رواية سيرة القدر الفصل الرابع بقلم فجر المساري
ياسر… عمري 28 سنة ماحب الدراسة رسبت
بالسادس الاعدادي اكثر من مره وتركتهه حالتنه
كلش زينه الماديه عندي 2 اخوه اصغر مني واخوات
2 وابويه مهندس…
جنت ملتهي بالحفلات والبنات ونوادي ويه اصدقائي وكل ابنية اشوفهاا تعجبني اخذهه
مااحب الالتزام وكل شهر او شهرين اغير موديل
سيارتي واحب اسوي علاقات حياتي عباره
عن طلعات ونسه ويه اصدقائي…
فد يوم ابويه صاحني وكلي راح اخطبلك بنت
عمك صالح سراب اني تخبلت وتعاركت وياه
وكتلهم ماريدهه واذا ازوجها اعوفها واحركم حرك
ابويه ضربني وطردني من البيت وبتت يم صديقي
عباس وبقيت اسبوع ماحجي ويه ابويه
قطع عني المصروف واخذ مني السياره…
وكلي شوف لبنيه
ياسر… وافقت اشوفهه بيت جدي،…
ياسر… .رحنه اني وامي وابويه…
فاتحوهم بالموضوع وافقوا… صاحوهه
اجتي شفتها جانت عبالك ملاك من السما
هدوء وجمال ورقه،… وافقت،..وجان جمال عيونها
الملونة يسحر اي رجال…
وبيوم الحنة…
ياسر… دخلت حنيتها حاولت اتقرب منها متحملت
هالجمال الكاعد يمي شفت برودهه وماكو اي
مشاعر او مبادرة منهه…
واني من اشارة وحدة مني يريدون البنات
طلبت نطلع اني وياهه نتعشه بالمطعم وافقوا
وكلت لازم احرك قلبها… طلعنه…
واشوفها تبيع ثكل عليه لو حالها مثل بقية البنات
واكيد ماراح ترفضني واخذتهه لشقه صعدتها بالكوه وهي تبجي وتصيح شفتها كامت تتوسل
وترجف حاولت اتقرب منها مكدرت عيونها البريئة
وتوسلها وبجيها ضعفت كدامها…
معقوله اني ياسر اضعف كدامها ضربتها ورجعتها
للبيت ..
وثاني يوم الزفه…
رحت اخذتها من الصالون هي والبنات طالعه تخبل
رحنه اخذنه كم صوره ورحنه للقاعه وخلصت حفله
وصلونه للفندق…
حاولت اذيها واهينها بس متحملت معقوله هيج
اتصرف اني الي يشوفني شلون جنت اسوي بالبنات
والعب باعصابهم ..بس هي حبيتها…
جنت اشوفها طفله بين ايدية ومشت حياتنه
وعفت كل سوالفي وخرابيطي وعفت الماضي
وسوالف البنات والعلاقات الى ان رادت تداوم بالمعهد ومن خوفي عليها شرطت شرط ..
اني اوصلها وارجعها… . وهي وافقت لان هي من غير محافظه ..
دوامها من زوجنه نقلت لبغداد
وخفت عليها من بنات بغداد من احترامي البعض
وليس الكل…
لان بنات بغداد عدهم جرئ
..واخاف عليها من…
بنات سوء وكمت اوصلها ..وارجعها ..للمعهد،..
بس الشيطان لعب بعقلي…
وصدفه شفت طالبة صعدت بسيارتي وين صاعده
هااا شسوين ومنو انتي انزلي من السياره
اني مروه ويه سراب بنفس الصف اجيت اشوفك
صور لزوجتك ويه الاساتذه شوف شون مااخذه
راحتها ضحك وسوالف ..
شفت صور ماخذتها لسراب هيه والاساتذه بالموبايل
شوفتهن الي…
ياسر… واذا عادي هي طالبه وهمه اساتذه…
جرت تلفوني بكل صلافه وسجلت رقهمه واخذت
رقمي ودكت عليه من تلفونها ..
وصارت كل يوم تخابرني مروة وصارت بيناتنه
علاقه حته للشقه جنت اخذهه نكعد نسولف وضحك
واتقربت مني وانو هي تحبني ..
الى ان اجه يوم الاسود…
وكل هالفتره سراب متعرف بعلاقتي ب مروة الى فد
يوم اجتي وشافتني اني ومروة وجنه كلش
مندمجين وناسين نفسنا … دكت الجامه وتصيح
رجعتها للبيت وتعاركنه وضربتها وموتتها من
الكتل من شفتها تنزف اخذتها للمستشفى خفت
لا تموت وابتلي رجعت للبيت صعدت لغرفتي
طلعت جنطه وخليت كل ملابسي وعطوري ولفلوس
بدون وعي وشفت علبه الذهب مالتها وكلاده
بيها صوره ابوهه وامهه اخذت كل شي وجوازات
ومستمسكات وطلعت بوجهي لبيت مروة وخطبتها
من امهه وهما مصدكوا وافقوا بسرعه
عايشة بس هي وامهه امها منفصله عن ابوهه
ومن شافوا لفلوس والذهب…
وبنفس اليوم عقدنه سيد وثاني يوم محكمه
قفلت تلفوني… واخذتها للشقه بس مروة شرطت
عليه شرط قبل لا اعقد عليها اطلك سراب واني
مثل الغبي نفذت كلامها ..
رحت ثاني يوم للمحكمة وطلكت سراب دزيت
ورقه الطلاك … عقدنه اني ومروة بالمحكمة
بس اني وياهه وامها واثنين شهود من المحكمه
طلعنه بدون عرس واخذتها للشقة مالتي بقينه
اسبوعين بالشقه…
مروة… ياسر شوف لو تخليني يم اهلك لو كل
واحد يروح بطريقه بعد هالوضعيه ماتحملها
ياسر… ماعرف شنو رده فعل اهلي همه ميعرفون
اتزوجت مروة… وكلت كافي يتحكمون بحياتي
واخذتها ورحنه للبيت ..
ياسر.. مروه طلبت مني تسكن ويه اهلي لو بعد
متريد تبقى وياي…
اخذتها ورحت للبيت وصلنه نزلنه للبيت جنت
ماعرف رده فعلهم دكيت الباب طلع اخويه حسام
دخلت جوه…
ياسر ..حسام وين ابويه وامي ..حجية نعيمة اتوفت
وراحوا للفاتحه اليوم الثاني ...شخبار سراب
مروه ليش انت تسئل عنها مو طلكتها وعفتها بعد
شكووو لو حنيت الها…
عبير… ياسر انساها انت خسرتها
ياسر ..بعد كل الي
سويته بيها وصرت بنظرها مجرم وقاتل موتت
طفلنه وسرقت لفلوس ولذهب اسال عليها
مو اني الي دمرتها… صعدت لغرفتي فتحت الباب
ودخلت وكل ركن بالغرفه يذكرني بيها وعطورها
ع الميز والغرفه مثل ماهي ..فاتت مروة وراحت
غسلت ..اني اتمددت شويه وافكر شلون قبل
حياتي وهسه…
مروة… حبيبي اجتي يمي ..
شفتها لابسه من ملابس نوم مالات سراب تريد
تخبلني حطيتها وكتلتها موتتها من الكتل
اياج بعد اتلبسين من اغراض سراب فاهمه…
سمعت صوت جوه..
شوفي مروة اني راح انزل يمكن اهلي اجوي اصعد
الكاج مغيره ملابسج لا تشوفين شي ميعجبج ..
عفتها وطلعت .. نزلت جوه لكيت ابويه وامي
جايين وحسام يمهم مبين كايللهم…
شافني ابويه دك رزايل بيه .يحجي عليه وع مروة
وصارت مشكله من سمعوا بيه مزوج مروة ميدرون
بزواجي منها والحجي قطع مصروف عليه
ورافض مروة بالبيت بقينه بالغرفه فوك هالايام
لما يهدء الوضع كم يوم… ومروة متشبع فلوس
وع كل شي مسويه مشكله…
مروة ..بسيطه اني اعلمكم كمت انزل اتريك
واعوف لمواعين ع عبير وفضه… ومن يحجون
مااسكتلهم ... حسام… رجعت من دوام واسمع
مرت ياسر تلاسن امي،وهاي مو اول مره اسمعها
بس احتراما لاخويه سكتت بس تكررت اكثر من
مره… وحجيت عليها وهي راحت لياسر كالعاده
بدموع التماسيح تشتكي من عدنه وهي الغلطانه
حسام .. شوفي مروة اذا ياسر ميحجي وياج
اني تره اشوف شغلي وياج امي خط احمر وتحترميها سامعه…
مروة .. واذا ماحترمتها شراح تسوي ماسوي شي
ايدي تشتغل عليج… تضربني… حسام واكسر راسج
اذا ميعجبج .ولي .. بسيطه .. ولي ..
لا يمه حسام هاي مرت اخوك لا يمه الي ماتحترمج
مالها مكان هنا .. بالبيت…
وزادت المشاكل بين مروة واخوتي وهي تصعد
تضحك…
وبدا دوام بالمعهد كلت بلكي اشوف سراب
اوووووف جنت وين وصرت وين ..
دفرت النعمة بيدي جنت مرتاح وعايش بدلال
والجحي مغركني فلوس والبيت كلهم يحبوني
وضحك وسوالف وهسه محد يحجي وياي
عبالك مثل الوباء محد يتقرب مني…
تذكرت ايامي ويه سراب واشتهيت لاكلها
خسرتها بيدي وخسرت نفسي وياهه…
واحس لعنه سراب مشت ع بيتنه وحياتنا
صارت جحيم بيوم وليله… قررت اسافر لاردن
وابتعد واشتغل ..ابوية مقاطعني من طلكت سراب
لليوم مايحجي وياي ابد…
وتزوجت مروة وهو ميحجي وياي… وامي اشوفها
مقهوره عليه وترزلني ..كمت اطلع اشتغل بالسيارة
اجرة حته اطلع مصروفي بعد مقطعه الحجي،
حته اجيبلي كم فلس واسد حلك مروة…
كرهتها وكرهت نفسي وياها واكره انام وياهه لان
حسيت نفسي حيوان دمرت حيات طفله باول
شبابها… جنت افوت لغرفه اختي عبير اتعمد
حتى اسمع او اعرف اخبار سراب بس جانت
تحجي عليه عبير وتكلي عوفها انت متستاهلها
دمرت حياتها…
ومرت الايام وجنت بس اريد اشوفها…
سراب ...فزيت من الحلم اصيح والكل اجوي ع صياحي غسلوا وجهي وشربوني مي…
سراب… خالتي شبيج يمه اسم الله عليج
سراب حضنتها وكمت ابجي خاله شفت بالحلم امي
وابويه وحجية نعيمة وطفله بحضنها بعيدين عني
ويضحكون ..ياريت اروح يمهم وارتاح…
مرت سبعه ايام ع وفاه حجية نعيمة والفاتحه
خلصت واني دمعتي منشفت ابد ..
والناس بدت تقل وبيت عمي عادل ابو ياسر
رجعوا لبيتهم سلموا عليه جانوا كلش خجلانين
مني ومن الي سوا بيه ياسر…
اني صرت مطلقة وميصير بعد،ارجع وياهم
خلصت اجازتي وخالتي حميده حصلتلي ع تطبيق
بمدرسة قريبة ع بيت جدي…
طبعا بوقتها فتره تطبيق بدت…
كمت اروح وارجع ع كد الدوام لمده 40 يوم مده
التطبيق مالتي من ارجع حابسه نفسي
بالغرفه ومااحجي ويه احد ولاعندي اتصال باحد
انقطعت عن الناس والعالم وحتى تليفوني سديته
مرت عمي تسمعني كلام صابره وساكته وين اروح
