رواية فصلية بديلة الفصل الرابع بقلم ام ملكوت
بيبي: يمه مريم كومي اخذي البنات ونامن مدام مابي شي ابوجن
وانتن يمه يله روحن كلمن لبيتهه ارتاحن الحجي شويه ويجيبونه يريد ينام يرتاح وباجر عود شوفنه يله يمه ..
الكل: انشالله تصبحين على خير
بيبي: اجمعين بنياتي..
سماء: بيبي وانتي ماتنامين
بيبي: لا بيبي راح انتضر جدج لازم اتلكاه
سماء: ماشي بيبي يله رايحه اني محتاجه شي
بيبي: لا سلامتج بنيتي..
سماء: رحت للغرفه شفت خالاتي متمددات ويبجن سكته..
_خاله شبيجن تبجن
مريم: ماكو شي خاله نامي لا تهتمين
سماء: رشا كليلي شبيجن ..كاعد تبجن على حمش لو على جدو
رشا: بجي ..عليهم ثنينهم ابوي الحمدلله صار بخير بس حمش خايفه عليه كلش هنا عدنه ياخذون الدم بالدم خايفه يسووله شي ..
سماء: فال الله ولا فال ابنادم ادعي مايصير شي لا تكعدين تفاولين على الولد خاله
سماء: لااا مو هواي..
رحت لحضنهه نمت واني بداخلي ارجف من الخوف وافكر باجر شراح يصير...
نمت واني بحضنهه ماكعدت منا للصبح على صوت رشا
رشا: سميه حبيبتي كعدي ماتردين تشوفين ابوي
سماء: اي حبي كعدت بس اغسل وجهي وانزل..
كمت بدلت ملابسي وغسلت وجهي ونزلت صبحت عليهم ورحت للديوانيه دخلت ورحت شبكت جدي وصبحت عليه..
_صباح الخير جدو الحمدلله على سلامتك
جدي: الله يسلمج حبيبتي
جدي: ههههه اي حبيبتي
بيبي: وج بيش طالبه الرجال هسه تزركينه بعين ..عابت ام خشم
سماء: ععهههه شدعوه ماحسد الاحبهم اني..
مريم: يله وخروا عن ابوي خلي يتريك..
سماء_
كمت وطلعت لكيت حمش كاعد بالساحه ويدخن بسكوت..
_حمش هاي شنو من يمته تدخن انته
حمش: ها خالي جا شسوي احرك بروحي جنيت على نفسي واهلي والله يستر شراح يصير بعدين..
سماء: لا تخاف خالي انشالله مايصير شي يله كوم خلي نتريك اني وياك ..
سحبته من ايده وطفه الجكاره وكام وياي للمطبخ كعد وصبيت ريوك وتريكنه اني ويا اعرف مو هين الصار ومو سهله الانسان ينسه هيج موقف
اكيد كاعد يحس بالذنب ويحس ان مات شخص بسببه بس شبيدي مابيدي شي عليه غير ان احاول اضحكه واخفف عنه تأنيب الضمير..خلصنه ريوك وهوه اكل بس لكمتين ودخل لغرفته واني رجعت للديوان دخلت وكعدت يم بيبي..
_اكلك جدو اسال لو مابيك حيل
جدي: اي جدي سالي
سماء: جدو شراح يصير بالقضيه يعني راح يطالبون بدم خالي لو يسجنونه لو شنو
جدي: اااخ ياجدي مادري هواي اكو احتمالات هنه يا اما يطالبون بدمه ودم اخوته لاسمح الله او ياخذون فصل فلوس وهاي مكدور عليهه يا اما..
سماء: هاا انشالله خير انشالله ماكو شي وتنحل بالفلوس..
حجيت واني مامفكره شراح يصير بعدين ...
4 ت
مرت ٤ ايام واهل الولد مالهم حس ولا خبر وبيوم جنه كاعدين نتغده الضهر احنه وخوالي وخلصت قبلهم وطلعت بره اغسل
وماسمع الا صوت الرمي خرط بيتنه خرط خفت يكون واحد من خوالي بره خليت وطلعت من يم المغسله وماحس الا صارت نغزه وحرقه برجلي وبعد ماحسيت على شي...
..................
البطل" شهم "
// العمر ٣٨ سنه ابن شيخ عشيره ......
حنطاوي البشره عيونه عسلي ومرسومات وطوله ١٧٠ جسمه تارس وحلو عضلاته وسط ومناسبه ..
شخص عصبي جدا..
28 تع
متزوج من عمره ١٨ سنه وزوجته متوفيه من ١٠ سنين ومن كثر حبه الهه ماتزوج مره اللخ عنده ثنين ولد ..
عائلته عباره عن..
الاخوان ٤ [ باقر ٤٠ سنه _شهم ٣٨ سنه_ شعلان ٣٠ سنه_وساجد ٢٥ سنه]..
4 تع
الاخوات[سمر ٢١ سنه_سحر ١٧ سنه]..
الابناء[محمد ٢٠ سنه _ مرتضى ١٧سنه]
....................
#قبل ٥ ايام..
شهم_
كاعدين اني والوالد والوالده بليل نسولف على امور عائليه..
الشيخ محمود: بويه شهم ابنك طلع من العصر شو تاخر
9 ت
شهم: بويه كال مخنوك وطلع خلي يرفه عن نفسه لان مو عاجبني وضعه بالاسابيع الفاتت حجيت ويا ما كالي شنو بي بس وليدي واعرفه بقلبه غصه جبيره ..
كملنه سوالف ووكفت جبت نقالي واتصلت عليه مره مرتين ماكو اتصلت بال١٠ مرات ياله رد بعد مارجف جسمي كله من الخوف عليه ..
_الو وينك ليش ماترد صارلي ساعه اتصل عليك وينك ماتكلي
مجهول: مرحبا انت ابو مرتضى
شهم: اي نعم اني منو حضرتك وين ابني
مجهول: للاسف ابنك سوه حادث وتوفه البقيه بحياتكم..
شهم: طاح هل خبر مثل الصاعقه على قلبي جسمي ماكمت احس بي ورجلي ماكدرن يحملني اباوع لامي وابوي يحجون وياي
بس ماسمعهم فجاتا صارت نغزه بقلبي وطحت ماحسيت بشي بعدهه..
كعدت على ضوه يصكع اشوف ابوي فوك راسي يحجي ويه الدكتوره وامي يمي تبجي وتقره قران
_الله يسلمك دكتور.. بويه وين انه وشبيه..
الشيخ: بويه انت صارلك يومين نايم مستشفى انوكلت قلوبنه عليك بويه..
شهم_
للحضه حسيت الصار قبل يومين والسمعته كله حلم للحضه قلبي ارتاح بس لا مو حلم
ليش اني بالمستشفى اذا السمعته حلم لا لا وليدي وين ..كمت اصيح بهستيريه..
.بويه ابني مرتضى وين بويه جيبه خلي اشوفه بويه اريد اشوف ابني ..
الشيخ: بجي...ولك بويه كافي اسكت لا تهد حيلي فوك ماهوه مهدود على ضناك ..وليدي الصار قضاء وقدر وماكو احد يبقى بالدنيا عايش وليدي..
شهم: وينه بويه اريد اشوفه فدوه ودوني لوليدي ودوني اله ماريد ابقى عايش بهالدنيا اريد اروح ويا بويه..
الشيخ: ولك بويه كافي تريد تموتني قهر عليك بويه كافي مو زين على صحتك ماصار يومين من مجلوط وطايح علينه بويه..
شهم: بويه هذا ابني هذا قطعه من روحي تعرف شنو يعني قطعه من روحي بويه اموت اذا مات ابني ماتحمل
بويه ولدي عيوني الاشوف بيهه واذا واحد منهم راح انعمي وماشوف شي بعد بويه انت ابو وتعرف فكد الضنه شنو..
1 تع
الشيخ: بويه والله ادري وداعتك ادري بس شنسوي يابويه حكم الله اكبر مني ومنك..
شهم: بويه وديني خلي اشوفه
الشيخه: بجي...ولك يمه وين رايح وانت بهذا الحال وين..
الشيخ: خلاص وليدي اعوفك بس اني اخذك ماتسوق انت السياره وليدي..
شهم: ميخالف بويه بس خلي اروح اشوفه..
اخذوني للسياره وتحركنه واني الطريق كله الوب وقلبي صاير جمر على وليدي وضناي وروحي ..
شويه ووصلنه للمستشفى دخلنه ودونه للغرفه اليخلون بيهه الموته دخلت والريحه عفنت نفسي رحنه وره الدكتور وكشفو على وجه وليدي ..
انهد حيلي وكوه مشيتله وحضنته وكمت ابجي وابجي وابجي وشكيت زيجي عليه لحدما اغمى علي شويه وكعدت واني حاضنه بقوه ..
3 ت
_ولك بويه مرتضى كوم ولك وليدي ماتحلالك النومه يبعد ابوك كوم لا تحرك قلبي عليك ولك وليدي
لا تعوفني اني واخوك بهالدنيا وتروح ولك بويه عسى عيوني انعمت ولا شافنك متمدد وبلا نفس ولك بوياااااااااااا..
13 ت
الشيخ: بجي...ولك بويه شهم لا تسوي بروحك هيج بويه انت مو اول واحد يفقد ولد اكو ناس اتعس منك فقدو كل عائلتهم بيوم وليله والبيهم انذبح ضناه كبال عينه
بويه شهم اتذكر مصيبه آل البيت عليهم السلام وانت كلشي يهون بقلبك فكر بحال الحسين عليه السلام شلون تذبحو ابنائه وابناء اخوته كبال عينه واحد واحد وحملهم بحضنه ودفنهم
8 ت
ولك بويه الحسين ابنه رضيع انذبح وصار يرفرف مثل الحمامه المذبوحه بين اديه وكله وكال ربي تقبل منا هذا القربان ..
1 تع
كوم وليدي واعتبر ابنك راح قربان لوجه الله تعالى واستند بالله واهل البيت وانت بيهم تقوه ..
شهم: يناشغ..بويه احترك قلبي بويه
الشيخ: الله يبرد قلبك ويهون عليك وليدي الله يشدد على قلبك بالصبر والتحمل ويعوضك بي خير .
.كوم يبعد ابوك كوم اطلع وياي خلينه نروح ندفنه خطيه صار يومين بره كوم وليدي..
