رواية فصلية بديلة الفصل السابع 7 بقلم ام ملكوت

ام سماء_

رحت تمددت بالفراش وبقيت اتكلب للفجر ياله كدرت اغفالي ساعتين فزيت ب٦ 

وكعدت ابو سماء وكوه ياله خلانه نروح بهيج وقت بدلت للجهال واخذتلهم ملابس هواي لان راح نبقى اسبوع هناك 

لحدما يطلعون سماء من المستشفى خلينه وركبنه السياره ورحنه لميسان دكينه الباب مره مرتين مافتحو دكيناه حيل ياله صاح اخوي..

نواف: منووو..

ابو سماء: انه ابو سماء خويه افتح الباب

ام سماء: شلونك خويه ..سلمنه على اخوي ودخلت للبيت سلمت عل نسوان وبقيت حاضنه مريم ورشا ويبجن وابجي وياهم على سماء..

رسل: خيه مو زين البجي لا تفاولن عل بنيه الحمدلله كعدت وسولفت المفروض تهلهلن هسه مو تبجن..

ام سماء: من قهري خيه من قهري مو هينه علي بنتي تمصاب وتنطرح بالمستشفى هيج..

رسل: ادري بيج خيه بعد شنسوي هذا المكتوب يصيرلهه يله فوتي غسلي وجهج وارتاحي حتى ترحين تشوفينهه تلكينهه مشتاقلج..

ام سماء: لا بس اغسل وجهي واروح ماريد ارتاح ..ابو سماء فدوه اخذني الهه هسه ..

ابو سماء: يامره خل نشرب ماي عل اقل ماطايره..

ام سماء_

فوك ضيمي ويه هذا الرجال لمن اشوفه بارد اتجاه بناته ومايهمه امرهن ماطيقه اصير ...

باقي ملتهي بحياته وبولده وانه وبناتي لو نموت كدامه مايرفله جفن ومستعد يزوج بيوم فاتحتنه...

4 تع

ابو سماء: يله امشي نروح

ام سماء_

خلينه وصعدنه للسياره وطرنه للمستشفى يلي بيهه سماء دخلنه وسالنه على غرفتهه ورحنالهه

دخلت للغرفه وشفتهه منتضرتني اجيت اركض عليهه حضنتهه وبقيت اشم بيهه ..

_ولج يمه ..ولج يمه اشتاقيتلج ولج سماي هيج تسوين بامج يا يمه

سماء: يمه اني بعد اشتاقيتلج موت شلونج انتي شلون اخواني وخواتي

ام سماء: هيه هاذي رجلج مو..اشو لمست مكان الاصابه واشوف سماء لا كالت اخ ولا حسيتهه تاذت ..

_يمه سماء كاعد تاذيج رجلج

سماء: لا يمه ماحس بيهه

ام سماء: شنو يعني

سماء: لا تخافين مابيهه شي بس شلل مؤقت ومع الوقت والرياضه ارجع امشي عليهه

ام سماء: شنووو شلل ..ماحس الا غوشت عيوني وماحسيت بروحي بعد..

سماء: يمه ولج يمه كعدي شبيج يمه جدو تعال شوف امي شبيهه..

اجه جدي نومهه على الكرسي واجن الممرضات اخذنهه للطوارئ ردت اكوم وراهه 

365_c3e81b6ef2ce16e3c164

سماء:بجي... بيبي امي راح تتمرض من وراي بيبي

بيبي: لا يمه لا تخافين مابيهه شي هسه تكعد انشالله وتجي يمج وتنامين بحضنهه لا تخافين هذا شي طبيعي مو هين السمعته..

سماء_ 

بقيت ابجي بحضن بيبي لحدما هدات ونمت بدون ماحس ..ماكعدت الا على صوت امي تنادي باسمي..

ام سماء_

بعدما سمعت الخبر انصدمت منه ماحسيت بشي بعد منا لفتحت عيني الممرضه تشيل بالكانونه ..

ممرضه: ارتاحي شويه وبعدهه تكدرين ترجعين يم بنتج ..عندج العافيه 

ام سماء:بتعب.. الله يعافيج 

بقيت شويه نايمه وابوي ورائد فوك راسي كعدو وحجولي الكلهم بي دكتور سماء 

وانهه راح تمشي خلال شهر طمنوني عليهه ورحت يمهه للغرفه بقيت كاعده منا لليل كال الدكتور كعدوهه تاكل شويه حتى تاخذ علاجهه ..اجيت وصرت اكعد بيهه..

_يمه سماء كعدي حبيبه يمه.. سماء كعدي اكليلج لكمه يمه..

سماء: بتعب...ها يمه اي كعدت..

عدلت كعدتي وبقيت بيبي تسولف لامي الصار قبل ايام واجه خالي وره نص ساعه جايب وياه علاليك اكل سفري 

همه جابلهم دجاج شوي واني سوب مال دجاج🥲 خليت وشربته واجت الممرضه انطتني المسكنات ونمت..

الشيخ: خويه علمود الكعده يمته

ابو رائد: والله ياشيخ مثل ماتعرف اهلك صوبو بنيه من عدنه واحنه حاليا بالمستشفى صارله ٣ ايام ..

الشيخ: شنوووو ولدي صوبوا بنيه من عدكم من يمته هل حجي

ابو رائد: شيخنه من هذاك اليوم من اجو رمو على بيتنه جانت بنتي بره واجتهه طايشهه برجلهه

الشيخ: لا حول ولا قوه الا بالله وهسه يخوي شلون وضعهه للبنيه

ابو رائد: الحمدلله شيخنه كعدت بس كال الدكتور صار عدهه شلل برجلهه مؤقت 

لهذا السبب ماكدر الم عشيرتي هسه بيهه مجال تنتضرني بعد ٣ ايام على مانطلعهه من المستشفى..

ابو رائد: لا شيخنه استغفرلله انت اعذرنه على الصار بس تدري محد يكدر يوكف بوجه قضاء الله وقدره

الشيخ: لا خويه اعرف اعرف ونعم بالله الحمدلله على كل حال يله خويه اخذ راحتك واحنه انشالله بعد ٤ ايام نلم العشيره عدكم..

ابو رائد: مشكور شيخ الله يجازيك خير يله مع السلامه

الشيخ: الله وياك خويه..

سديت المكالمه واني دمي فاير على شهم واخوته رحت دخلت جوه وصحت بصوت فزز حتى الميت..

_شهم ..باقر..ساجد..تعالو وينكم

شهم_

نايم وصافن على صوره وليدي واني دمي فاير على ما اخذ بثاره بس اااخ لو ما ابوي جان شربت من دمهم من زمان..

بقيت صافن ماحس الا ابو صاح بينه بصوت كلهه اسمعهه تراكضت جوه كضتني الخوفه على ابوي خليت ونزلت..

الكل: شكو شيخ شصاير

الشيخ: بصياح..ولكم ياحوينتي بيكم ولكم انه تضحكون علي انه ..اتفيي عليكم من زلم ولكم هذا قدركم

هذا التكدرون عليه زلم مشوربه تصوب بنيه بعمر الورد وتشرد ولكم انتم شنو من بشر انتم هااا..

شهم: بويه جا من صدمو ابني بالسياره وموتوه مافكروا بي مافكروا عنده اهل ..

شهم: بويه ليش سويت هيج ليش طلبت السموحه منه ليش نزلت كرامتك علمود هذول الجلا.ب بويه

الشيخ: ولك طلبت السموحه حتى لا يحجي علينه ويكول ولد الشيخ محمود هاجمو مره

حتى لا يكولون تهجمو على بيت بي نسوان واطفال يا دماغ سزز ياماتفتهم

شهم: طز بالناس والله اليفتح حلكه ويمسك بكلمه الا ارده بامه.. وانه رايح اسح جتال ابني من سابع ارض واكتله ..

الشيخ: باقر اخذوه من كدامي اخذو لا اسوي بي جريمه واصير كتال ابني..اخذوووو

باقر: خلاص بويه خلاص اهده مو زين على صحتك راح اخذه بس انت اهده..امشي شهم وياي امشييي..

شهم: عوفوني كتلهم اريد اروح اختنكت

باقر: امشي كتلك لا تخليني امد ايدي عليك هسه امشي..

شهم: كله بسببي انه السبب ابوي نزل من كرامته وطلب السموحه من الجلا.ب ذول بسببي ولك خويه انه ذليت ابوي لهيج ناس انه..

بس ماراح اسكت على مذله ابوي راح اخذ حقنه مربع وشوف..

باقر: خلاص اهده لا يصير بيك شي خلااااص..