رواية كان اخي الجزء الثاني الفصل الخامس بقلم مجهول
رحت على هديل كتلها كتله بس يكول ماكو رجعه وفوكاها يكلي لاتدخلين
هديل:-هااا
ملك:-اي والله
هديل:-عود اخلي امي تحجي معاه
ملك:-والله اني اكول انتي كوليله احسن لان كال اذا تريد هي خل تجي تكلي
هديل:- تمام عود اني احجي معاه
بقيت كاعدة وياهن نباوع عالمسلسل اله ماخلص صارت الساعه11اخذت فجر بدلتله وسويتله حليب ونيمته بقيت انتضر هيثم مافات للغرفه صارت الساعه12الاربع ومااجه ...هو بالعادة من تصير الساعه11اكثر شي يجي للغرفه ميطول اكثر..طلعت كلت خل اشوف وينه شفته كاعد بالحديقه ماسك الموبايل ويدخن رحت علي
ملك:-شو ماجيت لازم ماتريد تنام
هيثم:-موجايني نووم
ملك:-براحتك
رحت للغرفه وعفته..نمت كعدت على صوت الباب انفتح باوعت الساعه3وربع..اجه تمدد يمي تغطى وغمض عيونو
فتحت الغطى:-سويلي مجال اريد انام
هيثم:-هاا.نامي ماسكج اني
ملك:-لا اريد انام بحضنك
هيثم:-تعااي
تمددت بحضنو وشبكتو قوي ...يمكن ماكدر انام اذا واحد بعيد عالثاني ماتحمل...
ملك:-تأخرت على ماجيت للغرفه
هيثم:اي
ملك:-ليش
هيثم:-مادري... افكر
ملك:-بشنو تفكر
هيثم:-هوااي امور راسي مديرتاح
حبيت اغير جو شوي ونحجي عن قبل
ملك:- تتذكر قبل مازوجنه
هيثم:-ليش نسيت حتى اذكر...شلعتي كلببي دمرتيني
ملك:-لاوالله انت شلعت كلبي..
هيثم:-هواي ايام جنت اتعب واتعذب وانتي ماتدرين
ملك:-اني هم والله....بالاخص وكت تزوجت متت انتهيت
هيثم:-اي من طاح الفاس بالراس حسيتي
ملك: لا من قبل ماخطبت اني تغيرت مشاعري تجاهك بس ماجنت اتجرء اكلك
هيثم:-تصدكين اني لوباقي موماخذج مثلا او رحتي لغيري الله يعلم بحالي هس شوون..بس دايما احمد ربي
واكول الحمدلله اخذت الي احبها
ملك:- شكد تحبني؟.
هيثم:-تسأليني سؤال تعرفين شنو جوابه
ملك:-اي شكد
هيثم:-بكد الغرفه
ملك:-شنووو.بسس
هيثم:-اي ترى جبيرة باوعي
ملك:-.......
هيثم:-ههههه لالا بكد الحوش
ملك:-اهووو شبيك دجاوب جواب منطقي
هيثم:-اكثر من اي شي يخطر ع بالج احبج...يعني اذا انتي جنتي وياي خلاص اني بخير ماريد بعد احد...واذا كلها جانت وياي وانتي ماكو ..اعتبريني جسد فقط بدون روح...
من كالي هيج بسته قوي
هيثم:-وانتي شكد تحبيني؟
ملك:-انت بالنسبه الي كلشي من اكلك كلشي يعني مو كلام اللسان لا ..فعلا كلشي انت بالنسبه ليه امي وابوي واخوي وحبيبي وزوجي كلشييي كلشييي
ابتسم وكالي:-يعني نكضيها سوالف مانام
ملك:-ههههه يله حضنته قوي ونمنا
كعدنه الصبح جنه نتريك..فتحت الموضوع هديل:-اكلك هيثم هذا بلال خابرني ويريد ارجع
هيثم:-موهس..ترجعين بس موهس
هديل:-هاا شوكت لعد..بس هو كال راح يأجر بيت ونكعد بي ماارجع يم اهله
هيثم:-اي خلي يأجر ويكمل عود تروحين
هديل:-انشالله
حسين:- اكلك هيثم خما محتاج السيارة لان اريدها
هيثم:-لا ماعندي شي بيها اخذها
الفحص طلع البارحه.. اروح اخذه اليوم.واخذ نور انروح نمسك عقد
سميه:-هاا صدك خير ان شاءالله
حسين:-ترى ماطول ورى مسك العقد كبل اسوي العرس
هبه:-واخيرا راح يصير عدنه جنه
ملك:-عيني واني شنوو
هبه:-لا انتي من البيت...اريد اشوف وجه جديد بالبيت ههههه
هديل:-هههههه
ملك:-هم صحيح
خلصنه ريوك ورحت ادرس الامتحانات قرربت...اجت هديل عليه:-خابرت بلال هس كال رحت اليوم ادور على بيت للايجار. لاكي بيت بس صغير غرفتين موحيل بعيد..كتله ميخالف المهم نطلع
ملك:-اي خوش
هديل:-احتمال باجر ارجع
ملك:-هاا.الله كريم
صارت ليل الساعه بال10 تقريبا...جنت انضف الغرفه سويت حمله عليها رحت طشيت الوسخ ورى البيت.شفت هديل كاعد تخابر
ملك"-شو تخابررين هين
هديل:-اوك بس دقيقه باي هس........اكلج هذا بلال يم الباب يكلي اطلعي انتضرج تاياخذني شسوي
ملك:-هااا بس هو بعد مااجر البيت موو
هديل:-بلي مأجره بس مانروح علي كبل لان فارغ
ملك:-وهيثم شون كوليله بالبدايه
هديل:-اني شمخوفني غير هيثم..كتله بس اكول لهيثم ..يكلي ماعليه اني انتضرج برة اطلعي..هو مايريد يفوت مايقبل يحجي مع هيثم
ملك:-وشراح تسوين هس
هديل:-ماعرف محتارة حييل
ملك:-روحي كولي لهيثم وفضيها مايصير تروحين من دون مايدري يزعل والله
هديل:-اوك هس اروح احجي معاه
راحت هديل تحجي معاه كالتله هيج وهيج
هيثم:-خلي يفوت شعندة برة
هديل:-مايقبل يمكن من ورى عركتك وياه
هيثم:-هس اني اطلع علي
كام هيثم وطلع برة.
هديل:-اكلج خما راح يتعاركوم انوب
ملك:-مدري
ورى شوي فات هيثم وياه بلال
هيثم:-ملك سووي جاي
ملك:هس
هديل كيفت طارت من الفرحه
هديل:-اكيد تصالحو مادام فاتو سويه
ملك:- هيثم كلبو طيب يتعصب بس يراجع كبل
هديل:-هس ارتحت اني
سويت جاي وهديل وياي جان يفوت هيثم:-هديل حضري نفسج تاتروحين وياه
هديل:-محضرة كلشي
المهم راحت هديل شوي ضجت من راحت لان تعودت عليها
اجه ثاني يوم وكلت لهيثم ياخذني للدكتورة لان العلاج اخذته وخلص..رحنه اني وياه عليها وفحصتني كالت:-عجيب العلاج مومأثر بيج بعدة الضعف نفسه مامتغير شي..حييل ضجت من كالت هيج وزاد تفكيري اكثر طلعت من عدها مالي خلك اي شي
هيثم:-هاا شكالتلج
ملك:-تكول نفس الشي ماكو تأثير
هيثم:-الله كريم
ملك:-خايفه حيل خايفه مااكدر اصير حامل
هيثم:-توكلي بالله بعد وكت شبيج
ملك:-هيثم كافي تكلي هيج هاي صار اكثر من سنه اووف
هيثم:-لعد شكلج..بس لاتفكرين انتي وتخلين هالشغله تأثر عليج..الله الكاتبه يصير
عدة كم يووم واني هذا الموضوع شاغلني حيل موباليد البشر صح يكول كلشي بيد الله بس مايكدر مايفكر ويضل خايف ..حسيت اخذ حيز جبير من تفكيري هالموضوع ...خابرت فرح انطتني اسم دكتورة حيل مضبوطه.كلت لهيثم ياخذني عليها ..اخذني عليها هم فحصتني وكالت:-البويض عندج حجمه حيل صغير نسبه الحمل عندي10بالميه من كالتلي هيج من صدك تخربطت رجعت وكل الطريق ابجي هيثم يهدي بيه احس خلاص مستحيل اصير حامل بعد بقيت اسبوع اني بس ابجي وادعي وحتى قليل اطلع من الغرفه ...صادفت بعد 3ايام عرس حسين والبيت هوسه وخطار وصادفت بنفس الوقت موعد الشهريه بس بعد ماجتني ..ورى 3ايام جان يوم العرس ..صح عرس وهوسه واغاني بس ماليه واهس بشي.احيانا خبر تسمع يخرب عليك كلشي لو ماتسمع احسن.اجو خواتي واخواني للعرس ممت احجي ويه فرح ومرح وشكيتلهن عن حالي
مرح:-شكد بعد وتجيج الشهريه
ملك:-المفترض من الاحد تأخرت 3 ايام
مرح:-اكلج بلكي تطلعين حامل...والله يمكن عندي فحص مال حمل قديم بالجنطه هس اشوفلج اياه بلكي موجود
ملك:-مستحيل بعد السمعته من الدكتورة ايست حيل
مرح:-كولي ياالله بكلي حامل
ملك:-ولج قبل 10 ايام الدكتورة كالتلي نسبه الحمل عندج10 شون اصير حامل..حلم هذا
كامت تدور بالجنطه مرح:-هيانه موجود اخذي وروحي للحمام سوي فحص
كمت رحت للحمام بس اني ابالي مستحيل مأيسه حيل من هذا الموضوع
خليت شريط الحمل بالدرار وعفته وراها راحو جابو العروس واني التهيت بغير شغلات حتى نسيته الفصح صارت الدنيا مغرب
مرح:-ها اخبار فحصج
ملك:-اووو حتى نسيته
مرح:-روحي شوفي
رحت فتت للحمام واجت وياي مرح
ملك:-شوفي انتي اني ماعرف حيل بي
مسكته فرح وكامت تباوع علي
مرح:-ولج بالقران خطين والله حامل انتي
ملك:-شكاعد تحجين كل عقلج
مرح:-ولج باوعي والله خطين...باوعت فعلا خطين واضحات
ملك:-يمعودة خاف موصحيح
مرح:-شنو مو صحيح هذا فحص اكيد والله حامل انتي
احسس كلبي يدك 200دكه عالسريع .....
