رواية أحببت من لايبالي الفصل الاربعون بقلم مجهول
قبل ساعه ....
براء : خلصت الحفله واجت الزفه طلعنه لكينه السيارات واكفه بباب القاعه ... نزلت بوشيتي ومشيت ويه البنات .... وكفنه يم سياره حسن نباوع للولد شلون يركصون
جميله : ولجن شوفن حسن شلون ذب لحم ههه والله خوش يهز انوب اخلي يركصلي
براء : حطت ايدها على حلكها ضاحكه
شمس : هههه انتي شلون بيج
براء : اباوع الولد كلهم يركصون ماعدى زين واكف على صفحه ... طلع قصي ويه العروس الكل راح صعد بسيارته حتى تطلع الزفه ... ضليت واكفه وين سياره زين ... حسيت بايد لزمت ايدي فزيت درت وجهي شفته زين
ب
زين : ببرود دنكي وامشي كدامي يله
براء : مشيت كدامه وهو ورايه وصلنه لوره القاعه لان صاف سيارته هناك
زين : يله صعدي
براء : صعدت ورفعت البوشيه .... ليش موكف السياره هنا
زين : حرك ... احسن
براء : طلعنه بالزفه ... الولد يونسون يتسابقون منو يلزم الزفه اول شي
زين : شلونها الحفله
براء :حلوه
زين : خو محد ضوجج
براء : لا
زين : خوش
براء : باوعت لحسن يأشر لزين ... زين حسن يحاجيك
زين : نزلي بوشيتج راح افتح الجام
براء : نزلتها
زين : فتحت الجامه ... شتريد
حسن : بصوت عالي تتراهن
زين : ابتسم على شنو
حسن : الي يلزم الزفه اول واحد ويضل لازمها لحد مانوصل للفندق هو الفايز والخاسر ينطي 25 للثاني خوش
زين : حرك السياره ... حضر ال 25 ... داس بريك ماشي بسرعه
حسن : بصياح غشاششششش
زين : ههههه
براء : ضحكت زين خفف السرعه
زين : تردي يفوز عليه مستحيل
براء : اباوعلهم يمشون بسرعه ومحد ينطي مجال للثاني ولؤي وسجاد يتحارشون بيهم تحمست .... زين غلبه غلبه حباب
زين : داس بريك مو يأمر الحلو .... مشيت اسرع .... صحت اكوو ناس راح تخسر فلوس اليوم
حسن : بصوت عالي باحلامك شتكولين بباتي
مريومه : اي اي اثبقهم
حسن : هههه صار ... مشه اسرع
براء : راح يسبقونه
زين : مو عيب عليج اني اخلي واحد يفوز عليه
براء : مشه اسرع ولزم الزفه ... هيييييييي فزنه عليهم
زين : ضحك
براء : ضل زين لازم الزفه لحد ما وصلنه للفندق وكف السياره ... نزلنه يم بيت حسن نزلو اباوع مريومه مبنده من البجي ... شبيج حبيبتي
جميله : شفتي بله تبجي لان غلبتونه
براء : يااا حبيبتي
مريومه : ببجي وليييي لييييش غلبتونه
زين : ابتسم .... شالها تعاي حبيبتي ماغلبناكم احنه جنه نشاقه يله كافي بجي تره اذا تبجين ما اشتريلج باجر حاجه
مريومه : تباوعله وعيونها يلمعن من البجي ... ششتليلي
زين : بوسها الي تردي بس لا تبجين
حسن : يله جميله تعاي احنه نروح وخلي مريومه ويه بيت زين
زين : اوكف اوكف وين رايح
حسن : شتريد
زين : جيب 25
حسن : طلع محفظته قسم بالله انت غشاش ... هاك بس تره اني ما راضي
زين : ببرود يطبك مرض رضيت لارضيت ... شفت سجاد .... تعال سجاد
سجاد : هاا
زين : انت جوعان
سجاد : اي والله صار ساعه اتوسل بامي تطيني من عشه قصي ماتقبل تكول هذا للعرسان
زين : هاك هاي خمسه وعشرين مني الك روح تعشه بيها
سجاد : صدك
زين : اي سجاد : خذاها رحم الله والديك الله يرزقك الله يستر على عرضك الله يطول بعمرك الله ي
زين : ببرود انجب لاتضل تكدي براسي اخذها وولي
سجاد : ههه شكرا
حسن : خذه مريم هله انوب كمت اصرف عليكم من تالي عمري
سجاد : دروح روح همزين زين اطاني قابل الفلوس طالعه من جيبك حسن : اي صحيح من جيب زين
زين : ابتسم يله اني راجع للبيت
سجاد وحسن : الله وياك
_____________________
قصي : خلص العرس والولد زفوني للغرفه فتحت الباب ودخلت ... شلت راسي وجان انصدم لج انتي لوين تردين توصلين بالضبط هاي شمسويه
نازك : لاتصيح عليه
قصي : اباوع الغرفه مكلوبه كلاب وملابسي الي جايبهن وياي كلهن بالكاع معفسات .... لج حيوانه شمسويه بالغرفه انتي
نازك : اولا لاتغلط وثانيا .... والله بكيفي اخرب الغرفه اخرب البيت هذا شي بكيفي وبمزاجي ماامشي بكيف احد
قصي : استغفر الله .... اكو مثل يكول تجاهل الحمير لتعيش امير وهذا الي راح اسوي .... نزعت سترتي لميت ملابسي اخذتهن وطلعت كعدت بالصاله ... ياربي شلون بيه هاي اول يوم وسوت بيه هيج ... سمعت صوت حركه شلت راسي شفتها واكفه بباب الغرفه بقميص نوم ابيض
.. سمعت صوت حركه شلت راسي شفتها واكفه بباب الغرفه بقميص نوم ابيض مشت تجاهي ... خير؟
نازك : كعدت ... ليش كاعد هنا شنو راح تخلص اليوم كاعد هنا
قصي : وانتي شعليج
نازك : شنو راح نخلص الليله كاعدين هنا
قصي : شنو قصدج
نازك : كامت افف هم مكروهه وهم غبي اروح انام احسلي شكلك ماتعرف شي
قصي : جرها من ايدها ... اول شي لسانج هذا تكصري لاقسم بالله اعوف مبادئي واتعامل وياج باسلوب اني نفسي اكرهه احترمي نفسج وجري عدل احسن
نازك : شسويلك انت استيعابك ضعيف صار ساعه المحلك وانت كلشي ماكو
قصي : اففف يعني انت قابله اتقربلج
نازك : بصراحه مو لسواد عيونك ولو عيونك موسود بس حتى مايكولون الشيخه معيوبه راح اخليك تتقربلي
قصي : استغفر الله ... اخذت ايدها ودخلت للغرفه نزعت قميصي وورخرت الروب عنها دنكت ابوسها دفعتني
نازك : لاتبوسني كمل شغلتك ووخر عني
قصي : عافها وطلع والله دنعل ابوج يابو الي يفكر يتقربلج
نازك : وين رايح
قصي : كملي الشغله وحدج انتي تكفين وتوفين ... سديت الباب وطلعت لكيت الاكل على الميز علكت التلفزيون اخذت الاكل وكعدت اتعشه واتابع تلفزيون بلكت هالخنكه العندي تروح احس روحي راح تصعد .... ياالهي اتوبه هاي اول واخر مره اتعرض لاحد بس خلي هالشي يطلع حلم
نازك : هذا وين راح الكبر حتى الكبر شلون خلقه ... تغطيت وطلعت موبايلي اكلب بموبايلي دخلت من حسابي الجديد على صفحه زين لان حظرني من هذاك الحساب اباوع لصوره شيصير لو يطلع اليوم عرسنه شيصير لو هاللبس لابسته الك شيصير لو انام واشم عطر جسمك حضنت الموبايل آااااه ... ضلت تعتب وتحلم بصوت عالي متجاهله الي واكف بباب الغرفه ويسمع كلامها
قصي : حسيت واحد يوج نار بيه من سمعت كلامها ... مو لان احبها اصلا ماعندي اي مشاعر تجاها .... بس صعبه عليه اسمع مرتي والي على اساس صارت شريكه حياتي تحلم تسوي هيج اشياء ويه اخويه لا وتنام وهي حاضنه صورته .... آآاااخ شكد صعب هالاحساس ... صعب عليه كرجل اسمع هيج كلام من مرتي على اخويه ... مسح دموعه ضاحك هسه عليمن هالدموع فد قندره هي رجعت للصاله تمددت ونمت
________________
زين : متمدد وبراء خاله راسها على بطنه
براء : اني هسه عندي عطله
زين : ابتسم شبيج
براء : شوف جمال الكلمه اني عندي عطله اربع اشهر اربع اشهر لادراسه لا امتحانات لا كعده من الصبح هيج اسوي الي اريده وماكو شي يزعجني
زين : مسح على شعرها هيج مضوجتج الدراسه
براء : اي والله كولش تعبني الخامس ماكو شي فكر ماصار بي طبعا ماعدى شغله وحده
زين : شنو هي
براء : اني تزوجتك
زين : باس ايدها
براء : مااعرف ليش خطر على بالي هالسؤال .... حبيبي عادي اسألك سؤال
زين : سألي يروحي
براء : برائيك نازك حلوه
زين : يانازك ؟
براء : تلعب باصابعه مرت قصي
زين : ماشايفها
براء : ولامره
زين : ولامره بس خلي اكلج شغله ... ماكو مره بهالدنيا مو حلوه
براء : شلون يعني
زين : يعني ماكو مره بهالدنيا مو حلوه او بالاحرى ماكو شخص بهذا الكون مو حلو لان كل كائن بهاي الدنيا الله خال صفه بي ما متواجده بغيره وللمعلومه الجمال دائما يكون جمال روحي يعني اذا انتي روحج حلوه ونظيفه راح تنعكس على شكلج بحيث تكونين جميله بعيون الناس فهمتي
براء : ابتسمت حلو تفكيرك زين : وخر شعرها عن وجها ... مو بحلاتج
براء : اكولك حباب سولفلي قصه صار هواي ممسولفلي شي
زين : سكت شويه .... بهدوء سمعي هاي القصه كلش حلوه
براء : اسمعك
زين : هاي جان اكو شاب يعاني من مشاكل هواي بحياته مل وحب يلاكي حل حتى يخلص من هالمشاكل توجه لحكيم حتى يسأله ... وصل للحكيم وشرحله وضعه المزري ... كله الحكيم عندي الك حل ... اخذ صمة (كميه) ملح وخليها بكلاص ماي واشربها وتعالي باجر ... رجع الشاب لبيته اخذ صمة ملح وخلاها بكلاص الماي وشربها .... رجع ثاني يوم للحكيم ... سأله الحكيم شصار ... جاوبه ماكدرت اشربه من شدة ملوحته ... ابتسم الحكيم كله جيب صمة ملح وتعال وياي ... راح الشاب جاب الملح واجه .... اخذه الحكيم وراح للنهر .... كله خلي نفس الكميه مال الملح بالنهر .... نفذ كلامه الشاب .... كله الحكيم اشرب ... انحنه الشاب شارب من الماي ... كله الحكيم شلون طعم الماي ... جاوبه ! .. حلو وعذب ... كله شفت احنه حياتنه مثل النهر وكلاص الماي والمشاكل هي هالصمة من الملح .... احنه كادرين نصير مثل كلاص الماي نخلي الملح يدمر طعم حياتنه بتشائمنه وتذمرنه وبنفس الوقت كادرين نكون مثل هالنهر لو شكد ما اكو بي ملح يبقه حلو وعذب لازم نكون مثل النهر نتحمل عقبات الحياة ونقابلها بوجه بشوش وبكلب ايجابي ولازم نلجئ لله بكل مشكله طالبين حلها منه بدال ما نتذمر ونتشائم ... فهمت ... ابتسم الشاب على نصيحه الحكيم الي غيرت حياته للاحسن وراح مبتسم وكلبه مطمئن
براء : بهدوء ... حلوو عاشت ايدك بس منين تجيب هالقصص الحلوه
زين : حبي للقراءه خلاني اوصل لهلروايات الحلوه ممكن تكون مو حقيقه بس اساسها مفيد وصحيح
براء : هزت راسها ... تدري اني محظوظه لان الله خلاني مرتك
زين : باس ايدها اني الي محظوظ لان الله رزقني بانسانه مثلج
براء : كامت حضنته بقوه
زين : شد على حضنها مستنشق عطرها بقوه
___________________
صباحا
قصي : كعدت الساعه بثمانيه وخرت الغطه وكمت اخذت بنطرون وقميص ودخلت للغرفه ... شفت نازك غاطه بالنوم ... انتي انتي هييي يله كومي نريد نطلع
نازك : فتحت عيونها .... شكو
قصي : كومي تصخمي حتى نروح للبيت اهلي منتظرينه يله
نازك : كامت اخذت الروب لبسته
قصي : عفتها واجيت ادخل للحمام
نازك : اوكف
قصي : خير
نازك : اني اريد اطب بالاول
قصي : وليش
نازك : اكو مقوله تكول النساء اولا
قصي : باوعلها بنظرات غريبه ورجع دار وجهه يباوع وراا
نازك : باستغراب شبيك
قصي : وين النساء
نازك : شنو
قصي : مو جاي تكولين النساء اولا جاي ادور على النساء حتى ادخلهن قبلي بس شو ماكو اي نساء بالموضوع
نازك : بعصبيه شنو قصدك يعني اني مو مره
قصي : فتح باب الحمام ... باستهزاء بشاربج هذا الاثخن من شارب سجاد ... عافها ودخل
قصي : صاح من الحمام ... روحي لبسي وتحظري لا اطلع انعل والديج ساييييبه
نازك : مسحت على وجها ... بكلبها ... لك اني سايبه ياابن الكح.... عفته ورحت طلعت ثوب بيجي وكعدت تمكيجت مو لخاطر احد بس حتى محد يكول شيخه نازك مخربطه لو جناين مريم احلى منها ... ابتسمت مااصدك راح اعيش بنفس البيت الي عايش بي زين
قصي : طلع من الحمام ... يله فضيها كملي لبخ حتى نطلع
نازك : عوجت حلكها ... اي
______________
براء : كعدنه اليوم من وكت لان خالو جهاد مسوي غده لان اليوم الصبحه مال قصي ( طبيعه متعارفه عد اغلب العراقيين) لبست ثوب بنفسجي غامق ويه شال بنفسجي وطبعا بدون ولا قطره مكياج لان هاي اوامر زين .... واكفه اسوي جاي لان اهل العروس جابو كيمر ريوك (اعتقد هاي عاده )
حسن : خويه عفيه ماصار الجاي الجماعه منتظرين
براء : اي بس خلي يتهدر واصب
حسن : خوش
سجاد : صباح الخير
براء وحسن : صباح النور
سجاد : شسالفه مكعدينه من الصبح ماتكولون ناس تعبانه من البارحه والله ظهري مكسر تكسر كوه كمت
حسن : لك عدنه خطار طب للاستقبال وشوف ماكو محط رجل جماعه ابوك كلهم جايين وكرايبنه هم
سجاد : شعدهم جايين هو غده شكو جايين من الصبح
حسن : وتتوقع ذوله يفتولهم غده لو عشه حبيبي ذوله يموتون على البلاش
سجاد : ههه
براء : تهدر الجاي اصب
حسن : اي خويه
براء : طلعت الستكانات واجتي نجمه وياي ... اكولج جم واحد اصب
نجمه : صبي وجبه اولى عشرين والثانيه عشرين للزلم والنسوان
براء : ماشي ... صبيت صينيه للزلم واجت خاله مريم قسمت الكيمر والعسل على جهه لان اني مااعرف والبنات ملتهيات قسم يم الخطار وقسم يتاكدن من غرفه قصي كون كلشي كامل بيها
مريم : عاشت ايدج بعد كلبي
براء : ابتسمت ولو خاله مسويت شي ... دخل زين
زين : باس راس امه .... صباح الخير
مريم : صباح الورد على هالوجهه المنور
زين : ابتسم
مريم : اجوي الكل لو اكو بعد
زين : شسالفه يمه ستوها بالعشره بعد وكت
مريم : خالاتك اجن بقن عماتك لسه مااجن
زين : تلكيهن بالطريق هسه يجن
مريم : باوعت لبراء صافنه على زين ... ابتسمت اكلك شو ما صبحت على مرتك
زين : غمز صبحت عليها فوك
مريم : ضحكت ... يله اني رايحه يم النسوان وانتي يمه براء جيبي الجاي وتعاي حتى نتريك
براء : صار .... طلعت خاله مريم باوعت لزين الي واكف ضام اديه ... بهدوء تريد شي
زين : تريكتي
براء : لا هسه اخذ الكيمر واروح اتريك ويه خاله والبنات
زين : سؤال
براء : باوعتله مبتسمه جواب
زين : اكو كيمر ياكل كيمر ؟
براء : ابتسمت
زين : تقرب يمها بس تدرين الكيمر مالتي اطيب واحلى دنك هامسلها وبي فراولات حمر
براء : بخجل زين
زين : خله ايده على خصرها ... روح زين
براء : احم وخر ليدخل احد فشله
زين : ابتعد ... اطيني كلاص ماي من يمج
براء : صبيتله تفضل
زين : شكرا
براء : عفوا تريد شي بعد
زين : نزل الكلاص .... برجوله اريد كرز
براء : نفت ماكو
زين : منا منا
براء : ابتسمت زين عيب منا ناس ليطب واحد علينه فجاءه
زين : بهدوء صارت بنفسي
براء : وكفت على اطراف اصابعها دنك
زين : صار ... دنك عليها
براء : باست شفته بهدوء وابتعدت ... بخجل يله روح
براء : بتوسل حبيبي روح لا تدخل علينه حجيه خوله وتخزينه فدوه لكلبك روح
زين : هذا مايكفي شضكت اني
زين : ماشي بس اطالبج بتعويض وياه فوائد لان البارحه يابسه كلشي ماشفت
براء : بخجل ميخالف بس روح
زين : بوس خدودها يله رايح
براء : ابتسمت بهدوء مباوعه لظهره وهو يمشي وازن الكاع ... يمه اروح فدوه لهطول ... رجعت صبيت جاي وخليت الكيمر ورحت لغرفه خاله لان كاعدات هناك
مريم : وين صرتي يمه
براء : كعدت اسفه تاخرت ... تريكنه بسرعه وشلت المواعين غسلتهن جميله ووكفت خاله مريم هي تطبخ الغده لان جايبين ذبايح وبس هي تعرف تسويهن .... دك الجرس راح ايفان فتح الباب دخلت امي ... رحت سلمت عليها صباح الخير
ناديه : صباح الانوار حبيبتي
روان : شلونج بروئه حبيبتي مشتاقتلج والبارحه مااجيت للعرس حتى اشوفج
براء : باوعتلها بهدوء ... الحمدلله انتي شلونج
روان : حضنتها بقوه والله مشتاقتلج هواي همست الله يخليج سامحيني
براء : طبطبت على ظهرها ... تشتاقلج العافيه
روان : ابتعدت ماسحه الدمعه النزلت من عينها
براء : ابتسمت بهدوء لاتبجين خلص مسامحتج
روان : صدك
براء : هزت راسها
روان : ضحكت حبيبتي فدوه اروحلج
براء : دخلت امي تساعد خاله مريم وروان دخلت كعدت يم بنات خالاتي خالده وابتهال ... واني رحت اساعد خاله مريم والبنات بالطبخ .... دك الجرس سمعنه صوت لؤي يكول العرسان اجو ... طلعنه كلنه نستقبلهم
______________
نازك : وصلنه لبيتهم اباوع شنو هاي مو بيت هذا شضخمه شنو الواجهه شنو البناء ضليت صافنه خرب يمكم شكد عدكم فلوس واني الجنت عبالي بيتنه احلى بيت طلعت الجنه ببيت جهاد
قصي : نزلي
نازك : نزلت وكفت يم الباب ... اباوع كومه حرس على الباب
قصي : صفيت السياره واجيت لكيتها واكفه ما دخلتي شمتانيه
نازك : غير الخدم يفتحولي الباب شو صافنين بوجهي
قصي : وليش يمه شنو ايدج مكسوره ويفتحولج الباب
نازك : باوعتلهم لا اسم الله عليه حبيبي بس غير هذا شغلهم والا ليش تنطوهم راتب
قصي : باوع للحرس الي بين عليهم الانزعاج والضوجه لان قللت من قيمتهم ... هذوله حرس مو خدم عد ابوج وهسه فتحي الباب وعوفي سوالف المسلسلات لا انزل جدج العاشر من كبره فتهمتييي
نازك : افف فتحت الباب ودخلت ... دكيته الباب طلع واحد من اخوه قصي اعتقد الجبير وياا عمو جهاد
لؤي : بوس قصي صباحيه مباركه
قصي : ابتسم
لؤي : شلونج خويه تفضلي تفضلي
جهاد : هاا يلسبع شلونك
قصي : زين
جهاد : تعاي بويه فوتي
نازك : اجتي تبوس ايده شلونك يابه
جهاد : جر ايده بايس راسها هله بويه شلونج نورتي البيت تفضلي دخلي
نازك : دخلت واباوع على البيت كله اثاث ملكي الواضح عليه غالي واحد من الاسباب الي خلتني اوافق على قصي هو عيشتهم الي هواي تناسبني ... استقبلني الكل بالسلام والهلاهل والبنات اجن سلمن عليه ماعدى المسمومه براء ماشفتها
مريم : صعدي يمه ارتاحي بغرفتج
نازك : خلي يدلوني عليها وياخذون الجنطه هم لان ثكيله
مريم : احم اي هسه ... يمه نجمه تعاي صعدي مرت اخوج لغرفتها واني هسه صاعده وراجن
نجمه : صار يله تعالي نازك
نازك : هاج شيلي الجنطه ثكيله عليه
نجمه : جيبي
نازك : صعدنه للطابق الثاني حلوو يخبل كله بلون ذهبي وبيجي
نجمه : فتحت الغرفه ... تفضلي دخلي
نازك : دخلت اباوع الغرفه مثل ماطلبتها همزين
نجمه : عجبتج
نازك : اي غير اني الي مختارتها بس لو جانت اكبر تطلع تحفه
نجمه : حبيبتي هو البيت كل غرفه نظامهن سويتات ماعدايه اني
نازك : هااا زين بي مطبخ
نجمه : لا بس غرفه نوم وصاله وصحيات
نازك : افف خوش يله خلي ابدل وانام وعود كعدوني على الغده
نجمه : تنهد خوش يله من رخصتج
نازك : لحظه جاا وين مرت زين شو ماشفتها
نجمه : موجوده بس يجوز هسه بالمطبخ تساعد
نازك : عوجت حلكها ليش هالفصمه تعرف تطبخ
نجمه : شكلتي
نازك : ماكو شي بس عفيه حطي الجنطه هنا وطلعي لان اريد ارتاح
نجمه : بكلبها شنو اني خدامه عدها .... اي خليتها وطلعت شفت امي كبالي ... هاا يمه تردين شي
مريم : لا .... نزلي ساعدي البنات واني اجي وراج
نجمه : صار
مريم : دكيت الباب
نازك : هسه مو كلنه اريد ارتاح يا صخام اجه ... فتحت الباب شفت حماتي يبعد كلبي .... ياا يمه صدك تحجين تدكين الباب انتي تدفعين الباب وتدخلين
مريم : دخلت تعاي اريد احجي وياج
نازك : كعدت هاا
مريم : حبيبتي شلونج خو ماكو شي ياذيج
نازك : وليش اتأذه اسم الله
مريم : يعني قصي من تقربلج مااتاذيتي اي الحمدلله همزين عرف شلون يتعامل وياج
نازك : بخبث صراحه يمه قصي اصلا ماتقربلي
مريم : ليش
نازك : احم ما كدر
مريم : باستغراب شلون يعني مااكدر
نازك : يعني شلون افهمها الج ... انتي امي ومااخجل منج وصل للنص ووكف ماكدر يكمل يجوز مايكدر يكمل الشغله
مريم : بسؤال معقوله قصي مايكدر هو مشهودتله بهاي السالفه معقوله
نازك : عفيه يمه الي يسألج كليله قصي مايقبل ينطي النيشان لاتفشلي كدام الوادم هذا رجلي ومااقبل يتشكك برجولته خلي مع مرور الايام اكيد يتحسن وضعه
مريم : حبيبتي ابني كلشي مابي بس يجوز جان متوتر او خايف عليج
نازك : اي هو اكيد هيج
مريم : بكلبها ... رغم تصرفاتها ماتعجبني بس كبرت بعيني لان ماقبلت واحد يحجي على قصي ... مسحت على شعرها عفيه عليج بنيتي يله اني اعوفج ترتاحين وشويه ونزلي حبابه
نازك : تأمرين امر
مريم : عافتها وطلعت
نازك : باوعت على صورته هههههه اسفه قصي طلعتك مو رجال بس شسويلك انت ماقبلت تتقربلي يطبك مرض
___________
شمس : وينج براء
براء : هاا
شمس : ليش مارحتي سلمتي على نازك
براء : ترديني اروح احاجيها بعد الموقف السخيف الي سوته ويايه
شمس : ميخالف حبيبتي اني وياج بس هي راح تعيش ويانه يعني صارت جزء من بيتنه يصير برائيج احنه بنات بيت واحد ومنتحاجه بيناتنه
انا فتاة بسيطه انقل رواياتي ليس لاكون مشهوره بل ! لاؤثر بقلوب قرائي🍂🍁
براء : افهم كلامج بس صدكيني احسن للكل تضل بعيده عني تجنبا لاي مشاحنات تصير
شمس : يعني ماراح تسلمين عليها
براء : هزت راسها ... لا
شمس : خلص براحتج
جميله : هاا شبيجن
شمس : جنت احاجي براء على نازك حتى تحاجيها
جميله : دخلي تولي فوك ماغلطانه تريد واحد يحاجيها والله العضيم يلوما متوسله بالحنه واجتي اعتذرت مااحاجيها لو تطلع نخله براسها وانتي ولج سمعيني زين والله اذا حاجيتها قبل لاتعتذرلج العب بيج جوله
شمس : ياا شجاج اجيتي تكحليها عميتيها
جميله : والله هي ماغلطت حتى تعتذر يله كافي سدن الموضوع اذن الاذان خلي نعزل المطبخ ونصب لان الناس كلها اجت
براء : خاله مريم كملت كولشي بقه بس نصب
براء : خاله مريم كملت كولشي بقه بس نصب
جميله : خوش
زين : كملتو
براء : صلو الجماعه وبدينه نصب .... طبو الولد
مريم : اي يمه كملنه بس جاي نصب
سجاد : اي استعجلو
مريم : يمه نجمه صعدي صيحي لمرت اخوج
نجمه : ماا
مريم : شنو ما روحي صيحيلها عيب النسوان كاعدات منتظراتها
نجمه : كلت ما اصعد خلي وحده من البنات تصيحيلها
مريم : اوف منج اوف يمه شمس صعدي صيحيها
شمس : اي هسه
_______________
نازك : كاعده العب بموبايلي ملل وين اروح سمعت الباب يندك كمت ... هاا
شمس : خاله مريم تكول نزلي الناس كلها اجوي وبدينه نصب الغده
نازك : صعدولي الغده فوك مابيه حيل انزل
انا فتاة بسيطه انقل رواياتي ليس لاكون مشهوره بل ! لاؤثر بقلوب قرائي🍂🍁
شمس : حبيبتي اني ما اجيت اصيحلج حتى تتغدين جاي اكلج نزلي النسوان جوه منتظراتج يباركلج
نازك : كلبت عيونها هسه روحي واني الحكج
شمس : خوش عفيتها ونزلت
نازك : لبست قفطان مغربي جويتي وياا شال ... المفروض العروس تلبس ابيض بس اني احب اكون مميزه ... كملت ونزلت اباوع هواي غرف كدامي ياترى وين غرفه زين يله مع مرور الايام اعرفها وادخلها انشالله
_______________
براء : كملنه صب واجوي الولد ينكلون الاكل
غسان : شلونج براء
براء : بهدوء الحمدلله
غسان : اي شخبارج شكو ماكو كملتي امتحانات مو
براء : هزت راسها
سجاد : تعال غسان شيل هاي الصينيه واني اجيب الثانيه
غسان : جيبها
براء : جميله كافي بعد لو اصب
جميله : صبي زايد ولا ناقص
براء : خوش
محمد : سلام عليكم
البنات: وعليكم السلام
محمد : هاي البراغي صايره ام بيت وشايله المطبخ
براء : ضحكت عايفه الي بايدها وحضنته
محمد : باس راسها شلونج شو باعيلي ... لج هاي زين شيوكلج صايره حلوه
براء : ابتسمت شلونك انت
محمد : الحمدلله ... بشري شلونج بالامتحانات
براء : لا الحمدلله كولش زينه
محمد : وهذا المتوقعه منج
سجاد : دخل الله اكبر وتالي وياكم كل ساعه الكه واحد واكف يدك حنج ولكم عوفو السوالف وتعالو ساعدوني ذوله المفاجيع الي بالاسقبال يردون يتزقنبون زقنبوت انشالله خلصو الاكل جاا شنتغده احنه
محمد : شبيك اكلتي حاصل فاصل اجيت اسلم على اختي
سجاد : اااخ منج براء راح نترزل من وراج والحمزه اذا اطب للمطبخ والكه واحد واكف يحجي وياج اكطفج بالمخزن بهذا طولج واخليج هناك ومااطلعج منا لحد ما يطلع اخر زعطوط بهالبيت
زين : ببرود تكطفمن بالمخزن
سجاد : دارين صار ساعه تسولف اخرتنه
زين : هاا عبالي على مرتي
سجاد : اني اكطف مرتك صدك جذب اكطف روحي ومااكطفها مرت الغالي هاي
زين : باوع لبراء تضحك ... ابتسم يله فضوها كملنه كلشي تعالو تغدو
سجاد : يله محمد
براء : راحو الولد طلعنه سفره وفرشناها بالصاله نقلن البنات الاكل وبقيت اني اخذت كاسات الماي وطلعت شفت نازك كاعده بالنص
مريم : تعاي يمه كعدي هنا
براء : كعدت يم جميله
جميله : هاج اكلي لاتضلين صافنه
احلام : اكلج عيوني نازك هذا القفطان منين مشتريته كلش حلو
نازك : والله هذا توصيل من تركيا وغالي مااعتقد تكدرين تشترين مثله
احلام : انحرجت
براء : بكلبها شكد وقحه .... كملنه غده وشلنه المواعين وكفن البنات ... بشرى ، تقوى، روان وحنان يغسلن مواعين واحنه صبينه جاي وكعدنه بالصاله ... يمه ظهري تكسر من ثمانيه الصبح للوحده احنه على فرد وكفه ... اخذت ستكاني
نازك : هذا مابي شكر روحي بدلي
براء : باوعت وراها
نازك : اي انتي
براء : رجعت تكمل جايها بدون ماترد
نازك : حقيره
احلام : اكلج براء ماكو شي منا منا
براء : بهدوء مثل شنو
احلام : حمل ماكو
براء : هزت راسها نافيه
ناديه : خليها متونسه لاحكه على الحباله وشلاع الكلب
احلام : ياا هسه صارت الحباله شلاع كلب مو جنتي كاتله روحج
ناديه : اني بقيت سنين بلا جهال مو اشهر وخبصت روحي
نازك : شنو براء انتي عاكر
مريم : اسم الله ليش هالفال كلشي مابيها البنيه الله ماقاسم يصير طفل هسه
نازك : بس احنه بناتنه يبين بيهن من اول شهر
خوله : انشالله منا لشهر نسمع بحملج مادام انتن سريعات الشحن وتحملن بسرعه
حميده : وج خوله شلون ويه لسانج
خوله : ليش شكلت اني يعني الكاعدات هنا ماينشحنن خاصه هالبليه بالش بيها زين من الصبح لليل
براء : شركت ... كامت تكح
ناديه : صبتلها كلاص ماي شربي يمه ... صدك جذب خاله باع شسويتي ببتي
خوله : والله مااعرف عليمن بنتج طالعه فاهيه تطيح من الحلكك
ناديه : شبكتها مااقبل واحد يحجي على بتي
براء : ابتسمت
نازك : صحيح كلام الحجيه مو حلوه المره الفاهيه
خوله : على اساس انتي نادره هسه والله اتعس منها بقاطين
جميله : طنن
نجمه : دنكت راسها ضاحكه
شمس : كرصتها ... انجبن
نازك : بكلبها الله ياخذج ياعجوز البين ياجلبه
__________________
براء : صارت الدنيا عصر الكل راحو ونازك صعدت لغرفتها واحنه كمنه نعزل البيت كملنه وكل واحد صعد لغرفته .... فتحت الباب ودخلت اخذت ملابس ودخلت اسبح ريحتي كلها طبخ
زين : دخلت للغرفه سمعت صوت الدوش عرفتها جاي تسبح بدلت ملابسي وتمددت
براء : لبست ملابسي ولفيت راسي وطلعت للغرفه ... لكيت زين متمدد سديت الباب وطبيت ... وخرت البطانيه ونمت بصفه
زين : درت وجهي عليها نعيما
براء : الله ينعم عليك حبيبي
زين : بردانه اعلي التدفئه
براء : وخرت ايده ونمت على صدره هسه ادفه
زين : باس راسها ... عاشت ايدج اليوم تعبتي
براء : لا واجبي هذا
زين : ابتسم شوكت اروح اجيب نتيجتج
براء : بعد اسبوعين انشالله
زين : حضنها انشالله
براء : تلعب بلحيته ... حتنام
زين : هز راسه تعبان
براء : مسحت على وجهه حبيبي سوده عليه هالعشر تيام انشلع كلبك بين دوامك وامتحاناتي وعرس قصي
زين : باس شفتها اسم الله عليج ... الدوام شغلي ... وامتحاناتج مسؤليتي وعرس قصي واجبي هذا اخويه ولازم اوكفله
براء : حضنته يعني تصالحتو
زين : لا وحتى اذا ماتصالحنه يبقه اخويه
براء : هزت راسها
زين : غطاها عدل وحضنها اقرب ونامووو
_________________
قصي : سلمت على جماعه ابويه وصعدت حتى ارتاح والله دنعل ابو العرس لابو الي يريده ... فتحت باب الغرفه ودخلت لكيت ست الحسن كاعده عفتها ودخلت للغرفه اخذت ملابس ورحت للحمام سبحت وطلعت نشفت شعري واجيت انام لكيتها بوجهي
قصي : سلمت على جماعه ابويه وصعدت حتى ارتاح والله دنعل ابو العرس لابو الي يريده ... فتحت باب الغرفه ودخلت لكيت ست الحسن كاعده عفتها ودخلت للغرفه اخذت ملابس ورحت للحمام سبحت وطلعت نشفت شعري واجيت انام لكيتها بوجهي
نازك : وين
قصي : اريد انام وخري عن وجهي
نازك : ماكو روح نام بالصاله ممنوع تنام هنا
قصي : اللهم طولج ياروح ... سمعيني تعبان ومالي خلكج تردين تاكلين تبن اكو جوه لاتضلين تزنين براسي
نازك : احترم نفسك وتأدب واعرف نفسك ويامن تحجي
قصي : فتهمنه جاي نحجي ويه نعال البنات يله ولي عن وجهي
نازك : جرت ايده كلتت ماتنام هنا
قصي : بصياححح ..... عوفيني بت الكلب بت الك...
نازك : لا تغلط حيوان
قصي : ضغط على ايده سمعيني اني بحياتي ما رافع ايدي على مره ... لاتخليني اعوف مبادئي والزمج اكسرج هنا وداعه امي
نازك : لاتنام هنا اطلع نام بالصاله
قصي : انتي الحجي وياج مرض جريتها طلعتها بره وقفلت الباب ورحت نمت خليها تنبح تنبح مثل الجلب ( عفوا) وتسكت وحدها
نازك : افتح الباب
قصي : لارد
نازك : سايب ... كو.... افتح الباب اريد انام
قصي : غطه راسه بالبطانيه ونام
________________
محمد : وكفت السياره يله نزلو
ناديه : دخلنه للبيت ذبيت عبايتي وحجابي وكعدت
روان : نزعت حجابها ماما شفتي مرت قصي شكد غثيثه
ناديه : لان بعدها عروس تدلل عليهم
روان : بس مو هيج شفتيها شلون تحجي لو خطيه شلون فشلت خاله خالده
ناديه : ليش شسوتلها
روان : انطتها واجب بدال ما تتشكر منها ... كلتها تدرين عدنه هناك الي تعرس نطيها قطعه ذهب مننطي فلوس ... خطيه ضلت خاله خالده لاتاخذ ولاتنطي
ناديه : يجوز البنيه فطيره والي بكلبها على لسانها
روان : مااعرف بعد بس عيب تصرفها
ناديه : اي
روان : صدك شفتي بروئه شلون صايره تخبل
ناديه : بروئه مره وحده وتخبل لا مااصدك
روان : ليش تحجين هيج
ناديه : يعني تفاجئت اول مره اسمعها منج
روان : ليش اختي واحبها اموت عليها
ناديه : جاا اذا تحبيها ليش شهدتي ضدها زور خاف عبالج اني ماادري بيج جذبتي
روان : دمعت عيونها والقران اني ندمانه وانجبرت اشهد جذب
ناديه : وشنو الي جبرج
روان : مااكدر بالوقت الحالي اكلج
ناديه : تنهدت الله يهدي كلبج على اختج وانشالله الي صار يصير عبره الج حتى تمشين عدل
روان : والله توبه هاي ااخر مره أذيي بيها اي واحد
ناديه : نشوف
_______________
الساعه 7مسائا
براء : نايمه واحس اكو شي ينغز بوجهي فتحت عيوني شفت زين كبالي
زين : صحي النوم
براء : ابتسمت بهدوء ماسحه وجها ... شجنت تسوي وجهي ينغزني
زين : بوس خدودها هيج قصدج
براء : لحيتك طولانه
زين : ازينها
براء : لزمت لحيته لا احبها
زين : قرب وجهه اكثر وشتحبين بعد
براء : اممم عيونك
زين : وبعد
براء : وصوتك
زين : خشمه طخ بخشمها وبعد
براء : وكولشي
زين : همس يعني ماكو اعتراض على شي
براء : حركت خشمها على خشمه لا
زين : باوع بعيونها ونزل لشفايفها احنه اتفقنه على تعويض وفوائد هم
براء : هزت راسها
زين : واني اريد تعويض هسه
براء : همم
زين : قرب شفته من شفتها باس طرف شفتها وخله شفته على شفتها وايده حاوطت خصرها .... اجه يحرك شفايفه وسمع دك على الباب ابتعد ... والله شكلي راح اخذج واعزل ببيت وحدنه
براء : ابتسمت
زين : كام طلع للصاله فتح الباب ... ببرود هاا دارين شكو
دارين : هااا الولد متجمعين وصعدت اصيحلك تجي تكعد ويانه
زين : روحي هسه جايين
دارين : بس همه يردوك بس انت
زين : ببرود ماسمعت
دارين : هيج هيج يله تعالو منتظريكم
زين : سديت الباب ... ينعل ابو شكلج دومج معكره مزاجي
براء : طلعت هاا حبيبي منو اجه
زين : دارين اجتي تصيحلنه حتى ننزل لان متجمعين
براء : اشرت وطلعتلها هيج
زين : اي وشنو يعني
براء : شلون تطلعها وانت ملابس
زين : رفع حاجبه تره لابس من جوه ماطلعت عريان شبيج براء
براء : بضوجه مابيه شي
زين : نقرب كارص خدودها طلعيلي ملابس خلي اسبح واصلي حتى ننزل
براء : هزت راسها ....طلعتله تراك زيتوني وخليته على صفحه ... شويه وطلع من الحمام ... حبيبي ليش تطلع هيج جم مره كتلك تتمرض
زين : اخذ الملابس الغرفه دافيه
براء : يله بدل بسرعه اني لاتتمرض ... عفته ورحت صليت وكملت وهو اجه صله كعدت اقره قران لبين ميكمل صلاه لان صلاته طويله
زين : كملت صلاة ... يله حبيبي كومي
براء : سديت القران وكمت
زين : اخذت ايدها ونزلت لكيناهم متجمعين كعدت ... خير شنو مناسبه هالجمعه
سجاد : نريد نتعرف على مرت قصي
زين : ببرود عبالي عدكم سالفه
سجاد : اكلكم هي حلوه اني ماشفتها
لؤي : عاديه
سجاد : وين صارو ادري نامو
نجمه : تردون عشه
لؤي : اني مااريد
حسن وزين : ولا اني
نجمه : وانتن بنات
البنات : منريد
نجمه : خوش
سجاد : بس اني اريد
نجمه : السؤال ما موجه الك
سجاد : ركعها بالكوشه حقيره
نجمه : ننننن
_______________
نازك : نزلنه اني وقصي بعد ما صاحولنه ... يمه اني خطت رجلي للصاله وشفته كاعد احس نفسي راح اوكع
قصي : سلام
الكل : وعليكم السلام
نازك : كعدت كبال زين ياربي مااصدك اني بهالقرب من زين
سجاد : شلونج مرت اخونه العزيزه
نازك : زينه
سجاد : اعرفج بنفسي اني سجاد حماج الصغير وانتو شباب عرفوها عليكم
لؤي : اني لؤي الجبير
حسن : واني حسن تؤائم هذا المطي
سجاد : بما انو اني مطي وانت توائمي يعني انت هم مطي
قصي : ههه حيلل
نازك : اباوعلهم كلهم عرفوني عن نفسهم ماعدى هو ضل ساكت وعينه على مرته السافله
دارين : زين ماعرفتها عليك
زين : خزر دارين
نازك : ماكو داعي يعرفني عليه ... اعرفه هذا زين
براء : الكل ضل يباوعلها ومن ضمنهم اني هاي شكد جريئه ومتستحي بكل عين صلفه تحجي هيج كدام رجلها
قصي : اخذ كلاص ماي ... جاا شكد طلعت كح.... مادام تحجيها كدام الكل وبفخر
سجاد : حب يغير الموضوع ... اي نازك شمكمله
نازك : اني محاميه
لؤي : مثل نجمه ... وداومتي
نازك : باعتباري شيخه وبت شيخ يخافون عليه فما توضفت
براء : بكلبها بدت رحمه الله
حسن : حلو شنو هواياتج شنو تحبين
نازك : هوايتي الطبخ والاختيار اعرف انسق بطريقه جدا مميزه اضافه انو ذوقي جدا راقي ويعجب الكل
جميله : مو جنها حمت
شمس : ابتسمت اي
سجاد : تعرفين تطبخين
نازك : اي طبعا كلشي اعرف
نجمه : شنو اكلتج المفضله
نازك : السمج
دارين : يله زين اسالها
زين : شلون بيها هاي .... مااعرف اسال خلي مرتي تسال عنها وعني
براء : ماعندي سؤال
دارين : ساليها اي سؤال يخطر على بالج
براء : شنو برجج
نازك : ما آمن بهالخزعبلات
سجاد : هاي شبيها خبله
دارين : صدك على طاري الابراج شنو برجكم
شمس : الحمل
لؤي : العذراء
حسن : الدلو
جميله : هم الدلو
براء : حلوو ثنينكم نفس البرج
دارين : وانت قصي
قصي : القوس
سجاد : هم الدلو
دارين : وانت زين
زين : ببرود الجدي
سجاد : ههه البرج المعقد وانتي بروئه
براء : الاسد
جميله : والله ولا الج صله بالاسد
نجمه : المفروض يسموج برج البزونه
براء : ابتسمت
نازك : شخصيتج ضعيفه ومتنافره ويه برجج تماما
زين : ببرود والله يا اختي اكو فرق شاسع بين الشخصيه القويه والشخصيه الوقحه
جميله : وهاا قد طارت الجبهه مره اخرى
نجمه : نجبي لا تسمعج
دارين : بقيتي بس انتي نجمه شنو برجج
سجاد : ماكو داعي تسألين على برجها معروف ومبين على وجها وحتى مميز
دارين : شنوه
سجاد : برج الهايشه
نجمه : بعصبيه احترررم نفسسسسك
الكل : ههههههه
_________________
بعد مرور اسبوع
براء : زين بالدوام واني جاي اعزل الغرفه ... سمعت صوت الباب طلعت منو
نازك : اني
براء : شتريد هاي ... يعني مااخلص منها صار اسبوع زوعتني العافيه وجزعتني تتامر وتطلب حتى ريوك احنه نسويلها ونصعده الها وفوك هذا تنزل تتشرط ياغسلولي ملابسي لا جوعانه سوولي اكل عايشه دور الشيخه علينه حتى خاله مريم زهكت بس متكدر تحجي لخاطر قصي .... افف فتحت الباب
نازك : دخلت وكعدت ... تعاي عندي حجايه وياج
براء : اني مكتلها تفضلي .... نعم
نازك : اني جايه اعتذر منج على الي صدر مني بالفتره الي فاتت جنت مااعرفج ولا اعرف شنو معدنج بس من بقيت وياكم
براء : اي
نازك : اي فاني جايه طالبتج تسامحيني حتى نفتح صفحه جديده
براء : بهدوء ماعندي مشكله بس ياريت تلزمين لسانج لان هواي دتجاوزين وخاصه عليه اني
نازك : انتي بعدج طفله وماتفهمين اعتبريني اختج الجبيره وهانتج شصار يعني
براء : شنو هالمصطلاحات شنو هانتني
نازك : يمعوده اسفين صيحت عليج ... وهسه حبابه قبلي اعتذاري
براء : اوك
نازك : وهاي الهديه عربون صداقتنه
براء : اباوع اسوار ذهب لاشكرا اعتذارج مقبول بله هالاشياء
نازك : شبيج تره حتى موذهب تقليد بس عزيز عليه لان اجاني هديه وميغله عليج شي اخذي بداعه زين عندج
براء : مااكدر
نازك : شبيج والله العظيم مو ذهب
براء : اخذته شكرا
نازك : باستها عفوا حبيبتي يله اني اروح اتحظر لجيه قصي تعرفين بعدني عروس ولازم اتحظر
براء : طلعت وسديت الباب وراها خليت الاسوار على ميز التواليت ورجعت كملت تنظيف ... طبيت سبحت وطلعت ... صليت ولبست حجابي شويه واجه زين من الدوام ... كمت
زين : دخل للغرفه اول ماشافها ... فتح ايده
براء : حضنته ... الله يساعدك حبيبي
زين : ويساعدج يروحي
براء : باست صدره شلونك
زين : باس شفتها ... الحمدلله
براء : يله طب اسبح لبين مااحظر ملابس
زين : اي والله
براء : حضرتله ملابسه طلع بدل وصله ونزلنه ... دخلت للمطبخ اساعد البنات
جميله : يعني مايصير هيج صار راح يصير تسع تيام هي كاعده ماتحرك ساكن واحنه نخدم بيها ميخالف لا تشتغل بس مو حتى ملابسها احنه نغسلها
شمس : شجاج جميله
جميله : شبيها جميله يعني احنه بكل غرفه حاطين غساله ليش ما تغسل ملابسها شنو زعطوطه هاي براء اصغر وحده بالبيت وشغلاتها كلهن تسويهن هي من تزوجت لليوم احنه خاولي الها ماغاسلين
نجمه : ميخالف بنات خلي نتحملها اذا مو لخاطرها لخاطر قصي
جميله : اففف هو شنو الي مسكتني غير قصي اخاف احجي ويزعل
براء : واكفين نصب وسمعنه صوت هبد ... طلعنه بسرعه شفنه نازك تنزل بسرعه خير
نازك : خاله خاله
مريم : خير شبيج يمه
نازك : خاله صعدت ابدل واتحظر اجيت اريد البس ذهبي لكيت الذهب ماهو مااعرف منو باكه
لؤي : شهالحجي خويه ماعدنه واحد ايده طويله بهالبيت لزمي لسانج
نازك : ما اتهمت احد بس مااعرف وين راح
خوله : لاتخبصينه تلكي شو وين واكع بالغرفه
نازك : لاوالله دورت عليه مالكيته
جهاد : اهدي عمي شبيج راح تموتين ... خاف واحد من الجهال دخل وكعه شو وين
نازك : لا بويه اخر وحده جانت بغرفتي براء ... لحظه لحظه اي بس براء طبت للغرفه اليوم
براء : الكل ضل يباوعلي .... والله ماطبيت لغرفتج اني ليش تجذبين
