رواية عشكني ابن شيوخ الفصل الثالث بقلم مجهول
.. تريد تحاسب حاسب بناتكم مو تحاسبني مالك دخل
.. تدرين لو وحده غيرج حاجيه هيج وياي وبهاي صيغه وعلي جان دفنتها بمكانها بس عيب اسويها لان ماعرفج بس الايام جايه نشالله حجاها وهوه صاك على سنونه ووجهه احمر وركبته شرايينه شويه وطك من العصبيه
#بارت الثالث والرابع
... گبال غيرك روحي خشبة ما تهز ذيالي ريح ، أنت وحدك من تجيني منين ما تلزمني أطيح ㊗️
......
#سلطان:
طبيت للمطبخ اريد اشرب مي ترددت افوت لان بيت العالم ميصير افوت بدون ما استأذن وهمين الزلم بره ينتظرون فضل علما يلبس مرته الذهب ف بس اني طبيت ويا وثنين زلم من اهل العروسه طبو لان جانو ويانه بلحنه مال الزلم
"قصده على سيف ويوسف اخوان سلار "
' بس من رخصتكم افوت اخذ مي من المطبخ اذا مصير زحمه
سيف" لا حبيبي تفضل بيت بيتك شيخنا "
تسلم يزيد فضلك يلغالي
طبيت وياريتني مطبيت شفت ملاك مو بشر مو بنيه ما شاء الله عليها ليكول حوريه شعر الجسم البياض ف ضليت عاكد حواجبي اريد اعرف منو هيه ؟! لان بناتنا ماعدهم هيج بياض صراحه وهيج لبس
ملاحظه: حبايبي مو قصدي الاهانه او شي بس عدهم بما انو همه شيوخ ف بناتهم حتى لو بحفلاتهم لبس كلش قصير ميلبسون يلبسون فساتين جوه ركبه
واما عل بياض ف اغلبهم لو حنطيات لو سمرات فديتهم 🧡 وتحيه مني لاهل البصره 💖😍....
ندرات وياريت مندارت الوجه يكوله للكمر كوم اكعد بمكانك الله شخالق وين جانت هاي عن حياتي شنو جمال بس ضجت من لبسها كلش فاضح عصبت من هلناحيه حتى لو متكربلي بس ميصير
صار الحوار بينا " البارت القبله"
عصبتني كلش هل طفله اني اكبر زلمه يوكف كبالي يهابني وشحده يفك حلكه مو عاد طفله صح كل الي لابسته ومسويته بس مبينه شكلها طفولي يعني اصغر مني بهواي
توكع بيدي بسيطه حطيتها براسي شربت مي واني نار افورر هاي تحجي هيج ويايه شربت بل٣ كلاصات مي هم من وره منضرها اليغري وهم من اعصابي خلصت وطلعت يم زلم وره دقايق طلع فضل ورجعنا لبيت الشيخ الي هوه بيت ابوي رجعنا للحنه ومراحت دقيقه من بالي شكلها هيئتها شعرهاا اخ ياشعرهاا ذبحني ليكول حرير شبيه اني عبالك داراهق طفله تلعب لعب بعقلي صدك جذب ...
#سلار
رجعت للاسقبال وكلبي يدك عبالك راكضه الف كيلومتر رحت كعدت بصف بنيه تطلع بعمري تقريباً شكلها حلو ونازك ومرح جان حجت هيه
" انتي شصيرين من العروسه ؟" كالتها ومبتسمه
اني بت خالها
" اها تشرفت حبي "
الي شرف كلبي انتي شصيرين من العريس ؟
"بت عمه "
اها حلوو
" شسمج انتي "
سلار ونتي
" مرام "
عاشت الاسامي
" انتي العايشه كلبي "
كومي نركص. يلا
" كومي يلا ههههه "
كمنا ركصنا اني وياها وضحكنا بعدين رحنا كومنا حنان وهيه ميته خجل ركصناها وضلينا نركص وفرحانين مر الوقت وصارت ب٨ بدو المعازيم يرحون بعد ما اكلو الكيك وتعشو راحو بقو من اهل العريس الجده و بيت عمه عبد العزيز ابو سلطان وام فضل واخته لفضل اهل العريس الباقيين راحو لان اجو رياجيلهم عمتي توسلت بيهم عل عشه يبقون كالولها اكلنه وتونسنه طلابه بعد صار شقه بينهم عاد بس ذول بقو البيت شبه فرغ عاد كمت استاذنت منهم وطبعاً كلهاي وعين الجده ومرة عم فضل ام سلطان عليه ولا شالوها حتى رتبكت وكضتها بس تبسم ههههههه جان شويه وصاحتني الجده
" تفضلي حجيه "
" يزيد فضلج بنتي تعاي حبيبه كعدي ويانا "
" تسلمين بعد كلبي ي ليش لا حجيه " كعدت بينها وبين ام سلطان واني ميته خجل صرت بنصهم جان حجت ام سلطان
" حبيبه شكد عمرج انتي مكمله لو كاعده بلبيت "
" عمري ١٩ لا اول كليه محاماه "
" مشالله الله يسهل دربج "
" تسلمين خاله "
" انتي مخطوبه مزوجه ؟ "
" لا ! " كلتها باستغراب
" نشالله القسمه الزينه ويانا " كالتها بابتسامه
مفهمت قصدها بهلحظه صاحتني ماما علمود اساعدهم يمكن
" من رخصتكم "
مرخوصه بنتي " كالوها ثنينهم
عفتهم وطلعت
" ها ماما "
" روحي بدلي هدومج وهم شوفي حنان خاف تحتاج شي"
" ي ماما "
صعدت فوك طبيت كبل سولفت لحنان الصار
" هااا شكتلججج بلعباس عرفت هسه شويه شويه وبعدين تكلج اريدج لابني "
" اوي سكتي عاد مهم بس حبيت اكلج اروح اغسل وابدل نيالج شبساع بدلتي وسبحتي مبيه حيل اني "
" ي طبعاً من الركص ولا كعدتي فلك طرج"
" دنجبي لج اذا بعرسج ماركص المن اركص لعد"
" هااا ي والله هم صح "
رحت سبحت خلصت طلعت لبست بجامه صوف الشيرت ابيض وبجامه لون بصلي فاتح كلش حلوه ونشفت شعري وعفته مفتوح لان احب اعوفه مفتوح راسي يرتاح لان طويل ف من المه يصير ثكل على راسي لو اسوي ضفيره خفيفه او اعوفه عاد عفته مفتوح وتعطرت نزلت جوه سمعت صوت رياجيل كلت يجوز اجه بابا وعمو ولزلم ف طبيت للهول بومم!!
شفت الرجال الي شفته بلمطبخ " سلطان" وخطيب حنان فضل وخواني وابويه وعمو يعني كلهم نسوان ورياجيل كاعدين بل استقبال طبيت لنص الهول ماحجيلكم موقف محرجج كلشش ضلو كلهم يباوعون عليه عاد بابا اشر بعيونه على شعري اني فهمت قصده ف رحت لميته ورجعت بس شفت الرجال الي بلمطبخ عاكد حواجبه وشكله عبالك مفول من العصبيه هذا شبي؟
لكيتهم يردون يرحون بعد ف تسالمنا وخلصنا والرجال مشال عينه مني كام يربكني راحو طبينا اني وحنان كمنه نلم كم حاجه لان البيت نضفته ام جليل بقى بس القنفات والكوشه ابو حنان كال باجر اجيب العمال يرتبوهن عاد همه كالو تعبانين راحو نامو بقينا اني وحنان
" حنان اني ميتهه جوعع امشي ناكل "
" يي لجج انيهم جوعانه خلناكل وراها انام باجر اليوم الموعود🥺 "
" هههههه تمام "
رحنا حمينا لفات الكص بلمايكرو واكلنه ضلينا نسولف ونكركر صار نص ليل كمنا نمنا كعدنا صبح ب٧ تريكنا ورحنا لصالون مر الوكت وخلصنا اني مجان عندي شي بس الكوافيره سرحت شعري على طوله وحطتلي مكياج خفيف
اني ماحب شي طوخ لان يمحي ملامحي ف اختار اشياء نازكه وتلوك لوجهي ولبشرتي
ف جنت كل هل وقت منتطره حنان اني وعمتي وامي ضلينا كاعدين صارت ب١ دزينه لفات همبركر وببسي واكلنا وخطيه حنان ميته جوع ف بس خلصتها الكوافيره كبل كامت عل لفه وبدت تاكل ودمرت حمرتها واحنا ميتين ضحك عليها عاد خلصت الاكل وعدلت حمرتها واخذوها لبسوها البدله طلعت تجنن فدوه كلش نازكه
بدله مال محجبات بس طرحه مو حجاب لا طرحه نوعها هذا الميبين الشعر مو مثل تول ف حطولهيا ومبين كلشي من شعرها وتسريحتها
بدلتها ردانه كله كيبور ومن جوه منفوش من يم الصدر للخصر لؤلؤ وجوه ساده تجنن
عمتي وماما صلو علنبي وهلهلو بعدين خابرو فضل اجه وهوه طاير من الفرح خو من شافها سبح بعركه هههه فدوه كلش انيق جان والقاط مالته واحد راهم لثاني الله يسعدهم صعدنا بسياره ورحنا للبيت علمود فد ساعه هوه واهله يجون وتصير الزفه والعرسان يوصلولهم للفندق نزلنا وعلكيف اني وماما وعمتي لازمين بدلتها خاف تدمر لو شي طبينا للبيت وكعدناها
" اروح البس فستاني واجي "
" اوك سلور"
صعدت فوك لبست فستان بينصل اسود جوه لركبه وكعب اسود
عدلت نفسي ونزلت جوه شغلت الدي جي وبديت اغني واركص وحنان كاعده وتضحك فرحانه كلش بعدين امي وعمتي ومرام
" عدنه بل قصه ثنين مرام وحده اخت حنان وثانيه اخت سلطان مو تخربطون حبابيبي "
ا ضلو يصفكون عاد شوي وندك جرس فتحته عمتي طلعت حماتها وبتها جايين طبو ومباوس وهلاهل طكينا صور وهل امور اجوي اخواني وبابا وزوج عمتي وفرحانين كلش
ورا شويه سمعنا صوت هورنات كبل كلنه جويي اخواني وزوج عمتي وبابا طلعو يستقبلوهم ماحجيلكم على حنان الوجه صار احمر على اصفر من الارتباك وترجف مثل السعفه رحت يمها
" حبيبي شبيج حنون اهدي "
" لج عزهه حموت من الخوف تره والله مو بيدي بس موقف يجبرك تخاف وترتبك "
" يمعوده صلي عل نبي"
" الف صلاه وسلام علي " هديتها من روعها وجان صير صووت هلاهل قريبه وطبو واحد ورا الاخ والجكليت ومزيقه فدشي يرهب وحلوو كلش كلهم صلو علنبي وبدو يهوسون دخل العريس وباسها من راسها واحد لزم ايد ثاني وبدو النسوان يغنون هاي الاغاني مال اعراس
وبهلحضه حنان عيونها كامت تنزل دموع رحت يمها بس اريد اسكتها جتي عمتي وحضنتها وضلو يبجون
" يمعوده صل عل نبي وين قابل رايحه هم تجيج عمه وتزورج ولج لا تبجين حنان المكياج راح " اني احجي وياهم وابتسامه على شفتي وعيوني مدمعه الموقف صعب جان انو عايشه ويه اهلج طول هلسنين وبلحضه تطلعين منهم وتفاركيهم
النسوان كالو يا ام العروسه شمالج خيه بنتج بتنا وتنحط بعينا عليش هلبجي لا تفاولين علبت
عاد عمتي باوستها ووخرت منها وضلت تصفك خطيه ههههه
حنان وفضل بدو يمشون يطلعون من الاستقبال والمزيقه كدامهم اني مشيت ويا حنان شلت البدله ونسوان وماما وعمتي ورانا والزلم تارسه شارع ترس وصلنا لنص الكراج زوج عمتي واكف هوه وبابا واخواني بره يم زلم عاد طب عمي للكراج وباس راسها لحنان وحنان تبجي باست ايده كللها
" بويه رفعي راسي ودربالج على بيتج وعيالج همه اهلج الثانيين صارو الله يرضى عليج ويهنيج بحياتج يضوه عيوني . اندار على فضل وكله
بويه بنتي امانه عندك حافظ عليها ولا تزعلها وبعد ماوصيك انته ابن اجاويد "
" بعيني احطها عمي تسلم الله يطولنا بعمرك "
طلعنا بره فضل فتحلها الباب صعدت وعدلت بدلتها بسياره تقربت عليها
" ليله ليتلج يا حنون الله يسهل دربج " وغمزتلها وابتسم
" سكتي لج يجي يوم وتصيرين بمكاني خنشوف شون رده فعلج "
" ههههه الله وياج مخبله احبج يروحي الله يسعدكم " طبعاً هاي كله مشاور بينا تباوسنه وسديت الباب
هيه وفضل ليوره ورجال ليكدام ماعرف منو يمكن كرايبهم عاد طلعو كدامنه سيارتهم ومزيقه هم وهورنات بدو اهل العريس يصعدون بسياراتهم اني مشيت اريد اروح اصعد ويه اهلي ف وكع موبايلي بلكاع دنجت دا اخذه ماحس الا ايدي نجعصت ونجريت باوعت هذا نفسه الرجال ذيج مره يمه يخوف هذا شبي عزه جمدت بمكاني جان يحجي وهوه فاير
" ومحمدد تدرين لو ماكو احد جان شكيتج بلنص " اباوع وجهه احمر ركبته الوريد شويه ويطك وعاصر ايدي
" وخرر منييي هاي شبيكك اهلي لا يشوفون عفيه وخرر" كتله واني داحاول اخلص ايدي من قبضته القويه الي احس ايدي حتنكطع من ورا
" شنوو هلبس نوب دنجين وزلمم وراججج شوفيني اهلج وينهم بله عنجج ليش متحترمين المكان البي انتي وعلي لو عندي سلطه عليج جان هنا دفنتج وحق الله "
" وخرر شعليككك عفيه وخرر عفته ورحت ركض لسياره بابا همزين جانو جوه مدري شدياخذون عاد فتحو سياره وصعدت واني جسمي يرجف وعيوني نملت دموع باي حق هذا يتدخل شعلي وشسويت اني قابلل امداااا رحنا وراهم وزفه واني واهسي راح من ورا هلهمجي وضليت بس ساكته وين قبل شويه وين هسه
عاد وصلنا للفندق بدو ينزلون من سياراتهم اهلي بدو ينزلون شافوني ضاله بمكاني كاعده عاد بابا كال
" يلا نزلي باباتي"
" بابا مالي خلك مدري شبيه روحو انتو حبقى بلسياره دخت شويه "
" براحتج حبيبتي حنزلج الجام وهاج مفتاح سياره خاف ردتي تنزلين "
" اوك بابا "
راحو نزلو بدو يطبون شويه شويه للفندق واني ضليت اباوع عليهم سياره طابكيها قريب على باب الفندق ف مرت ١٠ دقايق يمكن دياخذون صور جان اشوف نفسه الرجال شون مصيبه هاي وين ماروح الكا بس هوه مديشوفني يمكن فضليت صافنه علي جان بنيته ضخمه وطويل ولابس قاط كلش وفاتح اول دكمتين مدري شصار بيه شكله ولبسه كلش جذبني ياااهه هاي شداحجي اني خليولي كرهته مو نفسه رزلني مرتين عابتله درت وجهي من جامه
بعدين باوعت بطرف عيني شفته ديحجي
بلموبايل ،.....
