رواية كان اخي الفصل الرابع بقلم مجهول
جر ايدي قوي ووسحبني للسيارة
ملك:وخر ايدك كلت ماروح خما كوة
هيثم:اسكتي ماريد اسمع ولا كلمه
ملك:عوف ايدي دتوجعني
هيثم:اي احسن توجعج حتى بعد كم اكلج شي تسوينو
صعدني غصبا عني بالسيارة من كدام وصعد هبه هم من كدام وسد الباب
هيثم:هاي اثنينجن صعدتن من كدام وماريد اسمع حسجن
ضليت كل الطريق ساكته وضايجه
هديل:شكد طيبه المكان الي ورى جبيير وبراحتي اكعد حتى اتمدد هم عادي
هيثم:اي احسلج احسن من بعض ناس ميعجبهم شي ههه
راح داخل المدينه وبقه يفررنه والجو عصر والشمس طالعه بعد ماجنت تمطر والشوارع مغسوله الجو حيل حلو
نزلنه يم كافتريا وكعدنه بيها
هيثم:شنو تشربن
هبه :كهوة
ملك:نسكافي
هديل: هم نسكافي
شربته وطلعنه واخذنه على محل مال ملابس ومكياج وعطورات كلش راقي
هيثم:اشترن اليعجبجن بس على كيفجن بيه ههه
فتنه بس نباوع مانعرف شنو نشتري شي احله من شي
هديل:شنو رايج اخذ هذا الفستان حيل عحبني
ملك:اي حلو بس شوفي اكو لون احمر الاحمر احله
اني لفت نضري حذاء عالي مثل البوت بس مفتوح لونه وردي فاتح اخذته واخذت حمرة واساس للوجه ومسكارا
وهبه اخذت تراك للبيت ومكياج وعطر
خلصنه ورجعنه للبيت والدنيا تقريبا صارت ليل تلكتنه عمه سميه
سميه:ها شو تأخرتو
هديل:اي لان راحنه للسوك واشترينه
سميه:لو ادري تروحون للسوك جان جيت وياكم
هديل:اي والله بي انتي ماكلتي
سميه:المهم....ابوج دز خبر للجماعه وكاللهم موافقين
هديل:كولي والله
سميه:وجع قابل كاعد اجذب عليج...واحتمال يجون اليوم باليل
هديل:يمااااه خل احضر نفسي
فرحت هديل حيل من سمعت ابوها موافق حيل افرح من اشوفها فرحانه ومتحمسه للخطوبه والزوج انشالله الله يسعدها
سوينه عشه وتعشينه وخلصنه شغل واجو الجماعه
هديل: ملللك هبه تعالن
ملك:ها شبيج
هديل: امي تكول الولد لازم يشوفح اليوم حتى نكطع مهرمحتارة شنو البس.
ملك:انتي مواشتريتي فستان اليوم حيل حلو البسي
هديل"تصدكين ولاجه على بالي
هبه:لان بالج مو وياج
راحت هديل لبست الفستان وخلت مكياج وساعدناها باختيار الوان المكياج والاكسسوارت وهالسوالف.فاتت للغرفه بعدين الولد هم فات للغرفه بقو تقريبا نص ساعه
واني وهبه ننتضرهه تطلع حتى تحجيلنه
طلعت هديل من الغرفه وكبل استلمناها
ملك:ها احجي شصار
هديل:ولج كلبي راح يكع
ملك:خير سلامتج
هديل:لوشايفه شون ولد حلو ومرتب اخذ عقلي
هبه:يمه راح تنجنين على كيفج لاتغرج المضاهر اهمشي طبعو
هديل:اجه كعد وكل الوقت يباوع عليه بعدين كام يحجي ويه اختو بصوت ناصي.جان تجي علي اختو وكالتلي:يكول ماشالله عليج تخبلين
ملك:اي طبعا ليش يكدر يكول غير هيج
هبه:وشتفقتو
هديل:امو كالت اول شي انسوي من بعد كطع المهر نمسك عقد بعدين الخطوبه
كطعو مهر وسوو فحص دوم ومسكو عقد وقررو يوم الخطوبه الاربعاء...يعني بعد باجر
هديل: باجر لازم اروح للصولون حتى احجز للفستان والتسريحه والمكياج وكل شي..بس اريد يجي هيثم حتى يوصلنه
هبه:اي واني هم اريد احجز فستان
اجه هيثم
سميه:همزين جيت لاتروح بعيد هيثم حتى توصلنه للصالون
هيثم:يله تحضرن عالسريع لان باليل عندي شغل
تحضرن هديل وهبه تايروحن
هديل:وانتي عليش باقيه هين امشي ويانا احجزي هم
ملك:امممم ....يله ليش لا
هبه وهديل وعمه سميه طلعت للسيارة
تحضرت عالسريع ولحكتهن
هيثم: انتي هم تجين
ملك:اي ليش بيها شي
هيثم:لامابيها شي اصعدي
رحته ووصلنه للصالون
هيثم:ساعه واجي الكيجن مكملات
سميه :انشالله
..بقينه نباوع عالفساتين.هديل اختارت واحد رماني حيل حلو وهبه اختارت وردي واني اختاريت شفقي بسيط بس كلش نازك وحلو باللبس
هديل بقت تحجي ويه ام الصالون على طريقه التسريحه والمكياج وشنو تسويلها وهبه هم حجزت للمكياج والتسريحه بس شي خفيف
اجه هيثم ورى ساعه بس حسيته ماله خلك
هيثم:يله خلصتن
سميه:اي ابني خلصنه
هيثم:يله امشن
رجعنه للبيت وكالعادة شغل ومدري شنو ومن يجي الليل هديل تضل تحجي مع خطيبها بالموبايل.اجه ثاني يوم وكعدنه نضفنه البيت كلو وعمه سميه عزمت الجيران والاقارب واجن خوات واخوان عميه سميه وبناتهم وولدهم البيت امتله وصار هوسه حضرنا الاستقبال للخطوبه لان باجر الخطوبه.سوينه عشه الهم خلصو وكمت اغسل المواعين اني والبنات كلنه كمنه نغسل .كاعد نغسل المواعين بالمطبخ اجه اركان يصير ابن اخت عمه سميه عمرو 17سنه الولد بس يضحك ويشاقي ويحشش ويه الكل حيل حباب وخوش ولد
اركان: وين القداحه اريد اعلك الجكارا
ملك:بالجرار
اركان:حييييل هاي شكثرجن شوكت تزوجن .يعني بس وحدة منجن تنخطب هيج تلتمن كلجن ماتصدكن على الله تشتمن ريحه زواج كمنه نضحك من كال هيج
هبه:ليش لازم ضالين على كلبك
كاعد نسولف ونضحك فات هيثم
معرف على شنو كالي ماسمعتو من الهوسه
هيثم: ملللللك
ملك:هااا
هيثم:شبيج موداحجي وياج
ملك:والله ماسمعتك
هيثم:لان فاتحه حلكج وبالج مووياج....
