لؤلؤ سمائي وحذاء سمائي (تكرمون) لبست ووكفت على المرايه الفل شالي طبعا بدون مااخلي ولا قطره مكياج ونزلت جوه اشوفهم كملو
شفت روان الحمدلله اليوم محترمه نفسها ولابسه ملابس مستوره تخاف خاف محمد ميخليها تروح
براء :صباح الخير
الكل : صباح النور
محمد : يله اذا كملتو خلي نطلع عيب نوصل الظهر
الكل : اي يله
براء : رحنه اني وماما وروان وامير ويه بابا ومحمد ح يلحكنه بسيارته لان متكفي سياره بابا
وره نص ساعه وصلنه لمنطقه تجنن كولها بيوت ضخمه اني الي عايشه بهالمدينه مشايفتها وكف بابا كبال بيت عفوا (قصر) كولش جبير منظره الخارجي يدل على ثراء الساكنين بي نزلنه شفنه اكو حرس داير مداير البيت كلت بكلبي شهالمبالغه تره البيوت البسيطه هم حلوه
شافو ابويه وفتحلوله الباب حتى يدخل سيارته بالكراج الي داخل البيت احنه دخلنه وبابا راح يصف السياره
دكت ماما الباب الداخلي فتحته وحده طويله ووجها طفولي سلمت على ماما وروان وبوستهم شافتني وكالت
نجمه : عمه منو هاي الحلوه
ناديه : هاي بنتي الجبيره براء
نجمه : حبيبتي فدوه شهالجمال تعالي انطيني بوسه
براء : اجتي باستني وكرصتني من خدودي مبينه كولش اجتماعيه و لطيفه
دخلنه للبيت الي جان بدايته عباره عن صاله كولش جبيره حاطين بيها اثاث وميز طعام وتحفيات شكلها غربب بس حلوه والاثاث كوله ملكي بحيث مخلي البيت يضوي اول ما دخلنه شفت خالاتي وخوالي ونسوانهم وبيبيتي
خلي نعرفكم على عائله ناديه عدها2خوات 3اخوان
خالده الجبيره عمرها 47 مزوجه وعدها 2 بنات تقى وبشرى
ابتهال 40مزوجه وعدها 2 ولد صادق وبارق وبنيه وحده حنان
اخوها الجبير جهاد عمره 56 جان عايش ببريطانيا يملك مجموعه من الفنادق والمنتجعات المعرفه باوروبا وامريكا وعنده 5 ولد وبنيه وحده
لؤي الجبير : عمره 30 مزوج شمس وعنده طفل واحد اسمه ايفان شكله مثل كل العراقيين طويل طوله 183 ووزنه 83 واسمر بعيون بنيه
البطل ..... حتتعرفون عليه بعد شويه
قصي : عمره 27 ملعب (زير نساء ) كل يوم ويه وحده عنده النسوان مثل اللبس كل يوم شكل طوله 180 ووزنه 75 عيونه خضر وشعره بني طويل
حسن وسجاد (تؤام بس ميشابهون ) عمرهم 26 حسن مزوج جميله وعنده بنيه اسمها (مريم )على اسم امه طوله 179 ووزنه 80 ابيض وعيونه زرق وشعره بني
وسجاد بعده ممرتبط او بالاحرى هو مرتبط بالاكل (عشقه الابدي 😂)ويكول اذا ما الكه وحده مثل امي مستحيل ازوج طوله 179ووزنه 77 الي يشوفه مستحيل يصدك هذا عراقي عيونه زرق وشعره اشقر وملامحه طفوليه
وهمه كلهم يشتغلون ويه ابوهم بمجال اداره الاعمال ما عدى .........
ونجمه الصغيره المدلله : عمرها 20 طالبه بكليه القانون
******************
الاخ الوسطاني ماجد عمره 54مزوج وعنده بنيه وحده اسمها نور ومالها اي علاقه بالنور وولد اسمه غسان بس هو حيوان
*****************
الاخ الوسطاني ماجد عمره 54مزوج وعنده بنيه وحده اسمها نور ومالها اي علاقه بالنور وولد اسمه غسان بس هو حيوان
الاخ الصغير : هشام 37مزوج وعنده بنيه وحده اسمها رواء
_________________
.......... كعدت الصبح سبحت ولبست قميص نيلي وبنطرون بيجي وحذاء نيلي وساعه اخذت الجنط وطلعت للمطار وصلت وره ربع ساعه للمطار بين ما كملت الاجراءات الروتينه راحت تلت ارباع الساعه صعدت بالطياره والي كانت من الدرجه الاولى نمت شويه وكعدت اقره كتاب لبين متوصل الطياره وره فتره طويله وصلت واخيرا نزلت من الطياره حسيت نفسي مختنك من الجو اني ما متعود على هالحر
بس رغم هذا فرحتي واضحه برجوعي لبلدي بعد مرور 26سنه
دخل وشاف اخوانه منتظري بقاعه الانتظار شافو اجو ركض حضنو وسلمو عليه وهو قابل لهفتهم ببرود وكال
....... شلونكم
قصي: انت صدك تحجي شو ولا جنك صارلك خمس اشهر بعيد عنه يا اخي حتى اذا مامشتاقلنه جامل جذب
......انجب لصيح راسي مصدع من الطياره اريد اروح ارتاح
لؤي : لك يا ترتاح ابوك عازم العشيره كلها بمناسبه رجعتك
.... لتكولها هسه وكتها
حسن : مكانك خالي ماشفت مريمه شسوت من سمعت بيك جاي
..... ابتسم وكال مشتاقلها الملعونه
سجاد : لك صايره ادبسزز تغلط وتفشر
قصي : بفخر تربيتي
لؤي : والنعل منك ومن تربيتك
الشباب : ههههههه
___________
براء : اجتي مرت خالو مريم سلمت علينه وكالت
مريم : ناديه هاي الحلوه وين جنتي ضامتها فدوه تخبل بيا صف انتي حبيبتي
براء : هاي شبيها ليش تحجي وياي هيج شنو طفله اني جاوبتها بالخامس اعدادي
مريم : عبالي بالاول متوسط الله يحفظج حبيبتي
نجمه : حتى اني توقعتها بالاول متوسط طلعت بالخامس بس والله مامبين عليها حتى روان مبينه اكبر منها
براء : هذني شبيهن ماشايفات شكبرني يااول يا بطيخ
روان : يا خاله شنو بالاول دشوفي شسمنها وينها وين الاول اصلا مبينه بالكليه كد ما سمينه
نجمه باوعت على روان مقابله على كلامها
حبيبتي روان شعليه السمن احنه قصدنه انو براء كولش ناعمه وكصيره ممبين عليها بهالعمر وبعدين وينه سمنها اصلا جسمها كولش مرتب
براء : نجمه فشلت روان بصوره غير مباشره يعني حتى الغريب يحترم مشاعري واختي ولا يمها
كلتلي نجمه تعالي ويايه ليش كاعده يم العجايز تعالي للمطبخ البنات مجمعات هناك
براء : لا اريد اضل كاعده هنا
نجمه : مو بكيفج يله كومي
براء : بس
نجمه : لا بس ولا شي يله تعاي
براء : كمت وياها شفت بنات خالاتي وخوالي مجمعات كلت السلام عليكم
ردو : وعليكم السلام
نجمه : تعالي اعرفج على نسوان اخواني
براء : اخذتني لبنات ثنين وحده طويله شايله طفل اشكر يجنن هي هم حلوه نحيفه وصاحبه بشره سمره وعدها نمش قليل وعيونها سود كولش حلوات اعتقد عمرها يطلع 25
نجمه : هاي شمس مرت لؤي اخويه الجبير
براء : بخجل مرحبا
شمس : باستني وكالت اهلا وسهلا بيج حب شلونج
براء : الحمدلله
نجمه : وهاي مرت حسن الصغير جميله
براء : اجتي وحده طولها وسط ببشره حنطيه وعيون جوزيه وعدها غمازات بارزه اثناء كلامها يبينن يطلع عمرها 23
جميله : هلوو يا حلوه معقوله بالعراق اكو هيج كيك
براء : ابتسمت صراحه اول مره التقي باشخاص حبابين ويحبوني وطبعا وهنه ديحجن ويايه احس البنات عيونهن حتنط لان اخذني يمهن وكعدن يسولف نجمه كالت
نجمه : اني حبيتج هواي وصرتي صديقتي حتى اذا ما قبلتي غصبن ما عليج
شمس : لج بطلي هالاسلوب
نجمه : معليج انتي هاا براء تقبلين
براء : ههه اكيد اقبل بقينه نسولف اجيت اسال نجمه شنو اسم اخوها الي حيجي بس سمعنه صوت بره يكولون اجه اجه كامن البنات يركضن طلعت وراهن ورحت يم امي استحي اطلع وره شويه كالو حيدخلون لجوه دخلو وجان اشوف شي صدمني
براء : دخل شاب طويل وضخم كولش من اكول طويل وضخم اعنيها بالحرف وعنده عضلات كبار مدري ليش تخيلته يضربني و شعره اسود مرفوع بدقه وجهه اسمر مرسوم رسم بعيون عسليه تلمع وانف حاد ولحيه محدده بطريقه مرتبه بصراحه اعترف هاي اول مره اشوف رجال جميل وجذاب لهدرجه ضليت اباوعله نسيت الخجل نسيت العيب نسيت كولشي اريد الكه عيب واحد بي بس ماكو بعدين انتبهت على نفسي ونعلت الشيطان وانبت نفسي عيب وحرام اباوعله بهالطريقه ضجت اني الي احجي على البنات هسه صرت اسوي مثلهن
دخل مباشره حضن خاله مريم الي ضلت تبجي بصوت تعبر عن اشتياقها اله عرفته ساعتها هو هذا الي جان مسافر من لهفته على امه ضلت تبوس بي وهو مبين انحرج من تصرف امه واجه خالو جهاد سلم على امي وشافني كال
جهاد : انتي براء مو
براء : ابتسمت اي اني شلونك خالو
جهاد : هللا خالو تعالي حبيبتي ليش مااجيتي شفتيه ويه امج
براء : رحت يمه سلمت عليه كتله جان عندي امتحان مكدرت اطلع فحجه واحد عيونه خضر وشعره طويل شكله مو راحه
قصي : انتي بت عمه ناديه الجبيره
براء : اي
قصي : شلونج عمو بيا صف انتي
براء : بكلبها (عمه بعينك انشالله ) بالخامس اعدادي
قصي : هاا ما مبين عليج وضل يباوع عليها من فوك لجوه
جهاد : تعاي خالو سلمي على الشباب خلي يتعرفون عليج
براء : يا ربي شنو هالاحراجات السلام عليكم
الشباب : وعليكم السلام شلونج
براء : الحمدلله ورجعت اكعد يمي امي
العصر ترخصو اهلي وكالو لازم نروح فكالت نجمه
نجمه : براء حبابه باتي عدنه
براء : بهمس مااكدر فشله عدكم ولد وبابا هم مستحيل يقبل
نجمه : اي قابل راح ياكلولج عفيه ابقي ونسيني حبابه
براء : مااكدر
نجمه : شو دوخري عمه خلي براء تبقه يومين واحنه انرجعها حبابه
ناديه : حبيبتي ابوها واخوها ميقبلون
نجمه : انتي قبلي ومعليج بالباقي
ناديه : اذا ابوها موافق اني معندي مانع
نجمه : خوش ورحت صحت لبابا اجه
جهاد : هاا بابا شتردين
نجمه : بابا فدوه حاجي عمو غيث حتى يخلي براء تبقه عدنه
جهاد : خاف البنيه متريد تبقه لتحرجيها بابا
نجمه : لابابا ماكالت مااريد ابقه بس كالت ابوها واخوها ميقبلون
جهاد: خوش جا راح احاجي
اكولك ابو محمد
غيث : تفضل ابو لؤي
جهاد : طالبك طلب لتردني
غيث : ماعاش الي يردك اامر
جهاد : اريد براء تبقه يمنه يومين واحنه نجيبها
غيث : بس
جهاد : هاا ابو محمد كتلك اني ارجعها
غيث : هاي لخاطر ختبقيى
جهاد : رحم الله والديك
جهاد : رحم الله والديك
طلع كل لنجمه الي طارت من سمعت ببراء راح تبقه
نجمه : براء براء ابوج قبل تبقين
براء :بكلبها يبووو مااريد ابقه اكولج اني معندي ملابس مااكدر ابقه
نجمه : عود اني انطيج يله تعالي طبي جوه ليشوفوج ويبطلون
براء : هههه
وره ما راحو الكل صعدو بيت خالو يرتاحون واني ونجمه رحنه لغرفتها دخلت شفتها كلشي بيها وردي تجنن حيل عجبتني وجربايتها جبيره كلتلي هاا شلونها الغرفه
براء : بابتسامه كولش حلوه
نجمه : شكرا حبيبتي وهسه شنو رائيج انام شويه حتى نسهر بالليل على فلم وهم تعرفيني على نفسج اكثر
براء : اوك
نجمه : تعالي انطيج ملابس
براء : انطتني دشداشه فانيله لزك على الجسم لونها كحلي ونجمه ضعيفه فحسيتها ضيكه كولش بس ما كتلها عيب بعد انطتي ياها رحت فليت شعري شافته نجمه تفاجأت
نجمه : الله شعرج يجنن هاي مسشورته وصاير هيج
براء : لا هو هيج طبيعته
نجمه : هنيالج اني ساعه اسشور بي وميطلع هيج يله تعالي نام حتى نكعد بالليل يااااي متحمسه لليل
براء : هههه اوك
بس تمددت نمت لان تعبانه رغم مااشتغلت بس من اطلع لمكان اتعب بدون سبب
________________
براء : كعدت شبعانه نوم باوعت للساعه عززه 9:30 راحت علينه الصلاة كمت كعدت نجمه
نجمه : شكو شكو شبيج
براء : كومي صارت الساعه 9:30 واحنه ممصلين كومي انطيني جادر صلاه وعود رجعي نامي
نجمه : ولج كايمه شبيج امشي نتوضه حتى نصلي ونحضر لسهره اليوم
براء : اي اي
رحنا توضينه وبدينه نصلي وره الصلاه كالت نجمه
نجمه : يله خلي ننزل نحضر للسهره
براء : اني ماانزل استحي
نجمه : لج من شنو تستحين تره همه بيت خالج
براء : حتى اذا اني مصار من ملتقيه بيكم غير يوم واحد بعدني مماخذه على الوضع
نجمه : شوفي ول واندكت الباب تفضل
قصي : مرحبا صبايا شجاي تسوون
نجمه : هلوو قصي تعال
براء : دخل قصي مااعرف ليش هالولد محبيته احسه ملعب
قصي : شلونج براء وضل يباوعلها
براء : رغم جنت لابسه جادر بس حسيت نفسي عريانه كدامه هذا شبي هيج يباوع كتله الحمدلله
قصي : انشالله عجبج بيتنه
براء : اي
نجمه : قصي خلاصا للحجي شتريد
قصي : صراحه اجيت اتعرف على بت عمتي الحلوه وبنفس الوقت جوعان واريد تسويلي انتي وبروئه اي شي حبابات
نجمه : ميخالف احنه نازلات هسه نسوي بوشار وناخذ حبشكلات حتى نشوف فلم ونسويلك اكل
قصي : خلي اكعد وياجن
براء : كرصت نجمه بدون مينتبه قصي
نجمه : اوي هاا لا مسوين كعده مال بنات منريد زلم
قصي : براحتجن اني رايح لغرفتي جيبلي الاكل للغرفه ولو زحمه حبيبتي
نجمه : بكلبها هاي من شوكت قصي يحترمي اي اي تدلل
طلع وطلعنا ورى اني وبراء الي كوه قبلت تنزل نزلنه لكينه البيت هدوء مبين الجماعه تعبانين محد طالع من غرفته دخلنه للمطبخ كالت براء
براء : اني حسوي البوشار وانت سوي اكل لقصي
نجمه : والله تسوين فضل
فتحت الثلاجه لكيت اكل زايد من الغده حميته وصبيته
نجمه : هاا كملتي
براء : اي كملت
نجمه : تعالي طلعي الحبشكلات بهذا الكاونتر
براء : باوعت مااكدر مااوصل
نجمه : ههههه هااا قزمه
براء : ههه اني شعليه الكاونتر عالي
نجمه : لج بابا اقتنعي انتي برغي
براء : وانتي تيل شطولج
نجمه : ولج تره اجيج ابسطج
براء : صدوك والله
نجمه : ههه شكد فطيره دروحي اخذي البوشار والحبشكلات واني اودي الاكل لقصي واجي
براء : اوك انطيني ياهن اخذتهن ووديتهن للغرفه رجعت اشوف نجمه وين صارت شفت غرفه كبال غرفه نجمه مفتوحه مدري ليش صار عندي فضول اشوف شنو بيها اخذتني رجليه الها دخلت امشي على كيفي وجان اشوف مجموعه من اللوحات الحلوه والجريئه بنفس الوقت ضليت افتر واتلمس اللوحات
براء : الله هاي منو راسمهن شلون حلوات وجان اشوف لوحه صدمتني
صوره لبنيه بلا ملامح بوضعيات استغفر الله هاي شنو غمضت عيوني واجيت اطلع وجان انضرب بحايط ضليت اتلمسه هذا
جسم يمه بس لا هذا جني كلت
براء : بسم الله الرحمن الرحيم ووخرت ايدي عن عيني وجان اشوف هذا ابن خالو الي اجه اليوم
.....: انتي منو وشعندج هنا منو سمحلج ادخلين
براء : هاا اني براء اس اسفه ماادري هذا الغرفه الك راح اطلع
.... : اوكفي انتي بت منو اهلج وين
براء : هااا اريد احجي لساني اربط مااكدر انطق
.... : وجعاا شبيج بابا احاجيج شعندج هنا
براء : بخوف اني وفزيت على صوت نجمه
نجمه : براء هاي انتي هنا صار ساعه ادور عليج
..... : نجمه هاي منو
نجمه : شبيج براء مكتيله انتي منو هاي بت عمه ناديه ام محمد
..... : هاا تعالي شوفيها مااعرف شبيها اخترعت من شافتني مدري هي اصلا مخروعه من كاعها
نجمه : لا هاي يمكن خافت منك لان مشايفك قبل براء اعرفج هذا اخويه زين الي اجه اليوم
براء : ااهلا
زين : هله
نجمه : يله امشي خلي اروح وطلعت اجيت اطلع ويه نجمه
زين : لحضه سمعي هالمره شفتج هنا وراح اسوي نفسي ما شفتج المره الثانيه اكسر رجلج مفهموم
براء : اوك وطلعت
عفت الرزاله الاكلتها منه وركزت على بحه صوته الرجوليه المسامعه مثلها قبل
رحت لغرفه نجمه واعتذرت لان دخلت للمرسم
نجمه : لا عمري عادي بس هو اخويه زين شويه غثيث يله تعالي خلي نشوف الفلم
براء : امممم
وهسه نجي نعرفكم على البطل
اسمه زين عمره 29 طوله 190 ووزنه 80 دكتور جراح جان عايش حياته ببريطانيا انسان قاسي ومعقد قليل الكلام رسمي جدا صدفه تلكى يشاقه ويضحك جدي اكثر من اللازم يكره شي اسمه بنات ما عدى امه واخته يكول كل البنات كح... طبعا كره للبنات كان بسبب عيشته بالخارج وجان يشوف البنات شلون يعرضن نفسهن على الشباب فنسج صوره بخياله على انو كل البنات هيج
فميحب يختلط بيهن ولا يحاجيهن اما شكله فهو جميل بمعنى الكلمه يملك ملامح رجوليه قاسيه وجذابه تجبرك تباوعله
