رواية فصلية بديلة الفصل السادس 6 بقلم ام ملكوت

سماء_

بعد يلي صار فتحت عيوني وصدع براسي ضوه ابيض اباوع اشوف بيبي وخوالي بالغرفه 

لاحضو علي كعدت وصاحو الدكتور واجه يفحص بيه ويسالني اذا تاذيني رجلي او لا..

دكتور خالد: بنتي تحسين بشي رجلج تاذيج

سماء: لا دكتور مامتاذايه ..بس دكتور رجلي 

خالد: شبيهه كولي..

خالد:زين حاولي تحركيهه

سماء: ماكدر احاول بس ماحس بيهه

خالد: زين رجلج الثانيه حركيهه بله

سماء_

حاولت وكدرت احرك رجلي السليمه بس المتصاوبه ابد ماتحركت ولا رمشت..

دكتور احس برجلي الثانيه بس هاي ماحس بيهه ليش دكتور

خالد: لحضه صبريلي شويه..راح اضربهه بالمطرقه البلاستك اذا نترت معناهه مابيهه شي شلل مؤقت واذا مانترت معناهه وللاسف شلل نصفي..

سماء: بجي...لاااا دكتور شنو شلل فدوه سويلهه حل ماريد انشل دكتور .

خالد: يله اهدي هسه خلي اشوف لا تخافين

ابو رائد: مشكور دكتور ممنونين

خالد: ابو رائد ممكن تجي وياي لحضه..

ابو رائد: امر دكتور 

خالد: مايامر عليك ضالم بس بنتكم احد مصوبهه بسلاح ولازم تقدمون بلاغ او تشتكون 

حتى لا تطيح براسكم وتلتف التهمه عليكم خويه

ابو رائد: اي انشالله دكتور مشكور رحم الله والديك..

سماء: بقيت متمدده بس حسيت بحرقه والم بعظم الحوض كلش تاذيت مادري ليش مع ان الاصابه بفخذي 

بس حوضي فجاتا اذاني كلت لخالي واجت الممرضه كالت هذا شي طبيعي 

رائد: ماعرف شكلج طلعوهه من العمليات ووره ساعتين كعدت بس ماتحس برجلهه كال الدكتور يمكن..

رسل: يمكن شنو 

رائد: كال احتمال يصير بيهه شلل مؤقت ..

رسل: يااا فلك طرني انشالله وراح تبقى هيج

رائد: اي لوقت مؤقت مو للابد تبقى الحمدلله

رسل: وهسه وينهه كاعده لو نايمه

رائد: لا بس كعدت كامت تون من الوجع انطوهه مسكن ورجعت نامت وكال الدكتور اسبوع ياله نكدر نطلعهه..

رسل: يله الحمدلله اهم شي ماراحت بيهه يمعود ..

مريم: اي الحمدلله ..بس شنو

رسل: رجلهه صار بيهه شلل مؤقت يعني مو دائمي فتره وترجع تمشي عليهه

مريم: يمه سوده علي ولج سماء بيه ولا بيج يروحي انتي سوده بوجهي صخام الصخمني

3 تع

رشا: شنو شنو شبيهه سماء بس لا صار بيهه شي احجو..

رسل: لا خيه مابيهه شي بس صار بيهه شلل مؤقت برجلهه التصوبت بيهه ومع الوقت ترجع تمشي على رجلهه عادي

رشا: بهستيريه..يمه يمه سميه ولج سميه الله لا ينطي السوه بيج هيج عسى ايده تنكسر الصوبج ولج خيه اريد اروحلهه اريد اشوفهه قلبي راح يطك عليهه خيه

رسل: خيه وين نروح منو ياخذنه مايقبلون كالو محد تطلع من البيت وكلنه ننام هنا اليوم محد ترجع لبيتهه 

مريم_

دخلنه للبيت وكلنه فرشنه فراش بالصاله على طولهه ونمنه نص نامت من التعب ونص بقت تفكر

ونص مسويه روحهه نايمه وتبجي بسكته واني كلهن ..بعيني النومه والدمعه وافكر بسماء ووضعهه وشنو ذنبهه هيه وصار هيج بيهه..

لحدما نمت كعدنه على صوت الباب يندك حيل كلهه فزت من مكانهه ووحده ختلت وره الثانيه من الخوف طلع اخوي بسلاحه وصاح منو بالباب..

#بيت اهل سماء//قبل يوم...

ام سماء_

كعدت كالعاده الصبح سبحت وصليت وسويت ريوك ورحت نضفت البيت منا لصار وقت الغده وعلكت الجدوره عل نار

ابو سماء: خير شنو شبيهه 

ام سماء: مادري احس بنيتي بيهه شي فدوه اروحلك قلبي مشتعل نار عليهه فدوه خابر واحد من اهلي خلي يطمني عليهه..

اتصل ابو سماء على ابوي مارد واتصل على خواني واحد واحد هم ماردو زاد قلقنه وخوفنه عليهه..

رحت اخذت نقالي واتصلت على نسوان اخوتي ماكو محد تجاوب انهد حيلي كلت ..

_سماء واهلي صاير بيهم شي مستحيل احساسي يكذب ..

ابو سماء: صلي على محمد يامره خلي شويه واتصل عليهم بلكي واحد يرد يجاوب..

ام سماء: فدوه ابقه اتصل بيهم فدوه بنتي بيهه شي روحي تحس بيهه فدوه ضل اتصل عليهم..

بقه ابو سماء يتصل عليهم الى ان رد اخوي رائد..

ابو سماء: الو دخيل الله وينكم ماتردون مو حيلنه انهد 

رائد: والله خويه بالمستشفى احنه ونقالاتنه مو يمنه 

ابو سماء: شني شكو شصاير

رائد: خويه بس اهده ولا تخاف ..بتكم سماء تصاوبت برجلهه وجبناهه للمستشفى

ام سماء: يمه بتي يمه ولك خويه منو صوبهه ولك هاي عفتهه امانه عدكم خويه ليش صار بيهه هيج وين بنتي اريد احاجيهه وينهه

رائد: خويه والله مو بيدنه صارت مشكله قبل ٥ ايام بس ماحجينه بيهه ومساع اجو رمو على بيتنه

واجت بيهه طلقه تايهه وهسه هيه توه طلعت من العمليات بعدهه ماكاعدهه كال الدكتور مابيهه شي انشالله 

ابو سماء: يامره اصبري منا لباجر مادامه كال طلعت سليمه من العمليات معناهه مابيهه شي

اكسري الشر وكعدي بيتج وستري على جهالج لا يصير بيهم شي همه نوب..

ام سماء_

بقيت كاعده والوب يمته يجي باجر واحس روحي محتركه على بنيتي كمت توضيت وصليت

وبقيت كاعده اسبح وادعي ربي يكومهه بسلامه ويحميهه لحدما صار الليل واني على كعدتي عل سجاده..

ابو سماء: يامره مايصير هيج من الضهر على هاي كعدتج كومي نامي باجر وراج ركضه وتعب وطريق تردين تطيحين علينه

ام سماء: خابر رائد فدوه خلي يكللنه شلوم صارت اريد اسمع صوتهه..

اجه كعد ابو سماء يمي واتصل على رائد وطمنه عليهه وكال كاعده ومابيهه شي خليته ينطيهه النقال اخابرهه وسمعت صوتهه..

سماء: بجي..الو يمه

ام سماء: يروح امج انتي يقلبي ينفس ريتي شلونج يبعد امج بشنو حاسه كليلي..

سماء: يمه الحمدلله كلما اتاذى يخلولي مسكن لا تخافين علي..

(طبعا ماخليت بيت جدي يحجون لاهلي عن شلل رجلب المؤقت ردتهم من يجون ياله اكلهم خفت على امي تتخربط اذا سمعت بهذا الشي اذا كتلهه وهيه يمي وتشوفني بخير عل اقل مايصير بيهه شي )

ام سماء: هيج يمه تسوين ييه هيج تخوفيني وتحركين روحي عليج يمه

سماء: مو بيدي يمه ماعرف راح يصير بيه هيج ماتوقعت بيوم ممكن يصير ييه هيج شي ..سامحيني يمه لان خوفتج علي

ام سماء: لا يمه مسامحه بس ديربالج على روحج وحسبي حسابج ماخليج ترحين لبيت جدج لوحدج بعد فاهمه ..

سماء: ههه حاضر يمه يله روحي نامي ارتاحي حتى باجر راح اتعبج وياي قصص ماي هوبس 

ام سماء: روحي الج بنيتي يله انتي هم روحي نامي ارتاحي ماشي ..

سماء: انشالله يمه تصبحين على خير

ام سماء: اجمعين يمه

ابو سماء: ها هسه ارتاحيتي يله كومي خلي ننام مرمرتي قلبي

ابو سماء: اي يله امشي..

الفصل السابع من هنا