رواية لبوة الحياة الفصل الرابع بقلم ساره العبيدي
مثل الورده بديت أذبل
تعال ولفني بحضينك لفت خيط ع المغزل.🤎
سمعت صايح وكلها طفرت للاستقبال تشوف شكو
واني و وسن ميتين من الضحك شر البليه مايضحك مفروض نخاف احنا كعدنا نضحك
وسن ولج خلي نروح نشوف خاف صار شي بي
وسن: جوري روحي انتي شوفي شكو واني وراج ههههههه
جوري: تمام رايحه
رحت طبيت ما احجيلكم موقف خالي يغلط ويصيح ويفشر ولي يسال ولي يضحك عليه
موقف ماينسى 😂😂
الحمدلله ما اتأذه لان توني يريد يكعد طافر حاس اكو شي
رجعنا للبيت بعد ماصدك تونست شبعت ضحك
كعدت العصر طبيت للمطبخ حتى احضر الفطور طبعاً اني اطب الظهر للمطبخ اسوي صعبات وارجع انام ساعه واكعد العصر احضر البقيه🤦♀️
شوكت يأذن والله عطشانه اخ اخ يابه
قبل ماياذن كاعده بطرمه أنتظر الأذان ونفتح الباب طبيت ركض جوه خليت غطه على راسي
اوووووو. هذا مايكول وكت فطور شعنده جاي أستاذ أسيد
أسيد: السلام عليكم
جوري: وعليكم السلام تفضل خويه طب جوه كاعدين بصاله
أسيد: لا جنت راجع من سوك شفت الباب مفتوح كلت اسلم واطلع
جوري: لا خويه ماتسوه راح يأذن افطر وياهم وعود روح
أسيد: خو ماكو شي هواي صرفتي خويه اليوم
جوري: ليش حاجيه شئ غلط 🙄
والله يالله شتريد اكول لك حبيبي شلون بشر بصوت ناصي طبعاً احجي ويه نفسي
أسيد: بيج شي شنو تخبلتي
جوري: لا ماكو شي طب جوه راح يأذن بقت أقل من خمس دقائق
أسيد: لا رايح عود اجي بالليل
طلعت امي عليه اسيد هنا طب جوه لولد موجودين
أسيد: لا خاله بالليل امركم
شكد مايلطش اذن الأذان امي ماخلته يروح على اساس عيب لان صار الأذان اصلا انت جاي تفطر يمنا شكو تمثل
كملوا الفطور واني فطرت وحدي بلمطبخ مامتعوده اكل ويه ولد عمي بس ولد خوالي عادي حتى انام يمهم لان تربينا سوه مثل اخواني احسهم
جاي احضر بشاي اجه يغسل بلمطبخ
أسيد : جووري بارحه وين جنتي أجيت عليكم بالليل ماكو
جوري: بيت جدي
اسيد: ها ماشي
غسل وطلع واني صافنه هذا شنو سالفته مو خاليه هواي يسال ويدخل شنو لبالك يا أسيد افندي
كملت شغلي وطبيت للحمام بعد هالتعب واحد يتمنه يبقه بلمي افييييش
........................
مرت ايام رمضان الحلوه كانت هادئه نوعاً ما
ها طه قرروا بيت جدي يدورن له بنيه ويزوج بعد العيد والكل فرحان طبعاً لان عمره 30 مايقبل يزوج طبعاً عدهم جبير مفروض يزوج من بداية 20
اخر أسبوع رمضان تحضيرات فول تنظيف وكليجه واهم شي فقرت الملابس والسوك كل النساء تحب هاي فقره
اجه خالي وسام عصر علينا
اني بلمطبخ وامي بصاله اخواني نايمين طبعا المغرب يلا يكعدون اسمع صوت الباب يندك
فتحته امي
وسام: السلام عليكم شكد يلا تفتحين الباب شلونكم
امي: وعليكم السلام تدري مابيه اكوم وجوري بلمطبخ
وسام:وينها دزوني البنات عليها يكولون تروح على السوك بالليل يشترون ملابس
جوري سمعت سوك طفرت ركض.من. المطبخ للصاله
خالي اهنا هلابيك هلا وبجيتك هلا
وسام: هلا حبيبتي بس هاي لسوك لو لي
جوري: ههههههه ياخالي ياحبيبي هسه زوجتك تحبك انت لو السوك
وسام: لا السوك
جوري: شفت خالي اني أحبك اكثر من السوك وماروح يوم اذا مو انت ويانا شفت هيج حب
وسام: لا عمي وين اكو هيج حب اكلج لا تتغزلين ولا شئ امي راح تشتري ملابس الكم اني لفلوس بقلبي مادفع ربع 😂😂
جوري: طبعآ اني احبك وتغزلت هو شعندي غير بيبيتي
اعوج بحلكي واحجي ههههههه
وسام: خوش لعد كملي شغلج بالليل امر اخذج
راح خالي ماقبل يبقه وركض ركض حتى فطور مافطرت زين حتى اكمل بسرعه اجه خالي رحنا اني وخالي وزوجته وياسمين و بنت خالي احمد صفا سوه للسوك واشترينا ملابس
وأكيد لازم فد كيلو بقلاوه على زلابيه بعد ندلل نفسنا كبل للسياره احنا البنات كعدنا ورا
وخالي بصف السايق بقلاوه بلحضن وناكل وخالي يغمز لنا يريد حصته يخاف لا نخلصها واحنا ولا يمه 😂
بقينا له كم قطعه وصلوني للبيت وهم راحو لبيتهم كبل نمت لان فرت سوك تعب كعدت على سحور
😂
وأخيراً كلمت تنظيف العيد وتحضيرات الكليجه وباجر اول يوم العيد. كل عام وانتم بخير ❤
اول يوم كعدت ب6 اني وامي رحنا نزور قبر ابويه وسندي خسرته اول ماوصلت للمقبره نزلت دموعي وصلت يم القبر متتت من بجي شكد ابجي مارتاح اخ يابه والله ماريد شي بس اعايدك نفس البنات لتعايد ابوها احضنك مو يكولون بمرور الأيام ننسه ليموت اني عكس النااس كل يوم يمر احتاجك أكثر افتقدك أكثر ربي ياريت مأخذ روحي عايف أبويه على أقل اني ماعندي عائله اخ يابه كسرتني بغيابك الموت عاف الكل واخذك وحرمني منك حسره بقلبي مجاي تبرد. يابه اووف شسوي شلون لو شكد ما ابجي واصرخ ماراح ارتاح أريدك والله أريدك ربي ماطالبه غير دقيقه احضنه دقيقه اشوفه كدامي واكوله يابه نفسي لفظ هاي كلمه لبقت تلجمني كل لحظه ابجي واصرخ
وناس قريبين على قبر ابويه اجوي عليه يصبرون بيه وامي تحجي عليه كافي كومي قابل يوم مات هيج سوين صار تراب هسه
يمه لو يبقه الف سنه ناره بقلبي ماتبرد بقيت كاعده وابجي واصرخ أتخيل شلون يرجع من صلاة العيد واعايده واشوف طوله الحلو لكن حتى صوره بخيالي ماكو اخ قلبي والله اريدك ماشبعت منك ربي ليش بسرعه اخذته مني
صارت الساعه 10 كامت الناس تخف بلمقبره امي خافت شويه
جوري مابقه ناس هواي كومي خلي نرجع
رجعنا للبيت حضرت ريوك لهم
امي راحت هيه واخواني لبيت جدي
اني متعوده اول يوم انام لان تعب رمضان كله يبين اول يوم ههههههه
امي: ولج جوري على شنو تبقين وحدج امشي وياي نامي بيت جدج
جوري: لا يمه هوسه هسه كلهم مجتمعين مالي خلك خلي انام اذا كعدت عصر اجي
امي: ماشي رايحه تردين شيء ادزلج غده منهم
جوري: لا اصلا ماراح اتغده
راحت امي واخواني وسديت الباب وراهم
رجعت نمت وتقريبا قبل العصر بنص ساعه فزيت على ايد شخص على خدي
من خوف كعدت مصدومه وخايفه قطرة دم مابيه
شنو هاي شلون طبيت اهنا ماتخجل ماتسحتي أنت
