رواية احببته لكنني متزوجه الفصل الرابع بقلم مجهول
كامت امي وشاورت ابوية وابوية باوع علية وكال :
ابوية : سهى صدك انتي ما تخدمين زوجج ؟
سهى : والله اخدم ه بكلشي ما قصرت وياه بأي شي والله العظيم .
ابوية : لا بغير شي اقصد الطقوس الزوجية ولو هي امور نسائية .
سهى : لا والله بابا يونس ديجذب وكل يوم ويضربني والله .
ابوية : ام سهى تعالي اخذي بنتج ورحو للغرفة واحجي وياها امي كامت واخذتني للغرفة وكالت :
امي : ليش بنتي من يونس يريد ينام وياج انتي ما تقبلين ؟
سهى : والله ماما جذاب بس مرة وحدة من رجعنه من الحفلة كتله تعبانة وبعدين ماما اصلا سوينه حتى بهذا اليوم ولا يوم ما رفضته بس بهذا اليوم وبعدين بهذا اليوم ما ضربني اصلا والله العظيم .
امي : بنتي ارجعي لبيتج لاتجيبين جلطة لابوج والله هسه ميعرف بيمن يصدك .
سهى : ماما والله اذا رجعت راح يضربني اكثر واكثر من غير الايام .
امي : بنتي اتحملي ترى اني هم مثلج وانتي تعرفين كم مرة ضربني كدامكم
سهى : امري لله شسوي ماما شسوي .
رجعنه اني ويونس وامه وابوه لبيتي وام يونس كالت تعالي رايدج بموضوع وكالت
عمتي : سهى ليش هيج بنتي حبيبتي ما تطيعين زوجج بالطقوس لهذا ما مخلفين اجهال لحد هسه لان انتي ما تقبلين يتقرب منج .
سهى : عمة بشنو تريدين احلف اني ما مقصرة وياه بأي شي بس هو يضربني كلش على ابسط شي والله عمة صدكيني .
عمتي : عفية بنيتي لاتبجين وفتحو صفحة جديدة يالله بعد روح عمتج
راحو اهل زوجي وضلينه بس اني و يونس بالبيت صامتين كلشي كام يونس وراح لغير غرفة كالعادة وبيده الموبايل ويحجي اتصالات بس ما ادري بنات او اصدقائه ميهمني اصلا لان ذيب الجلب ابد ماينعدل وهو اكبر جذاب
يتبع
🌸🌸🌸🌸:
