رواية ولو بعد حين الفصل الرابع
عندما عاد زكريا إلى المنزل، لم يجد حبيبه وكانت غرفتها مغلقة ، وبدا ان هناك شيء على وشك التمحور، لكن زكريا من أنصار ان لا يترك للحزن باب ،اضرب على التعارض فى وجهات النظر وهو ساخن، طرق باب غرفتها وهمس
حبيبه ؟
حبيتى ؟
ممكن ادخل؟
جأه صوت ناعس، ادخل، كانت حبيبة راقده على السرير فى حالة ثبات ارغامى
انت كويسه!؟ تعبانه؟
انا كويسه يا زكريا، حاسه ان جسمى همدان مش اكتر
تنحنح زكريا ،انت كلمة اكتر من دار وهما فى انتظار حضورنا
لو كان يناسبك بكره نتوكل على الله !!
رفعت حبيبه وشها ،لا تشعر انها امرأه على مشارف الخمسين
كان لديها وجه رطب مشرق ، همست خلاص بكره نروح ان شاء الله.
اتفقا ان يختارا طفل راشد، حبيبه مفيهاش حيل تربى طفل صغير، عشر سنين او ١٢ سنه هيكون مناسب
راجعو ملفات اكتر من طفل واختارو عينات عشوائيه
اطفال غير مشاغبين يمكن تشكيلهم بسهوله ،وقبل نهاية اليوم استقرو على طفل اختاره زكريا لانه يشبهم على حد قوله
كانت ملامحه جميله، الطفل الذى يتمناه كل اب وام.
اعدت غرفه للضيف المقيم ،غرفه برحه تطل على الحديقه
ومن اول لحظه تمتع بعنايه فائقه من الخدم ووضعت له خطه تعليميه ودراسيه ،اشترى له زكريا ملابس جديده
وضعت فى دولابه وكل بضعة ساعات كان يدخل غرفته يطمأن عليه ،الاعتياد يحتاج وقت ،وزكريا كان يملك الوقت كله.
&&&&&&&&&&
شوفى يا ست صفية الحامل إلى انها جهزته ليكى ؟ فتح ناصر الحامل الخشبى المزركش وفتح حقيبة صفيه رص فيه الجوارب والمناديل وعلقت ورقه بأسعار كل صنف.
انا كنت فاكرك بتهزر والله يا ناصر؟
مش بهزر يا ست صفيه، وذى ما قولتلك دى تجربه
دلوقتى مش محتاجه تنبحى صوتك، الناس شايفه والى عايز يشترى هيشترى وهو قاعد معاها اكتر من ست بصت على البضاعه واشترت منها
مش قولتلك يا صفيه مش هتخسرى حاجه ؟ الناس محتاجه أفكار جديده ،والباقى عليكى لازم تزودى بضاعتك وتنوعيها
سيبك بقا من الشغل الصغير ده وان شاء الله ربنا هيكرمك.
تركها ناصر ولم يعرف ان ذلك الباب الذى فتحه سيدر عليه خير كثير.
قبل نهاية اليوم باعت صفيه بضاعتها ولأول مره جلست تنتظر ناصر بوجه فرح خالى من الهموم
لما شافت ناصر همست، انا خلصت البضاعه كلها يا ناصر
وقاعده هنا مستنياك من الضهر!!!
قال ناصر ،وليه تستنى كنتى روحتى لبناتك ؟
ابتسمت صفيه، حبيت اشاركك فرحتى يا اخى وبعدين فيه حاجه تانيه مهمه !!
خير يا امى؟
فيه بعض البياعين عايزين نفس الحامل ده لانه عجبهم وهيدفعو تمنة متخفش اصلهم مش ذى
العفو يا ست صفيه، الحامل بتاعك هديه منى اصلا
كام حامل بقى يا ستى مطلوبين ؟
رفعت صفيه ايدها ،عشره يا ناصر، عشر حوامل كاملين
عشره مره واحده ؟
ايوه عشره ورينى جدعنتك بقا
انطلق ناصر إلى غرفته بعد أن ابتاع الخشب ومستلزمات صنع الحوامل الخشبيه والدهانات
سهر فى منتصف الغرفه يقطع الخشب ويدق المسامير ويعاين المقاسات ويدهن الالواح ،كانت إيده خفيفه متمرسه
وقدر يخلص الكميه على ضهر اليوم التانى
حمل الحوامل فى تكوتك وراح على مكان صفيه، نزل كل حاجه جنبها وقالها على السعر، اكتفى ناصر بمكسب طفيف
لم يغالي كان يعرف ان الناس محتاجه ويكفيه فقط أجره عادله توفر له الطعام والشراب.
بالصدفه البحته، جلست بائعه آمام مكتبه ونصبت حاملها
صاحب المكتبه أعجب بالحامل وسأل عن سعره
كلمه من هنا وكلمه من هناك قال للست انا عايز اقابل النجار ده،عايزه يعملى حاجه ،الست بلغت صفيه وصفيه بلغت ناصر.
بص يا معلم، همس صاحب المكتبه وناصر قاعد معاه، انا مش عايز حوامل صغيره ،انا عايز حوامل كتب خشبيه إلى هى ببتشبه الشجره وعرض على ناصر صوره تقدر تعمل ذى دى؟
ركز ناصر فى الصوره، لو الأوازم اتوفرت اعمل ذيه ان شاء الله ،دفع الرجل عربون نسخه تجريبيه لو عجبته هيعمل صفقه مع ناصر.
فى غرفته درس ناصر الحامل، حامل الكتب، استحضر تشكيلات من الانترنت وفهم التقنيه وصنع اول حامل خشبى
بارتفاع متر ونصف وصنع داخله فتحات التعشيق ودهن الحامل ثم دقق به ،كان حامل جيد
ارسل الصوره لصاحب المكتبه على الواتس، الرجل أعجب بها وطلب بقية الصفقه
بداء ناصر يصنع الحوامل فى غرفته آلتى تحولت لورشه مصغرة ،عشرة حوامل احتاجت منه ثلاثة أيام من العمل المتواصل، بعدها شحنها فى سياره ربع نقل ونقلها إلى المكتبه
واستلم اجرته.
كانت صفيه بتخلص شغلها بدرى ،نفذت نصيحة ناصر ونوعت بضاعتها ،أصبح المكسب أكبر ،مكسب معتبر يمكنها من العيش وليس قروش بسيطه لا تكفى إى شيء
ناصر قالت صفيه انت لازم تتعشى معانا النهرده ،ورحمة امك لتوافق ؟
لا يعرف ناصر امه ولا ابيه، لو كان يعرفهم لما أصبح هذا حاله
حاضر يا ست صفية
بالليل اعدى عليكم
وبالليل ليه يا ابنى ،تعالى معايا دلوقتى انت خلصت شغل ومش وراك حاجه
داخل بيت صفيه قعد ناصر حاسس بخنقه، مش متعود على جو العيله، شعر انه غريب
انت يا جدع انت بتفهم فى العربى ؟ سألته ردينه بعد ما قربت منه بحذر، الاستاذ مدينى واجب ضخم وساره مش فاضيه
مسك ناصر الكتاب وقعد يشرح لردينه الدرس ويحل معاها الواجب.
انت بقا شغال ايه ؟
اصل إلى يشوفك ميقلش انك نجار
انا حساك تنفع ممثل ،اه والله بتشبه الممثلين الهنديين
شعرك ناعم زيهم ووشك ملامحه حلوة لو بقيت ممثل هتفرج عليك.
ضحك ناصر، ممثل حته واحده انا يدوبك نجار مغمور
تدخلت ساره وهى بترص الأطباق انا سمعت من ماما انك بتصنع حوامل كتب ؟
رفع ناصر وشه ،دى كانت تجربة شغل والراجل عجبته الحوامل الخشبيه.
قالت ساره وليه تشتغل عند حد وتكتفى بأجرتك والمكسب يروح لغيرك
ضيق ناصر حاجبه مش فاهم انتى تقصدى ايه ؟
بص يا سيدى ،انت ممكن تسوق بضاعتك من خلال الانترنت والفيس والتيك توك
هتعمل موقع وتعرض عليه بضاعتك ،والى يطلبه تبعته ليه دليفرى ،وبكده تاخد انت المكسب.
الموضوع كبير وانا مش متعمق فى الميديا والله همس ناصر بخجل
ولا يهمك ادينى تليفونك انا هعمل ليك صفحه وتعرض عليها شغلك ومش هتخسر حاجه ،لو تحصلت على أوردر او اتنين تبقى بدايه ممتازه
ترك ناصر هاتفه مع ساره، عملت الصفحه ورفعت عليها صور
لحوامل خشبيه شجريه وحطت رقم ناصر واتس اب لمن يرغب فى التواصل
قبل نهاية العشا ولان ساره عملت اعلان ممول الصفحه كان عليه تلت طلبات بيسفسرو عن السعر
ساره مسكت التليفون وردت على الناس، السعر كام يا معلم؟
همس ناصر معرفش !!
هو انا لازم اعمل كل حاجه بايدى؟. دخلت ساره على صفحات مماثله تبيع نفس المنتج اخدت السعر من هناك
وكتبته للناس ولكن اقل بمية جنيه.
لما ناصر رجع غرفته كان نسى كل حاجه عن الموقع والطلبات
وعلى مدار اسبوع كان بيقلب عيشه فى الشوارع والازقه
تراكمت الطلبات على صفحة ناصر اكتر من مية تعليق بيسألو عن السعر وطريقة التسليم
لما ناصر ظهر صفيه قالت انت فين يا ابنى؟ ساره، قالبه عليك الدنيا
خير ان شاء الله يا امى؟
قالت صفيه ساره بتقول صفحتك عليها طلبات كتير وانت مش بترد على حد وكده مش كويس
فتح ناصر صفحته ،تفاجأ بالعدد الضخم من الطلبات
رسائل على العام وعلى الواتس شعر بالتشتت والغباء
معرفش يعمل ايه
كان لازم يشوف ساره هى إلى بتفهم فى الحجات دى
قابلته ساره بعصبيه ،دا باب رزق يا استاذ ناصر ليه تسده ؟
شغل وجاى لعندك ،ردت ساره على الطلبات بسرعه وحددت ميعاد التسليم وقبل ما يروح اتفق ان ساره تمسك الصفحه ترد على الطلبات وهو يتفرغ لصنع الحوامل.
&&&&&&&&&&&&
كان الولد فى بيت زكريا بيتعلم بسرعه ،ذكائه مبهر
يصرخ طول اليوم بابا وماما، زكريا كان فرحان بيه
وبعد شعر شهر كان بياخده معاه الشركه بعد ما قدم ليه فى مدرسه خاصه واحضر له مدرسين داخل الفيلا، كان يرغب
برؤيته يعرف كل شيء فى فتره قصيره
حاولت حبيبه ان تعتاد الأمر ،كلمة آمى، وحضن قبل النوم
وجلسات الحكايات والملاطفات ،لكن شيء داخله كان يرفض كل ما حدث، شعور غامض ان هذا الطفل ليس ابنها ولن يكون ابدا.
تعلم فارس الصغير كما اسماه زكريا ،اللغه الانجليزيه وكان يتحصل على درجات جيده فى الفصل ،ويطيع كلام والده ووالدتها، كان طفل بحق يتمناة كل اب
لكن فى نظر حبيبه كان مجرد دميه صنعها زكريا ،ويحاول تطريزها بكل جميل ،أصبح لفارس أصدقاء من نفس عمره
وامتلك هاتف حديث واشتراك فى النادى كانت حبيبه ترغم بسببه على الذهاب معه ومجالسة نساء تكرههم
كانت الحياه تمضى وحبيبه يتملكها شعور أكبر بالوحده والغربه ،زكريا جعل الصبى كل حياته ونسى كل شيء عن حلم زوجته القديم
لكن حبيبه وفى كل ليله تقريبا لا تمضى حتى ترى طفلها ،رضيعها المفقود فى الحلم ،ويده المجروحه
كانت تحلم بهلعها لحظتها ،صراخها وبكائها وتستيقظ من النوم مفزوعه متعرقه
مضت شهور على رؤيتها لناصر، ذلك الشاب اللعين الذى فتح فى عقلها تلك المقبره المدفونة ،فمنذ لحظة ظهوره وفى كل ليله ترى طفلها.
لم تصارح زكريا باحلامها ،كانت تحتفظ بها لنفسها وترى ان الوقت قد فات لبدايه جديده ،زكريا لديه كل ما يحتاجه ونسى الماضى ،الماضى الذى بات يخصها وحده
لكن ذلك الشوق الدفين ،تلك الأفكار المزعجة كان ثقيله على حبيبه، ثقيبه لدرجة بعيده لم تمكنها من النوم وفى بعض الليالى كانت تسهر للصبح ،لم يحدث ذلك مع أى شخص آخر رأته او طفل ،كان هناك شيء مختلف بخصوص ناصر
استسلمت حبيبه لحالة الشجن وفى كل صباح بعد اختفاء زكريا، وبعد أن تطمأن انه ذهب إلى العمل تأخذ نفسها، تركب سيارتها ،تلف فى الشوراع وتعود قبل حضور زكريا إلى البيت
كم مره فعلت ذلك؟
تفاجأت ان فى الشهر الاخير خرجت للبحث عن ناصر ١٥ مره
العدد يتضاعف وحبيبه غير قادره على تمالك نفسها
تمر الأسابيع والشهور وحبيبه لا تيأس ،كل مره قبل النوم تقول آخر مره، وبعد أن تفتح عينيها تجد ذلك الشعور الذى يطالبها بالبحث عن طفلها المفقود.
&&&&&&&&&
سمت ساره الصفحه صفحة ناصر وود باللغه الانجليزيه
كانت الطلبيه المائه آلتى تخرج من ورشة ناصر الصغيره التى اتسأجرها تحت الحاح ساره ويعمل مع فيها تحت ادارته صبيين ،فى البدايه كان ناصر ينقل الطلبيات بنفسه
وبعد أن تضخمت الطلبات تعاقد مع شركة نقل
كانت صنعته دقيقه وجميله نالت إعجاب الناس ،ساره أصبحت مديرة الصفحه وأصبح لها اجر ثابت تساعد به والدتها ،رممت صفيه المنزل ،أعادت دهان الجدران المتشققه
وابتاعت اثاث جديد ،كان ناصر يمنحها فى السر جزء من راتبه، كان يقول ان لديه ما يكفيه ولا يحتاج أكثر من ذلك
أقف كويس يا ناصر، امرتة ردينه ،كان ناصر يرتدى بذله نبيته تحتها قميص موف، ترك شعره الكبير الناعم يسرح فوق وجهه كما كانت تحب ردينه التقطت ساره الصوره آلتى أخذها ناصر مرغما لتكون واجهة صفحته على الإنترنت، صوره دون أن يدرى كانت تشبه صور الممثلين
كان ناصر اخذ وجه والدته الرقيق الأبيض ذو الملامح الدقيقه
وانف والده وشموخه ،بدا فى الصوره شيء مختلف جدا.
