رواية الضابط فهد ومريم الفصل السابع والاربعون بقلم مجهول
مريم: اباوعلهم شلون فرحانين واباوع الفهد مدنك راسة وميحجي عبالك موو ابنة وهيج مكسور
سعاد: فهدد ارفع راسك وحاجيني شبيك مبوز وجهك شنو هذاا التصرف تطرد رزق ربك
مريم: تنهد ورفع راسة باوعلي شفت عيونة شلون صايرة حمرة رجع باوع الخالة سعاد وكال
فهد: يمة موهيج انتوو مافهمتو الموضوع مريم متكدر تجيب هذا الطفلل انتوو تعرفون وضع مريم كللش زين ماا مستعد لهاي التضحية شتريدون تحجون احجو سووني مجرم هم ميهمني المهم هاي الكدامكم
الحجية: ولكك شبيك تنط علينة بهاي سوالفك اول وحدة اتحبلل هية تعيط وتزرك الطفل زلم اخر وكت
فهد: يمة فهميهم الله يشهد تعبان
سعاد: تعال يمة شنو تعبان مريتك وين تريدد منين اجتنة هلمصيبة
افراح: خالة كلام مريم صدك هذا ابنهة غير متكدر اذبة ويعني اسم الله عليهة عمرهة طويل اذا صار شي احنة منعوف الطفلل
زينب: انتي سدي حلكج تربي ام السعف ربي نفسج اول شي بصفتج منوو حتة تربي مدي ايدج ولله اكسرهة الجج
الحجية: زنيبة ضبي لسانجج اطول مني احسن ماا اكسرر العوجية عليج
زينب: بيبي تعرفيهة شنو تقصدد لتنرفزوني اليمس مريم يمسني
مريم: حسيت نار اشتعلت بصدري من افراح حجت هيج تخيلتهة شايلة ابني واكفة هية وفهد واني جوة التراب باوعتلة وجريت حسرة
سحبت جنطتي وكفت يمة وكلت تاخذني انت لو اروح وية همام
فهد: لتروحين مريم اجيت متلهف لشوفتج مشتاكلج
مريم: واني ميتة على شوفتك بس اعذرني ماكدر ابقة وية الانسان الي ميريد ابني
ذب حسرة وكال سلمي عليهم ولحكيني استئذنت منهم وسلمت وطلعت خالة سعاد ضلت تبجي همام اخذ الجنطة من ايدي وحطهة ب السيارة، صعدت سلمنة على همام ومشينة ضليت مغمضة عيوني ونايمة على ضهر الكشن مال سيارة
رجع كشن السيارة ورة حتة اكدر انام براحتي مانتبهت للطريق ولاا لكلشي جنت اريد بس اتخلص من هلشعور وتعبانة من البجي
مادري شكد مر وقت بس كعدت على هوسة واصوات فتحت عيوني شفت فهد نايم مثلي بس ماا غافي يمكن ينتضرني اكعد واحنة بعدنة ابغداد جايبني للكاضم باوعلي وبتسم من كل كلبة حسيتة ضحك علية
مريم: فهد انت شوكت تحس شوكت تبطل هاي سوالفك وين جايبني انتت ويين اني كلت توديني الاهليي اهلي موو بلكاضمم
فهد: متريدين تزورين يعني ماطايرين اهلج
مريم: بس انت ماكلت هيج يعني مادري تريدني ازور
فهد: اريد ادعي ربي ميحرمني منج
مريم: شوو منج مو منكم احنة صرنة اشخاص ثنين الكك
فهد: رايدج الجج خلي اخسر الدنياا كلهة ولاا خسارتج
مريم: اذاا هيج زيارتك هااي الي جايبني علمودهة حتة تدعي ابنك يموت ماريدهة وحرام اصلاا يطببونك لهيج مكان حتة تدعي على ابنك انتت لييش هييج انانيي انت لييش متفكرر بس بمصلحتك فكرر بية انيي حس بية شلون تريدني اموت روح مني وبية من لحمي ودمي ابني فهد هذاا جبتة بتعب استاهلة ولله تعلقت بي لتحرمنيي منةة اولل فرحتي هذاا الله يخليك عوفنيي بس لتسوي هيج لتخليني اكرهك
فهد: هيج تريدين يعني اخرر كلام عندج هذا
مريم: مسحت دموعي ضميت كل حسراتي باوعتلة وكلت
اخر كلام فهد توجه البيت اهلي
فهد: التريدي يجرالج مريم بس وجهي مشوفي بعد
مريم: الكاتبة الله يصير كلشي بيد الله موبيد البشرر
فهد: ونعم ب الله
مريم: عدل كعدتة شغلل السيارة ومشة جنة بفترة شتة واني جنت لابسة صيفي ماحب البس شتوي بس لبست الصاية فوك ملابسي شغلل التدفئة مال سيارة فتح الچكمچة مال سيارة وطلع شماغ اخضر ثخين وغطاني بي
اني ادري بي ليش كاعد يسوي هيج بس كلشي بيد الله محد يعرف الله شكاتبلنة يجوز ربي كاتبلي اعيش لكلشي موجود سبب ليش اتخلص منة مو هذاا روح حرام بعد تعب يلا ربي رزقني شلون اموتة خلي يحس على نفسة شوية واني ادري بي حتة لو صارلي شي مستحيل يعوفة لان اني ردتة وهوة هم يريدة بس يكابرر من خوفة علية
رجعت نمت لحد ماا حسيت فهد يكعدني باوعت احنة يم باب بيت اهلي رجعت باوعتلة ميباوعلي
مريم: هم وداع مراح تودعنة
فهد: انتي الختاريتي الوداع
مريم: ماختاريت هلشي بدون سبب لوو واكف وياي بهاي الفترة جان ماصار كل هذاا جان هسة اني وياك فرحانين
فهد: لتفتحين موضوع مريم
مريم: اعرف مراح تغير رئيك بس بعدين اذا الله كتبلنة عمرر لتشوفني وجهك
فتحت الباب ونزلت قبلل ميرد ضربت صندوك السيارة حتة يفتحة فتح الصندوك ونزل اخذ غراضي حطهن ب الباب دكينة الباب طلع ابوية سلمنة وطبينة هوة سلم على اهلي كلهم وراح
وبعد ماشفت منة اي حرف عافني بهاي الفترة الي المفروض هوة اكثرر شخص واكف وياي بيهة مرة اسبوعين وهوة اتصال ماكلف نفسة وخابر تعبت حييل بهاي الفترة كل يوم يكبر بي ابني انحرم من النفس اكثرر النساة تعبتني حييل نور ماعافتني ولاا قصرت وياي ابد بس اني جنت محتاجتة هوة جنت رايدتة هوة ننضر ابنة يجيي للدنياا سوة نجهزلة سوة نفكرر ب اسمة سوة
ليش عايشة هاي الايام وحدي وابوو يشتم الهوة ليش داتعذب وحدي وفهد وحبة وين راح اهتمامة ويين شصار هسة شختلف
ضليت على اتصال وية زينب وعرفت منهة انقلو للبيت واخذ كلشيي من غراض هناك جانت تحجيلي كلشي وتحجيلي على افراح شلون فرحانة وراحت ساعدتهم من انقلو للبيت
بطني ضلت يومين تقلصات حييل قوية من يوم الحجتلي هيج زينب
ساعة اكول لهذا السبب فهد نساني وبعد ميتصلل بية وساعة اكول لاا فهد ميبدلني وبمنوو انوب ب افراح مستحيلل هوة بس زعلان منيي
..
زينب: كلشي صار برمشة عين العقد وعقد المحكمة هم ولاا جنت مصدكة حتة كلشي صار بدون ماحس عبالك البارحة حبيتة
بس ارجع واكول الحمدلله بعد كلشي بعد المعاناة ولقهر ولبجي ولمراقبة
تعرفون شعور من تراقبون شخص تحبو وهوة ميعرف بيكم موجودين اصلاا
تعرفون شعور من تحبون شخص وتشوفو ينشر لغيركم وانتو مجرد مشاهدين لهذاا الحب شعور كسرة بس ماراح اتوبين منهة لاا بلعكس راح تتحمسين للستوري البعدة
شنوو جان بيدي اسوي غير اباوع الربي واكولل لاا ياا اللهي لتخلي يحب اتخيلة كدامي واحجي وياا واكلة لتحب محد يحبك بكدي لتحب احد حتة اني لتحبني بس ماتحمل اشوفك تحب غيري
ورة كل هذا هسة اني مرتة شلون صارت مادري بس هية لقسمة هيج لو رادت تصير تصير لو على 4 نسوان
بيوم من الايام جنت احجي وياا مكالمة طبيعي وجان عندي امتحان حاطة كتابي وهتفوني وهوة حاط كتاب سادس ويستمعلي ويشرحلي مادري شلون اجة على بالي سؤال وسئلتة
زينب: اكول حميداني
احمد: كولي زنيبتي
زينب: خطيبتك القديمة شنو جانت ردة فعلهة من فسخت الخطوبة يعني هم تاثرت او هيج شي
شفتة سكت ماحجة رجعت حجيت
احمد تسمعني شبيك متحجي
احمد: غير لو احجي تحركين الدنياا علية
زينب: لييش نشالله شكوو يعنيي
احمد: تتفهميني اذاا احجي
زينب: ايي احجي اسمعك
احمد: كل ماجنت اروح عليهة حتة افسخ العقد يم الشيخ ماجانات ترضة وتسوي نفسهة مريضة ومتكدر تطلع لو متفتح خط لوو عدهم موضوع مهم وهاي الفترة كل ماكاعد اروح البيتهم الكة قفلل ابابهم ومحد ديجاوب على اتصالاتي
زينب: شنوو افهم من حجيك انت اجيت وعقدت علية شيخ ومحكمة وهية بعدهي على ذمتك وفوك كلشي مكايلي هلحجي وتريد اتفهمك انت شلون تضم علية هيج شي احمد شوكت جنت ناوي تكلي بيوم عرسنة تريد تسويلي مسلسل هندي تفوت علية مرتك الي مادري بيهة بيوم عرسي وتاخذك وتروح
احمد: انتي غير لوو تنطين مجال عود وصيتج وكتلج اتفهمي هذاا فهم زينب يعني شسوي وبعدين منو كلج ابقيهة على ذمتي واني عاقد عليهة عقد شيخ بس بطلي طول لسانج شوية
زينب: شوف احمد روح دور ضرتي وين ومن اطلكهة بذاك الوكت اتصلل علية وشوفني وجهك وباجرر ماروح وياك اخذ زهراء وروح
----
مريم: مر شهر على وجودي ابيت اهلي ونفس الحالة ونفس الروتين كلشي ماتغير لاا فهد اتصلل ولاا حالتي تغيرت كاعد اسوء اكثر كلل ساعة تمرر بدونة شتاكيتلة حيلل بس هوة مكاعد يبادر ليش اني ابادر وهوة الغلطان
اريد ابجي ،بس طاقتي نفذت حتة دموعي خلصت راح اضلل ابجي وعيوني توجعني لحد ميجي صاحب هلدموع ويمسح دموعي بايدة الدافية
مادري بي حتة وين ولاا ادري بي اذا زين او لاا هم مقهور نفسي هم يبجي نفسي هم يفكر بية مثل ماا اني افكر بي
افكر واكول ماحس ب الذنب ماا تندم ليش اني تحملت ثمن تفكيري وغلطة لييش كلشي صار حملل على ضهري بس اني
هذا الشهر جان اسوء شهر بحياتي شفت الموت خابر نور مرتين وحجتلة حالتي وكلشي ماتغير لال خابر ولاا اجة ولاا رسالة وحدة ماشفت منة
هناا نزل فهد من عيني وصغرت الدنياا بعيني بعد ميهمني شي خليني اتعذب ابني ديحس بية اني وياا نعيش سوة مو الة هوة
حطيت ايدي على بطني وامسح عليها عبالك كاعدة اتلمس خدودة واحجي
حبيبي ابوك ميريدك بس اني يمك اني اصيرلك الام والاب اذا الله كتبلي عمر والله اعوضك واخلي يتندم على كلل افعالة بينة
هوة علية ماسئل اني الي جان يكلي مريمي وشرايين كلبي حبيبي وامك حتة شرايين مابقهة عدهة انسدت من القهرر
كل فرحة بحياتي يجي وياهاا سبب يدمرهة لازم اعيش المرر وية فرحتي اني حتة عرسي نكلب يوم اسود علية لييش مقهورة على هذا الكاعد اعيشة
تحملت كل انواع الذل ولقهرر اتحملل هسة علمودك
بعدني كاعد احجي ونتبهت لشاشت التلفون شتغلت .. يتبع
شنو رئيكم بتصرف فهد ومريم ومنو الغلطان من وجهة نضركم ؟
