رواية احببته لكنني متزوجه الفصل الخامس بقلم مجهول
صارت الساعة 3 العصر وكام يصيح سهى ولج وينج رحتله وكلت :
سهى : نعم يونس ؟
يونس : روحي حضري سمك يالله جوعان .
سهى : بس ماعدنه سمج ؟
يونس : اشكد عقلج فارغة يا حيوانة ليش ماكلتي جان اشتريت وهسه شسوي .
سهى : روح اشتري حتى احضرلك اياه .
يونس : وليش ارجع اروح اكل برا احسن من امده حظي ومتزوجج
كلشي محجيت راح يونس ورجع العشا واني حظرت تمن احمر ودجاج رجع وبيده علاكة بيه مشروبات كحولية حطه على السفرة واكل وكام يشرب وكلي :
يونس : يالله كومي اركصيلي !
سهى : ما اعرف اركص .
يونس : لعد منو الي جانت تركص بعرس اخوية خالتي ؟
سهى : اي مو انت كلت ما يلوكلج الركص لان انتي سمينة ؟
يونس : انجبي لاتناقشيني يالله اركصيلي .
يونس شغل اغاني مصرية وكمت اركص وهو يشرب ويكول : وين هاي وين هاية وين بنات الناس ووين هاية سمينة معفنه محلوة وماتعرف تركص وكفت وماكملت الركص كلي :
يونس : ليش توكفتي ولج ؟
سهى : مو انت تكول وين هاي وهاي وسمينة وماتعرف تركص .
يونس : انجبي من اكلج اوكفي يعني توكفين افتهمي لو لا لو تريدين اكوم وضربج.
استمريت بالركص لحد ما كلي كافي روحي ولي رحت لغرفتي وراسي كلش يوجعني ماكدرت انام طلعت اشرب ماي لكيت زوجي متمدد ومصلخ وفاتح كاميرا ويا وحدة ابنية وديمارس العادة السرية اني كبل رحت للمطبخ بسرعة شربت ماي ورجعت لغرفتي كلت هسه اذا اشتكي عليه راح يحلف 100 يمين كلامي جذب .
المهم استمر يونس على هذا الشي كل يوم يحجيله ويا ابنية على الفيسبوك ويمارس العادة السرية وياها وجنت اسمعه جان يحلفلهم يجي يتزوجهم ويكول اني بيت لوحدي وما متزوج وشغلات هواية .
