رواية كان اخي الجزء الثاني الفصل الرابع بقلم مجهول
هجمن عليها وكامن يضربن بيها وحدتهن ماتنحجز كمنه ندفع بيهن اني وهبه ولاعبالك ...اخر شي هبه راحت مدري وين عالسريع وجت ماسكه بيدها عصا طويله مدري من وين لكتها...وكامت تضرب بيهن موتتهن على ضهرهن دك دك وكامت تهدد بيهن كالتلهن هيثم بالطريق اله اخلي يكسر خشومجن مثل ماكسر خشم ابنكم معد يكدرن ماحسينا اله هنه طلعن بس طلعن وهن يغلطن ويحجن على هديل ويكولن اله انخلي يزوج عليج ...
ماصدكت على الله راحن وخلصنه منهن كبل رحت شلت فجر ونيمته ..هديل خطيه بس تبجي ومنهارة حتى مادافعت عن نفسها وكت ضربنها...رحت كعدت يمها وكمت اهدي بيها..وهبه اخذها الواهس بقت لازمه العصه وتهدد وتحجي على منو مدري النسوان وراحن....
ملك :ادري هس هذوله وين راحوو شو لي هس ماكو
سمعنه صوت الباب انفتح ....هبه كبل رفعت العصا تاتضرب فات حسين من باب الهول اول مافات هبه ضربته بالعصا صارت الضربه على كتفوو
حسين:-انعل يوومج هاي شبيج
هبه:-اوووو حسبالي هذنيج مدري انت
حسين:-ثووووله غبييه
ملك:-وين هيثم وعمتي
حسين:-وراي هس يجون
ملك:-وين جنتو الدنيا ليل صارت
حسين:-غير من سوالف زلمتج كاسر خشم بلال وهاي ماعده باقي الضربات شمسوي بي امبهدلو...عمي جان موجود وكت المشكله ساحبين هيثم بالكوة منه وماخذه على بيته.
هديل:-وبلال شخبارة
حسين:-اخذو للطبيب
فات هيثم وعمتي...هيثم متعصب حيل ميتحاجه
اول ماشاف هديل كاللها:-ديررر بالج بيووم تكولين اريد ارجعله امووتج فهمتي.خطيه هي بس هزت راسها وكامت تبجي
ملك:-خطيه كافي عاد اليجي يصرخ عليها ويضربها على كيفكم بيها
هيثم:-ليش مننو ضربها بكيفج تحجين
هبه:-اي ماشفتو قبل شوي اجت ام بلال وخواته هجمن عليها ضرب ضرب
عمتي:-شنوو من شوكت
هيثم:-وانتن شجاجن يحضي مكيف مخلي نسوان بالبيت طاح حضجن
هبه:-لاتخاف طلعتلهن العصا ودك على ضهرهم اله شردن
حسين:-ايي من هذا خمطتيني بضربه اول مافتت
فات خالي محمود وكال:-شنو هاي السالفه خابرني عمك يكول انت ضارب بلال مدري شنو فهمني
حجالو هيثم السالفه وتعصب عمي وكام يحجي على هيثم
خالي:-سالفتك عيب وموحلوة المتزوجين شكال يصير بينهم الزوج يضرب ويغلط وكت يتعصب ...لعد لو كل مشكله هيج يصير جان كلها تطلكت هاي انت الجبير واالفاهم عساس
هيثم:-حقير وكلب يستاهل..ماشفته شون يحجي وياي وشايف نفسه انعل والديه
خالي:-الامور ماتنحل هيج اختك جنتهم بعيدن يخلون حرتهم بيها ويأذونها
هيثم:-ومنو كال ترجعلو بعد ماكو رجعه
خالي:-متكلي انت شبيك موكافي السويته نوب حتى بهاي تدخل
هيثم:-اي ادخل اختي وادخل غصبا عنهم
بقو يحجون ويتناقشون...اني اخذت هديل ورحنه للمطبخ
ملك:-اسويلج شي تاكلينو
هديل:-مومشتهيه شي..
ملك:-ميخالف هس اسويلج جاي ولبن
فاتت هبه....كمنه نسولف عالعركه حبينه نغير جو على مود هديل ونضحك
ملك:-واالله ياهبه شكلج يضحك وانتي تضربين بالعصا ههههههه
هبه:-ههههههههه اسكتي ولج جنت اضرب كل قوتي وهاي امو ضهرها متين خليته يصير لين على هذا الضرب
ملك:-هههههههه ونوب رجعتي عللى حسين اخذج الحماس
هبه:-ههههههه اي والله بس ضجت من طلع حسين تمنيت وحدة منهن كلت بلكي نست شي هين ههههههه
فات حسين:-اكلج هبه عود بلازحمه اريد تفرغين الغرفه لان تااجيب غرفه خشاب اخليها بيها
هبه:-لاوالله واني وين اروح
حسين:-والله مادري ..بعد يومين الغرفه تجي وصيت عليها
هبه:-شعليه اني غرفتي هاي ماطلع منها
حسين:-لازم بكيفج تطلعين غصبا عنج
هبه:-شنو يعني غصبا عني بعدين وين افرغها مليانه وين اخلي الغراض البيها
حسين:-خليهن بغرفه امي وابوي وانتي نامي بغرفه الخطار
هبه:-هههه ضحكتني والله ماافرغها ولااحول شي هاي غرفتي روح لكيلك انت مكان شعليه اني
كامو يعيطون هبه معاندة ماتقبل وحسين هم حقه شيسوي...اجه هيثم:-هاا شبيكم
حسين:-الافنديه متقبل تفرغ الغرفه بعد يومين يجي الخشاب وين اخلي بله
هيثم:-ليش متقبلين
هبه:-يعني غرفتي وبيها كل اغراضي وين اروح اني هاا
حسين:-مشكلتج
هبه:-لاوالله مومشكلتي مشكلتك انت
هيثم:-هبه اسمعيني يعني وين يخليها مثلا خما يخليها بغرفه الخطار مايصير الناس التجي وين تروح ماترهم..خلي الاغراض بغرفه امي لان جبيرة الغرفه وانتي نامي بغرفه الخطار..
هبه حيل ضاجت بس شسوي لان البيت بس4 غرف وحدة لعمتي وعمي والخ الي ولهيثم وغرفه هبه وماا الخطار
ملك:-لاتضوجين ولاشي باجر تزوجين قابل راح تضلين هين
هبه:-ماريد ازوج كرهت الزواج
ملك:-ههههه اليسمعج مزوجه 3مرات وشايفه الضيم هو انتي وين مجربه الزواج
هبه:بعد الصار ويه هديل اليوم لعبت نفسي من شي اسمه زواج
ملك:-الله كريم الحياة طويله ويرادلها صبر تهووون
رحت لغرفتي شفت فجر بعدو نايم وهيثم متمدد عالتخت
ملك:- صدك احجيلي شون تعاركت ويه بلال
هيثم:اول مشفته كتله ليش تمد ايدك على هديل يكلي اي اضربها وبكيفي انت لاتتدخل ماتحملت كلامو كبل -و لزمته بوكسات اله فقد ووكع بالكاع. اجه عمي وولده سحبوني منه واخذوني لبيتهم
ملك:-والله خطيه هديل ماتستاهل...اووو صدك العلاج نسيت اخذة خل اروح اخذه
هيثم:-يله روحي وتعاااي..رحت اخذت العلاج وبلعته بس الابره لازم باجر اضربها...خلص اليوم ومر كم يوم وحسين جاب الخشاب مال غرفته والفحص طلع وراحو يمسكون عقدوهديل بعده موجودة يمنه...فصادفت بيوم العصر هديل صاحتني..رحت عليها
ملك:ها هديل
هديل:-هذا بلال ديخابرني يريدني ارجع
ملك:-هااا موعساس يريد يتزوج .
هديل:-تفاجئت من كالي اريد ترجعين ..كتله انت موتريد تزوج كال لا بطلت اني احبج واريد ترجعين شنو اسوي
ملك:-الضاهر الضربه رجعت عقله ...انتي شتريدين ترجعين لولا
هديل:-بصراحه اي اريد ارجع بس خايفه من اهله ومن هيثم
ملك:-اي والله امه وخواته ينخاف منهن شفتي شسوون
هديل:-دافكر اكله ارجع بس يأجرلي بيت مارجع يم اهله
ملك:-عفيه عليج هذا خوش حجي كوليله هيج وشوفي شيكول
هديل:-هس اخابره
راحت هديل بالغرفه ورى شوي رجعت تضحك
ملك:-هاا بشري
هديل:-كتله ماارجع الى وحدي وهيثم واهلي ميقبلون ارجع لاهلك لان امك وخواتك تهجمن عليه..كالي اصلا اني مفكر ااجر بيت وحدنه ماريد ابقه بعد يم اهلي
ملك:-اكلج خاف الضربه اثرت علي وبعده دايخ
هديل:-اذا هيج خلي يضل طول عمره دايخ هههههه المهم هس شون راح اقنع هيثم بالرجعه
ملك:-احجي معاه
هديل:- لا انتي احجي وياه عالاقل بلكي يسمع منج
ملك:-والله مادري اصلا هالفترة صاير نار مايتحاجه
هديل:-كوليله انتي بالبدايه بعدين اني احجي وياه
ملك:-اوك
صارت الدنيا ليل الساعه10..حسين يخابر نور وهبه وهديل يتابعن مسلسل ويمهن فجر وهيثم بالغرفه رحت كعدت ويا البنات
هديل:-هاا حجيتي ويه هيثم
ملك:-لا بعد
هديل:-روحي هس احجي وياه
رحت عالغرفه لكيته ماسك اللابتوب رحت كعدت يمه
ملك:-ها شدسوي
هيثم:-ماسوي شي
ملك:-احم ...اكلك هذا بلال يريد هديل ترجعله
كبل باوعلي مخوزر
هيثم:-منو كالج
ملك:-هو مخابر على هديل وكايللهه اريد ترجعين
هيثم:-ماكو رجعه!!
ملك:-ليش..اذا هي تريد ترجع انت ليش تمنعها..مشكله وصارت قابل شصار يعني
هيثم:-ملك لاتدخلين انتي
ملك:-اني مامدخله بس دااشوفها تريد ترجع خطيه وزوجها متندم
هيثم:- ملك ثاني مره راح اكلج لاتدخلين اني اعرف شكاعد اسوي خلي يتأدب زيين
ملك:- مامدخله دااكلك هيج لان هي كالتلي كوليله فهمت هس
هيثم:-عود تجي هي تكلي اذا تريد ترجع ميحتاج انتي تجين
ملك:-واذا جيت اني كتلك واذا يعني ....اي هم صوجي اني شعليه بالجهنم شيصير يصير تنجازون
هيثم:- لسانج لايطول اوكي
ملك:-........
هيثم:-لاتباوعين هيج
ملك:شون اباوع بله
هيثم:-باوعي عددل
ملك:-بكيفي شون مااباوع اباوع
هيثم:-لا موبكيفج
ملك:-متكلي شبيك انت
هيثم:-ملك اذا حابه تسوين عركه ترى مالي خلك
ملك:-والله مادري شنو الك خلكه كلشي ماالك خلك شطلعت هااي
هيثم:-لاتحنين زايد كافي
ملك:-اسلوبك مديعجبني
هيثم:-عفوا ماسمعت عيدي
ملك:-اسلوبك مديعجبني
هيثم:-اهاا وشمسويلج بله ..منومج بكتله ومكعدج بكتله مثلا
ملك:- يعني لازم هيج حتى يكون اسلوبك موحلو...ماعرف شبيك انت
هيثم:-روحي ملك روحي من كدامي
ملك:-وين اروح
هيثم:-اطلعي هس ماريد اتناقش وياج
ملك:-مااطلع وليش ماتريد تناقش هاا
هيثم:-اوكي ابقي انتي اني اطلع
طلع وعافني متت قهر.....
