رواية الطالبة والعصبي الفصل الرابع بقلم مجهول
ام نارين : نارين ولج اكعدي البيت كلة كعد علة صوت المنبه مالتج وانتي بعدج
ابو نارين وهوة يثاوب : هذة شنو الصوت المزعج من الصبح
ام نارين : هذة صوت منبه بنتك الي كعد كل البيت وهية ما كعدت
ابو نارين : هههه خطية خليهة نايمة
ام نارين : يا هية الخطية هية ما خربهة غير دلالك هسة مو هاي اختهة كاعدة من الصبح تراجع وهية نايمة
ابو نارين : عمي اني بعد ما ادخل روحي اصافي انتي وبتج
ام نارين : وهوة هيج
وصعدت فوك لنارين اول ما دخلت شغلت ضويات الغرفة وفتحت البردة وراحت النارين ذبت عليهة دولكة مال المي فوك راسهة فزت نارين وهية اتعيط
نارين : مامة اهى اهى ليش مو جنت احلم ابفارس احلامي وكطعتي علية الحلم
ام نارين بعصبية : كومي انعل ابوج يا ابو فارس احلامج
نارين: شبيج مامة ريلاكس اهدي شنو خانج علاء حتة معصبة من الصبح
ام نارين : لج شنو علاء ادبسز هازة كاروكة كومي غسلي يلا
نارين : هههه شبيج حياتي اهدي وكبل طفرت للحمام غسلت وبدلت ابسرعة بدون صلاة لأن متأخرة بس ارجع اصلي قضاء ولبست هذة البس
ومحطيت اي مكياج لان جنت مستعجلة..واخذت جنطة تلبس على الكتف لونها اسود ونزلت صبحت على بابا وعلاوي يلي ابتسم برضه على لبسي
لان مايحب اللبس القصير وصبحت على اية يلي جانت تراجع وجانت لابسه هذا اللبس..
ومكياج خفيف بس ظارب علي لون الحمرة الفاقع وصبحت علة امي وبوستهة لأن جانت معصبة مني وأول ما دا اكعد علة الطاولة سمعت صوت الهورن
نارين : لا يا الله استوني دا اكعد
ام نارين : علة مود بعد ما تتأخرين
ابو نارين : هههه يلا روحي للخط وبلكلية اتريكي
نارين : وهوة هيج يلا باي
علي : ايه خففي لون الحمرة لأن عيب مال سهرات مو مال كلية
ايه : لا ليش حلوة مامة حاجي
ام نارين : يمة وليدي عوف اختك ابراحتهة هوة هيج اغلب البنات ايحطاً
علي بعصبية مكتومة : ابراحتج يلا يابة اروح لا نتأخر
ابو نارين : ماشي يلا الله وياكم وراحو للمدرسة
ايه : هذة شبي مامة
ام نارين : معليج بي حبيبتي يلا روحي للخط لا تتأخرين
ايه : اوك مامة يلا باي
وطلعت راحت للخط وبطريقهم للجامعة .......
ـــــــــــــــــــــــــــ
سيف
فزيت الساعة بالسته ونص وكمت غسلت وصليت وبدلت
لبست هاي الملابس
وخذت جنطة بيهة الأبتوب واوراق وسحبت تليفوني ونزلت صبحت علة الوالد والوالدة وبستهم من راسهم وكعدت اتريك لأن بعد وكت وصبتلي امي جاي وهية ادكول
ام سيف : يمة اليوم تعال من وكت
سيف وهوة يشرب الجاي : ليش
ام سيف : لأن حتجي اختك رانية وزوجهة واخوك رائد هوة ومرتة وجهالة علة الغدة
سيف : انشأ الله احاول اكمل من وكت
وبعد ما كملت ريوكي بست رأس امي وطلع لاجامعة وصلت وكل عادة صفيت السيارة بلكراج ونزلت رحت ابوجهي للدارة سلمت علة الدكاترة وجان محمد بعدة ما جاي فأرحت شفت الجدول وطعلي اول محاضرة بقاعة واحد
ورحت للقاعة وكل عادة الطلاب اول ما فتت وكفو اشرت ايكعدون وسلمت عليهم وبدت المحاضرة ......
__________________
نارين
وصلنة للكلية وكل عادة ايه كبل راحت القاعتهة ام اني رحت للكافيتيرية ولكيت سرى سلمت عليهة وكلتلي
سرى : ولج عندي محاضرة بثمانية اني رايحة وانتي روحي المسئول القسم شوفي نقلج لو بعدة واذا ناقلج تعالي وراي للقاعة واحد ماشي
نارين : يلا ماشي بس انشأ الله ناقلني
سرى : انشا الله يلا باي
نارين : باي ورحت للدارة لمكتب مدير القسم دكيت الباب علي سمعتة كال اتفضل ودخلت كتلة
نارين : اسلام عليكم استاذ
مدير القسم : وعليكم اسلام ابنيتي اتفضلي
نارين : بس علة مود سالفة النقل من قاعة اتلاثة لقاعة واحد نقلت لو لا
مدير القسم : اسمج نارين علاء مو
نارين : اي ستاذ
مدير القسم : شوفي ابنيتي اني نقلتج بسجل اليمي بس روحي المسئول القاعة واحد وخل ايضيف اسمج يمة وهسة تكدرين اتحضرين بيهة
نارين بفرح : شكراً استاذ
المدير القسم : العفو بنتي
نارين طلع واني كولش فرحانة لأن نقلني ورحت القاعة واحد شفت الباب مسدود يمكن عدهم محاضرة الصراحة ما اعرف ليش خفت يمكن لأن قاعة جديدة بس يلا ليش الخوف خل ادك الباب ونشوف
نارين : دك دك ( دكت الباب 😂)...
______________________
سيف
بديت المحاضرة وكل عادة نظرات الطالبة ايه وبعض الطالبات المزعجات ورى تقريبن ربع ساعة سمعت الباب يندك منو يتجراء يدخل وراية
سيف بعصبية وصوت عالي : ادخل
نارين وهية خايفة من صوتة العالي اتشجعت وفتحت الباب ودخلت
نارين : السلام عليكم أستاذ
سيف وهوة رافع حاجبة لأن ما عجبتة كلمت استاذ : وعليكم السلام اتفضلي امر خدمة
نارين : لا بس تسمحلي ادخل
سيف ابعصبية : لا ما اسمحلج اطلعي
نارين ابرود : ليش ما تسمحلي
سيف ابعصبية اكبر : شكلج ما اتعرفين قوانيني
نارين : احم استاذ اني انقلت من قاعة رقم اتلاثة لهنا ولو اعرف انك ما اتحب واحد يجي وراك شي اكيد ما اخالف علة العموم اني اسفة ونشأالله بعد ما تتكرر
سيف بعد ما هدأ من ردهة : تفضلي وبس هل مرة سماح
نارين ابفرح : شكراً
وراحت كعدت يم سرى
سيف : يلا هسة خل نرجع للمحاضرة وبدة يشرح وعينة علة نارين
نارين: للصراحة عجبتي طريقة
شرحة حلو يشرح وحيل ايبسط المسئلة
وكل ما يسئل اختي ايو اتجاوبة ابسرعة للصراحة استغربت لأن هية تكره الكيمية وتموت منهة انوب كتب مسائل وشرحهن
اخر شي كتب معادلة اشوية صعبة كال منو يكدر ايكوم ايحلهة الكل سكت لأن صعبة شو ما اشوف لة وهوة ايئشرلي ويكول
سيف : انتي كومي حليهة
نارين : اني
سيف : اي انتي
نارين الله يستر : كمت وخذت القلم وبديت اطلع المعطيات وحليتهة وطلعت الناتج
سيف : اغرام
نارين : شنو
سيف : الوحدة اغرام مو كتلة
نارين : بس غير الغرام اختصرنا
سيف : صح بس هوة وحدت العنصر الساسية اغرام
نارين : ها يعني احنة نمشي علة وحدات العنصر مو وحدات المسئلة
سيف : اي
نارين : زين اكو جدول خاص ابوحدات العناصر
سيف : اي اكو تلكي ابمكتبت الكلية
نارين : شكراً استاذ
ورجعت المكاني
سيف : يلا خلصت المحاضرة تكدرون اطلعون
طلعو الطلاب كلهم واني سديت الأبتوب وحطيتة با الجنطة وطلعت رحت المكتبي لأن اشوية تعبان وما بية حيل مجاملت الدكاترة با الدارة اول ما دخلت المكتبي انفتح الباب وفات وراي محمد وكال
محمد : واني صارلي فوك الساعة ادور عليك طلعت اهنا
سيف : والله تعبان وما بية حيل اروح للدارة وجامل الدكاترة
محمد : ها اجامل الدكاترة لو اجامل سارة
سيف : الأثنين يلا هسة اكعد خل اطلبنة كهوة
محمد : اي والله ابوكتهة
سيف : ضلينة انسولف اني ومحمد وتقريبن ورى نص ساعة اندك الباب كلت
سيف ؛ اتفضل .........
____________________
نارين
بعد ما كملت اول محاضرة رحت اني وسرى للسنتر ولكينة بنين وهدى وضلينة انسولف ونحشش علة الأساتذة لحد ما كلت السرى
نارين وهية تضرب ابيدهة علة كصتهة : ولج سرى نسيت مدير القسم كلي لازم اروح المسئول او المرشد مال القاعة واحد علة مود يكتب اسمي بسجل القاعة
سرى : ثول عبالي مدري شنو المهم روحي الدكتور سيف لأن هوة مسئول القاعة
نارين بخوف : لا بشرفج
سرى : ههههه اي والله شبيج
نارين : خرب حضي لو بس اعرف وين نايم جا ارتاحيت
هدى ؛ ههههه كبر حتة كبر صدك فكر
بنين : ههه هسة عوفن الشقة استوني شفتة دخل المكتبة روحيلة وخلي يكتب اسمج بلسجل
نارين بنظرة بريئة : ومنو اتروح وياي
سرى : احم اني عندي اتصال كلش مهم
بنين : واني لازم اروح ارتب مكياجي
هدى : واني رايحة للتواليت
نارين : اهى اهى خاينات كلجن عفتني بس بسيطة ورحت ادورعلة مكتبة وبعد مال لكيتة وكفت كدام الباب وكلت
نارين : اوف واخيراً لكيتة خل ادك الباب وهية لو اسيب لو تخيب ودكيتة ......
_________________________
