رواية سيرة القدر الفصل الخامس بقلم فجر المساري
كمت اروح وارجع ع كد الدوام لمده 40 يوم مده
التطبيق مالتي ومن ارجع وحابسه نفسي
بالغرفه ومااحجي ويه احد ولاعندي اتصال باحد
انقطعت عن الناس والعالم وحتى تليفوني سديته
ومرت عمي تسمعني كلام صابره وساكته وين اروح
سراب… .بيوم… .
جنت كاعده بغرفه المعلمات اجتي المديره ست سميره…
سراب… نعم ست
المديره… اتحضري
خير ست… .خير راح يجي استاذ المشرف عليج
ويحضر درسج علمود يقيمج وينطيج درجة ..
سراب… خفت ارتبكت بس حاولت مبين هالشي
رحت لصف وتفقت ويه الطلاب والطالبات ع الموضوع وشنو راح اسئلهم وجانوا هواي
يحبوني الطلاب والطالبات واني هم حبيتهم
وياهم احس بالحياه…
وبهالاثناء… دخل الاستاذ اني اتفاجائت،..
هذا شجابه لهنا من محافطه لمحافظه…
اعرفكم بنفسي اسمي عدنان عمري 33 سنه
استاذ ماده اسلاميه بالمعهد جنت رافض فكره
الزواج جنت اريد بنيه مواصفات وتختلف عن كل بنات…
مواصفاتي بشرتي سمره وعيوني سود كبار ولحيه
خفيفه محدده سعري اسود وجسمي ضخم وطويل
كاعد ويه امي وابويه بالبيت ابويه موظف متقاعد
هم جان معلم…
اني الجبير عندي اخ اصغر مني متزوج عنده ولد وعايش…
بالخارج واخت متزوجه محافظات اصغر مني
وعدهه 3 بنات 2 ولد 1…
الى ان اجه يوم دخلت لصف ادرس شد انتباهي
بنيه مثل الملاك وعيونها الملونه وهدوئها عبالك
لؤلؤه كاعده بوسط البنات بقيت طول المحاضره
اباوع عليها الى ان خلصت المحاضره وطلعت
رجعت للبيت بقت هالبنيه صورتها بالي مافاركتني
ومرت الايام واني ادرسهم وجنت اراقبها اشوفها
هادئه ودائما تكعد وحدهه بالحديقه حاولت اعرف
عنها اكثر سالت طالبات بصوره غير مباشره حته لا
اسبب احراج للبنيه ويكولون هادئه ومنطويه وتكعد
بالحديقه ترسم لو تكتب شعر ومرت الايام…
وانعجبت بيها وباخلاقها تختلف عن البنات وفد يوم
شفتها واكفه يم البنات صحت عليها…
سراب… نعم استاذ ممكن اسالج سوال اتفضل
استاذ… انتي مرتبطه لا…
سراب… استاذ عدنان كلش حباب ويتشاقه ويه
البنات وخلوق وفد يوم جنت واكفه بالحديقه
صاح عليه انحرجت ورحت نعم استاذ
سالني سوال بصراحه تفاجات منه…
كلي انتي مرتبطه لا… جاوبته استاذ اني متزوجه
هو اعتذر مني وراح ..
عدنان… من سالتها وجاوبت متزوجه انصدمت
واعتذرت منها ورحت… بعدها مشفتها ولا داومت
بالمعهد…
سراب طلعت… من المعهد وشفت ياسر وصار الي صار… بيومها…
عدنان بعد ذاك اليوم اختفت ماداومت…
وبيوم دخلت لاداره شفت رجال كاعد يحجي اني
اريد اسلم اسئله الامتحان للمديرة سمعته يكول اريد
اجازه مرضيه لطالبه سراب صالح ..اني تفاجائت
وانقهرت عليها كلش واخذ الاجازه وراح ..
ومرت الايام شفت عمتها تحجي وتبجي عليها
واكفه ويه البنات بالحديقه سلمت عليها…
هااا خير اني استاذها ..شتردون اني جاهز
كالتلي عمتها سراب بدت تداوم بمدرسه بيت جدها
بالانبار وخاف تروح عليها سنه ..
وتريد احد الاساتذه يحضر درسها علمود التطبيق
وهاي سياره موجوده ومستعده اوصلكم وارجعكم
عدنان لحظه… .رحت دكيت الباب ع المديره وفتت
حتى اخذ منها اذن واجازه… وافقت ..
وصعدت وياهه بالسياره وطول الطريق تحجي
وتبجي ع سراب انو هي يتيمة وزوجت وطلكت
وهي بعدهه طفله من سمعت كل هالكلام
ياربي ليش هيج هالبنيه ماعدهه حظ خطيه ..
وصلنه للمدرسه وهي مقبلت تدخل وكالت سراب
رافضه تشوف اي واحد من اهل ابوهه عبالها احنه
سبب وفاه حجيه نعيمة…
عدنان نزلت من السياره…
واني جنت مشتاق لشوفتها لعيونها ودخلت لاداره
وسلمت وكتلها اني الاستاذ المشرف ع سراب…
ورحبت بيه مديره ست سميره وحمدتلي باخلاق
سراب كلش فرحت راحت نادت ع سراب ..
ورحت ودخلت لدرسها فرحت من شفتها بس
انصدمت بشكلها جانت كلش ضعفانه ومتغيره وتعبانه والاسود مكبرها وشكلها حزينه حقها
الله يساعدها من جهة طلاقها ومن جهة خسرت
حجية مربيتها وطفلها الله يكون بعونها الي صار
مو شويه ..
من دخلت اتفاجائت سلمت ورحبت بيه كعدت اخر
رحله استمع الها وشفت حبها لاطفال وشلون تشرحلهم وطريقه الالقاء بحيث جان درس
مميز وكامل من كلشي كملت وطلعنا اني وياهه
الاداره وهي مدنكه وساكته المديره تركتنه وطلعت
وكعدت اني وياهه جنت اتمنى احضنها واكوللها
مشتاقلج بس ضغطت ع اعصابي وكتلها لازم نشوفج
بالمعهد ...
سراب جنت ادرس…
معهد بالانبار ومن زوجت ياسر نقلت بغداد وجان
استاذ عدنان يدرسنه وبعد وفاه حجيه نعيمه
وطلاقي رجعت اداوم بالانبار…
استاذ عدنان… استاذي بالمعهد…سراب… معقوله
علمود يحظر درسي معقوله وجاي كل هالمسافه
سلم ودخل واني رديت السلام… ابتسم
وراح كعد اخر رحله واني انطيت درسي بكل ثقه
وقوة وطلاب ساعدوني وابد مفشلوني الى ان
خلص الدرس… ودك الجرس… كام واجه
واتشكر مني وطلعنه اني وياه وامشي ومدنكه
والف فكره اجت براسي… وفتنا لاداره ومدحني
كدام المديرة وباخلاقي وادائي لدرس…
المديرة ..ست سميره .. كالت اعوفكم وحدكم حتى
تتناقشون…
سراب اني خجلت كلش ودمعت عيني كعدت
واجه كعد مقابيلي…
استاذ عدنان… البقية بحياتج وخاتمة الاحزان
سراب . .حياتك الباقيه استاذ .. اشكرك
لازم تصيرين قويه وتكملين دراستج بمعهدنا
حاولي ترجعين للمعهد ..
ان شاء الله… استاذ .. ومناك انطيج درجة تقيمج
كام كال يالله وسلم وطلع
باوعلي وكلي لا تقطعين بينه ترى تعودنه ع وجودج
سراب… اني متت خجل ومعرفت شجاوبه
سكتت ..طلع ..
ومن خلص دوامي بالمدرسه رجعت للبيت
وطبعا كل يوم من ارجع مالكه اكل مرت خالي متخليلي … .
اغسل وابدل واروح للمطبخ واسوي اي شي واكل
ودائما مرت خالي سلوى تسمعني كلام ع ان البيت
مال ورثة ولازم ينباع وانتي كل شي ماعندج هنا وامي ماتت قبل حجية نعيمة…
صار عمه اتحمليني بس هاليومين وارجع…
سلوئ… اي عيني وين ترجعين لبيت عمج للعز
والدلال ترئ انتي هسه مطلقه صرتي وميصير
ترجعين…
سراب… اي اعرف اني مطلقه صرت شنو ذنبي
اذا صرت مطلقه قابل كفرت…
كعدت بالكاع ابجي واحجي ع ياسر هو سبب
دمار حياتي الله لا ينطيك ...واني ابجي واحجي ..
سراب… .
بهالاثناء فاتت خالتي حميده وسمعت كل حجي
مرت خالي سلوئ… كامت ترزل بيها وهي انهزمت
خالتي حميده متزوجه بغداد صارلها 10 سنوات
ماصار عدهه اطفال ومنعرف من منو السبب
لان جانت متقبل اي احد يفتح وياهه الموضوع
حته من جانت حجية نعيمة الله يرحمها تفتح
وياهه الموضوع متقبل وتكول اذا تريديني ابقى
سدي الموضوع…
ثاني يوم حظرت ملابسي ورحت اخذت الانفكاك
من المدرسه ودعت الطلاب واني ابجي وهما
ثاني يوم حظرت ملابسي ورحت اخذت الانفكاك
من المدرسه ودعت الطلاب واني ابجي وهما
يبجون ع فراقي واحسهم قطعه مني صاروا
تعودت عليهم خلال 40 يوم… ورحت سلمت ع
المديرة ست سميرة والمعلمات طلعت
خالتي جانت برا تنتظرني بالسياره سافرنا لبغداد
اني وياهه وصلنه للبيت…
جان بيت طابقين جبير وبي من كدام حديقه حلوه
دخلنه شفت زوج خالتي حميده قاسم سلم عليه
فرح بجيتي ورحب بيه خطيه…
اني جنت تعبانه من لسفر ونعسانه…
